小朋友平時返學、做功課、考試咁辛苦，周末同假期其實好期待可以同爸爸媽媽出去現吓！做父母，除了衣食住行外，仲要俾仔女參加補習班、興趣班，仲要諗周末去邊玩？MoneyHero.com.hk為大家搜集咗一啲親子平靚正好去處，等父母們荷包唔會出血之餘，仲可以同小朋友玩得開心！（2018年7月更新）
香港雖然細，但細心發掘，你會發現更多！
今次，你想與小朋友開展怎樣的大冒險？
| 期間限定活動 | 室內放電場 | 多元化綜合公園 |
| 商場活動 | 室外冒險與體驗 | 親親大自然 |
| 感受文化生活 | 博物館 | 其他活動 |
期間限定活動
【新！】ONE PIECE 水上挑戰樂園
首個海賊王水上挑戰樂園於香港登場，場內除了6米高的滑梯，還有Chopper 泡泡世界、4 米巨型路飛4 檔、角色見面會、攤位遊戲和多個打卡位！除此以外，室內仲有展覽區和Pop-Up Store，簡直係粉絲聖地！
日期： 2018年7月1日至9月2日
時間： 上午10時至下午6時
地點：香港大埔白鷺湖互動中心 – 大埔紅林路 2 號
門票格價：
海賊王 ONE PIECE Summer Park 全體驗套票 (全日) HK$288
海賊王 ONE PIECE Summer Park 陸上樂園 + 攤位遊戲劵套票(全日) HK$143
海賊王 ONE PIECE Summer Park 水上樂園(一小時) HK$158
【新！】海洋公園「動夏嘉年華」
海洋公園今個夏天的「夏水禮」設有嬉水泡泡陣，內有小型噴水裝置及泡泡池，加上水槍，可讓孩子們消暑放電。場內仲有以森巴動物為主題的「加勒比夏日巡遊」，屆時有歌舞匯演、國家級韻律泳表演、巴西傳統國技街頭表演和夜間湖畔DJ派對等，活動精彩連連！
地點：香港海洋公園
日期：2018年6月30日至9月2日
【新！】水上恐龍歷險樂園
愉景灣大白灣沙灘設置一系列大型充氣遊戲，組成「恐龍歷險樂園」，場內有「小恐龍滑水梯」、「小船長水上派對」及一系列Q版運動遊戲，仲有親子一齊玩的「滾輪水上飄」，讓大人小朋友享受炎炎夏日！
日期: 2018年7月21日至8月12日 限周末 (星期六、日)
開放時間：上午 11 時至晚上 6 時
凡於愉景廣場、愉景北商場或愉景灣酒店餐飲單一消費滿HK$120，出示即日收據正本，即可換領遊戲券乙張。
【新！】加大碼遊樂園
中環夏誌舉辦「加大碼遊樂園」，樂園一共有5個大型充氣遊戲，包括 「瘋狂扭扭擰」、「追擊的巨齡」、「一 kick 入洞」、「射波英雄傳」及「投籃高手」，亦有互動藝術裝置、燈光風車園和玩樂設施，讓大人小朋友一起同樂樂！
日期：2018年7月7日至8月26日
地點：中環海濱活動空間
室內放電場
【新！】J-Plus 全新彈跳迷宮
J-Plus 全新彈跳迷宮分為三個部分，設有大型波波池的糖果城、彩色繩網、大迷宮、兒童哥爾夫球場、模疑賽道等，讓小朋友盡情放電！詳情
地點：油塘高超道38號大本營3樓301號舖
電話：2343 5068
「彈跳迷宮」收費
星期一至五：75點(全日任玩) / 60點(17:00後任玩)
假日：120點(全日任玩) / 85點(17:00後任玩)
【新！】深水埗的森林樂園
位於深水埗的全新室內遊樂場，設有多項兒童遊樂設施，包括投影沙池、積木屋、彩色繩網、波波池、彈床、森林樂園等，活動多元化！詳情
地址：大埔道31-35號地庫全層
Whatsapp：5646 2499
石門Play Easy室內遊樂場
沙田石門新開的「Play Easy 輕鬆玩」室內兒童遊樂場，面積達12,500平方尺，場內設有多達18個多元化玩樂區，包括7大遊樂場園區及3大區域門票設施，當中除了有攀石牆、海綿池、造型小火車、釣魚池、積木區等，還有球池王國、超級彈床及創意沙池等一站式玩樂設施！
地址：沙田石門安群街1號京瑞廣場2期102A1
基本入場門票包括遊戲區1-7，追加門票適用於遊戲區（不同遊戲區有不同收費）
基本門票（一名成人+一位小童）：
星期一至四（公眾假期除外），每小時HK$80 （額外成人$45）/ 會員每小時HK$30
星期五、六、日及公眾假期，每小時$120 （額外成人$80）/ 會員每小時HK$45
查看更多詳情
多元綜合公園
好多臨海地區都設有海濱公園，俾附近居民做吓運動、舒展筋骨︰
【新！】中西區海濱長廊
中西區海濱長廊開設「海中心公園」，以兒童、藝文、休憩和露天為主題的休憩區域，一號碼頭有一個以海洋主題的兒童遊樂設施，二號碼頭木板空間有大片空間給小朋友騎腳踏車，而三號碼頭的草地則適合野餐。詳情
地址：西區副食品批發市場（鄰近西環貨物碼頭）
大埔海濱公園
大埔海濱公園最特別之處在於，公園並非大草地咁簡單，你可以放風箏、野餐、踏單車，甚至參觀回歸塔，了解香港其中一個重要時刻，而且費用全免，同大埔墟地鐵站唔遠，絕對是值得推介的親子好去處！
入場費︰免費
開放時間︰昆蟲屋（上午8時至晚上7時）、香港回歸紀念塔（上午7時至晚上7時）、公園其他設施（全日24小時）
商場活動
【新！】將軍澳商場：暑期親子體驗館
將軍澳商場設有「ぱぱぱParty玩!玩!玩!體驗館」，加入數碼科技為小朋友帶來全新的遊戲體驗，透過視覺、聽覺及觸覺來發揮想像力！首次登記成為商場會員，會獲取300積分，每300積分可以選擇遊玩《Voice Aquarium聲Sing水族館》、《Flying to the Planet 飛奔到宇宙》或《Poi Poi Painting 光彈塗漆大戰》。《Scratch It 百變魔鏡打碟機》則免費開放予公眾遊玩。於商場內消費每HK$1就可以儲1分積分。
地點：港鐵商場PopCorn一期一樓大舞台
日期：2018年7月14日至9月2日
時間：中午12時至晚上10時正
【新！】荃灣廣場：LEGO滑梯組合屋
荃灣廣場的「LEGO 我們的遊樂場」展覽設有五大互動玩樂區，小朋友可以免費體驗各種任務，仲有巨型LEGO滑梯組合屋、氹氹轉、搖搖板等，還可以玩小火車和設計賽車外型。
日期：2018年7月20日至9月2日
地點：荃灣廣場
【新！】馬鞍山新港城中心：搗蛋部落大歷險
馬鞍山新港城中心今個暑假設「搗蛋部落大歷險」，小朋友可於4米高特色圖騰柱及4.5米高獅子雕像等主題裝置旁挑戰三大主題關卡，包括繩網陣、滾珠迷陣和平衡遊戲，讓小朋友一試身手！
日期：2018年7月23日至9月2日
時間：10:00am-10:00pm
地點：馬鞍山新港城中心L2天幕廣場
【新！】YOHO MALL：#DINOLAB恐龍實驗室
YOHO MALL 引入由台灣INCEPTION啟藝策展的「#DINOLAB恐龍實驗室」，場地設有三大主題館，包括「恐龍生命館」、「恐龍互動館」及「化石清修館」，讓小朋友探索恐龍生命的演化、身體結構，透過型恐龍展品探索恐龍生命的奧妙。場內更設有互動裝置及連串的復活任務，讓小朋友與知識互動！
日期：2018年7月13日至8月24日
地點：YOHO MALL I 中庭、主廣場及白鷺公園入口
MegaBox：LEGO《Jurassic World》考古大挑戰 x 勇闖恐龍拍攝區
電影《侏羅紀公園》中嘅主角速龍Blue、兇王迅猛龍、三角龍、冥河龍及Baby Blue等多隻恐龍裝置連同最經典嘅水晶球觀光車現已登陸MegaBox L9 中庭拍攝區喇！除左拍攝區之外，亦提供考古遊戲予一眾小考古家發掘Lego寶藏添，只要喺限時內於LEGO考古池中發掘LEGO夥粒，並成功砌出指定恐龍骨，即可免費獲贈LEGO《Jurassic World》系列海報1張，更可獲得玩具”反”斗城《Jurassic World》期間限定店優惠券1張。咁多野玩又咁多優惠，仲唔快啲帶埋一家大細一齊玩足全日？詳情
日期：即日至2018年9月2日 (逢星期六、日及公眾假期)
時間：中午12時至下午10時
地點：九龍灣宏照道38號 L9 中庭 Kids Bazaar
費用：全免
室外冒險與體驗
【新！】大型B DUCK充氣水上樂園
位於馬鞍山的白石燒烤設有B DUCK水上樂園，水上樂園有9條滑梯，3-4個波波水池，仲有1個香蕉船大水池，讓大人小朋友都可以盡情玩樂！
地址 : 馬鞍山白石1950號
【新！】農樂營
香港人多車多，想俾小朋友自由放肆玩樂真係咁難？位於元朗的農樂營提供大型戶外放電場，除了多項基本兒童玩樂設施外，仲可以去溫室種菜，還有水上兒童電船和飄移車，讓小朋友一嘗賽車滋味！如果玩累了，還可以在旁享受「BBQ樂」或「度假樂」，場地提供特色木屋，入面有卡拉OK同麻雀供應。詳情
日期及時間：星期六、日及公眾假期 下午1時至10時
地址：新界元朗牛潭尾路攸潭美村
（於元朗「開心廣埸」後的「福康街小巴總站」乘搭37號綠色小巴，到總站「攸潭尾村公所」落車，步行約2-3分鐘）費用：免費（場內遊樂設施另外付費）
電話：9260 9235（需預先預約）
零碳天地體驗導賞團
而家全球暖化問題咁嚴重 ，家長可以俾小朋友了解更多保護大自然嘅知識。宜帶佢哋去零碳天地就係一個好好嘅機會俾啲小朋友體驗下異常氣候嘅變化。入面仲有個免費「零碳天地建築導賞」及「氣候變化與智慧城市」體驗館導賞團俾小朋友接觸最新環保資訊， 仲可以陪媽咪爹地用虛擬實境（VR）、擴增實境（AR）技術及遊戲體驗整個展覽。想知有關詳情按此。
導賞團展覽日期及時間：每日指定時段: 10時、2時及4時（必須事先預約）
地址：九龍灣常悅道 8 號
室內展區入場費（連導賞團）：標準門票$20／ 學生票$10 ／優惠票$5 (適用於年滿60歲以上的長者及傷殘人士) ／6歲或以下小童免費
親親大自然
喺呢個資訊發達嘅時代，唔止大人，就連好多小朋友都成為「低頭族」，少有接觸大自然。趁周末空檔，一家人不妨放下手機，一齊去親親大自然吧！小編有幾個好地方介紹：
【新！】小蜜蜂農莊 BeeBeeFarm
農莊有6間大小獨立屋，一家人可以租一塊農田成為小小的地主，享受有機耕種的樂趣。除了可租營地和採摘新鮮農作物外，還有各項兒童康樂設施，沙池、遊樂場、滑梯和彈床一應俱全，仲有寵物樂園、親子工作坊等，多元活動，感受農莊樂！詳情
地址：八鄉錦上路元崗清潭路菠蘿山
營業時間：星期一至日 上午7時至下午7時
收費：入場費 HK$30 / 自助午餐 $80 / 工作坊 (收費不同)
查詢電話：9642 8569、6684 6677
按此查看交通詳情
嘉道理農場暨植物園
嘉道理農場係香港一個環境保育教育中心及植物園，景色非常優美，又富教育意義，係讓小朋友認識大自然嘅絕佳地方。除了有花園、溫室等可以參觀之外，你仲可以觀賞到好多不同種類嘅動物，如昆蟲、野豬、騾和豹貓等，而「上山區」亦有好多山水美景。由於園區比較大，旅客需要規劃好參觀路線，或以園區嘅建議路線作參考。
園方喺每個月嘅首3個星期日，都會舉辦「動物全接觸」和「動物知多點」活動，等小朋友有機會同動物接觸，增加對自然保育同非法野生動物貿易嘅認知，並培養對動物嘅尊重及欣賞。活動當日設有登記處（接待處附近），可於該處報名，詳情按此查詢。
入場費：12至59歲︰$30、5至11歲︰$15、5歲以下/60歲或以上長者及合資格殘疾人士免費
開放時間：星期一至日上午9:30至下午5:00（下午4:00後謝絕遊客入場），公眾假期及園區紀念日除外
清新地有機農莊
清新地農莊環境優美，可愛的紅色小風車和小山羊，好比台灣清境。活動包括導賞團、耕種體驗、DIY工作坊等，另有兒童遊樂設施，俾一家大細一齊親親大自然。 詳情
地址: 西貢白水碗 (科技大學旁）
開放時間: 星期二至日 上午9時至下午5時 (星期一休息)
交通資訊: 科技大學北門巴士站旁，按指示沿樓梯往下走約15分鐘
有機薈低碳農莊
有機薈低碳農莊，又叫做「有機菠蘿園」，提供各種有關菠蘿的知識、親子活動及種植體驗，俾一家大細邊學邊玩邊體驗！詳情
地址：元朗錦上路河路四排石村 (錦上路站A出口步行約3分鐘)
開放時間：星期一至星期日 10am – 6pm 平日(公眾假期除外)
備註：只接待參加套餐(4人成團)及預約的顧客。
迪欣湖野餐
恬靜優美嘅迪欣湖，最適合一家大細嚟度過一個悠閒愉快嘅周末。除咗可以散下步，欣賞美麗嘅湖景同山景外，父母也可以同小朋友在園林嘅草地上野餐。另外，迪欣湖亦設有腳踏船同腳踏遊覽車出租服務，食飽之後租架單車或艇仔到處遊覽，係一件非常寫意嘅事！
開放時間：每日上午9:00至晚上7:00（免費入場）
腳踏船/腳踏遊覽車出租服務：每天早上10:00至下午5:00。（雙人艇$70/半小時、$120/小時；四人艇$85/半小時、$150/小時）（腳踏遊覽車：雙人單車$100/小時；四人單車$120/小時）
感受文化生活
【新！】鴨靈號週日新體驗
鴨靈號是香港唯一仍在海上航行的中式古董三帆木船，在澳門的船廠建造並擔任漁船，現開放給公眾及遊客登船遊覽！小朋友不單可以欣賞香港東面航線沿途風光，還可以在船上親手拉帆體驗、編織漁網、探索和認識漁村文化知識！
出發日期：每週日
登船地點：筲箕灣公眾碼頭
票價：成人HK$150, 小童HK$90, 3歲以下免費
灣仔民間故事館
現今社會小朋友都只能顧及讀書同上興趣班，少有機會了解地區文化，家長可以帶小朋友一齊去位於灣仔嘅民間故事館。在故事館裡面可以看到香港以前嘅生活文化，好像打字機、黑膠碟和書本等，讓孩子認識上一代人嘅生活。除了展館本來嘅陳設外，館方還會不時更新展覽，舉辦放映會、地攤及音樂會等。話佢係一個親子好去處最適合不過；有關詳情按此查詢。
開放時間：上午10:00至下午6:00（星期三及公眾假期休息）
漫遊大澳漁村
如果想帶小朋友接觸生態，同時感受香港嘅風土人情，大澳漁村就係一個好選擇。以大約$30嘅價錢就可以坐20分鐘小艇遊覽棚屋。棚屋以外，你仲有其他選擇，就係參觀大澳文物酒店，酒店由舊警署改建而成，有留下當年警署嘅設施同物件，包括幾座炮台。行到肚仔餓，大可以掃街，除了海鮮之外，當然要試一試聞名嘅豆腐花同超大魚蛋啦！
博物館
香港海事博物館：《水源平衡》展覽
《水源平衡》展覽現時於香港海事博物館的包玉剛展廳舉行，讓大家跟隨「水滴仔」，開展一趟上山下海嘅水源教育旅程。《水源平衡》展覽屬「賽馬會護水源．創未來計畫」一部分，由香港賽馬會慈善信託基金捐助、Ocean Recovery Alliance策劃、一口設計工作室設計。保護環境、珍惜水資源的習慣應該從小培養，咁就要快啲帶埋小朋友去了解更多水源嘅資訊喇！詳情
日期：即日至2018年7月22日
時間：上午9時30分至下午5時30分（星期一至五）/ 上午10時至下午7時（星期六、日）
地點：香港中環8號碼頭 香港海事博物館 包玉剛展廳
入場：成人 HK$30 / 學生及長者 HK$15
古蹟及藝術館：大館一百面展覽
「大館一百面」係古蹟及藝術館（大館）嘅開幕展，展覽刻畫出由一百名受訪者嘅香港故事。大館邀請咗本地插畫師飛天豬及商業電台廣播劇《18樓C座》一班廣播藝員攜手合作而成。如果想加深對本土文化嘅認識，千祈唔好錯過「大館一百面」喇！詳情
日期：2018年5月29日至2018年9月2日
時間：上午11時至晚上8時
地點：大館-警察總部大樓（01座）複式展室
費用：全免
香港歷史博物館：大英博物館古文明展
繼古埃及文明展後，香港歷史博物館再同大英博物館合作，舉行「奢華世代︰從亞述到亞歷山大」展覽。展覽以亞述、波斯及巴比倫等西亞古文明為主題，展出210件來自大英博物館的珍藏，大家只係俾標準門票價HK$10就睇到喇！襯暑假同仔仔女女去探索古文明奧秘喇！詳情
展覽日期：2018年5月9日至2018年9月3日
票價：標準票HK$10、團體票HK$7、優惠票HK$5（博物館通行證持有人免費入場）
開放時間：平日10am – 6pm；周末及公眾假期 10am – 7pm（逢星期二休館）
三大博物館票價
| 太空館 | 科學館 | 歷史博物館 | |
| 開放時間 | 星期一、三至五：下午1時至晚上9時； 星期六、日及公眾假期 : 上午10時至晚上9時； 星期二休館（公眾假期除外） |
星期一、二、三及五：上午10時至晚上7時 星期六、日及公眾假期：上午10時至晚上9時星期四休館（公眾假期除外） |
星期一、三至五：上午10時至下午6時； |
| 優惠票 | HK$5 | HK$10 | HK$5 |
| 標準票 | HK$10 | HK$20 | HK$10 |
| 團體票 | HK$7 | HK$14 | HK$7 |
| 備註 | *個別專題展覽或需另外收費 | *由攜票的成人陪同參觀的4歲以下小童免費入場 *逢星期三免費入場 |
*個別專題展覽或需另外收費 *常設展覽免費；專題展覽則另外收費 |
其他活動
T-Park嘆免費SPA
屯門最近開咗個新公園叫做「T-Park」，呢個公園係透過焚化污泥「轉廢為能」，100％自給自足。當中有個免費嘅水療池區，以焚化污泥嚟恆溫，環保之餘又為大眾提供放鬆身心之地！水療池區嘅環境非常唔錯，睇落似私人會所，由於有名額限制所以唔會太多人。嘆完SPA，仲可以帶埋小朋友參加公園導賞團，認識處理污泥程序及運作等，非常有教育意義！
水療池區同導賞團名額有限，需要提前幾星期上官網預約。T-Park目前未有任何公共交通可達，所以最好預約埋免費穿梭巴士，並在當日準時在屯門上車。
T-Park開放日子：星期一、星期三至星期日
水療池區開放時間：10:15~11:30 / 12:30~13:45 / 14:30~15:45 / 16:00~17:15 / 17:30~18:45
導賞團開始時間：10:30 / 12:00 / 14:15 / 15:45 / 17:15
預約網站：https://booking.tpark.hk/
——
如果爸爸媽媽偶爾想過下二人世界，又唔知有乜好去處，可以睇下：香港平靚正 拍拖好去處！
延伸閱讀：壽星有著數！2018 生日優惠 大搜羅
延伸閱讀：酒店 自助餐 優惠大集合
——
想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！
The post 【親子好去處 2018】暑假必讀平靚正親子活動好去處（7月更新） appeared first on 理財資訊.