好多情侶雖然無時無刻都想見到對方，不過日日去拍拖，個荷包都幾傷！但成日留喺屋企又會好快冇晒新鮮感。其實拍拖唔一定要使好多錢，香港都有好多 拍拖好去處 架。即刻睇下MoneyHero.com.hk為大家推介嘅低消費拍拖方法啦！我哋仲會不時更新資料。（2018年7月更新）
1）期間限定活動
【新！】SML EXPO 黏黏怪物研究所十周年展 – 香港站
被稱為年青人集中地的商場「T.O.P This is Our Place」，現已登陸旺角。商場更即與韓國熱門 Sticky Monster Lab (SML)合作，舉行為其3個月嘅 SML EXPO黏黏怪物研究所十周年展 – 香港站。大家可以以旅客身份遊覽佔地過萬呎嘅M-City，並參觀一共有12個嘅場景。要成為至潮一族就要帶埋另一半嚟打卡喇！
展覽日期：即日至2018年9月10日
開放時間：中午12時至下午9時
地點：九龍旺角彌敦道 700 號 T.O.P This is Our Place
入場：免費
入場方法：使用T.O.P手機應用程式免費取票入場
【新！】「迪士尼．彼思《超人特工隊 2》超級總部」展覽
《超人特工隊 2》將於2018年7月19日上映，時代廣場率先舉辦《超人特工隊 2》超級總部」展覽，令大家先睹為快。展覽門口設置高達4米嘅超巨型BB積積同大家打招呼㗎！另外亦設有4大專區，分別係超能夫婦屋企、小衝專區、小麗專區同BB積積專區。咁多打卡位仲唔帶埋另一半嚟影返夠本？
展覽日期：即日至2018年7月29日
開放時間：上午10時至下午10時
地點：香港銅鑼灣勿地臣街 1 號 時代廣場
入場：免費
Billy Apple® 跨越六十年1962-2018
Rossi & Rossi將於6月與Billy Apple舉辦藝術展覽《Billy Apple® 跨越六十年1962–2018 》。Billy Apple係六、七十年代嘅英國紐約流行藝術嘅靈魂人物，如果想睇下billy過去跨跨越三大洲嘅作品就記得唔好錯過是次展覽！詳情
展覽日期：即日起至2018年7月28日
開放時間：星期二至星期六 11am-6pm
地點：黃竹坑業發街6號益年工業大廈3C – Rossi & Rossi
入場：免費
李永銓「玩‧物‧作」設計展
香港文化博物館將於6月舉辦李永銓「玩‧物‧作」設計展以積極推廣本地設計行業。展覽以「玩‧物‧作」為主題，屆時將會展示其精選作品，例如最新嘅木刻版畫系列、海報、雕塑裝置等。如果想了解更多關於香港設計文化嘅話就要同另一半一齊去是次展覽喇！詳情
展覽日期：即日起至2018年9月24日
開放時間：平日 10am-6pm；周末及公眾假期 10am-7pm （逢星期二休館）
地點：香港文化博物館一樓專題展覽館
入場：免費
香港歷史博物館：大英博物館古文明展
繼古埃及文明展後，香港歷史博物館再同大英博物館合作，舉行「奢華世代︰從亞述到亞歷山大」展覽。展覽以亞述、波斯及巴比倫等西亞古文明為主題，展出210件來自大英博物館的珍藏，大家只係俾標準門票價HK$10就睇到喇！機會難得，快啲同愛侶一齊去探索歷史奧秘，踏上古文明旅程喇！詳情
展覽日期：即日起至2018年9月3日
票價：標準票HK$10、團體票HK$7、優惠票HK$5（博物館通行證持有人免費入場）
開放時間：平日10am – 6pm；周末及公眾假期 10am – 7pm（逢星期二休館）
中環街頭塗鴉藝術團
中環SOHO區大街小巷嘅牆上都有着有趣嘅塗鴉，但不說不知，佢地隨時係價值連城嘅藝術品，撞正星期日都無地方去，不如同另一半參加由「撞藝術」舉辦的中環街頭塗鴉藝術團，聽住導賞員講故事，邊同伴侶係塗鴉前打張卡，了解香港街頭文化外，仲可以呃like添。
日期：每週日
時間：早上11:00至中午12:00(英文團) / 早上11:30至下午12:30(普通話團)
收費：$165
人數限制:1人成團，12人滿團
網站：http://accidentalart.co/zh/ (撞藝術)
延伸閱讀︰2018香港演唱會攻略
2）享受戶外樂趣
拍拖輕鬆行山景點：無敵夜景嘉頓山
一講到行山，平時冇咩做運動嘅另一半實會耍手擰頭，但其實香港有座山，唔使行一個鐘就可以到達山頂，仲飽覽九龍夜景，呢座山叫嘉頓山！而且，交通十分方便，只需喺深水埗港鐵站行10分鐘就到山腳。
建議路線：首先搭港鐵到深水埗站D出口，再向石峽尾方向行10分鐘左右，你就會見到嘉頓麵包廠，之後你會望到美荷樓旁邊有座山。沿住樓梯一路向上行幾個字已經有得小休同睇景，想睇到更全面嘅九龍全景就要行多幾個字，好快就會去到山頂，適合比較少做運動嘅情侶。
世外桃源：英式山頂花園 拍拖野餐勝地
唔好再話去歐洲先有靚地方Chill喇！＿比較鮮為人知嘅前港督別墅「後花園」就好似世外桃源，令你樂而忘返。擁有濃烈英式風格、古老維多利亞式建築嘅山頂公園，景觀十分開揚，入面有大草坪、維多利亞式涼亭、小山丘、水池，寧靜宜人嘅環境好適合情侶拍拖。鋪張野餐布、拎住本書、曬下陽光，寫意嘅生活有時就係簡簡單單。
建議路線：由山頂凌霄閣出發，沿著柯士甸山道（山頂餐廳旁）往上行，中途見到柯士甸遊樂場，繼續一直走就會見到藍白色守衛室，再行前多幾步，就到呢個世外桃源！
都市塵世美：金鐘添馬公園
去野餐一定要去郊外，好多怕麻煩的小情侶都唔想去咁遠，但又覺得喺城市好難找到草地，才不是呢! 在城市中找野＿地點必定有金鐘添馬公園，地點便利，公園內一大片的綠悠悠草地，坐在草地上閒聊，看看書，也可以看到海，過悠閒寧靜的一天，也是另類的浪漫。
建議路線：港鐵金鐘站A出口，步行約7分鐘。
放狗放閃無問題：數碼港海濱長廊
好多伴侶都會一齊養小動物，假期去拍拖時都想帶埋「小成員」一齊去玩! 數碼港海濱長廊就不二之選，因為那裡準許放狗，與伴侶就可以坐在草地上看海，一齊坐草地吃小食，也可以看着「小成員」在草地上奔跑！就是無比寫意！
建議路線：搭港鐵到堅尼地城，轉小巴58M入數碼港。/ 到旺角山東街轉乘巴士970，直達數碼港。
踩單車：大埔吐露港單車徑近科學園
野餐可能有啲悶，都想郁動下，但又唔想行山咁辛苦，咁踩單車也是不錯選擇，由大埔租單車，慢慢一條直路踩入科學園，到科學園後又可以在園內餐廳，歎番個Afternoon Tea，再慢慢踩番大埔，沿途欣賞日落好風光。
建議路線：港鐵大埔站A出口，轉乘K17或71S總站，步行5分鐘到大埔海濱公園。/ 港鐵大埔站A出口，轉乘K18到廣福村，步行5分鐘至大埔海濱公園。
秘密日落觀賞點：石仔灣碼頭
＿
「石仔灣」位於馬灣旁邊，係香港僅存嘅舊式漁村，嗰度有一連串嘅漁排及木橋碼頭，可一覽屯門公路以及西面海岸，係完美嘅日落觀賞點！喺度睇日落仲有另一個好處，就係可以遠離煩囂，靜靜咁同另一半享受難得嘅二人世界。
建議路線：由中環或荃灣碼頭乘搭渡輪至珀麗灣碼頭，再步行前往。
盡覽270度維港景︰海港城觀景台
海港城花近5年時間建造的全新觀景台「海運觀點」最近落成，10月23日開始已經免費開放予公眾參觀，觀景台可以飽覽270度
開放時間︰早上7:00至晚上12:00
地點︰海港城大廈末端（鄰近郵輪碼頭）
費用︰免費入場
詳情︰海港城官方網站
3）看電影
信用卡優惠看電影：
睇戲好多時，都喺情侶拍拖的指定動作，但而家啲戲飛都成百幾蚊一張，短短2個小時的活動，已花卡差不HK$200，確實不划算。不過時下好多信用卡都有睇戲優惠，無需任何簽賬要求都可以有戲飛優惠架！
玩Facebook 遊戲贏免費戲飛
電影公司會與不同的傳媒平台合作，送戲票，只要在他們的FACEBOOK留言及玩遊戲，幸運地也會免費得到2張戲飛的。
留意藝術中心的睇戲活動
灣仔藝術中心定期都會舉行有趣電影活動，近期「電影節發燒友六、七月節目」或播放有關泳池的電影，一班影迷浸在泳池水內，觀賞電影，與伴侶一齊嘗試這種觀賞經驗，感覺非常新鮮！
４）觀塘工廈一日遊
好多情侶閒時都會一齊行下商場、買下嘢。但你最近係咪覺得商場來來去去都差唔多，行到厭晒？咁不如試下去工廠大廈尋寶吧！
各區工廠大廈都有好多特色小店，好多時都係東一間、西一間咁散落喺唔同地方，而觀塘嘅「怡生工業中心」E座和G座就打通咗一樓全層，盡攬各式店舖，包括露營用品、護膚品、精品雜貨、美甲、樂器、波鞋、韓國貨等，應有盡有，地下仲有特賣場添，加上嗰頭又有好多平靚正餐廳，消磨一日半日時間絕對唔成問題！
５）齊齊潮做文青
最近大熱嘅「文青」風氣直捲香港，想嘗試過一日文青生活，不妨試下帶埋男/女朋友一齊試下坊間手作仔！當中以Art Jamming、整皮工作坊、押花班、咖啡拉花班等等最為受歡迎。如果想搵啲比較價錢合宜嘅班，可以搵下係工廈開嘅班，當中好多都係年青人創業嘅生意仔。講到小編都好想今個周末即刻去Join！
（為另一半安排生日活動？必讀：壽星有著數！2018 生日優惠 大搜羅）
６）博物館
一聽到去博物館可能好多人都會覺得好悶。但其實而家博物館都唔係咁死板。香港嘅博物館逢星期三免費入場。例如去科學館就可以喚起好多人嘅童年回憶，同你嘅另一半重拾童真，玩下番梘泡、鏡子迷宮，都可以過一個輕鬆嘅週末。
而太空館兩個展廳「太空探索展覽廳」和「宇宙展覽廳」早前閉館一年半進行翻新，4月25日終於重開。展品由60多件增至百多件，7成都是互動展品，大家可以當新地方再玩過。
７）煮飯仔
如果你同另一半都鍾意食嘢，一齊煮飯仔就最啱啦！網上有好多簡易食譜，煮一餐見得人嘅飯冇難度！坊間都有啲網頁係幫你執齊晒一道菜需要嘅材料，送上你屋企，等你可以輕輕鬆鬆下廚，但價錢就會比較貴。一齊煮飯仔，製造自己嘅「心血結晶」，絕對增加情趣！不過最好就傾清楚邊個洗碗，唔係煮飯仔就變成嗌交啦！
（成日同另一半出外用餐，必備一張餐飲最佳信用卡，等我哋即刻幫你比較下，即進入餐飲優惠信用卡比較平台。）
８）宅在家
其實拍拖最慳錢就係唔出街，而兩個人靜靜地留喺屋企都可以好浪漫。一齊窩喺Sofa睇一齣戲（無論係荷里活大片定係個個星期日都有嘅周星馳），又唔使俾錢買戲飛同爆谷，夠慳！甚至有啲情侶會一齊打機 ，真正係寓娛樂於拍拖。
其實講到尾，好多時去邊都冇謂，重點係同你邊個一齊。就算唔用好多錢，都可以一齊創造美好回憶。MoneyHero.com.hk為你比較咗咁多低消費拍拖熱點，快啲帶你另一半去啦！
（睇戲可以留意︰Netflix VS Amazon Prime Video 歐美煲劇神器大比併）
就算真係要消費，最好都係申請張現金回贈信用卡旁身！
現金回贈信用卡之選
Citi Cash Back 信用卡
Citi Cash Back Visa信用卡主打餐飲現金回贈，所有外幣簽賬、本地食肆及酒店簽賬可獲2%現金回贈，其他簽帳及八達通自動增值都有1%回贈。年薪要求為24萬，係香港最容易申請嘅Visa Signature卡之一！新客戶在2個月內簽賬滿HK$12,000或以上，仲會直接回贈HK$1,200，或簽賬滿HK$5,500或以上，亦可獲得HK$400現金回贈！
2018年7月31日前經MoneyHero.com.hk成功申請Citi Cash Back Visa信用卡，仲額外送HK$500 HABITŪ禮券 或 HK$300 HABITŪ禮券 + HK$200超市禮券！詳情
信銀國際Motion信用卡
信銀國際Motion信用卡八達通自動增值、本地零售餐飲、海外簽賬都有全年無上限2%現金回贈，如當月簽賬滿HK$3,000，網上簽賬更有額外3%回贈 (每月上限為HK$100)。迎新仲可以選擇浴室寶、涮涮鍋或HK$300現金回贈！
2018年7月31日前經MoneyHero.com.hk成功申請仲會獨家送你HK$200現金回贈！詳情
東亞銀行Visa Signature卡
Visa Signature 信用卡本地餐飲可享2.4%現金回贈，海外簽賬可享1.6%回贈，而八達通自動增值則有0.4%回贈。迎新仲可以選擇Apple Pay/ Google Pay 25% 現金回贈、除螨暖被乾燥機、涮涮鍋或HK$600現金回贈！
呢張卡最近更推出「東亞日」簽賬優惠，即係星期六、日本地簽賬可獲4.4%現金回贈*（只限每月首5萬分），最低消費門檻只係HK$500。
此外，用手機購買咖啡、快餐，只有單一簽賬 HK$500 以下並透過 Apple Pay/Google Pay 簽賬可獲10%現金回贈。（每月最多可享 HK$100 現金回贈）。
*不包括超級市場/百貨公司/旅行社/HKTVmall/Taobao.com/Tmall 之簽賬
2018年7月31日前經MoneyHero.com.hk申請東亞Visa Signature 信用卡，成功獲批後仲會獨家送你額外HK$100 超市禮券！詳情
DBS Eminent Visa Card
DBS Eminent Card 每HK$250本地簽帳，可獲DBS$2.5 （即1%回贈）；每HK$250外幣簽賬（包括網上及外地簽帳），可獲DBS$5（即2%回贈），夠抵消外幣簽賬手續費！2018年9月30日前，零售服飾及百貨公司簽賬可享3%回贈！於2018年7月31日前，新客戶在2個月內進行任何零售簽賬可享高達HK$700現金回贈！ 詳情
2018年7月31日前經MoneyHero.com.hk成功申請仲會獨家送你HK$100現金回贈 + HK$200超市禮券 + HK$100 Aeon禮券！
美國運通 Blue Cash 信用卡
Blue Cash係美國運通少有嘅低門檻卡之一 ，年薪只需HK$150,000就申請到。本地及海外簽賬一律享無上限1.2%現金回贈，最啱鍾意方便同唔想計數嘅人。呢張卡嘅迎新禮物包括︰HK$500 百佳現金券及2張免費電影戲票 (價值HK$230) 。
2018年7月31日前經MoneyHero.com.hk成功申請更可享額外HK$200惠康超市禮券+ Le Creuset 陶瓷小鍋子套裝 (價值HK$999)。
EarnMORE銀聯卡
EarnMORE銀聯卡係目前現金回贈最高的信用卡之一，所有本地零售、食肆、網上、外幣簽賬都有2%回贈，不設簽賬要求及回贈上限！年薪要求只係15萬，全日制學生都申請得。雖然回贈率唔係最高，但勝在獎賞夠全面，簽乜都有回贈，好適合只想集中用一張卡，或者間唔中先上網買嘢，唔想專登開網購卡嘅朋友。 新客戶經網上成功申請可享$100現金回贈，迎新期內更可選擇行李箱、HK$500現金回贈、8張戲票等。詳情
如果想睇埋其他信用卡優惠，可以即上我地嘅比較平台！經我哋申請仲可以獲得額外獎賞現金券，詳情請按此。
——
相關文章︰壽星有著數！2018 生日優惠 大搜羅
相關文章︰香港平靚正 親子活動 好去處
相關文章：嚴選 八達通自動增值 最佳信用卡
想了解更多不同信用卡的優惠？即刻上我哋嘅比較平台。
想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！
The post 【 拍拖好去處 2018】 香港7大平靚正玩樂地方 （7月更新） appeared first on 理財資訊.