風靡全球嘅 Pokemon Go 終於正式登陸香港！不但吸引大批玩家下載，夜晚出街更不難發現周圍都係拎住手機揾小精靈嘅玩家！雖然大家最關心嘅可能係點先可以捉更多小精靈，或者邊區會出現邊隻小精靈，但其實有商戶都趁著呢股熱潮推出Pokemon Go優惠，玩Game同時仲有著數！MoneyHero.com.hk就會為大家搜羅 Pokemon Go 嘅相關優惠情報，不斷更新加料，大家記得留意我哋嘅Update！（2016年7月28日更新資料）

1）CSL：免費無限數據任玩！

唔少 Pokemon Go 玩家都可能擔心玩Game會好快用晒數據，不過CSL就提供免費無限高速數據俾所有玩Pokemon Go嘅CSL旗下用戶。凡係玩Pokemon Go嘅數據都會自動獲扣除，咁就可以盡情任玩Pokemon Go喇！呢個新優惠連「學生SIM Plan」用戶都一樣有份！不過留意番，優惠只限於Pokémon Go遊戲，而用於其他App嘅數據會繼續計錢。想知更多詳情，可參考CSL Facebook。

2）Cetah：送$50搭車，包車85折！

想捉更多小精靈，梗係要落街周圍揾，但天氣咁熱都咪話唔辛苦！叫車App Cetah就推出Pokemon Go優惠，下載Cetah後只要輸入註冊邀請碼pokemon，即送$50搭車，叫車時再輸入promo code：pokemon，包車再送85折優惠！了解詳情可瀏覽Cetah Facebook。

3）發記清水大閘蟹專門店：捉大箝蟹買黃油蟹有9折！

只要你喺Pokemon Go遊戲內捉到大箝蟹精靈（見圖），之後於App內將其改名為「發記清水大閘蟹」，再到店內向店員出示就可以憑9折優惠買黃油蟹！了解詳情按此瀏覽商戶Facebook。

4）CALL4VAN客貨車：$499包晒4G SIM卡、尿袋同90分鐘嚮導服務

除咗Cetah之外，另一個叫車App CALL4VAN亦有優惠，$499已包括3個月數碼通4G SIM卡（每月6GB數據）、3,500mAh「尿袋」，再加埋90分鐘精靈訓練員嚮導服務（每2位），由專人教你點捉小精靈，仲有飲品供應添！了解詳情可瀏覽CALL4VAN Facebook。

5）信和6大商場：免費開放Lure Module + 大送現金禮券

在限定期間（7月27日至29日），信和旗下6大商場（奧海城、屯門市廣場、中港城、荃新天地、尖沙咀中心+帝國中心、利東街）將會不定期在場內PokeStop使用Lure Module（小精靈誘餌），令更多稀有小精靈現身，讓大家捉個痛快！此外，各商場還會大送現金券，每日在商場Facebook專頁宣布指定小精靈，當日最先捕捉到該小精靈的首20位訓練員，可獲指定商戶$50禮券！

6）MegaBox：乳酪雪糕$10優惠券

於MegaBox商場內捕捉Pokemon，把截圖（須啟動AR畫面功能，並清晰顯示為MegaBox商場內）上載至個人Facebook並Check-in地標及加上 #MegaBoxPokemonGO，然後向G層顧客服務中心職員展示，即可贏取Red Mango乳酪雪糕$10優惠券1張。（先到先得，送完即止）
另即日至8月2日期間，MegaBox會不定期於商場內PokeStop使用Lure Module。了解詳情可參閱MegaBox Facebook。

7）Pacific Coffee：有比卡超免費升級

由即日起至7月31日，到Pacific Coffee出示在Pokemon GO內捕到的比卡超（已進化為雷超的不包括在內），即可享免費手調飲品升級優惠。

8）新地5大商場：免費開放Lure Module + 3重禮遇

新地5大商場，包括東港城、wct more世貿中心、上水廣場、Mikiki及將軍澳
中心，由即日起至7月31日會喺每日中午12時至下午2時同晚上6時至8時兩個時段，免費開放Lure Module（小精靈誘餌）。

同時，於新地5大商場消費滿$1,000，即可免費換領價值$150之iTunes或Google Play gift card 1張（名額每天5個，先到先得，送完即止）。消費滿$2,000，更可享「坐轎車捉精靈」3小時服務（名額每天1個，先到先得，送完即止）。於場內捕捉到任何3隻小精靈，將手機截圖上載至個人Facebook並加上各商場的Hasgtag，即可獲贈$50新地商場現金禮券1張（名額每天20個，先到先得，送完即止）。

預料更多Pokemon Go相關優惠將會有來，記得繼續留意我哋呢個Blog的更新報道！

——

延伸閱讀：【iPhone迷必讀】 Apple Pay 最新優惠全攻略

延伸閱讀：旅遊 Wifi蛋 上網全攻略（日本篇）

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【全民瘋玩】 Pokemon Go 全城優惠大搜尋 appeared first on 理財資訊.

近來歐洲接二連三發生多宗恐怖襲擊，造成唔少傷亡，最近襲擊嘅死傷者更包括一個香港家庭，令即將出發遊歐嘅人士大為擔憂。為以防萬一，相信大家飛歐洲前一定會做足準備功夫，買番份旅遊保險旁身。不過你又知唔知，市面上並非所有旅遊保險都會保障 恐襲 造成嘅意外？為此，MoneyHero.com.hk幫大家比較咗香港7間旅遊保險公司對恐襲嘅保障情況，方便大家選擇最適合自己嘅旅遊保險！

恐怖襲擊目前尚未有一個國際公認嘅定義，所以保險公司會自行定義「恐襲」。一般而言， 恐襲 係指：「由個人或組織所籌劃，為達到政治、宗教、思想目的而進行的暴力行動，意圖製造恐慌以影響政府或公眾。」大多數情況下，保險公司會根據當地政府對嘅定性而決定事件是否恐襲。

上表7間保險公司之中，中銀旅遊保險列明不承保恐襲，豐隆保險只承保「與非核生化相關的恐怖活動」，AIG對恐襲嘅保障只適用於「緊急醫療費用及援助」、「人身意外保障」、「緊急入息援助」及「信用卡保障」4方面，而其餘4間則將恐襲納入完整保障範圍。不過若涉及戰爭、政變等事故，則已超出恐襲範圍，承保恐襲嘅保險公司都未必會包。

如想搵一份價錢較平，又保障恐襲嘅保險，富衛（FWD）同世聯（Allied World）都係唔錯嘅選擇。以去法國旅遊10日為例，富衛「計劃A」保費只需$256，世聯「計劃II」只需$254，其中世聯除咗保障恐襲之外，仲包埋外遊期間嘅戰爭保障。

除咗睇價錢之外，選擇保險時亦需留意保單賠償範圍及限額。其中「緊急醫療運送服務」尤其重要，因為醫療運送專機包括深切治療、醫生同護士，單靠自己未必安排到，而且所費不菲，最好選擇賠償限額為「全部開支/無上限」嘅保險。除此之外，醫療保障、人身意外保障、遺失行李/財物、行程延誤嘅賠償額度都應列入考慮之列。

如何得知一份保險保唔保 恐襲 ？

雖然恐襲風險愈來愈高，但旅遊保險小冊子或網站上甚少於當眼處清楚列明是否就恐怖襲擊提供保障。要知道一份保險保唔保障恐襲，主要有兩個方法：（1）查看保險小冊子/保單條款上所列出嘅「不承保事項」，如該保險並冇列明不承保恐襲，通常代表將恐襲納入保障範圍；（2）親自致電保險公司或保險中介人查詢，職員可以解答你對該保險嘅疑慮。

前往有外遊警示嘅地方，會否獲得保障？

因發生多宗恐襲事件，保安局已對德國發出黃色外遊警示。一般情況下，黃色外遊警示對保單並無任何影響，一切如常受保。如果係發出紅色或黑色旅遊警示，保險公司可能只會保障與旅遊警示發出原因無關嘅意外。但若果發出旅遊警示嘅原因，係旅遊保險嘅「不保事項」之一，如戰爭、政變和叛亂等等，則整份旅遊保險都會唔受保。每家保險公司嘅條款各有差異，實際情況應以詢問保險公司。

另一方面，如購買旅遊保險後才發出紅色或黑色旅遊警示，大部分保險都會涵蓋因外遊警示所導致行程取消之相關費用。一般而言，黑色警示會涵蓋全部取消費用，紅色則會涵蓋一半費用。

防患於未然，旅遊保險愈早買愈好

好多人以為旅遊保險於出發前一兩日買就得，但事實係，當你訂好機票住宿嗰刻，就應該買定旅遊保險喇！因為購買保險後，萬一出發前因恐襲或自然災害而要取消行程，都可以獲得旅遊保險嘅保障。相反，如果發生恐襲或自然災害後先購買保險，無論你如期出發或更改行程，保險公司都有權唔包。所以為防意外發生，旅遊保險都係愈早買愈好！

延伸閱讀：購買 旅遊保險 的8大常見問題

即上我們的比較平台選擇最適合你嘅旅遊保險！有Allied World、FWD同MSIG等不同計劃俾你揀，經我哋買仲有優惠添！

——

延伸閱讀：長者購買 旅遊保險 諸多限制？最緊要識揀！

延伸閱讀：輕鬆儲飛行里數！ Asia Miles 基本攻略

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 外遊遇 恐襲 ，旅遊保險保唔保？ appeared first on 理財資訊.

去旅行，未必需要下下趕行程。有時去一個風景怡人嘅度假勝地，入住一間豪華而舒適嘅度假 酒店 盡情放鬆，得閒玩下水上活動，享受陽光海灘，又何嘗唔係人生一大享受？不過唔好以為住「豪華度假酒店」一定貴，其實喺布吉、峇里島、浮羅交怡、長灘島等熱門勝地，港幣1,000蚊內都有大把好選擇。為此，MoneyHero.com.hk就精心挑選咗多間平靚正度假酒店，讓大家去一個慳錢而舒適嘅旅程！

泰國：布吉

Phuket Marriott Resort and Spa, Nai Yang Beach（布吉島奈揚海灘萬豪Spa度假村）

布吉Marriott Resort係2016年新落成嘅度假酒店，設計典雅，環境幽靜，距離奈揚（Nai Yang）主海灘只有幾分鐘路程。酒店可俯瞰安達曼海，景色怡人，設施除咗包括Spa、健身房同兒童俱樂部之外，還有一個橫跨整間酒店嘅大型潟湖游泳池。如熱愛水上活動，仲可參加酒店安排嘅潛水之旅。

客房寬敝舒適，並設有帶休息區嘅私人陽台，房價約每晚HK$900。

官網：http://www.marriott.com/hotels/travel/hktnb-phuket-marriott-resort-and-spa-nai-yang-beach/

The Westin Siray Bay Resort & Spa Phuket（布吉島西瑞灣威斯汀度假酒店）

Westin Resort係東布吉嘅平靚正度假之選，酒店坐落於一個半島上，依山而建，風景迷人，而且人少僻靜。雖位置偏遠，但對想留在酒店里度假嘅人而言，此處絕對係首選之地。酒店亦附帶私人海灘，住客可免費進行非機動性嘅水上運動。

價錢方面，每晚不用HK$1,000便可入住無敵大房，每間客房面積至少達50平方米，且享有大海全景，視野極佳。

官網：http://www.westinsiraybay.com/

Ayara Hilltops（阿亞拉山頂酒店） 

如果想同另一半享受幾日奢華生活，Ayara Hilltops絕對係你嘅首選。

Ayara Hilltops係一間僅限成人入住嘅酒店，坐落在山上的熱帶花園內，整座建築彷彿置身於大自然之中。酒店亦坐擁安達曼海（Andaman Sea）以及蘇林海灘（Surin Beach）嘅迷人景色，距離著名嘅蘇林海灘非常近，可步行前往。

過千呎嘅寬敞套房，每晚房價可低至HK$1,100，每間房均設有一個帶漩渦浴缸嘅私人陽台，嘆得嚟又有私隱。此外，住客可隨意使用酒店嘅室外泳池及Spa水療區，享受惬意生活。

官網：http://www.ayarahilltops.com/

印尼：峇里島

Kejora Suites（凱約拉套房）

峇里島芸芸眾多嘅住宿之中，呢間精品酒店特別令人眼前一亮：精緻、舒適，富現代感，又不失峇里風情。住客對此酒店嘅評價十分好，因為除咗房間舒適之外，服務甚佳，位置都唔錯，距離沙努爾海灘（Sanur Beach）只有5分鐘路程，步行亦可到達好多其他旅遊景點。

華麗而舒適嘅客房連露台，每晚房價低至約HK$900，性價比非常高。

官網：http://kejorasuites.com/

Bali Nusa Dua Hotel（努沙杜瓦巴厘酒店）

Bali Nusa Dua Hotel開業僅僅2年，有別於峇里島其他酒店，此酒店採用現代化設計，設施好新同好乾淨。酒店所在嘅努沙杜瓦區非常美麗、安靜且安全，係一個悠遊度假嘅理想地方。酒店設施亦幾齊全，包括室外泳池、Spa、康體中心和健身中心。

房間採用落地玻璃，景觀開揚。400呎大房連露台，只需約HK$800/晚，物超所值。

官網：http://www.balinusaduahotel.com/

Kuta Seaview Boutique Resort and Spa Bali（峇里島庫塔海景精品度假村）

呢間酒店位於著名嘅庫塔海灘隔離，每晚HK$600就可以入住豪華房間，係峇里島平價住宿首選！酒店內部係一個熱帶花園，環境優美，設有一個室外游泳池。由於位於繁華區，除咗近海灘之外，附近亦有好多餐廳、酒吧同埋購物區，非常便利。

房間設備齊全，還附有一個小露台，唯一缺點係酒店歷史悠久，設施唔算新淨，不過以HK$600/晚嚟講，價格仍算超值。

官網：http://www.kutaseaviewhotel.com/

（溫馨提示：計劃旅遊假期，記得要買旅遊保險！即上我們的比較平台選擇最適合你嘅旅遊保險！有Allied World、FWD同MSIG等不同計劃俾你揀，經我哋買仲有優惠添！）

馬來西亞：浮羅交怡（蘭卡威）

The Ocean Residence Langkawi（浮羅交怡海洋公寓酒店）

The Ocean Residence係一間非常適合悠閒度假嘅公寓式酒店，有美麗嘅花園，有無可挑剔嘅海景，朝早仲睇到日出，適合喜歡寧靜或想放鬆休息嘅人士入住。但由於該處交通唔方便，如要入住，一定要租車自駕。

雙人房嘅設計溫馨別致，連早餐每晚約HK$800；另一款可容納4人嘅豪華家庭間，每晚只係約HK$1,100。

連接大海嘅無邊泳池，係酒店入面最受住客歡迎嘅設施。

官網：https://theoceanresidence.com/

（相關閱讀：外遊必讀！海外 ATM 提款攻略（2016年夏季版））

The Gemalai Village（格馬來村旅館）

如果你喜歡自然純樸嘅田園風情，一定會愛上呢間由6間小木屋所組成嘅旅館。小木屋下方係一片水田，不遠處可以見到牛、鴨同貓，不時有老鷹在天空盤旋，傍晚還可以觀賞到美麗嘅夕陽。旅館距離機場僅4公里，鄰近珍南海灘，地埋位置唔錯，而且房價唔貴，每晚只需約HK$600。

房間布置屬傳統馬來西亞風格，雖然唔係行豪華路線，但優雅而舒適。每間都提供陽台、冷氣同埋帶衛星頻道嘅電視，設備並唔落後，讓住客可舒舒服服地體驗「鄉村生活」。

訂房資訊：http://goo.gl/yPxJOw

（相關閱讀：邊張信用卡可入 機場貴賓室 ？）

菲律賓：長灘島

Fairways and Bluewater Newcoast Boracay（長灘島航路與藍海度假村）

如果想平玩長灘島，呢間酒店大概係島上性價比最高嘅選擇！每晚房價低至HK$500，住客便可享用度假村內嘅私人白色沙灘、高爾夫球場、無邊游泳池、浴池、桑拿浴室和Gym Room等多種設施。每小時亦有接駁巴士前往市區。

客房雖然稱唔上豪華，但設備齊全，乾淨企理，面積亦有30平方米。

官網：http://www.fairwaysandbluewater.com.ph/

Monaco Suites de Boracay（長灘島摩納哥套房）

如果想住更高檔嘅度假酒店，Monaco Suites de Boracay各方面都近乎完美，係絕佳嘅選擇。

酒店坐落於佔地幾英畝嘅熱帶花園，擁有一個私人礁湖和室外無邊泳池，更可觀賞到布拉伯灘（Bulabog Beach）同鹿山（Mt Luho）嘅美景，仲有一個私人海灘，供住客游泳、潛水，及進行其他水上運動。雖然酒店位處偏遠安靜嘅地方，但每小時都有一班接駁車，15分鐘內直達市中心。

酒店房就更加無得彈，1,000呎無敵大套房連超大露台，包埋早餐每晚只需HK$1,300，咁嘅質素嚟講絕對唔貴。

官網：http://www.monacosuitesboracay.com/en/

想自己搵下心水度假酒店？即睇：10大 平價機票 酒店網2016

——

延伸閱讀：旅遊必備：全港最平 Wifi蛋 租借攻略

延伸閱讀：外遊遇 恐襲 ，旅遊保險保唔保？

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【平靚正嘆Resort】嚴選10大度假 酒店 2016 appeared first on 理財資訊.

最近 MoneyHero.com.hk 於6月底作了一項有關金融產品的市場研究，發現大多數香港人都愛格價，在申請信用卡和借貸前都會先比較，但他們比較的方式只是直接上銀行及借貸機構的網站，然而香港擁有10間以上的銀行和百多張以上信用卡，這根本未能做到真正的比較。另外，該研究亦發現香港出現不健康的理財現象，就是部分港人有「碌爆卡」習慣，顯然是忽略了信用卡還款期及高利息風險，而導致有接近有30%人以借貸清卡數。

港人愛精打細算 比較信用卡卻用錯方法

超過85%受訪者會先比較，後申請信用卡及私人貸款，這充分反映香港人愛精打細算的特質。當中約9成會直接到銀行網站查看資料，只有約1成半會以比較網站作比較。可是市面上有超過50多張流行的信用卡並來自不同的銀行，而直接到銀行網站的方法，未必能選出最適合自己的信用卡。這現象反映著即使香港人「有心」去比較，卻未能以最方便快捷、最準確的方法，為以上產品作比較。

善用香港金融比較網站 　MoneyHero.com.hk真比較真格價

講到信用卡比較網，有超過一半的用家都認為是對申請信用卡的整個過程十分重要，而且活躍用戶都習慣一星期使用至少一次比較網，當中他們最關心是網站入面資料的完整程度，例如是還款期、獎勵積分兌換，還有是銀行及當中產品的多樣化。最近於香港流行的金融比較網站 MoneyHero.com.hk，賣點就是以最多、最齊、最新的信用卡資料齊集於一站式平台上，讓用家找出自己的心水信用卡，用家可以選擇不同的條件作出比較，例如有比較多人關注是現金回贈和飛行里數。

港人現理財危機　卡數容易爆煲

該研究更指出了一個不健康的理財現象，就是有港人出現「碌爆卡」的情況，就是短期內無力償還而要靠借貸還卡數，接近有3成人借私人貸款是用來還清卡數，當中用戶可能是忽略了信用卡潛在高利息的風險。MoneyHero.com.hk 建議大家在簽卡前，要先了解自己的財務狀況及找卡數的能力，經濟狀況欠佳的話，簽卡時就要慎重考慮所花費的是否必需品。

研究主要針對著3種金融產品，包括信用卡、私人貸款及旅遊保險。以網上問卷的形式訪問了超過500名香港人，受訪者年齡界乎18至54歲，並於24個月內擁有或未來12個月想申請信用卡或私人貸款。

——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 9成人比較 信用卡 用錯方法　高危現象卡數易爆煲 appeared first on 理財資訊.

又到本周精選優惠時間！小編放假就最鍾意去超級市場掃下貨，入下日用品、補充下零食櫃；又或者去書局打下書釘，睇下邊本書合心水就買。今個星期有3個 優惠 剛好同超級市場、書店有關。記住緊貼MoneyHero.com.hk每周至 著數 優惠情報！

1）建行銀聯雙幣信用卡 x 誠品：簽賬滿$500送$50現金劵

書中自有黃金屋，每個人都可以為生活增添多一份書卷味。由即日起，逢星期六及星期日，憑建行信用卡於香港誠品單次簽賬滿$500，可獲贈$50誠品現金券；簽賬滿$1,000，可獲贈$100誠品現金券。想知更多優惠詳情，請按此。

優惠期：由即日起至2016年8月31日

2）DBS信用卡 x Asiatravel.com：額外85折

憑DBS信用卡於Asiatravel.com指定網頁預訂全球住宿，可獲額外85折優惠及$300旅遊套票折扣優惠。需要注意，旅遊套票折扣優惠只適用於二人同行或以上的旅遊套票（機票連酒店，或機票連酒店及旅行團）。想知更多優惠詳情，請按此。

優惠期：由即日起至2016年12月31日

相關閱讀：10大 平價機票 酒店網2016

3）渣打/Manhattan信用卡 x 奇華：月餅8折

要過一個愉快嘅中秋又點少得一盒傳統奶黃月餅呢？由即日起，憑渣打或Manhattan信用卡購買奇華月餅即享8折優惠，買滿$500可獲贈迷你月餅一個，買滿$1,000或以上更可獲贈極品茗茶包（15包裝）一包。想知更多優惠詳情，請按此。

優惠期：由即日起至2016年9月15日

更多月餅優惠，即看：【月早買月平】 月餅 訂購優惠全攻略2016

4）Visa信用卡 x 惠康：簽賬滿$300即減$30

去開惠康買嘢嘅時候要留意呀，由即日起以Visa使用手機付款，消費滿$300即減$30。反正都係俾一樣價錢，咁如果用Visa卡埋單有著數，又好似幾爽。想知更多優惠詳情，請按此。

優惠期：由即日起至2016年8月31日

5）中銀信用卡 x 百佳：簽賬滿$500即送$50現金券

憑中銀信用卡於全線百佳購物，單一簽賬滿$500，即送$50百佳現金券。如果你透過Apple Pay簽賬付款，更可多獲贈$10百佳現金券，即是合共$60百佳現金券。想知更多優惠詳情，請按此。

優惠期：由即日起至2016年8月31日

——

延伸閱讀：【iPhone迷必讀】 Apple Pay 最新優惠全攻略

延伸閱讀：Pokemon Go全城優惠大搜尋

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post MoneyHero.com.hk本周至 著數 優惠情報（2016年7月29日） appeared first on 理財資訊.

自己一個行街聽歌、搭車聽歌、去旅行聽歌、喺屋企聽歌、喺Office聽歌⋯⋯成日聽歌嘅你又點少得一個手機音樂Apps，俾自己去到邊、聽到邊！但係講市面上咁多隻 音樂串流 Apps，究竟邊隻先係最抵最啱自己用？MoneyHero.com.hk 為大家逐個捉，從免費試用、收費計劃、歌庫、品質及系統逐一比較，務求幫你揀到啱！

1）Apple Music：家庭月費Plan每人只需$13

自從2015年7月Apple Music登錄香港，完咗3個月免費使用，唔知大家仲有冇用呢？完咗想繼續用，不妨搵埋親戚朋友，6個Apple ID 就可以Share音樂串流，每人平均只係$13一個月！而且Android終於推出咗Apple Music測試版，想搵埋一齊夾嘅朋友仔又易咗啦！加上Apple Watch都可以用上嚟聽Apple Music，啱哂鍾意跑步聽歌嘅你！

Apple Music最大特色就係具有眾多廣播電台，當中嘅Beats 1廣播電台、專業 DJ品味歌單等，都係小編推薦嘅Song Lists！加上Apple Music俾你下載歌曲後無限次離線收聽，iCloud音樂庫俾你儲存多達100,000 首歌，隨時隨地想聽乜歌乜都冇難度啦！

2）JOOX：土炮元素任你聽

呢個聽歌App最大好處就係俾你免費聽歌！當然呢個世界冇Free Lunch，當中嘅限制包括有隨機播放、不能聽盡歌庫音樂及不能下載歌曲，但如果聽歌唔算高要求嘅你，JOOX俾你免費聽歌自然係個唔錯選擇！

JOOX另一最大特色就係其濃厚嘅本地元素，細心留意你可以見到佢哋嘅本地熱播榜夠Update之餘又幾齊，皆因JOOX已與3大唱片公司環球、Sony及華納等簽約，而且囊括咗不同熱門嘅中、英、日、韓語歌曲，十分迎合唔同歌路嘅香港人口味；而且喺編輯推介入面，都係由音樂編輯團隊揀歌，好似《Pokémon Go》推出無耐，就有《捉住佢！小精靈》嘅歌曲列表，聽歌都可以追上潮流！

3）KKBOX：最齊亞洲本地歌

講到開創音樂串流嘅先河，一定係2009年就進軍香港嘅KKBOX，面對其他唔同聽歌Apps嘅挑戰，KKBOX依然不斷創新，當中嘅「一起聽」最為特別，用戶可以隨意跟隨其他用戶「台長」，一齊聽佢嘅專屬Song List，十足十好似聽電台DJ咁；唔止咁，歌手同用戶仲可以有互動嘅機會，收費用戶仲可以同歌手一齊傾計唱歌，咁「貼身」嘅聽歌功能，相信不少香港人都受落！

講價錢，其實KKBOX除咗有每月$49計劃之外，仲推出不同優惠計劃：

• 匯豐信用卡：專享優惠首月$9.9，第二個月起$44。
• DBS信用卡：單次購買365日 $499
• 青年學生優惠方案：$294買180日送180日

4）MOOV：自家炮製Live MV

PCCW旗下音樂平台MOOV出名有「自己Style」，以用心製作嘅自家內容取勝，佢哋周不時都會自家炮製MOOV Live演唱會而製成MV，就連紅遍中港嘅《中國好聲音》節目都有得睇，十分唔話得。仲有一樣MOOV十分抵讚嘅地方，就係佢提供無損壓縮音樂，對音質高要求嘅你自然識揀啦！

講番優惠，東亞信用卡持有人有福喇！喺2016年12月31日前都可以使用以下優惠！

• 東亞銀行信用卡：客戶專享$44/月
• 東亞銀行信用卡： 大學/大專全日制學生專享$90/3個月合約（推廣序號：MOOVBEA16S）

5）Spotify：外國歌粉絲恩物

來自瑞典嘅Spotify喺2008年推出，直至2013年先正式進軍香港，亦都係打正旗號以「免費」聽歌吸客，當中雖然會有聲音廣告夾雜，但仍然吸引不少年輕人使用。貴為外國音樂串流Apps嘅佢，外語歌曲當然係比較齊全，主頁嘅大部分推介都係外國歌手，啱晒一眾鍾意外語歌曲嘅樂迷。

除此之外，Spotify另一賣點就係你可以跟自己嘅Mood揀歌﹕乜意思？就係佢好細心咁，將不同風格或心情嘅歌分類，例如係Travel、Sleep、Chill、Focus等等，無論係溫緊書、去緊旅行抑或嘆緊咖啡，唔使諗播乜歌都可以即時播到啱Feel嘅歌！

——

延伸閱讀：【iPhone迷必讀】 Apple Pay 最新優惠全攻略

延伸閱讀：慳錢冇難度：5大本地實用 慳錢 Apps

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【聽歌必備】5大香港 音樂串流 Apps大比拼 appeared first on 理財資訊.

電子付費 係一種以電子貨幣嚟支付金額嘅付款方式。作為一個香港人，你最熟悉嘅電子支付方式應該非八達通莫屬。搭車要嘟、去7仔買嘢又要嘟，去其他店鋪買嘢俾錢都係用佢。其實全世界都有好多種電子貨幣，喺香港除咗八達通係其中一種，較流行的仲有：Apple Pay、 MasterPass、 Tap and Go、 TNG Wallet等。MoneyHero.com.hk為大家一次過介紹下。

1）八達通

特點：八達通真係不用多介紹，可以話係所有香港人必用的電子付費，可應用範圍很廣泛，除了適用於交通工具外，還有停車場、購物、自動販賣機、網上商店、康樂設施等。既可以自動增值，又可以賺取優惠如八達通日日賞、飛行里數等。指定類型的八達通更可以有失卡保障。八達通款式不只卡，仲有匙扣、配飾、手表等。

優惠：八達通日日賞

惠顧任何貼有「八達通日日賞」標誌嘅參與商戶，以會員八達通付款，即可自動賺取最少相等於消費總額0.5%的日日賞$。累積嘅日日賞$可於「八達通日日賞」商戶即時扣減消費金額，以日日賞$1當港幣$1使用 。申請「八達通日日賞」可按此登記。

而家透過八達通「O!ePay好易畀」App，仲可以用智能手機或平板電腦，從自己的O!ePay戶口與另外一個人的O!ePay戶口直接即時「過數」。詳情請睇：八達通 O!ePay ：以後出街只需帶手機？

2）Apple Pay

特點：Apple Pay只需要一個帳戶，就可以連結最多8張信用卡。 信用卡資料並唔會儲存在 iPhone/iPad裝置裏或Apple Pay系統內，商戶唔會因交易而取得信用卡資料。除咗實體店用 Apple Pay外，仲可以喺App內購物或者喺網站支付（暫時未推出）。萬一iPhone唔見左，都可以用iCloud 嘅「尋找我的iPhone」服務即時停用裝置，唔怕被盜用。

如何安裝Apple Pay

iPhone / iPad：打開iPhone系統內置嘅「Wallet」App，點擊「+」號（iPad需要在系統設定，點擊「Wallet與Apple Pay」，再點擊「加入信用卡或扣賬卡」）。畫面上就可以見到要求為Apple Pay加入信用卡資料的提示，大家只跟住入資料就得。
Apple Watch：先喺iPhone上開啟Watch app，撳一下「Wallet與Apple Pay」，然後再撳一下「加入信用卡或扣賬卡」。

Apple Pay支援的信用卡

VISA、MasterCard、American Express
匯豐信用卡、恆生信用卡、星展信用卡、渣打信用卡、中銀信用卡、東亞信用卡

優惠

詳情可參考：Apple Pay最新優惠全攻略

3）MasterPass

特點：MasterPass專為網上購物而設。消費者只要註冊一次，未來無論喺邊個購物網站購買商品，就可以自動填入資料，大量減少輸入卡號、驗證碼、收件人資料的麻煩。統一管理就唔需要喺唔同嘅購物網站上留低個人資料，減低資料外洩風險。

MasterPass支付流程

第一次使用嘅消費者，只要去到合作銀行網站先註冊MasterPass，並輸入所有想整合嘅信用卡及運送貨物嘅地址（只需要填一次）。往後網購付款，只需撳一下「Buy with MasterPass」結賬按鈕，選擇你想用嘅信用卡，就可以透過點選快速完成結帳流程。

如何申請MasterPass

前往MasterPass首頁。撳一下「註冊」，即可開始建立賬戶資訊。或可以在線上購物期間註冊：結賬時選擇「Buy with MasterPass」按鈕。想了解更多，可即參考：MasterPass 電子錢包：網上保安做到足，購物付款好輕鬆！

MasterPass支援的信用卡

Master Card、VISA、American Express

4）Tap & Go

特點：「Tap & Go拍住賞」係一種流動預付MasterCard產品，無論您使用本地任何一間流動通訊服務供應商，都可以透過iOS或Android智能手機，配合MasterCard感應式支付技術， 於商戶一拍付款，或用作海外及網上購物，更有「拍還拍」功能畀你同朋友更方便互相過數。

如何申請Tap & Go

客戶可到1010或CSL門市免費換上一張支援Tap & Go拍住賞功能嘅SIM 卡，去Google Play/App Store下載「Tap & Go拍住賞」手機錢包App，入番晒啲資料同認證，啟動咗張卡之後，增值就可以開始使用。

Tap & Go使用範圍

有MasterCard PayPass服務的店舖的、全港市面上超過100間零售商店、網上轉賬以及網上購物交易。

Tap & Go增值

每日最高現金增值額為$3,000，每次增值要入$100至$3,000之間（$50的任何倍數）。

5）TNG Wallet

特點：只需30秒就可以完成登記程序，3大功能包括：銀行轉賬、現金提款、信用卡增值。TNG Wallet支援多種支付平台，包括：實體商店、網店、手機應用程式，甚至交通工具值（將會推出）。可以在TNG購買旅遊、交通等電子優惠劵，然後喺門市兌換。

如何申請TNG Wallet

只要喺Google Play/App Store輸入TNG呢個關鍵字，就會搵到「TNG-e-Wallet HK（電子錢包）」App，下載並安裝後再進行登記就可以使用。

增值TNG Wallet

可以在7-Eleven、759阿信屋在增值，或以信用卡、銀通（JETCO）櫃員機或者網上銀行增值。（留意：只有759阿信屋或信用卡先可以做到增值後即刻用到筆錢，其他方法就需要下一個工作日先可以完成增值。）

——

延伸閱讀：香港 網購 優惠全攻略（2016夏）

延伸閱讀：【 支付寶 用唔到】淘寶購物點算好？

想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！

The post 【唔使俾現金】香港5大常用 電子付費 appeared first on 理財資訊.

民以食為天，每年嘅Food Expo 美食博覽 都必定成為城中熱話。「2016 美食博覽 」嘅參展商已經積極準備中，攤位、招牌、貨品都陸續送達會場。每年嘅1蚊優惠都係市民眼球嘅聚焦點，今年嘅1蚊必搶攤位當然係有增無減！到底要成功搶購1蚊產品有乜戰略？當然要先了解優惠嘅分布，再規劃你想行嘅路線啦。就等 MoneyHero.com.hk 搶先為大家介紹一下今年Food Expo有乜1蚊荀貨！

「2016 美食博覽 」基本資訊

• 展覽日期：2016年8月11日至15日（星期四至星期一）
• 開放時間
  • 10:00am – 10:00pm（8月11日至8月14日）
  • 10:00am – 6:00pm（8月15日）
• 展覽地點：香港灣仔港灣道1號香港會議展覽中心

票價

• 美食博覽公眾館、家電‧家品‧博覽及美與健生活博覽2016門票（日間$25、晚間$10）
• 美食博覽公眾館、家電‧家品‧博覽及美與健生活博覽2016門票 ＋尊貴美食區（套票$40）
• 購票方法
  – 7-11
  – OK便利店
  – 快達票
  – TNG（免費門票優惠或門票回贈詳情，請按此）
  – 現場購票（可用八達通或支付寶）

必搶1蚊優惠

1）1蚊鮑魚許願樹 （安記海味，攤位：1C-B10）

向願望樹拋寶牃？唔夠潮啵！不如試下拋鮑魚福袋？將你嘅願望寫埋落隻福袋度，數3聲：1、2、3，拋！得咗就有鮑魚食。你拋咗未？

• 首日頭10位顧客。
• 只需花$1就可以拋1次鮑魚福袋，寫上自己願望，拋上許願樹，拋中1次就可得1隻鮑魚。
• 每人最多可獲得168隻鮑魚（總值$7,308）。

2）1蚊搶水晶 ：一世免費食榴槤冰皮月餅（醉榴香，攤位：3E-B4）

喜歡食榴槤嘅朋友一定會覺得呢種食物令人又愛又恨，特別係榴槤冰皮月餅 。一啖咬落去鬆軟嘅榴槤度，恍如一瞬間進入咗滋味嘅國度，有種升仙嘅感覺；但當你吞咗落去，你就會開始用個腦運算嗰一啖嘅卡路里，當中嘅罪惡感就好似令你跌入地獄嘅深淵……真係來回地獄又折返人間。

• 首日頭3位顧客。
• 若參加者於30秒內能夠在醉榴香水晶箱內取得10個以上的榴槤水晶冰皮月餅，即可每年獲贈1盒免費貓山皇榴槤冰皮月餅（原價$808）。每年送1盒，食足1世！

3）1蚊NanaMee青咖喱米粉40包（高格行有限公司，攤位：1B-D06）

唔知有冇人同小編一樣，對青咖喱情有獨鍾呢？今年美食展，小編瞄準呢一檔，勢必要買個痛快，未來一個月嘅早餐就靠呢次！

• 首日頭10位顧客。
• 只需用$1就可以購買10袋4包裝的NanaMee青咖喱米粉（價值$600）。
• 送埋購物車，方便你輕鬆掃貨。

4）1蚊3秒任夾天然健康食品（冠華食品，攤位：1C-C27, 1C-C29）

堅果、乾果類食物向來都香脆可口，平日食嘅時候，唔知大家係咪用筷子夾嚟食？呢個攤檔就俾大家用3秒任夾乾果，夾到幾多就拎走幾多！

• 首日頭50位顧客。
• 只需用$1，於3秒內以筷子夾下紙箱內的天然健康食品，包括：天然堅果系列、健康乾果系列。夾到幾多就拎走幾多，拎到幾多就睇你本事。

5）1蚊100粒魚蓉燒賣 （陳記點心，攤位：1A-C17）

燒賣唔係淨得肥豬肉同麵粉！仲有魚蓉，咁先有營養。呢一檔咁抵嘅燒賣，相信喺家庭之選！

• 首日頭10位顧客。
• 只需用$1，就可以買到100粒魚蓉燒賣，諗起都流口水！

6）1蚊MAMA泰式青咖喱即食麵 （天匯食品貿易有限公司，攤位：1A-B19)

青咖喱再次出喱出沒注意！呢檔泰式即食麵絕對喺小編心水之一，各位有興趣嘅朋友都可以去搶購！

• 每日首10位顧客。
• 只需$1就可以買到5包裝泰式青咖喱即食麵。

7）1蚊隨機獲得紐西蘭專賣店產品 （紐西蘭專賣店，攤位：1B-CO2)

天然蜂蜜、鳥結糖、開心果、人參糖，全部都係紐西蘭產物，可以用1蚊換佢地返嚟，真係非常之抵。有興趣嘅朋友要留意呀！

• 每日首10位顧客。
• 只需$1即可隨機獲得以下其中一樣產品：天然紐西蘭三葉草蜂蜜（250g）／意大利烏結糖 （200g）／伊朗頂級鹽焗開心果（350g）／韓國6年根高麗人參糖（200g） （價值$50-$108）

8）1蚊搶購搾汁機（Konstar，攤位：3G-C12 & 14）

唔知大家有冇榨開果汁呢？作為打工一族嘅小編，好多時工作好忙，忙到冇時間食足夠份量嘅生果。冇時間慢慢食生果，取而代之嘅，就係飲果汁。所以，喺保持身體健康呢方面，榨汁機嘅角色相當重要；而家賣到咁平，真喺要去搶購一部作家居用途。

• 首日限定6部。
• 只需$1就可以購買搾汁機（原價$399）

9）1蚊搶鮑魚湯包（鴻星，攤位：1C-D10）

冇時間、冇心機日日煲鮑魚湯但喺又好想飲？咁可以考慮一下鮑魚湯包。你只需要將原包湯包放於滾水中，加熱5分鐘，即有原隻乾包嘅鮑魚湯可以飲用。

• 首日限量100盒。
• $1換購原隻乾鮑系列即飲湯包1盒。每包湯包都有1隻原隻乾鮑在內。

10）1蚊平底鑊 / 1蚊百花蜜（香港優質標誌局，攤位：1A-A15）

Q嘜大家就見得多，Q嘜喺美食博覽嘅優惠大家又知唔知呢？今年有平底鑊，又有老字號蜜糖可以買。香港優質標誌局攤位賣嘅貨品，相信一定優質。1蚊咁平就有交易，仲要有質素嘅保證！必搶！

• $1限量發售Kinox建樂士不銹鋼平底鑊（原價$450）。
• $1限量發售老字號雙喜牌百花蜜。
• 香港優質標誌局（Q嘜）更準備了超過1,000份禮品免費派街坊，包括米、油、醬料。

11）1蚊Cider Brothers Premium（Brothers Premium，攤位：3E-B07）

Brothers Premium被視為英國經典Number One嘅British Ale及Cider品牌。Toffee Apple Cider 更加係佢嘅招牌；將香甜嘅拖肥混入酸甜嘅蘋果，加入Cider嘅酒香，味道可謂一絕

• $1可購買１支拖肥蘋果Cider Brothers Premium（超市售價約$15）。
• 每日限量供應1,000支。

——

延伸閱讀：【唔使俾現金】香港5大常用 電子付費

延伸閱讀：【聽歌必備】5大香港 音樂串流 Apps大比拼

想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！

The post 【Food Expo】2016 美食博覽 必搶1蚊優惠 appeared first on 理財資訊.

「生唔生小朋友」呢個問題，相信係人生最難決定事項嘅前三位之一。N年前李麗珊一句「香港生一個小朋友要400萬」（而家計埋通脹應該唔止），嚇窒咗無數想生小朋友嘅夫婦，相信亦間接降低埋香港嬰兒嘅出生率。但到底喺香港生養一個小朋友係咪真係天價？MoneyHero.com.hk就幫大家計算一下由懷孕到BB出世後3年嘅總使費，俾大家一個參考。

1）產前檢查（約$6,500~$12,500）

產前檢查主要有分3種：普通產檢、唐氏綜合症篩查及結構檢查。

1. 普通產檢：孕婦由懷孕到分娩期間，共需做大約10次產前檢查。公立醫院/母嬰健康院毋須收費；私院/私家診所則每次$800~1,000。由於政府產檢唔包括超聲波檢查，因此好多孕婦都會公家同私家各去幾次。
2. 唐氏綜合症篩查：政府公立醫院/母嬰健康院有得做，毋須收費；私院/私家診所收費約$2,000。
3. 結構檢查: 政府醫院只會提供呢個服務俾高齡及高危產婦，其他孕婦一般會去私院做，費用約$2,500。

相關閱讀：贏在起跑線！產前檢查小知識

2）分娩（約$500~$50,000）

普通家庭一般會選擇去公立醫院分娩，因為香港市民生BB只需要俾住院手續費（$50）同埋住院費（$100/晚），正常情況下$500內可以出院。如果選擇去私院生，費用可高達$50,000以上。

相關閱讀：比較香港6大私家 產科 醫院！

相關閱讀：什麼是產科保障？

3）產前/產後補品（約$5,000）

為咗自已同BB健康，好多準媽媽都會喺懷孕前後進食補品，例如葉酸、鈣片、薑醋等等。如果唔係食花膠、燕窩等名貴補品，一般花費不多於$5,000。留意番，補品並唔係食得愈多/愈貴就代表愈好，準媽媽進補前宜先諮詢醫生。

4）陪月（約$16,000~$20,000）

如產後媽媽喺坐月期間冇富經驗嘅家人幫手湊B，就需要請陪月。請一名全職陪月員現時每月約$16,000～$20,000。

5）嬰兒用品（約$25,000）

照顧嬰兒需要用到嘅物品種類繁多，包括BB床、被舖、玩具、BB車、奶泵、奶瓶、背帶等等，唔買貴價貨嘅話，總開支大約$25,000，係一筆唔細嘅數目。不過如果唔介意用親戚朋友贈送嘅二手用品，呢筆使費可大大減少。

6）BB衫（約$14,400）

0~3歲嘅BB大得好快，衫褲每3~6個月就要換一批，所以要買嘅數量都唔少。以每個月買4件，每件$100為例，3年共需花費$14,400。同樣，如果有親戚朋友送衫俾BB，就可以慳返唔少

7）尿片（約$10,750）

0至6個月大嘅嬰兒每日約需換8~10塊尿片，之後減至1日5片，大部分BB直至2歲可以完全停用。尿片總數加埋大概需要4,300片。以每片$2.5計，總開支為$10,750。

8）奶粉（約$13,500）

現時市面上奶粉約$300/罐，假設頭兩個月餵母乳， 之後餵奶粉，2個月~7個月奶粉約一星期一罐，8個月至2歲兩星期一罐，全部加埋54罐，總共要用 $13,500。

9）N班（約$35,000~$55,000）

小朋友夠兩歲後，父母可考慮俾小朋友入讀幼兒班（Pre-Nursery / 簡稱N班），好處係有嘢學，有人幫手湊仔，同埋俾仔女提早適應幼稚園生活。N班有分全日同半日，而每間學校嘅學費都唔一樣。普通非私營嘅幼稚園半日班約$2,000~$3,000/月，全日班$4,000~$5,000/月。半日班學費連雜費一年大約$35,000；全日班約$55,000。

另外，如讓小朋友入讀全日制N班，而且家庭收入未超上限，父母可向學資處申請「幼稚園及幼兒中心學費減免計劃」，可獲半額或全額學費資助。

10）Playgroup（約$20,000）

近年Playgroup（遊戲小組）愈來愈盛行，好多家長選擇喺小朋友入學前帶佢哋上Playgroup，寓學習於娛樂。 一般私營Playgroup收費大約$200一堂，父母可自行決定一個禮拜上幾多堂。假如由BB 1歲起至入N班為止，每星期上2堂，總花費約$20,000。 

11）教學材料（約$10,000）

除咗俾小朋友上N班同Playgroup，家長可能會自行購買幼兒教材，俾小朋友在家學習，教材一般包括卡通影片、拼字卡、圖書等，有平有貴。準爸媽如果覺得需要準備教材，預大約$10,000都可以有好多選擇。

12）疫苗注射（約$2,400）

衛生署會免費幫BB注射所有基本疫苗，若果父母想進一步保護BB免受病菌入侵，亦可到私家診所打埋進階疫苗。大多數父母會去診所幫BB打水痘針及輪狀病毒疫苗2服（口服），每支約$800，合共$2,400。

13）醫療費（門診）（約$4,000）

嬰幼兒難免會比較多小病小痛，所以父母都要預一筆錢嚟睇醫生用。去診所睇一次醫生每次約$250（專科每次$400以上），假設預BB一年睇4次醫生，間中又睇下專科，咁3歲前大概要用大約$4,000左右吧。

14）醫療保險（住院+危疾）（約$14,400）

BB平時少少病痛由事可，萬一有急症要入院就比較麻煩。公立醫院有排等，住私院又會好貴，所以最穩陣都係幫小朋友買份醫療保險，有事嗰陣就唔使擔心啦！由嬰兒時期開始買保險保費係最平，每個月$400左右，首3年共需$14,400。

相關閱讀：給子女最好的：建立 教育基金 的6大要點

總結：

睇番個表，計一計數，今時今日一個小朋友出世頭3年嘅使費總共約20餘萬，唔知大家覺得係平定貴？留意番，呢個表並未計算因屋企多出一位成員而增加嘅伙食費、水電媒費用，仲有係請工人/托兒所嘅費用。所以，各位準爸媽應按照自己屋企嘅情況，估算大概需要嘅有使費，喺生BB之前做好充足準備呀！

相關閱讀：BB用品唔慳得？新手爹哋媽咪必讀購物指南

——

延伸閱讀：香港平靚正 親子活動 好去處

延伸閱讀：由拍拖到開花結果，要使幾多錢？香港戀愛 結婚 成本大搜查

想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！

The post 【 生仔 使費要幾多？】BB由0歲到3歲的開支預算 appeared first on 理財資訊.

#TGIF（Thanks GOD It’s Friday）！終於到咗一個星期嘅終結，係時候去玩下放鬆下，叉個電預備下星期嘅工作。MoneyHero.com.hk為大家搜羅咗5個本周最實際、最筍、最正優惠 ，立即睇睇下文了解有乜 著數 ！

1）八達通：提高自動增值額即賺超市現金劵

八達通最近推出咗個自動增值優惠。只要用戶提升「八達通自動增值」服務金額至$500，即可賺取$50超級市場現金券。瀏覽優惠詳情，請按此。

優惠期：由即日起至2016年9月30日

2）Visa x 澳門文華東方酒店：額外免費商務午餐或下午茶

放假懶洋洋，唔想煮嘢食，想食個商務午餐或者下午茶餐？憑Visa Card到澳門文華東方酒店，惠顧御苑餐廳指定之商務午餐1份，可額外免費獲贈商務午餐1份；或惠顧大堂酒廊之指定下午茶套餐1份，可額外免費獲贈相同下午茶套餐1份。優惠設有限額，了解詳情請按此。

優惠期：由即日起至2016年12月30日

3）American Express x 蘭桂坊：餐飲85折優惠

去蘭桂坊夜蒲總唔少得飲飲食食。唔係淨係飲酒嘅，有時都要食下正餐。唔想咁貴但又想有多元化餐廳選擇？由即起憑卡於蘭桂坊消費，即可享一系列精選優惠：包括指定餐廳酒吧的自選菜式及飲品85折優惠。瀏覽優惠詳情，請按此。

優惠期：由即日起至2016年12月30日

4）渣打信用卡 x 迪士尼樂園酒店：星球大戰房間布置$300折扣

放假未必想屈喺屋企，又唔想下下去旅行咁大陣仗。咁不如離開屋企一兩日，去迪士尼樂園酒店玩返晚，休息一下！憑渣打銀行信用卡提早預訂廸士尼樂園酒店即享星球大戰房間佈置$300 折扣優惠（正價：$600）；並可獲米奇廚師餐廳自助晚餐75折優惠。瀏覽優惠詳情，請按此。

優惠期：由即日起至2016年9月30日

5）銀聯信用卡 x 一田超市：送$50現金禮券

有去一田購物嘅朋友要注意，付款嘅時候可以考慮使用銀聯卡，有著數！憑銀聯信用卡於一田超市單一消費滿指定金額，即可獲贈一張$50一田現金禮券及精選商品優惠。瀏覽優惠詳情，請按此。

優惠期：由即日起至2017年1月28日

想知道更多信用卡嘅優惠資訊？立即使用我哋嘅比較工具，搵出最適合你嘅信用卡！

——

延伸閱讀：2016美食博覽 必搶1蚊優惠

延伸閱讀：【平靚正嘆Resort】嚴選10大度假 酒店 2016

想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！

The post MoneyHero.com.hk本周至 著數 優惠情報（2016年8月5日） appeared first on 理財資訊.

香港人素來喜愛日貨，即使最近日元升返上7算，仍無損大家飛去日本掃貨嘅熱情。然而假期總是有限的，人在香港又想平買日貨點算？呢個時候，日本兩大購物網站樂天（Rakuten）同Amazon JP幫到你！以當地價格購入心水貨品，再加些許運費運到香港，價錢多數平過喺香港買或搵代購。至於點樣買？有乜抵買？點慳運費？而家就等MoneyHero.com.hk同大家詳細介紹！

日本樂天市場

日本樂天市場係日本最大規模嘅網上購物中心，擁有幾萬間線上專賣店，貨品包羅萬有，緊貼日本潮流。樂天同好多 網購 平台使用方式相近，操作簡單，而且提供中英文版本，唔識日文都可以順利購物。

樂天嘅購物平台其實有兩個，分別係「樂天市場」同「Rakuten Global Market」。「樂天市場」專攻日本國內市場，只有日文版，店舖多達40,000間，但大部分唔發貨至海外；主攻海外市場嘅「Rakuten Global Market」則有中韓英語言選擇，有10,000多間店舖，所有店舖都接受海外訂單。

購物貼士

1）用日文搜尋商品

如果你已有想買嘅物品，可在首頁輸入物品名稱，直接搜尋。不過樂天市場嘅中英文商品名稱係由日文翻譯而成，未必精確。要獲得更多更準確嘅搜尋結果，最好用日文搜尋。

2）落單前，自行估算運費

上網買嘢除咗要睇商品價錢之外，最緊要睇埋運費！樂天市場以EMS送貨，將1kg貨品送回香港需 2,100 日圓（約HK$161）運費。在商品頁面點擊「估計運費」，你會見到寄去唔同國家、唔同重量嘅EMS運費表作參考，但最終運費會於付款後，以賣家確認為準。

3）善用集運，節省運費

樂天運費本身唔平，當你同時幫襯咗幾間店舖，並讓每間舖分別將貨物運送到香港，運費更加會倍增。因此，為咗慳番啲運費，大家可考慮使用日本集運服務，先將貨件送至日本本土貨倉，再一次過集運回港（詳見下文介紹）。

4）付款後，回覆運費電郵

於樂天成功落單後，買家一般會收到3封電郵：1）由樂天發出嘅訂單確認郵件；2）由店舖發出嘅訂單確認郵件；3）由店舖發出嘅所需運費郵件。幾封電郵中，你特別需要查看「運費郵件」，因為此電郵列明咗商品嘅實際運費，買家需以簡單英文回覆是否同意該運費。如同意，可回覆：「I agree with the shipping cost, please send to me accordingly.」如不同意，可回覆：「I’m sorry, I don’t agree with the shipping cost, please cancel my order.」如果無回覆，則會被店舖當成默認該報價，貨品會如常發出。

5）如有任何唔明，即搵「在線客服」

雖然 Rakuten Global Market 提供中英文版本，不過商品介紹既翻譯或會有啲奇怪，而且可能仲有唔少日文。如果有任何唔明，你可以點擊右上角嘅「在線客服」，搵客戶服務員問清楚。客戶人員識中英文，但未必係香港人，所以記得打字唔好用口語呀！（「在線客服」服務時間：香港時間 星期一至日 上午9:00 – 下午5:00）

6）Mark實「樂天超級點數」回贈，慳得更多！

樂天會員每消費100日圓，即可得1點樂天超級點數，每1點樂天超級點數可以當1日元用，換句話說即等同1%回贈。想賺更多點數有兩種方法：(1) 趁店鋪做緊額外點數優惠時落單；(2) 憑指定信用卡於樂天付款，可獲10-15倍樂天超級點數。（*非會員都可以喺樂天購物，不過就拎唔到樂天超級點數。）

樂天信用卡優惠

香港好多信用卡都有提供樂天購物優惠，善用呢啲優惠，可以慳番唔少！

MasterCard：10倍樂天超級點數

由即日起至2016年12月31日，逢星期五用MasterCard於Rakuten Global Market付款，可享有10倍樂天超級點數（等同10% 回贈）！查看詳情

DBS信用卡：1,500日圓即時折扣

由即日起至2016年8月31日，於樂天市場單一簽賬滿JPY10,000或以上並於付款時輸入該月份之推廣編號，即享JPY1,500即時折扣。此優惠只適用於每月首 400 宗合資格交易。查看詳情

恒生MasterCard – 15倍樂天超級點數

由即日起至2016年9月31日，逢星期五、六及日使用恆生MasterCard付款，可享有15倍樂天超級點數（等同15% 回贈）！查看詳情

相關閱讀：香港 網購 優惠全攻略（2016夏）

Amazon JP （amazon.co.jp）

Amazon JP作為另一個日本大型購物網站，店舖同貨品數量雖不及樂天，但介面乾淨整潔，清晰易用，官方直營貨品嘅質素又有保證，所以好多香港人都鍾意用佢買嘢。為方便海外人士購物，Amazon JP設有中文及英文版，但商品說明好多仲係日文，大家可能要用翻譯網站幫幫手。

購物貼士

1）分辨「直營商品」及「自營商品」

Amazon嘅商品主要有兩類，第一類係Amazon直營貨品：出貨快，日本國內免運費，質素較有保障。如同時購買多款直營貨品，通常可以夾埋一次過運返香港。如果係Amazon直銷營品，商品頁面會寫明「Ships from and sold by Amazon.co.jp」。

另一類係自營商品，由合作廠商出貨，唔一定免國內運費，亦可能唔發海外，另外出貨可能需時較長。

2）運費公式各有不同

Amazon嘅運費計算方式會因應貨品類型而有所不同。書籍、CD、軟件、珠寶鐘錶等係以件數收費，其他則按重量收費。以下係Amazon直營商品運到香港嘅收費表：

以件數收費的運費公式：基本費用＋（每件運費 x 件數）

例：買3本書運返香港，運費為600 JPY +（300 JPY x 3）= 1,500 JPY （約港幣$115）

以重量收費的運費公式：基本費用＋（每公斤運費x 重量）

例：買3kg衣飾運返香港，運費為600 JPY +（800 JPY x 3）= 3,000 JPY （約港幣$230）

*除咗直營商品外，部分自營商品都會由Amazon直接出貨，但運費略有唔同。按此查看收費表

Amazon JP 雖然送貨神速（通常兩日就到香港），但海外運費其實唔平。如果想慳運費，又唔介意遲少少收貨，可考慮使用集運。

日本集運服務

乜野係集運？顧名思義，集運就係將各樣貨品集合起嚟，一次過進行運送。日本有好多集運公司，可讓你先將貨件寄至該公司嘅日本貨倉，再一併運返香港，以節省大筆運費。海外消費者會使用集運，一般有以下原因：

1. 分別喺唔同店舖購物，再將包裹集合運送回港。
2. 同親友約埋一齊網購，然後用集運慳返運費。
3. 部分店舖/網站嘅貨品只限本地郵遞。
4. 店舖/網站可提供海外速遞，但運費偏貴。

常用集運公司

香港人最常用嘅集運公司主要有兩間，分別係Jshoppers 同Tenso，兩間都係日本人開辦嘅公司，服務比較可靠，網站有提供中文版本，清晰易用。

1）轉送Japan（Jshoppers）

Jshoppers係出名運費較平嘅集運公司，因為佢地係用順豐速運，收費比其他運送方法平，而且通常一個禮拜內會送到。不過佢哋登錄運單嘅速度比較慢，倉庫收咗你件貨後，未必即刻上網Check到，所以急件唔太建議用佢地。網站：http://tensojapan.jshoppers.com/ch/

2）TENSO

TENSO係一間比Jshoppers更具規模嘅集運公司，發貨速度比較快，但價錢就冇咁平。佢哋嘅手續費係因應運費而作調整，並唔係劃一收費，所以整體費用會比其他公司貴。TENSO已經同樂天合作推出運費優惠，有優惠嗰陣價錢都OK的。網站：http://www.tenso.com/cht/shopping/index.html

相關閱讀：淘寶達人必睇：10大 集運 公司大比併

——

延伸閱讀：旅遊 Wifi蛋 上網全攻略（日本篇）

延伸閱讀：日本旅遊 購物必備信用卡

想知道最新嘅理財貼士，就要留意MoneyHero.com.hk Blog，同埋緊貼我哋嘅Facebook Page！

The post 【唔使搵代購】日本樂天 + Amazon JP 網購 全攻略 appeared first on 理財資訊.

邊個話 大學生 就好難擁有一張「好使好用」嘅信用卡？用嚟用去都係大學生聯營卡，係時候俾自己多啲選擇！MoneyHero.com.hk嚴選咗幾張 大學生 必備嘅信用卡，由優惠折扣、現金回贈到迎新優惠都一一為你拆解！等大家踏入社會大學之前，就學識精明使用信用卡！

1）恒生enJoy卡

ReU / 住Hall之選

大學生每年都有一大堆ReU等住去，過莊飯、Ocamp聚會飯、開Sem飯，完Sem飯、Project Mate飯⋯⋯呢張卡一定啱哂成日ReU嘅你！因為憑恒生enJoy卡喺超過2,300間商舖可以獨享全年折扣優惠，仲可以賺2X enJoy Dollars！食肆「特約商戶」包括有美心集團、Pizza Hut、元氣寿司、千両、丼丼屋、丼丼屋食堂、一風堂、魚尚及香港怡東酒店等等，啱哂一大班Friend去食！

住Hall嘅話，成日要買啲家居日用品，憑卡係惠康、7-Eleven、宜家家居及萬寧等消費，都有唔同折扣優惠。咁聽落，喺咁多唔同地方可以儲到enJoy Dollars，話咁快換到餐飯番嚟！

旅行 / 網購之選

2X enJoy Dollars都仲未夠？鍾意去旅行或者網購嘅話，呢張卡嘅全年3X Cash Dollars獎賞就一定唔可以錯過！只要由即日至2016年12月31日，成功登記後，憑卡作以下交易，就可以賺取 3X enJoy Dollars：

1）於海外以外幣簽賬或現金透支；
2）以港幣或外幣付款之網上交易；
3）於本地商戶以免息分期付款購物之每項淨值滿$5,000或以上之交易。

迎新禮遇

講到迎新禮遇，呢張一啲都唔輸蝕，係2016年12月31日或之前申請，即送你$3,800「特約商戶」優惠券以及$200 enJoy Dollars + $100 enJoy Dollars網上申請額外獎賞。

申請門檻

本身係有年薪要求，只要出示到學生證就可以申請（任何大學或大專全日制學生）。

2）花旗Citi Clear Student Card

網購／代購之選

聽過唔少大學生都鍾意成班人約埋一齊網購（Share運費呀嘛！），仲有部分鍾意搞下小生意做網上代購。呢張卡嘅好處就係所有網上外幣簽賬享2%現金回贈，仲有獨家網購及送貨優惠低至8折！

用開淘寶嘅話，集運對你嚟講應該唔陌生，憑呢張卡就可以係DimBuy享有運費優惠9折，一年入面用咁多次集運，慳慳埋埋都唔少。

鍾意係英美網站Online Shopping嘅話，憑呢張卡就可以係Borderlinx享有免費美國及英國網上商店代購服務、低至8折運費優惠，以及免費包裹整合及重新包裝服務。

睇戲之選

大學生轉堂、放學嘅時候，最興就係去下睇戲，憑卡係Cinema City朗豪坊買戲飛都享有優惠，包括正價戲票9折、週五至日3D/2D戲票買1送1。做學生好自然想慳得就慳，睇戲有折扣又可以慳番筆！

迎新獎賞

學生信用卡嘅新客戶，喺發卡後首2個月內累積認可簽賬滿$2,500或以上，就可獲贈Cinema City朗豪坊換票證2 張（總值$190）

申請門檻

任何大學或大專全日制學生，只需提供學生證都可以申請

3）東亞銀行i-Titanium卡

睇戲之選

除咗啱先張卡之外，呢張東亞卡仲囊括埋UA院線優惠，憑卡享有每天正價戲票9折（包括2D、3D、IMAX、全景聲版及VIP影院戲票），而且可以係戲院售票處優先購票專櫃，同埋以優惠價$28購買32安士爆谷1客，啱晒鍾意霸靚位同食爆谷嘅你！唔止唔止，去MCL院線（The Grand Cinemas 除外）以及星影匯買飛，都可享正價戲票9折。

現金回贈之選

呢張卡係賺取現金回贈方面絕對不錯，係全港食肆簽賬，可賺$250 = $2現金回贈，咁多ReU飯局賺得仲快！而其他零售簽賬就有$250 = $1現金回贈。鍾意網上購物嘅就要留意喇，用呢張卡可享3% i-dollar回贈，唔好錯過。

迎新禮品

由即日至2016年12月31日，於發卡後首2個月簽賬滿$1,500，就可免費換領UA院線電影禮劵 2 張 （總值 : 高達 $210）。

申請門檻

任何大學或大專全日制學生，只需提供學生證都可以申請。

4）大新ONE+ 信用卡

現金回贈之選

有無諗過，做學生都可以有張信用卡比你自動增值八達通，再賺埋現金回贈！憑大新ONE+信用卡，喺任何本地或海外商戶之零售簽賬、現金透支及「八達通自動增值」服務，都可以有1%現金回贈，而且回贈金額不設上限。

嫌1%唔夠？其實呢張卡仲有個5% MasterCard®樂遊賞獎勵，有本地、海外及網上多達300個國際品牌及1,000間商戶俾你選擇，自動賺取5%獎勵，以兌換各種商戶禮券，而且獎勵不設上限。配合埋上面個1%，隨時賺5+1%！

迎新優惠

既然呢張卡賣點係現金回贈，迎新優惠都自然配合一下！成功申請後，你可以揀$300現金回贈 或者$50現金回贈（網上尊享）連Cafissimo咖啡機，推廣期由即日起至2016年12月31日止。

申請門檻

本身係有年薪要求，不過你出示到學生証就可以申請（任何大學或大專全日制學生）。

想知道更多信用卡嘅優惠資訊？立即使用我哋嘅比較工具，搵出最適合你嘅信用卡！

——

延伸閱讀：大學生必用！5大最佳 Fresh Grad 信用卡

延伸閱讀：【聽歌必備】5大香港 音樂串流 Apps大比拼

想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！

The post 【入U即申請】嚴選 大學生 必備信用卡 appeared first on 理財資訊.

2016年度全港大專學院推出電腦優惠嘅時間又到喇！剛成為大專生嘅朋友，係時候買番部手提電腦；已經係大專生嘅朋友，唔知有冇需要換電腦呢？教職員同埋校友們，又有冇打算買番部 Notebook 呀？MoneyHero.com.hk將會為大家報道一系列大專院校嘅 Notebook優惠 ，今回率先同大家介紹理工大學嘅優惠！

Apple

MacBook（12 吋/1.1GHz雙核/8GB RAM/256GB硬碟）

• 優惠價$9,188；原價$9,988
• 另加一部1.2GHz雙核/512GB硬碟：優惠價$11,088；Apple Store優惠$11,988

至輕之選：MacBook Air（11吋/1.6GHz雙核/4GB RAM/128GB硬碟）

• 優惠價$5,888；原價$6,688
• 另加一部256GB硬碟：優惠價$7,208；Apple Store原價$8,188

最受學生歡迎之選：MacBook Air（13吋/1.6GHz雙核/8GB RAM/128GB硬碟）

• 優惠價$6,688；原價$7,488
• 另加一部256GB硬碟：優惠價$8,148；Apple Store原價$8,988

MacBook Pro（13吋/2.5GHz雙核/4GB RAM/500GB硬碟）

• 優惠價$7,058；原價$8,188

高質之選：MacBook Pro with Retina（13吋/2.7GHz雙核/8GB RAM/128GB 硬碟）

• 優惠價$8,748；原價$9,988

HP

返學最平之選：HP15（15.6吋/ 2.3GHz雙核/8GB RAM/500GB硬碟）

• 優惠價$3,880；原價$5,998

極高性價比之選：HP Pavilion 15（i7）（15.6吋/2.6GHz雙核/16GB RAM/1TB硬碟）

• 優惠價$7,680；原價$10,998

HP Pavilion 15（i5） （15.6吋/ 2.3GHz雙核/8GB RAM/256 GB硬碟）

• 優惠價$5,680；原價$8,298

Lenovo

超值最平之選：Lenovo IdeaPad310（15.6 吋/2.3GHz雙核/4GB RAM/1TB硬碟）

• 優惠價$3,499；原價$4,798

Lenovo IdeaPad 710s（13.3 吋/3.2GHz雙核/8GB RAM/256GB硬碟）

• 螢幕和鍵盤可延展到180度成一直線
• 優惠價$7,599；原價$9,998

強大高質素高效能之選：Lenovo Y700 （15.6 吋/3.5GHz雙核/16GB RAM/1TB硬碟）

• 優惠價$9,899；原價$14,498

Road Show 資訊

日期：2016年8月13日至2016年8月20日

時間：11:30-20:00（星期一至星期五）/12:00-18:00（星期六至星期日）

地點：理工大學，Core S，S403

付款方法

• EPS
• 全數繳付
  只適用於：Visa、 MasterCard、銀聯
• 網上繳款
  已登記網上銀行服務嘅客戶可在網上辦妥付款過程
  恒生、中銀、匯豐
• 12個月分期付款（RoadShow現場訂購）
  只適用於：Visa卡、恒生MasterCard、中銀卡、東亞卡
• 12個月分期付款（網上訂購）
  只適用於：Visa卡、恒生MasterCard
  只適用於購買筆記簿型電腦 / 平板電腦  /手提電話嘅客户

相關閱讀：【入U即申請】嚴選 大學生 必備信用卡

電腦優惠計劃附加資料

• 熱線電話：8208 6988
• 網上預訂期：2016年8月13日至2016年9月30日
• 每位客戶最多只能從Apple、HP、Lenovo各購買1部筆記簿型電腦及一部平板電腦
• 更多優惠詳情，請按此瀏覽官方網站！

係時候去Poly買電腦喇！另外，對Asus呢個牌子有興趣嘅朋友要注意呀，今年Asus嘅電腦優惠係俾所有持有香港各大院校發出嘅有效學生證、教職員證和校友證人士。了解詳情可按此。

想知道更多信用卡嘅優惠資訊？立即使用我哋嘅比較工具，搵出最適合你嘅信用卡！

——

延伸閱讀：【聽歌必備】5大香港 音樂串流 Apps大比拼

延伸閱讀：慳錢冇難度：5大本地實用 慳錢 Apps

想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！

The post 2016大專生 Notebook優惠 全面睇（理工大學篇） appeared first on 理財資訊.

雖然手機興起令大眾對電腦需求減低，但一年一度的「電腦通訊節」，都係一眾電腦玩家極為注目的重要展覽，因為電腦通訊節以超勁折扣著名，呢啲折扣電腦用品往往係限量發售，大家如果知道門路，就能更易買到心頭好啦。MoneyHero.com.hk幫大家羅列 電腦節 特選折扣貨品，睇下啱唔啱大家心水啦！

必搶優惠1：電競電玩迷必買專用筆電

今年 電腦節 設有「E-Sports Festival HK 2016」電競大型賽事，以PC為平台嘅比賽有《CS：GO》、《英雄聯盟》、《爐石戰記》等，睇完比賽手癢想Upgrade自己部電腦與高手一較高下？不如買部電競級數嘅筆電啦！

今次精選產品有Thunderobot ST-R2（Focus Model），原價$8,980，而家低至$5,999！而如果你想買其他高端型號如911、911M、911GT等系列，就會送你Thunderobot Gaming Backpack、Thunderobot x Creative Gaming Headset、Gaming Mouse等電競必要周邊產品！（攤位：D35-38）

必搶優惠2：航拍＋VR獨特經驗買一送一

航拍機價錢愈來愈平，想平平地買番部嚟玩下都係時候喇！而家航拍機仲可以配合埋VR眼鏡，等你可以感受喺天空飛翔嘅感覺。今次電腦節有推出限量優惠，Konsept VR高清航拍機連VR眼鏡，由$1,200減至$699，仲送你掌上微型氣壓定高航拍機，限量20部！而Konsept VR32高清航拍機連VR眼鏡，就由$1,299減到$699，同樣限量20部！（攤位：F25-27）

必搶優惠3：樂視送電視

樂視往年在電腦節都有特別優惠，今年都唔例外，今年只要在首日入場，係樂視攤位購買$990嘅1年樂視超級影視會員，就送你Le 2手機連LeTV Box，限量100份；你又可以選擇Super4 X43電視，呢個就限量50份，大家要申請就記住早啲入場喇！（攤位：G01、H01）

必搶優惠4：行動硬碟值得行動

入到場冇乜貴嘢特別想買，諗住入手最常用嘅硬碟，費事空手而回？其實買番個啱用嘅Hard Disk，入場都值回票價！今次電腦節最抵買嘅有G-Technology 6TB硬碟，原價$2,565，而家特價$1,699，仲送你Momen手機用VR眼鏡添！而你買入My Passport Wireless Pro 3TB無線行動儲存硬碟，就送你16GB SD Card、$25餐飲禮券，及可以用優惠價$10換防水袋！（攤位：D11-14、E11-14）

必搶優惠5：3D打印送你3D Scanner

3D打印熱潮未過，今年XYZprinting Da Vinci系列3D打印機就有多款優惠，如果係慳位嘅可以選擇Da Vinci Jr. Mini 3D打印機，會場價$3,280，仲送你3D打印筆，而如果你想要專業啲，就可以揀Da Vinci 1.0 Pro，會場價$7,980，仲送你XYZprinting 3D Scanner，價值$2,280！（攤位：D11-14）

電腦通訊節 2016 簡介

• 展覽日期：2016年8月19日 – 8月22日（星期五至星期一）
• 主辦單位：香港電腦商會
• 展覽地點：香港會議展覽中心一號展覽廳
• 門票價格：港幣 $30 (身高 1 米以下小童及 65 歲以上長者，或持合資格「傷殘人士登記證」人士免費入場)
• 開放時間：（五六日）10:00 – 21:30 / （一）10:00 – 18:00

大專生買電腦？梗係要留意各大專院校的Notebook Ownership Program優惠啦！即睇：

2016大專生 Notebook優惠 全面睇（理工大學篇）

2016大專生 Notebook優惠 全面睇（香港大學篇）

——

延伸閱讀：【聽歌必備】5大香港 音樂串流 Apps大比拼

延伸閱讀：【唔使搵代購】日本樂天 + Amazon JP 網購 全攻略

想知道最新嘅理財貼士，就要留意MoneyHero.com.hk Blog，同埋緊貼我哋嘅Facebook Page！

The post 早去早搶！2016 電腦節 5大限量優惠 appeared first on 理財資訊.

2016年度全港大專學院電腦優惠又嚟喇！各間大專院校陸續發放有關資料，包括電腦型號、價錢等資訊。MoneyHero.com.hk當然為大家作出最完善嘅資料整合，上一篇「優惠全面睇」就講咗理工大學，以下落嚟呢一篇就輪到香港大學。

Apple

MacBook（12吋/1.1GHz雙核/8GB RAM/256GB硬碟）

• 優惠價$9,188；原價$9,988
• 另加一部1.2GHz雙核/512GB硬碟：優惠價$11,088；原價$11,988

至輕之選：MacBook Air（11吋/1.6GHz雙核/4GB RAM/128GB硬碟）

• 優惠價$5,888；原價$6,688
  
• 另加一部256GB硬碟：優惠價$7,208；原價$8,188

最受學生歡迎之選：MacBook Air（13吋/1.6GHz雙核/8GB RAM/128GB硬碟）

• 優惠價$6,688；原價$7,488
• 另加一部256GB硬碟：優惠價$8,148；原價$8,988

MacBook Pro（13吋/2.5GHz雙核/4GB RAM/500GB硬碟）

• 優惠價$7,058；原價$8,188

高質之選：MacBook Pro with Retina（13吋/2.7GHz雙核/8GB RAM/128GB硬碟）

• 優惠價$8,748；原價$9,988

Dell

大屏幕高效能低價之選: Dell Inspiron 175000（5759）（i7）（17.3吋/2.5GHz雙核/8GB RAM/1TB硬碟）

• 優惠價$6,480；原價$8,181

中價實用之選：Dell XPS 13（9350）（i5）（13.3吋/2.3GHz雙核/8GB RAM/256GB硬碟）

• 優惠價$7,680；原價$12,084

超大容量極高效能之選: Dell Alienware 15（i7）（15.6吋/2.6GHz雙核/16GB RAM/256GB＋1TB硬碟）

• 優惠價$13,680；原價$19,151

Samsung

粉紅色可愛之選：Samsung Notebook 9（i5）（13.3吋/2.3GHz雙核/4GB RAM/128GB硬碟）

• 螢幕和鍵盤可延展到180度成一直線
• 優惠價$6,998；原價$8,180

清新白色之選：Samsung Notebook 9（i7）（15吋/2.5GHz雙核/8GB RAM/512GB硬碟）

• 屏幕大外觀美功能佳，性格比高
• 優惠價$8,298；原價$11,980

輕巧黑色型格之選： Samsung Notebook 9 Spin（i5）（13.3吋/2.3GHz雙核/8GB RAM/256GB硬碟）

• 優惠價$9,398；原價$11,980

Road Show 資訊

第一場

日期：2016年8月16日至8月20日

時間：11:30-19:30（星期三至星期六）/15:30-19:30（8月16日）

地點：香港大學，陸佑堂

第二場

日期：2016年9月3日, 9月5日至9月9日

時間：11:30-20:00（星期一至星期五）/12:00-18:00（9月3日）

地點：香港大學，陸佑堂

付款方法

• EPS
• 全數繳付
  只適用於：Visa、 MasterCard、銀聯
• 網上繳款
  已登記網上銀行服務嘅客戶可在網上辦妥付款過程
  恒生、中銀、匯豐
• 12個月分期付款（RoadShow現場訂購）
  只適用於：Visa卡、恒生MasterCard、中銀卡、東亞卡
• 12個月分期付款（網上訂購）
  只適用於：Visa卡、恒生MasterCard
  只適用於購買筆記簿型電腦 / 平板電腦  /手提電話嘅客户

相關閱讀：【入U即申請】嚴選 大學生 必備信用卡

電腦優惠計劃附加資料

• 熱線電話：8208 8983
• 網上預訂期：2016年8月9日至9月30日
• 每位客戶最多只能從Apple、Dell、Samsung各購買一部筆記簿型電腦及一部平板電腦
• 更多優惠詳情，請按此瀏覽官方網站！

係時候去HKU買電腦喇！另外，對Asus呢個牌子有興趣嘅朋友要注意呀，今年Asus嘅電腦優惠係俾所有持有香港各大院校發出嘅有效學生證、教職員證和校友證人士。了解詳情可按此。

相關閱讀：2016大專生Notebook優惠全面睇（理工大學篇）

想知道更多信用卡嘅優惠資訊？立即使用我哋嘅比較工具，搵出最適合你嘅信用卡！

——

延伸閱讀：早去早搶！2016 電腦節 5大限量優惠

延伸閱讀：10大起薪點最高 Fresh Grad 職位（2016年夏季）

想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！

The post 2016大專生 Notebook優惠 全面睇（香港大學篇） appeared first on 理財資訊.

美食博覽 2016正式開鑼，2位為食小編親身去到現場，為大家搜羅各種美食優惠！雖然鬥快搶嘅「1蚊優惠」可能已經冇晒，不過好多人人有份嘅優惠一樣好吸引！而家就等MoneyHero.com.hk同大家逐一介紹！

1）真滋味：瑤柱XO醬$100 / 4罐 （攤位：1C-A32）

小編由細食到大嘅XO醬，優惠大放送！瑤柱XO醬夠晒惹味，用嚟撈飯或者撈麵，味道一絕。全場都有幾檔賣XO醬，不過要數最抵買、最多款式，就應該係呢個攤位。滋味價：4罐只售$100 。超過8款味道，有辣有唔辣，任君選擇。

2）出前一丁：$100旅行袋套裝（攤位：1D-B02）

今年出前一丁喺美食博覽大放異彩，分別推出福袋以及旅行袋套裝。出前一丁福袋套裝一共9款味道，每一袋都附送一個變色杯，只要沖熱水落個杯度，就會變色；一袋只售$70。另外，出前一丁旅行袋套裝內一共有15款味道，優惠價$100。

3）唐龍有限公司：經典爆炸糖 & 杯裝棉花糖（攤位：1C-C33）

爆炸糖，相信係大部分90後讀小學或者80後讀中學嘅小息必食零食。爆炸糖一放落口就立即同唾液產生化學作用，引發一連串嘅爆炸，大家都會從中得到味覺刺激，成班人柴娃娃一齊爆炸，自然樂趣多。呢檔有優惠，$15就有2包爆炸糖。如果大家想試新式食法，可以買埋棉花糖（$10蚊一盒有3杯），將爆炸糖撈堆落去一杯杯嘅棉花糖中，撈勻就可以食。兩款糖一齊買，$30就有2包爆炸糖、2包棉花糖。

4）熊井：日本美食大集合（攤位：1C-D02）

小編一入場就被熊井嘅布置吸引埋去，真係一個字：靚！不過其實唔止得個殼，賣嘅嘢都相當之有質素，價錢亦划算。推介大家可以幫襯呢個「保溫車套餐」，超過10款日本美食（包括：拉麵、烏冬、水餃、仿蟹柳、湯圓、炒飯等等）、仲會送一個保溫手推車俾大家護送啲嘢食返屋企，成個套裝只售$280。

5）天祿洋酒國際有限公司：日本山梨縣特產果汁酒（攤位：1C-A28）

日本山梨縣季節限定嘅水果酒，酒精濃度只有3%，3種可口味道，包括：水蜜桃、士多啤梨、巨峰提子。咁高質，咁特別嘅酒，都大特賣！$100有4支。另外，同樣來自日本嘅果酒，係第一批運到香港，酒精濃度高少少，有5%。味道方面同樣有3款，包括：青蘋果、青檸、柚子。鍾意飲下酒嘅朋友不妨一試！

6）企豪發展有限公司：You.C1000 $40/6樽（攤位：1B-C31）

市面上有隻維他命果汁飲品叫「You.C1000」，唔係太多人識，不過小編試飲完覺得超好味，大力推薦！You.C1000有蘋果味、橙味同檸檬味，一樽包含人體一日所需嘅維他命C、B3、E、B1。平時超市約售$10/樽，美食展只售$40/6樽，平均只係每樽$6.7！健康又好味，正！

7）KOFCO：勁抵辛辣麵（攤位：1D-B10）

辛辣麵同埋其他農心拉麵一向喺香港大受歡迎。平時超市賣開廿幾蚊Pack（5包裝），美食展只賣$70/4 Pack，平均每Pack只係$17.5，鍾意食即食麵嘅朋友係時候入貨！

8）老饕食品行：發光藍莓梳打特飲（攤位：1D-C28）

老饕食品行嘅攤位有賣好多特色小食，其中小編覺得最吸引嘅就係「藍莓雜果梳打」同埋「奇異果＋蘋果沙冰」，因為飲完之後仲可以拎埋隻發光玻璃杯返屋企！拎隻杯嚟得閒泡製下特飲，真係賞心悅目。一杯只售$40，又唔貴喎！

9）永富樂貿易有限公司：西式招牌美食買5送2（攤位：1B-A14）

經典西式美食：意粉同意大利飯相信係唔少人嘅至愛，不過成日出街食又好貴，咁不如自己煮吧？永富樂嘅速食意粉同意大利飯，有齊配料，廚藝白痴都可以煮得好味，原價$22/包，美食展做緊買5送2優惠，平均每包只係$15.7，以呢種質素嚟講算幾平！

10）億中洋行有限公司：多種西式食品大優惠（攤位：1D-B32）

西式美食又點止意粉同飯？億中洋行嘅湯同薯蓉就做緊大特價。英國尊濃紅椒番茄西湯$10就有2罐，美國艾達薯蓉$20就可以買到2件。另外，德國酒心朱古力買2盒只需要$50。

相關閱讀：【Food Expo】2016 美食博覽 必搶1蚊優惠

相關閱讀：早去早搶！2016 電腦節 5大限量優惠

——

延伸閱讀：信用卡 本月精選優惠（2016年8月）

延伸閱讀：【唔使搵代購】日本樂天 + Amazon JP 網購 全攻略

想知道最新嘅理財貼士，就要留意MoneyHero.com.hk Blog，同埋緊貼我哋嘅Facebook Page！

The post 【現場直擊】2016 美食博覽 10大必食優惠 appeared first on 理財資訊.

大學學位分配結果啱啱出爐，相信為好多同學帶來喜訊！不過小編喺恭喜大家之餘，亦要好掃興咁講句：係時候要為每年萬萬聲嘅學費做好準備喇…..

屋企冇咁富裕嘅同學，多數都會申請學資處嘅資助貸款計劃（TSFS或FASP，俗稱 Grant Loan ）以減輕學費負擔，不過要拎呢筆資助呢，首先要被政府審查你全家嘅資產，係件非常複雜同麻煩嘅事。MoneyHero.com.hk在此為大家解答一啲Grant Loan常見問題，希望幫到各位！

Q：我合唔合資格申請 Grant Loan？如申請成功，可獲得幾多資助？

A：一般嚟講，每名家庭成員平均資產不多於$707,000，「調整後家庭收入」不多於$72,611，先合資格獲得資助。學資處網站有提供「資助額試算程式」（按此進入），你可以輸入大概嘅家庭收入同資產，粗略估計可獲得嘅資助及貸款額。

除咗資產收入唔超越上限之外，申請人亦須符合一啲基本條件先可申請Grant Loan，詳情可睇學資處網站：資助專上課程學生資助計劃（TSFS）申請資格、專上學生資助計劃（FASP）申請資格

Q：我父母離咗婚，「家庭成員」嘅部分應該點填？

A：假如你父母已經離婚，家庭成員只需填寫同你一齊住嘅父/母，你需要在第12 步「補充資料」內註明，並提供父母離婚證明文件。如果你嘅同住父/母於2015年4月1日至2016年3月31日期間有獲得贍養費，則需要喺第6步作出申報。

Q：家庭成員嘅「收入」包括啲乜？

A：除咗表中列明嘅薪金、營業盈利、租金收入、贍養費及退休金外，你仲需要填寫「其他收入」及「任何人向你及/或家人提供的補助款」。

「其他收入」主要係指過去一年收過嘅任何津貼，例如政府傷殘津貼、獎學金等；

「任何人向你及/或家人提供的補助款」包括任何「非核心家庭成員」為你屋企代繳嘅任何款項，例如樓宇供款、租金開支、保險費、還款等。此外，你或你家庭成員收取嘅任何家用、補助款、匯款等等，不論金額大小，都需要填埋落去。

Q：家庭成員需唔需要申報兼職收入?

A：需要，兼職收入都屬於收入嘅一部分。然而，如果申請人或家庭成員本身係全日制學生，就唔需要申報其兼職收入，但如於2015年4月1日至2016年3月31日期間有領取任何助學金、津貼，或獲院校聘用，都需要作出申報。

Q：家庭成員做散工/冇固定收入/現金出糧，點申報？

A：如果有固定嘅僱主，可以叫公司填「僱員薪酬表（TSFS/4（2013））」證明佢嘅收入。

如果係自僱人士，就需要自行寫一份收入自述書（樣本可見TSFS申請指引第77頁），但學資處或會採用由統計處所提供的數據/資料，將該家庭成員嘅收入作出調整。

Q：兄弟姊妹已經出咗嚟做嘢，需唔需要申報收入？

A：如果你兄弟姊妹未結婚，且與你/你父母同住，便需要申報收入。不過學資處只會將佢收入嘅30%計落家庭收入。

但如果你兄弟姊妹已婚，有俾家用父母或屋企，你就只需要於第6步「任何人向你及/或家人提供的補助款」填寫佢地過去一年俾過嘅家用金額。

Q：銀行月結單係咪一定要俾齊12個月？唔見咗幾張點算？

A：銀行月結單/存摺作為資產證明嘅重要部分，一定要全部交齊晒，少一個月都唔得。如果唔見咗月結單可向銀行補領，每張$50，一般需時幾個工作日。

Q：我住緊間屋已經值幾百萬，咁係咪已經超出咗資產上限？

A：第一間自住物業無論價值幾多，都唔會計落資產，第二間打後先會開始計。

Q：兄弟姊妹嘅資產使唔使申報？

A：未婚申請人只需申報自己同父母嘅財產，兄弟姊妹嘅資產唔使報。 

Q：屋企每月都有大筆開支，如醫療費、負債、租屋等，呢啲使費可否從收入中扣減，或者會唔會因此批多啲Grant或 Loan俾我？

A：除咗患有痼疾嘅家庭成員嘅醫療開支可獲扣減之外，其他開支都冇得扣減，不過你可於第12步「補充資料」中向學資處透露家庭狀況，並提供證明文件，唔排除會酌情處理。

——

延伸閱讀：【入U即申請】嚴選 大學生 必備信用卡

延伸閱讀：大學生必用！5大最佳 Fresh Grad 信用卡

想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！

The post 【準大學生必讀】申請 Grant Loan 常見問題Q&A appeared first on 理財資訊.

一星期嘅過去，意味住 MoneyHero.com.hk 嘅「本周至 著數 優惠情報組」又係時候同大家匯報今周搜集嘅精選優惠。最筍著數有5個，分別為：預旅訂旅遊酒店套票優惠、租 Wi-Fi蛋優惠、Body Shop購物優惠、買Pizza折扣、屈臣氏購物優惠等等。

1）中銀信用卡 x 屈臣氏：買滿$500送$110

屈臣氏優惠大放送！由即日起，憑卡於屈臣氏購物簽賬滿$500，即享屈臣氏現金券回贈，價值高達$110。請按此參閱詳細資料。

優惠期：由即日起至2016年8月31日

2）DBS Black World MasterCard x Wi-Ho! ：WiFi蛋6折

出街最緊要搵Wi-Fi，旅行最緊要租番個Wi-Fi蛋。由即日起，憑星展銀行Black World MasterCard透過指定網頁預訂Wi-Fi蛋，即可以6折租用Wi-Ho!嘅Wi-Fi Router；好抵呀！按此了解優惠詳情。

優惠期：由即日起至2016年12月31日

3）Citibank信用卡 x Agoda：預訂酒店低至93折

返工返到好大壓力，想去個旅行鬆一鬆？要Book酒店、預訂旅遊套票？咁你要注意呢個優惠。現憑Citibank信用卡於指定網上商戶，可盡享一系列預訂酒店、自由行套票及其他購物優惠；包括：於Agoda預訂酒店可享低至93折優惠。按此了解優惠詳情。

優惠期：由即日起至2016年12月31日

4）匯豐信用卡 x The Body Shop：精選貨品75折

小編最喜歡去Body Shop買Body Lotion！見到呢個優惠，即刻同大家介紹。由即日起，憑匯豐信用卡於The Body Shop購物，即可享精選貨品75折及精選禮盒套裝半價優惠。按此了解優惠詳情。

優惠期：由即日起至2016年8月17日

5）富邦MasterCard x Pizza Hut：滿$100減$20

放假最好就係約埋三五知己一齊叫個外賣Pizza，邊食邊吹水。現憑富邦MasterCard透過富邦MasterPass於Pizza Hut網上訂購平台買滿$100即減$20。仲等？襯Weekend行動啦！按此了解優惠詳情。

優惠期：由即日起至2016年8月19日

想知道更多信用卡嘅優惠資訊？立即使用我哋嘅比較工具，搵出最適合你嘅信用卡！

——

延伸閱讀：【現場直擊】2016 美食博覽 10大必食優惠

延伸閱讀：早去早搶！2016 電腦節 5大限量優惠

想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！

The post MoneyHero.com.hk本周至 著數 優惠情報（2016年8月12日） appeared first on 理財資訊.

如果你最近有大額消費，例如有家電、攝影器材想買，又或者你想到名店購物，呢啲時候，到底使用邊一張信用卡、喺邊度消費有更多優惠？小編發現呢排 ELEMENTS 圓方 商場出咗個飛行里數優惠，如果識得揀啱信用卡用，額外嘅獎賞隨時夠你換歐洲來回機票玩一轉！到底點先可以拎盡優惠？等小編幫大家分析下啦。

ELEMENTS 圓方 特別飛行里數優惠

即日起到8月28日，大家用合資格電子貨幣（即係信用卡都得）買夠$6,000，就可以額外得到1,500「亞洲萬里通」里數，圍番即係$4=1里數；買夠$28,000，仲可換到8,000「亞洲萬里通」里數，相等於$3.5=1里數。如果你係購物狂，成為優惠期內最高消費人士，甚至可以拎到佢哋額外最高消費「亞洲萬里通」里數獎賞，獨享50,000里數！呢個優惠去到8月28日架咋，大家如果有興趣就要趁早喇！（優惠詳情：http://www.elementshk.com/tch/elements/promotions/detail?id=405）

如果你識得夾埋信用卡優惠嚟用，加上 ELEMENTS 提供嘅特別優惠，隨時可以幫你儲多1倍嘅飛行里數！等小編用例子同大家分析下先！

渣打亞洲萬里通萬事達卡：唔使$1有1里！

要講儲里數優惠，當然不得不提渣打亞洲萬里通萬事達卡啦，而如果將渣打嘅優惠加上 ELEMENTS 額外獎賞，隨時夠你換2套來回台灣機票去玩一轉！

首先，呢張卡喺迎新期嘅頭2個月內，首$7,500消費都會有簽$1送2里數優惠；即係如果你簽滿$7,500，就可以得到15,000里數。簡單啲講，如果你申請呢張卡後喺　ELEMENTS 簽滿$7,500，就有：

15,000里數（渣打回贈）+ 1,500里數（ELEMENTS 回贈）= 16,500里數 （相等於簽$1賺2.2里數）

如果消費滿$28,000 ，更加有：

15,000里數 + 3,416里數（渣打回贈）+ 8,000里數 （ELEMENTS 回贈）= 26,416里數

百老匯：匯豐信用卡賺額外5%獎賞錢

如果你想去百老匯買電器，可以選擇使用匯豐信用卡，因為喺8月31日前，佢只要累積合資格簽帳滿$5,000，就有5%額外獎賞錢回贈，呢個回贈嘅上限係$600獎賞錢，即係只要消費夠$12,000，就可以拎哂$600額外獎賞錢，可以當現金回贈用，或者換做6,000里數。如果你簽帳滿$12,000（但要記得分2張單喎，因為一張單只可以賺1,500 ELEMENTS 回贈），即可額外得到：

6,000里數（匯豐回贈）+ 3,000里數（ELEMENTS 回贈）= 9,000里數

買夠$28,000，就額外得到：

6,000里數（匯豐回贈）+ 8,000里數（ELEMENTS 回贈）= 14,000里數

夢幻摩天輪、VR虛擬實境任你玩

如果大家去開買嘢，仲可以有多樣嘢玩！今個夏天 ELEMENTS 圓方 推出咗一個叫 Blooming Summer Love 嘅藝術裝置，將金區布置成一個色彩繽紛嘅花園。花園有一座6米高嘅摩天輪同埋由7種顏色花砌成嘅巨型彩虹，買完嘢儲里數後去影下相就啱晒喇。除此之外，現場仲有遊戲機俾你試玩VR虛擬實境遊戲，好似好吸引！Blooming Summer Love活動去到8月31日，快啲把握時間去喇！

想知道更多信用卡嘅優惠資訊？立即使用我哋嘅比較工具，搵出最適合你嘅信用卡！

——

延伸閱讀：【唔使搵代購】日本樂天 + Amazon JP 網購 全攻略

延伸閱讀：早去早搶！2016 電腦節 5大限量優惠

想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！

The post ELEMENTS 圓方 簽帳額外賺$3.5=1里 appeared first on 理財資訊.

話咁快就嚟開學，除咗Reg科同Add/Drop之外，相信 交學費 一定叫唔少同學好頭痛。始終一個Sem嘅學費都要成2萬幾蚊，唔係小數目！不過只要你識得用信用卡交學費，就可以賺返唔少信用卡積分，兌換現金回贈、飛行里數同心水禮品。想知邊幾張卡交學費最著數？立即睇下！（2016年8月更新資料）

信用卡 交學費 小貼士

想用信用卡 交學費 ，首先你要知道你就讀嘅院校或者辦學機構接受邊種繳交方法，好似中大咁，就主要接受以繳費靈、自動櫃員機（ATM）、銀行網頁同銀行櫃檯4種方法交學費。不過，有部分銀行信用卡（例如DBS同永隆銀行）有標明獎賞計劃唔適用於網上繳費，所以交學費前都係要睇清楚條款。

此外，一般大學生用嘅信用卡通常只有$10,000信用額，但只要你預先將錢存入信用卡戶口就可以照樣用信用卡交學費喇！以下就等MoneyHero.com.hk為大家介紹幾張交學費賺積分嘅好卡啦！

1）恒生信用卡

城大、浸大、中大、中大專業進修學院同恒生管理學院嘅同學要留意！由即日起至2017年6月30日，只要先電話登記，再用大學/大專聯營信用卡報讀本地/同海外各大院校同辦學機構舉辦嘅課程，就可以賺取3倍Cash Dollar，即係1.2%回贈！呢個優惠除咗大學課程之外，持續進修基金認可嘅課程亦同樣適用，想知多啲，可瀏覧持續進修基金。如果你用信用卡支付本地同海外公開考試費用，或者於本地/網上書店消費，更可以賺取5倍Cash Dollar添（即係2%回贈）！按此了解詳情。

用其他恆生卡交學費都可以賺Cash Dollar，每簽$250就有1 Cash Dollar，即0.4%回贈。鍾意換現金禮券嘅，最平可以用39 Cash Dollar（即係簽$9,750）可以換到一張東海堂$50禮餅券，計番即係每簽$195可賺$1，都有0.5%左右回贈。

2）建行信用卡

用建行信用卡（例如香港航空Fly Away信用卡、Visa 白金卡同Eye卡）交學費 ，每簽$1就有1分，25,000分可換$100現金回贈或者萬寧、一田同惠康等商戶$100現金券，計落都有0.4%回贈。

另外，建行卡客戶亦可以將積分轉成「亞洲萬里通」飛行里數，每15分=1里（即$15=1里），又或者換香港航空「Fortune Wings Club金鵬積分」，每6分信用卡積分=1分「金鵬積分」（即$6=1里）。

3）HSBC信用卡

用HSBC白金或以上級別嘅信用卡（包括Visa Signature卡同白金Visa卡）透過e-banking交學費，每簽$250就有$1「獎賞錢」，而每$1「獎賞錢」可當作$1使用，計番即係0.4%回贈。至於白金以下信用卡（例如HSBC金卡）就要親自到有關院校機構碌卡，又或者登入學校網站交至賺到獎賞錢，e-banking係唔計嘅。鍾意儲里數嘅話可以登記埋HSBC嘅「飛行優惠計劃」，每$1「獎賞錢」換10里飛行里數，計番即係$25=1里。

相關閱讀：【準大學生必讀】申請 Grant Loan 常見問題Q&A

4）富邦信用卡

雖然而家富邦嘅星期六日簽賬2倍積分優惠唔再適用於網上繳費交易，但用富邦白金/ Titanium信用卡透過ebanking交學費，每簽$1都可以賺到1分獎賞，用5,000分就可以兌換$20現金回贈，即0.4%回贈，如果有白金卡或Titanium卡更可以用20,000分換$100現金回贈，即係有成0.5%回贈！

5）中銀信用卡

中銀信用卡設有網上繳費服務，用嚟繳交學費，每$1可賺1分簽賬積分。每25,000簽賬積分可以換$100指定禮券∕現金券，即0.4%回贈！不過要留意，呢個優惠只適用於中銀Visa Infinite卡、白金卡同銀聯雙幣鑽石卡等中銀信用卡，而且限定每個持卡人（包括附屬卡賬戶）一個月最多可賺10,000分，就算你交2萬幾蚊學費都係最多賺10,000分，相對冇咁著數！按此了解詳情。

6）中國工商銀行（亞洲）信用卡

用工銀亞洲信用卡簽賬，每簽$1就有1分，儲夠分數可以換現金回贈、飛行里數同現金禮券。25,000分可以換到$100現金回贈，計落都有0.4%現金回贈。有儲開香港航空「金鵬俱樂部」飛行里數嘅朋友亦可以每10分換1里數，即係$10=1 里。

相關閱讀：【入U即申請】嚴選-大學生必備信用卡

7）中信銀行（國際）信用卡

用信銀國際金卡或普通卡簽賬，每簽$1即賺1分，儲夠積分可換現金禮券，而且積分有效期長達2年，方便你慢慢儲分！每12,500分可換各大商戶嘅$50現金禮券，計番都有0.4%回贈。如果你有信銀國際CITICfirst白金卡或者信銀國際白金卡，更可每簽$180賺$1回贈，即0.55%現金回贈！

想知道更多信用卡嘅優惠資訊？立即使用我哋嘅比較工具，搵出最適合你嘅信用卡！

——

延伸閱讀：2016大專生 Notebook優惠 全面睇（理工大學篇）

延伸閱讀：10大平靚正 派對 包場好去處

想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！

The post 【開學倒數】 交學費 儲積分必備信用卡 appeared first on 理財資訊.