2017 DSE放榜 在即，無論是應屆考生，還是考生的家人，是否已經做好幾手準備，為未來作好打算？雖然話條條大路通羅馬，但揀到一條合適的道路，其實可以節省好多無謂功夫，及早知道條路點行，亦可讓無論是金錢還是時間上的資源調配更有預算。到底唔同成績的考生， DSE放榜 後有乜出路呢？等MoneyHero.com.hk幫大家整理一下啦。

未能取得五科全2成績考生

香港現在所有大學受資助學位的收生，最低都為3、3、2、2、2，即中英文需達3，通識數學為2，另加一科選修科為2。成績一般的考生，想達到的成績線應該就是五科全2，因為好多工作，例如大部分政府工，都要求考生有五科全2的成績。如果未能達到此成績，為了日後發展，除了投入社會工作，或重讀外，可以選擇以下幾個途徑繼續規劃人生。

1／毅進文憑

唔需要太過睇少自己，唔係每一個人都讀得成書，但修畢毅進文憑後，可以讓你日後的發展有更多出路。現時學員成功修畢毅進文憑課程後達到的水平，相當於香港中學文憑考試5科（包括中國語文和英國語文科）第2級的程度。成功修畢延伸數學選修科的學員，其所持有的毅進文憑相當於中學文憑試5科（包括中國語文、英國語文和數學科）第2級的程度。

今年毅進全日制課程全年學費由HK$35,630至HK$37,970不等，學生一般可以選擇一年全職及兩年兼職修讀。

毅進文憑課程今年由以下幾間院校提供：

香港科技專上書院
職業訓練局工商資訊學院
香港專業進修學校
嶺南大學持續進修學院
明愛社區書院
香港浸會大學持續教育學院
香港公開大學李嘉誠專業進修學院

參考網站：http://www.yijin.edu.hk/tc_chi/overview_programme.html

2／職專文憑

如果你現在已經揀定路向，而這條路向入行時不需要太多學歷支持，例如是工程、專業美容等範疇，你可以嘗試一下職專文憑（DVE）。職專文憑以職業導向為主，一般一年內就可以完成課程，學得行業相關的專業技能，有助直接投身業界。

當然，取得職專學歷的同學，可以報讀VTC的高級文憑課程，不過並不代表你有DSE五科全2的同等資歷，如果你是想考政府工，就不適合報讀了。

今年受資助的職專文憑的學費為一年HK$20,500，除學費外，學生須繳交其他費用如保證金、學生會年費及英文單元基準評核費。高級文憑學生需繳交英文單元研習教材費。

參考網站：http://www.vtc.edu.hk/admission/tc/programme/overview/s6/diploma-of-vocational-education/

3／基礎文憑

與毅進計劃一樣，基礎文憑同樣代表相當於DSE 5科（包括中國語文和英國語文科）第2級的程度。同學如在香港中學文憑試數學科未考獲第二級或以上成績，可考慮修讀選修數學相關單元，以符合申請條件包括DSE數學科第2級或以上成績的副學位課程或香港公務員職位。

與毅進、職專比較，一般修讀一年的基礎文憑就相對兼顧了升業與就業的需要。

學費方面，要留意你選擇的基礎文憑屬於資助課程還是自資課程，如在VTC，受資助的一年學費為HK$20,500，自資課程就需要HK$26,500一年。而HKU SPACE提供同等學歷的基礎專上教育文憑，則收取HK$47,000的一年學費。

參考網站：http://www.vtc.edu.hk/admission/tc/programme/overview/s6/diploma-of-foundation-studies/

五科全2但未能升讀資助學位課程的考生

在這個成績範疇的考生，可以選擇屬資歷架構第四級的高級文憑或副學士學位課程。一般來說，兩種副學位課程多數為兩年制，高級文憑注重學科專業，畢業後較易在相應業界找工作，而副學士則多數用來配合升讀學士。

高級文憑與副學士的學費不一，以VTC為例，它的受資助高級文憑學費，一年由HK$30,800至HK$31,570不等，而自資課程則由HK$54,400至HK$55,600不等。而HKU SPACE的高級文憑，一年學費則由HK$55,000至HK$66,000不等。

在以下網站，你可以找到今個學年全部經評審的自資全日制副學位的提供院校及課程：http://www.ipass.gov.hk/edb/index.php/ch/home?option=com_courses&task=institutions&progType=2&AwardByNonLocalInsti=0&publicity=0&acadYear=2017/18

打算海外升學的考生

無論成績如何，如果覺得香港教育制度唔適合，海外升學都係唔錯的途徑，而使費就視乎你留學的地點了。例如如果你想到內地升學，每年連學費的使費約3萬元，但如果你想去英美，使費就以10萬元計，唔係咁容易應付嫁。

延伸閱讀：【英國/美國/加拿大/澳洲/新西蘭】海外升學費用2017

相關文章：【 深度旅遊 】體驗外國生活5大途徑

最後，都希望各位可以順利就讀自己喜歡的學校啦！同埋考生都應該是成年人，除了用功讀書，記住開始陪養良好的理財習慣，長遠來說，用理財改善生活！

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【 DSE放榜 】升學出路全攻略 2017 appeared first on 理財資訊.

文憑試（DSE）好快又會放榜喇！喺呢個時候，學生與家長少不免又會為有關升學事宜而煩惱。本地的學位競爭確實激烈，不過正所謂「條條大路通羅馬」，海外升學都是一個不錯的選擇，但到底 留學 使費要幾多？MoneyHero.com.hk特意為大家搜羅5大熱門升學國家嘅費用，俾學生及家長有個初步了解。（2017年7月更新資料）

5大熱門國家海外升學費用比較

註︰費用以港元計算

• 英國

英國的教育制度一向是信心保證，具有悠久歷史，充滿濃厚學習氣氛。很多香港的家長，都視英國為理想求學地點。英國大學的學士課程一般為期3年，個別學科（例如：醫科、法律、工程等）修讀的年期則較長。去英國升學，同學可選報讀基礎學位課程、高級國家文憑課程，或直接申請大學學士學位課程，不妨Click去英國大學一覽睇下。

每年學費 + 生活費連食宿 + 簽證費用

總數： 約HK$24.1萬至47.8萬

• 美國

跟英國一樣，美國也是世界許多頂尖學府的所在地，是不少家長及學生心儀的升學地點。全美有超過3,000間大學，課程極具多元化而且極具彈性。這個國家是文化的大熔爐，同學大多來自不同的背景，絕對是要擴闊視野的港生之選。熱門大學包括：University of California Los Angeles及University of California Berkeley等。

前往美國升學的同學，可修讀社區學院的2年制課程，然後再銜接大學課程，或直接入讀大學一年級。美國的學制跟香港相同，整個大學的學士課程為期4年。美國的大學可分為私立和州立兩種，私立大學的學費會較州立大學貴，同學選擇時應互相作比較。

每年學費 + 生活費連食宿 + 簽證費用

總數：約HK$21.1萬至57.1萬

• 澳洲

澳洲同樣風光明媚，生態環境豐富，而且是全世界其中一個最快樂的國家。除此之外，澳洲的教育系統跟英國一樣完善及優質，加上學生畢業後的出路發展方面取得了很高的評價，所以澳洲理所當然地成為了國際學生的熱門選擇。很多港生在那裡攻讀商科，也有學生攻讀澳洲一枝獨秀的學科：海洋學及獸醫科目等。熱門大學包括：Australia National University、University of New South Wales、Queensland University、University of Adelaide等。

每年學費 + 生活費連食宿 + 簽證費

總數：約HK$19.3萬至35.4萬

• 加拿大

加拿大的城市繁華，經濟氣候良好，加上當地生活水平高以及環境優美安全，令加拿大成為理想的升學國家。由於加拿大也是熱門移民國家之一，社區內有不少華人。所以，港生去到加拿大升學，可以苦練英語，又可以一解家鄉之苦。熱門大學包括：University of Toronto及The University of British Colombia。

每年學費 + 生活費連食宿 + 簽證費用

總數：約HK$9萬至25.4萬

• 新西蘭

新西蘭跟加拿大一樣，也是十分寧靜，是南半球的一片淨土。那裏的社會發展穩定，對學生而言，絕對可以安心讀書。新西蘭乃全球公認教育質素是世界最好的其中一個國家。還有，比起其他英語系國家，到新西蘭留學的一大好處是物超所值，生活開支及學費亦相對地較低。學費高低取決於課程種類（文科或理科；學士或研究生）及課程長短。熱門大學包括：The University of Auckland及University of Otago。

每年學費 + 生活費連食宿 + 簽證費用

總數：約HK$18.9萬至23.4萬

海外留學最平每年都要10萬港元，最貴可以去到近60萬港元，如想增加流動資金，可考慮幫仔女申請進修貸款。

（溫馨提示：家長如果不放心孩子自己出發，可能會想稍作陪同，前往當地協助打點入學和入住的事宜。計劃行程時，記得選擇購買適合你的旅遊保險，可參考：Allied World、FWD、MSIG等。或上我們的比較平台。）

探仔女邊度唱錢平？延伸閱讀：外遊必讀！兌換 外幣 及海外簽賬攻略（2017年6月更新）

仔女年年飛，梗係要幫佢儲飛行里數啦！延伸閱讀：Asia Miles/Avios/ANA 儲里數途徑+信用卡攻略

——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【英國/美國/加拿大/澳洲/新西蘭】海外升學費用2017 appeared first on 理財資訊.

短評：呢張信用卡主打飲食、網上及海外簽帳回贈，呢3個類別全年都係$4=1里，其他零售簽帳都有$6=1里。加上佢係「亞洲萬里通」第一張同銀行聯營嘅信用卡，每個月月尾都會自動幫你將賺到嘅里數存入你嘅「亞洲萬里通」戶口，唔使任何兌換手續費！迎新優惠嚟講都係非常吸引，2017年7月起，新客戶頭2個月只需簽$7,500就可以得到15,000里數。而其後$170,000消費就簽$2＝1里，最高可獲85,000里數，即合共最高100,000里數！

• 信用卡種類：Mastercard
• 網上簽帳：$4 = 1里數
• 本地食肆簽帳：$4 = 1里數
• 其他本地簽帳：$6 = 1里數
• 海外簽帳：$4 = 1里數（外幣交易手續費為1.95%）
• 網上繳費帳單積分/里數：沒有
• 八達通自動增值積分/里數：$6 = 1里
• 自動轉帳繳交賬單積分/里數：$6 = 1里
• 積分有效期：每月月底會自底將積分兌換成Asia Miles，Asia Miles積分有效期為3年。
• 兌換里數手續費：免費
• 年薪要求：$240,000

迎新優惠：由2017年7月1日至9月30日，新客戶頭2個月內的首$7,500消費會有簽$0.5＝1里數優惠（最高可獲15,000里數），而其後之$170,000消費會有$2=1里數優惠（最高可獲85,000里數），合共最高可獲100,000里數。

如果同時成為渣打全新銀行客戶並存入新資金，上面提及嘅「$2=1里數優惠」仲可獲升級：

即係話，如在渣打存入HK$200,000新資金，$2=1里數就會升級為$1.5 = 1里數，只要簽HK$125,000就可以拎盡85,000里數回贈！另外7月31日前經MoneyHero.com.hk申請渣打亞洲萬里通萬事達卡，成功獲批後仲會獨家送你額外HK$200現金劵：

更多信用卡介紹：2017信用卡攻略大全

想比較埋其他飛行里數信用卡，即上MoneyHero.com.hk信用卡比較頁面！

The post 渣打亞洲萬里通萬事達卡 appeared first on 理財資訊.

返工返咗成日，最好就係可以舒舒服服坐喺 戲院 食爆谷、飲汽水、睇一齣好電影！而家3D電影愈來愈流行，睇一次戲都可能要成百蚊，所以我哋更要好好善用信用卡的睇戲優惠，用更平嘅價錢就買到戲飛之餘，又可以儲信用卡積分換獎賞！MoneyHero.com.hk為大家搜羅了2017年全港戲院的信用卡優惠：

UA院線

東亞信用卡：

• 所有正價戲票可享8折（Flyer World萬事達卡）或9折（其他信用卡）優惠，適用於透過戲院售票處、網上、UA Cinemas App及電話購買。
• 可享用戲院售票處優先購票專櫃
• 東亞銀行大學/大專學生信用卡優惠，以優惠價HK$28購買32安士爆谷1客（優惠期至2017年12月31日）

匯豐、恆生、中銀、Citibank及大新信用卡：

• 逢星期一、三、五（公眾假期除外）於門市售票處購買正價戲票, 可享9折優惠。此優惠不適用於IMAX、全聲景及VIP影院戲票。

地點：屯門市廣場、太古城中心 、旺角新世紀廣場、銅鑼灣時代廣場、尖沙咀iSQUARE 、九龍灣MegaBox、沙田新城市廣場、機場

網站：https://www.uacinemas.com.hk/

用匯豐信用卡仲有一個好處，就係登記「最紅自主獎賞」，於指定類別消費賺取更多「 獎賞錢 」！

延伸閱讀：2017 匯豐最紅自主獎賞＋最新 獎賞錢 簽賬優惠！

百老匯 / AMC院線

匯豐、恆生、中銀及建行信用卡：

• 於門市售票處購買正價戲票（包括2D及3D）, 可享9折優惠，不適用於早場票及星期二特價票。優惠期至2017年12月13日（1 月 26 日至 2 月 7 日除外）。

美國運通卡：

• 白金卡、白金信用卡 及Charter 會員逢星期四及星期五可享3D及2D戲票「買一送一」優惠 及所有日子3D及2D電影戲票85折優惠
• Blue Cash信用卡及I.T Cashback卡會員可享 3D及2D電影戲票85折優惠
• 所有其他美國運通卡會員可享3D及2D電影正價戲票9折優惠

* 以上優惠適用於售票處及網上購票，不適用於星期二上映及早場之電影。

地點：中環IFC、數碼港商場、鑽石山荷里活廣場、尖沙咀The ONE、油麻地駿發花園、旺角、觀塘APM、葵芳新都會廣場、荃灣廣場、天水圍置富嘉湖廣場、金鐘太古廣場（AMC）

網站：http://www.cinema.com.hk/

MCL 戲院

東亞信用卡：

• 正價戲票可享8折（Flyer World萬事達卡）或9折（其他信用卡）優惠，適用於透過戲院售票處、網上、MCL Cinemas 手機程式購買，銀聯雙白金信用卡透過戲院售票處享用優惠。（優惠期至2018年5月31日）

渣打信用卡：

• 於戲院售票處購買正價戲票可享9折優惠，不適用於3D電影。
• 卡戶可用19,000信用卡積分換取一張3D電影戲票，12,000分換取一張2D電影戲票，或以6,000分換取一客爆谷套餐（優惠期由2017年3月1日至2018年2月28日）

Citibank花旗信用卡：

• 於戲院售票處購買正價戲票可享9折優惠，不適用於3D電影。
• Citi ThankYou^SMRewards 「憑分即賞」:
  • 10,000積分兌換2D戲票一張
  • 15,000積分兌換3D戲票一張
  • 5,000積分兌換細爆谷套餐一客

Citi ThankYou^SMRewards 「憑分即賞」只適用於 Citi Ultima Card、Citi Prestige 信用卡、Citi Rewards及Citi PremierMiles信用卡(不包括Citi Rewards銀聯信用卡)、Citi 普通卡及Citi 金卡之基本卡客戶。（優惠期至2017年12月31日）

工商銀行信用卡：

• 於戲院售票處購買正價戲票可享9折優惠
•  ICBC 白金卡 及 Xplore Visa Signature卡之客戶憑簽賬滿 HK$800之簽賬存根正本及以簽賬存根上卡號相同之信用卡購買2D戲票方可享有「買一送一」優惠，每張有效之簽賬存根只可享優惠一次。（優惠期至2018年4月30日）

PPS繳費靈：

• 以PPS於網上訂票可享正價戲票9折優惠。

EPS易辦事：

• 於戲院售票處購買正價戲票可享9折優惠。（優惠期至2017年8月10日）

地點：銅鑼灣百德新街、銅鑼灣皇室堡、九龍塘又一城、將軍澳PopCorn、將軍澳新都城、九龍灣德福花園、海怡半島

網站：http://www.mclcinema.com/

星影匯

匯豐HSBC、恆生、東亞及Citi、DBS、工商銀行信用卡：

• 於門市售票處購買成人正價戲票，可享9折優惠。

建行信用卡：

• 於星影匯簽帳即享10X積分。（優惠期至2018年3月14日）

恆生信用卡：

• 簽帳滿$600，即享額外$20Cash Dollar （優惠期至2017年8月31日）

地點：九龍灣國際展貿中心

網站：http://www.metroplex.com.hk/

The Grand Cinema

DBS信用卡：

• DBS Eminent Card / DBS白金信用卡 / DBS Black Card卡戶，於戲院售票處購買正價戲票可享8折優惠，與片商有特別協議之電影則只可享9折優惠，優惠不適用於3D電影。（優惠期至2017年12月31日）

渣打信用卡：

• 指定信用卡及MANHATTAN信用卡於戲院售票處購買正價戲票可享低至8折優惠。

美國運通卡：

• 於門市售票處購買正價戲票（不包括3D）, 可享9折優惠。（優惠期至2017年12月31日，1月26日至2月5日除外）

地點：尖沙咀圓方（九龍站上蓋）

網站：https://www.thegrandcinema.com.hk/

Cinema City

Citi信用卡：

• Citi Clear Card客戶逢星期五、六及日3D及2D電影戲票買1送1（須於購票當月或其前一個曆月內作一次不少於HK$500之單一本地零售簽賬）；Citi Studio 4DX、3D或2D電影戲票可享正價9折優惠；小食、飲品及套餐均享9折。
• 其他Citi信用卡可享3D及2D電影戲票9折優惠。（優惠期至2017年12月13日，1月19日至2月5日除外）

WeWa信用卡：

• 憑WeWa卡購買3D、2D或全景聲電影戲票可享9折優惠。

地點：旺角朗豪坊

網站：http://www.cinemacity.com.hk/

按此了解更多有關以上發卡機構的背景及產品資訊。

想了解更多不同信用卡的優惠？即刻上我哋嘅比較平台。

延伸閱讀：壽星有著數！2017 生日優惠 大搜羅

相關文章︰香港平靚正 親子活動 好去處 （2017年7月更新）

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【信用卡攻略】信用卡 戲院 購票優惠2017（7月更新） appeared first on 理財資訊.

上次講到循環貸款係啲咩，點計息，同埋適合咩人用，今次就同大家一齊睇下各大銀行的循環貸款計劃優劣之處（其實財仔都有循環貸款，不過今次唔講住）。市面上產品名稱五花八門，但比較上來離不開幾個重點: 年利率、提款手續費、年費、提款程序等。

年利率

由於呢類產品嘅目標市場係比較優質、有穩定收入、信貸評級較好嘅客戶，產品息口唔會太高，大約維持喺10厘左右，而基於唔用唔收息嘅原則，比較進取嘅銀行甚至會提供首3至6個月特低利息優惠（可以去到1.8%或者0%！）去吸引客戶動用資金。不過如果打算長用，就唔好淨係比較特低利息優惠 （Introductory rate），最緊要都係其後年利率 （thereafter rate）。

提款手續費

有銀行收取提款額2至3%的手續費，而有銀行完全唔收。所謂小數怕長計，如果每次提款都比人扣2至3%其實都幾唔開心，亦可能比起利息支出更大！（注意:與分期貸款不同，提款手續費並不會計算在循環貸款的實際年利率內，因為收費因個案提款次數不同而異，無法統一計算）所以建議大家選擇唔收提款手續費嘅產品。

年費

所有銀行都收取年費（否則真係蝕到…），不過有啲比較進取嘅銀行會提供首年免年費優惠，吸引你喺無任何收費情況下去享有額外 / 備用現金流（我最欣賞呢啲咁進取嘅銀行） 。值得注意嘅係，除非首年免年費，否則好多銀行係會喺放款之後立即收取年費，如果無急切嘅現金需要，未動用資金就要先收費都幾唔抵，所以我比較建議大家選擇首年免年費嘅產品。

貸款額

坊間產品由$600,000  / 月薪3倍去到$3,000,000  / 月薪12倍都有，多又唔一定係好嘅，夠用就OK。一般投資備用或生意週轉$200,000到$1,000,000都夠架喇，視乎你個人需要啦，正如金管局都提醒市民:「還到先好借」。

提款程序

提款程序其實最重要但又最多人忽略。當消費者有資金需要，梗係想即時攞到錢用，銀碼細就話用卡去ATM禁 (ATM每日提款上限2萬)，銀碼較大就麻煩喇。如果仲要轉賬至其他銀行戶口，等多1至2個工作天先攞到錢用（仲要比人扣幾十蚊轉賬手續費！)，真係「遠水救唔到近火」。所以，大家要視乎自己需要，選擇適合嘅產品，例如生意週轉銀碼較大，需要開支票 (有簽名紀錄又可寫期票)，就要選擇有支票服務嘅循環貸款; 如果係買股票嘅就通常喺同一間銀行有證券戶口，咁就可以即時買賣喇。

好喇，交代咗背景就入正題啦，MoneyHero.com.hk就整理咗2017年5月12日做嘅循環貸款市場調查，基本上都係星展、東亞同HSBC 之爭，想睇詳情可按此下載excel試算表。(註:所有資料只作公眾教育用途，如希望轉載資料，請與我們聯絡)

東亞首4個月0%

首年免年費，亦無提款手續費。但係BEA(東亞)所謂首6個月0%利息，其實係會收取$50至$1000定額月費(50萬計年利率大約2.36%)，所以唔算真正零成本。不過如果係其他銀行嘅循環貸款現有客戶(須提供證明)可獲首4個月月費回贈(但第5至6個月要比)，否則只係得首2個月回贈(第3至6個月月費要比)。要注意優惠將於第7個月以現金回贈方式發放，所以戶口至少要keep 7個月唔好取消住，而首6個月係定額費用，所以不彷用盡信貸限。另外，全新銀行客戶專享禮券HK$500，網上成功申請，額外獲享禮券高達HK$300。推廣條款比較複雜，申請前要留意返詳情呀。

恆生年費平 

恆生只收$400年費，相比其他銀行千千聲較低，不過恆生無首年免年費，亦收取提款手續費，唔特別吸引，唯一優點係ATM網絡強大，唔怕攞唔到錢。

中銀借得多 

中銀豪借高達3百萬或12倍月薪，不過有幾多人一個月搵到25萬去借3百萬? 反而Introductory rate 1.87%幾吸引，但係同恆生一樣無首年免年費，亦收取提款手續費。

大新貸款卡連八達通/加開證券戶口特平

大新循環「快應錢」將八達通功能加入貸款卡，一do即計息，幾有創意但唔多實用。反而旗下另一產品備用「快應錢」若連證券戶口一并申請首3個月2.84%其後低至P+1%，定位清晰做股民生意，價格有競爭力，惟始終要收年費。

DBS星展其後實際年利率6.17%平絕

免首年年費、無提款手續費、首4個月P-2.5% (2.78%)、其後低至 P+0.75% (6.17%)、可隨時取消戶口，好吸引，如果用開星展嘅朋友不趽考慮。

HSBC夠平均 

同DBS相似，免首年年費、無提款手續費、首3個月1.9%(1.91%)、其後低至6.5%(6.67%)、可隨時取消戶口，而且最高貸款額比DBS更高! 另外相信好多人都有HSBC銀行戶口無須再申請，不過當然HSBC證券買賣手續費定位亦較高。

4個操作小貼士

• 要慳息，一提款即全數還款 (除東亞第7個月全數還款外)，資金留待日後備用
• 接受貸款前不仿講價爭取低息
• 唔用就取消，下次再申請（只適用於信貸紀錄極高嘅客戶，例如AA-CC，因每次申請信貸產品無論接受與否都會影響信貸紀錄，有機會再詳談）
• 注意P息變化

最後都要再提大家一次，循環貸款係比較複雜嘅產品，需要使用者有精明頭腦、自律性格同較佳嘅把握時機能力，經驗不足、沒有充裕時間管理賬目或自問不太自律者都係用返簡單d嘅分期貸款產品比較穩陣。

一連兩集嘅循環貸款主題結束，希望大家睇到我地對理財產品嘅堅持同專業。如果讀者對其他理財產品有疑問，歡迎留言。下次會分享比較輕鬆嘅主題或者解答下常見嘅留言 / 私訊問題。

Rachel Lam
林慧中
MoneyHero.com.hk 營運總監

立即上MoneyHero免費比較平台，比較全港各大銀行的循環貸款產品！

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【理財絮語】比較全港6大銀行 循環貸款 appeared first on 理財資訊.

一年一度嘅書展又嚟啦！香港書展2017將於7月19日至25日於灣仔會展中心舉行。作為香港嘅大型盛事之一，今屆書展嘅參展商數目多達670家，陣容比往年更鼎盛！再加上今年嘅年度主題係「旅遊」，相信都好符合大眾口味。去得書展，又點少得掃平書？所以MoneyHero.com.hk小編為大家準備咗「香港書展2017慳錢攻略」！

2017書展基本資料

展覽日期：2017年7月19至25日 (星期三至星期二)
展出地點：香港灣仔博覽道一號  香港會議展覽中心
開放時間：

如何慳到 書展 入場費？

今年書展票價同去往年一樣：成人$25，小童$10。市民可以提前於全線快達票、指定7-11便利店或Circle K便利店買飛，亦可透過TNG電子錢包App購買電子門票。小編建議各位可以參考以下方法，慳番書展入場費：

• 去早場：中午12點前買票入場，成人小童一律$10（只限書展現場購買）。

• 去兩次：持7月19日（星期三）/ 20日（星期四）正價門票嘅完整票尾，就可以於7月21、22或23日（星期五至日），晚上7點後免費入場一次。

• 持旅遊證件訪客：為發揚好客之道，訪港旅客只收$10入場費。

• 去埋運動消閒博覽：所謂去得唔好嘥，首屆香港運動消閒博覽將於7月21至25日於會展大會堂舉行，持當日書展門票的參觀人士，可以免費入場。
• 玩FB Game送門票：好多公司嘅FB Page都做緊送書展門票活動，大部分於7月12日截止報名，點擊以下連結查看詳情：
  Recruit.com.hk (送100張)
  Timable (送100張)
  Like Magazine (送100張)
  STYLE-TIPS.COM(送100張)
  Tao Magazine(送100張)

如何精明買書？

• 出發前自行下載及列印參展商電子優惠卷：每年書展官網都會提供參展商優惠卷，市民可以自行下載及使用，當中大部分係紀念品換領卷及現金卷，面額由$5至$50不等。按此下載。

• 預備充足現金，信用卡付款未必通行：書展場內的攤位規模不一。雖然較知名及大型書商一般都接受信用卡付款，不過小型參展商只接受現金交易。所以，入場前最好先到ATM機提足現款。

• 考慮最後一日掃平書：臨完場有大減價是常識吧，場內嘅書價一般比其他日子便宜約10現%至30%。根據網民分享，去年有書商於書展完結當天，甚至推出低至「$100一袋書」的大優惠，大家要多多留意。

• 鎖定海外參展商：書展臨閉幕前可留意來自內地、台灣等地方嘅非本地參展商，佢地嘅割價幅度通常較本地書商大。因為單是書嘅越洋運費已經不菲，他們寧願在離開前把所有貨賣清。

• 書展訂閱雜誌的推廣禮品較多：女士們留意，喺書展攤位訂閱時尚美容雜誌，書商送嘅禮品通常都比平日豐富。大家不妨去下唔同雜誌商攤位望下有咩優惠，例如：《Cosmopolitan》、《ELLE》、《Marie Claire》、《Jessica》、《mina》、《ViVi》及《with》等等。

• 自備購物袋、背囊、手拉車，慳番膠袋徵費：書展商戶展都會收取膠袋徵費！小編相信大家去書展都預咗買野，為咗慳錢同支持環保，記得自備購物袋啦！買太多書，不妨考慮速遞服務：買太多書唔緊要，香港郵政喺書展場內有提供書籍速遞服務。搵專人幫忙運書返屋企，就可以盡情享受Shopping樂趣啦！

是次書展賣點

1）旅遊作家展區 —「文遊四海」

今屆書展年度主題為「旅遊」，因此文藝廊特設「文遊四海」專區，介紹多位香港不同背景的旅遊作者，包括也斯、西西、古鎮煌、李樂詩、吳瑞卿、周軼君、金鈴、鄭幗恩和Jason Wordie，通過他們的文字、攝影作品，以及他們周遊列國時所得的紀念品，引起讀者的興趣。

書展今年亦特設「年度主題︰旅遊」講座系列，邀請多位旅遊作者主持講座，分享他們的經歷和創作心得，以及學者和旅遊專家，剖析不同的旅遊作品。

2）名作家講座

除此之外，今屆書展繼續舉辨各類型講座系列。其中最受注目的「名作家講座系列」今年請來多位華文世界極具影響力的作者，包括台灣的朱天心、唐諾、劉克襄和楊澤，來自中國內地的包括《馬橋詞典》作者韓少功、著名演員兼作家劉曉慶、《少年巴比倫》作者路內等，還有香港著名文化人梁文道及跨媒體創作人歐陽應霽，分享創作歷程。

喜歡西方文學嘅讀者可以參加「英語閱讀與創作講座系列」，今年的講者有暢銷犯罪小說作家Sophie Hannah，以及旅遊作家Tim Moore和Sara Wheeler；而在「世界視窗講座系列」，大會邀請到法國插畫家Cédric Fernandez、影評人Arnaud Lanuque，以及非裔小說家A`lain Mabanckou分享其著作。

其他講座系列還包括兒童及青年閱讀、本地文化歷史、心靈勵志及寫意生活講座系列等，如果有興趣參加講座，稍後日子可在書展網頁登記。

3）「絲綢之路文化行」 展覽

今年大會與《國家地理》雜誌 (National Geographic)合作，在文藝廊設立「以圖像說故事」展區，展出多幅捕捉香港和世界不同地方的特色攝影作品，仲會展出一系列昔日香港的明信片、郵票，以及描繪舊香港景物的畫作，讓參觀人士回味舊香港。

另一展區「中華文化漫步 – 四川行」將介紹「天府之國」四川，展出當地的風光圖片，大家更有機會在小舞台欣賞到川劇變臉、茶藝和民樂演奏等表演。

附上2017香港書展的官方網站，供參考之用。

——

MoneyHero.com.hk是香港首個金融產品比較平台，免費幫你比較信用卡、旅遊保險、私人貸款及按揭。想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 香港 書展 2017慳錢攻略 appeared first on 理財資訊.

一到暑假，又係一家大細去旅行嘅熱門旺季，不過就算年年都去一次家庭旅行，地點、參與者年齡、參與活動都有機會唔同，行程安排都可以有好大差別，例如旅遊保險點買法，就可以差好遠喇！有見及此，MoneyHero.com.hk 專登搵咗今年暑假3大旅遊好去處，同埋買旅遊保險有咩要注意！

高爾夫球之旅：墨爾本

如果你家人中有成員鍾意打高爾夫球，暑假一家大細黎一個高爾夫球加觀光之旅，其實都唔錯嫁！墨爾本因為地理條件，一直都係高爾夫球迷嘅聖地，尤其在墨爾本嘅Sandbelt，由於土壤同天氣都適合建設高爾夫球場，令當地有許多達到冠軍賽級數嘅高爾夫球場，例如Kingston Heath Golf Club、Huntingdale Golf Club等。而在Sandbelt一帶旅行，可以順便觀光，例如參觀鄰近嘅葡萄酒莊園、水療等，甚至欣賞澳洲著名嘅大洋路嘅海岸景色。

由於高爾夫球之旅一般需要安排交通、不同球場嘅入場安排，所以鼓勵大家報團，不過，當大家要安排行排、購買旅遊保險時，緊記要購買包含「一桿入洞」及其他與高爾夫有關活動嘅保險喇。一桿入洞嘅保險，可能係少數你想申請嘅旅遊保險，原來因為傳統上，如果球手係球場內打出一桿入洞，係需要請哂全場嘅球手飲啤酒慶祝，依筆開心錢，其實好多時都可以claim返保險嫁！

另外，大家都要留意，因為高爾夫球運動始終涉及風險，無論係自己意外受傷，或令其他人受傷及受財物損失，都可能令你破費，所以，如果你想去一個業餘高爾夫旅行，記住買一份係業餘運動中包埋高爾夫球嘅旅遊保險例如MSIG、Starr等。大家亦可考慮巿面上一啲專門保障高爾夫球運動嘅保險。

另外，如果同行者有老人，就需要留意旅遊保險嘅受保年齡同限制，如部分旅遊保險會列明，65歲或70歲以上嘅受保人，如參與滑雪、水上電單車、快艇、熱氣球或騎馬等危險活動，將不獲保障。（延伸閲讀：長者購買 旅遊保險 諸多限制？最緊要識揀！）

水上活動之旅：沖繩

夏天一家大細，去日本沖繩過一個自駕、水上活動之旅，都不失為一個親親大自然嘅好經歷。暑假嘅沖繩，氣溫平均都接受30度，要去記住全家都要帶備太陽眼鏡同太陽帽啊！由於8月會進入當地嘅颱風季節，建議大家7月前往。

因為沖繩嘅地理因素，好多時去沖繩玩嘅朋友都會選擇自駕遊，自由控制時間去到唔同嘅景點，或進行各種水上活動，無論在本島還是離島，在沖繩你都可以體驗浮潛、划艇、水上單車等活動，適合一家大細親親海洋。

不過，大家要留心就係，水上活動有一定危險性，大家要買旅遊保險之餘，緊記要查清楚保障範圍包唔包括各種水上活動。就算佢聲明包括水上活動，都需要留意，某些旅遊保險，係唔包超過一定深度嘅潛水活動，例如藍十字智在遊旅遊保險，就唔包30米以上嘅潛水活動，但FWD富衛嘅旅遊保險就無咁嘅限制。

歐洲自駕之旅

如果去歐洲人數較多，又想試下入住唔係近巿區嘅酒店、到偏遠地區觀光等，歐洲嘅跨國自駕之旅都係唔錯嘅選擇。要自駕遊，租車方面要留意自動波同棍波之分，自動波會貴好多嫁！另外，如果跨國還車，一般都要收一定金額嘅手續費，如果安排得到，不如去返同一國家還車，比較划算。

係唔同地方租車，價錢可以差兩、三倍，所以大家可以因應行程，而決定租車嘅國家，比較便宜嘅國家有西班牙、法國、荷蘭等，而捷克、奧地利、匈牙利、德國等國家，就會比較貴。

大家租得車，一般就會係車行買了汽車保險，不過那種汽車保險一般都會有自付額嘅限制，即係話，如果你駕駛出了什麼意外，即使有汽車保險，你亦要付出自付額內嘅金額。而有部分嘅旅遊保險，就可以保埋自付額嘅部分，一唔小心出咗意外，自己負擔都會減少。

另外，如果大家擔心遇上恐怖襲擊，都可以留意到底有什麼旅遊保險，保障係包括恐怖襲擊的。（延伸閱讀：外遊遇恐襲 ，旅遊保險保唔保？）

溫馨提示：出發前記得要買旅遊保險！MoneyHero.com,hk保險平台幫你比較不同旅遊保險計劃，如Starr、MSIG、FWD富衛等。經我哋買旅遊保險，更可享額外折扣優惠！

The post 【暑假精選】3大家庭 旅遊好去處 2017 （附旅遊保險須知） appeared first on 理財資訊.

旅行玩法有好多種，近年就越嚟越多人選擇自駕遊，成個trip玩到盡。租架車仔可以鍾意去邊就去邊，行程唔受公共交通班次限制，再山旮旯嘅地方都去到，玩得深入刁鑽無難度！MoneyHero.com.hk為大家比較返沖繩、濟州、台東、布吉同塔斯曼尼亞呢5個人氣自駕旅遊點，連租車自駕旅遊保險都幫你揀到啱！

1) 沖繩：新手上路 易揸有靚景

沖繩一向係自駕遊嘅熱門旅遊地點，亦係小編嘅私心最愛，皆因本島郊區同離島交通唔太方便，等車轉車分分鐘用你半日，租車就一次過滿足你幾個願望。沖繩自駕出名路闊易揸有靚景，日本人揸車又守規矩，基本上只要跟住導航，就再偏遠嘅地方都搵到，仲可以去埋巴士去唔到嘅北部絕美海灘同南部隱世海景café，真正享受駕駛嘅樂趣！

路況 ★★★★☆ (同香港一樣靠左行；郊區無乜車，道路暢通，但那霸市中心車多)

車款 ★★★★★ (日本車大把選擇，幾個friend租架Jazz或Prius慳油又過癮)

車位 ★★★★☆ (各大景點店舖都有免費停車場，惟那霸市中心泊車比較貴)

油費 ★★★★☆ (大約￥120至￥140/L，即~HK$8.4至HK$9.8，平香港接近一半)

GPS ★★★★☆ (指示清晰，輸入電話可搵到大部分景點，甚至有中文導航；郊區可能唔夠

update)

租車費用：約￥4,000起(~HK$280)/6小時、￥7,000起(~HK$491)/日

常用租車公司：

OTS Rent-A- Car: www.otsinternational.jp/otsrentacar/cn

ORIX Rent-A- Car: car.orix.co.jp/tw

Times Car Rental: www.timescar-rental.hk

延伸閱讀︰新手上路： 日本自駕遊 10大須知

2) 濟州：世遺天堂　沿海公路賞花田

韓國素來係港女最愛三甲，而濟州嘅大自然奇觀就更為浩瀚壯觀，仲有呃like必去嘅櫻花同油菜花田，真係諗唔到唔去嘅理由。濟州四面環海，海岸水清沙幼，但島上景點分散，單靠公共交通想玩得盡興確實有難度。自駕就唔同啦，無論想去城山日出峰睇日出，定係去涉地可支賞日落，甚至只係漫無目的沿住海旁一邊吹海風一邊揸車，你都會搵到只屬於你嘅秘境風景。

路況 ★★★☆☆ (左軚車，靠右行；山路多，市區車多；留意公路有唔少測速相機)

車款 ★★★★☆ (國產車Hyundai、Kia同Samsung選擇多，人少少租Soul或Morning最啱玩)

車位 ★★★★☆ (各大景點店舖都有免費停車場，但市區泊車相對貴，車位亦較少)

油費 ★★★☆☆ (大約₩1,400至₩2,000/L，即HK$9.6至HK$13.7，比香港平)

GPS ★★★☆☆ (輸入電話可以搵到景點，如果無就要輸入韓文)

租車費用：約₩50,000起(~HK$342)/6小時、₩95,999起(~HK$657)/日

常用租車公司：

AJ Rentacar: www.ajrentacar.co.kr

LOTTE rent-a- car: www.lotterentacar.net

Sixt Rent A Car: www.sixt.com

3) 台東：全台最美山海風光

台灣一向風景優美、民風淳樸，雖然台東唔似花蓮同墾丁咁係大家熟悉嘅旅遊地點，但佢出晒名「好山好水好風光」，最大特色係同時擁有「山線」台9線同「海線」台11線公路，大家可以同時欣賞中央山脈嘅縱谷山景以及東海岸「藍色公路」嘅一望無際太平洋風光，爽過吓吓搭的士！值得一提係台灣係左軚，電單車多，加上台灣人駕駛比較隨性，自駕遊要多加留神！

路況 ★★☆☆☆ (左軚車，靠右行；市區車多路窄，特別要小心電單車；夜晚未必有街燈)

車款 ★★★☆☆ (以日本車為主，豐田、日產車款好常見，租Yaris行窄路都唔使怕)

車位 ★★★★☆ (路邊設白格車位，泊車後會有人嚟開單，之後要去便利店交錢)

油費 ★★★★★ (大約NT$24/L，即~HK$6.2，抵到爛)

GPS ★★★☆☆ (台灣多小路，郊區小店可能要GPS加手機導航先搵得到)

租車費用：約NT$2,300起(~HK$591)/日

常用租車公司：

格上租車：www.car-plus.com.tw

和運租車：www.easyrent.com.tw

安維斯租車：www.avis-taiwan.com

4) 布吉：新興自駕熱點　抵過坐Tuk Tuk

「去泰國自駕遊，唔係啩？」好多人一開始好可能會咁講，但其實呢個去泰國自駕已經hit咗一排啦！布吉係早期發展嘅典型東南亞旅遊區，交通唔方便不特止，坐過幾條街都收฿250，好易比人湯到一頸血，自己租車就唔同講法，仲可以住埋遠離鬧市嘅豪華villa添！布吉路況比想像中好，路牌有埋英文，不過麻煩在多山路同電單車，建議有一定嘅路面經驗先好挑戰。

路況 ★★★☆☆ (同香港一樣靠左行，但部分地區路面可能比較爛；公路快線時有U turn位)

車款 ★★★☆☆ (主要係日本車，但款式選擇不多)

車位 ★★★★☆ (各大景點店舖都有免費停車場；市區只要唔係禁區都可以泊街邊)

油費 ★★★★☆ (大約฿20至฿33/L，即~HK$4.6至HK$7.6，抵過坐Tuk Tuk)

GPS ★★★☆☆ (可以搵到大部分景點，但有時去到先發現係小路，要再靠手機搵路)

租車費用：約฿900至฿1,300 起(~HK$207至HK$299)/日

常用租車公司：

SMC Phuket Car Rent: www.phuketsmccarrent.com

AP Car Rent: phuketdir.com/apcarrent/

Hertz: www.hertzthailand.com

5) 塔斯曼尼亞：遊盡現代塵世美

澳洲天然美景風光如畫，海鮮出名平靚正，生活步伐悠閒，係唔少人嚮往嘅現代人間天堂，當中又以塔斯曼尼亞嘅風景同生態遊最一流。塔斯曼尼亞嘅公共交通選擇唔多，唔少靚景都位於荒郊地方，無巴士直達，租車就係最方便快捷之選，想停幾耐就幾耐，仲可以去花田、酒莊、國家公園保護區，玩轉深度遊！雖然當地油費同租車費都抵，但留意返一般食玩買消費比較高。

路況 ★★★★☆ (靠左行；好易比人影快相；夜晚好黑，小心動物；設國家公園通行證)

車款 ★★★★☆ (有日韓車款，亦有澳洲嘅Holden；另有camp車可租，但唔建議新手租用)

車位 ★★★★☆ (市區有好多收費停車場同咪錶位，通常都夠車位，郊區更加無咩大問題)

油費 ★★★★☆ (大約AU$1.28 /L，即~HK$7.6，比想像中抵)

GPS ★★★☆☆ (視乎個別租車公司，部分GPS可能款式太舊，唔夠update)

租車費用：約AU$70起(~HK$414)/日

常用租車公司：

AVIS Australia: www.avis.com.au

Budget Rent a Car: www.budget.com.au

Hertz: www.hertz.com.au

自駕遊小貼士

– 申請國際車牌要帶身分證、近照兩張、地址證明，收費HK$80，有效1年，即日攞得

– 除咗喺租車公司直接預訂，仲可以睇埋比價租車網，例如Rentalcars.com

– 請留意「甲借乙還」服務有無額外收費

– GPS可能要加錢；人生路不熟，最好開埋手機導航就最放心

– 大部分租車公司要求滿油還車；入油時記得注意清楚油種

– 出發前檢查清楚車輛狀況，影低花痕，最重要試真個brake work唔work

– 入鄉隨俗，唔好亂響咹；遵守當地交通規則，唔好超速同違例泊車

– 每日駕駛合理里數，路途太遠反而失去自駕遊樂趣，不妨輪流當司機

同場加映︰自駕保險篇

旅遊保險包唔包自駕？撞車揩花要賠幾多？

講起租車自駕，雖然少少揩花通常都唔使你賠，但相信大家都好想知touch wood出咗交通意外，架車炒咗，究竟要賠幾多錢、保險又包唔包。

一般嚟講，租車價錢已包基本強制保險，當中包括第三者傷亡索償保障。而租車公司亦多數會比幾個package你揀，視乎你會唔會加錢買多重保險，例如免責補償制度保險(CDW或LDW)、營業損失賠償(NOC)，同埋最貴但最全面嘅全保。

我哋成日都會聽到嘅「租車墊底費」(即自負額)，就係租車公司額外向你收取嘅賠償，而旅遊保險可能已經包括在內，以下係本港各大保險公司旅遊保險嘅租車墊底費保障，僅作參考：

旅遊保險自駕遊保障

*以上保障額視乎個別保險計劃。

最後，再提提大家，唔好當自駕遊係練車嘅機會，反而應該練好手車先出去揸，咁先玩得開心又放心！

溫馨提示：出發前記得要買旅遊保險！MoneyHero.com.hk 旅遊保險平台幫你比較不同旅遊保險計劃，例如Starr、MSIG、FWD富衛等。經我哋買旅遊保險，更可享額外折扣優惠！

相關文章︰自駕遊駛唔駛買保險？留意自駕遊保險陷阱！
——

MoneyHero.com.hk是香港首個金融產品比較平台，免費幫你比較信用卡、旅遊保險、私人貸款及按揭。想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【旅遊攻略】5大自駕遊必去地點+旅遊保險租車保障 appeared first on 理財資訊.

喺最近呢幾個月冇假放嘅日子，相信唔少打工仔都同小編一樣，返工返到頹頹地就想Plan下去旅行。不過當其他人仲唸緊暑假去邊嗰陣，醒目嘅你可能已經打算Book定聖誕機票，價錢平啲之餘，仲可以早人一步拎到假。

因此，MoneyHero.com.hk小編今次親身搜尋2017年聖誕假期嘅 平機票 ，並搵咗啲荀盤介紹俾大家！

（以下係7月11日搵到嘅價錢，可能隨時變動）

1）$5,245飛芬蘭：睇極光 + 探訪聖誕老人村

好多人都想趁聖誕去芬蘭，因為芬蘭有聖誕老人村，加上冬天睇到極光嘅機會又高。好消息係今年聖誕嘅芬蘭機票而家仲唔算貴，12月20號出發往赫爾辛基，31號返港，俄航機票只需HK$5,245（轉一次機）。相關搜尋結果

如果唔想轉機，或者唔想搭俄航，可以揀芬蘭航空直航，20號飛28號返，連稅都只不過係$6,709。相關搜尋結果

想知芬蘭有咩玩，可以睇：遊芬蘭必做4件事

2）唔使$4,000飛法蘭克福：德國傳統聖誕市集

德國作為聖誕市集發源地，每年聖誕會吸引各地旅客慕名前來。不過好多人唔知歐洲嘅聖誕市集大部分係由11月中開始，12月23-24日就會結束，所以一定要提早幾日嚟。小編發現聖誕前飛法蘭克福仲有 平機票 ：12月21日出發，1月1號返港，搭中國國航轉機連稅只需HK$3,972！顯示搜尋結果

另外如果12月24號出發，1月3號返，仲可以搵到連稅只需$6,154嘅漢莎航空直航機票，時間仲要幾靚添！顯示搜尋結果

（你知道嗎？搭中國國航都可以儲Asia Miles或ANA里數，詳情可睇：Asia Miles/Avios/ANA 儲里數攻略）

3）$4,881直航飛奧克蘭：享受紐西蘭最佳季節

如果覺得歐洲天寒地凍頂唔順，去南半球可能更啱你。12月係紐西蘭春夏交替嘅季節，天氣溫暖之餘景色仲好靚。Check過12月尾奧克蘭機票原來都唔貴，12月24號出發，31號返港嘅紐西蘭航空直航機票只需 HK$4,881，可惜逗留時間略嫌短咗少少（查看航班）。其次係12月21號出發，31號返港嘅香港航空直航，盛惠$6,801（按此）。

4）聖誕飛東京：$3,554 搭ANA全日空

作為好多香港人嘅第二個家鄉，日本一年365日都係旅遊大熱之選。可借小編就搵唔到聖誕震撼價機票，值得一提嘅有賣緊$3,554飛東京嘅ANA全日空機票，12月20號出發，27號返港，只需請2.5日Annual。ANA日本機票平日都賣緊3-4千蚊，聖誕都有呢個價位真係要快手買：立即搜尋

廉航方面，HK Express 最平有$2,548飛東京，同樣係12月20號出發，27號返港。

（有無諗過廉航都可以儲飛行里數？HK Express上年推出Reward-U，詳情可看：Reward-U Vs Asia Miles：廉航都可儲積分？）

5）$2,132飛首爾：平價滑雪之選

冬天去首爾必做兩件事，一係滑雪，二係睇雪景。而聖誕去首爾嘅機票整體而言都比日本平一截，其中小編搵到Jin Air (真航空)賣緊$2,132，12月27日出發1月1日回程。Jin Air雖然係廉航，但免費包15KG行李同簡單便當，真心推介。查看機票

6）$1,108飛台北：北投嘆溫泉

冬天浸溫泉就最舒服！想平平地去個Trip，可以揀去台灣北投浸下溫泉。而家聖誕嘅台北機票仲做緊平日嘅價位，想買就要快手！以21號出發，27號回程為例，中華航空賣緊$1,108（按此搜尋）。

想知各大機票預訂網站有咩信用卡優惠，可以睇：2017信用卡旅遊優惠大搜羅

溫馨提示：買完機票後，距離出發日子仲有幾個月，為預防有突發事件被迫取消行程，最好喺買咗機票後即刻買份旅遊保險，萬一因故取消行程都有得索償。比較旅遊保險

延伸閱讀：旅遊必備：全港最平 Wifi蛋 租借攻略

延伸閱讀：旅遊住宿慳錢必讀！8個 Airbnb 慳錢貼士

——

MoneyHero.com.hk是香港首個金融產品比較平台，免費幫你比較信用卡、旅遊保險、私人貸款及按揭。想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 愈早買愈平！2017聖誕 平機票 攻略 appeared first on 理財資訊.

有人話，去得旅行就預咗要使錢，唔好就住就住。計 MoneyHero.com.hk 話，使錢都要使得精明，先至玩得盡興！善用信用卡嘅 旅遊優惠 ，你可以用更低嘅價格Book到同樣質素嘅酒店同機票。因此我哋為大家搜羅咗香港各大信用卡嘅 旅遊優惠 ，訂機票酒店前，不妨Check下你張信用卡有乜折扣：（2017年7月更新優惠）

MasterCard

Hotels.com – (1) 於Hotels.com/mastercard 預訂亞太區酒店即享8%折扣，須在付款頁面中輸入推廣代碼 「mastercard」，優惠期至2017年12月31日，須於2018年3月31日前入住。查看更多； (2) 於2017年7月17日至12月31日期間憑Mastercard卡預訂三晚或以上酒店住宿，並完成指定步驟，首間客房可享88折優惠。

Expedia – 預訂酒店可享88折優惠，按此取得優惠代碼，優惠期至2017年9月30日，須於2017年12月31日前入住。條款及細則

ZUJI – 預訂指定酒店，可照價再92折，優惠期至2017年7月31日。按此獲取優惠代碼

Visa信用卡

Booking.com – 2017年12月31日前透過www.booking.com/visain 預訂泰國酒店，並在酒店使用Visa卡支付，可獲贈預訂價7%金額的King Power購物券，按此進入換領網頁。

客路Klook – 憑Visa卡預訂Klook行程，可享高達25折優惠。如要兌換優惠，請前往指定網頁，選擇活動行程及預訂日期，於結賬頁面輸入優惠代碼「KLKVISA17」，並使用Visa卡結賬付款，優惠期至2017年12月31日。

匯豐信用卡

Expedia – 預訂酒店可享9折優惠，按此取得優惠代碼，優惠期至2017年12月31日，須於2018年6月30日前完成入住。條款及細則

ZUJI – 預訂指定酒店，於付款頁輸入優惠券代碼「HK17HSBC5YR」， 即可照價再95折，優惠期至2017年12月31日。優惠詳情

hutchgo.com – 網上即時確認東京、柔佛新山及拉斯維加斯酒店預訂可享95折（使用時請輸入優惠碼「HSBC5」），優惠期至2017年12月31日。查看詳情

阿聯酋航空 – 透過阿聯酋航空香港網站(emirates.hk)預訂機票，可即時享93折優惠。預訂頭等或商務客艙機票前往指定目的地可專享免費貴賓專車接送服務來回機場，優惠期至2017年9月25日。優惠詳情

安達旅運 – (1) 惠顧指定短線旅遊套票，二人同行可享$200折扣；(2) 惠顧指定長線旅遊套票二人同行可享$300折扣；(3)指定郵輪假期淨船費95折。條款及細則

心程旅遊  – 惠顧心程旅遊產品滿$2,000可享$100折扣。條款及細則

星晨旅遊  – 惠顧指定旅行團可享$100~$200折扣優惠。優惠詳情

環亞機場貴賓室 – 網上預訂貴賓室服務9折，網上預訂時輸入優惠代碼PPLHSBC2017方可享優惠。（只限匯豐卓越理財信用卡、匯豐運籌理財白金 VISA 卡、匯豐 Visa Signature 卡、匯豐白金 Visa 卡及匯豐 Green 信用卡）

噴射飛航  – 惠顧正價來回澳門船票2套可享第3套來回船票半價，優惠只適用於網上訂票及手機訂票程式，優惠期至2017年12月31日。條款及細則

恆生信用卡

Hotels.com –  (1) 付款時輸入優惠代碼「HASE15」，即享所有城市酒店85折優惠。(2)透過日本/台灣酒店折上折網站預訂日本及台灣特選酒店，即享低至6折優惠（可與9折優惠同時使用），優惠期至2017年9月30日。優惠詳情

Expedia – (1) 所有城市酒店全年9折優惠，須先在指定網站取得優惠代碼，須於2017年12月31日預訂及於2018年3月31日前入住；(2) 2017年7月31日前透過指定預訂網站預訂大阪、京都、台北、峴港、芭堤雅特選酒店即享低至4折優惠（可與9折優惠同時使用） 了解更多

AirAsiaGo.com – 預訂酒店可享9折優惠，按此取得優惠代碼， 優惠期至2017年12月31日，須於2018年3月31日前入住。查看更多

安達旅運 – (1) 惠顧指定短線旅遊套票，二人同行可享$200折扣；(2) 惠顧指定長線旅遊套票二人同行可享$300折扣；(3)指定郵輪假期淨船費95折。優惠詳情

一心旅遊有限公司 – (1) 惠顧指定目的地的自助遊套票可享$380折扣 (必須2人同行)； (2)凡訂購酒店住宿最少至9晚即可免費獲贈2晚酒店住宿；(3) 於onlineticket.hk訂購機票及酒店，可獲贈$100超市券乙張 (上限為5張)。優惠詳情

康泰旅行社 – 所有足球賽事主題旅遊套票，每位可享$200折扣優惠，優惠期至2017年12月31日。優惠詳情

環亞機場貴賓室 – 憑特選信用卡於網上預訂貴賓室服務可享9折，輸入優惠代碼 HSBCPPL2017 方可享此優惠。優惠詳情

（另外，憑恆生信用卡登記網上及海外簽賬優惠，由登記月份起至2017年12月31日可獲3x Cash Dollars獎賞！)

Citi 信用卡

Agoda – Citi白金卡或以上預訂酒店可享93 折優惠，Citi金卡及普通卡則可享95 折優惠，須於2017年12月31日預訂及於2018年2月18日前入住。了解詳情

Booking.com – 透過指定網頁(www.booking.com/citihk)預訂酒店享10%現金回贈，須於2017年12月31日前完成預訂及入住。了解詳情

Expedia – (1) 憑Citi 萬事達卡預訂酒店，輸入優惠代碼即享88折，須至少預訂2晚住宿，優惠期至2017年9月30日。(2) 所有Citi信用卡客戶(Citi Rewards銀聯信用卡除外)預訂酒店並輸入優惠代碼，全年均可享9折優惠。查看詳情

ZUJI –  預訂指定酒店，於付款頁輸入優惠券代碼 「HK17CITI5YR」， 即可照價再95折，優惠期至2017年12月31日。優惠詳情

AirAsiaGo.com  – 預訂酒店可享9折優惠（按此獲取優惠代碼），優惠期至2017年12月31日，須於2018年6月30日前入住。查看更多

國泰假期 – 2017年7月31日前憑Citi信用卡於國泰假期預訂任何套票，並於9月30日前完成行程，專享額外HK$2 = 1「亞洲萬里通」里數優惠。了解更多

KKday – 憑Citi萬事達卡預訂精選行程可享88折優惠（優惠代碼：CITI12），預訂其他行程亦可享94折優惠（優惠代碼：CITI6）。優惠期至2018年4月30日。相關資訊

按此查看更多花旗銀行信用卡產品。

DBS信用卡

Hotels.com – 預訂酒店住宿享額外92折優惠，需須經指定網頁預訂，優惠期至2017年12月31日。優惠詳情

Agoda – DBS Black Card/DBS Eminent Card/ DBS白金信用卡/ COMPASS VISA可享93折優惠，DBS信用卡/其聯營卡可享95折優惠，須經指定網頁預訂，優惠期至2017年12月31日，須於2018年3月31日前入住。查看更多

Expedia – DBS信用卡於Expedia指定網頁預訂酒店可享9折，優惠期至2017年12月31日，須於2018年3月31日前入住。了解詳情

ZUJI – 預訂指定酒店，於付款頁輸入優惠券代碼「HK17DBS5YR」， 即可照價再95折，優惠期至2017年12月31日。優惠詳情

Asiatravel.com – 經指定網站預訂酒店，可享額外85折及$300旅遊套票折扣（機票連酒店 / 機票連酒店及旅行團），須於2017年12月31日前預訂。瀏覽詳情

（除咗有訂酒店機票等 旅遊優惠 之外，部分信用卡更可以讓你免費入機場貴賓室，令您嘅旅程更為舒適！即睇：邊張信用卡可入機場貴賓室 ？）

東亞信用卡

Ctrip.com.hk – 預訂酒店單一簽帳滿HK$2,000，可享HK$200即時折扣；單一簽帳滿HK$3,000，可享HK$300即時折扣；單一簽帳滿HK$4,000，可享HK$400即時折扣。付款時需輸入優惠代碼「CTRIPBEA」,優惠期至2017年7月31日。

Expedia – (1) 預訂指定酒店9折，須先在指定網站取得優惠代碼並於於結賬時輸入，優惠期至2017年12月31日，有效旅遊期至2018年3月31日；(2) 曼谷/高雄/沖繩/大阪/新加坡精選酒店低至4折，須經指定網址預訂。了解詳情

ZUJI –  預訂指定酒店，只需於付款頁輸入優惠券代碼「HK17BEA5YR」， 即可照價再95折，優惠期至2017年12月31日。優惠詳情

hutchgo.com – 選購網上即時確認之澳門、新加坡及溫哥華酒店預訂可享95折，持卡人須於結賬時輸入電子禮券碼「BEA5」方可享優惠，優惠期至2017年12月31日，旅遊期至2018年1月10日。查看更多

AirAsiaGo.com – 預訂酒店可享9折優惠，按此取得優惠代碼， 優惠期至2017年12月31日，須於2018年3月31日前入住。查看更多

長榮航空：2017年8月31日前於長榮航空網站預訂精選航線來回機票，可享高達8折優惠。優惠詳情

Kkday – 預訂世界各地精選Local Tour享低至8折優惠，按此瀏覽有關產品。

翠明假期 – 預訂所有歐洲旅行團可享每位HK$300-HK$800折扣優惠（視乎參加人數），優惠期至2017年7月31日。有關詳情

按此了解東亞銀行的產品詳情。

渣打信用卡

Hotels.com – 酒店預訂淨額滿 $2,000 可享額外9折，預訂時請輸入折扣代碼」AFSCBHK」。了解更多

ZUJI – 預訂指定酒店，只需於付款頁輸入優惠券代碼 「HK17SCB5YR」， 即可照價再95折，優惠期至2017年12月31日。優惠詳情

永安旅遊  – 由2017年4月1日至8月31日，憑渣打/ MANHATTAN信用卡於永安旅遊經門市、網站(www.wingontravel.com)或手機App購買指定旅遊產品，可享高達HK$5,000旅遊折扣 。更多資訊

星晨旅遊  – 惠顧指定旅行團或自由行套票可享$50~200折扣優惠。更多資訊

按此查看更多渣打銀行信用卡產品。

美國運通卡

Airbnb – 首次用美國運通卡預訂Airbnb任意房源，滿$1,200立即減$300，請在結算時輸入優惠券代碼“AMEXHK”以及美國運通卡卡號的前四位數字，優惠期至2017年9月30日。按此預訂

Expedia – 美國運通白金信用卡會員預訂指定酒店9折優惠 (預訂時請輸入美國運通白金信用卡專屬的優惠代碼)，單獨酒店預訂每次單一消費滿淨值$2,000或以上，可享$100現金回贈，優惠期至2017年12月31日。條款及細則

ZUJI – (1) 2017年7月31日前憑美國運通卡於ZUJI香港預訂機票，單一機票預訂簽賬滿HK$5,000或以上，輸入優惠券代碼「AE500Y1756」即減HK$500；單一機票預訂簽賬滿HK$2,000 – HK$4,999，輸入優惠券代碼「AE200Y1756」即減HK$200。了解更多  (2) 預訂指定酒店，只需於付款頁輸入優惠券代碼 「HK17AE6YR」， 即可照價再94折，優惠期至2017年12月31日。優惠詳情

半島酒店 – 即日起至2017年10月31日，憑美國運通白金卡於8間參與優惠的香格里拉酒店以「最優惠房價」連續入住3晚，可享第3晚免費住宿，提早30天預訂，個別酒店住宿期間贈送免費雙人自助晚餐一次。預訂時需輸入優惠代碼「AXSP710」。

康泰旅行社 – 預訂所有足球賽事主題旅遊套票，每位可享$200折扣優惠，優惠期至2017年12月31日。優惠詳情

中銀信用卡

ZUJI – 預訂指定酒店，於付款頁輸入優惠券代碼「HK17BOC5YR」， 即可照價再95折，優惠期至2017年12月31日。優惠詳情

hutchgo.com – 選購網上即時確認之曼谷、布吉及紐約酒店，可享95折優惠，結賬時輸入電子禮券碼：「BOC5」方可享優惠。瀏覽詳情

康泰旅行社 – (1)預訂精選旅行團及自遊行套票，可享高達HK$6,000折扣，按此查看優惠詳情。優惠期至2017年8月31日 (2)預訂所有足球賽事主題旅遊套票，每位可享$200折扣優惠。瀏覽詳情

星晨旅遊  – 惠顧指定旅行團可享$100~$200折扣優惠。瀏覽詳情

大新信用卡

ZUJI – 預訂指定酒店，只需於付款頁輸入優惠券代碼 「HK17DS5YR」， 即可照價再95折，優惠期至2017年12月31日。優惠詳情

Expedia – 預訂酒店可享9折優惠，按此取得優惠代碼，優惠期至2017年12月31日，須於2018年3月31日前入住。了解更多

hutchgo.com – 惠顧網上即時確認之上海及關島酒店預訂可享95折（電子禮劵碼：DahSing5），優惠期至2017年12月31日。瀏覽詳情

星晨旅遊  – 惠顧指定旅行團或自由行套票可享$50~200折扣優惠。更多資訊

建行信用卡

hutchgo.com – 選購網上即時確認之香港、吉隆坡 (馬來西亞) 及蘇梅島 (泰國) 酒店預訂，可享95折 (電子禮券碼：CCBA5)，優惠期至2017年12月31日，旅遊期至2018年1月10日。查看更多

Expedia – 於www.expedia.com.hk/ccba獲取優惠代碼，可享即時預付單獨酒店訂房9折，優惠期至2017年12月31日。詳細資訊

星晨旅遊  – 惠顧指定旅行團或自由行套票可享$50~200折扣優惠。更多資訊

（Book好機票酒店，就要研究下點樣換外幣，同埋喺海外如何碌卡賺回贈！即睇：外遊必讀！兌換外幣及海外簽賬攻略）

延伸閱讀：2017 最新信用卡迎新優惠－ 迎新里數篇

延伸閱讀：【信用卡攻略】信用卡 戲院 購票優惠2017

想知道更多信用卡嘅餐飲同購物優惠資訊？立即使用我哋嘅比較工具，搵出最適合你嘅信用卡！

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 2017信用卡 旅遊優惠 大搜羅（7月更新） appeared first on 理財資訊.

想影靚相post IG ？唔一定要去旅行嘅，等MoneyHero.com.hk話你知香港地有咩免費攝影好去處啦！用咗個靚靚背景，再擺埋個女神pose，整到個 IG 靚一靚咁， 今次仲呃唔到like？

1 ) 彩虹邨籃球場

話明彩虹邨， 咁個邨就緊係彩虹色啦， 就因為係咁，吸引咗好多IG友嚟影塊彩色檣喇！其實除咗塊彩色檣之外，連個籃球場塊地都係七彩繽紛架！所以想用塊地嚟做背景嘅話，啲人會坐或者瞓喺到影嘅。

前往方法：彩虹站C4出口，沿龍翔道直行經黃菊路口，再繼續直行就係彩虹邨。

2 ) 西環貨運碼頭

西環貨運碼頭又叫Instagram Pier, 就係因為個個都嚟影相post IG！雖然最出名嘅天空之鏡已經被填走咗，但仍然吸引好多人過嚟影！因為有個360度嘅海景、唔同顏色嘅貨櫃、同埋扎埋曬嘅竹條等等， 每款都係好文青嘅背景！而最經典嘅背景就一定係條燈柱同佢側邊個兩舊黃黑間條石。

前往方法：香港大學站B出口，沿士美菲路向海傍一直走就到！

3 ) 南山邨

想將自己融入埋背景， 就緊係坐喺個半圖形嘅攀爬架到啦，之後你會發現背景嘅全部都係對稱嘅， 所以用鏡頭將自己對正係中間，就可以成為張相嘅主角。

前往方法：石硤尾B2出口，沿大坑西邨前行， 直到南山邨轉左上天橋去街市。之後公園就係街市上面啦！

4 ) 西環泳棚

當你企喺泳棚嘅盡頭，就好似要行入個海到，面對住個小島， 周圍一片海景。由日出到日落，個景都唔同顏色，真係想拍出咩感覺都得 。

前往方法：堅尼地城站C出口，沿海邊步行到廢物轉運站，沿域多利道斜路走，會遇到西環泳棚入口，落樓梯後即可通住西環泳棚。

5 ) 中環嘉咸街

入到中環一條斜斜哋嘅小街， 就會見到一副畫滿香港情懷舊式屋邨嘅牆。如果想入埋鏡影相嘅話，可以試下扮行緊嘅pose，咁張相睇落去就好自然！ 幫你影相嘅朋友就記住企對面馬路，先可以影到成個景架！

前往方法：中環站C出口，沿德輔道中前行至租庇利街，再轉左至皇后大道中，前行到嘉咸街轉右便到！

6 ) 鰂魚涌怪獸大廈

早排齣變形金剛咪係個到取景囉！就係貪佢有曬香港地道文化嘅感覺。啲舊樓密密麻麻咁，真係好壯觀 架！ 如果由地面低炒張相，睇落去好似係地窿到望上個天咁，會突然覺得自己好渺小。

前往方法：鰂魚涌港鐵站A出口，沿英皇道太古方向走，經過上柏架山的路口，就可到達大廈入口。

延伸閱讀：香港平靚正拍拖好去處 （2017年7月）

延伸閱讀：【落雨冇有怕】嚴選今夏10大室內玩樂好去處2017

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【 IG 打卡攻略】香港6個必去文青影相好去處 appeared first on 理財資訊.

買旅遊保險是為了買個安心，大家都可能極少要進入保險索償的程序，不過，其實每一個買旅遊保險的人都需要知道旅遊保險索償須知。因為你永遠不知道哪一次你需要 Claim保險，所以你其實應該每次都保存相關的文件，以備萬一！到底保險索償有什麼須知，MoneyHero.com.hk幫你整理！

 1) Claim保險緊記保留相關文件、照片

除了要在限期內提交申請，你還要保留所有有關的文件正本。一般遺失個人銀財及行李，大家都知道要有警署報案紀錄，或航空公司發出的行李損失證明。對這類證明文件，唔同保險公司會有唔同的要求，部分會要求文件上出現確實的關鍵字，例如被盜、破損等，你要求證明時，最好就是要求對方寫得準確詳細。另外，大家記住要保留旅程於香港出發及完成的文件，如登機證等。

無論是行李損壞、遺失，甚至是汽車自負額保險，大家都應該於出發時拍照記錄自己的財物或租借物件之狀況，而當損壞出現，就應該拍攝可以證明物件損壞程度的相片作為索償證據之一。

部分旅遊保險有保障的項目，你其實都可以向其他相關部門索償，例如行李損壞，你就可以選擇向航空公司索償。但因為旅遊保險一向都係實報實銷，所以一般就做唔到雙重賠償了。

2)航班Delay、行李遲到點算好？

購買旅遊保險，最多用到的應該是航班行李延誤的賠償。但這裡有一個基本概念要注意，就是旅遊保險提供的航班延誤保障，一般都只保障啟程延誤，而不是抵達延誤，即是如果你啟程時間沒延誤，只因其他原因而導致到達時間延誤，那是沒得賠償的。

每間保險公司的航班延誤保障都不同，大多都是提供現金津貼，金額各有不同，但要留意延誤時間需要達一定時數，才可得到賠償，如HSBC的旅遊萬全保，就以＄2,500為上限，達6小時就有＄250，其後每12小時就有＄250。而MSIG的單次旅遊計劃A，上限就為＄3,500，而如果你在海外回程時有延誤，你亦可申索額外的海外住宿費用。如藍十字保險，如果延誤達6 小時，最高就可獲$2,000津貼租住酒店，或申請轉乘其他公共交通工具。

3)旅遊保險保唔保手機、相機？

旅行時大家攜帶的財物，不是每一樣都受保，例如人人起碼有一部的手機，很多時就不在旅遊保險的保障範圍內，而有保障手機的，就有AXA的優遊樂旅遊保險，它會保障你其中一部遺失或損毀的手機或平板電腦，不過就有＄3,000的上限。

4)旅遊保險醫療保障，只保旅途中醫療費用？

如果不幸要在海外看醫生，醫療費用一般都會受保障，所以如果真的感到身體不妥，就記住要及時就醫。不過，部分旅遊保險都有提供附加保障，例如AXA的優遊樂，如在旅途中感染傳染病並在回港後的七天內被確診，就算你於海外沒有任何治療記錄，受保人都可獲得賠償在港連續三個月的診治費用。

而一般若你在海外時有就醫，回港後一定日數內的覆診費用都會受保障。例如MSIG就保障你返回香港後90天內的覆診費用，最高賠償額為＄50,000。

5)旅遊保險索償期限你要知

申索旅遊保險，最重要的是清楚索償賠償的期限。一般旅遊保險索償，你都需要在意外發生後一定日子內正式申索，方會有機會得到賠償。一般而言，期限都係30天內，例如MSIG的旅遊保險索償，就需於30天內郵寄索償表格予保險公司。

6)保旅遊保險支援熱線電話

如你在海外遇上任何意外，情況如果比較嚴重，最好當然是立即聯絡支援熱線，了解旅遊保險公司可以提供什麼幫助。以下是各大旅遊保險公司的24小時熱線，以供參考︰

蘇黎世 旅遊保險 24小時支援熱線：+852 2886 3977

AXA旅遊保險 24小時支援熱線：+852 2886 3977

MSIG旅遊保險 24小時支援熱線：+852 3122 6899

HSBC旅遊保險 24小時支援熱線：+852 2886 3977

富衛 旅遊保險 24小時支援熱線：+852 3123 3123

當然，大家其實應該比較不同公司的旅遊保險服務，按自己的需求購買旅遊保險，這樣到了索償階段就會更加順暢啦！

立即比較各大旅遊保險

延伸閱讀︰【旅遊攻略】5大自駕遊必去地點+旅遊保險租車保障

相關文章︰愈早買愈平！2017聖誕 平機票 攻略

——

MoneyHero.com.hk是香港首個金融產品比較平台，免費幫你比較信用卡、旅遊保險、私人貸款及按揭。想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【 Claim保險 】怎樣增加成功機會？6大旅遊保險索償須知！ appeared first on 理財資訊.

暑假又嚟喇！近期日圓又跌，啲Yen咁平，唔飛轉日本買返夠本真係對唔住自己！成日聽朋友話去日本一定要有張銀聯信用卡旁身，究竟有咩優惠咁抵呢？今次MoneyHero.com.hk為大家帶嚟銀聯日本購物折扣全攻略，等大家買嘢抵上加抵，盡情瘋狂shopping！（7月16日更新資料）

1／家電及免稅店

去開日本嘅你，無可能未聽過兩大家電綜合商場BIC CAMERA同Yodobashi，同埋遊客最愛嘅連鎖免稅店LAOX！佢地除咗電器齊全，就連相機鏡頭、藥妝、玩具、動漫商品等宅宅最愛都有，唔少人仲會特登去買Dyson同美容機，而且仲有識講中文嘅店員添！想比較返同一樣產品邊間平啲，其實唔難，推介大家去掃日本電器必上嘅比價網站kakaku.com。

BIC CAMERA

優惠：95折及免稅

推廣期：即日起至2017年12月31日

主要分店：池袋本店、有樂町店、新宿東口駅前店、AKIBA

網址：www.biccamera.co.jp

備註：不適用於Apple產品、勞力士、藥品、酒類產品

Yodobashi

優惠：95折及免稅

推廣期：即日起至2017年12月31日

主要分店：新宿西口本店、Multimedia上野、Multimedia Akiba

網址：www.yodobashi.com

LAOX

優惠：消費任何金額，透過「銀聯國際」手機App，經驗證以二維碼或條碼形式取得「優計劃」電子現金券，即可享93折優惠及免稅

推廣期：即日起至2017年12月31日

主要分店：秋葉原本店、銀座本店、成田機場店、羽田機場店

網址：www.laox.co.jp

2／商場及百貨公司

唔好以為百貨公司就一定老餅兼老套！其實而家好多大型商場都有晒清晰定位同主題，好受當地人同遊客歡迎。例如東急Hands以文創精品最出名，丸井百貨（O1O1）就係OL最愛，阪急、阪神又大又好行，三越同伊勢丹就有齊貴價名牌貨，而阿倍野HARUKASU嘅近鐵百貨就更加係近年hit爆嘅shopping熱點啦！

東急Hands

優惠：95折

推廣期：即日起至2017年12月31日

主要分店：新宿店、涉谷店、池袋店、銀座店、梅田店、心齋橋店

網址：www.tokyu-hands.co.jp

丸井百貨（O1O1）

優惠：95折及免稅

推廣期：即日起至2017年12月31日

主要分店：新宿本館、新宿ANNEX、新宿男士館、有樂町店

網址：www.0101.co.jp

阪急百貨店、阪神百貨店

優惠：95折及免稅

推廣期：即日起至2017年12月31日

適用分店：阪急百貨店梅田總店、阪急男士館大阪、阪急男士館東京、博多阪急、阪神百貨店梅田總店

網址：www.hankyu-dept.co.jp

備註：不適用於未滿1千日元（不含稅）的商品、折扣商品、福袋、餐廳、食品、愛馬仕Hermes等奢侈品牌。

三越

優惠：白金/鑽石卡享95折

推廣期：即日起至2018年12月31日

適用分店：日本橋總店、銀座店

網址：mitsukoshi.mistore.jp

備註：不適用於指定商品；須於各店免稅櫃台辦理相關手續方可享有優惠

伊勢丹

優惠：白金/鑽石卡享95折

推廣期：即日起至2018年12月31日

適用分店：新宿店

網址：isetan.mistore.jp

備註：不適用於指定商品；須於各店免稅櫃台辦理相關手續方可享有優惠

近鐵百貨店

優惠：95折

推廣期：即日起至2017年12月31日

適用分店：阿倍野HARUKASU總店、上本町店

網址：abenoharukas.d-kintetsu.co.jp

備註：不適用於未滿2,000日圓（不含稅）的商品、折扣商品、福袋、餐飲店、食品、奢侈品牌等

3／三陽商會旗下指定品牌

三陽商會最為人熟悉就係做過Burberry嘅日本代理，今時今日佢旗下亦有好多高級名牌，好似有貴族品牌Paul Stuart、英女皇都嘉獎嘅MACKINTOSH副線MACKINTOSH PHILOSOPHY、日本明星都愛上嘅LOVELESS，同埋時尚潮牌GUILD PRIME等，成為唔少香港人去潮聖掃貨嘅目標。

優惠：95折

推廣期：即日起至2017年12月31日

適用分店：SANYO GINZA TOWER、Paul Stuart青山分店、MACKINTOSH PHILOSOPHY 新丸大樓分店、高倫分店及涉谷m-modi店、LOVELESS青山分店、代官山分店、京都分店、心齋橋分店及天神分店、GUILD PRIME涉谷分店、EPOCA THE SHOP銀座分店及丸之內分店

網址：www.sanyo-shokai.co.jp

備註：不適用於指定商品；不可與其他優惠(包括該店積分卡等)同時使用

4／日本機場指定商戶

日本機場出名多嘢買，臨走前一定要去最後衝刺先安落。機場商戶款式多蘿蘿，除咗有齊各式必買手信店，仲有好多家品店、新鮮海產店，甚至連專賣玩具嘅博品館TOY PARK都有分店，直情要提早幾個鐘去機場先係王道！

優惠：95折

推廣期：即日起至2018年2月28日

主要分店：成田機場、羽田機場、關西機場、新千歲機場、福岡機場等機場之商戶，包括Blue Sky、Ana Festa、JAL Duty Free、Laox、博品館TOY PARK等

邊張銀聯卡最好？

講咗咁耐，到底邊張銀聯卡最好? 其實銀聯卡有好多選擇，好似Citibank Rewards 銀聯信用卡喺本地超市、百貨公司同電訊公司簽帳全年都有5X積分，而匯豐銀行銀聯雙幣鑽石卡就有「最紅自主獎賞計劃」，只要分配額外獎賞錢去海外消費類別，就可以賺取6倍獎賞錢。至於用渣打銀聯雙幣白金信用卡作海外消費就可以賺取2倍積分！

碌卡小貼士

• 銀聯優適用於卡號「62」開頭嘅信用卡，唔係講緊有銀聯標記嘅提款卡，不過為咗保障自己，最好碌之前問清楚張卡係咪可享優惠
• 大部分銀聯卡海外簽賬免手續費，但滙豐HSBC及恒生就例外，出發前不妨向發卡銀行查證有無額外收費
• 前往MoneyHero銀聯信用卡比較平台，集中比較邊張銀聯卡最多優惠

溫馨提示：出發前記得要買旅遊保險！MoneyHero保險平台幫你比較不同旅遊保險計劃，如STARR、MSIG、富衛等。經我哋買旅遊保險，更可享額外折扣優惠！

延伸閱讀︰【旅行必讀】2017 銀聯卡旅遊優惠全攻略—韓國篇

相關文章︰愈早買愈平！2017聖誕 平機票 攻略
–
銀聯卡唔啱你？唔緊要！好多銀行嘅Visa同MasterCard信用卡都一樣可以賺取豐富飛行里數同現金回贈，立即上MoneyHero.com.hk信用卡比較平台，揾出最佳飛行里數同現金回贈信用卡啦！

想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！

The post 【購物攻略】2017年日本 銀聯卡 百貨公司優惠大集合！ appeared first on 理財資訊.

踏入新一年，唔少銀行都大張旗鼓，密密推出左一系列嘅全新信用卡迎新優惠吸客，包括有里數回贈、各類型嘅迎新禮物，又或者係現金券／機票等等，吸納唔同客戶層。今日MoneyHero.com.hk就集中同大家分享下各大銀行熱門信用卡嘅 迎新里數 優惠！（2017年7月17日更新）

信用卡 迎新里數 優惠

零售簽賬至抵：東亞銀行Flyer World萬事達卡

東亞Flyer World萬事達卡 嘅最大特色係所有合資格簽賬一律5蚊1里，單計本地零售簽賬，可以話係全港最抵，而且豁免獎分兌換「亞洲萬里通」里數之手續費。迎新禮品方面，發卡後首2個月簽賬滿HK$9,000，即可獲48,000 獎分，相等於6,000里數，即係1.5蚊1里，而且網上申請額外再送2,000里。

按此了解更多東亞銀行信用卡詳情。

積分無限期： DBS Black World Mastercard

DBS 嘅黑卡最大賣點係積分無限期，里數唔會過期，大家可以慢慢儲里數換機票都得。此外，佢哋獨家嘅iGO Rewards 系統仲可以俾大家用積分換唔同航空公司嘅機票，連廉航機票都可以換得到，彈性比其他里數信用卡更大。

今年DBS Black World Mastercard 推出咗迎新1蚊賺1里優惠。全新客戶於迎新期內首$5,000本地零售簽賬可享1蚊1里，而現有客戶迎新期嘅頭$1,000本地零售簽賬都可得到1蚊1里優惠。2017年7月31日前，經MoneyHero.com.hk網上申請再額外送HK$300現金券。

按此了解有關DBS的信用卡產品。

迎新簽1蚊賺2里：渣打亞洲萬里通萬事達卡

渣打亞洲萬里通萬事達卡於上年推出，而家已經成為非常熱門嘅儲里數信用卡。呢張卡嘅方便之處係佢會每個月月底自動幫客戶將里數轉入亞洲萬里通戶口，無需手續費，非常方便。佢嘅迎新優惠最高可以賺到100,000里數，可以話係非常之抵。

由2017年7月1日起，全新客戶首2個月內首HK$7,500簽賬可享HK$0.5 = 1里數優惠 (HK$7,500 = 15,000里數)，其後HK$170,000簽賬享$2 = 1里數優惠 (HK$170,000, = 85,000里數)，合共100,000里數，飛3轉日本都仲有找！

按此了解更多渣打信用卡產品詳情。

尊尚之選：美國運通國泰航空尊尚信用卡

對於成日出外公幹／旅行嘅人嚟講，美國運通國泰航空尊尚信用卡係一張唔錯嘅選擇。呢張卡可以全年任用世界各地嘅環亞機場候機室，以及每年可以使用4次全球Priority Pass貴賓室 ，上機前／轉機時都可以休息下。呢張卡今年嘅迎新優惠都十分之抵，新客戶經網上申請，頭3個月內簽賬滿$5,000就可以得到6,000 里數，換句說話講，大約簽$0.83就可以賺到1里數，非常易賺！2017年7月31日前經本網成功申請，可獲額外2,000里數及$100現金劵！

按此了解更多美國運通信用卡產品資訊。

想知道更多信用卡優惠資訊？立即前往我哋嘅信用卡比較平台比較新禮品！

——

相關閱讀：【信用卡攻略】信用卡 戲院 購票優惠2017

相關閱讀：2017 各大銀行最新信用卡優惠－ 迎新禮物篇

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 2017 最新信用卡迎新優惠－ 迎新里數 篇 appeared first on 理財資訊.

仲有一個月就開學，除咗Reg科同Add/Drop之外，相信交學費 一定叫唔少同學或家長好頭痛。始終一個Sem嘅學費都要成2萬幾蚊，唔係小數目！不過只要你識得用信用卡交學費，就可以賺返唔少信用卡積分，兌換現金回贈、飛行里數同心水禮品。想知邊幾張卡交學費最著數？立即睇下！（2017年7月更新資料）

信用卡 交學費 小貼士

想用信用卡 交學費 ，首先你要知道你就讀嘅院校或者辦學機構接受邊種繳交方法，好似中大咁，就主要接受以繳費靈、自動櫃員機（ATM）、銀行網頁同銀行櫃檯4種方法交學費。不過，有部分銀行信用卡（例如DBS同永隆銀行）有標明積分獎賞計劃唔適用於網上繳費，所以交學費前都係要睇清楚條款。

此外，一般大學生用嘅信用卡通常只有$10,000信用額，但只要你預先將錢存入信用卡戶口就可以照樣用信用卡交學費喇！以下就等MoneyHero.com.hk為大家介紹幾張交學費賺積分嘅好卡啦！

1）恒生信用卡：1.2%回贈

持有恆生大學/大專聯營信用卡（包括城大、浸大、中大、中大專業進修學院、恒生管理學院）嘅同學要留意！由即日起至2018年6月30日，只要先電話登記，再用大學/大專聯營信用卡報讀本地/同海外各大院校同辦學機構舉辦嘅課程，就可以賺取3倍Cash Dollar，即係1.2%回贈！呢個優惠除咗大學課程之外，持續進修基金認可嘅課程亦同樣適用，想知多啲，可瀏覧持續進修基金。如果你用信用卡支付本地同海外公開考試費用，或者於本地/網上書店消費，更可以賺取5倍Cash Dollar添（即係2%回贈）！按此了解詳情。

用其他恆生卡交學費都可以賺Cash Dollar，每簽$250就有1 Cash Dollar，即0.4%回贈。鍾意換現金禮券嘅，最平可以用39 Cash Dollar（即係簽$9,750）可以換到一張東海堂$50禮餅券，計番即係每簽$195可賺$1，都有0.5%左右回贈。

想了解更多關於恆生信用卡，請即按此。

2）建行信用卡：高達0.5%回贈／$8=1里

用建行信用卡（銀聯雙幣信用卡、Visa 白金卡、香港航空Fly Away信用卡）透過網上繳費交學費 ，每簽$1就有1分，25,000分可換$100現金回贈或者萬寧、一田同惠康等商戶$100現金券，計落都有0.4%回贈。建行卡客戶亦可以將積分轉成「亞洲萬里通」里數，每15分=1里，又或者換香港航空「Fortune Wings Club金鵬積分」，每6分=1分「金鵬積分」（即$6=1里）。

而建行Visa Infinite 信用卡比其他卡有更多回贈，交學費可賺$8=1里，即每交$10,000就賺到1,250里數；又或者可以每200分可當$1使，即0.5%回贈。

3）富邦信用卡：高達0.45%回贈

用富邦信用卡透過e-banking交學費，每簽$1都可以賺到1分獎賞，用5,000分就可以兌換$20現金回贈，即0.4%回贈，富邦白金卡或Titanium卡更可以用22,000分換$100現金回贈，即係有~0.45%回贈！

想了解更多關於富邦信用卡，請即按此。

相關閱讀：【入U即申請】嚴選-大學生必備信用卡

4）中信銀行（國際）信用卡：高達0.55%回贈（只限首$10,000簽帳）

憑 信銀國際CITICfirst白金卡 或 信銀國際白金卡 透過e-banking交學費，每月首$10,000每簽$180可賺$1直接現金回贈，即0.55%回贈！如果用信銀國際金卡或普通卡簽賬，每月首$10,000簽帳$1=1分，每12,500分可換各大商戶嘅$50現金禮券，計番都有0.4%回贈。如果你有信銀國際CITICfirst白金卡或者信銀國際白金卡，更可每簽$180賺$1回贈，即0.55%現金回贈！

想了解更多關於中信銀行（國際）信用卡，請即按此。

5）HSBC信用卡：0.4%回贈（只限首$10,000簽帳）

用HSBC白金或以上級別嘅信用卡（包括Visa Signature卡同白金Visa卡）透過e-banking交學費，每簽$250就有$1「獎賞錢」，而每$1「獎賞錢」可當作$1使用，計番即係0.4%回贈，不過HSBC上年起改咗制，每月只有首$10,000 e-banking繳費先有「獎賞錢」，不過大學學費每期至少2萬，而家用匯豐卡就唔係咁抵啦。

至於白金以下信用卡（例如HSBC金卡）就要親自到有關院校機構碌卡，又或者登入學校網站交至賺到獎賞錢，e-banking係唔計嘅。鍾意儲里數嘅話可以登記埋HSBC嘅「飛行優惠計劃」，每$1「獎賞錢」換10里飛行里數，計番即係$25=1里。

相關閱讀：【準大學生必讀】申請 Grant Loan 常見問題Q&A

6）中銀信用卡：0.4%回贈（只限首$10,000簽帳）

中銀信用卡設有網上繳費服務，用嚟繳交學費，每$1可賺1分簽賬積分。每25,000簽賬積分可以換$100指定禮券∕現金券，即0.4%回贈！不過要留意，呢個優惠只適用於中銀Visa Infinite卡、白金卡同銀聯雙幣鑽石卡等中銀信用卡，而且限定每個持卡人（包括附屬卡賬戶）一個月最多可賺10,000分，就算你交2萬幾蚊學費都係最多賺10,000分，相對冇咁著數！按此了解詳情。

想了解更多關於中銀信用卡，請即按此。

延伸閱讀：【信用卡繳費】交水電煤費 都儲到飛行里數？（2017）

延伸閱讀：嚴選 八達通自動增值 最佳信用卡

想知道更多信用卡嘅優惠資訊？立即使用我哋嘅比較工具，搵出最適合你嘅信用卡！

——

想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！

The post 【開學倒數】 交學費 儲積分必備信用卡2017 appeared first on 理財資訊.

踏入7、8月又係暑假嘅時間，諗定同一家大細、摯愛親朋去邊度旅行未呢？要揀去邊度玩，相信10個香港人有8個都會揀去日本。日本美食多、靚景多、產品質素無得頂，難怪俘虜咁多港人嘅心。加上日圓匯率近日走勢低迷，令到去日本旅行變得更加吸引。今次MoneyHero.com.hk就為大家介紹吓日本嘅免稅同退稅制度，等大家可以輕輕鬆鬆喺日本免稅慳住玩，令每一yen都洗得其所。

睇清楚價錢連唔連稅

講到去日本狂買、狂食、嘆世界，最緊要就係玩得夠抵，去過日本玩嘅朋友應該都知道日本設有消費稅GST，目前嘅稅率係8%。因此，日本嘅商品或者服務一般會標示「稅込」、「稅別」、「稅拔」同「本體價格」幾種價格。「稅込」即係已經包含咗8%消費稅嘅價錢，而「稅別」、「稅拔」同「本體價格」就係未計稅嘅價錢。

大家千祈唔好睇少呢8%嘅稅金，正所謂小數怕長計，假設你去日本玩幾日，兩個人加埋消費「本體價格」嘅100,000 yen折合約6,859蚊港紙商品同服務稅金，加加埋埋都要俾成8,000 yen折合約549蚊港紙，都夠兩個人食一餐唔錯嘅晚餐架啦。

一般商品退稅門檻降低

自2016年5月起，日本針對訪日旅客修訂咗退稅制度。修訂嘅重點係一般商品（例如電器、衣物、鞋履、首飾等）嘅退稅門檻，由需要消費超過10,000 yen（稅前價格）降低至只要消費滿5,000 yen（稅前價格）就得。至於消耗品（例如食品、飲品、化妝品、藥物及保健食品等）嘅退稅門檻大致不變，消費滿5,000 yen（稅前價格）就可以。每日嘅退稅上限為500,000 yen。

要提提大家嘅係，一般商品同消耗品要達至免稅，必須各自消費達到5,000 yen(稅前價格)，而唔可以兩種商品夾埋去計算。舉啲簡單例子︰你買一對3,000 yen嘅鞋同一件2,000 yen嘅Tee，兩樣都係一般商品夾埋夠5,000 yen，就可以免稅或者你買4,000 yen藥妝加1,000 yen零食兩者都係消耗品加埋夠5,000 yen又可以免稅啦。但係若果你買一對3,000 yen嘅鞋加2,000 yen零食，因為兩件商品性質不一，而各自消費未夠5,000 yen咁就達唔到免稅嘅條件啦。

4大退稅重點

根據日本觀光廳嘅溫馨提示商品退稅有四大重點。

1)退稅制度下所有商品都可豁免8%稅金，可以話買得愈多愈抵。

2)退稅安排只適用於短期停留(少過6個月)日本嘅旅客。

3)上面講過嘅一般商品免稅門檻降至5,000 yen(稅前價格)。

4)記得要帶埋你本passport，因為喺商店辦理退稅或免稅手續時必須出示護照。

兩大退稅流程

了解咗免稅嘅條件，就等小編講講退稅嘅形式啦。一般黎講，喺日本退稅不外乎兩種流程︰

1)第一種流程多數出現喺時裝店同藥妝店等連鎖店排隊俾錢時，只需直接前往退稅櫃位出示Passport就可以即時豁免稅金直接付出免稅價錢，簡單直接。

2)第二種流程多出現喺百貨公司或者購物中心要先俾錢支付稅込價格再帶埋購入嘅商品、收據、於即日前往同一間店舖或購物中心嘅退稅櫃位出示Passport。如果以信用卡俾錢記得帶埋俾錢果張信用卡咁稅金就會直接喺信用卡扣除。

無論邊個流程，店員都會為你準備一張「購入者誓約書」，俾你喺上面簽番個名。之後店員會準備「購入記錄票」幫你貼落或者釘落本Passport度，最後吸埋印仔。你只要係日本出境時將「購入記錄票」交返去海關嘅回收櫃位或回收箱，咁成個流程就大功告成架啦。如果你買嘅係消耗品，店員會將已免稅嘅消耗品放入特定嘅密封膠袋或者紙箱。係離開日本之前有關膠袋或者紙箱都唔可以開封架。

留意退稅手續費

另外需要留意嘅係，大部份百貨公司都會就退稅收取手續費（大部分為商品免稅售價嘅1.1%），咁會令到大家實質取回嘅金額少咗。小編建議大家去百貨公司購物，特別係購買金額較高嘅商品前，可以去其他有得退稅嘅商店格下價，計吓免稅售價邊度抵啲，咁先至買得夠醒！

日本退稅制度修訂概要

海外購物必備信用卡：享盡海外簽賬優惠

1）星展DBS Eminent Card

憑DBS Eminent Card作任何外幣簽賬，均可享有無上限2%現金回贈，啱啱夠抵消1.95%海外交易手續費。而本地簽帳則可享無上限1%現金回贈。而家經MoneyHero.com.hk成功申請DBS Eminent Card，仲送你額外$200現金劵及$100現金獎賞！

2）東亞Flyer World信用卡

東亞Flyer World信用卡於海外簽賬有$5=1里優惠，而且喺迎新期內除咗簽滿$9,000即賺6,000里數，仲豁免獎分兌換里數手續費，網上申請額外再送2,000里。

3）渣打亞洲萬里通萬事達卡

渣打亞洲萬里通萬事達卡迎新期內簽滿$7,500就有15,000里數，其後每簽HK2賺1里數（上限HK$170,000），即合共最多100,000里數，優惠期由2017年7月1日至2017年9月30日。迎新過後，食肆、網上及海外簽賬全年$4=1里數，仲要每個月自動幫你兌換里數同存入你嘅「亞洲萬里通」賬戶內，又唔收手續費，好適合用嚟儲里數！

4）匯豐信用卡

匯豐信用卡有最紅自主獎賞計劃，只要將額外「獎賞錢」分配去「賞中華」或「賞世界」海外簽賬類別，就可以輕易賺到6倍獎賞錢，計落已經有2.4%回贈或$2.78=1里優惠。

而家匯豐更推出最紅旅遊優惠，由即日起至2017年12月31日，已登記用戶用匯豐信用卡於海外簽賬，即賺多額外5倍「獎賞錢」，計埋即是11倍積分（匯豐Visa Signature卡更享14倍積分）！即使扣除Visa / MasterCard嘅1.95%手續費，匯豐卡嘅回贈仍然非常著數，所以去旅行記得要準備定張匯豐卡！

想了解更多匯豐信用卡詳情，可即按此。

5）富邦白金卡 / Titanium卡

去台灣旅遊就以富邦白金卡 / Titanium卡最著數。去一般國家簽賬可以賺到4倍積分，日韓兩國就有8倍積分，去台灣簽賬更有20倍積分！如以4倍積分計，即2%回贈（$3.75=1里），台灣嘅話就即係每$0.75=1里，即10%回贈，回贈比率非常之高！計番富邦本身海外簽賬手續費為1.85%，無論只去一般國家定係去台灣都有賺！想享有呢個優惠，就要記得於簽賬月份內打電話登記！

想了解更多富邦信用卡詳情，可即按此。

想知道更多信用卡嘅優惠資訊？立即使用我哋嘅比較工具，搵出最適合你嘅信用卡！

——

延伸閱讀：【購物攻略】2017年日本 銀聯卡 百貨公司優惠大集合！

延伸閱讀：【日本夏祭2017】關西必去5大花火大會 (大阪.京都.神戶.滋賀)

記得留意我哋 MoneyHero.com.hk Blog，同埋緊貼我哋嘅 Facebook Page！

The post 「稅込」、「稅別」有咩分別？日本免稅 退稅 全攻略2017 appeared first on 理財資訊.

2017年只過了7個月，中港股市已發生了不少金融大事。例如A股在6月獲納入摩根士丹利MSCI指數（下稱A股入摩），A股入摩除了對兩地股市有深遠影響，亦令到港股的估值得到重估，現在就由萬賢從資金、指數、股值3方面，探討A股入摩的影響。

國際資金「被迫」買A股

Morgan Stanley Capital International (簡稱:MSCI)在 2017 年 6 月 21 日宣布 A 股「入摩」成功，A 股獲得納入，意味著很多國際投資者都要「被迫」買 A 股。『被迫』的意思是一些專門追踪指數走勢的「被動式管理基金」，若然要追蹤某指數，就要跟足該指數內的成分股去買賣，加上MSCI 的環球新興市場指數是市場上最權威的一個指數，市場上有很多 ETF 都是追蹤這個指數，因此 A 股獲納入這個指數，意味著不少「被動式管理基金」要追貨，長遠可吸納國際資金進入A股市場。

從短期資金流的角度看， A 股獲納入 MSCI 之後，市場估計可為 A 股引資 1,000 億元人民幣，相當於現況 A 股每日成交約 4,000 億元人民幣的四分之一，短期對資金流入的實質影響有限。

滬深 300 及上證 50 指數受最大影響

A 股成功入摩，有利提振港股在國際金融市場上的定位，亦進一步鞏固香港在現行的股票市場交易互聯互通機制下，作為接通內地股票市場的門戶角色，這一定程度令港股的估值有所放大，亦吸引了外國的部分資金陸續進場。

當中，受到最直接影響的兩大指數包括滬深 300 及上證 50 指數，皆因這兩大指數包含較多「入摩」股份，而且亦逐漸受到國際投資者注視。從今年上半年的表現看，這兩類指數亦有反映本年 A 股「入摩」偏高的預期。滬深 300 及上證 50 指數本年表現領跑大市，較傳統 A 股指標 — 上證綜指以及深成指數的表現為佳。而該兩大指數中，中資金融股的比重較其他版塊高，因此最近中港兩地炒作的方向皆離不開這類股份。

間接有利香港大藍籌

從另一方面考慮，獲納入 MSCI 的 A 股股票中，大部分為大市值優質藍籌股，隨著未來 A 股獲納入 MSCI 的份額從 5%提升到全部納入，理論上會為這些股票帶來持續的中長線買入資金，有利於改變 A 股投資者最愛的「短炒」行為以及更重視股票價值，這也同時提高了港股同類型股份的估值。

從板塊的角度探討，消費龍頭、醫藥、金融、地產板塊在A 股「入摩」成功後存在機會。其中指數權重大、估值低、盈利穩定的個股最為受益，因為從國際投資者的角度考慮，這類股票簡單透明。而港股這些板塊的個股估值較 A 股便宜，所以亦會同樣吸引投資者關注。

延伸閱讀︰證券行、銀行大鬥法：搵邊間炒 股票 至著數？

延伸閱讀︰月供股票 攻略：由$1,000開始投資！（2017年3月更新）

投資股票有一定風險，當然要做足功課，但平時想慳錢理財，只需要前往MoneyHero.com.hk 信用卡、私人貸款、旅遊保險及按揭比較平台，一覽所有最新優惠，輕鬆作出理財決定！

——

作者簡介︰

萬賢
現職香港證券投資分析員，曾任職本港報章財經記者。

——

想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！

The post 【2017 金融大事】A股入摩 3大股市影響你要知！ appeared first on 理財資訊.

書展2017今日開鑼！去得書展，就緊係要掃平書啦，如果唔係使乜等成年，直接去書局就得！MoneyHero.com.hk好明白大家想掃平貨嘅心情， 所以已經為你哋搵咗平靚正嘅10十大抵買好書。睇完如果啱心水嘅話，就快啲行動！

想知點慳書展入場費，可以睇埋：香港書展2017慳錢攻略

1）各式舊版旅遊書：$20/本（原價$88）

平時喺街買本旅遊書，一般都要近百蚊本，但書展嘅旅遊書竟低至$20！雖然話就話係舊版，但其實好多都係2015、2016年出版，資料仲好Updated，而且好多地方選擇添。Plan緊去旅行嘅你，行過記住買番本啦！

• 書名：《Easy Go旅遊書系列》
• 出版社：跨版生活
• 書展攤位：跨版生活（1B-D28）

2）九把刀《殺手》系列： $61/本（原價$87）

九把刀除咗《那些年》之外，仲有著有好多經典小說，其中一個就係「殺手系列」。作者建構咗一個架空世界觀，每本書嘅故事看似一個獨立的殺手故事，實則卻互相關聯。今屆書展，台商攤位「一代匯集」提供全場台版書7折優惠，殺手系列小說每本原價$87，折後每本只售$61。

• 書名：《殺手》系列小說
• 作者：九把刀
• 出版社：春天出版社
• 書展攤位：一代匯集 (1C-D32)

3）《怦然心動的人生整理魔法》: $30 （原價$83）

日本整理大師 近藤麻理惠的《怦然心動的人生整理魔法》在日本銷量超過170萬冊，呢本書除咗教你執屋大法之外，仲會教你如何將執屋「昇華」成心靈療癒嘅歷程，令你唔再怕執嘢。此書原價$83，書展「勤＋緣出版文化」攤位賣緊$30，平咗一半有多！

• 書名：《怦然心動的人生整理魔法》/《怦然心動的人生整理魔法2》
• 作者：《怦然心動的人生整理魔法》
• 出版社：方智
• 書展攤位：勤＋緣出版文化產業有限公司 (1A-E16)

呢個攤位出售大量台版特價書：原價＄100以下嘅書一律賣$30；原價＄101-150嘅書賣$40；原價＄151-200嘅書賣$50；$200以上半價。

4）《變形記》:$35 (原價$50) /《動物農莊》:$46 (原價$66)

愉林書店攤位有好多書做緊7折優惠，好多經典文學作品都可以用好平嘅價錢買到。例如卡夫卡代表作《變形記》只售$35 （原價$50）、知名政治寓言《動物農莊》只售$46（原價$66）。

• 書名：《變形記》
• 作者：卡夫卡

• 書名：《動物農莊》
• 作者：喬治·歐威爾

• 出版社：榆林書店有限公司 （1B-C16）

5）「異鄉人醫生」原著小说：$30

城邦出版社其中一個攤位係特價區，全場書本只售$20-30，當中亦不乏近年新作，例如14年熱播韓劇「異鄉人醫生」嘅原著小说都只係賣$30。

• 書名：北醫－異鄉人醫生
• 作者： Choi Jee Yeong
• 出版社：TRENDY文化
• 書展攤位：城邦（香港）出版集團有限公司 （1C-E16）

6）各式英文小說：$50/本

成個書展吸引最多人嘅地方一定唔少得商務印嘅英文書區。 每本低至$50，重要本本都係正嘢！出名嘅書包括有《The Notebook》, 《Les Miserables》, 《The Martian》等等，仲有好多大家都識嘅經典小說。

書展攤位：商務印書館（1E-A16)

7）《Diary of a Wimpy Kid》全套10本： $410（原價$750）

《Diary of a Wimpy Kid 》系列紅遍世界，響唔同國家都大賣。因為佢其實係非常幽默搞笑嘅漫畫日記，又貼近美國文化的用語對話，所以會學到實用嘅英文會話，適合高小至初中學生閱讀。宜家係書展成套Diary of a Wimpy Kid 系列 （共10本）原價$750減至 $410，平均每本$41！

• 書名：Diary of a Wimpy Kid
• 作者：Jeff Kinney
• 出版社：Puffin
• 書展攤位：Publishers Marketing Ltd (1A-E32) （Publishers Marketing係英文書商，今次書展做緊全場6折優惠。）

8）各式投資書：低至55折優惠

今屆書展嘅理財投資書唔算特別多，如果想搵啲貼近現今香港市況嘅特價書，可以留意經濟日報嘅攤位，買１-2本有7折，3本或以上 有55折優惠。

• 書展攤位：經濟日報出版社 （1B-D02）

9）DSE模擬試卷：低至75折／中小學練習： 每本$10

好多升Form 6嘅同學都要使唔少錢買Mock卷操DSE，咁書展應該可以幫你慳唔少。商務印書館提供幾齊全嘅DSE模擬試卷，單本85折、3本8折、5本75折，原價約$130（每科唔同），折後每本約$97.5。

另外，指定中、小學練習只售 $10，先到先得，售完即止。

• 書展攤位：商務印書館（1C-C32)

10）DSE最後一分鐘系列：$100／5本

DSE Last Minute 最後一分鐘系列將所有DSE精華擺曬入去一本小冊子入面，變成一本可隨身攜帶嘅溫習書（即係雞精）。想當年，佢仲係小編臨急抱佛腳嘅好幫手。出面街大約賣緊HK$30，宜家買5本，平均每本$20喳！

• 書展攤位：Oial Press (Asia) Limited （1B-C32）

——
MoneyHero.com.hk是香港首個金融產品比較平台，免費幫你比較信用卡、旅遊保險、私人貸款及按揭。想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【2017 書展 直擊】嚴選10大抵買好書 appeared first on 理財資訊.

先前肥叔叔喺Moneyhero Blog發表《股票投資新手攻略：基本分析vs技術分析》，文中提過MACD、RSI等技術分析用語後，就收到有迴響指想知多少少。下文就為大家簡單咁講講最常見嘅幾款技術分析用語，不過要聲明：用技術分析睇圖睇走勢*唔係股票必勝法*，買賣時切忌單單用一兩個圖表就去做決定。

移動平均線(MA)

以股價往績去繪製嘅移動平均線可以分為簡單移動平均線(SMA），即係Simple Moving Average或者係指數移動平均線(Exponential Moving Average，EMA)。

SMA嘅編製係以一段期間嘅股價計算平均值，EMA就會按成交日嘅先後加以指數式遞減加權，去計算移動平均值，日子預近嘅比重越高。

唔同日子嘅MA可以組成阻力位同支持位去做參考，亦可以觀察到可能出現嘅上升或者下調訊號，但係一般都會配合其他分析技術一齊應用。

平均匯聚背馳指標(MACD)

平均匯聚背馳指標，英文係「Moving average convergence divergence」，縮寫MACD，係一款基於過去指數移動平均線(EMA)嘅資料計出來，用嚟睇中長線股價上落走勢動量(momentum)嘅圖表。

MACD由兩條主要嘅線組成：兩條差離值線DIF同訊號線(DEM或signal line)，另外再有一個將前面兩者數值相減之後嘅實心圖。一般嘅MACD圖係寫成「MACD(12,26,9)」，代表差離值線係由股價26日嘅EMA值減12日EMA值組成，而訊號線就係股價嘅9日EMA值，佢哋嘅波動同交叉就係要睇嘅地方。

最簡單嘅睇法係，如果差離值線低過訊號線，代表有可能即將進入熊市區；而差離值線高過訊號線，就代表有可能即將進入牛市區。

相對強弱指數(RSI)

相對強弱指數，Relative Strength Index或者係通稱RSI，主要係用嚟睇一隻股票係咪俾人超買(overbought)定係超賣(oversold)，從而知道當前嘅股價係咪俾人搶得太高、或者俾人撳得太低，然後再決定部署。

睇嘅方法係，當一隻股票嘅RSI指數升到超過70時，就即係超買，當前股價已經搶高咗，股價可能就嚟開始下調；而當RSI去到低過30時，就代表股票超賣，當前股價嘅撳低咗，股價有機會上揚。

RSI只係一個股票當時係唔係超買超賣嘅指標，有時可能會因為其他雜訊而出現假訊號，要決定買賣，就要睇埋其他圖表去佐證先好做決定。

保力加通道(Bollinger Bands)

由約翰·保力加(John Bollinger)發明嘅保力加通道(Bollinger Bands)，通常係響顯示股價嘅圖表入面出現。保力加通道由上中下各一嘅三條軌道線組成，用嚟包住股價走勢，3條線分別係股價嘅阻力線、平均成本線同支持線，一般用20日作為時間段單位。響圖表入面，無論股價係美式開收市價位或者係日式嘅陰陽燭方式標示，都可以將佢放入保力加通道裡面。

保力加通道主要唔係嚟睇價格將來嘅走勢，而係嚟表示股價價格嘅波動幅度有幾大，通道越闊就即係波動越大，反之亦然。但係亦有方式指，如果一隻股票嘅波幅保持窄幅上落一段時間，就可能係有大幅波動嘅先兆，反之亦然。

投資股票有一定風險，當然要做足功課，但平時想慳錢理財，只需要前往MoneyHero.com.hk 信用卡、私人貸款、旅遊保險及按揭比較平台，一覽所有最新優惠，輕鬆作出理財決定！

延伸閱讀︰股票投資新手攻略：解構股票用語 基本分析篇

想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！

The post 股票投資新手攻略：解構股票用語 技術分析篇 appeared first on 理財資訊.

響《解構股票用語 技術分析篇》講過技術分析之後，今次就不如再講解下好多時都會聽到嘅一啲股票 基本分析 用語啦！咩巿盈率、市賬率、每股盈利、收益率等等，咁多率，究竟此率同彼率係咩一回事呢？

巿盈率（Price-Earnings Ratio）

市盈率（Price-Earnings Ratio），好多時簡稱叫PE，即係英文Price-Earnings嘅縮寫。市盈率係以每股股價去除以每股盈利去計算出嚟嘅一個數值，代表隻股票嘅投資回本期，假設股票嘅每股盈利一直都唔變，而佢嘅市盈率係10倍嘅話，咁你就要揸足呢隻股票10年先可以回返本喇。

要留意嘅係，唔同地方嘅股票市場、仲有唔同行業嘅市盈率都唔一樣，所以，假設銀行股嘅PE係10，唔代表電訊股、航空股或者係石油股、保險股都要係用10嚟做基準去比較。

市賬率（Price-To-Book Ratio）

市賬率（Price-To-Book Ratio），縮寫係P/B，Book係指企業嘅資產淨值（Net Asset Value，又稱Book Value）。市賬率嘅計法，係先將每股股價除以每股嘅資產賬面淨值嚟計算。理論上，如果市賬率個數值大過1，即係當前嘅股價比企業嘅賬面價值高而出現咗溢價；倒返轉，當數值細過1，即係話當前嘅股價相對抵咗。

不過呢，因為會計上嘅慣例，企業嘅成本計算未必能夠完全反映響資產淨值上面，所以會形成企業嘅市場價值（Market Value）高過年報中嘅資產淨值，即係好容易令到個市賬率大過1。

同時，市賬率亦都係因應唔同地方嘅股票市場、唔同行業嘅市盈率而有差異。

每股盈利（Earnings Per Share或EPS）

其實個詞語都講到好明白，就係每股… 嘅盈利囉！即係企業可以為每個股東持有嘅每一股股票賺到幾多錢，主要係作為企業賺唔賺錢嘅指標。

每股盈利嘅計算，就係將盈利（賺到返嚟嘅錢）除以響市場上流通普通股股數。如果有發行優先股嘅話，每股盈利就要減埋派俾優先股嘅股息先去計。

要注意嘅係，單睇EPS係睇唔到企業係用幾多資產先去到賺到果一筆盈利，即係如果兩間同一行業嘅公司都係有一樣嘅EPS，但係其中一間公司比佢對手嘅資產少，某程度上就代表佢賺錢賺得更有效率。

要注意嘅係，EPS個「盈利」可以係除稅後盈利、淨利潤或者係淨收入，如果要比較嘅話，就一定要睇清楚參考個「盈利」係咪都緊同一樣嘢喇。

股息收益率（Dividends Yield）

股息收益率呢樣就響先前Moneyhero blog嘅《股票投資新手攻略：賺盡股息 ，你識唔識？》一文入面提過，計法就係將過去12個月嘅每股派息金額除以當前股價再乘100%去變返做個百份比。如果想股息收益率條數準確些少嘅話，就記得唔好加埋特別股息，因為特別股息極有可能只係咁啱有重大收益，例如係出售大額資產咁，要回饋俾股東先會不定期地出現。

另外，要注意嘅係股息收益率係未計股息稅嘅，如果股票係內地企業的話可能要收10%股息稅，買美股嘅話，如果係美國企業個股息稅更加高到成30%！即係分別係打咗個9折同7折。

+ + + +

上面嘅基本分析用語就只係非常簡單咁同大家介紹，但係絕對要留意嘅係，基本分析嘅基本功──即係對時事、經濟、大市、行業都要有相當嘅了解先至有更多作用，亦都即係話，俾心機做功課就一定走唔甩架喇。

投資股票有一定風險，當然要做足功課，但平時想慳錢理財，只需要前往MoneyHero.com.hk 信用卡、私人貸款、旅遊保險及按揭比較平台，一覽所有最新優惠，輕鬆作出理財決定！

想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！

The post 股票投資新手攻略：解構股票用語 基本分析 篇 appeared first on 理財資訊.