曼谷一向係最受香港人歡迎嘅旅遊目的地之一，雖然仲有唔少人認為呢度只有大皇宮同四面佛，但其實曼谷近年有好多新興文創潮區，例如Phrom Phong、Thonglor、Ekkamai等，吸引越黎越多年輕人創業，文青小店亦特別多。MoneyHero.com.hk今次為大家精選7間各有特色嘅 文青Cafe ，等大家可以歎件Cake、睇吓街景， Hea足全日！

1 / 夢幻蝶豆花：Blue Whale

2016年9月最新開幕嘅Blue Whale，位於卧佛寺斜對面，爆紅除咗因為成間店都貫徹藍色系，就連latte都係藍色！店內以鯨魚為主題，正如店名「Blue Whale」，由魚鱗瓷磚、藍色花牆到飲品，每一樣都係打卡位！店內招牌飲品蝶豆花拿鐵 (Butterfly Pea Latte)，咖啡加入全天然蝶豆花，呈現出夢幻嘅漸變色，外觀充滿文青氣息，絕對令人唔捨得飲！不過，蝶豆花拿鐵其實味道同普通咖啡差唔多，最特別係入口有肉桂香。

就算你唔鐘意飲咖啡都唔緊要，可以試吓其他招牌，包括Blue Whale Sour、Soy Red Bean Frappe，用上椰奶、龍舌蘭薑、雲呢拿糖漿等食材，絕對喺其他地方飲唔到。

地址：392/37 Maha Rat Rd Khwaeng Phra Borom Maha Ratchawang, Khet Phra Nakhon，Bangkok, Thailand (查看地圖)
電話：+66 96 997 4962
營業時間：10:00am-8:00pm (星期四休息)
Facebook：https://www.facebook.com/bluewhalebkk/

2 / 山系男女野個餐：Dandelion

日本嘅山系熱潮早已吹到去曼谷，位於Thonglor嘅Dandelion以山系為題，樓高兩層，一樓係點餐區同蛋糕烘焙教室，而二樓就係別有洞天嘅野餐區，四周擺滿文青乾花做裝飾，環境幽靜，配上兩個三角小營篷同埋木鞦韆，席地而坐超有露營feel，估唔到喺曼谷亦可以做Yama Boys & Girls！

要營造露營嘅感覺，食物當然都唔可以馬虎。店內美食主要係野炊風格，烹調方式亦呼應主題，以煎、焗為主。值得一讚係呢度嘅麵包同早餐都出自曼谷Grand Hyatt Erawan Bakery嘅師傅，好味程度無庸置疑。

地址：919 Sukhumvit Rd, Khlong Tan Nuea, Watthana, Bangkok, Thailand (查看地圖)
電話：+66 85 145 3181
營業時間：9:00am-7:00pm
Facebook：https://www.facebook.com/dandelioncafebkk/

3 / 老屋旅舍於一身：Casa Lapin x26

目前已有8間分店嘅Casa Lapin，係曼谷知名連鎖咖啡店之一。唔好聽到「連鎖」兩個字就以為一定係無特別，身為建築師嘅老闆親自參與全部店鋪嘅店面設計，所以每間都各具特色。位於Phrom Phong嘅Casa Lapin x26就由工廠老屋改建而成，集咖啡店、花店、共用工作空間同埋旅社 (One Day Hostel) 於一身，除咗係文青必去嘅咖啡店，亦係背包客必住嘅青年旅舍！

整個空間以工業風為主，紅磚牆加上木地板、落地窗，一入去就聞到陣陣咖啡香氣，令人不知不覺就放鬆心情，難怪係8間分店之中最受歡迎嘅一間。同其他分店一樣，店內用咗嚟自泰北清萊產嘅咖啡豆，客人可以自選心儀嘅沖製方法。推薦大家一定要試呢度嘅Flat White，口感輕盈，容易入口。

地址：51 Sukhumvit 26, Khlong Tan, Khlong Toei, Bangkok, Thailand (查看地圖)
電話：+66 2 000 5546
營業時間：8:00am-10:00pm
網站：https://casalapin.com/

4 / 歐式風情洋溢：Puritan

如果你鍾意歐式Cafe嘅話，咁推薦你一定要嚟Puritan。小店極具歐洲風情，由紅磚屋瓦嘅外觀，到店內佈置，都會令你諗起歐洲嘅古堡。老闆將多年嚟嘅珍藏都擺放喺店內，石雕、水晶吊燈、盔甲等古董隨處可見，猶如迷你版古羅馬博物館，氣氛一流。

喺如此奢華嘅環境下，當然要食返個下午茶！店內主要提供飲品，老闆亦會每日親手炮製蛋糕，口感綿密，用料十足，屬抵食之選。雖然小店係打卡勝地，但其實店內禁止拍攝，大家影相前記得先問聲老闆，通常佢都會比大家慢慢影。仲有，入去之前亦記得要除鞋。

地址：39 ชอยออารีย์๕ Khwaeng Samsen Nai, Khet Phaya Thai, Bangkok, Thailand (查看地圖)
電話：+66 2 357 1099
營業時間：01:00pm-10:00pm (星期六、日11:00am-10:00pm)
Facebook：https://www.facebook.com/Puritan.cafe

5 / 型格黑白極簡風：Hands and Heart

黑同白加埋，唔洗講都知係型格嘅極簡文青風格！Hands and Heart係IG上嘅超人氣Cafe，選用大理石設計，引入明亮自然光，好有質感。加上店內有好多枕頭，令到整個氣氛都好Relaxing。

店主主張用心對待客人，精選最好食材，招牌牛角包同蛋糕都食得出係用心之作。特別想講吓呢度嘅咖啡，咖啡豆有來自唔同產地，你亦可以選擇沖煮方式，甚至有唔少好似cocktail嘅創意咖啡特飲，你可以嚟睇書、用電腦做嘢，或者只係放空，都可以輕鬆度過大半日。

地址：Ascella Condominium, 33 Sukhumvit Soi 38, Bangkok, Thailand (查看地圖)
電話：+66 81 442 7977
營業時間：7:00am-9:00pm
Facebook：https://www.facebook.com/handsandheartcoffee/

6 / 少女粉色系：POOLTIME CAFE

位於Ekkamai的POOLTIME CAFE，咪以為白色門面入面乜都無，入到去絕對會令你少女心爆發，因為裝修、佈置用咗女生難以抵擋嘅粉嫩色系，仲有3隻超可愛嘅浣熊做鎮店之寶，極受女士們歡迎！

叫得做「Pool Time」，設計當然同泳池有關，店內唔止用泳衣、毛巾做裝飾，連樓梯、枱櫈都用咗粉藍、粉紅色，好有夏日氣氛。嚟到記得要試下招牌藍色漢堡 (POOL TIME BLUE BURGER) 同埋粉紅奶昔，價錢唔算平，但打卡影相一流！

只要喺店內消費，就可以去2樓嘅互動區同浣熊近距離接觸。注意浣熊只可以摸、唔可以抱，時間大概15至20分鐘左右，所以一定要好好把握時間！

地址：582/11 between soi ekkamai 26-28 (Tai Ping Tower) Bangkok, Thailand  (查看地圖)
電話：+66 90 652 4109
營業時間：10:30am-7:00pm (星期一休息)
Facebook：https://www.facebook.com/POOLTIME.CAFE/

7 / 不夜書城：TOO FAST TO SLEEP

身處曼谷呢個不夜城，考山路未必適合各位文青，想喺書海中蒲通宵嘅話，不妨嚟TOO FAST TO SLEEP見識下。呢間Cafe位於朱拉隆功大學附近，標榜全年365天24小時無休，加上又有免費WiFi，所以唔少大學生都鍾意嚟呢度溫書。TOO FAST TO SLEEP以圖書館為概念，除咗擺放超多書，連樓梯扶手、吊燈都係書本造型。雖然小店經常人頭湧湧，但氣氛絕對唔會太過嘈，真係啱晒文青。

食物方面，既然主打學生市場就唔會貴得去邊，主菜連飲品嘅午餐組合只不過係泰幣130至200左右，雖然質素未算非常出色，但性價比之高，絕對完勝。

地址：754, Rama 4 Road, Bangrak, Bangkok, Thailand (查看地圖)
電話：+66 86 300 9955
營業時間：24小時
Facebook：https://www.facebook.com/toofasttosleep/

溫馨提示：去旅行記得要買旅遊保險！MoneyHero.com.hk 旅遊保險平台幫你比較不同旅遊保險計劃，例如Starr、MSIG、CHUBB、Allied World等。經我哋買旅遊保險，更可享額外折扣優惠！

相關閱讀：【潛友必去】精選布吉3大潛水勝地

相關閱讀：旅遊上網必備：全港最平 Wifi 蛋租借攻略

相關閱讀：【2018請假攻略】請4日放10日 附旅遊行程推介！

——

MoneyHero.com.hk是香港首個金融產品比較平台，免費幫你比較信用卡、旅遊保險、私人貸款及按揭。想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 文青必去！嚴選7間曼谷特色Café appeared first on 理財資訊.

大家都知天氣差會影響航班安全，航空公司會延誤或取消航班，有買旅遊保險嘅人士亦會因為行程受阻，而得到相應賠償。不過，原來唔同保險公司嘅保障範圍都有唔少分別。舉個列，如果機場關閉有冇得保？邊間會保障旅行社突然倒閉引致嘅損失？

了解旅遊保險保障類別

去過旅行都知，旅行最常遇到嘅意外或變數就係航班安排。特別係廉航本身好少自置飛機，超賣情況亦嚴重，所以好容易出現航班延誤甚至取消嘅問題，令旅客行程受阻。要了解旅遊保險保唔保障航班變動，就要留意保單中旅程延誤及取消旅程2大保障類別嘅詳細條款。

行程或航班延誤保障範圍

註︰所有資料只作參考，最終以保險公司最新條款為準。

大部分保險公司都會保障惡劣天氣、天災、交通工具機件故障、罷工、騎劫呢5個主要原因引致嘅航班延誤。當中，MSIG以及ZURICH嘅保障比較齊全。

除咗基本保障，MSIG更保障受保人或與受保人同行的直系親屬、未婚夫（妻）或主要商業夥伴*在同行之海外旅程中身體受傷、生病或死亡而引致行程延誤。ZURICH則保障恐怖活動及機場關閉引致之旅程延誤。

以早前美國拉斯維加斯嘅槍擊慘劇為例，機場一度關閉令旅客難以離開當地，ZURICH就會依照條例作出賠償。另一方面，雖然有恐怖組織承認今次事件的責任，但美國警方並未定案，因此恐怖活動的延誤原因則未必受保。

行程或航班取消保障範圍

註︰所有資料只作參考，最終以保險公司最新條款為準。

Allied World 嘅保障範圍最為廣泛，除咗暴動或騷亂、目的地爆發傳染病及恐怖活動，大部份引致航班或行程取消的原因都會受到保障。最特別係機場關閉及旅行社倒閉兩項比較罕見嘅保障，只有Allied World 提供賠償。

加上，Allied World 保障埋受保人嘅同行人士。受保人或偕行的同伴因為受強制隔離、須擔任陪審團或證人、因為火警、爆炸或地震導致居所不能居住，而需要取消行程，係可以獲得賠償。

此外，要留意返ZURICH同CHUBB都有列明某啲保障嘅時間限制，例如受保人不幸身故、 遭受身體損傷或患病、被強制性隔離、須履行陪審員任務的事件，需要在出發前90日內發生，才能獲得賠償。而CHUBB則列明，出發前7日內，目的地突然爆發罷工、暴亂、內亂、恐怖襲擊或天災，又或者受保人之主要居所因火災、水災等原因導致嚴重損毀而令受保人須留在香港處理，咁先有得賠。

最近，有廉航公司突然取消航班，令不少旅客行程受阻或被迫取消。響呢個情況之下，因為當中唔涉及罷工、惡劣天氣或機件故障，所以大部份旅遊保險都唔會保障呢類情況。

比較保單價錢及保額

購買旅遊保險之前，最好了解吓個計劃係會保啲咩支出，通常都係機票住宿同旅行團費用。大家亦要留意保額上限，買返適合自己嘅旅遊保。利用MoneyHero.com.hk旅遊保險平台，可以即刻比較多間公司嘅保單價錢同保額。

延伸閱讀︰【打風暴雨】惡劣天氣班機延誤，旅遊保險點賠法？

相關文章︰【旅遊保險比較】行李延誤 點賠法？

相關文章︰【旅遊保險大比拼】邊間保障 手機 、平板及手提電腦？

——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【行程或航班延誤/取消】旅遊保險咩原因先會保？ appeared first on 理財資訊.

本港樓價愈升愈有。在高昂樓價的市況下，想購置私樓實在有心無力；想申請公屋，入息上限又嚴謹，輪候時間又長。因此，基層以上，中產未滿的夾心階層，往往視居屋為置業的第一步。近年房屋委員會（房委會）派發居屋申請表，每每大排人龍。居屋究竟有何吸引之處？申請購置居屋又有何限制？「綠表」及「 白表 」如何區分？MoneyHero.com.hk 為你一一拆解，讓有興趣人士為新一輪居屋申請做好準備！

居屋的全名為「居者有其屋計劃」，是政府的資助出售房屋政策之一，讓市民可以低於市價的價錢，購買由房委會興建或私人機構參建的居屋。近年出售的居屋項目大多以市價約7折定價，但要留意，其折扣率會因應推盤時的市況而異。由於居屋單位的售價是在政府資助下，並低於市價出售，故單位一般設有轉讓年期及補地價的限制。

新居屋佔盡地利  7折後呎價仍近萬元

新一輪居屋申請詳情雖然仍未公佈，但根據運房局及立法會文件顯示，預計於2018-19年落成而未推售的居屋大都位於市區黃金地段。當中最受人注視的相信是提供700伙，位於啟德發展區的1G1(B)號居屋項目，該項目毗鄰港鐵沙中線啟德站，以及啟德1號、煥然壹居及天寰等同區豪宅，並屬於九龍區傳統名校網之內。座落同一名校網的還有提供600伙的何文田常樂街居屋項目。

不過，由於上述兩個項目同區呎價較高，因此7折定價後，項目呎價料超逾萬元，啟德項目更有機會問鼎新一代呎價最高的居屋王。除上述兩項目外，長沙灣副食品批發市場第一期亦料將推售800伙，項目鄰近港鐵南昌站，為近年罕見的臨海居屋，但該項目呎價料亦不菲，或接近萬元水平。

至於今年最係一個購買資助房屋機會，相信會係房協將於10月底推出嘅將軍澳翠嶺峰和屯門翠鳴臺，合共620個單位，申請資格與居屋看齊。翠嶺峰及翠鳴臺的呎價料近1萬及約8,000元。

「綠表」及「白表」之分

提起居屋，往往會聽到「綠表」及「白表」之分。根據房委會的資料，「綠表申請人」及「白表申請人」的定義如下：

綠表申請人

以下類別人士符合「綠表」資格購買居者有其屋計劃單位 ︰

(a) 香港房屋委員會（「房委會」）或香港房屋協會（「房協」）轄下公共租住房屋（「公屋」）的住戶（「有條件租約」住戶除外）公屋租戶；

(b) 下列持有房屋署／市區重建局發出有效《綠表資格證明書》的人士：

(i) 經核實符合資格獲編配單位的公屋申請者；
(ii) 獲核實符合「公務員公共房屋配額」申請資格的初級公務員；
(iii) 受政府清拆計劃或天災影響，並獲核實符合資格入住公屋的人士；
(iv) 受市區重建計劃影響，並獲核實符合資格入住公屋的人士；
(v) 離婚／分戶，並獲核實符合資格入住公屋的公屋住戶；及
(vi) 持有房屋署簽發有效《保證書》並獲核實符合資格入住公屋的前公屋住戶。

(c) 持有由房屋署簽發有效保證書的房屋署屋宇事務助理職系人員；及

(d) 房委會「長者租金津貼計劃」的受惠者。

白表申請人

以下類別人士符合「白表」資格購買居者有其屋計劃單位 ︰

(a) 私營房屋的住戶；

(b) 香港房屋委員會（「房委會」）及香港房屋協會(「房協」)轄下公共租住房屋（「公屋」）或任何資助房屋計劃單位住戶的家庭成員；及

(c) 透過房委會「租者置其屋計劃」（下稱「租置計劃」）與房委會簽訂轉讓契據日期起計10年內的「租置計劃」單位業主及其認可家庭成員，亦可以用白表申請購買銷售計劃的居屋單位，而不須受入息、資產及住宅物業擁有權限制，但必須在簽署居屋單位買賣協議當日起計3個月內，或在房委會特准一次過延期的3個月期限內，將現居「租置計劃」單位出售及完成一切有關手續。

資料來源：房委會網頁

白表申請人設收入及資產限額

作為資助房屋政策之一，要申購居屋亦要符合一定的入息及資產限制，有關入息及資產限額於每次居屋出售計劃均有機會修訂。於2017年的居屋計劃下，白表申請人及其家庭成員的每月家庭總入息及資產限額如下：

*括號內數字為計入強積金供款後的實際入息限額。

值得一提是房委會並無為申請者設立入息及資產下限，理論上即使是零收入的人士，亦可以申購居屋。如此安排，是基於房委會認為銀行在審批按揭申請時會考慮申請人的供款能力，故不設相關限制。

白表及單身申請難中籤

每次居屋計劃推出的單位，都會以特定比例分配予綠表及白表申請者，例如6:4及5:5。由於白表申請的數目一般會遠比綠表申請為多，故白表申請的競爭會較激烈，反觀綠表申請則有較大機會中籤。以2017年的居屋計劃為例，推出發售的單位共2,108個，以5:5比例分配予綠表及白表申請者，即綠白各佔1,054個單位，惟白表申請多達92,126份，綠表申請亦有12,528份。

單身人士希望申購居屋，與申請公屋一樣難。繼續以今年初的居屋申請數字為例。單身申請佔總申請約57%，達到59,594份，惟分配予綠白兩表單身人士的可售單位僅共100個。可想而知，單身人士要成功購置居屋確實困難。

想了解哪些銀行會接受承按？可以到房委會網站了解一吓。再提提你美國加息周期已經展開，香港銀行在未來料將跟隨，最好前往MoneyHero.com.hk按揭比較平台，比較埋各大銀行的按揭貸款利息差別，或者直接睇睇匯豐HSBC、東亞BEA、中銀、渣打、建行、交行等銀行嘅按揭計劃！

延伸閱讀︰【揀樓攻略+單位價錢】 居屋抽籤 揀樓5大 Q&A 2017

延伸閱讀︰【 綠表 買居屋】置業不是夢 綠表人士購買居屋需知

相關文章︰申請 公屋 入息有幾嚴？一文睇晒公屋申請攻略！

——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【居屋2018】「 白表 」、「 綠表 」資格有咩分別？ appeared first on 理財資訊.

「好開心以為搵到張平機票，點知加埋 行李 費之後發現，其實都唔係平好多……」相信唔少人搵廉航機票嗰陣，都有過咁嘅經驗。買廉航機票，額外嘅行李費用往往佔咗機票總支出嘅一大部分。想旅行Shopping唔使就住就住，又想慳啲行李錢？咁就要搵間 行李 寄艙費較平嘅航空公司。等MoneyHero.com.hk同大家比較下各大廉價航空公司嘅行李寄艙 / 托運費用及行李規定！（2017年10月更新資料）

廉航 行李 托運費比較

廉價航空同傳統航空公司嘅最大分別，就係將不同服務分拆收費。機票（尤其特價機票）好多時候並唔包括行李寄艙，需要額外付費。各間公司的行李寄艙價格有很大出入，在機票價格相若的情況下，不妨考慮選擇行李費較平的航空公司。

*日本航線收費

（注意：預訂機票時需一併購買行李限額，方可享有上述嘅價格。如果預訂機票之後再添加托運行李，費用可能會較高。）

日本航線

香港有好幾間廉航都飛東京（香港快運、捷星航空、香草航空）同大阪（香港快運、捷星航空、樂桃航空）。無論東京定大阪，捷星航空嘅行李費都比較平，托運20KG行李，每程只需$190。

韓國航線

飛首爾嘅廉價航空包括香港快運、濟州航空、真航空及易斯達航空。香港快運及濟州航空行李費相若，而 真航空同易斯達航空包咗15KG免費行李，不過出發時間唔係咁靚，班次選擇較少。

而飛釜山嘅廉航則有釜山航空同香港快運，如果價錢差唔多，當然係揀有20KG免費行李嘅釜山航空啦！

新加坡航線

酷航及捷星航空都有飛新加坡，而呢3間廉航嘅行李費差距不大，20KG行李每程約$150。

泰國航線

香港快運同亞洲航空都有營運布吉同清邁航線。相較之下，亞洲航空嘅行李費比香港快運平咗$110（以20KG計）。

免費手提行李規定

航空公司允許乘客攜帶一定重量嘅手提行李上機，毋須另外收費，重量上限為7KG至10KG不等。雖然航空公司未必會嚴格檢查乘客的手提行李重量，但行李尺寸同件數卻不能超過限制，否則會被要求將行李寄艙。

相關閱讀：【廉航攻略】 廉航 旅遊免中伏指南！

計劃外遊，當然就要買番份旅遊保險啦，保障自己之餘亦可保障返行李同貴重物品！即上我們的比較平台選擇及購買，有Allied World、FWD同MSIG、STARR、CHUBB等不同計劃俾你揀，經我哋買仲有優惠添！

——

延伸閱讀：【旅遊保險比較】行李延誤 點賠法？

延伸閱讀：颱風 暴雨 班機延誤 ，旅遊保險有得賠？

想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！

The post 【旅遊攻略】廉航 行李 寄艙費用大比併（2017年10月） appeared first on 理財資訊.

隨住愈來愈多商戶提供八達通機作為付款選項，具八達通自動增值功能的信用卡愈來愈受歡迎。不過，好多人都會想問，究竟邊張信用卡有得連八達通賺回贈或里數？邊張卡最啱自己申請？MoneyHero.com.hk 將人生分為3個階段，依照每月入息同埋消費習慣，幫大家從10張卡之中，精選4張必備八達通信用卡！（2017年10月更新資料）

10張熱門八達通信用卡比較

月入兩萬之選︰渣打亞洲萬里通萬事達卡 / Citi Cash Back 信用卡

一畢業，除非你係專業人士，如果唔係，大多數人嘅起薪點都係萬零蚊，做多幾年嘢先會有兩萬蚊月薪，響呢個時候想申請張八達通自動增值信用卡，你有唔少選擇。不過，你首先要選定想要現金回贈定飛行里數！

旅遊享樂型︰渣打亞洲萬里通萬事達卡

如果你想儲里數，換吓免費機票，每年去幾次旅行輕鬆吓，渣打亞洲萬里通萬事達卡係不二之選。呢張卡年薪要求係HK$240,000，不過月入唔夠2萬都有機會申請到，門檻唔高。

迎新HK$0.5=1里

迎新獎賞方面，無論係里數回贈率或者回贈上限，都係咁多張八達通自動增值信用卡之中最高，簽夠7,500蚊就有15,000里，最多可以賺100,000里。

增值額具彈性

過咗迎新期之後，呢張卡同交通銀行銀聯雙幣白金鑽石卡一樣，增值里數兌換率都係HK$6=1里，不過渣打亞洲萬里通萬事達卡嘅增值額比較有彈性，想安全啲，可以選擇HK$150，成日用八達通消費就可以選擇最高嘅HK$500。而家經MoneyHero.com.hk 申請仲獨家送HK$200超市現金券！

了解更多渣打信用卡資訊

慳家儲錢型︰Citi Cash Back Visa信用卡

就算換機票都要俾稅款，始終都要使錢，如果你係慳家儲錢型，直接回贈應該最幫到你，而Citi Cash Back Visa信用卡就係呢類卡之中最好嘅選擇！呢張卡年薪要求亦都係HK$240,000。

10%迎新回贈

睇返佢個迎新回贈，有成10%。而且，想使多啲，可以選擇簽賬滿HK$15,000回贈$1,500；使唔到咁多，可以選擇簽賬滿HK$5,000回贈$500，唔使迫自己亂簽卡。響低消費回贈呢個層面，雖然DBS Eminent Card 回贈額多啲，但回贈率只有8%，比Citi Cash Back Visa信用卡低。

2%餐飲回贈

市面上，八達通自動增值信用卡嘅增值回贈最多都係1%，Citi Cash Back Visa信用卡除咗提供1%增值回贈，仲勝在餐飲消費回贈2%，係咁多張卡之中最高！而家經MoneyHero.com.hk 申請仲獨家送HK$200超市現金券！

了解更多Citi花旗信用卡資訊

延伸閱讀︰其他Fresh Grad精選信用卡

中產之選︰Citi Prestige 信用卡

如果你做咗嘢一段時間，升到大公司中層或者中小企管理層，年薪達到60萬港元，又有個穩定家庭，Citi Prestige 信用卡就最啱你。

迎新送15,000里

呢張卡嘅迎新優惠玩法同其他信用卡有啲唔同。你唔需要計住要幾多個月內簽賬滿幾錢，一次過「課金」俾HK$2,500年費就可以獲贈15,000里，為你下一個Family Trip 打定底先。

全年無限次入Lounge

當然，俾咗HK$2,500梗係唔單止送里數，你仲可以憑Priority Pass™無限次免費享用環球機場貴賓室服務，即使去多幾轉 Business Trip ，都可以入Lounge 抖吓，而且可以免費買指定旅遊保險。

此外，唔好以為個八達通自動增值回贈唔關你事，而家八達通機愈來愈普及，唔少中產超市、商場停車場、機場快線都有得用八達通俾錢，儲里數變得愈來愈方便。而家經MoneyHero.com.hk 申請Citi Prestige 信用卡仲獨家送HK$300超市現金券！

了解更多Citi花旗信用卡資訊

延伸閱讀︰其他高薪人士信用卡

學生月入$0之選︰ 大新ONE+信用卡

事實上，所有八達通自動增值信用卡都有年薪要求，大新ONE+信用卡本身亦唔例外，但只要你出示學生證，就可以申請到。如果你係大專學生，兼職又唔係搵得好多，大新ONE+信用卡係唯一，亦都係最佳選擇。

迎新門檻低

首先，呢張卡嘅迎新都幾易拎，首4個月每個月使HK$3,000就有$150回贈，每個月食飯、搭車、買吓教科書都可以達標。如果你係蘋果手機用戶，用Apple Pay再有額外回贈4%，最多$400，可以拎盡$1,000回贈，甚至比有年薪要求嘅DBS Eminent Card 更多！

1%無上限回贈

加上，迎新期之後，所有簽賬不論本地或海外都有1%無上限回贈，無特別簽賬要求，唔使左計又計或者搵指定商戶，十分易賺！唯一缺點就係冇咩購物、戲院或娛樂消費折扣，適合每月消費穩定嘅學生。

了解更多大新信用卡資訊

延伸閱讀︰其他學生必備信用卡

相關文章︰八達通自動增值信用卡大集合

——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【里數 Vs 現金】精選4大回贈最高八達通 信用卡 appeared first on 理財資訊.

日本係香港人旅遊的首選地方之一，亦係近年留學丶工作假期，甚至移民嘅心水目標。學習基本日文令短途旅程嘅溝通更加方便，對希望長駐居留日本嘅嚟講，基本日語程度係必備條件。Moneyhero.com.hk幫你比較香港熱門日文初學課程，一表睇晒各大院校課程嘅入門學費，包括第一日語丶日經丶Pasona丶東大丶東亞丶漢科及各大專院校進修學院課程，因應你嘅個人目標，搵出適合自己嘅日文課程。

1) 初學入門之選：持續進修基金課程—N5級

學日文，唔一定要自己出晒錢嘅！政府為有志進修嘅人提供資助，建立持續進修基金。根據政府網站，申請人可以拎番課程費用嘅80%或上限10,000蚊(以數額較小者為準)，更加可以累計幾個課程。申請資格唔算嚴苛，只要你符合下列所有條件即可：

1. 屬香港居民並擁有香港居留權、或香港入境權、或有權在香港逗留而不受任何逗留條件限制，即在香港智能身份證出生日期下印有“A”(香港居留權)、“R”(香港入境權)或“U”(有權在香港逗留而不受任何逗留條件限制)。

2. 已獲錄取修讀可獲發還款項課程，並在開課前以按月等額形式支付學費；以及

3. 在遞交申請和申領發還費用時，年齡介乎18至65歲。

簡單嚟講，合資格嘅人要喺(1)入學前申請資助，上堂後要喺(2)日本語能力試驗JLPT(日文基準試)考到N5級合格。大部分熱門院校，包括大專院校（如港大丶中大）日語課程都有合資格嘅課程，課程組合同基準試程度要求都唔同，詳細清單可按此。

下表精選各大熱門院校嘅初級課程（全部合資格獲資助），專門為以考N5為目標嘅同學而設：

單純以價格比較，扣除資助後，最抵嘅係HKU Space嘅日語入門課程，每個鐘唔洗9蚊。如果你想用信用卡交學費，只可以選擇香港大學專業進修學院 HKU(SPACE)、香港浸會大學持續教育學院 (HKBUSCE)及香港中文大學專業進修學院 (CUHK-SCS)，佢哋都收VISA 信用卡或者萬事達卡（包括「香港大學專業進修學院萬事達卡」）。

VISA 卡推介：Citi Cash Back Visa信用卡

由即日起，Citi Cash Back Visa 信用卡所有本地食肆及酒店簽賬都可享2%現金回贈*，外幣簽賬亦有2%現金回贈，足夠抵消外幣簽帳手續費，而本地零售簽賬都可享1%現金回贈！回贈不設上限，亦不設最低簽賬要求，無論簽幾多都有回贈，啱晒啲唔鐘意計數嘅朋友。

*所有本地食肆及酒店簽賬只包括根據VISA國際組織之商戶編號釐定為餐廳、食肆及酒店的港幣簽賬。

萬事達卡推介：渣打亞洲萬里通萬事達卡

由即日起至2018年1月31日，全新客戶首2個月內首HK$7,500簽賬可享HK$0.5 = 1里數優惠 (HK$7,500 = 15,000里數)，其後HK$170,000簽賬享$2 = 1里數優惠 (HK$170,000, = 85,000里數)，合共100,000里數，飛3轉日本都仲有找！2017年10月31日經MoneyHero.com.hk申請再獨家送$200現金劵！

恒生信用卡優惠：由即日起至2018年6月30日，恒生大學/大專聯營信用卡（包括城大、浸大、中大、中大專業進修學院、恒生管理學院）嘅持有人，只要先電話登記，再用大學/大專聯營信用卡報讀持續進修基金認可嘅課程，就可以賺取3倍Cash Dollar，即係1.2%回贈！如果你用信用卡支付本地同海外公開考試費用，或者於本地/網上書店消費，更可以賺取5倍Cash Dollar添（即係2%回贈）！按此了解詳情。

延伸閱讀：【開學倒數】 交學費 儲積分必備信用卡2017

2) N1/N2 目標為本—應試導向

如果想一步登天，務求係最快嘅時間內，考獲進階啲嘅日文程度，如N1或N2，都有其他選擇。除左大部分院校都有個別密集式課程，讓同學短時間內完成特定等級之外，某啲院校更有提供「一條龍」式課程，等你可以短時間內考得高級日語程度，就好似以下兩個課程。

• N2: 漢科學校有一年制課程證書課程，只需10個月，學生可達N2水平，每年9月開始，逢星期一至五上堂，每堂4小時。由日籍導師任教，小班教學上課。N2合格嘅畢業生逾90%，畢業後更可獲薦直升日本工學院專門學校，修讀動漫、音樂、設計等專科。12期學費共HK$44,064（不包教材費約$1,863），獲持續進修基金資助後，共需付$34,064。

• N1: 東大日本語教育中心有12個月達N1程度嘅日本語一年制專業文憑課程。同樣逢星期一至五以小組形式上堂，每堂4小時，以小組形式上課，由日籍講師任教，自製教材，定期安排聆聽和會話練習，輔以其他多媒體教材，堂上亦會教授N1至N5級考試技巧及對策訓練，幫助學生應試。12期學費共HK$55,200（不包教材費$3,600），獲持續進修基金資助後，共需付$45,200。

3) 文青之選：感受日本文化

如果鍾意日本文化，唔想淨係考試，希望成為一個實實在在有日本文化嘅人，不妨選擇一啲可以讓學生學習日本文化嘅活動或課程。除左上面提及嘅兩間院校本身課程亦有文化教育外，可以考慮日經日本語學校同Pasona Co Limited。

(圖片來源：日經日本語學校2月文化活動-(熊貓及花卷壽司)

• 日經日本語學校：曾經舉辦壽司製作，教授製作壽司的傳統方法和料理過程，加深同學對日本飲食文化嘅了解，日經亦曾辦浴衣試穿活動，讓同學學習穿浴衣學習日本傳統文化精髓技巧同相關禮儀，學習日本傳統文化精髓。

• Pasona Co Limited：初級/進階日語集中課程時間較充裕，所有學生有更多機會喺課堂上做角色扮演丶舉辦壽司派對丶日式食品烹飪示範等，適合有志留學日本嘅同學。

4) 純粹體驗

當然，亦有人未清楚自己興趣能力，希望先接觸日文，再作決定，唔想一下子就用一大筆錢學習，可以考慮參加工聯會課程，例如日語初班同趣味旅遊日語班，兩個課程都係12堂，分別收費$560及$580。對於比較自律丶專心嘅人嚟講，自學都係一個唔錯嘅選擇，網上亦有海量資源可以參考。

延伸閱讀：【 深度旅遊 】體驗外國生活5大途徑

相關文章：日本抵買免稅連鎖店血拼攻略2017（附優惠券鏈結）

相關文章︰新手上路： 日本自駕遊 10大須知

——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【學日文】一表比較9大熱門日文課程價錢 appeared first on 理財資訊.

網購平台在香港仍未算市民主流的消費習慣，甚至兩年前開業的759 online已停止網購平台的業務。現時網購界最為人熟悉的就是由王維基領頭的 HKTVmall ，及近年新冒起的Ztore士多，另外還有將超市業務網上化的百佳、惠康及AEON CITY，香港網上超市，以及天貓 TMALL。MoneyHero.com.hk 為大家來個網購平台大比拼，比較這7間平台貨品價格、運費、付款方式、送貨速度及其他優劣處，看看誰是網購界的王者！

價格大比拼

價格方面，以三花午餐肉、出前一丁和Tempo紙巾作比較。一罐340g 的三花午餐肉，各網購平台價錢最大差別。HKTVmall只售$15，成最低價之選，緊隨其後的是AEON售$15.9，百佳售$17.6，惠康則售$19.9，而士多更要超過$20。

相信每家每戶都有出前一丁「看門口」，若除以每包100g去比較，主打賣食品的香港網上超市以$3一包取勝，但就要一次過買90包才有此優惠價錢。假若最常見5個一pack套裝，HKTVmall和士多都是每包$3.3，其他網購平台價格亦不會相差太遠。

Tempo口袋紙巾方面，在天貓一次過買72包的套裝，平均每包只需$1。而最常見的18包的套裝，HKTVmall、士多和AEON三間同樣售$20.9，即平均每包$1.2。

運費大比拼

於百佳和惠康的網上平台購物，若未買滿指定金額，只需另加$30運費。士多和香港網上超市則需加$50運費；AEON加$70運費，HKTVmall最貴，要$80運費。

而每間網購平台只要買滿指定金額都可享減免運費，以天貓門檻最低，只需買滿人民幣199元就免自取運費，滿人民幣249元更可免費送上門。其次為士多，買滿$350即免運費；HKTVmall就需要買滿$400；惠康、百佳和香港網上超市更要買滿$500以上才享有免運費優惠。

付款方式大比拼

除了香港網上超市，全部網購平台都接受信用卡付款，士多和百佳更接受AE卡。要數最多付款方式的就是士多，除了信用卡，亦可透過八達通App、O! ePay App、TNG或現金到付。另外，惠康、AEON和香港網上超市都接受現金到付方式付款。

送貨速度大比拼

根據網頁資料，士多和百佳都表示落單後最快即日送達貨物，成為最有效率的兩間網購平台。士多指若於早上8時半前落單，將安排當日下午2時半至6時半送貨；若於中午12時前落單，將安排當日晚上6時半至11時送貨。百佳即表示最早將即日送貨，或一般最遲於訂購日起七日內送貨。

其他優劣處

HKTVmall

HKTVmall貨品種類繁多，由食品、家用品、藥妝護理、到服飾都一應俱全，只是由開業至今一直受送貨安排問題困擾，不少用家投訴比原定時間遲送貨，甚至不見人影，亦未能即時聯絡到客服。

大部份貨品於HKTVmall 都享有3%-10% Mall Dollar現金回贈，於再下一次購物可即用Mall Dollar 代替現金付款，有效期為訂單完結一刻起3個月內。若成為VIP會員﹙過去12個月內於HKTVmall累積消費總額滿$3,000，包括運費在內﹚，每張訂單只需買滿$250即享免運費﹙原本要買滿$400﹚；若訂單未滿$250亦可享運費減半，即$40，詳情請按此。

士多Ztore

士多有「介紹士多畀熟人」計劃，用戶需真正體驗購物流程後才可推介給其他人。透過「齊幫襯連結」，雙方都可各自獲得2% Z-Dollar，沒有上限人數。每當有5位熟人都透過該條連結下單，即可額外獲得$30 Z-Dollar。詳情請按此。

另外，士多送貨地址包括沒有升降機的唐樓﹙限最多八層﹚，不用額外收費。而馬灣、愉景灣及東涌亦在送貨地區之列。不在送貨範圍內的地區包括長洲、南丫島、坪洲、機場等地。

——

相信大部分人於網上購物都會用信用卡付款，MoneyHero.com.hk 推介以下兩張網購信用卡畀大家，等大家再賺得多啲啲！

信銀國際Motion信用卡：網上簽帳5%回贈

呢張卡用嚟網購可享5%現金回贈，可以話係非常之高！不過要留意佢嘅簽帳要求：(1)每月要總簽帳額要夠HK$3,000，當中的網購簽帳先有5%回贈 ；(2) 「網購5%回贈」分為0.55%基本回贈 + 4.45%額外回贈，4.45%額外回贈上限為每月HK$100，計返即係每月網購簽滿HK$2,250已達到$100回贈上限，要額外多HK$750簽帳先符合要求。想知更多詳情可按此。

渣打亞洲萬里通萬事達卡

用呢張卡網上簽帳將是$4 換1里數，每月月底渣打會自動將積分兌換成Asia Miles，方便快捷，Asia Miles積分有效期為3年。2018年1月31日前，新客戶頭2個月內的首$7,500消費會有簽$0.5=1里數優惠（最高可獲15,000里數），而其後之$170,000消費會有$2=1里數優惠（最高可獲85,000里數），合共最高可獲100,000里數。更多詳情可按此。

你亦可前往MoneyHero信用卡比較平台，比較埋其他信用卡！

延伸閱讀︰【一拍即享】Visa payWave、Mastercard contactless拍卡優惠

延伸閱讀︰香港5大現金回贈信用卡

——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【HKTVmall定士多？】7間網購平台價格、運費、送貨速度大比拼 appeared first on 理財資訊.

短評：WeWa 信用卡迎新禮品豐富，批卡後90日內簽滿$8,500，可以有FITBIT健身手環／VR眼鏡／HK$500現金回贈（三揀一），而且全年嘅旅遊、主題公園、戲院同卡拉 OK消費每$250即獲$10回贈（即4%現金回贈），其他商戶類別就每消費$250回贈$1。換句話講，如果批卡之後用黎買機票同睇戲，三個月簽夠$8,500，就已經有$840現金回贈，再加埋經MoneyHero.com.hk申請重有多$200現金回贈同$100超市禮券添！

1. 迎新優惠

新客戶於發卡後90日內簽滿$8,500：(三選一)

• FITBIT ALTA 健身手環　或
• 蔡司VR One Plus虛擬實境眼鏡　或
• HK$500現金回贈

新客戶於發卡後90日內簽滿$2,000：(只適用於全日制大學/大專學生)

• HK$200現金回贈

無簽賬要求：

• 高達HK$90,000免息免手續費現金分期套現計劃

2. 現金回贈：

• 旅遊（旅遊網站、航空公司簽賬）：4%現金回贈*
• 戲院：4%現金回贈*
• 卡拉OK：4%現金回贈*
• 主題公園（售票處購買入場門票）：4%現金回贈*
• 其他商店類別：0.4%回贈^

*於「旅遊」、「戲院」、「卡拉 OK」、「主題公園」商戶類別消費$250，可享$1基本現金回贈+$9額外現金回贈，合共$10。額外現金回贈上限為由開戶日翌日起計每年$2,000。合資格簽賬需以港幣誌賬。
^其他簽賬每消費$250享$1 基本現金回贈，並無回贈上限。

3.「一Shake回贈多倍賞」

即日起至2017年12月31日，每次單一本地餐飲簽賬、海外簽賬、現金透支滿HK$400，即可透過WeWa手機程式shake出現金回贈：

• 本地餐飲：5至15倍現金回贈，即最低2%至最高6%
• 海外簽賬：5至15倍現金回贈，即最低2%至最高6%
• 現金透支：2%至4%現金回贈

^持卡人需在簽賬/透支後 7 日 「換領獎賞期限」內登入 WeWa Card 手機應用程式完成獎賞換領，逾期則當作放棄論。
*獎賞倍數已包括現金回贈計劃內的每$250消費有$1 現金回贈，唯不包括於旅遊/戲院/卡拉 OK/主題公園消費所享之$9額外現金回贈。

優惠分3個階段(10月/11月/12月)進行，每個階段最多可獲額外$500現金回贈，即合共最多$1,500現金回贈：

年薪要求：

• 普通卡：$60,000
• 白金卡：$150,000
• 全日制大學/大專學生：無

現經MoneyHero.com.hk申請額外送HK$200現金回贈同$100超市禮券！換領現金劵流程

更多信用卡介紹：請按此

你亦可前往MoneyHero信用卡比較平台，比較埋其他信用卡！

——

想比較全港信用卡、旅遊保險及貸款？即上MoneyHero.com.hk比較平台！

The post WeWa信用卡：高達4%現金回贈 appeared first on 理財資訊.

Moneyhero.com.hk 早前為大家介紹了居屋政策，詳情見於【居屋2018】「 白表、「 綠表」 」資格有咩分別？一文。這次想談的是近年一個頗特別，而新一份《施政報告》又提及另一個沉寂一時的房屋政策—「 白居二 」。或許大家都曾在新聞報道上聽過「白居二」，但箇中的實質運作情況你又是否了解呢？

居屋有一定的轉讓期及補地價限制。一般而言，白表資格人士在市場上購買二手居屋時，就需要補地價；而綠表人士則毋須補地價。有關綠表資格人士購買二手手居屋的詳情，可參閱【 綠表 買居屋】置業不是夢 綠表人士購買居屋需知一文。

兩輪先導配額申請熱烈

然而，為協助市民置業，政府先後於2013年及2015年推出兩輪「擴展居者有其屋計劃第二市場至白表買家臨時計劃」(俗稱「白居二」)，作為先導，容許符合居屋白表資格人士，可以免補地價購買二手居屋單位。

兩輪「白居二」申請反應皆十分熱烈。2013年的首輪「白居二」配額為5,000個，當年共收得申請66,000份，超額申請12.2倍；2015年再推第二輪，配額減半至2,500個，共收得申請43,900份，即超額申請近16.6倍。與全新居屋計劃一樣，以抽籤形式決定購買資格。

縱使推出的配額大受歡迎，但首輪成功經計劃「上車」的申請者並不算多。首輪「白居二」只有2,410位申請者利用配額購置二手居屋，使用率不足一半，僅48.2%；第二輪配額的有效期至今年4月屆滿，錄得1,620名申請者利用配額置業，使用率較首輪配額為高，達64.8%。

首輪副作用大  二手居屋價漲逾3成

雖然「白居二」可讓白表資格人士免補地價購買二手居屋，但該政策亦有一定副作用。首輪「白居二」製造的額外新需求推高了二手居屋價格，在首輪配額批出初期數月尤其明顯，在政策出台後兩年間，平均二手居屋樓價升逾30%，部分升幅更超過50%至70%。第二輪推出時，市場反應則較理性，二手居屋價漲的情況大致與市場向上的步伐一致。

計劃恒常化早已「放風」

目前，市民「上車」需求仍殷切。早於今年第二季已有消息指政府將於今年內檢討「白居二」計劃成效，決定是否將計劃恒常化。當時消息指官方態度正面，傾向再推出配額，以疏導部分需求。房委會資助房屋小組主席黃遠輝亦曾公開其個人支持再推配額的意向。

時至今年10月11日，特首林鄭月娥發表上任後首份《施政報告》，建議房委會將「白居二」恒常化，以幫助正在租樓的市民置業及促進居屋流轉。雖然「白居二」恒常化的詳情仍有待官方公布，但新建公營房屋需時，港府為協助市民置業，在確保市場健康的情況下，「白居二」恒常化計劃推出之期應不遠矣，對計劃有興趣的人士請拭目以待。

即使順利取得「白居二」配額上車，亦要安排承造按揭？想了解哪些銀行可以承按，可到房委會網站了解一吓。再提提你美國加息周期已經展開，香港銀行在未來料將跟隨，最好前往MoneyHero.com.hk按揭比較平台，比較埋各大銀行的按揭貸款利息差別，或者直接睇睇匯豐HSBC、東亞BEA、中銀、渣打、建行、交行等銀行嘅按揭計劃！

相關文章︰按揭想借足9成？你要知道何謂 按揭保險 ！

相關文章︰【按揭知多啲】點解要「 轉按 」？

——

The post 「 白居二 」恒常化？  了解「白表」點買免補地價二手居屋！ appeared first on 理財資訊.

近年多咗廉航開通，加上日圓匯率吸引同日本政府大力推廣旅業遊，香港人去日本旅行嘅次數有多無減。肥叔叔今次就同大家介紹吓響日本非接觸儲值式交通卡 – Suica 西瓜卡嘅購買、使用及增值方法！

日系非接觸儲值式IC支付卡：八達通嘅親戚！

響日本，類似八達通嘅交通卡係由唔同嘅公共交通營運商發行，主要用於鐵路及巴士，而技術就係同香港八達通一樣，都係由SONY開發嘅FeliCa系統。非接觸儲值式支付卡在日本被稱為「IC卡」，而搭車用、由公共交通營運商發行嘅就統稱為「交通IC卡」。除咗「交通IC卡」外，大企業林立嘅日本其實有相當多嘅非接觸儲值式支付卡，好似營運日本7-11嘅母公司就有用「nanaco（ナナコ）」(吉祥物=長頸鹿)、AEON響日本母公司就有「WAON（ワオン）」(吉祥物=狗狗)等等。

雖然非接觸儲值式交通卡嘅技術係由日本企業發明，但係相比香港八達通，日本交通IC卡由引入至普及嘅速度就遠遠都比唔上，其中主要原因係因為日本人平日返學返工都係用返專屬同一對車站，有折扣嘅「定期券」，即係類似月票、季票嘅車票，對單程車票嘅需求無咁高，直至響塑膠磁氣式儲值車票停止發行，加上「定期券」改為印響交通卡上面同寫響晶片入面，同埋2004年先陸續開始全國嘅「交通IC卡」聯網，普及率先至有顯著提升。

你一定要識嘅Suica西瓜卡

日本發行量最大嘅交通IC卡，就係營運地域最大嘅鐵路企業JR東日本發行嘅「Suica（スイカ）」(吉祥物=企鵝，個名叫Pengin)，華文圈又興叫佢做西瓜卡，因為同日文西瓜讀音相同。當你去嘅地方嘅幹線鐵路係由JR東日本營運，即係日本本州東北、關東至接近中部地區，主要幹線鐵路都係JR東日本營運，咁你買到嘅「交通IC卡」就好大機會係Suica喇。

「買」Suica幾乎係不經人手，除非去機場買嘅係連機場鐵路來回線嘅特別車票，否則只要你行去車站嘅自動售票機，揀Suica交通IC卡，入最少¥1000，就有張Suica走出嚟喇。近年外國遊客多，JR東日本仲整埋英文版youtube片教外國人買添 。雖然係「買」，其實背後個運作原理同八達通一樣，都係租先真，所以撳張Suica嗰時就會收咗¥500按金，可用金額得¥500。退卡時，要響餘額度扣¥220手續費，唔夠¥220就扣到盡，但係一樣畀返¥500按金你。

如何用Suica卡增值？

如果響車站附近，增值Suica嘅最快捷方式就係用最普通嘅自動售票機，你可以先入卡再入錢，或者入錢再入卡，響屏幕揀增值（チャージ／入金／Charge）同增值金額就得。響JR東日本嘅售票機最少係增值¥500，夠搭3次最低收費嘅山手線，張卡最多可以儲值¥20,000。

除咗響自動售票機增值外，同香港嘅八達通一樣，響指定嘅零售點，好似超市或者便利店都可以增值。你只要行去收銀櫃位同店員講話要增值張Suica就得，日文係「Suicaのチャージをしてください」(請替Suica增值)，通勝式嘅粵語讀音「Suica囉叉廚呵氏嗲括他西衣」，或者簡單英文有「Charge」同「Suica」都可以，然後就同現金增值，下面就有可以增值Suica嘅便利店列表。

買嘢都用得Suica

同樣，唔止係搭車，響日本好多零售、飲食點嘅POS零售收銀系統都設有非接觸儲值式支付卡讀卡機，佢哋有啲係全功能，交通IC卡、零售IC卡、非接觸信用卡同手機NFC支付都讀到，雖然唔係全部都用得，用得又增唔到值，但係交通IC卡畀錢就係咁多種功能之中最普遍嘅。

肥叔叔唔似日本人咁有耐性，好難忍受一個一個銀仔數出嚟畀錢嘅嗰個漫長歲月，更唔想成個袋都係無自動販賣機收¥5同¥1硬幣，所以肥叔叔響日本時都會同香港係咁八達通一樣，響無信用卡選擇的話就會用交通IC卡畀錢多過用現金。

響日本，例如響便利店買嘢飲，收銀時你只要同講佢講「Suicaで支払います」(以Suica支付)，通勝式嘅粵音係「Suica嗲夏拉衣馬殊」，咁店員就會響POS度撳著個讀卡機畀你拍卡，餘額就會響POS個屏幕同張單度顯示。

返到香港都可以睇返張Suica剩返幾錢？

另外一招想講嘅，就係睇吓張替Suica啲錢點駛咗──響香港，我哋啲車站有八達通查閱機，而響日本的話，最簡單就係用返車站用嚟出卡同增值嘅嗰款自動售票機，佢可以列出之前20個、印出100個消費紀錄，要記賬嘅話就好方便。

如果已經返到香港的話，都仲有絕招──當手機係Android而又有NFC介面嘅話，可以去Play Store搵返Suica讀卡App下載，用手機讀返出嚟；但係手機係iOS嘅話，就麻煩好多，要先幫襯香港八達通公司，買佢嗰部SONY嘅FeliCa藍芽讀卡器= 八達通流動讀寫器，再響iPhone度用日本App Store裝返個叫 Pasori嘅App先可以睇到喇。

支援Suica卡增值零售點

延伸閱讀： 日本交通卡大搜查(2)：北海道·關東·中部篇

延伸閱讀：日本交通卡大搜查(3)：關西·九州篇

去旅行前，記得上MoneyHero.com.hk比較吓，揀份最啱你嘅旅遊保險！

——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 日本交通卡大搜查(1)：Suica 西瓜卡使用教學 appeared first on 理財資訊.

前文講過日本「交通IC卡」中發行量最大同最普及嘅Suica卡以及佢嘅用法。不過唔同地方有唔同嘅交通卡，大家去到唔同嘅城市玩嘅時候，去旅行公幹要在當地買交通卡、或者出發前同朋友借卡時，就要搞清楚究竟啱唔啱用。今次就同大家由北至南咁介紹下同Suica一齊都有互聯互通，響日本「幾乎」可以全國通用嘅另外9張非接觸儲值式交通卡啦！

Kitaca（キタカ）

以黑色飛鼠作為吉祥物，JR北海道發行嘅Kitaca係由日文嘅「北」（Kita/キタ）同「卡」(card) 嘅組成。，響2008年10月推出。Kitaca可以響JR北海道旗下車站嘅自動售票機買到，喺JR北海道嘅指定鐵路線都可以用到，響2009年春開始同Suica聯網、2013年起日本全國絕大部份鐵路上都通用。

肥叔叔點評：要去到北海道先買到嘅一張交通IC卡， 就咁用其實無咩特別，亦無咩著數，唯一特別應該係少啲香港人有。

推薦度：★

Suica（スイカ）

由JR東日本發行、日本流通量最大嘅Suica，漢語圈俗稱「西瓜卡」，特點就響上一篇blog文提過。

比較有特色嘅係，Suica係第一張Apple Pay支援嘅交通支付卡。所以當你見到有日本人拎去部iPhone響火車站地鐵站入閘嘅話，佢未必係用緊個可以攝卡嘅手機套；用手錶去入閘嘅話都唔係失敗科技產品之一：「八達通手錶」而係用緊Apple Watch嘅Apple Pay功能去搭車。不過呢啲同外國遊客嘅關係就未必好大喇。

肥叔叔點評：Suica可以話係去東京買基本可以買到嘅支付卡，響2013前全國10張主要交通IC卡共通前係可用範圍最廣嘅一張。不過響互聯互通之後，對外國遊客嚟講就無乜嘢著數優點喇，只係去到仙台時，都單向互通到仙台市交通局交通卡icsca嘅網絡。

推薦度：★★

PASMO（パスモ）

PASMO響關東地區除咗Suica之外發行量最大嘅非接觸儲值式交通卡，由東京地下鐵（東京メトロ / Tokyo Metro）同另外29間民營、半民營同地方官營嘅鐵路、巴士營運商聯合組成嘅通用儲值卡，所以如果響成田、羽田落機去私營鐵路買交通IC卡時，就多數都會買到呢張卡。

PASMO同樣採用咗SONY嘅FeliCa技術，響2007年3月18號推出當日就即日起同Suica互通。PASMO嘅名，前半段Pas (パス)係沿自2000年東京地下鐵同東京都營地下鐵共通，加上成22間營運商組成嘅塑膠磁氣儲值車票Passnet(パスネット)網站個「パス」，而個MO就係指英文「更多」嘅More、同日文助詞「モ」同有「都係」、「都得」意思，所以張卡上面除咗PASMO個名之外，另外有用粉紅色印咗火車圖案MO同巴士圖案MO，講到明搭火車又得、巴士又得。

肥叔叔點評：關東一帶推薦！如果你係去東京23區或者都心外圍嘅話，PASMO可能會係一個唔錯嘅選擇──因為個別嘅PASMO加盟營運商，好似東京都交通局嘅巴士同電車、東急巴士、西武巴士同京成巴士等亦推出咗所謂「IC一日乘車券」，如果搭多過三程呢就返晒嚟。「IC一日乘車券」可以響巴士上面或者係私鐵火車站度嘅售票機買全日車票寫落去張卡個晶片度，唔駛特別買多張紙票，唔怕唔見。

推薦度：★★★

manaca（マナカ）

Manaca卡係由響名古屋當地幾間主要鐵路同巴士公司合資組成，響2011年推出，都係FeliCa技術產品，2012年4月同JR東海嘅TOICA聯網、2013年全日本另外9款卡通用。名古屋地理位處日本中部，所以張卡個名係源自一句「日本の真ん中」(日本的正中央)入面，「真ん中」(Mannaka)嘅諧音。而卡上面果隻鮮黃色圓形有眼有口嘅吉祥物，無人提過呢隻係咩嚟… 而且講到明係無名嘅。

肥叔叔點評：名古屋專屬嘅一張卡。Manaca卡嘅優點係，當你響名古屋搭佢哋市交通局嘅巴士同地鐵、搭配私營名鐵嘅部份巴士或者鐵路線，響出閘90分鐘內可以有¥40至¥80轉車優惠。但係個優惠又專又複雜，遊客就應該好難兌現到喇。即係你不停咁響名古屋市郊遊走，咁Manaca就會好適合你喇。

推薦度：★★

TOICA（トイカ）

由主要經營來往東京～大阪東海道新幹線嘅JR東海發行，JR東海個總部響名古屋，但係由於名古屋市內外嘅公共交通都以私營鐵路公司為主，所以JR東海嘅營運範圍只係限於幾條響國有鐵路年代起落、同JR東日本、JR西日本連接嘅幹線，以及去郊鄉地區嘅地方線。雖然係咁，JR東海都依然響2006年11月推出FeliCa技術嘅TOICA非接觸儲值式交通卡，響2008年同JR東日本嘅Suica、JR西日本ICOCA聯網、2012年同名古屋嘅主要交通IC卡manaca互通，再響2013年同其他主要嘅交通卡聯網。

TOICA舊版卡係上銀下水藍由波浪分隔，新版就響上面印多咗兩隻吉祥物──一大一細兩隻雞仔，兩隻雞仔都無名，就單純以日文嘅雞仔「ひよこ」(hiyoko)稱呼。

肥叔叔點評：同JR北海道嘅Kitaca一樣，TOICA都係一張冷門同無特色嘅卡。由營運來往東京～大阪東海道新幹線嘅JR東海發行，但係你又唔可以用佢搭新幹線，咁……

推薦度：★

日後有機會，肥叔叔會再同大家介紹日本其他地方發行，去旅行時可以買到，之後響日本全國大部份地方都用到嘅交通IC卡啦！

北海道·關東·中部篇交通卡一覽

延伸閱讀：日本交通卡大搜查(1)：Suica 西瓜卡使用教學

延伸閱讀：日本交通卡大搜查(3)：關西·九州篇

相關文章：【日本 紅葉 攻略】東京10大賞楓必去景點2017

去旅行前，記得上MoneyHero.com.hk比較吓，揀份最啱你嘅旅遊保險！

——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 日本交通卡大搜查(2)：北海道·關東·中部篇 appeared first on 理財資訊.

之前兩篇分別介紹過日本非接觸式儲值預付交通卡嘅形式同用法，亦介紹過日本關東、中部及北海道嘅交通卡。今次就同大家由名古屋出發，介紹埋關西、九州地區所發行嘅幾種可以全日本互聯互通嘅交通卡，大家去大阪、京都、福崗等地區就可以買到。要注意喎！除咗呢幾篇所左紹嘅交通IC卡之外，唔少城市嘅交通營運商都會發行自己嘅交通卡，各自又有限度地雙向或者單向聯網，呢啲卡就唔響呢篇blog講喇。

ICOCA（イコカ）

如果旅行嘅目的地係大阪、神戶、京都呢幾個日本關西城市，而你又搭到JR西日本嘅火車，咁你買到呢張ICOCA嘅機會就最高喇。由JR西日本發行，ICOCA係日本關西地區普及率最高嘅一張交通IC卡。個名係混合自「去咯」咁意思嘅日文「行こうか」（Ikouka）中關西讀音「行こか」（Ikoka）同「英文」縮寫「IC Operating Card」而嚟。2003年推出，2008年同JR東日本嘅Suica聯網，同年亦有同廣島嘅PASPY做單向聯網。ICOCA再響2010年同TOICA聯網，2011年同JR九州嘅SUGOCA卡聯網，到2013就同其他主要交通卡互通。

ICOCA嘅吉祥物係一隻叫做「IKO」（イコ，通勝式粵語拼音：二哥）嘅藍色鴨嘴獸，或者全名「鴨嘴獸二哥」（カモノハシのイコちゃん），兒童版ICOCA卡就有二哥太（イコ太）同二哥美（イコ美），記名版嘅SMART ICOCA嘅吉祥物就係銀色嘅Smart二哥。同Suica隻企鵝一樣，JR西日本擁有二哥嘅設計版權，所以除咗印響交通卡上面，仲推出咗大堆商品販賣，甚至係響大阪嘅一間酒店推出咗主題酒店房添！

肥叔叔點評：關西地區必備！去到京阪神奈買張ICOCA幾乎響關西一帶橫行，因為ICOCA都做到其他通用卡做唔到嘅嘢──同廣島嘅PASPY做單向聯網！另外仲可以單向通用埋岡山縣岡山電氣軌道為主要發行響Hareca卡網絡；阪急阪神巴士嘅hanica；伊丹市交通局嘅itappy、南海巴士嘅Nacchi（なっち）、靜岡交通嘅LuLuCa、三重交通嘅emICa、奈良交通嘅CI-CA、神姫巴士嘅NicoPa同京都嵐山線電車嘅嵐電卡（Randen Card／らんでんカード）。

推薦度：★★★★★

PiTaPa（ピタパ）

呢張PiTaPa就真係唔係好關我哋呢啲外國人事，PiTaPa卡由大阪市交通局同埋關西、東海、北陸一帶嘅公共交通營運商聯營，名稱由來係英文「Postpay IC for 「Touch and Pay」」縮寫。原則上，佢唔係一張儲值預付交通卡，而係要一張綁住信用卡，響關西地區搭咗車、駛咗錢先找數嘅「後數」交通卡，個性質同有自動增值嘅八達通近似，每次限增值¥2000，搭車買嘢唔夠錢就自動增值。不過一出到關西地區以外就無咗自動增值功能，變返要去搵自動售票機人手入現金增值咯。

肥叔叔點評：PiTaPa當信用卡咁出，所以唔關外國遊客事，如果要響日本關西京阪神一帶留學、工作的話，都仲可以諗諗。

推薦度：唔關事！

SUGOCA（スゴカ）

由JR九州發行嘅SUGOCA，響2009年推出，係日本第5張非接觸式儲值預付交通卡。個名由來係以日文「犀利呀」（すごい／sugoi），但係用九州肥筑方言嘅讀法拼寫「すごか」（sugoca），同英文「Smart Urban GOing CArd」嘅縮寫。SUGOCA卡上面嘅插畫係由美國設計師Rodney Greenblat所繪制嘅「手拖住個鬧鐘嘅青蛙」插畫。

有樣要講嘅係，雖然SUGOCA係JR九州所發行，但係乘客係唔可以用SUGOCA去搭九州新幹線嘅。

肥叔叔點評：九州肥筑方言讀幾「犀利」都好，SUGOCA其實都唔係好犀利，因為響互聯之後同其他交通IC卡無大分別──除非你係Rodney Greenblat插畫嘅粉絲啦。

推薦度：★★

nimoca（ニモカ）

九州、福岡另一張非接觸儲值式交通卡nimoca，係由福岡嘅大型私營鐵路公司嘅西日本鐵道（西鐵）投資發行。nimoca響2008年推出，係福岡地區第一張非接觸交通IC卡，最初只係打算畀西鐵旗下嘅火車、巴士同兼營嘅零售飲食等業務使用，後來響九州上其他福岡縣以外嘅望區都陸續普及，2010年同其他兩張福岡地區交通IC卡、關東嘅Suica互聯，2013年再擴展到其他主要嘅交通卡網絡。

nimoca嘅名係由「英文」──Nice Money Card嘅每個字頭兩個字母組成，其中Ni亦可以指「西鐵」嘅日文羅馬拼音Nishitetsu嗰個Ni；另外日文中「にも」（nimo）係指「又有」所以可以話係「巴士又用得、火車又用得、買嘢又用得嘅卡（ca）」咁意思。nimoca嘅吉祥物係印咗響卡上面，企咗起身嘅一隻無名嘅雪貂。

肥叔叔點評：nimoca卡除咗隻雪貂係三張九州主要交通IC卡最Kawaii嘅一張之外，都無重大嘅分別。只不過，佢`一直都未有同市外IC卡互通、經營市內路面電車嘅長崎電氣軌道就打算響2019至2020年對應nimoca卡，至於詳情就未有公報。

推薦度：★★

Hayakaken はやかけん

福岡一帶三張交通IC卡嘅其中一張，由福岡市政府交通局所發行，係眾多通交通IC卡入面發行量最少嘅一張。2009年開始發行，主要係畀福岡市交通局營運嘅福岡地下鐵使用，2010年同福岡地區另外兩張交通卡，即係nimoca同SUGOCA，以及JR東日本嘅Suica聯網，響2013年同另外其他嘅交通卡互通。

Hayakaken張卡嘅名由來係日文「因為快速」（速いから/hayaikara）用博多口音嘅讀法「速かけん」（hayakaken），同幾組日文形容詞──快 （速い／HAyai）、有善 （優しい／YAsashii）、舒服（快適 ／KAiteki）、車票 （券／ken）──嘅縮寫。卡上面嘅唔係Hayakaken卡嘅吉祥物，而係福岡地下鐵嘅吉祥物，一隻叫Chikamaru（ちかまる）嘅土撥鼠。

肥叔叔點評：發行量最少，即係連福岡本地人都唔特別出呢張卡，似乎都唔駛外國遊客特別去點評……

推薦度：★★

回顧返十張介紹過嘅卡，包括Kitaca、關東嘅Suica同PASMO、名古屋嘅TOICA同manaca，肥叔叔會建議買ICOCA，除咗同另外9張嘅網站都係互通之外，佢個響關西嘅嗰啲冷門地區嘅單向互通覆蓋率最高！去到邊都唔駛怕啦！

關西·九州交通卡一覽

延伸閱讀：日本交通卡大搜查(1)：Suica 西瓜卡使用教學

延伸閱讀： 日本交通卡大搜查(2)：北海道·關東·中部篇

相關文章：【紅葉攻略】 京都 5大賞楓必去景點2017

去旅行前，記得上MoneyHero.com.hk比較吓，揀份最啱你嘅旅遊保險！

——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 日本交通卡大搜查(3)：關西·九州篇 appeared first on 理財資訊.

信用卡不單止係身分嘅象徵，識得揀卡簽賬仲可以賺取更多飛行里數同現金回贈，愈高門檻嘅信用卡，自然愈大機會有較吸引嘅回贈同埋獎賞！今次MoneyHero.com.hk為你介紹7張高薪人仕必備嘅尊尚卡，幫你比較番、揀到啱！

1）美國運通白金卡：全方位尊貴服務

好多人混淆咗AE嘅「白金卡」同「白金信用卡」。「白金信用卡」年薪要求只係HK$300,000，而呢張「AE白金卡」則至少要HK$1,000,000年薪先可以申請，非富則貴。雖然年費要成$7,800咁多，但睇完佢嘅服務範圍，小編就覺得完全係超值！

首先，呢張卡屬於簽賬卡，信用額不設上限，想簽幾多就簽幾多。其次，批卡即送700,000積分 (相當於46,666里數或HK$2,333現金回贈) 作為迎新禮品及HK$2,000香港君悅酒店餐膳消費額，直接送返幾千蚊俾你。另外，呢張卡除咗提供專員服務之外，仲提供醫療支援、汽車故障支援、緊急家居支援、購物保障等。當然仲唔少得免費Priority Pass 會籍、環亞貴賓室及The Centurion Lounge貴賓室任用、著名品牌酒店會籍及租車公司會籍等。服務、優惠應有盡有。

• 年薪 / 資產要求：HK$1,000,000 年薪
• 年費︰HK$7,800
• 本地簽賬：HK$1=2分 / HK$7.5 = 1里
• 外幣簽賬（包括網上）：HK$1=3分 / HK$5 = 1里

全年優惠:

• 無限次享用The Centurion Lounge貴賓室
• 免費Priority Pass^TM會籍及全年無限次享用環亞機場貴賓候機室
• 專享HK$2,000香港君悅酒店餐膳消費額
• 升級版免費旅遊保障
• 機場接送服務
• 免費獲享Hertz Gold Plus Rewards^®會籍及  Avis Preferred會籍
• 於世界著名品牌酒店專享特選酒店夥伴獎勵計劃會籍
• 本地醫療支援服務
• 汽車故障支援服務
• 緊急家居支援服務
• 專享全日24小時旅遊服務及其他旅遊禮遇。
• 預訂食府或鮮花送遞，提供全日24小時私人助理服務。

按此了解更多美國運通信用卡詳情。

2） Citi Prestige信用卡：無限享用貴賓室、任何酒店第4晚免費

Citi Prestige 信用卡年薪要求高達60萬，為經常出差工幹的高收入人仕而設。持卡人每年免費得到Priority Pass，可無限次免費享用全球超過1,000間機場貴賓室。卡主更可以一電接通Citi Prestige禮賓部，讓專人為你安排旅遊及娛樂一切所需，透過禮賓部預訂任何酒店達連續四晚住宿，更可享第四晚免費住宿優惠！

此卡享有高里數兌換率，本地消費$6=1里，海外消費$4=1里，雖然每年要俾$2,500年費，但俾完年費即刻獲得15,000里（第二年起更可獲贈20,000里），遠比你用其他方法買里數平，而且積分是無限期和兌換是免費的。此卡者還擁有年資獎賞，持有此卡愈長，額外獎賞愈高！

• 年薪 / 資產要求：$600,000年薪
• 海外簽賬：1.5%回贈；$4 = 1里
• 本地 / 網上 / 餐飲簽賬：1%回贈；$6 = 1里
• 年費：$2,500（不可轄免）

迎新禮品：

• 15,000里數（180,000 積分）
• 2017年10月31日前經MoneyHero.com.hk成功申請，獨家送額外HK$300惠康超市禮券

全年優惠：

• 任何酒店第4晚免費住宿優惠（需預訂住宿連續4晚或以上；可無限次享受此優惠）
• 憑Priority Pass™無限次免費享用環球機場貴賓室服務
• 優惠里數兌換率 (12分=1里)
• 高達額外30%年資獎賞
• 免費旅遊保險
• 現金回贈（透過Citi ThankYou Rewards 「現金回贈」，可以200積分兌換$1現金回贈）
• Citi Prestige環球盛事
• 高爾夫球賞樂
• 20,000里數年度獻禮
• World Elite^TM MasterCard專屬禮遇

按此了解更多Citi信用卡詳情。

3）匯豐Visa Signature卡：高達3.6%回贈

HSBC Visa Signature卡年薪要求達48萬，當然帶俾你更優厚嘅回贈。呢張卡最大賣點就係可以賺取合共9X「獎賞錢」，相等於3.6%回贈！任何簽帳除咗賺到基本的1X「獎賞錢」之外，「最紅自主奬賞」的6個指定簽賬類別都可享額外3X「獎賞錢」，即等同1.6%現金回贈！你仲可以將最常用嘅簽賬類別登記「最紅自主奬賞」計劃，該類別就可以賺埋額外5X「獎賞錢」，9X就係咁嚟！

咁6大簽賬類別究竟係乜？其實就包括「賞滋味」、「賞玩樂」、「賞家居」、「賞品味」、「賞中華」及「賞世界」。小編認為登記「賞滋味」類別最抵玩，因為此類別係適用於香港所有餐廳簽帳，無限制一定要特定商戶，而且香港冇乜信用卡可以俾到咁高嘅餐飲回贈架！唯一不足之處係「獎賞錢」唔可以直接當錢使，一定要兌換成現金劵、禮物或里數。

• 年薪 / 資產要求：$480,000年薪 或 $600,000資產
• 「最紅自主奬賞」登記簽賬類別：3.6%回贈；$2.78 = 1里
• 「最紅自主奬賞」非登記簽賬類別：1.6%回贈；$6.25 = 1里
• 其他簽帳：0.4%回贈；$25=1里

迎新禮品：

• 9月29日前申請可享$800「獎賞錢」（簽帳滿HK$6,000）
• 2年年費轄免

全年優惠：

• 「最紅自主奬賞」計劃內的所有簽賬類別，尊享額外3X「獎賞錢」
• Visa Signature卡持卡人尊享全日24小時禮賓及緊急服務
• Visa Signature「買一送一」美饌禮遇

按此想了解更多匯豐HSBC信用卡詳情。

4） DBS Eminent Visa Signature Card：無上限現金回贈

如果你追求效率，唔鍾意計來計去，就可以選擇DBS Eminent Visa Signature Card。此卡主要有3個賣點：1) 呢張卡任何零售簽帳均可享1%現金回贈，不設上限；2) 此卡適合喜愛旅行及網購人士，因為網上外幣簽帳及海外簽賬都有2%回贈。3) 只需登記一次，所有回贈都會每月自動入落戶口，你仲可以選擇自動扣除簽帳額！

此外，呢張卡有唔少全年優惠，包括Visa Signature 酒店餐飲買一送一禮遇、戲票折扣同租Wifi Router優惠等，讓你慳得更多。

• 年薪 / 資產要求：$360,000年薪
• 海外 / 網上簽賬：2%回贈
• 本地簽賬：1%回贈

迎新禮品：

• 新客戶於發卡後首2個月內簽賬HK$7,500可享8%迎新回贈，上限為HK$600。
• 如HK$7,500簽賬為外幣簽賬，另再回贈HK$150，總共高達$750回贈。
• 2017年9月30日或之前經MoneyHero.com.hk申請獨家送額外HK$100現金獎賞及HK$200現金券；2017年10月1日起成功申請，則可享獨家送額外HK$100現金獎賞。

全年優惠：

• 於網上購物及海外旅遊消費，均可享2%現金回贈（無上限）
• 本地消費1%回贈（無上限）
• 8折租用Wi-Fi Router
• The Grand Cinema戲票低至8折
• Visa Signature「買一送一」美饌禮遇
• 簽帳滿HK$100,000可享一次免費轎車機場接送服務

按此了解更多DBS信用卡詳情。

5） 美國運通國泰航空尊尚信用卡：無限享用貴賓室

美國運通國泰航空尊尚信用卡十分適合經常旅遊或出外公幹的人，除了海外簽賬享有$4=1里的全港最抵兌換率外，基本卡及附屬卡的持有者更可以全年無限次享用環亞機場貴賓候機室設施，另外基本卡會員可憑獲贈之Priority Pass 會籍，每年享用4次全球逾850所機場貴賓室設施。此外，此卡迎新優惠相當吸引，可獲高達76,000「亞洲萬里通」里數。

• 年薪 / 資產要求：$300,000年薪
• 海外及網上簽賬：$4 = 1里
• 本地 / 餐飲簽賬：$6 = 1里
• 年費：HK$1,800（首年豁免）

迎新禮品：
可獲豁免首年年費及以下所有迎新禮品：

高達76,000「亞洲萬里通」里數

• 網上額外獎賞：1,000里（網上申請）+
• 迎新簽賬獎賞：5,000里（首3個月簽賬滿$5,000）+
• 本地簽賬獎賞：高達40,000里（首3個月本地簽賬每$5=1里數）+
• 外幣簽賬奬賞（包括網上及其他消費）：高達30,000里（首3個月外幣簽賬滿等值每$3=1里數）
• 10月31日或之前經MoneyHero.com.hk申請，獨家送額外HK$100超市禮券。

全年優惠:

• 憑卡於國泰航空航機上購物及訂購國泰航空機票，可享$3 = 1「亞洲萬里通」里數優惠。
• 透過 www.asiamiles.com 購買「亞洲萬里通」里數、延續里數有效期及里數轉贈之費用，可享9折優惠
• 首12個月內基本卡會員可憑獲贈Priority Pass會籍並可享用全球逾850所機場貴賓室
• 會員及附屬卡會員，可免費無限次享用環亞機場貴賓候機室的尊貴設施
• 享有馬可孛羅會綠卡會籍申請費用豁免，盡享會員專有權益
• 專享早達3天前於網上優先兌換精選折扣獎勵機票
• 只需每年簽賬達$150,000，即可專享下年度年費豁免優惠；又或於新一年續繳年費時，已擁有馬可孛羅會銀卡或以上會籍級別者，年費亦可獲豁免

按此想了解更多美國運通AE信用卡詳情。

6） Citibank PremierMiles信用卡：海外簽帳高達 $3 = 1 里數

年薪要求為36萬的Citibank PremierMiles信用卡主打Avios（即英國航空里數）回贈，本地簽帳$8= 1 Avios，海外簽帳$4=1 Avios，如當月海外或網上外幣簽帳達HK$20,000，回贈更低至$3 = 1 Avios，全港至抵！相比起Asia Miles，Avios換機票所需里數比Asia Miles 更少，例如Asia Miles 要15,000里數換到台灣來回機票，用Avios HK$9,000里數就換到！Citibank 更不時推出Avios兌換優惠，通常憑PremierMiles卡積分兌換可享額外30% Avios里數。（延伸閱讀：Asia Miles / Avios / ANA 3大里數計劃比較（附里數兌換表））

除此次外，呢張卡仲可以俾你免費入環亞機場Lounge（有簽帳條件）、用佢嚟Book機票仲送旅遊保險！

• 年薪/資產要求：$360,000年薪
• 海外/網上外幣簽賬：HK$3 = 1 里數/Avios （於當月的海外及網上簽賬達到$20,000或以上）
• 本地簽賬：HK$8 = 1 里數/Avios

可獲以下其中一份迎新禮品：

• 180,000積分 (相等於15,000Avios) 或
• HK$800惠康現金券
• 10月31日前經MoneyHero.com.hk申請獨家送額外HK$100惠康超市禮券

全年優惠：

• 免費專享機場貴賓室服務（每次享用環亞機場貴賓室服務後30天內簽賬滿$5,000）
• 全面飛行及酒店獎勵計劃（以積分兌換飛行里數及酒店住宿，兌換手續只需4-8工作天，無需任何手續費）
• 免費旅遊保障（需以Citi PremierMiles信用卡全數支付機票、酒店或旅行團團費）
• 豁免里數兌換手續費

按此想了解更多Citi信用卡詳情。

7） 渣打優先理財信用卡：銀行結餘都可賺積分

比Visa Signature更高一級的Visa Infinite信用卡絕對係身份嘅象徵。渣打優先理財信用卡獨家的「360°全面賞」不局限於信用卡簽賬，其他銀行產品結餘包括存款、投資、樓宇按揭貸款及私人分期貸款等，同樣可獲享積分，每月可高達50,000分。主卡客戶更可使用Priority Pass會籍，享用全球1,000間機場貴賓候機室。卡主更可享永久豁免年費優惠。根據持卡人透露，要申請「優先理財」信用卡，申請人需將HK$1,000,000資產存放於渣打戶口。

• 年薪 / 資產要求：約HK$1,000,000資產
• 海外簽賬：1.5%回贈
• 本地 / 網上 / 餐飲簽賬：1%回贈

全年優惠:

• 可擁有Priority Pass™ 會籍
• 高達100萬美元免費旅遊意外保障
• 高達3X「360° 全面賞」積分
• 名貴轎車機場接送服務
• Visa Infinite餐飲優惠
• 星巴克免費升級優惠
• 水療及酒店設施禮遇

按此想了解更多渣打信用卡詳情。

想知道更多信用卡嘅優惠資訊？立即使用我哋嘅信用卡比較平台，搵出最適合你嘅信用卡！
經我哋申請仲可以獲得額外獎賞現金券，詳情請按此。

延伸閱讀：嚴選 八達通自動增值 最佳信用卡

延伸閱讀：5大 儲飛行里數 必備信用卡

延伸閱讀：香港5大現金回贈信用卡

——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【信用卡攻略】7大高薪人仕必備 尊尚信用卡 appeared first on 理財資訊.

短評：美國運通 (American Express) 最尊貴嘅卡之一，優惠、服務應有盡有。 雖然年費要成HK$7,800，但網上成功申請即享700,000積分 (相當於46,666里數或HK$2,333現金回贈) 作為迎新禮品，另送$2,000 香港君悅酒店餐膳消費額、免費任享全球各地機貴賓候機室，仲送埋著名品牌酒店會籍及高爾夫球會籍！服務方面，AE白金卡除咗提供專員服務之外，仲提供醫療支援、汽車故障支援、緊急家居支援、購物保障等，保障範圍係眾AE卡之中最廣。

簽賬回贈方面，憑卡於本地簽帳可獲2倍積分 ($7.5=1里)，外幣消費可獲3倍積分 ($5=1里)，積分換里數可選Asia Miles、Avios、KrysFlyer、Emirates Skywards等8款里數計劃。

美國運通白金卡屬於簽賬卡而不是信用卡，不設簽賬上限和利息，唯每月須全數繳付簽賬款項。美國運通白金卡外觀上與「美國運通白金信用卡」相似，但白金信用卡年薪要求只係HK$300,000，而此卡則要求申請人年薪達HK$1,000,000，差距相當大。

美國運通白金卡 詳情

本地簽賬：2X積分 / $7.5=1里
海外簽賬：3X積分 / $5=1里
網上港幣簽賬：2X積分 / $7.5=1里
網上外幣簽賬：3X積分 / $5=1里
外幣交易手續費：2.00%
八達通自動增值：不適用
網上繳費：不適用
現金透支：沒有積分

積分有效期： 永久

兌換里數手續費：每次HK$200

年薪要求：HK$1,000,000

年費：HK$7,800

其他優惠

• 無限次享用The Centurion Lounge貴賓室
• 免費Priority Pass^TM會籍 及 全年無限次享用環亞機場貴賓候機室
• 專享HK$2,000香港君悅酒店餐膳消費額
• 於世界著名品牌酒店專享特選酒店夥伴獎勵計劃會籍︰Starwood 酒店及度假村、Carlson Rezidor酒店、香格里拉酒店集團及希爾頓酒店
• 專享全球逾1,000間之「豪華酒店及度假村計劃」的酒店，每次入住專享多項禮遇
• 美國運通美膳會：專享最高5折之晚膳堂食折扣優惠
• 全港百老匯、PALACE與AMC戲院逄星期四及星期五電影戲票「買一送一」及3D、2D正價戲票全年85折優惠
• 升級版免費旅遊保障
• 環球支援
• 機場接送服務
• 免費獲享Hertz Gold Plus Rewards^®會籍及  Avis Preferred會籍
• 本地醫療支援服務
• 汽車故障支援服務
• 緊急家居支援服務
• 專享全日24小時旅遊服務及其他旅遊禮遇。
• 預訂食府或鮮花送遞，提供全日24小時私人助理服務。

美國運通白金卡 迎新優惠 *

現凡於網上成功申請，即可獲贈600,000美國運通積分，經網上申請更可專享100,000美國運通積分網上額外獎賞。

* 迎新優惠不適用於現時或申請日期起12個月內曾為美國運通白金卡 / 半島白金卡會員。

更多信用卡介紹：請按此

你亦可前往MoneyHero信用卡比較平台，比較埋其他信用卡！

相關文章：【信用卡攻略】7大高薪人仕必備 尊尚信用卡

——

想比較全港信用卡、旅遊保險及貸款？即上MoneyHero.com.hk比較平台！

The post 美國運通白金卡 攻略：迎新送46,666里數，無限任用全球貴賓室 appeared first on 理財資訊.

平時消費購物想慳多啲，梗係要配合埋信用卡優惠。快啲睇下MoneyHero.com.hk本週為大家搜羅的信用卡優惠 同獎賞，等你荷包無咁傷啦！（2017年10月13日更新）

【新！】銀聯卡：購買7-Eleven Daily Cafe 即磨咖啡，只需$5！

憑銀聯卡透過Apple Pay 購買7-Eleven Daily Cafe 熱/凍即磨咖啡1杯，只需$5！此優惠設有名額限制(上限為25,000個)，每人每日限使用此手機優惠1次。目前可加入Apple Pay之銀聯卡包括中國銀行信用卡或提款卡、東亞銀行信用卡及渣打銀行提款卡。優惠詳情

優惠期：即日至2017年10月24日

【新！】Mastercard：惠康簽帳滿$500減$60（手機付款）

逢星期五、六及日，Mastercard持卡人於惠康超級市場、Market Place by Jasons、Jasons · Food & Living、3hreesixty 及Oliver’s the Delicatessen以Mastercard使用感應式或手機支付（包括Apple Pay、Android Pay及Samsung Pay）方式付款，單一簽賬滿HK$500，即減HK$60。

優惠期：2017年10月7日至11月30日

【新！】Visa信用卡：於Ctrip預訂大韓航空機票滿$1,000，即減$100

今個星期於Ctrip.com用Visa卡預訂大韓航空任何航班滿HK$1,000，即減 HK$100！預訂時輸入優惠代碼「TUESVISA」即享優惠，數量有限，送完即止。優惠詳情

優惠期：2017年10月10日至17日

DBS Eminent Card：全港食肆簽賬3%現金回贈

DBS Eminent Card食肆簽帳本來做緊1.2%回贈，10月至12月會額外有多1.8%，即係夾埋有3%回贈！回贈金額無上限，亦不設最低簽賬要求，不過就要登記咗先 (按此登記 )。DBS Eminent Card其他本地簽帳照舊可享1%回贈，海外簽帳可享2%回贈。

優惠期：即日起至2017年12月31日

按此查看DBS Eminent Card詳情。

美國運通國泰航空尊尚信用卡：餐飲、酒店簽帳$6=1.5里數

10月優惠！用美國運通國泰航空尊尚信用卡進行合資格餐廳、酒店住宿酒店宴會及酒店餐飲消費，可享每消費 HK$6 = 1.5「亞洲萬里通」里數！ (本來係HK$6 =1里數)。 按此查看優惠詳情。

優惠期：2017年10月1日至31日

銀聯卡：7-Eleven買滿$30即減$10

現於7-Eleven憑合資格銀聯卡透過Apple Pay付款，單一簽賬淨額滿HK$30, 即減HK$10！此優惠設有名額限制(上限為70,000個)，額滿即止。每人每日限用優惠1次。目前可加入Apple Pay之銀聯卡包括中國銀行信用卡或提款卡、東亞銀行信用卡及渣打銀行提款卡。優惠詳情

優惠期：即日至2017年10月24日

東亞信用卡：Apple網站消費滿HK$3,000即享高達10X積分

而家用東亞銀行萬事達卡以指定連結進入Apple.com（香港）累積消費滿HK$3,000，即可享10X簽帳獎分！用其他東亞信用卡亦可享8X簽帳獎分。每個萬事達卡帳戶最多可享額外40,000分；其他合資格信用卡最多可獲額外30,000分。按此查看優惠詳情。

優惠期：即日至2017年12月31日

按此查看東亞信用卡資訊。

渣打Visa信用卡：HKTVmall 及 HoKoBuy $50折扣及額外$20優惠劵

憑渣打/MANHATTAN Visa信用卡於HKTVmall 及HoKoBuy網上商店單一簽賬滿HK$500，於前往付款前輸入相關優惠代碼「ScbHK50」，可享HK$50折扣優惠及額外HK$20優惠券！優惠詳情

優惠期：即日至2017年11月14日

美國運通國泰航空信用卡 / 任何信用卡：Expedia訂酒店賺4倍里數

Asia Miles會員現透過指定Expedia網站預訂酒店住宿，享高達4倍里數：

• 憑任何信用卡單次消費滿HKD10 – HKD2,499：享2倍里數（HK$10=4里）
• 憑任何信用卡單次消費滿HKD2,500或以上：享3倍里數（HK$10=6里）
• 憑美國運通國泰航空信用卡單次消費滿HKD2,500或以上：享4倍里數（HK$10=8里）

預訂日期：即日至2017年10月31日
旅遊日期：即日至2017年12月31日

按此查看優惠詳情。

DBS Compass Visa：買新手機減高達HK$300

新iPhone登場、舊iPhone齊齊減價，又係一眾果迷換機嘅好時機！而家用DBS Compass Visa 信用卡喺網上或指定網絡/手機供應商*單一零售簽賬滿HK$5,500或以上，即可扣減HK$150（可享2次優惠，即最多賺HK$300）！

持卡人於簽賬前要先安裝及登記DBS Omni帳戶，並於DBS Omni 內的設定>推送通知>選擇開啟「一扣即享」以享此優惠。完成交易後便於DBS Omni嘅「一扣即享」功能直接扣減該賬單HK$150。 用Compass Visa碌完卡仲可以玩埋「潮玩大抽獎」，因為單一簽滿HK$5,000就一定有獎架喇！

*指定網絡/手機供應商包括：數碼通、3HK、CSL、中國聯通、中國移動、HKT及Apple Store（只限位於apm、又一城、廣東道、國際金融中心、希慎廣場及新城市廣場之Apple Store）

推廣期：2017年9月15日至11月20日

按此查看優惠條款及細則。
按此查看DBS Compass Visa 詳情。

銀聯卡：於台灣簽帳滿NT$10,000，於一田消費即送HK$200禮劵

憑香港發行之銀聯卡於台灣簽賬滿NT$10,000, 並於9月25日至11月20日以同一張銀聯卡於香港之一田百貨單一簽賬滿HK$200, 可換領HK$200一田百貨禮券（有關簽帳均須保留存根，以換領禮劵），按此瀏覽詳情。

台灣簽賬期:即日起至2017年11月15日
香港一田百貨簽賬期: 由2017年9月25日至11月20日

銀聯卡：於澳門／內地簽帳滿指定金額，於誠品消費即送HK$150禮劵

憑香港發行之銀聯卡累積澳門簽帳滿MOP2,000／中國內地酒店簽帳滿RMB2,500，並以同一張銀聯卡於11月15日或之前於香港誠品單一簽賬滿HK$120，可換領HK$150誠品閱讀禮券（有關簽帳均須保留存根，以換領禮劵），按此瀏覽詳情。

跨境簽賬期：即日起至2017年10月31日
香港誠品書店簽賬期：即日起至2017年11月15日

銀聯信用卡：SOGO簽滿HK$300換HK$50現金劵

推廣期內逢星期六、日及SOGO VIP購物周(9月29日至10月8日)簽賬滿指定金額可換領高達HK$300崇光購物禮券！

獎賞1：於崇光超市用Apple Pay（通過銀聯雲閃付使用）單一簽賬淨額滿HK$300，可獲贈HK$50崇光購物禮券。
獎賞2：於崇光超市用信用卡或提款卡單一簽賬淨額滿HK$500，可獲贈HK$50崇光購物禮券。
獎賞3：於崇光百貨用信用卡或提款卡簽賬淨額滿HK$5,500（簽賬存根2張或以上），可獲贈HK$200崇光購物禮券。

換領地點：崇光銅鑼灣店14/F；崇光尖沙咀店LG/F
優惠期：即日至2017年10月8日

另外，銀聯持卡人還可享額外500個精選商戶優惠；於SOGO VIP購物周(9月29日至10月8日)期間SOGO Rewards會員簽賬尊享 1X SOGO Rewards額外積分 。

銀聯鑽石卡：The Coffee Academics 咖啡買一送一

憑銀聯鑽石卡惠顧The Coffee Academics，即享以下優惠：

1. 購買任何外賣精品咖啡，尊享買一送一優惠
2. 購買任何外賣手調飲品，尊享美式鬆餅1個
3. 以$398享用Happy Hour套餐 （只限銅纙灣耀華街、灣仔莊士敦道、淺水灣海灘道及灣仔灣仔道分店）
4. 以$458享用精選晚餐 （只限銅纙灣耀華街、灣仔莊士敦道、淺水灣海灘道及灣仔灣仔道分店）

優惠期
(1)(2) ：即日起至2018年2月14日
(3)(4) ：即日起至2017年11月15日

按此查看優惠詳情，或查看更多銀聯卡資訊。

銀聯卡：於一田超市簽滿$500送$60現金劵（周五限定）

而家逢星期五憑銀聯卡於一田超市單消費滿HK500，即可獲贈HK$50一田現金禮券；用Apple Pay(通過銀聯雲閃付)付款更可享$60 現金劵！查看詳情

推廣期：2017年7月21日至10月27日

按此查看及比較銀聯卡產品。

DBS信用卡：於Ctrip訂酒店減高達$250，訂機票減高達$200

DBS信用卡與Ctrip合作推出3項優惠：

• 酒店優惠（只限新Ctrip會員） – 憑DBS MasterCard 以Ctrip手機App預訂酒店，單一交易滿HK$2,500或以上可享HK$250即時折扣，滿HK$1,500或以上可享HK$150即時折扣。須輸入優惠代碼及將DBS萬事達卡號碼儲存於「我的信用卡」內。按此領取專屬優惠代碼

• 酒店優惠（新舊會員均適用）－憑DBS Eminent Card/DBS萬事達卡/DBS COMPASS VISA經Ctrip網站或手機App預訂酒店滿HK$1,000或以上(以單一交易計算)並輸入優惠代碼「DBSHOTEL」即享HK$100即時折扣。此優惠。

• 機票優惠（新舊會員均適用）－ 憑DBS Eminent Card/DBS萬事達卡/DBS COMPASS VISA經Ctrip網站或手機App預訂預訂機票滿HK$2,500或以上(以單一交易計算)並輸入優惠代碼即享：

HK$200即時折扣 (DBS萬事達卡)
– 優惠代碼：DBSMCF
HK$100即時折扣 (DBS Eminent Card)
– 優惠代碼：DBSEF
HK$100即時折扣 (DBS COMPASS VISA)
– 優惠代碼：DBSCVF

預訂期：即日至2017年10月31日
住宿期：即日至2018年12月31日

DBS信用卡：Zalora 78折 + mydress.com 85折

而家憑DBS信用卡於Zalora購物滿HK$500或以上，可享78折（推廣編號：DBSHK22）；購物滿HK$300或以上可享8折（推廣編號：DBSHK20）；於mydress.com購物可享正價貨品85折（推廣編號：DBSXMD）。

Zalora優惠推廣期：即日至2017年12月31日
mydress.com優惠推廣期：2017年9月1日至11月2日

美國運通卡 x Zuji：30,000積分換世界各地來回機票！

AE卡會員注意！由即日至2017年10月31日每個星期一，合資格會員*可使用美國運通30,000積分換領來回機票乙張(不包括稅項)！ZUJI 將於每個月首日公布目的地，並於每個周五公布機票確實出發日期， 及周一接受兌換登記。合資格之美國運通卡會員將收到電郵接受其兌換申請及詳情。每周名額100個，先到先得！

*適用於持有Centurion®卡、美國運通白金卡、美國運通白金信用卡及「加倍加賞」積分計劃之基本卡會員

下周一(18/9)之可兌換機票為加拿大航空來回溫哥華機票！

優惠期：即日至2017年10月31日
優惠詳情及登記網站：按此進入

Mastercard：日本Amazon購物滿JPY¥‎8,000，免到港運費

逢星期五至日，憑Mastercard於amazon.co.jp/mastercardhk單一商品簽賬滿JPY¥‎8,000，付款時輸入推廣代碼「MASTERCARDHK」，即享直送香港或澳門*免運費。

優惠期：即日起至2017年12月31日

Visa 信用卡：星期五至日於惠康消費滿$300減$30 （只限手機付款）

Visa客戶於星期五、六及日於全港惠康超級市場、Market Place by Jasons、Jasons ￭ Food & Living、ThreeSixty、Oliver’s the Delicatessen分店以Visa卡使用手機付款 (Android Pay, Apple Pay 或 Samsung Pay)，單一淨額簽賬滿HK$300即減HK$30 ！

優惠期：即日至2017年10月6日

渣打信用卡：於銅鑼灣Midtown指定食肆及商戶簽賬滿$500，享HK$150禮券

憑渣打/MANHATTAN信用卡於於銅鑼灣Midtown（金朝陽中心2期）指定餐廳及商戶單一簽賬滿HK$500，可享HK$150禮券一張於下次交易當現金使用。商戶名單可按此查詢。

推廣期：即日至2017年10月31日

恆生信用卡：於hutchgo.com預訂機票 / 酒店 / 自由行套票減高達$400

於hutchgo.com預訂任何機票、酒店或自由行套票，輸入指定電子禮券代碼可享即時折扣優惠：

1. 預訂台北、曼谷、首爾、東京、悉尼及西雅圖之指定自由行套票單一簽賬滿HK$3,000或以上，可享HK$400即時折扣 (電子禮券代碼: HASE400)
2. 預訂任何機票/酒店/自由行套票單一簽賬滿HK$3,000或以上，可享即時折扣HK$200。(電子禮券代碼: HASE200)

優惠期：即日至2017年10月8日。
按此查看優惠詳情。

恆生Visa信用卡：於Gmarket 購物獲贈7折優惠劵

憑恒生Visa信用卡於指定推廣階段內，於Gmarket購買單件貨品淨值滿KRW10,000或以上，可獲贈Gmarket 7折購物優惠券一張以供下次購物使用；每張購物優惠券之最高折扣金額為KRW10,000，可於存入客戶之Gmarket賬戶後60日內使用。按此查看優惠詳情。

優惠期：即日起至2018年2月28日

恒生信用卡：海外簽賬/網上購物享高達15X Cash Dollar

恆生信用卡海外及網購簽帳獎賞加碼！而家只要每月零售簽賬金額滿HKD5,000或以上，當中海外簽賬/網上購物可享11-15X Cash Dollar（視乎卡種），相等於4.4~6%回贈！而每月零售簽賬金額HKD5,000以下亦有3-5X Cash Dollars，想知更多可以click呢到！

優惠期：即日起至2017年12月31日

按此了解更多東亞銀行信用卡資訊。

中銀信用卡：網上簽帳享高達高達15倍積分

9月至10月憑中銀信用卡於網上簽帳，凡單一簽帳滿HK$500（如透過支付寶HK付款購物則只須單一簽帳滿HK$250以上）即可享10倍簽帳積分獎賞；中銀Visa卡客戶更可享15倍簽帳積分獎賞！此優惠都只需登記一次即可享有優惠。立即登記

優惠期：2017年9月1日至10月31日
登記期：2017年9月1日至11月2日

中銀信用卡：食肆簽帳高達15倍積分

中銀信用卡客戶除咗網上簽帳，食肆簽帳都有15倍積分！9月至10月憑中銀信用卡於全港任何食肆簽帳滿HK$3,000（只計單一簽帳滿HK$500之交易），可享10倍簽帳積分獎賞；中銀銀聯雙幣卡客戶更可享15倍簽帳積分獎賞！只需登記一次即可享有優惠。立即登記

優惠期：2017年9月1日至10月31日
登記期：2017年9月1日至11月2日

延伸閱讀：2017信用卡旅遊優惠大集合

——

想知更多 信用卡優惠 ，可即上我哋嘅信用卡比較平台，或留意MoneyHero.com.hk Blog，同埋緊貼我哋嘅Facebook Page！
經我哋申請仲可以獲得額外獎賞現金券，詳情請按此。

The post 本周 信用卡優惠 情報（10月13日更新） appeared first on 理財資訊.

2017年嘅「稅貸大戰」經已展開序幕！在眾多貸款產品中，稅貸一向最令人注目，因為利息比私人貸款低，各大銀行亦好大機會鬥低息搶客，以上年為例，稅貸年利率曾低見1%，呢排想借錢嘅打工仔可以再耐心等等。申請稅貸前，MoneyHero.com.hk先提提大家關於揀選稅貸嘅幾個重點，作出精明選擇！

稅貸 同普通貸款有乜分別？

稅貸 係每年稅季都會推出嘅特別貸款產品，大部分銀行嘅 稅貸 係每年10-11月到第二年嘅4月都有得申請，為打工仔渡過交稅難關（亦可用作其他用途）。

稅貸同普通貸款嘅分別在於，稅貸申請時要用稅單證明，只係稅季先有得申請。稅貸最大嘅優點就係佢一般都比普通私人貸款利息更平。不過佢嘅還款期一般係比私人貸款短，往往只係12個月左右，而私人貸款的還款期最高可長達84個月。另外，稅貸最高貸款額則為月薪的10-12倍，而私人貸款則最多可借月薪18－20倍。

如果你打算申請稅貸，就要留意以下6個重點：

重點1：APR（實際年利率）

銀行所提供嘅各式優惠（例如免息期、現金回贈等）可能會令你花多眼亂。你可以乜都唔睇，但一定要睇稅貸產品嘅實際年利率（APR）！實際年利率將所有優惠及手續費計算在內，可以最實際咁俾你知道利息高低，反映出借錢嘅實際支出。

重點2：利息優惠有條款

好多銀行在宣傳低息/免息貸款優惠嘅背後，其實係有條款，並非一定人人都可以享受到呢啲優惠。一般而言，低息貸款會有指定嘅貸款額，你要借夠某個數先可享用到嗰個低息優惠，所以借之前記得留意番。

重點3：免息優惠有時限

一般嚟講，所謂免息優惠都只會覆蓋還款期頭幾個月，而唔係成個還款期，所以大家記得睇清楚免息期有幾長。

重點4：信貸評級影響優惠

大家都知，銀行係會參考申請者嘅信貸評級去決定批唔批貸款。其實，銀行亦會根據你嘅信貸評級狀況，去考慮俾唔俾最低息優惠你。如果你嘅信貸評級麻麻，即使能借到貸款都未必能享受到低息優惠或免息期。所以大家要關注一下自己嘅信貸評級喇！

（相關閱讀：想提升信貸紀錄借錢？ 5大評分升級貼士！）

重點5：稅貸唔止用來交稅

好多人以為稅貸只可以用來交稅，其實唔係。有些人會借稅貸嚟投資或作其他用途，因為稅務貸款嘅利息一般都會比私人貸款平。不過大家要留意，稅貸還款期比較短，所以申請時記得量力而為，衡量一下自己有無足夠還款能力呀！

重點6：新客戶 / 網上申請優惠

通常，新客申請稅貸都會有首次申請優惠。而好多時經由網上申請，不論新客定舊客都會有網上申請嘅額外優惠，所以不妨試試以網上申請，攞盡優惠！

想了解、比較和申請稅務貸款，請留意MoneyHero.com.hk的相關資訊，以及上我們的比較平台。（稅貸比較平台將於10月中開放，請密切留意！）

——

延伸閱讀：職場新人指南： 報稅交稅 Q&A

相關文章︰【認識 結餘轉戶】清卡數貸款到底慳幾多利息？

延伸閱讀︰無懼不良信貸紀錄，5招教你申請私人貸款！

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【稅務貸款2017】借 稅貸 前要留意的6個重點 appeared first on 理財資訊.

如果你家中 寬頻上網 服務到期，好多時你會發現，無論係什麼服務供應商，即使你係舊客戶，如果自動續約，價錢都可能畀新客戶更貴！好多服務供應商係看準舊客戶唔想煩嘅心理，加上寬頻上網又海鮮價，資訊不透明令好多朋友都嫌太麻煩，續約算數！不過，上網幾乎成為家中必須品，不如等MoneyHero.com.hk幫你比較各大供應商嘅上網價錢，等你可以做個精明消費者啦！（2017年10月更新資料）

申請寬頻小知識：

我諗大家都試過，覺得俾寬頻公司呃咗咁：明明話係100M，做乜到要上下載嘢嘅時候，每秒又係得個一千幾百K？等我哋首先幫你搞清楚幾個寬頻上網觀念先啦：

1）乜嘢係光纖上網？

過去我哋嘅寬頻上網，係使用銅線作為傳送資料嘅媒介，傳輸率相對比較低。而近年我哋開始多用咗傳輸率較高嘅光纖上網。光纖其實係由玻璃同塑料製成，成本平得嚟功率又高，最高速理論上可達10G或以上，所以光纖就開始取代咗銅線，成為主要嘅上網連網技術喇。目前市面有提供的光纖上網，速度慢至1M，快至10G都有，當然價錢會有所不同。

2) 街站申請同網上申請，價錢都唔同？

網上申請上網服務，當然比較方便，但其實部份嘅寬頻服務，你係街站申請，價錢都會比較平，根據消委會最新嘅調查，網上行、香港寬頻、有線寬頻及3，於街站申請都有機會較平，但實際情況就要睇你係住什麼地區喇。

3）公屋同私樓唔同價錢？

對，同一服務，同一公司，公屋同私樓用戶價錢都不同。除咗公、私樓嘅分別，不同區份亦會有不同的優惠價。此外，部分村屋最近亦開始有光纖入屋服務，但好多時都要俾較高嘅價錢，甚至要俾額外嘅安裝費。

4）光纖入屋定入機房？

另外一個影響網速嘅就係光纖到底係入屋定只係到機房喇。如果係FTTB（Fiber-to-the-Building），即係話光纖只係到你座大廈嘅機房，而由機房到你個住宅單位只係用銅線，代表你要同全大廈用同一寬頻公司嘅人Share速度，速度上非常冇保障。而FTTH（Fiber-to-the-Home）就即係光纖直接入到你所在嘅住宅單位，確保咗你嘅上網速度。

5）上載同下載速度其實不同

當你申請寬頻時，Sales其實係話你聽兩個速度，下載速度一般比上載快，例如當佢話「500M/100M」嘅時候，就代表下載速度係500M，上載速度就係100M。

6）你的電腦會影響上網速度

你所用的電腦設備，包括數據器同Router亦會對速度有影響。有啲寬頻公司提供速度保證計劃嘅時候，都有限制你電腦嘅規格。

7）點先係真正速度？

好喇，重點係，其實就算係500M下載，唔代表你可以1秒內下載500MB嘅檔案，因為佢哋用嘅單位係不同的！寬頻公司口中嘅500M，其實係指網速，而佢哋用嘅單位係bit（位元），而唔係Byte（位元組）。8 bit先等於1 Byte，而我哋平時嘅電腦檔案大小，係用Byte做單位。所以對電腦嚟講，理論上，你要將網速（例如500M）除以8，先係真正速度。

咁你就將500M除以8=62.5M，係唔係就係每秒最高嘅下載速度？又唔係喎，因為係高速傳輸中，傳送1 Byte，就需要傳10 bit，其中2 bit用來做檢查碼。

好複雜？簡單啲講，將寬頻公司聲稱嘅速度除以10，就大約係你電腦最快嘅下載速度。例如佢話有500M下載速度，咁你每秒可下載嘅檔案，最大就有約50MB。咁算唔算快呢？其實都係睇你點用法啦。

各大寬頻公司參考收費

其實大家對寬頻公司都有一定刻板印象啦：Netvigator最快但最貴、香港寬頻性價比OK、有線寬頻就…….但其實無謂用刻板印象評定喇，等我哋幫你比較佢哋嘅服務價錢啦。

我哋今次挑選比較服務嘅條件，就係新用戶、1000M光纖入屋、簽約24個月嘅價錢！（資料只供參考，由各供應商及其代理人於2017年10月提供，實際收費及優惠由供應商決定。）

（溫馨提示：好多時我哋申請上網，都會用信用卡繳付月費。想知道更多信用卡嘅優惠資訊？立即使用我哋嘅比較工具，搵出最適合你嘅信用卡！）

相關文章︰【信用卡繳費】交水電煤費 都儲到飛行里數？

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 光纖入屋 寬頻上網 價錢比較！（2017年10月價錢更新） appeared first on 理財資訊.

交稅季節又到，各大銀行低息 稅貸 產品陸續出爐。各位準備借稅貸嘅朋友，面對咁多選擇可能都心大心細，唔知選擇邊款稅貸好，等 MoneyHero.com.hk 為大家分析一下，揾出邊間銀行嘅稅貸至係最抵！（2017年10月13日更新資料）

實際年利率：

各大銀行稅貸比較：

富邦銀行︰

• 貸款額︰最低貸款額為1萬元，最高可達月薪8倍或上限100萬元
• 實際年利率︰低至1.97%﹙須為特選客戶申請80萬元以上貸款﹚
• 還款期︰12 / 18 / 24 個月
• 批核時間︰經電話申請，最快可於30分鐘獲悉初步批核結果；成功遞交所需資料及文件，最快可於1天知悉最終批核結果

特選客戶包括公務員、醫管局職員及指定專業人士。假若普通客戶申請10萬元貸款，以12個月還款期為例，利率為4.31里，每月需還$8,529.2，貸款將直接存入客戶指定之銀行戶口。另外，若果夫婦同時申請，息率將按兩人獲批核貸款總額計算，可共享更低息率優惠。

大新銀行︰

• 貸款額︰最低貸款額為5,000元，最高可達月薪10倍或上限100萬元
• 實際年利率︰低至0.68%﹙客戶須同時成功申請交稅「快應錢」及360°「易出糧」服務﹚
• 還款期︰12 / 24 個月
• 批核時間︰經大新「EID驗證」，可即時數碼批核貸款額

若成功申請稅貸及大新ONE+信用卡，一般客戶最低APR為1.72%；特惠客戶最低APR為1.38%。若想享有低至0.68%APR，客戶須同時成功申請交稅「快應錢」及360°「易出糧」服務，而貸款額最高為稅額1倍或十萬元，還款期為12個月。假設普通客戶申請10萬元貸款，以12個月還款期為例，利率為2.68里，每月需還$8,453.4。

特惠客戶包括公務員、民航客機機師、專業人士、 指定政府機構 / 公營機構職員、全職教師或專上學院 / 大學教職員、或大新現有360°「易出糧」服務之客戶；或現有按揭貸款客戶；或現有VIP銀行服務客戶；或於推廣期內申請稅貸，並同時成為大新VIP銀行服務之客戶。

想了解、比較和申請稅務貸款，請上我們的比較平台。或即按此，了解更多銀行的貸款產品。

——

延伸閱讀：職場新人指南：報稅交稅 Q&A

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【 稅貸 大戰2017】銀行稅務貸款比較﹙不斷更新﹚ appeared first on 理財資訊.

對於學生來說， 報稅交稅 是一件很遙遠的事。但當你投身社會後，就記得要履行公民責任，準時 報稅交稅 。到底 報稅交稅 要注意什麼呢? 一於等MoneyHero.com.hk為你講解！

香港稅制基本知識

薪俸稅是按你於課稅年度的實際收入所徵收的，而課稅年度是指每年4月1日至下一年3月31日的12個月。如果你在2016年6月1日開始工作，那你應該在2016-2017課稅年度申報你於2016年6月1日至2017年3月31日期間的收入。

薪俸稅額是（1）按你的「應課稅入息實額」以「累進稅率」計算；或（2）以「總入息淨額」以「標準稅率」計算，兩者取較低的稅款額徵收。

請注意，財政司司長建議由2017/18課稅年度起將應課稅入息實額由40,000元擴闊至45,000元。

報稅Q&A：

Q1：我如何知道自己需不需要報稅？

A：假如你在該課稅年度的薪俸收入不超過基本免稅額（年薪13.2萬元），便無須報稅或繳納薪俸稅。不過，如果你收到稅務局發出的個別人士報稅表（BIR60），就算你沒有任何收入須申報，你仍要依時填妥及提交報稅表。

Q2：稅務局會在什麼時候寄報稅表給我？

A：稅務局一般會在每年5月第一個工作天寄報稅表給納稅人。如果你是第一次繳稅，稅務局則要先為你設立新檔案才可寄報稅表，所以沒有固定的寄發日期。而你的僱主應在你上任後3個月內通知稅務局，故當局通常會於收到你僱主填報的IR56E表格後的5個月內發出報稅表。如果你須繳稅而又沒有收到報稅表，就應該在該課稅年度完結後4個月內（即7月31日前）通知稅務局。

Q3：我有多少時間填寫報稅表？

A：收到報稅表後，你應該於發信日期起計1個月內交回報稅表。不過，你亦可以在稅務局的網上平台「稅務易」開設個人帳戶，並會自動獲延期1個月。不過，你要先在網上申請啟動密碼才可自選你的「稅務易」通行密碼。稅務局會在2個工作天內將啟動密碼通知書郵寄給你，所以如選擇網上報稅，記得預留幾天時間。

Q4：如何計算薪俸稅？

A：你可以利用稅務局的稅款計數機計算你在課稅年度要繳交的稅款。記得細閱有關稅項扣除和免稅額的詳情，了解如何減少你的稅款。例如下表列出部份常見的免稅額︰

*第1至9名計算

^直至被取代。

Q5：如果我想申請扣減「個人進修開支」等支出，是否須要提交文件供稅務局查核？

A：提交報稅表時，你無須附上證明文件，但你應該保留有關開支的收據和紀錄6年（由有關課稅年度完結起計），以便日後有需要時供稅務局查核。

Q6：逾期報稅會有何後果？

A：如果你沒有合理解釋而逾期提交報稅表，有可能會被罰款1萬元及少徵收稅款的3倍。不過，你亦可以書面形式申請延期呈交，只要你能提供合理解釋和證明，稅局或會酌情延長申報時間。

首次交稅Q&A：

Q1：我應該在什麼時候交稅？我可以如何繳稅？

A：每年10月開始，納稅人會陸續收到評稅通知書，列明你應繳付的稅款總額。除了親臨郵政局和便利店等地方繳稅外，你亦可以透過互聯網、銀行自動櫃員機或郵寄等方式交稅。此外，你亦可以申請稅務局的電子儲稅券計劃，購買儲稅券，並可享有「自動交稅」服務。

Q2：我收到評稅通知書，但發覺評稅不正確，應該怎樣做？

A：如果你不同意評稅結果，你應該在評稅通知書發出日期後的1個月內以書面提出反對評稅，並清楚說明反對理由。如果你發現填寫報稅表時有錯漏而導致稅評不正確，則應該以書面方式向評稅主任提出修訂。

Q3：我現在有財政困難，無力交稅，應該怎樣做？

A：你可以向追討欠稅組申請分期繳稅。不過，如果你在繳稅限期仍未清繳稅款，稅務局會徵收不多於5%的附加費；如果你在繳稅限期日6個月後仍未清繳全部稅款，更會加徵10%附加費。

除此之外，你亦可以考慮向銀行或借貸機構申請稅貸，因為稅貸的利率較低，而且申請較容易獲批。想知道選擇稅貸有什麼要注意? 可閱讀【稅務貸款2017】借 稅貸 前要留意的6個重點。

（即上我們的稅貸比較平台，選擇最適合你的稅務貸款。）

Q4：不依時繳稅會有何後果？

A：根據《稅務條例》，如果納稅人在評稅通知書上訂明的日期後仍未繳交第一期稅款，第二期稅款將被視為立即到期論。而評稅通知書內尚未繳付的應繳稅總額將全數被視為欠稅，稅務局可採取法定追稅行動，包括徵收5%附加費、向第三者發出追收稅款通知書及進行法律行動等。

瀏覽香港稅務局的網站，了解更多申報稅項和交稅的詳情。

稅務局 – 首次申報薪俸稅指南

個別人士報稅表指南

——

延伸閱讀︰【 稅貸 大戰2017】銀行稅務貸款比較﹙不斷更新﹚

相關文章：INFOGRAPHIC：全球薪俸稅稅率大比拼

想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！

The post 職場新人指南： 10大報稅交稅 Q&A 2017 appeared first on 理財資訊.

儲蓄係達到財務自由的不二法門，但當你每月儲到一筆現金，你有沒有想過該如何投資，讓你得到適當的回報？股票是香港人賺取投資回報的重要途徑，不過，一般股票買賣有一定資金門檻，而且何時入巿亦好考時機判斷，想節省時間又想跟隨大巿獲得回報？ 月供股票 其實係極好的投資途經，不但可以平均成本、節省時間，甚至可以儲信用卡積分添！想知 月供股票 攻略？等 MoneyHero.com.hk 幫下你啦！

什麼是 月供股票 ？

要理解月供股票，先要理解股票一般是怎樣買賣。我們日常看到的股價，是每股的價錢，而我們一般買賣股票，是以一手為單位。以匯豐控股（0005.hk）為例，一手股數為400，那麼根據匯豐2017月10月15日的收市價$77.20，一手售價就是$30,880了。所以如果你想買匯豐，手頭上就需要有$30,880再加上手續費，方能購入。

一般市民未必每個月都有足夠買一手股票的儲蓄，如果在你儲錢的過程中，股票價格上升了，你其實就錯失了這段時間可以獲取的投資收入了。

月供股票，就可以幫你將現金盡快轉為股票投資，只要每月給一定的手續費，就能以股為單位，每月買入指定名單內的股票。一般月供股票的手續費約$50－$100，另外可能有存倉費、出售股票附加費等，大家要留意個別銀行或證券行的收費。通常你月供的金額愈大，你的平均行政開支就愈低。

月供股票的好處

1）平均成本：股票價格有升有跌，如果你在某時間點購入股票，而那時剛好是價格高位，那你就做不到低買高賣嘅效果了。當然，你捉得住歷史低位買入最好，但唔係每個人睇個位都咁準，用月供就可以平均購入成本，長遠嚟講減低風險。

2）趁低買入：你成日想趁低買入，但又成日估錯市？定額月供股票就幫到你減低平均成本喇。個邏輯係點？當你每月都供一個金額，當價格下跌，你買入嘅股數自然多咗，長遠做到低價買入嘅效果！

3）不用看市：時間是最大的成本，月供股票的話，你可以在戶口選好股票同金額就唔使再理，唔使時時睇下自己有冇買貴，有冇買平，可以將時間放喺更有意義嘅事上面。

4 ）早日入市：好多時大家想投資股票嘅一大障礙，就係儲唔夠錢入市。但唔知點解，啲錢儲極都唔會夠喎。梗係啦，啲錢儲咗喺度又冇特別用途，好易就使咗喇。月供股票就幫到你解決呢個問題，每月低至$1,000都可以開始供股，你咪可以早買早享受，早啲得到投資嘅回報囉！

5 ）購買優秀股：在各大銀行月供股票名單內的公司，大都是藍籌（即恆生指數成份股）或各類指數基金，或者唔會出現短時大升幾倍的情況出現，但卻會相對穩定可信，定期收息，相對緊貼大巿。如果你選擇月供價格同恆指掛勾的盈富基金（2800.hk），你的投資回報就幾乎等於大巿，其實已經跑贏好多專業投資者了。

6）信用卡儲分：係喎，月供股票都可以用信用卡儲分，市面上有啲銀行提供月供股票計劃，如果你用埋佢哋銀行嘅信用卡供款，就能賺埋信用卡積分。以中銀為例，連續供款時間愈長，兌換積分嘅比率仲會愈高添。當你供咗24個月以上，供款金額可以1:1比率換取信用卡簽賬積分。而現時中銀信用卡積分要換一張$100嘅現金券，需要25,000積分。儲儲埋埋，一年都有機會換幾張現金券啦！

想知多啲信用卡資訊？即入我哋嘅 比較平台！

月供股票的疑問

一手碎股點樣算？手頭上 股票 唔係一手手，買家往往會擔心售出價格會有折讓。事實上，許多月供股票投資計劃，碎股沽出價格都會低於正股價，不過部分銀行如中銀香港同永隆銀行就可以正價出售碎股。

月供股票有什麼選擇？月供股票係唔係所有股票都買得？當然唔係啦。一般有此服務嘅銀行同證券行，都會有個範圍嘅股票給予客戶選來月供股票，當中多是藍籌，亦有不少ETF。

參考資料

以下是部分有月供股票服務嘅銀行同證券行嘅股票選單同詳情：

滙豐銀行

中國銀行

致富證券

花旗銀行

恆生銀行

——

延伸閱讀：股票投資新手攻略：港股之入門

延伸閱讀：做個精明里數達人：交水電煤費儲 Air Miles 攻略

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 月供股票 攻略：由$1,000開始投資！（2017年10月更新） appeared first on 理財資訊.