短評： 信銀國際VISA白金卡 本地零售簽帳^可享5%現金回贈，回贈率非常之高！不過要留意佢嘅簽賬要求：首先，每月要總簽帳額達HK$3,000，當中的本地簽帳才有5%回贈 ；其次，「5%回贈」當中有4.45%屬額外回贈，而額外回贈上限為每月HK$100，計返即係每月本地簽帳滿HK$2,250拎夠$100回贈，但要簽多HK$750簽帳先符合HK$3,000的要求。

此卡的基本回贈為0.55%，比一般信用卡的0.4%為高，而且所有零售簽帳適用，連網上繳費、自動轉帳、分期付款、現金透支等簽帳都有回贈！市面上網上繳費有分嘅信用卡唔多，所以推薦用此卡繳費。12月31日用此卡透過Apple Pay付款，仲可以賺多5%回贈！

^不包括任何網上簽帳

信銀國際VISA白金卡詳情

本地零售簽賬： 0.55%回贈+ 4.45%額外回贈 *
網購簽帳：0.55%回贈 
海外簽賬： 0.55%回贈
外幣交易手續費：1.75%
網上繳費：0.55%回贈（只限每月首$10,000簽帳）
八達通自動增值：0.55%回贈
現金透支：0.55%回贈
自動轉賬：0.55%回贈
分期付款：0.55%回贈

* 新卡批核後首12個月內， 只需每月以信用卡作認可簽賬達HK$3,000或以上，其中合資格本地簽賬可賺取高達5%現金回贈，每月之額外現金回贈上限為HK$100，全期最多可享HK$1,200額外現金回贈。

其他優惠：

憑卡以Apply Pay付款，即賺取5%現金回贈，每月最高回贈額為HK$100。（優惠期至2017年12月31日）

年薪要求：HK$150,000

迎新優惠：新客戶網上成功申請並於首三個月內達簽帳要求，即送以下其中一項禮物

1. PROBEETLE by Eminent 24″ 旅行箱 或
2. AKAI 抗敏UV除蟎機 或
3. HK$300 現金回贈

旅行箱 或 除蟎機：發卡後首3個月內以零售簽賬或現金透支淨額滿HK$6,000或以上
HK$300 現金回贈：發卡後首3個月內以零售簽賬或現金透支淨額滿HK$3,000或以上

現於網上成功申請，額外送多$100現金回贈！另外，無論你是新客戶定現有客戶，即日起至2017年12月31日，經MoneyHero.com.hk成功申請仲獨家額外送$200現金劵！

按此查看更多信用卡介紹

你亦可前往MoneyHero信用卡比較平台，比較埋其他信用卡！

——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 信銀國際VISA白金卡：本地簽帳5%回贈 appeared first on 理財資訊.

去年3月，AlphaGo戰勝世界頂尖圍棋大師李世石的消息不脛而走之後，人們對於人工智能的關注達到了前所未有的高度，當時世人開始猜測， 人工智能 殺入投資界的時間會否加速，看來猜測很快變成現實，而且被動的金融服務行業或者正悄悄發生變革。

最近，渣打香港計畫推出聊天機器人，該機械人將會以自然和接近人與人的溝通方式，替零售銀行客戶查閱帳戶資料、繳交費用、轉帳、追蹤開支及分析消費模式。除了零售銀行外，人工智能也開始涉獵投資界，若仍在這些崗位打拼的各位打工仔，相信應該考慮是時候自我增值以尋求更多出路，因為新的時代即將來臨。萬賢今次將為大家簡介一下何為智能投資，以及未來智能投資的趨勢。

關於智能投資，即是運用大數據和雲計算，並建基於技術分析的基礎上高效處理數據，最後由機器運算出分析指標，進而制定所需選擇的標準。

人工智能ETF跑贏大市?

近期，一隻名叫AI Powered Equity ETF(AIEQ)的人工智能ETF橫空出世，僅兩個交易日就輕鬆跑贏美股大盤，雖然如此，很多金融機構仍然抱著半信半疑的心態去對待，畢竟這需要時間去觀察人工智能ETF是否在市況波動的環境中仍能跑贏大市以及作出正確的操作。

2017年10月18日是AIEQ正式交易的第一天，交易3天後，AIEQ的回報率為0.83%，而同期標普500指數和納斯達克綜合指數表現為：前者漲0.48%，後者跌0.42%。也就是說，AIEQ在短短3個交易日成功跑贏了美國兩大股票指數，但截至筆者執筆的11月11日，查看資料發現，現時AIEQ暫時跑輸大市，究竟是AIEQ選股出現問題還是ETF Manager 在得到AIEQ的分析後而判斷失誤，相信短期難以得到答案，想探討的讀者建議可繼續觀望。

ETF AIEQ 短時間可分析6,000公司

先講講這隻人工智能ETF AIEQ的背景，人工智能ETF AIEQ是由美國EquBot公司和ETF Managers Group合作推出。EquBot是IBM全球創業項目之一，專門使用創新的投資技術，創建設計目標在於消除金融市場中的財富歧視問題。ETFMG則是一家業內領先的交易所交易基金(ETF)私人品牌服務公司，從這裡我們可以發現，該ETF並非全由機器人自動操作，最後仍需基金經理作出判斷。不過，挑選方面的局限性與高效性同樣得到體現，ETF AIEQ一方面幫助基金經理省卻了不少時間，另一方面，卻局限了選擇的標準。

那麼人工智能ETF AIEQ的優勢在哪裡呢？萬賢認為，其在於懂得利用人工智能和機器學習，對全美6,000多家上市公司進行分析，構建上百萬份資料和衆多金融模型，從當前經濟形勢、未來趨勢以及公司重大事件等方面進行深度分析後，再挑選出包含70隻股票的投資組合，然後由ETF Managers Group的一個基金經理團隊對投資組合進行再權衡。

而且，根據EquBot公司介紹，他們還聘請了IBM的超級計算機Watson，Watson將提供美國上市公司和房地產信託基金過去10年的歷史數據，同時結合近期的經濟數據，幫助AIEQ做出基礎分析。

萬賢相信EquBot與Watson的攜手合作，共同打造了的一支1天24小時、1年365天全年無休的股票研究分析軍隊，兩大好處包括︰沒有人為偏見的同時，亦大大節省人力成本，相信可加快智能投資普及至散戶投資。

智能投資提早發現金融危機

人工智能發展不斷受到機構投資者歡迎，除了被動地得到可觀收益外，在判斷金融危機何時出現時亦有其妙處，2007/2008年全球金融危機期間，一間紐約公司Rebellion research在當時推出了首隻人工智能投資基金，該基金不僅成功預測了2008年股市大瀉，而且在2009年歐債危機之前的1個月亦對「歐豬五國」之一的希臘的債券給予F評級，而同期的美國3大評級機構之一的惠譽的評級則對希臘同類債券的評級仍然維持A，當時該公司的交易系統主要基於貝葉斯機器學習，並結合預測算法，通過響應新的外部信息和過去經驗而不斷自我演化，有效完成自學習，在全球44個國家成功進行股票、債券、大宗商品和外匯等領域投資。

智能投資開始為個人投資者服務

除了上述提到智能投資能幫助大型金融機構服務外，智能投資最近已經開始涉足個人理財領域，內地廣發銀行早前宣佈推出自主研發的智能投資理財平台，名為廣發智投的平台。由於內地銀行機構監管趨向嚴格，因此，該平台自今年3月開始實盤試運，而其推薦的偏股型策略中的三款基金組合平均收益率約為11.05%，同期市場平均收益率為5.74%，推薦的偏債型策略中的兩款基金組合平均收益率約6.48%，同期市場平均收益率1.72%。總結所得，該平台試運行半年的理財收益高於市場平均水平2至3倍，相信個人投資者在未來選擇銀行理財產品方面會得到更好的服務，因為該平台選擇透明的後台運營方式讓各位投資者參考。

廣發智投平台與市場上同類智能投顧產品使用的黑盒策略不同，採用的是白盒策略，投資者可清晰地知道背後交易策略、目標與歷史運作情況，並根據自己的需求進行選擇。截至8月底，廣發智投平台的基礎數據庫收錄各類數據近5億條，覆蓋公募基金超過4,000隻，數據維度包括全量宏觀經濟指標、基金業績指標及近百家券商每月數百份宏觀研究報告等。相比之下，傳統理財產品甚至大家熟悉的MPF產品只告知組成成分以及投資回報等，但涉及經濟指標以及宏觀報告方面卻乏善可陳，相信未來各位的MPF投資標選擇會出現新的方向。

智能投資潛在市場有多大？

中國首份《人工智能理財市場專題分析》報告指出，人工智能在金融業的應用已逐漸成熟。預計到2020年，中國人工智能理財規模將達5.22萬億元人民幣。中國國務院最近也正式印發《新一代人工智能發展規劃》(簡稱《規劃》)，將發展人工智能提升到國家戰略的高度。

該《規劃》提出，要建設一批人工智能骨幹企業，並設立3個階段目標：第一階段是到2020年，人工智能總體技術和應用與世界先進水平同步，人工智能核心產業規模超過1,500億元人民幣，帶動相關產業規模超過1萬億元人民幣。第二階段是人工智能產業進入全球價值鏈高端，人工智能核心產業規模超過4,000億元人民幣，帶動相關產業規模超過5萬億元人民幣。第三階段是形成較為成熟的新一代人工智能理論與技術體系，人工智能核心產業規模超過1萬億元人民幣，帶動相關產業規模超過10萬億元人民幣。

金融服務智能化已是大勢所趨，即上 MoneyHero.com.hk 信用卡、私人貸款、旅遊保險及按揭體驗個人化比較平台，一次過輕鬆睇晒所有最新優惠，先至作出理財決定！

相關文章︰【投資交叉點】 買樓 定買股票好？

相關文章︰【新手上路】 抽新股 IPO入門攻略

作者簡介︰

萬賢
現職香港證券投資分析員，曾任職本港報章財經記者。

——

The post 【信人定信A.I.？】 人工智能 殺入投資界！ appeared first on 理財資訊.

香港嘅聖誕節從來唔愁冇嘢玩，例如近年多咗地方舉行 聖誕市集，售賣各種窩心的聖誕精品，特別有節日氣氛。除咗聖誕市集之外，聖誕當然唔少得玩埋海洋公園、迪士尼、AIA嘅聖誕特別活動啦！等MoneyHero.com.hk為大家逐一介紹今年嘅聖誕 好去處！

太古地產白色聖誕市集2017

今年太古地產的「白色聖誕市集」會打頭陣，喺11月尾及12月頭的2個周末，分別在灣仔星街小區及太古坊糖廠街舉行，市集將會有聖誕販賣攤位、自製工作坊、節慶佳餚飲品及精彩的現場表演，為大家帶來節日新驚喜。

兩個市集都均會有一個20呎高的薑餅人汽球作為市集的標誌。糖廠街更設有全港首個真人比例的薑餅人足球機，遊人可以組隊參加比賽為慈善籌款，仲有糖霜飄雪機的仿製糖霜在頭頂飄下，體驗白色聖誕！

星街小區市集
2017年11月24日 (星期五) 中午12:00 ‑ 下午8:00
2017年11月25日 ‑ 26日 (星期六及日) 下午1:00 ‑ 7:00
香港灣仔星街小區 Starstreet Precinct

糖廠街市集
2017年11月30日 ‑ 12月1日 (星期四至五) 中午12:00 ‑ 下午8:00
2017年12月2日 (星期六) 下午1:00 ‑ 7:00
太古坊糖廠街及太古坊1樓辦公樓大堂

海利公館聖誕市集2017

除咗擁有百年歷史的古蹟1881，香港邊度更能營造歐洲般嘅聖誕氣氛？今年聖誕，位於1881的海利公館繼續舉行聖誕市集，感受濃濃的節日氣氛之餘，更讓你大飽口腹！

市集將會售賣精緻的限定小食，如「小紅蘿蔔脆」、「咖喱小田薯」、「秘制迷你手撕豬漢堡」及「意式肉丸鮮茄汁伴火箭菜」等，更特別呈獻聖誕暖紅酒暖心。你可以坐在草地上一邊品嘗美食，一邊欣賞街頭音樂表演及魔術表演，仲有得同聖誕老人合照添！

日期：
2017年12月1日 (星期五) 下午5:00 ‑ 11:00
2017年12月2日 (星期六) 上午11:00 ‑ 下午11:00
2017年12月3日 (星期日) 上午11:00 ‑ 下午9:00

地點：香港九龍尖沙咀廣東道2A號海利公館 Hullett House

赤柱芬蘭聖誕市集

赤柱聖誕市集年年大受歡迎，相信今年都唔會例外！今年赤柱廣場聖誕市集以芬蘭為主題，自然令人聯想到雪地、極光、玻璃屋同埋芬蘭美食，而呢個市集正正包含咗以上元素，除咗有逾80個攤檔提供一系列芬蘭美食同聖誕手作精品，還有異國極光玻璃屋、雪地奇緣音樂舞台、「芬蘭Jacuzzi拍照區」等打卡位，仲可以VR體驗芬蘭極光，超有聖誕氣氛！

為鼓勵大家搭公共交通工具，大會在市集舉行的日子特別提供免費穿梭巴士，由海洋公園及筲箕灣愛東商場往返赤柱廣場，及免費穿梭船隻由香港仔往返赤柱卜公碼頭，另亦會提供赤柱廣場停車場預約泊車服務。

日期：2017年12月9-10日、16-17日 (星期六及日) 中午12:00至下午8:00
地點：領展赤柱廣場天幕廣場

海洋公園 x Pinkoi聖誕市集

設計師手作平台Pinkoi 定期在香港各處舉辦市集，但想不到今年Pinkoi 聖誕市集會於海洋公園舉行。海洋公園將會變身成浪漫聖誕村莊，有最高達40呎的聖誕樹、「聖誕老人屋」、「冬日浪漫花園」及飄雪效果，喺呢種氛圍下嘅市集應該超有Feel吧！

日期：12月中旬（稍後公佈）

YMCA FARM 赤柱聖誕市集 

赤柱今年除咗有芬蘭市集外，YMCA FARM亦會在美利樓廣場舉行聖誕市集！市集有24檔攤位售賣各式手作精品，仲會以輕鬆的busking陪伴大家開心過聖誕，而且係特別日子美利樓外仲會有大型活動配合。

日期：11月 18-19、25-26 日、12月 2、3 、23-25、30-31 日
時間：下午12:30-晚上8:30
地點：赤柱美利樓廣場地下

九龍灣聖誕市集

嚟緊聖誕，淘大商場除咗有影相勁靚嘅星光花園，同埋3.5米高嘅聖誕樹之外，仲會舉行聖誕市集，俾大家買特色聖誕禮物給自己同朋友。雖然市集規模唔算大，不過住附近嘅話可以去逛下～

日期: 2017年11月9日 – 2018年1月1日
地點: 九龍灣淘大商場

想知各大商場聖誕有乜打卡影相位，睇埋：【聖誕攻略2017】聖誕商場打卡影相好去處

主題樂園

除咗逛市集之外，聖誕期間各主題樂園仲有以下活動，啱晒鍾意玩嘅你：

海洋公園聖誕全城HO HO HO

海洋公園每年都有聖誕活動，今年嘅「聖誕全城Hohoho」特別新增全港首架VR過山車「越礦飛車」，帶你展開超立體視覺探險旅程！園內更有浪漫主題佈置、聖誕美食及聖誕樹亮燈儀式，還有小朋友最愛的聖誕老人屋和企鵝粉絲過聖誕等精彩節目，一次過滿足你的聖誕願望﹗

日期：2017年12月11日至2018年1月1日(全面聖誕活動將於2017年12月16日展開)
門票：成人門票$438 / 小童門票$219

按此瀏覽活動詳情。

友邦歐陸嘉年華2017/2018

AIA友邦歐陸嘉年華已確定於12月再次同大家見面，連續4年同大家歡渡佳節。今年活動除了保留了大眾喜愛的節目之外，仲有全新機動遊戲，世界著名製作團隊Gandey的歐陸式雜技團以及Billboard Radio呈獻的六場音樂會，無論大人定細路都啱玩！

日期：2017年12月19日至2018年2月25日
地點：中環海濱
門票詳情：有待公佈

迪士尼雪亮聖誕

如果想過一個童話般嘅聖誕，就一定要去迪士尼喇！11月16日起，整個迪士尼樂園都會換上聖誕裝飾，而一眾卡通人物亦會換上華麗嘅聖誕服飾同你影靚相，仲會有飄雪降臨美國小鎮大街！除此之外，迪士尼亦會供應世界各地的傳統應節美食，而紀念品店亦會售賣各式聖誕禮品。城堡前院仲會變身成聖誕舞會場地，讓米奇、米妮及唐老鴨等角色上演一齣特備表演。

日期：2017年11月16日至2018年1月1日
門票：標準門票$589 / 小童門票$419

按此瀏覽活動詳情。

聖誕佳節無可避免會使多咗錢，最好都係申請張現金回贈信用卡旁身，以下部分卡嘅迎新回贈高達HK$1,500，可以慳返唔少架！

1）渣打Simply Cash Visa 卡

渣打最新推出嘅Simpy Cash Visa 卡無論本地零售、餐飲、網購、八達通自動增值通通有1.5%現金回贈，海外簽帳更有2%回贈。新客戶迎新期內享100%現金回贈，簽幾多回幾多，上限HK$1,000，非常吸引！

2）Citi Cash Back Visa 信用卡

近期推出嘅Citi Cash Back Visa信用卡主打餐飲現金回贈，所有本地食肆、酒店簽賬、海外消費可獲2%現金回贈、其他簽帳都有1%回贈。迎新期內簽賬滿HK$15,000，直接回贈HK$1,500俾你！查看信用卡詳情

（11月30日經MoneyHero.com.hk申請Citi Cash Back Visa信用卡，獨家送HK$200超市現金券。）

3）DBS Eminent Card

呢張卡本地簽帳可獲1%回贈；外幣簽賬（包括網上及外地簽帳）可獲2%回贈。回贈不設任何最低簽帳要求，亦不設上限。新客戶首2個月內所有合資格本地零售簽賬HK$7,500，可獲上限$600回贈，如果有關簽賬為外幣簽賬，則另加HK$150回贈，共HK$750回贈。查看信用卡詳情

11月1日至11月30日期間經MoneyHero.com.hk 申請DBS Eminent 信用卡，獨家送HK$100現金獎賞+HK$100超市現金劵。

4 ）美國運通Blue Cash信用卡 

Blue Cash信用卡所有本地及海外簽賬一律享無上限1.2%現金回贈，最啱鍾意方便同唔想計數嘅人。呢張卡嘅迎新禮物包括︰HK$700 百佳現金券及2張免費電影戲票 (價值HK$230) 。查看信用卡詳情

而家經MoneyHero.com.hk申請美國運通Blue Cash信用卡，獨家送HK$100超市現金券。

5） WeWa卡

學生都申請得嘅現金回贈卡，喺旅遊、主題公園、睇戲、唱K 4個類別每簽HK$250即賺HK$10，即等同4%現金回贈！2017年12月31日前食肆、海外簽帳滿HK$400仲可以參加抽獎，必中2%至6%現金回贈！迎新禮物仲好多元化，例如有健身手環 / VR虛擬實境眼鏡等等。 11月30日前經MoneyHero.com.hk申請WeWa卡，額外享HK$200現金回贈+$100超市禮券。

想知道更多信用卡嘅優惠資訊？立即使用我哋嘅比較工具，搵出最適合你嘅信用卡！或即按此，了解更多不同銀行的信用卡產品。

延伸閱讀：【聖誕攻略2017】聖誕商場打卡影相好去處

延伸閱讀：香港平靚正拍拖好去處

——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【聖誕市集+主題樂園】2017香港8大必玩聖誕活動 appeared first on 理財資訊.

隨住PayMe、Tap & Go、支付寶HK等電子錢包相繼推出，大家對電子錢包已經唔陌生。不過你知唔知道 甚麼是MasterPass ？由MasterCard® 推出嘅MasterPass其實係網上電子錢包，與上述所列出嘅電子錢包有些少分別，冇P2P功能，唔可以轉賬畀其他人，但一個掣就完成網上付款程序，唔使再逐一輸入信用卡資料，亦唔怕輸入資料時畀身邊嘅人見到，令你網上購物時更安全方便。

用MasterPass有幾快？

用戶只需在登記時填好個人資料，包括姓名、電話、電郵、信用卡資料及送貨地址，平台就會儲存資料。以後網上購物登入電子錢包後只要按下「masterpass」按鈕同輸入信用卡背面嘅CVV碼，系統就會自動幫你填好晒其他資料，唔使再逐樣資料慢慢填，真正做到「一按即付」，夠晒簡單。

用MasterPass有幾方便？

MasterPass 支援多種流動裝置，無論電腦、電話、平板電腦都用得。加上強勁嘅整合功能，可以儲存多張信用卡資料，包括MasterCard、Visa、American Express，更支援5大銀行包括東亞、恒生、星展、大新、中國建設銀行所發嘅信用卡，鍾意用邊張卡俾錢都得！而家全球過百萬家網上商戶支援佢哋嘅服務，百佳、Pizza Hut、一田、百老匯戲院等商戶都可以用到，遲下仲會登陸實體店舖，即係用APP一「嘟」就可以埋單比錢，唔使再等職員刷卡。

用MasterPass有幾安全？

你登記嘅所有資料，並唔係儲存於手機或電腦裝置入面，所以萬一遺失電話都唔怕洩漏個人資料。而用電子錢包儲存資料，相比儲存資料於不同購物網站，資料外洩風險較低。Masterpass採用多重安全技術，確保你嘅資料受到保障。由於每次付款前要輸入密碼登入Masterpass，所以如果想加強保障，可以登入網上賬戶定期變更密碼。

用MasterPass有咩優惠？

Pizza Hut
即日起至2017年12月6日，於Pizza Hut網上訂購滿港幣$360，以Masterpass全數簽賬，可獲贈$90即時折扣。

Starbucks
另外，即日起至2017年12月15日，Starbucks Rewards會員只需登入星巴克手機APP，以有效Mastercard卡啟動星巴克卡自動增值功能，將自動增值額設定為$50或以上，中杯裝或以上嘅手調飲品買一送一！不過每個帳號只限換領獎賞一次。

Expedia
即日起至2017年12月31日，於www.expedia.com.hk/mastercard 此連結揀選入住2晚或以上酒店，使用Mastercard作為付款信用卡，付款時輸入推廣代碼「MASTERHK12H」，可享88折優惠。留意，入住日期為2018年3月31日前。

Hotels.com
於Hotels.com揀選入住3晚或以上酒店，使用Mastercard作為付款信用卡，付款時輸入推廣代碼「SAVEMYCARDHK」，可享88折優惠。留意，須於12月31日前預訂房間，最後退房日期為2018年3月31日。

日本樂天市場
2018年2月23日前，逢星期五憑Mastercard於日本樂天市場選購任何貨品，即享額外10%樂天超級點數，更可與其他優惠共用。

查詢更多優惠請按此。

立即登記MasterPass：https://goo.gl/RVXqey

熱門Mastercard一覽

信銀國際Motion信用卡︰網購高達5%回贈

新卡批核後首12個月內， 只需當月總簽賬額需要達到HK$3,000或以上，其中網上簽賬可賺取高達5%現金回贈，可以話係全港最高！每月之額外現金回贈上限為HK$100，全期最多可享HK$1,200額外現金回贈。另外，無論你是新客戶定現有客戶，即日起至2017年12月31日，經MoneyHero.com.hk成功申請仲獨家額外送$200現金劵！想了解呢張卡嘅詳情可按此。

渣打亞洲萬里通萬事達卡：網上簽賬$4=1里

渣打亞洲萬里通萬事達卡迎新期內簽滿$7,500就有15,000里數，其後每簽HK$2賺1里數（上限HK$170,000），即合共最多100,000里數！優惠期由即日起至2018年1月31日。迎新過後，食肆、網上及海外簽賬全年$4=1里數，仲要每個月自動幫你兌換里數同存入你嘅「亞洲萬里通」賬戶內，又唔收手續費，好適合用嚟儲里數！2017年11月30日前經MoneyHero.com.hk成功申請，送你額外$200現金劵！想了解呢張卡嘅詳情可按此。

東亞銀行Flyer World萬事達卡：網上簽賬$5=1里

東亞Flyer World萬事達卡嘅迎新禮品包括$1.5=1里，即係簽滿$9,000即可賺6,000里數，網上申請額外再送3,000里。推廣期後不論係本地、海外定網上簽賬都有$5=1里優惠，而且仲不設最低簽賬要求添！更難得係連網上繳費、自動轉帳都有$8=1里數。仲有，呢張卡嘅積分有效期都有成5年，仲可以豁免兌換里數手續費架！想了解呢張卡嘅詳情可按此。

DBS Black World MasterCard：網上簽賬$6=1里

用DBS Black World MasterCard於本地網站購物，以港幣結算可享$6=1里，海外網站購物，以外幣結算可享$4=1里。DBS$不設限期，又可以豁免兌換里數手續費，而且仲有自家嘅旅遊獎賞平台iGO Rewards ，唔使將積分轉嚟轉去，直接用嚟換機票。2017年11月30日前經MoneyHero.com.hk申請並成功批核，尊享額外$100超市現金劵！想了解呢張卡嘅詳情可按此。

Citi Prestige信用卡︰無限次免費入機場貴賓室

用Citi Prestige信用卡作網上外幣簽賬可享$4=1里，網上港幣簽賬享$6=1里。此卡仲有好多尊尚待遇，例如會送你Priority Pass全年無限次免費享用環球機場貴賓室，及任何酒店第四晚免費住宿優惠。而家經MoneyHero.com.hk成功申請，額外享HK$300現金劵！想了解呢張卡嘅詳情可按此。

想知道更多信用卡嘅優惠資訊？立即使用我哋嘅比較工具，搵出最適合你嘅信用卡！
經我哋申請獲得額外獎賞現金券的詳情請按此。

——

延伸閱讀︰【網上購物必備】5大最高回贈 網購信用卡

延伸閱讀︰【HKTVmall定士多？】7間網購平台價格、運費、送貨速度大比拼

記得留意我哋 MoneyHero.com.hk Blog，同埋緊貼我哋嘅 Facebook Page！

The post 甚麼是MasterPass ？電子錢包保障私隱 網上購物更安全快捷 appeared first on 理財資訊.

又到聖誕～又到聖誕…..數晒香港咁多個節慶，最有節日氣氛一定係聖誕節！而家12月未到，各大商場嘅 聖誕 裝飾已經準備就緒，等緊大家去影靚相了。等MoneyHero.com.hk同大家率先睇下今年各大商場有乜裝置，齊齊去影相打卡！（11月21日更新）

沙田新城市廣場：Starlight Garden 紅粉夢樂園

每年聖誕，沙田新城市廣場都佈置了浪漫燈飾，今年都唔例外。今次商場以粉紅色調的星光花園為主題，有多個超夢幻嘅打卡位，包括綻放過百萬個願望球的「星光泡泡許願泉」，還有「氹氹轉自主音樂盒」、「嫩粉花牆迷宮」、「圓滿彩雲橋」、「彩虹旋轉摩天輪」、「夢幻迴旋熱氣球」及「光影搖搖板」等，樣樣都令人心心眼，啱晒同姊妹們去打卡影相！

日期：2017 年11月26日至2018年 1 月 14 日
時間：下午12:00至下午10:00
地點：沙田新城市廣場一期七樓星光花園

旺角朗豪坊： LINE FRIENDS CHRISTMAS PLANET

Line Friends 全體將會於今個聖誕嚟到朗豪坊，同大家開太空聖誕Party！5大太空場景包括有星空城堡、星光情人橋雲霄鞦韆、MOON造型的太空熱氣球、熊大星球，仲有一個巨型熊大飄喺半空，夜晚仲會發光，非常搶眼！大家除了可跟不同的 LINE 角色合照外，玩埋VR 摘星遊戲，於朗豪坊單一消費滿$100即可參加。

日期：11月21日至2018年1月1日
時間：上午11:00至晚上10:30 (12月16日、24日及31日延長至晚上12:30；互動數碼遊戲區延長至凌晨1:00)
地點：朗豪坊4樓通天廣場

尖沙咀海港城：聖誕「喜」飛 – Christmas in the Air

聖誕必定成為打卡熱點的海港城，今年化身成「空中之城」，有3艘「聖誕飛船」停泊在此。其中最大的飛船高達7米、長達20米，有二千個LED燈發光閃閃光芒，大家更可以登上船上盡情影相！另外兩艘飛船則載滿聖誕禮物及七彩奪目的氣球。

日期：2017年11月21日 – 2018年1月1日
時間：上午10:00至下午10:00
地點：海港城海運大廈露天廣場

奧海城：櫻桃小丸子 聖誕聯歡會

今個聖誕，小丸子同同學們又嚟同大家見面喇！奧海城變身成校園，等小丸子同大家開聖誕聯歡會。聯歡會上除了有一棵10米高、掛滿小丸子小黃帽及紅色書包的聖誕樹外，更有不同遊戲同互動節目，包括VR、AR、自製Music Video、手偶工作坊及STEM工作坊等，鍾意小丸子嘅朋友都不可錯過！

日期：2017 年 11 月 20 日至 2018 年 1 月 1 日 (12月31日暫停開放)
時間：中午12:00至晚上8:00 (星期一至五)，中午12:00至晚上9:00 (星期六、日及公眾假期)
地點：奧海城2期地下主題中庭、奧海城1期及3期

葵芳新都會廣場：4萬呎聖誕花海 +「星願聖誕」

圖片來源：ezone

葵廣隔離的新都會廣場翻新多時，終於可以趁住聖誕以全新形象示人！新都會的露天廣場佔地逾4萬平方呎，鋪設了草皮讓大家席地而坐，而家四周更放滿了聖誕花，樓梯兩側用鮮花拼成一道鮮花牆，係不容錯過的打卡位！花叢之間放置了許多星星燈，去到晚上就會亮燈，特別浪漫。

圖片來源：ezone

除咗戶外的聖誕花，室內仲有3個裝置，分別是流星許願樹、浪漫摩天輪和互動情人池，其中以許願樹最為特別。高18呎的流星許願樹每小時會上演音樂燈飾匯演，期間樹上的星星會隨著音樂產生色彩變化，每半小時仲會有夢幻流星雨表演！

日期：2017年11月8日至2018年1月1日（室內裝置將於11月18起開放）
地址：葵芳興芳路223號新都會廣場

將軍澳PopCorn：聖誕閃爍光之夢樂園

將軍澳PopCorn商場今年以「燈光」作為聖誕場景，除以亮麗奪目的燈光效果帶給大家視覺享受，仲加入咗好多互動元素。踏入一樓大舞台，你會先見到由1,246顆特製LED彩燈組成的6米高星光許願聖誕樹，更可藉樹上的屏幕向愛侶摯友傳遞聖誕願望。

聖誕樹旁邊嘅通道叫做「閃爍星光之路」，每行一步，LED地板都智幻化成一顆顆不同顏色的星星，配合周遭的燈光佈置，效果非常夢幻。

另外，露天演薈廣場將豎立多個球型七彩LED燈，猶如浩瀚宇宙中的星球，輕觸星球表面更會旋即轉變其他顏色，奇妙變化絕對吸睛！

日期： 2017年11月10日至2018年1月1日
時間：中午12時至晚上10時正
地點：港鐵商場PopCorn 一期一樓大舞台、演薈廣場及地下顧客服務部旁 (位於港鐵將軍澳站 C 出口)

將軍澳PopWalk：Grumpy Bun Bun 聖誕星光樂園

本地原創插畫角色 食鼓腮兔兔「Grumpy Bun Bun」可愛程度不遜於其他人氣卡通，全港首個Grumpy Bun Bun聖誕主題裝置將會出現於PopWalk天晉滙，3期商場共有4大打卡位，最具特色係長達5米的「Grumpy兔兔星光隧道」，兔兔以不同造型配合繽紛光影燈飾，仲有大型聖誕球和雪鹿點綴，一到夜晚燈飾亮起後，有如夜空星星閃爍，非常浪漫。

走上PopWalk 1期一樓的展覽場位置，Grumpy Bun Bun 化身於裝置的互動遊戲中，蠢蠢欲動等著您來與為食的她一同接收美食，完成遊戲後，更可與不同造型的Grumpy Bun Bun Selfie 影相check-in！

日期： 2017年11月27日至2018年1月14日
時間：上午10時至下午10時
地點：天晉滙各期

尖沙咀THE ONE / 銅鑼灣皇室堡：Rilakkuma 鬆弛熊 聖誕裝置

鬆弛熊今個聖誕會喺尖沙咀THE ONE 同 銅鑼灣皇室堡現身。除咗帶埋小白熊、小雞之外，仲有新朋友「茶小熊」今次第一次來港同大家見面！

The ONE x Rilakkuma 輕鬆小熊 甜蜜小鎮

尖沙咀裝置以「甜蜜小鎮」為主題，特設6大場景影相位，包括甜蜜「心」林、甜蜜回憶製作所、黃金糖果屋、紅色聖誕大屋、甜蜜蜜蛋糕噴池及聖誕樂郵郵。

日期： 11月12日至2018年1月1日
時間：上午10時至晚上10時
地點：The ONE UG2中庭、地下露天廣場及L2

皇室堡 x Rilakkuma輕鬆小熊 夢幻雪國

而銅鑼灣嘅主題係「夢幻雪國」，設6大遊玩設施，包括4.5米高旋轉聖誕機小木屋、3米高夢幻飄雪水晶球、室內冰雪旋轉滑梯、暖笠笠「鬆」餅塔等等。

日期：11月11日至2018年1月1日
時間： 上午10時至晚上10時
地點：皇室堡地下中庭及1樓

將軍澳東港城：Miffy 與你雪地迎聖誕

今年東港城有好多Miffy陪大家過聖誕！呢個Miffy大型聖誕裝置佔地5,000呎，設有5個影相場景，當中仲有全球首次現身的特別版造型Miffy，在聖誕蛋糕大擺設旁圍圈列陣，其他裝置包括立體巨型聖誕卡、miffy聖誕禮物小火車、聖誕High Tea樂園同埋巨型miffy茶壺！

除咗有多款裝置俾大家打卡影相之餘，每日下午仲有一場miffy pancake工作坊，於商場以電子貨幣單一消費滿HK$200即可參加，12月起仲有pop-up store登場，售賣多款miffy限量精品。

miffy聖誕擺設
日期：即日起至2017年12月27日
地址：坑口重華路8號東港城一樓展覽場

miffy pancake 工作坊
日期：2017年11月18日至12月23日（逢星期六）
時間：3pm-3:45pm

miffy 聖誕期間限定店
日期：2017年12月1日至12月27日
時間：星期一至日：12nn-8pm

馬鞍山新港城中心：比奇堡聖誕深海之旅

喺新港城中心，今個聖誕會有來自深海的海綿寶寶，帶俾大家一個水底聖誕！今次佢搵埋派大星 、蟹老闆 、章魚哥 、珊迪及小蝸一大班Friend在「海底」歡迎你，呢個海底除咗有菠蘿屋，仲章魚哥屋企同摩天輪，俾大家盡情影相！

記得唔好錯過全亞洲獨家「Q 版」海綿寶寶期間限定店，店內出售近 20 款全亞洲首次發售之主題限量精品，款款都有海綿寶寶眼仔碌碌個樣，可愛指數爆燈！

比奇堡聖誕深海之旅
日期：2017 年 11 月 5 日至 2018 年 1 月 2 日
時 間: 10:00am-10:00pm
地 點: 馬鞍山新港城中心 L2 天幕廣場

全亞洲獨家「Q 版」海綿寶寶期間限定店
日 期: 2017 年 11 月 5 日至 2018 年 1 月 2 日
時 間:12:00nn-10:00pm
地 點: 新港城中心 L3 活動區

上水廣場：抱抱維也納原創水晶球珍藏展

白雪飛舞、閃爍又繽紛的水晶球，相信係好多人童年最愛嘅聖誕擺設。今年聖誕，飄雪水晶球的發明人Erwin Perzy家族首次把近百年歷史的手造飄雪水晶球，由維也納水晶球博物館帶到上水廣場展出！

商場矗立7米高巨型水晶球聖誕樹，展出逾60件精選作品全部由Erwin Perzy家族親自設計和製作而舉世無雙的水晶球，更把特別把展館設計成巨型立體幻彩水晶球裝置，讓你置身水晶球當中，漫遊充滿歐陸風情的維也納白色小鎮！另外，場內特設「Twinkle Twinkle夢幻煙霧泡泡匯演」，更加添神秘夢幻的效果！鍾意歐洲情懷嘅朋友不容錯過！

《上水廣場Twinkle Christmas》抱抱維也納原創水晶球珍藏展
日期：2017年11月25日(六) 至12月29日(五)
時間：10am – 10pm
地點：上水廣場2樓中庭

尖沙咀Mira Place：Doo Something Good This Christmas

來自英國的破格 Pop Art藝術家 Mr. Doodle今個聖誕同Mira Place合作，於香港舉行亞洲區首個藝術項目「Doo Something Good This Christmas」，Mr. Doodle最出名係塗鴉作品，佢嘅塗鴉的顛覆傳統，以獨特筆跡填滿所有空間。今次Mira Place變身成倫敦聖誕街，並由Mr. Doodle的塗鴉藝術將倫敦名勝改頭換面。

場內最受矚目嘅係一架原裝倫敦的士，由Mr. Doodle親筆作畫，為車身換上黑白相間的型格圖案；另一亮點係高6.5米嘅大笨鐘，每隔30分鐘外牆將上演藝術動感表演，讓Mr. Doodle畫作變成動態。

日期：2017年11月8日至12月31日
地點：尖沙咀彌敦道118-130號 Mira Place

延伸閱讀：【聖誕市集+主題樂園】2017香港8大必玩聖誕活動

相關文章：酒店自助餐 優惠大集合

想知道信用卡嘅優惠資訊？立即使用我哋嘅比較工具，搵出最適合你嘅信用卡！或即按此，了解更多不同銀行的信用卡產品。
——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【聖誕攻略2017】聖誕商場打卡影相好去處 appeared first on 理財資訊.

今年11月23日係美國嘅感恩節 （Thanksgiving Day），而感恩節之後嘅Black Friday係美國人瘋狂購物嘅日子，因為當日各商戶都會進行大減價，貨品會低至6折、7折甚至係半價以下！隨著網購嘅盛行，而家連網店都會有大型減價，讓全世界網民都可以一齊參與！雖然而家仲未知道今年嘅優惠詳情，但MoneyHero.com.hk先為大家列出感恩節必買網店，俾大家預先揀定心頭好！

先介紹下感恩節 、Black Friday同Cyber Monday嘅分別：

感恩節：在美國當地，最大型的減價通常不會在感恩節正日進行，但部分商戶的優惠會進行數日，所以統稱之為「Thanksgiving deals」。
Black Friday：感恩節翌日，大部分實體商戶會於當天減價，好多網店亦會於Black Friday開始減價。
Cyber Monday：感恩節後的星期一，主要是網上商店（如Amazon)減價嘅日子。

**在美國網站購物時最常見的問題，就是部分貨品只限寄美國本土，甚至只接受用美國發行的信用卡付款，遇此情況就需要用到集運或代購。**

Amazon感恩節必買產品

講起美國網購，當然不得不提Amazon。Amazon最好賣的無疑是電子產品及電器。如果大家冇乜特別心水，可以睇睇以下熱門產品優惠：

1. 電子遊戲機：PS4 1TB 而家由US$299 減至 US$199 (約HK$1,555)
2. 相機：2016年Thanksgiving, Fujifilm Mini 8即影即有相機只售US$49.99 (約HK$390)，入門版GoPro由US$212減價至US$179 (約HK$1,396)
3. 平版電腦：Amazon的Fire HD 10 32GB 原價US$149.99，現減價至US$99.99(約HK$781)
4. 電子閱讀器：Kindle E-reader 現由US$79.99減至US$49.99(約HK$390)
5. 4K電視：上年減價時最熱銷為55吋Samsung HDTVs 
6. 玩具：上年部分Nerf, Playskool和Play-Doh玩具高達50％折扣

雖然Black Friday仲未到，不過Amazon已經開始提供Early Bird優惠！只要留意Amazon Cyber Monday 2017 及Black Friday Deals頁面，就可以一次過睇晒至抵產品！

其他網購平台推介

如果想趁Thanksgiving買衫褲衣飾等Fashion嘢，可以留意以下購物平台嘅優惠：

SEPHORA

SEPHORA係來自巴黎的化妝品購物平台，售賣一眾為人熟悉的化妝品牌子及SEPHORA的自家品牌，去年以網店形式回歸香港。上年Black Friday，香港網站更推出全場8折優惠，只限一天，而且只要買滿HK$350就免運費！而美國網站商品選擇更多，定價更平，上年Black Friday同樣有8折，不過貨品只限寄美國，要用轉運公司寄返香港。

2017感恩節優惠：
(1) Black Friday Countdown – 美國網站多款化妝品套裝特價發售
(2) 香港網站 Black Friday (11月24日)當天全場85折

香港網站：https://www.sephora.hk/
美國網站：https://www.sephora.com/

ASOS

ASOS喺全英國最大型嘅時裝購物網，網站提供超過850個品牌，包括Nike、A&F、Adidas、Dr. Martens、Converse等。只要買滿HK$100即可免國際運費，不過就要等14日先送到香港；如果想快，只要買滿HK$300，就可以享用7日快速付運免運費！28日內退貨仲免運費！

2016感恩節優惠：冬季衣著5折起、正價貨品8折
2017感恩節優惠：稍後公佈

網站：https://www.asos.com/discover/black-friday-cyber-monday-deals/

Selfridges

英國大型百貨公司，網站主要賣高檔品牌，香港人熟悉嘅大牌子基本上都可以搵到，售賣貨品包括男裝、女裝、童裝、Beauty products、飾品、家品、廚具等等。Selfridges喺Black Friday唔算減得多，不過網站個價己經退左稅，折後都有唔少抵買貨品，LC、WMF、Staub等廚具價錢更低至香港嘅3折！

2016感恩節優惠：全場貨品8折，化妝護膚品9折（部分貨品除外）
2017感恩節優惠：稍後公佈

網站：https://www.selfridges.com

Farfech

來自英國的時尚精品平台，搜羅超過700個來自世界各地的設計師品牌，選擇非常多元化。網站更會定期推出優惠，2016 Black Friday 全場貨品低至5折！

2016感恩節優惠：站內貨品低至5折
2017感恩節優惠：稍後公佈

網站：https://www.farfetch.com/hk/

個別品牌網站推介

除咗以上提到的網購平台外，好多知名品牌都在自己的網站內設立了網上商店。如果你特定喜歡某一個品牌，直接上佢地嘅網站買會更平更方便！除咗美國品牌之外，好多英國品牌都會喺感恩節推出優惠架！

(進入網頁後，地區可能需要選擇 「美國」方可查看優惠）

Coach

Coach可以話係美國最出名嘅高端時尚品牌，產品系列包括手袋、公事包、小皮件、旅行用品、圍巾、太陽眼鏡、香水、珠寶首飾等。雖然Coach喺香港賣得貴，但喺美國就成日做特價，大家可以密切留意美國網站嘅優惠！

2017感恩節優惠：即日起至美國時間11月26日3AM 全館額外7折（部分貨品除外）優惠代碼：THANKS17

網站：https://www.coach.com/international-landing.html

Michael Kors

Michael Kors同Coach一樣都係行高端路線，不同之處係呢個品牌奉行極簡主義，推出的產品係另一種Style，在年輕一代中都有唔少Fans。

2017感恩節優惠：即日起至11月28日(7:59am EST)全場額外75折。

網站：https://www.michaelkors.com/

GAP

香港周街都見到嘅潮流品牌GAP，相信唔使多介紹！上年Thanksgiving美國官網推出全館5折優惠，特價貨品更有折上折，抵到爆！

2017感恩節優惠：即日起至11月25日全網貨品一律半價！(優惠代碼:BLKFRIDAY)

網站：https://www.gap.com/

Levis

如果你鍾意著牛仔褲，衣櫃裡面點都要有幾條Levis。作為牛仔褲嘅鼻祖，Levis本身個價錢實在唔平，而上年Thanksgiving美國官網推出全場6折優惠，希望今年都有咁上下優惠，等大家可以一次過入貨！

2017感恩節優惠：即日起至11月27日，輸入優惠代碼「INDIGO40」即享全館6折

網站：https://www.levi.com/US/en_US/

Swarovski

誕生於奧地利的國際知名首飾及配飾品牌，以水晶切割工藝聞名。美國網站的商品價格本身就比香港網站平啲，上年Cyber Monday仲推出全場5折優惠！折後一條頸鍊折後只需HK$500左右。

2016感恩節優惠：Cyber Monday當天任何貨品5折
2017感恩節優惠：稍後推出

網站：https://www.swarovski.com/Web_US/en/index

TOPSHOP

TOPSHOP喺英國有超過300間門市分店，品牌之大，配合獨特嘅設計，喺London Fashion Week都唔難搵到模特兒特兒著住TOPSHOP行Catwalk嘅蹤影。有齊衫、褲、鞋、襪，所有配飾、首飾等等商品。

2017感恩節優惠：站內貨品低至5折

網站：https://www.topshop.com

Timberland

Timberland係全球最受歡迎的一款防水靴品牌之一，出品嘅Boots設計靚之餘亦夠堅固耐用。上年美國官網推出全館7折優惠，大家今年可以留意下！

2017感恩節優惠：全館額外7折

網站：https://www.timberland.com/mens.html

UGG

近年大熱嘅UGG雪靴，為大家喺嚴寒嘅冬天中帶來一絲溫暖，趁感恩節減價買入，就啱啱好可以喺入冬前到手

2016感恩節優惠：全網7折
2017感恩節優惠：稍後推出

網站：https://www.ugg.com/

JACK WILLS

JACK WILLS係非常具有英倫風格嘅英國服飾品牌，以售賣休閒服飾為主。想趁低吸納唔一定要等感恩節，而家香港網站都做緊大減價，多款產品低至4折。

2017感恩節優惠：全場貨品5折~75折發售

網站：https://www.jackwills.com/ (Block左海外IP，需要翻牆先見到優惠)

TED BAKERS

走中高價位的英國品牌TED BAKER有成30年歷史，品牌創立之初以男裝起家，對於服飾素材的選擇及製作細節上相當講究，充滿英國傳統風格。品牌網站於上年感恩節都有優惠，喜歡英倫風的朋友請密切留意！

2016感恩節優惠：全場貨品低至7折
2017感恩節優惠：稍後公佈

網站：https://www.tedbaker.com/

Superdry.

近年愈來愈受歡迎的Superdry.來自英國，但由於加入了日本街頭風格及日文，常被人誤以為是日本牌子。作為英國品牌，Superdry.在感恩節期間是有減價的，想入手嘅朋友可以再等等。

2017感恩節優惠：全館貨品正價7折（只限寄美國）

網站：https://www.superdry.com/us/

Ralph Lauren

Ralph Lauren將貴族運動的馬球作為品牌商標，可見品牌走的是美式貴族休閒風格。Ralph Lauren以售賣服飾為主，一件襯衣售過千蚊港紙，屬中高價位，網站於上年Thanksgiving有做7折優惠。

2016感恩節優惠：滿US$125享額外7折
2017感恩節優惠：稍後公佈

網站：https://www.ralphlauren.com/?ab=global_logo

相關信用卡優惠

趁感恩節掃平貨時，順便用埋信用卡優惠，讓你慳上加慳！

渣打/ MANHATTAN信用卡：PayPal 網上購物享高達$270現金回贈

現渣打/ MANHATTAN信用卡客戶透過 PayPal 網上購物，可享高達HK$270現金回贈：

優惠1：高達HK$240現金回贈消費獎賞

客戶於推廣期內網上登記並在每一階段憑合資格信用卡透過PayPal作合資格簽賬累積滿HK$2,500或以上，可享HK$ 80現金回贈。 客戶於連續三個階段最多可享HK$240現金回贈。

第一階段：2017年11月17日至2017年12月16日
第二階段：2017年12月17日至2018年1月16日
第三階段：2018年1月17日至2018年2月16日

優惠2：新 PayPal 賬戶額外HK$30現金回贈

客戶於2018年2月16日前網上登記並憑合資格信用卡使用新的PayPal賬戶進行任何網上交易，即可獲得HK$30現金回贈。

網購回贈信用卡推介

信銀國際Motion信用卡：網購高達5%回贈，每月回贈上限為HK$100  詳情

渣打Simply Cash Visa卡：所有網購、零售享1.5%回贈  詳情

渣打亞洲萬里通萬事達卡：網購、食肆、海外簽賬$4=1里  詳情

東亞銀行i-titanium卡：網購高達3.4%回贈

建行eye信用卡：網上購物HK$3=1里或2%回贈

想知更多詳情，可以睇：【網上購物必備】5大最高回贈 網購信用卡，或即上MoneyHero信用卡比較平台！

——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 2017 感恩節 / Black Friday / Cyber Monday 網購優惠攻略+必買網店推介 appeared first on 理財資訊.

成日聽歌嘅你又點少得一個手機音樂Apps，俾自己去到邊、聽到邊！但係講市面上有Spotify、Apple Music、KKBOX、MOOV、JOOX咁多隻 音樂串流 Apps，究竟邊隻最抵最啱自己用？MoneyHero.com.hk 為大家逐個捉，從免費試用、收費計劃、歌庫、音質到信用卡優惠逐一比較，務求幫你揀到啱！(2017年11月更新資料)

1）MOOV：自家炮製Live MV

PCCW旗下音樂平台MOOV出名有「自己Style」，以用心製作嘅自家內容取勝，佢哋周不時都會自家炮製MOOV Live演唱會而製成MV，十分唔話得。佢哋嘅功能音樂「音樂治療」亦係全城獨有，會喺每日不同時段推介有助減壓同放鬆嘅音樂，仲有專業音樂治療師製作嘅聲音導航歌單，實行以歌曲治癒你的心靈。仲有一樣MOOV十分抵讚嘅地方，就係佢提供無損壓縮音樂，對音質高要求嘅你自然識揀啦！

講返優惠，恒生同東亞信用卡持有人有福喇！喺2017年12月31日前都可以使用以下優惠︰

• 恆生信用卡：客戶專享$39/月
• 東亞信用卡：客戶專享$39/月
• 東亞信用卡：大學/大專學生尊享$90/3個月

東亞信用卡推介︰Flyer World萬事達卡 詳情

2）Spotify：外國歌粉絲恩物

來自瑞典嘅Spotify喺2008年推出，直至2013年先正式進軍香港，亦都係打正旗號以「免費」聽歌吸客，當中雖然會有聲音廣告夾雜，但仍然吸引不少年輕人使用。如果想體驗無廣告嘅Premium版本，首1個月免費試用，之後每個月就要比$58，而且暫時無任何信用卡優惠。貴為外國音樂串流App嘅佢，外語歌曲當然係比較齊全，主頁嘅大部分推介都係外國歌手，啱晒一眾鍾意外語歌曲嘅樂迷。

除此之外，Spotify另一賣點就係介面有型同埋你可以跟自己嘅Mood揀歌﹕乜意思？就係佢好細心咁，將不同風格或心情嘅歌分類，例如係Travel、Sleep、Chill、Focus等等，無論係溫緊書、去緊旅行抑或嘆緊咖啡，唔使諗播乜歌都可以即時播到啱Feel嘅歌！

3）Apple Music：家庭月費Plan每人只需$13

2015年7月Apple Music登錄香港，推出3個月免費使用，曾經變咗5蚊試用3個月，而家又變返免費試用3個月。完咗想繼續用，不妨搵埋親戚朋友，6個Apple ID 就可以Share音樂串流，每人平均只係$13一個月，算係市面上最平選擇！而且，而家支援埋Android手機，想搵朋友仔夾錢用又易咗啦！加上Apple Watch都可以用上嚟聽Apple Music，啱哂鍾意跑步聽歌嘅你！

Apple Music最大特色就係具有眾多廣播電台，當中嘅Beats 1廣播電台、專業 DJ品味歌單等，都係小編推薦嘅Song Lists！加上Apple Music俾你下載歌曲後無限次離線收聽，iCloud音樂庫俾你儲存多達100,000 首歌，隨時隨地想聽乜歌乜都冇難度啦！

同Spotify 一樣，Apple Music 暫時沒有任何信用卡優惠。

4）KKBOX：最齊亞洲本地歌

講到開創音樂串流嘅先河，一定係2009年就進軍香港嘅KKBOX，面對其他唔同聽歌Apps嘅挑戰，KKBOX依然不斷創新，當中嘅「一起聽」最為特別，用戶可以隨意跟隨其他用戶「台長」，一齊聽佢嘅專屬Song List，十足十好似聽電台DJ咁；唔止咁，歌手同用戶仲可以有互動嘅機會，收費用戶仲可以同歌手一齊傾計唱歌，咁「貼身」嘅聽歌功能，相信不少香港人都受落！

講到價錢，其實KKBOX 的優惠最多元化，除咗有每月$49計劃之外，KKBOX又與3電訊及SmarTone 分別推出2個月免費試用及全年$528優惠不同，而且仲有其他不同類型優惠計劃。

此外，KKBOX與匯豐HSBC、星展DBS及花旗Citibank信用卡均有推出合作優惠︰

• 星展信用卡：單次購買365日 $499。
• Citibank 信用卡︰以原價買3個月送1個月，第5個月起每月$44。
• 匯豐HSBC信用卡：專享優惠首月$9.9，第二個月起$44。

星展信用卡推介︰DBS Black World MasterCard 詳情
Citibank信用卡推介︰Citi Cash Back Visa Card 詳情

5）JOOX：土炮元素任你聽

呢個聽歌App最大好處就係俾你免費聽歌！當然呢個世界冇Free Lunch，當中嘅限制包括有隨機播放、不能聽盡歌庫音樂及不能下載歌曲，但如果聽歌唔算高要求嘅你，JOOX俾你免費聽歌自然係個唔錯選擇！想有更佳體驗亦可升級至VIP版，只需$43，平絕5大熱門聽歌App。有時仲會推出限時儲值優惠。

JOOX另一最大特色就係其濃厚嘅本地元素，細心留意你可以見到佢哋嘅本地熱播榜夠Update之餘又幾齊，皆因JOOX已與3大唱片公司環球、Sony及華納等簽約，而且囊括咗不同熱門嘅中、英、日、韓語歌曲，迎合唔同歌路嘅香港人口味；而且喺編輯推介入面，都係由音樂編輯團隊揀歌，好似最近萬聖節就推出「撞鬼的故事」等主題，節日氣氛濃厚！

同Spotify同Apple Music 一樣，JOOX 暫時沒有任何信用卡優惠。

延伸閱讀：2017下半年，你不能錯過的演唱會（附信用卡購票攻略）

相關文章：【入U即申請】嚴選 6張大學生 必備信用卡

——

想知道更多信用卡優惠，即上MoneyHero信用卡比較平台，或留意 MoneyHero.com.hk Blog，同埋緊貼我哋嘅 Facebook Page！

The post 【聽歌必備】5大香港音樂串流 Apps大比拼(2017年11月更新) appeared first on 理財資訊.

去幾日旅行，大家都會買份旅遊保險求個安心。咁你又有無諗過，屋企一年365日咁多財物擺響度，其實都應該買份家居保險，有乜冬瓜豆腐都有得保障一下咁呢？MoneyHero.com.hk以下同大家介紹家居保險的保障範圍，以及一次過比較全港家居保險的保費及賠償額！

家居保險保啲乜？

家居保險嘅涵蓋相當廣泛，當中包括財物遺失或損毀、意外後暫住津貼同清理費用、由居所意外所引起嘅法律責任、居所響意外後損壞樓宇結構時嘅維修、更換或者賠償費用，都係家居保險嘅承保範圍。甚至有保險計劃會可以額外保埋搬運公司響搬運財物時引致損壞或者遺失，手提電話、手提電腦或者平板響本地或者旅意外損毀嘅維修費用，換屋企門、車鎖、車門、車匙嘅費用等等。

家居保險主要保障範圍

家居保險睇落咩都保，但其實唔貴，對於500呎以下嘅住宅單位，保費一般嚟講每年都係HK$1,000唔駛就已經有相當充足嘅保障（詳見下文之價錢比較表）。

租客需唔需要買家居保險？

家居保險計劃分幾種類型，其中有唔少係專供租客買，主要係為屋企嘅財物投保。租客沒有物業本身嘅擁有權，所以唔可以亦唔駛投保樓宇結構，呢啲係業主先要。除咗俾租客同自住業主嘅家居保險之外，市場上其實亦有俾專供出租物業嘅業主買嘅保險，不過呢樣在日後再同大家分享。

要注意嘅係，如果係住分間單位（即係劏房），甚至係同一大廈有劏房，保險公司都可以唔受保，或者係出現受保但係唔受理索償嘅情況，所以響買之前要多啲了解保險計劃嘅細則。

業主方面，買樓嘅業主可能響申請按揭貸款嘅時候已經買埋火險，作為抵押貸款的條件，但係火險只係包樓宇結構一環，即係傢俬電器日用品珍藏一律唔包。同時，火險只係關火燭事，家居保險就包埋其他天災，好似打風落雨、行雷閃電、山泥傾瀉都保！涵蓋得比單純嘅火險全面。

財物保障第一步：製訂家居財物目錄

財物保障其實係家居保險其中一個重要部份，但想有全面保障嘅話，保險公司都會建議大家先為貴重財物製訂一個「家居財物目錄」，列明財物名稱、簡單形容、價錢、購買日期、同埋有買嗰時嘅單據，去證明燒咗/浸咗/唔見咗嘅嗰件嘢真係屬於你嘅，日後索償就比較簡單，免卻咗唔少爭議。

「家居財物目錄」並唔係樣樣嘢都要寫，剩係寫值錢嘢就得，例如電腦、電器、部份有價證券（新舊銀紙、白表IPO抽返嚟嘅「證券」、不記名債券之類）、信用卡、提款卡、古董、鐘錶首飾、貴金屬、體育用品、藝術品、酒類同收藏品等等。當財物本身價格高到可以俾人估價嘅話，好似古董、首飾、金器銀器、體育用品、高價收藏品、藝術品嘅話，就連埋估價人嘅姓名同聯絡資料一齊記錄。

呢個表需要Keep響安全地方，而最安全嘅地方就係雲端平台（Google Drive、Dropbox等），電話影完物件本身同買嗰時張單之後上載上網，開個Google Spreadsheet或者Microsoft Excel，黐返條Link落去，加埋日期時間簡單描述就得，係好麻煩但唔係太複雜，萬一屋企爆水喉浸瓜埋部電腦，個Excel都仲響雲端，有得上網就開得返！

家居保險與墊底費

買咗家居保險後，萬一遇上家居財物損失，都唔係100%賠足，因為有樣嘢叫「墊底費」。假設你份家居保險嘅財物墊底費係$250，就即係價值低過$250嘅嘢，你寫出嚟索賠都唔會賠俾你；如你索賠一件值$1200嘅嘢，就會減咗嗰$250墊底費，真係賠足，保險公司都只係會減返墊底費賠$950俾你。想更清楚墊底費嘅運作，可以睇《墊底費是你朋友？》一文。

各大保險公司家居保險基本比較 (2017年11月)

家居保險保費及保障範圍通常會受以下因素影響：

(1) 樓齡：第一樣會睇嘅就係居所嘅樓齡，如果就咁網上報價，樓齡大過40年的話絕大部份保險公司都唔會承保，而有部份仲連大過30年嘅都唔受，但係如果有必要同需要去投保家居保險嘅話，亦可以直接同保險公司聯絡，佢哋會安排評估，當然保費就會貴一截喇。

(2) 最高賠償總額：家居保險賠償額愈高，保費當然愈貴。唔同公司、唔同計劃嘅賠償額計法可以有好大分別。財物損失的最高賠償總額介乎30萬至150萬，呢個係總額之下可以細分每件財物及每件貴重物品嘅最高賠償額，每件大型重要財物嘅賠償額通常都係貴重物品嘅十分一左右，貴重物品最高賠償額由6,000至3萬不等。要揀啱家居保險，首先就係知道自己嘅財物價值幾多喇。

(3) 額外保障：包括意外引致電話、電腦壞咗後嘅維修費保障、屋企出意外期間的在外暫住津貼、搬屋時財物遺失損壞保障、換窗換門換鎖嘅保障。唔同公司對類似嘅保障都唔同，有啲包埋響基本計劃，有啲就要另外加錢。

(4) 住所面積 / 類型：間屋大啲，保費當然就貴啲啦。好多家居保險都可以分成幾層收費，第一層以500平方呎起，之後後501至800平方呎咁上。至於住宅係私人樓、村屋、獨立屋定還是係公營住宅樓宇，亦都係部份保險公司徵收保費時嘅考慮因素，公營住宅樓宇嘅家居保險保費有可能貴三成！

下面就為大家整理咗各大保險公司嘅家居保險基本資料，如果有興趣嘅話，切記除咗最高賠償金額呢條大數之外，仲要睇清楚條款、受保同唔受保嘅範圍呀！

銀行代理 vs 保險公司

或者有人會問，上面介紹的全部都係保險公司計劃，經銀行買又點計？其實銀行推出嘅家居保險都係由專業嘅保險公司去承保，銀行嘅角色係代理商。另外，美國萬通本身雖然都係保險公司，但係響家居保險業務上都只係代理富勤保險承保嘅產品。

銀行代理嘅好處，係當佢作為代理商時，俾錢方法亦相對簡單，亦可以為自己客戶提供更高嘅折扣，好似有啲會有N倍信用卡積份、回贈等等。但係如果客戶自己無睇清楚留意嘅話，就會有機會以為咗索償時要搵返銀行──其實係要搵返承保方嘅保險公司先真。

家居保險銷售代理銀行與其承保保險公司

MoneyHero.com.hk為香港最大金融產品比較平台，即時幫你比較旅遊保險、信用卡、私人貸款及按揭，幫你節省日常生活及財務支出！立即比較

延伸閱讀：10大家居保險購買重點

——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【家居保險攻略】保費比較、保障額比較及保障範圍 appeared first on 理財資訊.

交稅季節又到，各大銀行低息 稅貸 產品陸續出爐。各位準備借稅貸嘅朋友，面對咁多選擇可能都心大心細，唔知選擇邊款稅貸好，等 MoneyHero.com.hk 為大家分析一下，揾出邊間銀行嘅稅貸至係最抵！（2017年11月23日更新資料）

本文分為3大部分，大家可以按自己需要快速找出你想要的資訊︰
(一) 【各大銀行稅貸比較表】列出所有銀行不同借款額的實際年利率、總利息支出及每月還款額，分為12或24個月還款期兩個表格。
(二) 【各大銀行稅貸詳情】細讀完詳細資訊可立即申請
(三) 【最低實際年利率比較表】只有特選客戶才可受惠的最低APR一覽

(一) 各大銀行 稅貸 比較：

(二) 各大銀行稅貸詳情 

星展銀行︰

• 貸款額︰最低貸款額為1萬元，最高可達月薪12倍或上限150萬元
• 實際年利率︰低至1.86%﹙須為特選客戶申請150萬元貸款﹚
• 還款期︰12 / 18 / 24 / 30 / 36 個月

假設普通客戶想借20萬貸款額，星展銀行將提供不錯的APR，以12個月還款期為例，利率為2.53里，每月只需還$16,893。同時更可享三重現金券獎賞，符合3項條件最高可獲$1,300現金券，另外 MoneyHero.com.hk 再多送你$200現金券，即合共高達$1,500現金券！

1. 一般客戶由即日起至2017年12月31日申請，及於2018年1月15日或之前成功提取貸款，若貸款額為5萬元至不足30萬元，可獲$200現金劵；貸款額為30萬元至不足70萬元，可獲$500現金劵；若貸款額為70萬元或以上，可獲$800現金劵。
2. 經網上理財或DBS Loans應用程式成功申請貸款可享額外$300現金劵
3. 若於貸款申請日期前12個月內未曾持有或取消Cashline循環貸款（「Cashline」）戶口的客戶，於推廣期內同時成功申請貸款及Cashline，可享額外$200現金券。

即日起至2017年11月30日，首50名經MoneyHero.com.hk成功申請星展銀行稅貸產品，立即獨家送你額外HK$200超市禮券！
條款及細則︰https://goo.gl/thVG2V

花旗銀行︰

• 貸款額︰最高可達月薪12倍或上限200萬元
• 實際年利率︰低至0.99%﹙須為Citigold客戶申請100萬元或以上貸款﹚
• 還款期︰6 / 12 / 18 / 24 / 30 / 36 / 42 / 48 個月

客戶可申請高達200萬元稅貸，還款期亦長達48個月，而且不設手續費，但就有最低入息要求﹙每年固定入息HK$72,000或以上﹚。若是Citigold客戶申請100萬元或以上貸款，更有高達$4,288利息回贈﹙即APR低至0.99%﹚；申請20萬至不足100萬元貸款則享高達$1,588現金券。而一般客戶申請20萬元或以上貸款亦享有高達$888現金券。

即日起至2017年11月30日，經MoneyHero.com.hk申請並成功提取貸款$100,000或以上及還款期為12個月或以上，仲會獨家送你額外HK$1,000超市禮券，申請詳情請按此。

中國銀行︰

• 貸款額︰貸款額最高可達稅款3倍、月薪6倍或上限200萬元
• 實際年利率︰低至1.5%﹙須為指定客戶﹚
• 還款期︰6 / 12 / 18 個月
• 批核時間︰最快24小時內批出貸款

相比其他銀行不同貸款額和還款期享不同APR，中國銀行就劃一化，無論申請多少貸款和多長還款期都是同一個APR，視乎你是哪類客戶類別。若是公務員發薪戶或使用「中銀理財」的稅貸忠誠客戶可享最低的1.5里；「中銀理財」客戶享1.8里；「智盈理財」享2.3里；「自在理財」或一般客戶享2.8里。但有一點值得留意的是，中國銀行暫時是唯一一間加入稅款3倍作為審批貸款額的準則，申請人需留意實際可借的貸款額。

而合資格客戶於今年11月30日或之前成功申請並提取稅貸$100,000或以上，可獲$400中銀信用卡免找數簽賬額；若是透過網上/手機/至專客服申請以上貸款，更可額外獲$100免找數簽賬額。

東亞銀行︰

• 貸款額︰最低貸款額為5,000元，最高可達月薪12倍或上限120萬元
• 實際年利率︰低至1.57%﹙客戶獲批貸款為80萬元或以上﹚
• 還款期︰12 / 24 個月

假若普通客戶申請10萬元貸款，以12個月還款期為例，利率為2.86里，每月需還$8,461，免手續費。全新客戶於今年12月22日或之前經網上申請及提取$20,000或以上貸款即可獲HK$400現金回贈，貸款額愈高，回贈愈多，最高可享$1,000現金回贈。而現有客戶於今年12月22日或之前經網上申請及提取$20,000或以上貸款就可獲HK$300現金回贈，最高可享$700現金回贈。

中信銀行﹙國際﹚︰

• 貸款額︰最高可達月薪12倍或上限200萬元
• 實際年利率︰低至1.63%﹙特選客戶獲批貸款為80萬元或以上﹚
• 還款期︰12 / 24 個月

客戶將於首個還款期自動獲享免供還款假期1個月，中信銀行並不會因此而收取額外利息或費用。而現有客戶或稅務貸款申請人推薦親友申請稅貸，不論貸款額，雙方都自動成為特選客戶，可享低至1.63里的息率。

恒生銀行︰

• 貸款額︰最低貸款額為50,000元，最高可達月薪12倍或上限300萬元
• 實際年利率︰低至1.54%﹙特選客戶獲批貸款為80萬元或以上﹚
• 還款期︰6 / 9 / 12 / 24 / 36 / 48 / 60 個月

暫時與匯豐銀行一樣提供最高高達300萬元稅貸，不設手續費，可自由選擇6至60個月還款期。於網上或手機申請可享高達$500現金回贈，若夫婦同時申請，每月平息將按兩人之貸款額總和計算，以享更低利息。恒生更特設「首月還款假期」，即首期供款將順延至客戶提取貸款後之第二個月生效，還款期亦將相應延遲一個月方行屆滿。

南洋商業銀行︰

• 貸款額︰最低貸款額為10,000元，最高可達月薪12倍或上限200萬元
• 實際年利率︰低至1.68%﹙須為指定客戶並於本年底前提取貸款﹚
• 還款期︰12 / 18 / 24 個月

南洋商業銀行只提供優惠利率予特選客戶和指定客群，指定客群若於本年底前提取貸款可享低至1.68% APR，否則亦可享低至2.18% APR，但僅限於12或18個月還款期，不設手續費。若為一般客戶，就只能按「理財貸輕鬆」私人貸款利率。

富邦銀行︰

• 貸款額︰最低貸款額為1萬元，最高可達月薪8倍或上限100萬元
• 實際年利率︰低至1.97%﹙須為特選客戶申請80萬元以上貸款﹚
• 還款期︰12 / 18 / 24 個月
• 批核時間︰經電話申請，最快可於30分鐘獲悉初步批核結果；成功遞交所需資料及文件，最快可於1天知悉最終批核結果

特選客戶包括公務員、醫管局職員及指定專業人士。假若普通客戶申請10萬元貸款，以12個月還款期為例，利率為4.31里，每月需還$8,529.2，貸款將直接存入客戶指定之銀行戶口。另外，若果夫婦同時申請，息率將按兩人獲批核貸款總額計算，可共享更低息率優惠。

大新銀行︰

• 貸款額︰最低貸款額為5,000元，最高可達月薪10倍或上限100萬元
• 實際年利率︰低至0.68%﹙客戶須同時成功申請交稅「快應錢」及360°「易出糧」服務﹚
• 還款期︰12 / 24 個月
• 批核時間︰經大新「EID驗證」，可即時數碼批核貸款額

若成功申請稅貸及大新ONE+信用卡，一般客戶最低APR為1.72%；特惠客戶最低APR為1.38%。若想享有低至0.68%APR，客戶須同時成功申請交稅「快應錢」及360°「易出糧」服務，而貸款額最高為稅額1倍或十萬元，還款期為12個月。假設普通客戶申請10萬元貸款，以12個月還款期為例，利率為2.68里，每月需還$8,453.4。

匯豐銀行︰

• 貸款額︰最低貸款額為5,000元，最高可達月薪10倍或上限300萬元
• 實際年利率︰低至1.77%﹙客戶獲批貸款為150萬元或以上﹚
• 還款期︰6 / 9 / 12 / 18 / 24 個月
• 批核時間︰1分鐘特快批核

暫時匯豐銀行提供最高稅貸額，客戶可申請高達300萬元稅貸，而且不設手續費，可自由選擇6至24個月還款期，並毋須提交稅單。經網上申請十萬元或以上貸款更可尊享$100現金回贈，另外成功遞交所要求申請貸款的證明文件亦可享$100現金回贈。獲批貸款可於全港超過1,000部滙豐櫃員機及分行提取，現金方便到手。

創興銀行︰

• 貸款額︰最低貸款額為10,000元，最高可達上限100萬元
• 實際年利率︰低至1.23%﹙客戶須11月30日前申請100萬元貸款及還款期為12個月﹚
• 還款期︰12 / 18 / 24 個月

客戶只需於2018年3月31日或之前，成功提取10萬元或以上貸款額，申請及啟用指定創興信用卡(主卡客戶)，可享$100免找數簽賬額；提取50萬元或以上貸款額更可享$300免找數簽賬額。而客戶只需填妥稅貸申請表格及提交全部所需文件，即可獲贈旅行用品乙份。

上海商業銀行︰

• 貸款額︰最低貸款額為200,000元，最高可達上限200萬元
• 實際年利率︰劃一1.88%
• 還款期︰12 / 18 / 24 個月

上海商業銀行推出的稅貸，不論貸款額均享劃一息率1.88%APR，而且免手續費，令它總利息支出和每月還款額暫時都是眾銀行中最少。當然，如此優惠帶有一定的條件，除了借貸額門檻較一般銀行高﹙最低貸款額為20萬元﹚，客戶亦須登記並於推廣期內使用最少一項指定網上服務﹙包括：網上銀行服務 / 電子結單服務 / JETCO Pay服務﹚，才可享用1.88%APR。

(三) 實際年利率：一般打工仔借唔借到最低APR？

實際年利率（APR）已包括利息及相關費用（例如貸款手續費、服務費、現金回贈等），能夠反映真正的借貸成本。但絕大多數須為該銀行的特選客戶，並借取大額貸款才能受惠於最低APR，所以不是人人都能受惠。每間銀行的特選客戶定義不同，欲知自己是否合乎資格請到各銀行網站查閱。

其他財務公司稅貸產品︰

想了解、比較和申請稅務貸款，請上我們的比較平台。或即按此，了解更多銀行的貸款產品。

——

延伸閱讀：【交稅都有獎賞？】信用卡交稅優惠 2017

延伸閱讀：借稅貸前要留意的6個重點

延伸閱讀：職場新人指南：報稅交稅 Q&A

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【 稅貸 大戰2017】13間銀行稅務貸款比較﹙不斷更新﹚ appeared first on 理財資訊.

匯豐P2P手機轉帳程式「PayMe」於今年2月面世，當初推出時出現唔少Bug，而家系統穩定咗，小編身邊都多人開始用嚟食飯夾錢，並一致認為方便咗好多。 PayMe 仲有一個隱藏好處，就係可以透過增值儲信用卡積分！怕唔識用？即睇以下MoneyHero.com.hk為大家準備的PayMe簡易教學：

用 PayMe 過數的4大優點

用PayMe轉帳，首先你要用信用卡增值PayMe戶口，然後將戶口內的款項轉帳至他人帳戶。用戶可隨時將PayMe內的餘額退回至自己的銀行戶口。此過數方法有以下好處：

1） 支持任何銀行戶口及信用卡，無需手續費

PayMe雖然是匯豐出的過數App，但用戶可用任何銀行的信用卡和戶口過數及收款，無須任何手續費，顛覆了傳統過數概念。

2）無需銀行戶口號碼，亦可過數

用家可透過WhatsApp、FB Messenger或SMS過數給朋友，無需銀行戶口號碼，過完第一次數後，對方便會自動成為你的PayMe朋友。即使朋友冇未安裝PayMe，你都可以照轉帳俾佢，但對方要輸入銀行戶口資料才可領取款項。

3） 隨時轉帳，即時到數

用戶隨時隨地可以過數俾人之餘，對方仲可以即時收到款項。

4） 設「收款請求」功能，免卻尷尬對話

（10月新增功能）如果有唔記得還錢既朋友，只要按「收款請求」並輸入你想收款嘅金額，就可以提醒對方過數，唔使開口問咁尷尬！

如何使用PayMe？

只需完成以下3個步驟，就可以開始使用PayMe：

第1步：從Google Play Store 或 Apple App Store下載並安裝PayMe應用程式

第2步：使用您的Facebook帳戶或手機號碼註冊

使用Facebook註冊的話，你只需輸入手機號碼及設定交易密碼即可完成註冊，過程只需1分鐘。

第3步：新增信用卡及增值

輸入信用卡基本資料，然後影低你的香港身份證完成驗證，就可即時增值PayMe戶口，隨時可以過數。

第4步：過數俾朋友

點擊最下方的「轉帳」，輸入金額後，即可透過WhatsApp、FB Messenger或SMS過數給朋友。過完第一次數後，對方便會自動出現在你的PayMe朋友名單。

增值PayMe可賺信用卡積分？

部分信用卡將「增值電子錢包」列為合資格簽帳，持卡人可透過增值PayMe獲得信用卡積分、里數或回贈。目前可以儲分嘅信用卡包括：

*所有匯豐、恆生、銀聯、美國運通(AE)、渣打、東亞、AEON信用卡都冇得透過增值儲分。
*銀行有可能隨時更改增值電子錢包的儲分條款
*PayMe每人每月增值上限為HK$5,000

PayMe增值上限

提交香港身份證副本後：

1. 賬戶結餘上限：HK$100,000
2. 每日增值上限：HK$5,000
3. 每月增值上限：HK$5,000
4. 每年增值上限：HK$100,000

未提交香港身份證副本：
如您是匯豐信用卡持有人，可以不需提交香港身份證副本，但增值上限就比較低：

1. 賬戶結餘上限：HK$3,000
2. 每日增值上限：HK$3,000
3. 每月增值上限：HK$5,000
3. 每年增值上限：HK$25,000

其他手機錢包攻略：Apple Pay | 支付寶HK | Wechat Pay

延伸閱讀：香港6大電子錢包功能大比併

延伸閱讀：【信用卡繳費】交水電煤費 都儲到飛行里數？

延伸閱讀：【信用卡攻略】2017 儲飛行里數 必備信用卡

——

想知更多 信用卡優惠 ，可即上我哋嘅信用卡比較平台，或留意MoneyHero.com.hk Blog，同埋緊貼我哋嘅Facebook Page！

The post 【P2P手機轉帳】 PayMe 過數教學 + 信用卡儲積分攻略 appeared first on 理財資訊.

電子錢包日漸蓬勃，近來支付寶HK、Wechat Pay 大舉攻入香港市場，推出唔少功能同優惠吸客。不過如果你擔心付款安全及用戶私隠，可能都會想盡量用返「港產貨」。以港產電子錢包嚟講，目前要數TNG同Tap & Go「拍住賞」功能最齊全，今次MoneyHero.com.hk先講講Tap & Go「拍住賞」嘅功能、使用教學同優惠，再同其他電子錢包比較一下佢嘅優劣之處：

Tap & Go「拍住賞」功能一覽

簡單嚟講，拍住賞係一張非接觸式Mastercard 預付卡（Debit Card），同時出咗實體卡、SIM卡同手機電子錢包App。預付卡同信用卡一樣擁有16位數字號碼，可以當信用卡咁碌，最大分別係預付卡係要戶口有錢先可以用，所以一定要預先增值。拍住賞嘅功能可分為幾大類：

實體商戶付款
支援全球超過6百萬個提供MasterCard感應式之商戶，手機一拍即可付款。部分商戶更支援手機QR Code付款。
網上購物
流動預付MasterCard設計讓你可在網上購物或付款，亦能控制卡內消費及餘額。
繳費功能
透過手機App即時扣數繳費 (目前只可以繳交1010 / CSL / HKT / 網上行 / NOW TV 費用)
即時轉賬
利用手機App的PayBuddy功能，即時過數給親朋好友。
家長功能
家長可透過Tap & Go隨時查詢子女賬戶餘額、接收交易提示、檢視消費記錄及遙距過數予子女。

Tap & Go「拍住賞」同香港其他電子支付工具比較，又有乜優劣之處呢？即睇：

優點：

• 同Mastercard合作，具備超完善付款網絡，去到邊都用到
• 集付款、過數、繳費功能於一身，滿足日常財務需要。（當然同其他電子錢包一樣，佢個繳費可以做得更完善）
• 手機在待機狀態都可付款，可以拎手機當八達通嘟
• 付款時，手機無須連線上網
• 具備家長「監控」功能，隨時過數俾子女，同得知子女每項消費紀錄
• 付款上限 = 儲值額，可幫大洗人士控制消費額，萬一被盜用損失亦有限

缺點：

• 大部分電子錢包都可連接信用卡付款或增值，用戶可賺信用卡積分。Tap & Go 本身作為一張Debit Card，並未推出積分或回贈，對鍾意儲分嘅人而言吸引力大減
• 目前只有用中銀戶口同大新信用卡先可以即時增值，銀行其他要等2日，唔係太方便
• 註冊完唔係即刻用得，需要申請埋張實體卡/SIM卡
• 雖提供P2P轉帳功能，不過對方一定要係Tap & Go 用戶先得，唔及PayMe方便。

如何申請Tap & Go「拍住賞」？

在Google Play Store 或App Store下載「拍住賞」手機錢包程式後，輸入電話號碼、通過SMS驗證，然後再提交身份證照片即可完成註冊，過程只需1分鐘。註冊後你需要取得一張實體「拍住賞」卡，再將卡加入電子錢包內先可以付款。詳見：取得「拍住賞」卡之方法

如何用Tap & Go 在零售商戶付款？

1 /「拍住賞」手機錢包付款

Download完「拍住賞」App、手機註冊完之後，你只係用到增值、PayBuddy 及繳付賬單的功能，如果想喺零售商戶付款，你需要先取得一張「拍住賞」 實體卡（取得方法說明請按此），然後在將卡加入手機錢包，加咗之後就可以進行付款。

進行付款時，只要保持手機App內之「拍住賞卡付款」模式開啟，即可以用手機一拍即付，成功後手機會收到交易成功提示。

2 / 以「拍住賞」SIM 卡付款

1O1O及csl月費服務計劃客戶可免費更換支援「拍住賞」的SIM卡。呢張SIM卡就同信用卡嘅晶片一樣，可以透過不同零售點嘅 Master Paypass 進行即拍即付，但只有配備最新 Android OS 及具備 NFC 功能的手機才能使用，想知多啲可以按此瀏覽支援手機清單。

「PayReady」模式「開啟」：付款時就算手機在備用狀態亦可一拍付款。
「PayReady」模式「關閉」： 按「PayReady」=> 輸入密碼 => 付款(倒時為 60 秒，可按屏幕重設倒時) => 一拍付款。

3 /  透過 Go QR 付款

打開「拍住賞」手機錢包點選「Go QR」，即開啟掃描儀可掃描商戶的QR碼，輸入付款金額，輸入密碼並按「確定」，即完成付款。「Go QR」功能讓不支援Mastercard感應式支付的小商戶也能加入「拍住賞」支付網絡，目前有數十間商戶可用。

4 /  透過 Apple Pay 或 Android Pay 付款

你現在可以將 Tap & Go 加入Apple Pay 或 Android Pay ，輸入並確認資料便可以付款。

5 / 實體卡付款

有啲商戶收Mastercard但不提供感應式支付，呢種情況就可以直接拎張卡出嚟碌（如果你有帶張卡喺身的話)。

如何增值 Tap & Go ?

銀行轉賬

Tap & Go 手機錢包內設有銀行轉帳增值功能。你可以透過中國銀行(香港)網上銀行或大新信用卡，即時增值到你的「拍住賞」大新銀行信用卡。最少增值金額為HK$500。（大新銀行信用卡增值服務只適用於「拍住賞」SIM）。

你亦可以用其他銀行戶口增值「拍住賞」，但需時約2個工作天方存入帳戶。用匯豐及恆生銀行戶口增值，你需要登入網上銀行辦理，其他銀行可直接經Tap & Go 手機錢包增值。

現金增值

你可於以下指定商戶之門市增值，每次增值額以HK$50之倍數計算，由HK$100至HK$3,000不等：

Tap & Go 有乜安全保障？

The post Tap & Go「拍住賞」攻略 x 優惠 appeared first on 理財資訊.

港人生活忙碌且負擔沉重，夫婦二人均有正職工作是不少家庭的寫照，為好好照顧高堂或兒女，不少港人均選擇聘請外傭分擔家中工作，但此乃大學問，除慎選賢人外，切忌為了慳錢而不為家中「姐姐」購買 家傭保險 ，因為家傭保險除了保障家傭外，亦保障僱主的利益。等我哋幫你比較市面上各大保險公司綜合家傭保險的保費、保障額及保障範圍啦。

聘請外傭除要向其每月支付最少4,410元的工資外，還須負上相關的法律責任。根據《僱員補償條例》（香港法例第 282 章）規定，所有僱主必須為其僱員投購勞工保險，以承擔其僱員如因工受傷在《僱員補償條例》及普通法方面的法律責任。此外，當傭工在受僱期內生病或受傷，僱主亦須根據標準僱傭合約提供免費醫療給外傭。雖然為外傭購買基本勞工保險可勉強符合法律要求，但並不足以保障僱主牽涉的所有法律責任，因此購買綜合家傭保險可於意外發生時，為雙方帶來充足的保障，亦可讓僱主避免獨自承擔所有風險。

第三者保險至關重要

可能你會說，為外傭支付普通門診、住院，及送返原居地的費用是有限錢，未必需要為外傭每年額外購買數百，甚至上千元的家傭保險，但要注意的是，第三者責任才至關重要。何謂第三者責任？意即外傭在工作期間引發事故，所牽涉第三者的相關責任，包括因疏忽引致第三方的財物損失或人命傷亡。舉例說明，若外傭在抹窗期間，不幸連人帶窗墮樓，僱主除需負責外傭的一切醫療開支外，被窗戶擊傷的途人亦有權向僱主索償，其索償金額往往十分龐大，家傭保險此時便可發揮作用，減輕僱主的財務壓力。

外傭牙科醫療、偷用電話費都有得保

除第三者責任外，家傭保險也涵蓋多種保障，隨時令你意想不到，包括外傭門診、住院醫療、牙科、外傭因身故、患重病或嚴重受傷而不能繼續工作，須送回原居地的相關費用、外傭未經僱主許可使用的電話費用、家傭在港因欺詐引致僱主的經濟損失等，但具體保障範圍仍須視乎個別保險計劃而定。

「鐘點」、陪月員亦有產品

家傭保險除保障外傭，亦有為俗稱「鐘點」的兼職本地家務助理，及陪月員等而設的家傭保障計劃，由於其工作時間較短，索賠風險較低，故相關保費亦相對廉宜，一年大約200至300元便可。

各大保險公司綜合家傭保險一覽：

MoneyHero.com.hk為香港最大金融產品比較平台，即時幫你比較旅遊保險、信用卡、私人貸款及按揭，幫你節省日常生活及財務支出！立即比較

延伸閱讀：【家居保險攻略】保費比較、保障額比較及保障範圍

——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 想請外傭？ 家傭保險 唔慳得！附保費、保障額及保障範圍比較 appeared first on 理財資訊.

去韓國旅行前，預先下載定幾個手機App，咁就唔使袋住本旅遊天書周圍走。不過App Store入面都有成千上萬個旅遊App，有啲需要付費，有啲需要身在韓國先可以下載，等 MoneyHero.com.hk 推介5款可以喺香港預先下載，而又免費實用嘅韓國旅遊好App比你啦！

5個必需下載的 韓國旅遊App

地圖 –「韓巢」中文版

去其地國家睇地圖，基本上用Google Map係最方便，但喺韓國依靠其他地圖App會更準確。推薦「韓巢」地圖中文版因為呢個App提供中文譯名，地鐵路線亦覆蓋首爾、釜山、大邱、大田、光州等地區。

韓巢 iOS 下載按此 Android 下載按此

交通 – Kakaobus

由於「韓巢」地圖並不提供巴士路線，所以就要「Kakaobus」呢個App幫手。用家可以輸入目的地或者巴士站編號，佢就會提供點對點嘅建議巴士路線，仲有定位到站提示，咁就唔驚搭過龍啦。

Kakaobus iOS 下載按此 Android 下載按此

翻譯 – GenieTalk

「GenieTalk」係比Google Translate更準確嘅翻譯手機App，可以將中、英、日文翻譯成韓文。而且提供英文拼音，令你都可以讀返個韓文發音，同當地人溝通。

GenieTalk iOS 下載按此 Android 下載按此

會話 – 學韓文

如果想再講多啲韓文扮吓當地人，咁就要靠「學韓文」呢個App。佢收錄咗近千句常用韓語同單字，只要按一下就會發出韓文讀音，直接比「阿豬媽」聽又得，自己跟佢講一次又得！最最最好嘅地方係可以離線使用，就算連唔到線上網都唔驚！

學韓文 iOS 下載按此 Android 下載按此

優惠 – 韓游網

「韓游網」提供最多旅遊優惠著數，而且唔使預先Print出嚟，直接出示手機Coupon就得，非常方便。仲可以利用佢預訂景點及公演門票，大部分產品甚至可以當日預訂。

韓游網 iOS 下載按此 Android 下載按此

延伸閱讀：【日本旅行App】6個超實用、免費下載必備手機App

多時喺海外簽卡都要比1.95%手續費，不過而家愈出愈多有回贈嘅信用卡，幫大家慳返唔少錢架，所以下次出發旅行前記得要揀定張最抵用嘅信用卡，MoneyHero.com.hk就推介以下幾張比大家︰

海外購物必備信用卡

1）Citi Cash Back Visa信用卡 : 海外簽賬2%回贈

憑Citi Cash Back Visa信用卡作任何外幣簽賬，均可享無上限2%現金回贈，相等於抵消1.95%海外交易手續費。現時迎新期內新客戶頭2個月內累積認可簽賬滿HK$15,000或以上可獲HK$1,500 現金回贈，又或累積認可簽賬滿HK$5,000或以上獲HK$500現金回贈。另外，2017年11月30日前經MoneyHero.com.hk成功申請Citi Cash Back Visa信用卡，仲額外送$200現金劵！

2） 渣打Simply Cash Visa 卡： 海外簽賬2%回贈

渣打Simply Cash Visa 卡於10月24日全新登場！同Citi Cash Back Visa信用卡一樣，呢張卡外幣簽賬亦一律有無上限2%回贈，而本地消費包括零售、餐飲、網購、八達通自動增值通通有1.5%現金回贈，係目前現金回贈最高嘅信用卡之一！迎新優惠更俾足100%回贈，簽HK$1,000即可賺盡HK$1,000回贈，唔使專登達到特定簽賬額。

3）星展DBS Eminent Card : 海外簽賬2%回贈

憑DBS Eminent Card作任何外幣簽賬，均可享有無上限2%現金回贈，啱啱夠抵消1.95%海外交易手續費。而本地簽帳則可享無上限1%現金回贈。2017年11月30日前經MoneyHero.com.hk成功申請DBS Eminent Card，送你額外$100現金獎賞+$100超市現金劵！

4）信銀國際中國國航雙幣信用卡：零手續費，海外簽賬5%回贈 + $8=1里

呢張銀聯卡免外幣簽帳手續費之餘，任何簽帳均可賺取$8=1里「鳳凰知音里程」（中國國航里數）。發卡後12個月內，當月只要簽滿$3,000，其中海外簽帳（不包括人民幣）更可享5%回贈，每月上限為$100！新客戶之迎新禮品可選：AKAI 抗敏UV除蟎機（價值HK$2,400）、HK$300 現金回贈或4,000鳳凰知音里程。網上申請可享額外HK$100現金回贈！另外，無論你是新客戶定現有客戶，即日起至2017年11月30日，經MoneyHero.com.hk成功申請仲獨家額外送$200現金劵！

5）渣打亞洲萬里通萬事達卡：海外簽賬$4=1里

渣打亞洲萬里通萬事達卡迎新期內簽滿$7,500就有15,000里數，其後每簽HK$2賺1里數（上限HK$170,000），即合共最多100,000里數！優惠期由即日起至2018年1月31日。迎新過後，食肆、網上及海外簽賬全年$4=1里數，仲要每個月自動幫你兌換里數同存入你嘅「亞洲萬里通」賬戶內，又唔收手續費，好適合用嚟儲里數！2017年11月30日前經MoneyHero.com.hk成功申請，送你額外$200現金劵！

想知道更多信用卡嘅優惠資訊？立即使用我哋嘅比較工具，搵出最適合你嘅信用卡！
經我哋申請仲可以獲得額外獎賞現金券，詳情請按此。

——

延伸閱讀：【日本旅行App】6個超實用、免費下載必備手機App

延伸閱讀：【旅遊上網必備】韓國5大熱門SIM卡大比拼

延伸閱讀：【滑雪攻略】韓國4大人氣滑雪場推介

記得留意我哋 MoneyHero.com.hk Blog，同埋緊貼我哋嘅 Facebook Page！

The post 【韓國旅遊App】5個超實用、免費下載必備手機App appeared first on 理財資訊.

平時消費購物想慳多啲，梗係要配合埋信用卡優惠。快啲睇下MoneyHero.com.hk本週為大家搜羅的信用卡優惠 同獎賞，等你荷包無咁傷啦！（2017年11月27日更新）

信用卡交稅優惠：按此進入

【新！】滙豐信用卡：商務印書館 指定書籍7折

憑指定滙豐信用卡於商務印書館選購指定書籍可享低至7折。

優惠期：2017年11月23日至12月10日

【新！】DBS信用卡：agnès b.聖誕禮籃85折優惠

憑DBS信用卡購買agnès b聖誕禮籃可享85折優惠：

• Best Wishes for Christmas禮籃HK$3,298（原價HK$3,880）
• Share the Joy禮籃HK$2,788（原價HK$3,280）
• Let’s Celebrate禮籃HK$2,448（原價HK$2,880）
• Santa’s Gift禮籃HK$2,108（原價HK$2,480）
• Festive Treat禮籃HK$1,683（原價HK$1,980）
• The Delight Box禮籃HK$1,343（原價HK$1,580）

持卡人須預先於結賬前說明享用有關優惠。

推廣期：即日至2017年12月8日

【新！】Citi Visa 信用卡：中環ifc商場消費滿$2,000回贈$100禮劵；滿$8,000回贈$400

憑Citi Visa信用卡於ifc商場簽賬滿指定金額，即可獲city’super購物禮券：

*不適用於Apple Store之交易及購買任何商戶禮券，持卡人可合共最多2張信用卡簽賬存根，每張信用卡簽賬存根認可簽賬交易淨額須為HK$100或以上。

換領禮劵時可參加即場抽獎，有機會贏取雙倍 city’super 購物禮券！另外，於整個推廣期內累積簽賬滿HK$80,000 或以上，可獲享額外100,000 積分獎賞。

優惠期：由2017年11月13日至2018年1月28日
Citi 奬賞專櫃：ifc商場2樓 (近TORY BURCH, 舖號2065)
開放時間：星期一至日上午10時至晚上9時30分

銀聯信用卡：買國泰機票減HK$400及享額外10公斤免費寄艙額

以銀聯信用卡於指定國泰航空網頁，憑優惠碼【HKUNIONCUG】預定由香港飛往大阪、東京、曼谷、新加坡及首爾之機票，可享HK$400折扣優惠及額外10公斤/22磅免費寄艙行李限額。優惠數量有限，先到先得。

預訂日期：即日至2017年12月15日
旅遊日期：即日至2018年3月25日

網頁：按此進入

銀聯信用卡：於Ctrip HK預訂全線酒店可享高達HK$350折扣優惠。

以銀聯信用卡於Ctrip.com.hk預訂全線酒店並輸入優惠代碼「UPIHOTEL」，滿HK$1,500可減HK$150、滿HK$2,500 可減 HK$250、滿 HK$3,500 可減 HK$350。優惠只適用於以港幣付款之酒店預訂訂單。

推廣期：2017年11月1日至2017年12月31日。

按此查看優惠詳情。

渣打/ MANHATTAN信用卡：PayPal 網上購物享高達$270現金回贈

現渣打/ MANHATTAN信用卡客戶透過 PayPal 網上購物，可享高達HK$270現金回贈：

優惠1：高達HK$240現金回贈消費獎賞

客戶於推廣期內網上登記並在每一階段憑合資格信用卡透過PayPal作合資格簽賬累積滿HK$2,500或以上，可享HK$ 80現金回贈。 客戶於連續三個階段最多可享HK$240現金回贈。

第一階段：2017年11月17日至2017年12月16日
第二階段：2017年12月17日至2018年1月16日
第三階段：2018年1月17日至2018年2月16日

優惠2：新 PayPal 賬戶額外HK$30現金回贈

客戶於2018年2月16日前網上登記並憑合資格信用卡使用新的PayPal賬戶進行任何網上交易，即可獲得HK$30現金回贈。

渣打信用卡：於Hotels.com預訂指定地點之酒店低至23折

憑渣打信用卡於Hotels.com預訂東京、首爾、曼谷、台北、蘇梅島、芭堤雅之酒店，享低至23折優惠。按此進入預訂網頁。

預訂日期︰即日起至2017年12月31日
旅遊日期︰即日起至2018年2月28日

Mastercard：Starbucks買一送一獎賞

Starbucks Rewards™會員只須登入香港星巴克手機程式，以有效Mastercard啟動星巴克卡自動增值功能，並將自動增值額設定為港幣50元或以上，即可享中杯裝或以上之手調飲品買一送一獎賞。

優惠期：2017年12月3日

Mastercard：使用Masterpass於Pizza Hut網上訂購滿$360即減$90

憑Mastercard於Pizza Hut訂購網站消費滿HK$360，並以於Masterpass成功登記之信用卡全數簽賬，可獲贈HK$90即時折扣。折扣優惠數量有限，先到先得，送完即止。

優惠期：即日至2017年12月6日

東亞信用卡：Expedia 預訂指定酒店可享低至5折及額外9折

憑東亞信用卡預訂曼谷/釜山/大阪/台中/東京精選酒店，享低至5折優惠，輸入優惠代碼再享額外9折。

預訂期限:即日起至2017年12月31日
入住期限:即日起至2018年3月31日

按此獲得優惠代碼。

DBS信用卡：於Zuji預訂芬蘭航空套票即減$800、 其他套票即減$500

憑DBS Black Card、DBS Eminent Card或DBS COMPASS VISA可享以下預訂套票(機票+酒店)優惠︰

優惠 1：預訂套票即享折扣高達HK$500
適用DBS信用卡持卡人預訂套票，於付款頁輸入相關優惠券代碼，單一交易金額滿HK$5,000可享即時HK$500折扣、單一交易金額滿HK$2,000可享即時HK$200折扣。

優惠 2：預訂芬蘭航空套票即享折扣HK$800 
適用DBS信用卡持卡人預訂芬蘭航空套票，於付款頁輸入相關優惠券代碼，單一交易金額滿HK$8,000，可享即時HK$800折扣。

按此前往取得優惠代碼。

優惠期：2017年11月1日至2017年12月31日

Visa信用卡：於Ctrip預訂任何曼谷機票滿$1,000，即減$100

今個星期於Ctrip.com用Visa卡預訂任何香港來回曼谷航班滿HK$1,000，即減 HK$100！預訂時輸入優惠代碼「TUESVISA」即享優惠，數量有限，送完即止。優惠詳情

優惠期：2017年11月14日至11月21日上午10時

渣打/MANHATTAN信用卡：百老匯簽滿$3,000享高達15%回贈

優惠1：憑成功登記的適用信用卡單一淨額簽賬滿HK$3,000或以上，可享高達15%現金回贈。回贈率為隨機，登記後即可得知回贈比率。(登記電話:1836 369)
優惠2：指定貨品低至6折
優惠3：於Apple Pay新登記合資格信用卡並透過Apple Pay於百老滙完成單一淨額簽賬滿HK$1,000或以上可享額外HK$150現金回贈。（新Apple Pay 客戶為於2017年11月1日前並沒有持有任何有效憑證及/或透過任何合資格信用卡完成任何Apple Pay之交易的渣打信用卡或MANHATTAN信用卡之持有人。）

優惠期：2017年11月1日至30日
詳情：按此查看

渣打/MANHATTAN信用卡：於屈臣氏簽滿$500，享高達15%回贈

憑渣打/MANHATTAN信用卡於屈臣氏簽賬可享高達15%現金獎賞：

匯豐信用卡：SOGO簽滿$2,000可獲$150崇光禮券

憑卡於崇光百貨累積合資格簽賬每滿港幣2,000元，可獲港幣150元崇光購物禮券，最高可達港幣750元崇光購物禮券。按此登記

優惠期：2017年11月1日至2018年1月1日

DBS Black World Mastercard：海外及網上簽賬$3=1里、本地零售簽帳$4=1里

DBS Black World Mastercard用戶於DBS Omni登記並在每階段累積合資格簽賬金額達HK$5,000，海外及網上簽賬可享HK$3=1里，本地零售簽帳可享HK$4=1里！持卡人必須選擇「DBS$自選換領計劃」作為其DBS$獎賞計劃方可享優惠，推廣名額只限7,000名，先到先得，額滿即止。查看優惠條款

第一階段：1/11/2017 – 30/11/2017
第二階段：1/12/2017 – 31/12/2017

DBS信用卡：淘寶購物享高達11%回贈

雙11優惠 – 憑DBS信用卡於推廣期內在天貓（tmall.com）/ 淘寶網^®平台 / 淘寶手機應用程式購物，可享11%現金回贈抽獎機會一次，最高可獲HK$110現金回贈。

• 推廣期：2017年11月10日至12月19日
• 消費期：2017年11月10日至12月19日
• 得獎名額：1,000個

大新信用卡：mydress.com正價商品68折

優惠一：正價商品68折
推廣編碼 : DS11MD68

優惠二：購買3件或以上正價商品，可享68折及免運費
推廣編碼 : DSMDFS

網址：www.mydress.com
優惠期：2017年11月1日至12月15日

 AEON信用卡：累積消費滿$8,000可免費換領AIA嘉年華門票

今年的AIA歐陸嘉年華將於12月22日開始舉行，11月11日起憑AEON信用卡累積消費滿指定金額，即可換領指定門票（可先換領後消費）：

尊尚門票 – 累積消費滿$30,000可換領1張
星級門票 – 累積消費滿$10,000可換領1張
普通門票 – 累積消費滿$8,000可換領1張 (2016年票價為$125)

換票期：2017年11月11日至2018年2月11日
消費期：2017年11月11日至2018年2月28日
地點：中環海濱活動空間

按此查詢活動詳情。

DBS信用卡：Ruby Tuesday餐飲7折

憑卡惠顧Ruby Tuesday，可享餐飲美食7折，優惠不包括套餐、酒精類飲品及任何每月特選食品，須另收以原價計算之加一服務費。

優惠期：即日至2017年12月14日

美國運通卡：千両精選美食高達6折

現凡於任何香港千両分店以合資格之美國運通卡簽賬，顧客惠顧「千両特上刺身盛 (8點)」或「千両上刺身盛 (8點)」乙客(二揀一)，或「六花酒造 華想 純米大吟釀」時，可尊享高達6折優惠。

優惠期：2017年11月1日至2017年11月30日

渣打/MANHATTAN信用卡：港麗酒店餐廳低至5折

現憑渣打/MANHATTAN信用卡於網上預訂港麗酒店餐廳指定套餐，享低至5折優惠！另外，餐廳食品及自助餐亦可享8折優惠。優惠詳情

優惠期：即日至2017年11月31日

Mastercard：惠康簽帳滿$500減$60（手機付款）

逢星期五、六及日，Mastercard持卡人於惠康超級市場、Market Place by Jasons、Jasons · Food & Living、3hreesixty 及Oliver’s the Delicatessen以Mastercard使用感應式或手機支付（包括Apple Pay、Android Pay及Samsung Pay）方式付款，單一簽賬滿HK$500，即減HK$60。

優惠期：2017年10月7日至11月30日

DBS Eminent Card：全港食肆簽賬3%現金回贈

DBS Eminent Card食肆簽帳本來做緊1.2%回贈，10月至12月會額外有多1.8%，即係夾埋有3%回贈！回贈金額無上限，亦不設最低簽賬要求，不過就要登記咗先 (按此登記 )。DBS Eminent Card其他本地簽帳照舊可享1%回贈，海外簽帳可享2%回贈。

優惠期：即日起至2017年12月31日

按此查看DBS Eminent Card詳情。

東亞信用卡：Apple網站消費滿HK$3,000即享高達10X積分

而家用東亞銀行萬事達卡以指定連結進入Apple.com（香港）累積消費滿HK$3,000，即可享10X簽帳獎分！用其他東亞信用卡亦可享8X簽帳獎分。每個萬事達卡帳戶最多可享額外40,000分；其他合資格信用卡最多可獲額外30,000分。按此查看優惠詳情。

優惠期：即日至2017年12月31日

按此查看東亞信用卡資訊。

銀聯鑽石卡：The Coffee Academics 咖啡買一送一

憑銀聯鑽石卡惠顧The Coffee Academics，即享以下優惠：

1. 購買任何外賣精品咖啡，尊享買一送一優惠
2. 購買任何外賣手調飲品，尊享美式鬆餅1個

優惠期：即日起至2018年2月14日
按此查看優惠詳情，或查看及比較銀聯卡產品。

DBS信用卡：Zalora 78折 + mydress.com 85折

而家憑DBS信用卡於Zalora購物滿HK$500或以上，可享78折（推廣編號：DBSHK22）；購物滿HK$300或以上可享8折（推廣編號：DBSHK20）；於mydress.com購物可享正價貨品85折（推廣編號：DBSXMD）。

Zalora優惠推廣期：即日至2017年12月31日
mydress.com優惠推廣期：即日至2017年12月31日

Mastercard：日本Amazon購物滿JPY¥‎8,000，免到港運費

逢星期五至日，憑Mastercard於amazon.co.jp/mastercardhk單一商品簽賬滿JPY¥‎8,000，付款時輸入推廣代碼「MASTERCARDHK」，即享直送香港或澳門*免運費。

優惠期：即日起至2017年12月31日

渣打信用卡：於銅鑼灣Midtown指定食肆及商戶簽賬滿$500，享HK$150禮券

憑渣打/MANHATTAN信用卡於於銅鑼灣Midtown（金朝陽中心2期）指定餐廳及商戶單一簽賬滿HK$500，可享HK$150禮券一張於下次交易當現金使用。商戶名單可按此查詢。

推廣期：即日至2017年12月31日

恆生Visa信用卡：於Gmarket 購物獲贈7折優惠劵

憑恒生Visa信用卡於指定推廣階段內，於Gmarket購買單件貨品淨值滿KRW10,000或以上，可獲贈Gmarket 7折購物優惠券一張以供下次購物使用；每張購物優惠券之最高折扣金額為KRW10,000，可於存入客戶之Gmarket賬戶後60日內使用。按此查看優惠詳情。

優惠期：即日起至2018年2月28日

恒生信用卡：海外簽賬/網上購物享高達15X Cash Dollar

恆生信用卡海外及網購簽帳獎賞加碼！而家只要每月零售簽賬金額滿HKD5,000或以上，當中海外簽賬/網上購物可享11-15X Cash Dollar（視乎卡種），相等於4.4~6%回贈！而每月零售簽賬金額HKD5,000以下亦有3-5X Cash Dollars，想知更多可以click呢到！

優惠期：即日起至2017年12月31日

按此了解更多東亞銀行信用卡資訊。

延伸閱讀：2017信用卡旅遊優惠大集合

——

想知更多 信用卡優惠 ，可即上我哋嘅信用卡比較平台，或留意MoneyHero.com.hk Blog，同埋緊貼我哋嘅Facebook Page！
經我哋申請仲可以獲得額外獎賞現金券，詳情請按此。

The post 本周 信用卡優惠 情報（11月27日更新） appeared first on 理財資訊.

雖然很多人說聖誕節已淪為商業活動，不過一份滿載心意的禮物始終會為另一半帶來一個微笑及甜蜜的回憶。對於聖誕禮物還未有頭緒？沒有時間製作一份獨一無二的DIY禮物？男人始終實際一點，閒時多留意他日常生活缺少甚麼，又或送他一些有實際用途一點的禮物，都會令他十分開心。

【 聖誕禮物男朋友 篇】

1. PS4 / Xbox / Switch

對於愛打遊戲機的男孩子來說，相信沒有人收到PS4或Xbox會不高興。若果怕男友之後只顧打機而冷落你，不妨考慮轉送任天堂的Nintendo Switch，因為Switch的遊戲多數適合2人或以上一起對戰，遊戲類別亦較吸引女性玩家，而且體質較少方便攜帶，讓你們閒時也可以帶它上街邊拍拖訪遊玩。

PlayStation售$2,380起，官方網站
Xbox售$1,550起︰官方網站
Switch售$2,340起︰官方網站

2. 遊戲機帶

若果男友已有遊戲機，送他遊戲機帶就最合適不過。PS4推介最新出的遊戲有《勇者鬥惡龍》、《人中之龍極2》；Xbox推介最新出的遊戲有Call of Duty: WWII、L.A. Noire；Switch推薦可4人同時遊玩的Overcooked。

PlayStation遊戲一覽
Xbox遊戲一覽
Switch 遊戲一覽

3. 運動手錶

可監測心跳率、具GPS定位系統、提供多項運動數據、又防水防汗的運動手錶最適合一眾熱愛運動的男士。受歡迎的運動手錶有Apple Watch、Samsung Gear Fit 2、Fitbit Charge、Polar A360、小米Mi Band2等。

Apple Watch Series 3售$2,688起，官方網站
Samsung Gear Fit 2售$1,399起，官方網站
Fitbit Charge 2售$1,190起，官方網站
Polar A360售$1,076起，官方網站
小米Mi Band2售$199起，官方網站

4. 模型

相信一眾女士都曾考慮過送模型給男朋友，可惜就像男生分不出每支唇膏有甚麼分別一樣，對著林林總總又看似一式一樣的模型無從入手。在此推介MG（Master Grade）系列給大家，1：100比例，是高達模型中的主力品種，外型比例好，平均每個月都會推出新一款。而且有骨架，較易站立擺出姿勢，是大部分高達玩家的首選。

5. 相機鏡頭

若你有個攝影發燒友男友，不妨送他一個相機鏡頭，又可以讓他為你拍下更多甜蜜照。若怕買錯型號，一些週邊配件產品如相機帶、相機袋也不錯。

6. 銀包

銀包絕對是男朋友系列禮物最常見的第一位，由於每日都需要用到，男友每次拿出來都會記起送禮者。銀包亦算一眾名牌產品中較易入手的單品，錫住大家荷包。若果仍然超出預算，可以考慮卡片套，價錢比銀包更相宜。

7. 皮帶

若果男友是需要著西裝的上班一族，那麼恤衫、領呔、呔夾、袖扣、皮鞋、公事包都會是不錯的選擇。當中最推薦送皮帶，因為皮帶可說是最不容易出錯的禮物，領呔、恤衫或許買了他不喜歡的款式，但皮帶款式變化不大，一條有品牌經典的黑皮帶絕對討得他的歡心。

8. 波鞋

就如女生一樣，波鞋對男生來說永遠不嫌多，不過記得查清楚男朋友的鞋號，免得買完穿不下就掃興了。推介Adidas NMD、Adidas EQT ADV、Reebok Instapump Fury、Nike Flyknit Racer等熱門系列。

9. 演唱會門票

每年紅館的聖誕或跨年檔期都由當紅歌手包辦，今年就有楊千嬅舉行一連11場演唱會，能夠和摯愛在紅館過聖誕也是浪漫。不過現在的演唱會門票一票難求，現在才想起要買可能要在網上求飛了。

10. 情趣用品

誰說送男友禮物只有對方才能用？在聖誕節送他情趣用品，既私「蜜」又挑逗，想必他在打開禮物時一定會會心微笑，和你度過一個愉快的晚上。

當然，以上只是一些推介，最位男生想收到的心水禮物也會不一樣，亦不一定要在物質上滿足他。其實女生大可主動安排一下聖誕假期的活動，為大家預訂好餐館，不用男友多費心思已經是一份最好的禮物。無論買禮物還是聖誕大餐，有張現金回贈信用卡傍身，等於自動打折，我們推薦以下幾張信用卡給大家︰

現金回贈信用卡之選

Citi Cash Back Visa 信用卡

Citi Cash Back Visa信用卡食肆簽賬享2%現金回贈，非餐飲本地簽賬享1%現金回贈，不設上限。而年薪要求只需24萬港元，係全港最容易申請嘅VISA Signature卡之一。另外，11月30日前經MoneyHero.com.hk申請Citi Cash Back Visa信用卡，成功獲批後仲會獨家送你額外HK$200現金劵，詳情請按此。

渣打Simply Cash Visa 卡

渣打Simply Cash Visa 卡於1本地消費通通有1.5%現金回贈﹙包括零售、餐飲、網購、八達通自動增值﹚，回贈率比起市面上好多卡都要高，而且不設最低簽賬要求及回贈上限！迎新優惠更係大放送，簽HK$1,000即回贈HK$1,000，回贈率足足100%，唔使達到特定簽賬額！

星展銀行DBS Eminent Card

無論係實體定網上商戶簽賬，都有本地簽賬1%回贈 + 外幣簽賬2%回贈優惠。新客戶於2017年12月31日前成功申請DBS Eminent Card，首2個月內所有合資格零售簽賬均回贈8%，上限$600﹙即簽賬滿$7,500已可獲上限$600回贈﹚。11月1日至30日期間經MoneyHero.com.hk申請並成功獲批，可享額外$100現金獎賞+$100超市現金劵，詳情請按此。

美國運通Blue Cash信用卡

Blue Cash係美國運通少有嘅低門檻卡之一 ，年薪只需HK$150,000就申請到。由2017年6月1日起，呢張卡所有本地簽賬一律享無上限1.2%現金回贈（以前係1%），最啱鍾意方便同唔想計數嘅人。現時申請更送你$700現金劵和2張電影戲票﹙戲院包括百老匯、PALACE或AMC﹚。

信銀國際Motion信用卡

新卡批核後首12個月內， 只需每月作認可簽賬達HK$3,000或以上，其中網上簽賬可賺取高達5%現金回贈*，每月之額外現金回贈上限為HK$100，全期最多可享HK$1,200額外現金回贈。

如果想睇埋其他信用卡優惠，可以即上我地嘅比較平台！經我哋申請仲可以獲得額外獎賞現金券，詳情請按此。

延伸閱讀：【聖誕攻略2017】聖誕商場打卡影相好去處
延伸閱讀：【聖誕市集+主題樂園】2017香港8大必玩聖誕活動

——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【 聖誕禮物男朋友 篇】聖誕節送咩好？ 10份他最想收到的禮物 appeared first on 理財資訊.

還有一個月便到普天同慶的聖誕節！聖誕節的甜蜜程度就像另一個情人節，又怎可能缺少一份聖誕禮物呢？不過對於男生來說，要買份合女友心意的禮物確實不易，女孩子喜歡的東西成千上萬，卻又無從入手，故此推介以下十款女生最期待收到的聖誕禮物給一眾男生。

【 聖誕禮物女朋友 篇】

1.名牌手袋

不是拜金，只是女生對於包包真的有份不解情意結，而且一個經典款式絕對是歷久不衰。一些入門級的名牌手袋有Saint Laurent Monogram Blogger、Givenchy Antigona Bag、Chloe Faye Mini、Balenciaga City等；有多點預算的可以選擇Chanel Classic Flap Bag、Celine Luggage、Celine Trapeze、Prada Galleria Bag等。

2. YSL刻名唇膏

隨便問一個女生都會知道YSL唇膏有多好用，現在YSL唇膏更提供刻名服務，在精緻的金管上刻上的她的名字或者只有你們二人才明白的暗號，女生收到後一定會笑逐顏開。不過…官方刻名服務只限於日本地區，大家需於日本的官網預訂。

YSL售$280起︰日本訂購網站

3. 即影即有相機

情侶拍拖少不免拍下甜蜜照片，無論數碼照片怎樣普及都不及一張張相片拿在手裡來得實在，故此一部即影即有相機就可以為你們紀下點點滴滴。Fujifilm instax mini 8就多粉色外殼選擇，instax mini 50s則可以倒數計時自拍，可說是為了情侶們精心打造。

Fujifilm instax mini 8 售$468起︰官方網站
Fujifilm instax mini 50s 售$750起︰官方網站

4. 蠟燭

誰說只能在特別日子才能用點起蠟燭？愈來愈多人愛在房間中點燃香薰蠟燭，讓香氛包圍整個房間。熱門牌子包括Diptyque、Bath & Body Works、Jo Malone、Molton Brown等，提供幾十款香味，包裝亦十分精緻。

Diptyque 官方網站
Bath & Body Works 官方網站
Jo Malone 官方網站
Molton Brown 官方網站

5. Dyson風筒

需知道女孩子每晚會花多少時間在吹乾秀髮上，Dyson風筒的快速吹乾功能確實是一大賣點，小編朋友親身試用完後大力推薦，只需3分鐘就完全吹乾長至胸口的一頭長髮，省回不少時間。當然，其價值不菲的售價或多或少都會附帶虛榮心，至少可以在IG呃Like！

Dyson風筒 售$3,380︰官方網站

6. 機票

女孩子都愛驚喜，若果你能為兩口子安排一個甜蜜之旅，訂好機票、酒店、住宿，當你拿出兩張機票訂單時，女朋友必定會雙眼發光！前題是…你要知道她是否假期空檔和你去遊玩。保險一點的話，大可以列印一張沒有目的地的登機證，讓女友決定好去哪裡旅行再買機票。

7. 睡衣

一件由你親自挑選的睡衣，讓她每晚好像在你的懷抱內睡覺，既溫馨又甜蜜。而且揀選一件你喜歡的款式，或許會令女友詫異從沒發現你的口味和她想像中那麼不同，增添多一份了解。

8. 戒指

和包包一樣，女生飾物永遠不會嫌多，而飾物又比衣物穩陣，細細件容易襯，不怕買了女友不喜歡的款式。而眾多飾物中，戒指多了一份承諾的含意，是你表達自己忠誠愛意的最佳信物。若覺得戒指太隆重，也可以買一對對的飾物，如手繩或手鐲。

9. Le Creuset

無論女朋友愛不愛下廚，一個法國名牌Le Creuset 琺瑯鑄鐵煲相信會勾起她入廚房煮飯的興趣！除了LC煲還可以選擇碗碟、餐具、廚具等產品。

Le Creuset 官方網站

10. Gift Card

若果你有個天生購物狂的女朋友，送一張Gift Card讓她不用看銀碼地瘋狂購物就最好不過。當然由你決定面額有多大，$100至$5,000任君選擇，重點是切記選好一間她愛逛的商店，否則便有反效果了。

相關文章︰【男朋友篇】10份他最想收到的聖誕禮物

無論買禮物還是聖誕大餐，有張現金回贈信用卡傍身，等於自動打折，我們推薦以下幾張信用卡給大家︰

現金回贈信用卡之選

Citi Cash Back Visa 信用卡

Citi Cash Back Visa信用卡食肆簽賬享2%現金回贈，非餐飲本地簽賬享1%現金回贈，不設上限。而年薪要求只需24萬港元，係全港最容易申請嘅VISA Signature卡之一。另外，11月30日前經MoneyHero.com.hk申請Citi Cash Back Visa信用卡，成功獲批後仲會獨家送你額外HK$200現金劵，詳情請按此。

渣打Simply Cash Visa 卡

渣打Simply Cash Visa 卡於1本地消費通通有1.5%現金回贈﹙包括零售、餐飲、網購、八達通自動增值﹚，回贈率比起市面上好多卡都要高，而且不設最低簽賬要求及回贈上限！迎新優惠更係大放送，簽HK$1,000即回贈HK$1,000，回贈率足足100%，唔使達到特定簽賬額！

星展銀行DBS Eminent Card

無論係實體定網上商戶簽賬，都有本地簽賬1%回贈 + 外幣簽賬2%回贈優惠。新客戶於2017年12月31日前成功申請DBS Eminent Card，首2個月內所有合資格零售簽賬均回贈8%，上限$600﹙即簽賬滿$7,500已可獲上限$600回贈﹚。11月1日至30日期間經MoneyHero.com.hk申請並成功獲批，可享額外$100現金獎賞+$100超市現金劵，詳情請按此。

美國運通Blue Cash信用卡

Blue Cash係美國運通少有嘅低門檻卡之一 ，年薪只需HK$150,000就申請到。由2017年6月1日起，呢張卡所有本地簽賬一律享無上限1.2%現金回贈（以前係1%），最啱鍾意方便同唔想計數嘅人。現時申請更送你$700現金劵和2張電影戲票﹙戲院包括百老匯、PALACE或AMC﹚。

信銀國際Motion信用卡

新卡批核後首12個月內， 只需每月作認可簽賬達HK$3,000或以上，其中網上簽賬可賺取高達5%現金回贈*，每月之額外現金回贈上限為HK$100，全期最多可享HK$1,200額外現金回贈。

如果想睇埋其他信用卡優惠，可以即上我地嘅比較平台！經我哋申請仲可以獲得額外獎賞現金券，詳情請按此。

延伸閱讀：【聖誕攻略2017】聖誕商場打卡影相好去處
延伸閱讀：【聖誕市集+主題樂園】2017香港8大必玩聖誕活動

——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【 聖誕禮物女朋友 篇】聖誕節送咩好？10份她最想收到的禮物 appeared first on 理財資訊.

仲有唔夠一個月就到聖誕節，唔少香港人都鍾意去酒店食Buffet慶祝，揀地方時除咗留意有咩好食、有無靚景之外，價錢亦係重要考慮因素！想搵抵食自助餐，一定要貨比三家，而且越早訂位就越好，盡享早鳥優惠。以下MoneyHero.com.hk為大家嚴選出5大最荀聖誕自助餐優惠，等大家足做準備迎接佳節。

1 / 香港萬怡酒店Momo Café：平安夜、聖誕節 6折優惠！

要數最吸引嘅early bird優惠， 香港萬怡酒店Momo Café必定當選。客人只要訂枱前支付全數，就可以享有最低6折優惠，以12月24同25號嘅晚餐為例，折後只需要HK$300左右。嘢食方面，當然唔少得聖誕火雞、樹頭蛋糕，仲有波士頓龍蝦、刺身、燒鮑魚等，以呢個價錢嚟講，CP值超高。

地址：香港西營盤干諾道西167號
電話：+852 37178989
價錢：

* 6折早鳥優惠只限12月24同埋25號晚餐

預訂網站：按此進入

2 / 富豪九龍酒店Mezzo：7折享半自助美意菜式 

只要喺12月15日前預訂富豪九龍酒店嘅Mezzo，並支付全數，即可享有7折優惠。Mezzo主打美式意大利菜，聖誕期間就會以半自助晚餐為形式，有六選一嘅主菜，例如珍寶帶子配香檳牛油汁、烤聖誕火雞伴香草燒汁等，仲有無限頭盤、沙律同埋甜品。雖然海鮮只有凍緬因州龍蝦、鱈場蟹腳，種類唔算多，但勝在餐廳評分尚算唔錯，貴精不貴多。

地址：香港尖沙咀麼地道71號
電話：+852 23138778
價錢 (原價)：12月24、25、31號 – 晚餐成人HK$638、小童HK$498
訂座網站：按此進入

3 / 數碼港艾美酒店Prompt：7折任飲香檳 

數碼港艾美酒店嘅Prompt越早訂位，就享有越高優惠。喺11月30號前訂位、俾訂金，即有7折優惠，大約$600左右。價錢驟眼睇落去唔算吸引，不過呢度嘅自助餐包飲品任飲，除咗普通嘅果汁、汽水，仲有香檳提供，最適合各位酒鬼！

地址：香港數碼港路100號
電話：+852 29807417
價錢： 12月24、25、26、31號及2018年1月1號 – 晚餐成人HK$848、小童HK$374
優惠：

• 11月30號前付訂金享有7折優惠
• 12月7號前付訂金享有8折優惠
• 12月14號前付訂金享有9折優惠
• 12月21號前付訂金享有95折優惠

訂座網站：按此進入

4 / 金域假日酒店Bistro on the Mile：海鮮自助餐85折

金域假日酒店嘅Bistro on the Mile位於人流最旺嘅彌敦道，比起其他幾間酒店，喺呢度食完行吓都非常方便。餐廳嘅聖誕自助餐以海鮮為主，可以食到即開生蠔、波士頓龍蝦、翡翠螺、長腳蟹等，而且全部都係新鮮運到，保證滋味十足。另外熟食亦值得一讚，由日式天婦羅、西班牙海鮮飯，到花膠燉雞湯都可以食到，美食種類非常豐富。凡於12月15日前預付12月24日及25日之自助餐費用，即可享有85折優惠。

地址：香港九龍尖沙咀彌敦道50號
訂座電話：2315 1118
價錢(原價)： 12月24號晚餐成人HK$649起、小童HK$454起
　　　           12月25號晚餐成人HK$629起、小童HK$440起

灣景國際灣景廳：85折感受聖誕氣氛 

灣景國際嘅灣景廳喺12月15號前訂位及俾訂金，可享有85折早鳥優惠。餐廳喺聖誕期間推出多款限定美食，包括每晚都一定會有燒聖誕原隻火鷄，而26同31號就仲有燒美國特級牛肉眼扒、燒煙豬柳、印式天多利豬腩等。值得一讚係呢度聖誕氣氛特別好，餐廳安排咗多個助興節目，例如派禮物、扭氣球環節，而且聖誕新年期間設有6場抽獎遊戲，送出總值港幣$79,000蚊嘅禮物，都幾吸引㗎！

地址：香港灣仔港灣道4號

價錢： 12月24、25號晚餐成人HK$578起、小童HK$458起
　　　 12月26號晚餐成人HK$538、小童HK$458
            12月31號晚餐成人HK$518、小童HK$378

預訂或查詢：3909 9088 / harbourrestaurant@theharbourview.com.hk
優惠詳情：按此進入

延伸閱讀：【禮物女朋友 篇】聖誕節送咩好？10份她最想收到的禮物

延伸閱讀：【聖誕攻略2017】聖誕商場打卡影相好去處

延伸閱讀：【聖誕市集+主題樂園】2017香港8大必玩聖誕活動

平時出街食飯，你係咪習慣用信用卡簽帳呢？因為好多信用卡嘅餐飲回贈係特別豐富。想了解更多信用卡優惠，即睇以下介紹：

餐飲信用卡精選

Citi Cash Back Visa信用卡

最新推出嘅Citi Cash Back Visa信用卡提供2%餐飲回贈，回贈不設上限，持卡人更專享多個酒店餐飲買一送一優惠。年薪要求只需HK$240,000，係全港最容易申請嘅VISA Signature卡之一。經MoneyHero.com.hk申請額外送HK$200現金劵。

渣打 Simply Cash Visa 卡

渣打 Simply Cash Visa 卡所有本地消費包括餐飲同零售都有1.5%回贈，而且全新客戶首2個月合資格簽帳可享100%現金回贈，上限1,000蚊，不設下限。呢張卡亦係最容易申請嘅VISA Signature卡之一，年薪要求只需HK$240,000。

美國運通Blue Cash信用卡

美國運通Blue Cash信用卡所有簽帳回贈均為1.2%，年薪要求只需HK$150,000。9月起迎新優惠加碼，經網上申請可享HK$700百佳現金劵+ 2張戲飛，經MoneyHero.com.hk申請額外再送HK$100現金劵！

DBS Eminent Card

由即日起至2017年12月31日，DBS Eminent Platinum Card 及 DBS Eminent Visa Signature Card提供3%餐飲回贈，不設上限，須預先登記。2張卡的年薪要求分別為HK$150,000及HK$360,000，2017年11月1日至31日期間經MoneyHero.com.hk申請，額外再送HK$100現金獎賞+HK$100現金劵！

HSBC匯豐Visa Signature 卡

只要登記最紅自主獎賞時選擇「賞滋味」類別，HSBC匯豐Visa Signature 卡的餐飲回贈可達3.6%，但年薪要求亦高達HK$480,000。

想獲得更多餐飲優惠，可瀏覽MoneyHero信用卡比較平台，搵出至啱你嘅餐飲回贈信用卡！
經我哋申請仲可以獲得額外獎賞現金券，詳情請按此。

——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 2017 聖誕自助餐 優惠大合輯 appeared first on 理財資訊.

天氣涼涼地，秋高氣爽。除左去打邊爐或者食煲仔飯，大家都要記住做吓運動Keep Fit。少運動除咗影響身形，仲會影響健康，大家必須要正視。講到有效Keep Fit 又好玩、又低成本、又熱門嘅運動點少得行山。小編今次就想推介港島徑、鶴咀、大潭徑等8條入門行山路線俾大家，兼且話你知邊張信用卡有行山裝備購物優惠，等大家行得安全又健康！

1. 龍脊（港島徑第8段）

唔少朋友頭幾次行山都會行到呢條路線，一般行山人士都簡稱為龍脊，其實正式嚟講呢段路係屬於港島徑第8段。呢條路線鄰近市區，交通算方便，難度唔算高，小編認為初學者都可以應付到。沿途風光明媚，行到最後仲可以喺大浪灣
沙灘睇日落添。龍脊受歡迎嘅程度連著名旅遊指南Lonely Planet 都將佢評為「香港最佳遠足路線」，美國嘅CNN亦都曾經推介，難怪每逢星期六、日都人山人海。

難易度：★★★☆☆
長度：約8.5公里
所需時間：約3小時 (不包括拍照及休息時間)
出發交通：港鐵筲箕灣站A3出口筲箕灣巴士總站坐9號巴士至土地灣站落車
回程交通：大浪灣坐紅Van / 步行至石澳道口坐9號巴士回港鐵筲箕灣站
路線：土地灣 -> 打爛埕頂山 -> 龍脊 -> 馬塘坳 -> 大浪灣

2. 鶴咀

同樣喺港島東南部，鶴咀都算係熱門嘅路線，最著名嘅打卡影相位係鶴咀海岸保護區度嘅鯨魚骨標本，呢個標本係由海洋公園著名殺人鯨海威製成嘅，近年已成為鶴咀嘅地標。鶴咀呢條路線要行嘅路大部分都係石屎路，特別係去程落斜比較輕鬆，只係回程上斜要略花氣力。除咗剛提到嘅鯨魚骨標本外，更加有香港最古老嘅德忌立角燈塔(1875年啟用)同埋2個海蝕洞，十分適合影相打卡，單睇環境分分鐘以為自己身在外地添！不過大家行近海蝕洞時都要留意天氣同潮水漲退情況，注意安全。

（註：由於鶴咀海岸保護區嘅成立係為保區內重要生物及其生境，除咗獲准進行嘅科研活動外，游水、船艇活動同釣魚等水上同沿岸康樂活動都唔可以喺區內進行架！）

難易度：★★☆☆☆
長度：約7.2公里
所需時間：約2小時 (不包括拍照及休息時間)
出發交通：港鐵筲箕灣站A3出口筲箕灣巴士總站坐9號巴士至鶴咀站落車。
(注：9號巴士假日部分班次不經鶴咀，各位上車時要多加留意)
回程交通：鶴咀站坐9號巴士回港鐵筲箕灣站
路線：鶴咀道 -> 德忌立角燈塔 -> 雷音洞 -> 鯨魚骨標本 -> 蟹洞 -> 鶴咀道(原路折返)

3. 柏架山道至大潭道（港島徑第6段）

呢條路線嘅起點正正喺港鐵鰂魚涌站，交通極為方便。雖然路途初段都係上斜路段為主，但初學者只要慢慢行都唔難應付。呢條路大部分都係石屎路，所以唔洗擔心崎嶇不平同埋沾滿泥濘。從柏架山道開始，行大約10分鐘，已見一座極具歐陸色彩嘅紅屋，此屋以前係太古洋行職員宿舍，現時已改建為漁農自然護理署嘅自然教育中心。除紅屋外，經過大風坳涼刻亭後，大潭水塘一帶亦有多座古典味濃嘅英式石橋，非常適合拍照留影。

難易度：★★☆☆☆
長度：9公里
所需時間：約3小時 (不包括拍照及休息時間)
出發交通：港鐵鰂魚涌站A出口步行至柏架山道
回程交通：大潭道坐14號巴士回西灣河
路線：柏架山道 -> 紅屋 -> 柏架山道 -> 大風坳 -> 大潭水塘 – > 大潭道

4. 山頂至薄扶林道（港島徑第1段）

山頂除咗係著名嘅觀光地點外，附近亦有唔少行山路線適合初學者，除左適合人家大細嘅山頂環迴步行徑同比較斜嘅舊山頂道落中環路線外，今次想介紹呢條薄扶林水塘路線比大家。雖然呢條路線比起今次介紹嘅其他入門路線係冇咩打卡、影相位置，但勝在緩緩落山嘅路段平坦易行，而且途上綠樹成蔭，總算可乘機洗滌心靈。如果嫌行程太平淡，可於出發前先由山頂廣場行5分鐘，到柯士甸山遊樂場野餐或影吓相，呢個公園採用古典英式庭園設計，不論係涼亭、噴水池，甚或公廁都令你仿如置身歐洲一樣。

難易度：★☆☆☆☆
長度：8.5公里
所需時間：約2.5小時 (不包括拍照及休息時間)
出發交通：中環交易廣場巴士總站坐15號巴士至山頂廣場
回程交通：薄扶林道乘巴士前往多區
路線：山頂廣場 -> 夏力道 -> 薄扶林水塘 -> 薄扶林道

5. 梅窩至愉景灣

講完港島嘅行山好去處，就等小編講吓呢條喺大嶼山嘅路線啦。即使喺假日，呢條路線都比較少人，樂得清靜之餘亦唔會太迫。呢條路線最辛苦就係過左銀礦灣沙灘之後行上「天梯」一段，因為要連續行200幾米高嘅梯級上山。不過辛苦過後，登頂回望後方嘅無敵大海景，你頓時會覺得流咗嘅汗水都係值得嘅。隨後途經嘅神樂院亦係一個頗有中西文化融合特色嘅宗教地域，唔講唔知，原來呢度係十字牌牛奶嘅發源地嚟架。

（註：如果想比較輕鬆咁行呢條路線，可以考慮「逆走」，即由愉景灣出發行至梅窩，可以避過行上「天梯」的辛苦位，若傍晚時份到達終點梅窩，更可吃個海鮮晚餐！）

難易度：★★☆☆☆
長度：6.5公里
所需時間：約2小時 (不包括拍照及休息時間)
出發交通：中環港外線6號碼頭坐船去梅窩 / 東涌市中心坐3M號新大嶼山巴士去
梅窩碼頭
回程交通：愉景灣碼頭坐船去中環 / 愉景廣場外巴士站坐DB01R村巴去東涌
路線：梅窩碼頭 -> 銀礦灣沙灘 -> 天梯 -> 神樂苑 -> 愉景灣

6. 馬鞍山郊遊徑

嚟到新界亦有唔少靚景路線，小編覺得最靚又比較易行一定要數呢條馬鞍山郊遊徑。此徑沿路可以睇到舊日馬鞍山礦場嘅部份遺跡，而登上昂坪草原後，景色漸入佳境，可以環望西貢沿海一帶同埋對出嘅海島，令人精神為之一振。要注要此路上昂坪之後都係以泥沙路為主，而且落山途中有一段係泥石級，唔係工整嘅梯級，建議各位要著遠足專用嘅行山鞋出發。

（註：此郊遊徑嘅正式起點喺馬鞍山燒烤場，由恒安邨出發要行45至60分鐘左右，而且大部份係斜路，頗為吃力。如果體力有限，小編建議可坐的士至燒烤場先開始行程。）

難易度：★★☆☆☆
長度：4.5公里
所需時間：約2小時 (不包括拍照及休息時間)
出發交通：馬鞍山市中心坐的士 / 恒安邨步行至馬鞍山燒烤場
回程交通：终點西貢消防局附近車站有巴士及小巴前往彩虹/ 將軍澳等多區
路線：馬鞍山燒烤場 -> 馬鞍山村及礦場遺跡 -> 昂坪草原 -> 大水井 -> 西貢消防局

7. 河背水塘家樂徑

唔少行山路線都係圍繞水塘而建，山水相連嘅風景始終有多少保證，唔洗驚影唔到相「交功課」。想講呢條路線位於新界西，鄰近錦田嘅河背水塘，呢度仲曾經獲選為「香港郊野十景」之一，可見景色之美。話明係家樂徑，全程只係大約2公里，可以喺1個鐘內行完，不過起程前要先由河背村行大約30分鐘先到達家樂徑入口，來回加埋預大約2個鐘就差唔多。如果時間上有鬆動，不妨可以去埋家樂徑附近嘅青協有機農莊參觀添。

難易度：★☆☆☆☆
長度：4.5公里
所需時間：約2小時 (不包括拍照及休息時間)
出發交通：元朗泰衡街 / 錦上路鐵路站坐71號小巴至河背村
回程交通：河背村坐71號小巴至錦上路鐵路站 / 元朗泰衡街
路線：河背村 -> 河背水塘家樂徑 -> 河背村

8. 小夏威夷徑

上面講咗幾條都係港島、新界同離島嘅路線，依家介紹一條頗為鄰近九龍同將軍澳市區嘅路線，就係近年幾Hit嘅小夏威夷徑。呢條徑恰如「城市中嘅綠洲」，路程相對較短，而且無咩辛苦嘅上斜位，大人應該可以1個鐘左右行晒；即使一家大細一齊行，慢慢觀賞小夏威夷瀑布同影吓相，應該都唔洗2個鐘就可以完成，絕對係周末家庭樂的好選擇。

難易度：★☆☆☆☆
長度：3公里
所需時間：約1小時 (不包括拍照及休息時間)
出發交通：港鐵彩虹站坐1/ 1A號小巴或91/ 91M/ 92號巴士(西貢方向)至井欄樹
回程交通：終點為寶琳港鐵站
路線：井欄樹 -> 衛奕信徑3段 -> 小夏威夷徑 -> 小夏威夷瀑布 -> 寶康路 -> 寶豐路 -> 寶琳港鐵站

山路崎嶇，當然唔可以著西裝、高踭鞋行山啦，穿著返正統行山服裝始終比較安全，而且唔少信用卡都做緊優惠，揀返張合適信用卡買行山裝備，真係可以慳唔少！

運動服裝優惠信用卡推介

建行香港航空Fly Away 信用卡

由即日起至2018年3月14日，用建行(亞洲)香港航空Fly Away信用卡於指定運動商戶簽賬，可享高達 10X 信用卡積分。而且，運動商戶選擇多，包括Columbia、The North Face、運動家、戶外城等，不過就需要預先登記。詳情

WeWa 信用卡

安信WeWa卡新客戶於發卡後90日內簽滿HK$8,500，迎新禮品可獲 FITBIT ALTA 健身手環。詳情

Citi Cash Back Visa信用卡

憑Citi Cash Back Visa 卡於指定adidas專門店，購買正價貨品可享9折優惠。詳情

匯豐銀行銀聯雙幣鑽石卡

憑匯豐銀聯雙幣鑽石卡於恒輝數碼購買2XU及Salomon 運動服裝品牌，可享8折優惠。即睇更多匯豐信用卡詳情。

相關文章：香港平靚正拍拖好去處

相關文章：香港平靚正親子活動好去處

——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 香港8大入門行山路線推介+運動服裝信用卡優惠 appeared first on 理財資訊.

信用卡嘅迎新優惠一向包羅萬有，銀行除咗會用里數獎賞同現金回贈吸客之外，當然唔少得各類型嘅 迎新禮品  ，例如廚具、電器、電子產品、按摩椅、行李箱等，吸納唔同客戶層。今日MoneyHero.com.hk 就同大家分享下各張卡嘅最新迎新禮品優惠！（2017年9月更新）

信銀Motion信用卡 迎新禮品

家庭必備－AKAI抗敏UV除蟎機

塵蟎係其中一種兒童致敏原，所以愈來愈多家庭關注塵蟎問題，不過一部除蟎機動輒都要過千蚊，例如上圖嘅AKAI抗敏UV除蟎機參考價值近HK$2400，諗起都肉赤。而信銀國際Motion信用卡嘅迎新禮物正正就係呢部除蟎機，十分實用。客戶只需在3個月內簽賬滿HK$6,000便可以得到一部。另外，無論你是新客戶定現有客戶，即日起至2017年12月31日，經MoneyHero.com.hk成功申請仲獨家額外送$200現金劵！

信銀國際Motion信用卡本身係一張主打網上購物嘅信用卡，網購簽帳可享高達5%回贈。

或按此查看更多信銀國際信用卡詳情。

WeWa卡 迎新禮品

走進虛擬世界－Zeiss VR One Plus 虛擬實境眼鏡

VR眼鏡係近年大熱產品，唔知你又親身體驗過未？呢款VR眼鏡出面賣緊HK$1,180，支緩4.7至5.5英寸的智能手機，於App Store/Google Play下載不同的虛擬實境遊戲或影片，即可配合眼鏡一併使用。而家只要申請WeWa卡並於發卡後首90天內憑簽帳滿HK$8,500，即可免費獲贈一部。

Keep Fit 好幫手－Fitbit Alta 時尚健身手環

身邊個個都將減肥掛在口邊，不過講就易，做就難！想提高減肥嘅動力？不如試下戴「健身手環」！健身手環可以記錄每日運動量、距離、步數及卡路里消耗，一check就知自己達唔達標。另外仲可以追蹤睡眠質量，還自己一個健康生活。健身手環仲可顯示時間、來電或訊息等功能，集多功能於一身！

而家只需申請WeWa卡並於發卡後首90天內憑簽帳滿HK$8,500，可以選擇免費獲贈一部 「Fitbit Alta 時尚健身手環」（價值 HK$998）作為迎新禮品！

2017年12月31日前透過MoneyHero.com.hk申請WeWa卡，更會送你額外HK$200現金回贈及HK$100超市現金劵（冇任何簽賬要求，$200現金回贈開卡首月即入落新卡戶口 ）！

或按此查看更多WeWa卡詳情。

DBS COMPASS VISA 迎新禮品

「煮」婦最愛－Récolte日式小電鍋  

如果你鐘意鑽研廚藝，炮製美食，咁呢個小電鍋就啱曬你。Compass Visa 嘅迎新禮品可以揀Récolte日式小電鍋，呢款料理鍋有3段火力調節，鍋仔細細有齊水蒸、水煮、煎炒、油炸4大功能！而且有齊油炸圈、蒸架、不鏽鋼鍋、烤盤等工具，可以用嚟整炸雞、打邊爐、煎餃子、蒸點心….乜都得，小巧實用，好適合用嚟煮1至2人份量嘅飯菜！

而家只要成功申請DBS COMPASS VISA信用卡，3個月內簽賬滿HK$6,800就可以免費獲贈「Récolte日式小電鍋」。

而家經MoneyHero.com.hk申請 DBS COMPASS VISA信用卡，仲獨家送你額外HK$200現金劵！提提你，DBS COMPASS VISA卡冇任何年薪要求，大專學生都申請得架！

或按此查看DBS信用卡詳情。

美國運通I.T Cashback卡 迎新禮品

去旅行都要潮－限量版A BATHING APE電子磅行李帶

去旅行最怕行李超重，帶定個行李電子磅就唔怕比人罰錢啦。而家成功申請美國運通I.T Cashback卡，就可以換到呢個限量版A BATHING APE電子磅行李帶！美國運通I.T Cashback卡嘅迎新禮物當然唔只咁少！網上申請仲會送你2張免費戲飛，首2個月內簽賬滿HK$6,000，仲有HK$600 I.T禮券送俾你。

美國運通I.T Cashback卡所有簽帳享1%回贈，並提供I.T.購物折扣。現經MoneyHero.com.hk成功申請 ，仲獨家送你額外HK$200現金劵（無任何簽賬要求）。

或按此查看更多美國運通信用卡詳情。

EarnMore信用卡 迎新禮品

放工鬆一鬆－OTO Adore Back 3D 按摩坐墊

香港地大部份人屋企得幾百呎，擺得落大大部按摩椅嘅人其實唔多。OTO 呢款按摩坐墊就好適合屋企冇乜位，又想放鬆筋骨嘅朋友。呢款坐墊設有3D指壓及推拿療法, 可以放鬆頸至背部的肌肉，為上班族及低頭族舒緩腰酸背痛，而且非常輕巧，無論喺屋企、辦公室或汽車內使用都冇問題！

而家申請EarnMore 信用卡，於發卡後90天內簽帳滿HK$8,500，即可免費獲贈OTO Adore Back 3D 按摩坐墊一張！

由即日起至2017年12月31日，透過MoneyHero.com.hk申請安信EarnMore 信用卡即送你額外HK$200現金回贈及HK$100超市現金劵（冇任何簽賬要求，HK$200現金回贈開卡首月即入落新卡戶口 ）！

或按此查看更多EarnMore信用卡詳情。

Citi Rewards信用卡 / Citi Clear Card 迎新禮品

American Tourister Bon Air 75厘米四輪行李箱

老實講，迎新送「喼」嘅信用卡比比皆是。點解小編要介紹呢款？一個字：型！當然啦，堅固同安全亦都好緊要。呢款American Tourister黑色Bon Air 75厘米四輪拉桿行李箱，外殼以堅固嘅聚丙烯製成，搭飛機寄艙都唔怕跌爛，仲送埋3年全球保養。

呢款行李箱出面賣緊HK$1,659，現只要申請Citibank Rewards Visa 信用卡 或 Citi Clear Card，發卡後首2個月內累積認可簽賬滿 HK$15,000或以上，即可免費獲贈作為迎新禮品。

Citi Rewards Visa 信用卡

呢張卡最大特色係超市/百貨公司簽帳5X積分，12月31日前透過MoneyHero.com.hk申請Citi Rewards Visa 信用卡即送你額外HK$100超市現金劵！按此查看Citi Rewards信用卡詳情。

Citi Clear Card

Citi Clear Card 所有外幣網上簽帳2%回贈，學生都申請得。12月31日前透過MoneyHero.com.hk申請Citi Clear信用卡，即送你額外HK$100超市現金劵。

或查看更多Citi Clear Card 詳情。

想知道更多信用卡嘅迎新優惠資訊？立即前往我哋嘅信用卡比較平台！

相關閱讀：2017 最新信用卡迎新優惠－ 迎新里數篇

相關閱讀：嚴選 八達通自動增值 最佳信用卡（2017年8月）

相關閱讀：【信用卡攻略】信用卡 戲院 購票優惠2017

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 2017 各大銀行最新信用卡優惠－迎新禮品篇 （2017年11月版） appeared first on 理財資訊.

出國外遊影完靚相冇得即時放上Facebook同Instagram都算喇，唔識路果時連Google Map都用唔到，你都咪話唔頭痕。MoneyHero.com.hk 特地搜羅5大熱門租借Pocket Wifi 蛋的公司，幫大家搵出最抵選擇，仲會定期Update 每間公司嘅限定優惠。（資料更新：2017年11月）

多人同行租蛋最抵

近年，香港多左好多外遊上網方案比大家選擇。如果幾個人一齊出遊，租一隻Wifi蛋 一齊用就最抵，仲可以無限上網。而家租隻Wifi蛋其實好方便，提取Wifi蛋嘅地點多左，價錢仲一啲都唔離地、平均一日幾十蚊（港幣‧下同）就有交易。

1. Wifi Egg（漫遊蛋）最便利

Wifi Egg 提供早鳥優惠，提早30天前預訂，如果去港人最熱門旅遊地點—日、韓，日租只需20蚊，其他指定國家亦有7折至95折。除尖沙咀及銅鑼灣門市外，WiFi蛋可於全港過百間7-11便利店交收，亦可選用收費速遞服務，在眾多Wifi 蛋租借公司中最為便利。WiFi蛋租借嘅按金為1,000蚊，需要以銀行過數或信用卡交付。

此外，即日起，成功預訂任何國家之WiFi蛋，即送台灣、峇里島、印度酒店住宿75折。優惠期間由2017年6月15日至12月31日。優惠詳情請按此。

2. Crazyegg 早鳥減最多

相比之下，Crazyegg 的原價租金雖然高，但佢地嘅早鳥優惠折扣率亦最高。以日、韓為例，原價日租60蚊；48個鐘前預訂可獲日租優惠價25蚊；31日前預訂更可獲憤怒鳥優惠，最平日租只係13蚊及15蚊，非常超值。Crazyegg設旺角及機場門市交收。WiFi蛋租借嘅保證金為500蚊，以現金過數及信用卡授權方式交付。

最近，Crazyegg推出會員積金獎賞計劃，可以換取東京使用的Suica卡、關西ICOCA交通卡、免費機場貴賓休息室入場資格等，即睇詳情。

3. WiFiBB回港日免租

WiFiBB嘅日租由19至88蚊不等，日韓新增限速Plan，未計其他優惠，每日只需19蚊，提早30日預訂有早鳥優惠8折，租用超過3日更有回港日免租優惠。WIFIBB提供優惠計算例子，俾你可以跟住訂！而WiFiBB設有機場門市交收。WiFi蛋租借需以信用卡授權1000蚊作保證金。

4. 爽WiFi VIP早鳥優惠只需提前3日

爽WiFi嘅原價日租由30至85蚊不等，只需提早3日預訂就有優惠，早鳥日租由24至68蚊不等。爽WiFi設有機場、尖沙咀及觀塘門市交收，另提供收費速遞服務。WiFi蛋租借需支付按金，於網上以信用卡支付則可免按金。

爽WiFi亦不時推出推廣優惠，例如，預訂3次Wifi蛋後，便可成為VIP，除可不受3日期預訂之限制隨時享有正價8折外，全單更可額外再9折，如選擇銀行轉賬的VIP客戶亦可有免按金的優惠。按此瀏覽更多最新優惠。

5. Visondata (維訊數據) 推機場接送折扣

維訊數據的日租價錢由28至70蚊不等，提早20日預訂可獲每日日租減10蚊折扣，以日、韓、台、泰日租原價28蚊為例，早鳥價為18蚊。維訊數據於機場T1及T2、旺角及銅鑼灣均設門市，另提供收費速遞服務。WiFi蛋租借需支付按金，於網上以信用卡支付則可免按金。

而Visondata推出的最新優惠為海外24小時機場接送折扣，韓國、泰國、台灣、日本分別只需HK$110、$120、$160、$400，按此瀏覽詳情。

（如果你準備去日本，可以睇埋：旅遊上網必備：日本 Sim Card 實測比較 2017，比較下Wifi蛋同SIM卡邊個抵啲。）

綜合以上5間WiFi蛋供應商提供的租用方案及早鳥優惠，我地仲表列咗幾個熱門目的地嘅早鳥最低價比大家參考：

注意︰上述價格以該供應商最優惠早鳥方案作為參考

＊歐洲地區覆蓋的國家因各供應商及其不同方案而異，詳請以供應商提供的資料為準

更多Wifi蛋資訊：旅遊 Wifi蛋 上網全攻略（日本篇）

唔好錯過信用卡租蛋優惠

如果睇完以上嘅比較都覺得唔夠抵，我地仲有優惠介紹俾大家。市面上有唔少信用卡同WiFi蛋供應商合作，提供額外折扣。例如上面提到嘅WiFiBB，就向銀聯卡提供額外8折優惠、用東亞信用卡有額外9折優惠、交通銀行銀聯雙幣鑽石卡/VISA白金卡亦可獲租金55蚊折扣。

此外，最近DBS同Klook 合作，申請DBS Compass Visa卡並以外幣簽賬滿HK$2,000，即可透過Klook，以首5日每日1蚊租金租借WiFi蛋，可用於日本、韓國、台灣及泰國，WiFi蛋可以喺機場提取及歸還。想一站式比較埋其他信用卡優惠，即上我地嘅信用卡平台睇睇啦！

——

睇完咁多Pocket Wifi介紹，大家都應該心中有數啦？咁接住落嚟，就幫大家介紹番去旅行Shopping 最緊要嘅信用卡！小編比較過，發現有5張信用卡嘅最啱大家旅行用！

DBS Black World Mastercard

DBS 嘅黑卡最大賣點係積分無限期，里數唔會過期，大家可以慢慢儲里數換機票都得。此外，佢哋獨家嘅iGO Rewards 系統仲可以俾大家用積分換唔同航空公司嘅機票，連廉航機票都可以換得到，彈性比其他里數信用卡更大。

今年DBS Black World Mastercard 推出咗迎新$1=1里優惠。全新客戶於迎新期內首$5,000本地零售簽賬可享1蚊1里，其後簽賬HK$200,000，可享5蚊1里，而海外簽賬首HK$96,000，可享3蚊1里，登記埋DBS Omni App 再送1,000里，總共可賺78,000里。舊有客戶首HK$1,000本地簽帳，享1蚊1里，其後HK$5,000，享HK$5=1里，首HK$3,000海外簽帳HK$3=1里，最多享共3,000里。

2017年12月31日前，經MoneyHero.com.hk網上申請再額外送HK$100現金券。

Citibank PremierMiles信用卡

用呢張卡去海外消費一律有$4/里，如果當月簽帳滿HK$20,000以上，海外及外幣簽帳可獲$3/里，而且豁免兌換里數手續費。申請咗Citibank呢張卡就可以每年度免費享用環亞機場貴賓室/Wellness Spa & Salon服務12次（使用後30日內要簽帳滿HK$5,000），拎住呢張卡去旅行大掃貨買到腳仔軟都可以做番個Spa Relax下！

2017年12月31日前，經MoneyHero.com.hk成功申請尊享額外HK$100惠康超市禮券。按此馬上申請

美國運通國泰航空尊尚信用卡

海外消費都係$4/里，最吸引之處係卡主可獲贈Priority Pass，除咗可以每年免費享用4次全球逾700所機場貴賓室之外，更加可以免費無限次享用環亞機場貴賓候機室，真真正正嘅一卡在手，世界通行呀！2017年12月31日前按此馬上申請再獨家送額外HK$100超市禮券。

呢張信用卡主打飲食、網上及海外簽帳回贈，呢3個類別全年都$4/里，而且佢係「亞洲萬里通」第一張同銀行聯營嘅信用卡，兌換里數唔使手續費。迎新優惠嚟講都係非常吸引，由即日至9月30日，全新客戶口首2個月只需簽HK$7,500就可以得到15,000里數，而其後之HK$170,000消費最高可獲85,000里數，即合共最高100,000里。呢張卡每個月月尾都會自動幫你將賺到嘅里數存入你嘅「亞洲萬里通」戶口，唔使任何兌換手續費！2017年12月31日前經本網申請再獨家送額外HK$200超市禮券。

匯豐銀聯雙幣信用卡 

由即日起至2017年12月31日，憑匯豐信用卡作海外簽帳可享額外5X「獎賞錢」，所以呢張卡海外消費低至$2.27/里！真係冇得輸！同埋只有呢張唔使收海外消費手續費，而入息要求只係需要年薪$60,000咋！一年$300就可以無限兌換里數！想了解更多匯豐信用卡，可即按此。

（溫馨提示：外遊除了要準備Wifi蛋或Sim Card，記住要買一份適合你嘅旅遊保險呀！而家，即上我們的旅遊保險比較平台選擇最適合你嘅旅遊保險！有Starr、FWD同MSIG等不同計劃俾你揀，經我哋買仲有優惠添！）

謹記去海外旅行都不能掉以輕心，小心使用信用卡，就可以避免招致財務損失！（延伸閱讀：出門旅遊時的6大 信用卡 安全措施）

延伸閱讀：【旅遊保險大比拼】邊間保障 手機 、平板及手提電腦？

相關文章：【旅遊上網必備】4大熱門歐洲SIM卡大比拼

相關文章︰【旅遊上網必備】韓國5大熱門SIM卡大比拼

——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 旅遊上網必備：全港最平 Wifi 蛋租借攻略（2017年11月） appeared first on 理財資訊.