【網上貸款比較】借錢毋須現身？銀行/財務公司網上批核全攻略2018

申請貸款都係有一時之需，而唔少人申請貸款時，都唔鍾意親身去貸款公司。到底網上完成貸款程序有甚麼好處？而家市面上唔少貸款都標榜可以即時網上批核，但到底市面上邊間銀行/財務公司可以做到真正全程網上批核？等MoneyHero.com.hk幫大家詳細比較同講解一下吧！

網上貸款好處多

1. 隨時隨地借貸

話明網上貸款，由申請、批核、遞交文件、簽約到過數當然都係經網上完成啦！現時的確有唔少銀行同借貸機構提供網上申請貸款服務，但好多都做唔到真正嘅網上貸款，譬如個別財務機構對「網上簽約」服務就設有相關貸款條件，唔符合條件嘅客戶最終可能都要親自落分行簽約。有啲財務機構則可能要求你親自落分行遞交正本作審查，程序繁複。不過，個別財務機構嘅申請已可於網上完成，服務時間更延長至星期日，更方便客戶。相反，主攻網上專門貸款嘅機構手續就簡單得多，申請人可以透過網上平台申請，更可以用WhatsApp上載及提交文件。只要你有手機或電腦在手，無論何時何地，都可以即刻申請貸款，方便快捷，又免除尷，唔使俾人知道自己要借錢。

2. 網上即時知道批核結果

一般銀行同財務公司都以人手審批貸款申請，而且要收齊文件至可批核，所以申請人通常要等7至14個工作天至知道審批結果，最快嘅都要2至3日，對於急需現金周轉嘅人嚟講相當不便。但而家有網上借貸平台引入網上自動化審批科技，可以讓消費者即時知道批核結果，而且可以先看批核結果是否合心意才遞交申請文件。只要交齊文件，更可以即時過數，讓現金迅速到手，解決燃眉之急。

3. 利息低，借貸成本更低

網上借貸平台最大特色就是以零分行、全網上形式運作，會節省唔少舖租同支出。正因為咁，部份網上專門貸款公司嘅利息會比一般貸款機構低。互聯網作為私人貸款的兵家必爭之地，更不時有特別嘅額外優惠出現！

4. 提早清還免罰息

提早還錢雖然可以慳番利息，但好多銀行同財務機構都有喺合約列明向客戶收取提早還款費用同行政費，令借貸人得不償失。相比之下，網上貸款平台通常都會允許借貸人隨時提前還錢，亦唔會收取任何罰息，令借貸人可以安心還款之餘，亦大大減低借貸成本。

一般私人貸款網上申請程序

上銀行網站找到相關申請，提供初步資料如：借貸額、還款期、姓名、身份證號碼、出生日期、就職公司及收入等；
初步批核結果。即是睇睇借貸機構是否批核你的申請及其貸款利率等條款資料；
到這裡你就要停一停，諗一諗，最好找多幾間借貸機構做比較，假如決定申請才進一步提供個人資料如：香港身份證副本、入息的銀行結單或存摺證明、住址證明、入職證明 (例如公司入職信或僱員合約，適用於新入職人士)。視乎貸款額，有些借貸機構更可以豁免證明文件。

部份銀行及借貸機構可以即時批出貸款，有些則需要1至3個工作天時間。申請貸款程序雖然簡單，但要提醒大家首先應該確定自已有借錢的需要，然後搜集各銀行的貸款資料多做比較，如果想慳時間，推介大家到 MoneyHero.com.hk ，一次過比較市面上的私人貸款服務，唔洗逐間問得咁辛苦。

相關文章︰月平息低就一定抵？睇實際年利率（APR）最實際！

延伸閱讀：【認識結餘轉戶】清卡數貸款到底慳幾多利息？