【淘寶集運必睇】10大集運公司大比拼 集運教學、運費比較

隨著香港物價不斷上漲，愈來愈多香港人鍾意上淘寶「濕平」掃平貨。而上過淘寶嘅人都知，淘寶店鋪五花八門，上到去嗰陣好多時都會呢間買一件、嗰間買一件，唔經唔覺就幫襯咗好多間鋪。為節省因為咁而產生嘅大筆運費，識玩一定係用 集運 ，將唔同店鋪嘅貨品一次過運返香港！

不過市面上嘅 集運 公司數量繁多，到底邊間最快最平，邊間最可靠？你又知唔知集運有啲乜地方要注意？而家就等MoneyHero.com.hk同大家逐一介紹！（2018年9月更新資料）

淘寶官方集運

淘寶集運可分為「官方集運」及「私人集運」。「官方集運」係指淘寶網內嘅「國際轉運服務」，用戶可直接經淘寶網選擇指定嘅集運商進行集運。整體而言，官方集運運費比私人公司稍貴，但淘寶設有比較清晰嘅條款保障買家，例如「5天送貨承諾」等。然而，由於官方集運嘅貨品限制比較多，並唔係間間店舖或貨品都可以提供國際轉運。想了解更多詳情請按此。

目前與淘寶網合作嘅集運商只有順豐速遞和官方配送：

1）順豐速遞

順豐可以話係中港速遞業務嘅龍頭大哥，出名服務穩定同有效率，但價錢係全行中較貴。集運首公斤收費為¥25，其後每公斤¥8，派送住宅/偏遠地區需付$30附加費。大部分情況下，順豐可以1至2日內到貨，自取點亦遍佈香港各地，取貨方便。

2）官方配送－菜鳥

以前中通和4PX遞四方均是官方集運的兩間集運公司，不過由今年5月起就統一由「菜鳥」包辦，成為官方配送的集運途徑（「菜鳥」為阿里爸爸集團旗下的物流業務）。集運首公斤收費為¥17.6，其後半公斤¥3.4，派送住宅/偏遠地區需付$20附加費。價錢比順豐便宜，但由於4PX網上曾有不少負評，現時被菜鳥收購後未知服務可有改善。

官方集運教學：

1. 收貨地址填香港地址
2. 「官方物流」選擇集運
3. 於右方的「修改服務商」中選擇順豐／菜鳥為集運服務商

相關閱讀：【淘寶付款方法＋手續費比較】香港用戶如何賺盡信用卡回贈？

私人集運公司

非官方嘅集運公司同淘寶並無任何關連。除咗淘寶，你亦可以透過佢哋集運其他中國國內網購貨品。購物時，你需要將「收貨地址」設為集運公司嘅收件倉地址，並於貨件到倉後，登入集運公司網站認領貨物並安排集運。以下係香港人最常用嘅集運公司：

3）DIMBUY

DIMBUY係最早期推出集運嘅物流公司之一，信譽良好，規模喺香港算數一數二，價錢同淘寶官方集運差唔多。該公司與OK便利店、Vango便利店、中石化油氣站及順豐合作，全港好多地方都有自取點，不過自取貨物嘅重量及體積限制比較嚴謹。值得留意嘅係，內地集運倉嘅免費存倉期只有10日，對部分用家而言可能唔太方便。

此外，憑多間指定銀行嘅信用卡於DIMBUY付款，可獲運費9折優惠。詳情

4）多寶集運

多寶集運係一間比較有規模、價錢亦較平嘅集運公司，自取點/自取車遍布全港各區。自取費用為首公斤$10-14，其後每公斤$8；派送費用為首公斤¥16，其後每公斤¥6，正常到貨時間為2至3個工作日。

5）淘派集運

淘派集運係2014年新成立嘅集運公司，全港只有葵芳一個自取點，主要做速遞派送服務。淘派嘅自取/派送收費為首公斤¥15，其後每公斤¥3，運大貨嚟講算係好平！不過每件貨物0.5公斤起標（即使單件貨重0.1公斤，佢都會計0.5公斤），集運輕量貨品就冇咁抵。（網站：）

6）Funlala集運

Funlala集運成立於2012年，早幾年比較多人用。全港有幾十個自取點，包括一啲偏遠地區，如香港仔、屯門、天水圍等。自取費用為首公斤¥10，其後每公斤¥6；派送費用為首公斤¥18，其後每公斤¥6，價格屬中等。

7）神州集運

神州集運係香港比較多人用嘅集運公司，一來佢開業時間較長較多人識，二來運費平又自取點多。自取運費首公斤¥10，之後每公斤¥5；派送運費首公斤¥14，其後每公斤¥4.8；另設「敏感貨物特貨專線」，供運送食品、電子產品、化妝品等貨物。不過要留意，神州集運嘅到貨時間可能長達4日，唔係太啱心急收貨嘅人士。另外自取貨品存放期只有2至3日，到貨後需要盡快領取。

8）BUYUP貨運中轉站

BUYUP喺香港有唔少忠實用戶，主要係因為價錢唔貴，服務又OK，唔扣關嘅話2至3日到貨，而且有超過40個自取點，遍布港九新界。自取費用為首公斤¥11，其後每公斤¥6；派送費用為首公斤¥16，其後每公斤¥6，住宅附加費只需¥15，較其他公司平。要留意番自取貨品存放期只有2至3日，到貨後需要盡快領取。

9）集運王

集運王係一間較新嘅集運公司，香港自取點總共有超過40個，包括屯門、粉嶺、西貢等偏遠地區。呢間公司自取嘅價錢比較吸引，首公斤收費只係¥8，其後每公斤¥5，特大/特重貨品仲有特別優惠。不過據知此公司較常計算貨物「體積重量」，因此大件貨物重量可能會超出預期。到貨預計時間為2至3日，大部分自取點存倉期只限2至3天，逾期每個工作天收$10。

10）到貨啦集運

到貨啦集運喺全港有28個自取點，遍佈九龍及港島區。自取首公斤收費為$12，其後每半公斤$4（即每公斤$8），需於到貨後3-7天內領取。派送上門首公斤收費為$20，其後每半公斤$4，冇收偏遠地區附加費。網站講明包裹邊長30CM或以下，收費只會以實重計算，不用考慮體積重。

私人集運教學：

1. 收貨地址填私人集運公司的內地貨倉地址，地址可於其網站找到
2. 提交訂單
3. 登入集運公司網站，填寫資料以認領貨物，並等待公司安排集運

相關閱讀：【網上購物必備】最高回贈 網購信用卡

集運注意事項

體積重量

所有集運公司都以貨物重量計算運費。不過你又知唔知貨物重量其實分為「實際重量」和「體積重量」？所謂「體積重量」，即係將貨物所佔既空間化為「公斤」計算。如果「體積重量」高於「實際重量」，集運公司就會以「體積重量」計算運費。基本上，全部集運公司嘅網站都有寫明會計算「體積重量」，但揸唔揸正嚟做又係另一回事，而通常又輕又大件嘅貨物都會以「體積重量」收費。

根據國際航空運輸協會（IATA）指引， 體積重量之計算公式為：長度（厘米cm） x 闊度（厘米cm） x 高度（厘米cm） / 6,000 = 體積重量（公斤kg）。

海關查車

集運公司嘅貨車經過內地關口時，有一定機率會被海關查車。萬一遇到呢種情況，貨物隨時會延遲幾日至十幾日到港，令收貨時間大失預算。如想減少貨物被扣嘅查機會，你需要選用順豐之類嘅大型速遞公司，同埋清楚地申報所運物品。

貴重貨品

如非必要，大家應避免使用集運運送貴重物品，因為好多集運公司並冇為顧客提供足夠保障，萬一失件會比較難追究，即便追究到，賠償金額亦可能只係運費嘅幾倍。但如果真係要用集運運送貴價貨，比較推薦DIMBUY同淘寶官方集運，呢兩間公司有相對比較全面嘅條款保障客戶。

網購信用卡之選

網購平台固然方便，但想更抵，最好就喺信用卡平台比較吓，只要揀啱信用卡，就可以賺盡網購現金回贈，以下幾張信用卡都有提供不錯的回贈獎賞：

DBS COMPASS VISA 白金卡

DBS COMPASS VISA 白金卡最強賣點係申請門檻低之餘，仲提供全年百佳超市及屈臣氏92折優惠，於淘寶網平台及天貓購物，更可賺3% COMPASS Dollar回贈！此外，DBS COMPASS VISA 白金卡嘅迎新禮品多元化，包括Hallmark 26″行李箱／Foxshot 全高清攝像機／MCL電影戲票／HK$600現金回贈（4揀1）！

2018年9月30日前經MoneyHero.com.hk申請仲可享額外HK$200超市禮券！詳情。

 東亞i-Titanium 卡

東亞銀行i-Titanium卡專為經常網購的人士而設，除了基本回贈0.4%外，網購簽賬可享額外3% i-Dollar回贈，「東亞日」更可獲高達11X回贈！

迎新禮品(非學生卡)：經MoneyHero.com.hk成功申請東亞i-Titanium卡 (只限非學生卡)，可享獨家額外HK$100現金券！

• Delsey 70cm 4雙輪可擴充行李硬箱 (簽賬滿HK$6,000或以上) 或；
• HK$400 美心飲食禮券 (簽賬滿HK$6,000或以上)

迎新禮品(學生卡)：

• 88,000 reward-U積分 (簽賬HK$9,000或以上) 或；
• HK$400 現金回贈（簽賬HK$6,000或以上）或；
• HK$200 星巴克現金禮券 (HK$25 X 8張) (簽賬HK$1,500或以上)

美國運通Blue Cash信用卡

美國運通Blue Cash信用卡是其中一張熱門餐飲信用卡，餐飲回贈為1.2%，年薪要求只需HK$150,000。經網上成功申請更可享HK$500百佳現金劵+ 2張戲飛！

2018年9月30日前經MoneyHero.com.hk成功申請更可享額外HK$200惠康超市禮券+ Le Creuset 陶瓷小鍋子套裝 (價值HK$999)。詳情

HSBC 匯豐Visa Signature卡

滙豐信用卡嘅玩法比較複雜，但回贈非常豐富。用滙豐 Visa Signature 卡喺海外網站簽賬可享高達5.6%回贈（或HK$1.78=1里），其他匯豐信用卡亦可享高達4.4%回贈（或HK$2.27=1里）。回贈可分為幾個部分： 只要在「最紅自主獎賞」將獎賞錢全數分配於「賞世界」類別中，所有中國內地以外的海外簽賬（包括海外網站）都可獲得6X獎賞錢，即2.4%回贈； 匯豐今年繼續推出「最紅網上及海外簽賬獎賞」， 每階段累積合資格簽賬滿HK$3,000，當中的網上及海外簽賬即享額外5X獎賞錢，即2%回贈； 用滙豐 Visa Signature 卡於「最紅自主奬賞」計劃內的所有簽賬類別消費（包括所有海外簽賬），尊享額外3X獎賞錢，即1.2%回贈。

此外，迎新獎賞亦相當吸引，新客戶簽賬滿HK$6,000即送$800「獎賞錢」或HKTVmall購物禮券，相當於8,000里或HK$800現金回贈！現有客戶亦可享$500「獎賞錢」或HKTVmall購物禮券！詳情

信銀國際Motion信用卡

信銀國際Motion信用卡此卡的網購回贈可以話係全港最高。新客戶新卡批核後首12個月內， 任何消費都可獲得2%回贈，只要每月簽賬達HK$3,000或以上，其中網上簽賬可賺取額外3%回贈，合共享5%現金回贈！（每月上限為HK$100，全期最多可享HK$1,200額外現金回贈）詳情

——

延伸閱讀︰本周 信用卡優惠 情報

相關文章：支付寶HK殺到！香港電子支付App優惠大比併

想了解更多不同信用卡的優惠？即刻上我哋嘅比較平台。

想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！

The post 【淘寶集運必睇】10大集運公司大比拼 集運教學、運費比較 appeared first on 理財資訊.