【旅行社倒閉／航班延誤】旅遊保險咩原因先會保？

旅遊保險咩原因先會保？

大家都知天氣差會影響航班安全，航空公司會延誤或取消航班，有買旅遊保險嘅人士亦會因為行程受阻，而得到相應賠償。不過，原來唔同保險公司嘅保障範圍都有唔少分別。舉個列，如果機場關閉有冇得保？邊間會保障旅行社突然倒閉引致嘅損失？

了解旅遊保險保障類別

去過旅行都知，旅行最常遇到嘅意外或變數就係航班安排。特別係廉航本身好少自置飛機，超賣情況亦嚴重，所以好容易出現航班延誤甚至取消嘅問題，令旅客行程受阻。要了解旅遊保險保唔保障航班變動，就要留意保單中旅程延誤及取消旅程2大保障類別嘅詳細條款。

行程或航班延誤保障範圍

延誤原因	STARR	MSIG	Zurich	CHUBB	Allied World
惡劣天氣	✓	✓	✓	✓	✓
天災	X	✓	✓	✓	✓
機件故障	✓	✓	✓	✓	✓
罷工	✓	✓	✓	✓	✓
暴動或騷亂	✓	✓	✓	X	X
騎劫	✓	✓	✓	✓	X
恐怖活動	X	X	✓	X	X
機場關閉	X	X	✓	X	X
受保人傷病或死亡	X	✓	X	X	X
*受保人/其親友傷病或死亡**	X	✓	X	X	X

註︰所有資料只作參考，最終以保險公司最新條款為準。

溫馨提示：旅遊保險

買完機票即刻買埋旅遊保險，咁先享受到最全面嘅保障！MoneyHero.com.hk提供一站式旅遊保險比較平台，只需3分鐘就可幫你比較同立即購買旅遊保險，保單馬上生效，現時經我哋買指定旅遊保險仲有低至8折優惠添！

大部分保險公司都會保障惡劣天氣、天災、交通工具機件故障、罷工、騎劫呢5個主要原因引致嘅航班延誤。當中，MSIG以及ZURICH嘅保障比較齊全。

除咗基本保障，MSIG更保障受保人或與受保人同行的直系親屬、未婚夫（妻）或主要商業夥伴*在同行之海外旅程中身體受傷、生病或死亡而引致行程延誤。ZURICH則保障恐怖活動及機場關閉引致之旅程延誤。

以早前美國拉斯維加斯嘅槍擊慘劇為例，機場一度關閉令旅客難以離開當地，ZURICH就會依照條例作出賠償。另一方面，雖然有恐怖組織承認今次事件的責任，但美國警方並未定案，因此恐怖活動的延誤原因則未必受保。

行程取消保障範圍

取消原因	STARR	MSIG	Zurich	CHUBB	Allied World
*受保人/其親友重傷、重病或死亡**	✓	✓	✓	✓	✓
出庭作證或當陪審員	✓	✓	✓	✓	✓
罷工	✓	✓	✓	✓	✓
暴動或騷亂	✓	✓	✓	✓	X
惡劣天氣	✓	✓	✓	X	✓
受保人住所火災或水浸	✓	✓	✓	✓	✓
目的地爆發傳染病	✓	✓	✓	X	X
天災	X	✓	✓	✓	✓
強制隔離	✓	✓	✓	✓	✓
恐怖活動	X	X	✓	✓	X
機件故障	X	✓	X	X	✓
機場關閉	X	X	X	X	✓
黑色外遊警示	✓	✓	✓	✓	✓
旅行社倒閉	X	X	X	X	✓

註︰所有資料只作參考，最終以保險公司最新條款為準。

Allied World 嘅保障範圍最為廣泛，除咗暴動或騷亂、目的地爆發傳染病及恐怖活動，大部份引致航班或行程取消的原因都會受到保障。最特別係機場關閉及旅行社倒閉兩項比較罕見嘅保障，只有Allied World 提供賠償。

加上，Allied World 保障埋受保人嘅同行人士。受保人或偕行的同伴因為受強制隔離、須擔任陪審團或證人、因為火警、爆炸或地震導致居所不能居住，而需要取消行程，係可以獲得賠償。

此外，要留意返ZURICH同CHUBB都有列明某啲保障嘅時間限制，例如受保人不幸身故、遭受身體損傷或患病、被強制性隔離、須履行陪審員任務的事件，需要在出發前90日內發生，才能獲得賠償。而CHUBB則列明，出發前7日內，目的地突然爆發罷工、暴亂、內亂、恐怖襲擊或天災，又或者受保人之主要居所因火災、水災等原因導致嚴重損毀而令受保人須留在香港處理，咁先有得賠。

最近，有廉航公司突然取消航班，令不少旅客行程受阻或被迫取消。響呢個情況之下，因為當中唔涉及罷工、惡劣天氣或機件故障，所以大部份旅遊保險都唔會保障呢類情況。