【手機錢包】 WeChat Pay 攻略 x 優惠 （2017年8月更新）

Image may be NSFW.
Clik here to view.

科技日新月異，用手機俾錢唔再係天馬行空嘅事。金管局2016年8月嗰陣發出咗首5張儲值支付工具牌照俾八達通、TNG、支付寶、拍住賞同 WeChat Pay ，令電子付款嘅競爭更加白熱化。港版微信支付 WeChat Pay 除咗購買指定商品同服務有優惠外，仲係全港第一間支援存款戶口實時付款嘅電子支付營運商。究竟 WeChat Pay 同 TNG、拍住賞、Apple Pay 之類嘅電子支付有乜唔同？等MoneyHero.com.hk同大家一齊了解下！

1. WeChat Pay 係乜？

微信支付（WeChat Pay）係微信應用程式向用戶提供嘅一種付款功能，用戶只需要下載最新版本嘅WeChat就可以通過手機快速完成交易付款。

2. 點用 WeChat Pay？

下載WeChat後，喺「我的設定」中打開「錢包」功能，輸入信用卡卡號同資料，再設定6位數字密碼，方便之後用 WeChat Pay 俾錢時作安全確認，驗證成功就可以綁定信用卡（Visa同MasterCard都適用）。每個賬號最多可以綁定5張信用卡。中信銀行客戶亦可以將存款戶口綁定 WeChat Pay，直接用戶口嘅錢俾錢。

3. WeChat Pay 有乜功能特點？

線上功能：
透過 WeChat Pay 以優惠價購買指定旅遊景點門票、旅遊套票、人氣食品、服飾同多款美妝產品，甚至可以捐錢俾東華三院同聯合國兒童基金會UNICEF。

餘額提款：
選擇「餘額」，再選擇「提現」，進入填寫頁面後輸入銀行賬戶號碼、金額同姓名，然後再輸入微信支付密碼，驗證通過後就完成提款操作。不過就算未設定微信付款密碼都可以提款，每月上限為$8,000。目前支援提款嘅銀行包括渣打、中銀、匯豐、恒生同東亞等超過20間銀行。不過中國銀行最快要1-2個工作日到賬，而其他銀行就要2-4個工作日。

轉賬功能：
用戶可以利用 WeChat Pay 錢包內嘅餘額，或者經由信用卡向其他用戶支付款項。每次最多可轉賬$1,500，每月最高$5,000。至於未綁定信用卡或未設定支付密碼嘅客戶，每筆餘額最高為$200，每月最高餘額為$500。

其他功能：
用戶可以利用「派利是」功能向指定朋友，派發特定金額嘅「WeChat利是」。另外，用戶都可以喺錢包、支持「優惠劵」嘅官方賬號、應用程式、線上店鋪等獲得優惠券同兌換券等，然後再將優惠券放入錢包中保存，買嘢時就可以用。

4. 商戶優惠

用 WeChat Pay 錢包購買指定產品及服務可享優惠，包括：

• 以優惠價$13租用日本/韓國隨身Wifi（原價$39）
• 以優惠價$304購買澳門金光飛航船票（原價$319）
• 以優惠價$330享用Tesla 轎車機場接送（原價$600）
• 以優惠價$39購買機場快線車票（原價$60）
• 以優惠價$210購買香港至廣州東線火車票
• 以優惠價$65購買山頂纜車套票（原價$71）

5. 信用卡及其他優惠：

中銀信用卡

客戶首次於WeChat錢包加入中銀VISA或萬事達卡信用卡，即可獲得HK$38.88利是；於WeChat Pay以中銀VISA或萬事達卡信用卡作為扣賬戶進行交易，仲有額外2倍積分獎賞！

優惠期：即日起至2017年8月31日

香港6大電子錢包功能比較

Wechat Pay 同香港其他電子錢包有乜唔同？等我哋用一張表Show晒俾你睇：

由此可見，暫時「本地薑」TNG Wallet同Tap & Go嘅功能最全面，無論上網購物定去實體店俾錢買嘢都可以用到，甚至可以支援P2P轉賬，即係轉賬俾其他用戶，一大班朋友食飯時夾錢就好方便。不過呢類手機錢包要定時充值至用到，相反WeChat Pay、Apple Pay / Android Pay、支付寶等就只需綁定信用卡就用到，可能對某啲用戶來講比較方便。其實WeChat Pay期望未來可以將內地嘅微信支付功能開放至香港，例如喺便利店等零售商直接用WeChat Pay俾錢，又或者電召的士。

想睇更詳細嘅電子錢包比較，可以睇埋：香港6大電子錢包功能大比併

其他電子錢包優惠及攻略：Apple Pay | PayMe | 支付寶HK

想知道更多信用卡嘅優惠資訊？立即使用我哋嘅比較工具，搵出最適合你嘅信用卡！

——

相關文章：【信用卡攻略】香港5大現金回贈信用卡

記得留意我哋 MoneyHero.com.hk Blog，同埋緊貼我哋嘅 Facebook Page！

The post 【手機錢包】 WeChat Pay 攻略 x 優惠 （2017年8月更新） appeared first on 理財資訊.