相信大家都會認同 手機 是旅遊必備物品，海外公幹人士更要帶埋平板或手提電腦，但因為呢啲智能通訊產品愈來愈貴，唔係個個旅遊保險計劃都會包呢項「財物」保障。咁究竟去旅行唔見 手機 ，邊間公司有得賠？邊個Plan賠得最多？MoneyHero.com.hk 幫大家做晒功課，睇晒11間公司嘅條款，搵出最適合你嘅旅遊保。（2017年8月更新）
只有3間保障唔見手機
市面上11間較為熱門嘅旅遊保險公司當中，明確寫明保障手機嘅只有AXA、Zurich 蘇黎世同昆士蘭。安達CHUBB、FWD富衛、STARR同藍十字都講明唔保障手提電話，只係保手提電腦或平板電腦。MSIG、豐隆及中國太平洋更加講明手機、平板同手提電腦，統統都唔保。而Liberty 同STARR 只列出財物損失嘅賠償，並無講明包唔包電子通訊設備，條款比較曖昧。
| 保險公司（計劃） | 手機保障 | 平板/手提電腦保障 | 保費（優惠價） | 手機賠償上限 | 平板/手提電腦賠償上限 |
|---|---|---|---|---|---|
| AXA（典雅計劃） | 有 | 有 | HK$145（HK$127.6） | HK$2,000 | HK$2,000-5000 |
| Zurich蘇黎世（金計劃） | 有 | 有，只保障手提電腦 | HK$205（HK$164） | HK$3,000 | HK$10,000 |
| 昆士蘭（指定亞洲地區計劃） | 有 | 沒有提及 | HK$171 | HK$3,000 | – |
| 安達CHUBB | 沒有提及 | 有 | HK$140 | – | HK$5,000 |
| FWD富衛（B計劃） | 沒有 | 有 | HK$108 | – | HK$3,000 |
| STARR（非凡計劃） | 沒有 | 有，只保障手提電腦 | HK$108 | – | HK$8,000 |
| 藍十字（智選計劃） | 沒有 | 有，只保障屏幕達7吋或以上之平板電腦 | HK$159（HK111.3） | – | HK$3,000 |
| MSIG | 沒有 | 沒有 | – | – | – |
| 中國太平 | 沒有 | 沒有 | – | – | – |
| 豐隆 | 沒有 | 沒有 | – | – | – |
註︰Liberty 在條款中沒有提及手機、平板及手提電腦是否屬不保障範圍。上述所有保單價錢以日本四日三夜計劃而定，所有資料只作參考，最終以保險公司最新條款為準。
最抵之選︰AXA
﹙按圖可放大﹚
假設你將會去日本玩四日三夜，你只需要俾HK$127.6，就可以買到AXA 嘅典雅計劃，保障你嘅行李同個人財物，上限係HK$15,000。而手機及手提電腦，每部最多Claim 到HK$5,000，而手機或者平板電腦只可以Claim 一部，每部HK$2000。雖然點都包唔晒一部Iphone 7 嘅價錢，但都算係十分抵玩。
相比起Zurich 蘇黎世，你需要俾164蚊買最貴嘅金計劃，先可以得到最多HK$3,000 手機賠償。所以，如果淨係計手機保障，AXA絕對係最抵之選。
公幹之選︰Zurich
﹙按圖可放大﹚
如果你係去外地短期工作，帶部連住鍵盤嘅手提電腦來處理文書，確實係平較方便，而Zurich 蘇黎世嘅金計劃就最適合你，因為呢個Plan 嘅手提電腦保障高達HK$10,000，絕對可以保晒市面上大部份全新Notebook。
最平之選︰FWD富衛
﹙按圖可放大﹚
假如你想帶部輕便嘅電腦Book 下車票、或者睇下劇，你可能會選擇平板電腦。如果要保障平板電腦，最平嘅Plan 係FWD富衛 B 計劃，因為你只需要付104蚊保費，就可以得到上限為3000蚊嘅賠償。
而家買旅遊保險，唔使再上公司嘅官網，逐個條款慢慢研究！即上MoneyHero.com.hk旅遊保險平台，輸入簡單旅程資料，就可以一眼比較晒香港最熱門嘅旅遊保險計劃，睇到啱仲可以即時購買。
相關文章︰【韓國 紅葉 攻略】首爾7大秋季賞楓好去處2017
——
想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！
The post 【旅遊保險大比拼】邊間保障 手機 、平板及手提電腦？（2017年8月） appeared first on 理財資訊.