匯豐、恒生現分階段推出全新個人對個人（P2P）轉帳服務，透過手機App只需要輸入收款人手機號碼，就即刻可以轉帳至其他匯豐及恒生帳戶。有咗呢個咁方便嘅功能，以為唔使再驚一大班人食完飯夾錢找數啦！咦，咪住，咁其他銀行用家點算？其實喺較早前，銀通（JETCO）、中銀同東亞都已經推出咗P2P轉帳，MoneyHero.com.hk就同大家同睇睇各家各派的P2P有乜唔同！
本表資料只供參考，詳情請參照各銀行網頁公布。
1. 匯豐轉帳易 HSBC EasyPay / 恒生轉帳易 Hang Seng EasyPay
向來多人選用嘅匯豐同恒生終於推出P2P轉帳服務，匯豐更指出旗下約有130萬名網上理財客戶。咁呢個功能究竟點用？客戶需先登入銀行手機應用程式（App），選擇「轉帳易」，輸入收款人手機號碼同埋轉帳金額，就可以即時過數比匯豐及恒生銀行客戶，兩家銀行用戶可互通。
其他注意事項：
- 支付者須先在手機App內登記，並以保安編碼器開通
- 確認手機號碼及Email之後，選定支付及收款戶口、設置支付限額
- 收款人毋須預先登記
- 成功轉帳後，轉帳人可即時收到Email及SMS通知，收款人亦會同時收到相關通知
- 適用於Android及Apple手機
- 聯名戶口及簿仔戶口客戶需於今年底才能使用
想了解更多匯豐銀行產品，可即按此。
想了解更多恒生銀行產品，可即按此。
2. 銀通 JETCO Pay P2P
銀通覆蓋嘅銀行十分廣泛，向來係佢最大嘅優點，其P2P功能當然都不例外！雖然現時只有中信銀行（國際）、永隆銀行及上海商業銀行可以成為JETCO Pay支付者，但陸續會有其他銀行加入，大家要密切留意喇！收款人覆蓋嘅銀行現時已經十分廣泛，20多間本地銀行嘅用戶均可以透過JETCO Pay P2P Collect呢個App去收款，銀行亦包括匯豐、恒生、渣打、花旗及東亞等。收款已經覆蓋咗咁多間大銀行，大家就一齊期待下其他支付者銀行嘅加盟啦！
其他注意事項：
- 經過銀行認證之後，付款人即可將銀行帳戶綁定流動電話號碼
- 新增目標收款人的流動電話號碼到銀行JETCO Pay App的收款人名單（Pay List） ，輕按選定收款人，進行轉帳
- 收款人將收到SMS短訊通知，登記JETCO Pay後，即可收取款項
- 適用於Android及Apple手機
3. 中國銀行「小額轉賬」
中銀早在上個月已經推出「小額轉賬」服務，即時轉帳俾中銀及集友銀行嘅客戶，不過亦都好似匯豐咁只限「自己人」過數，亦都同樣只限兩日內最多轉帳3,000元，夠唔夠就真係見仁見智。
其他注意事項：
- 支付者先在手機App內登記，需以保安編碼器開通
- 確認手機號碼及Email之後，選定支付及收款戶口、設置支付限額
- 收款人需開通小額轉帳的中銀手機號碼
- 成功轉帳後，轉帳人可即時收到Email及SMS通知，收款人亦會同時收到相關通知
- 適用於Android及Apple手機
想了解更多中國銀行產品，可即按此。
4. 東亞銀行 i-P2P
東亞就係最先開放P2P服務嘅一員，而且佢比起其他銀行嘅好處，就係對收款人銀行完全無限制，只需要有收款人嘅手機號碼就搞掂！但係咁樣安唔安全先？東亞當然都有諗過安全性問題，要成功收款其實要過到雙重驗證，先係支付者自設嘅4位數字驗證碼，再輸入在SMS收到嘅驗證碼。
其他注意事項：
- 支付者先在網上銀行內登記，並綁定流動電話號碼
- 收款人係收到SMS之後，進入東亞手機App輸入驗雙重證碼及銀行資料收款
- 如果收款人係i-P2P用戶，可選擇自動收款，而不需要再輸入銀行資料
- 適用於Android及Apple手機
想了解更多東亞銀行產品，可即按此。
——
延伸閱讀：【唔使俾現金】香港5大常用 電子付費
延伸閱讀：【信用卡攻略】香港5大 現金回贈 Cash Back 信用卡
延伸閱讀：【點樣 交卡數 ？】信用卡交費小貼士
想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！
The post 【用手機夾番錢？】香港各大銀行 P2P 手機轉帳全攻略 appeared first on 理財資訊.