近年，歐洲接二連三發生多宗恐怖襲擊，造成唔少傷亡，令即將出發遊歐嘅人士大為擔憂。為以防萬一，相信大家飛歐洲前一定會做足準備功夫，買番份旅遊保險旁身。不過你又知唔知，市面上並非所有旅遊保險都會保障 恐襲 造成嘅意外？為此，MoneyHero.com.hk幫大家比較咗香港11間旅遊保險公司對恐襲嘅保障情況，方便大家選擇最適合自己嘅旅遊保險！
| 保險公司（計劃） | 保費（優惠價） | 恐怖襲擊保障 | 醫療保障 | 人身意外保障 | 緊急醫療運送全球支援服務 |
|---|---|---|---|---|---|
| 安達CHUBB | HK$242 | 有。 | HK$600,000 | HK$1,000,000 | 無限 |
| FWD富衛（B計劃） | HK$225（180） | 有，不包括核風險 | HK$500,000 | HK$600,000 | 全部開支 |
| MSIG（B計劃） | HK$296（177.6） | 有，不包括生化武器或核子裝置之恐怖活動 | HK$3,000,000 | HK$3,000,000 | HK$2,000,000 |
| STARR（非凡計劃） | HK$187 | 有，不包括核風險、放射性及核污染。 | 1,000,000 | 1,000,000 | 無限 |
| Allied World（計劃1） | HK$217 | 有，包括戰爭。 | HK$500,000 | 500,000 | 無限 |
| Liberty（環球） | HK$384 | 有。 | HK$1,200,000 | HK$2,400,000 | 實際費用 |
| 中國太平 | HK$151 | 沒有 | – | – | – |
*昆士蘭及藍十字沒有在小冊子中提及是否保障恐怖襲擊，而Zurich 只提及不保障直接參與恐襲的投保人。上述所有保單價錢以法國10日計劃而定，所有資料只作參考，最終以保險公司最新條款為準。（資料更新至10月30日）
恐怖襲擊目前尚未有一個國際公認嘅定義，所以保險公司會自行定義「恐襲」。一般而言， 恐襲 係指：「由個人或組織所籌劃，為達到政治、宗教、思想目的而進行的暴力行動，意圖製造恐慌以影響政府或公眾。」大多數情況下，保險公司會根據當地政府對襲擊嘅定性而決定事件是否恐襲。
上述10間保險公司之中，只有中國太平旅遊保險列明不承保恐襲，而大部分保險公司包括FWD富衛、MSIG及STARR則列明不承保生化或核子相關風險。
保障齊全之選 – Allied World
世聯（Allied World）係唯一一間列明保障戰爭及恐怖主義活動，計劃又較便宜的保險公司。以去法國旅遊10日為例，Allied World「計劃1」保費只需HK$217。
最抵之選 – MSIG
事實上，戰爭、生化或核武襲擊的機會並不高，反而涉及炸彈襲擊或槍擊的恐怖活動較為常見。如想得到一般恐襲保障，你可以考慮MSIG的B計劃。同樣以法國10日遊計算，保費只需HK$177.6，在眾多計劃中最為便宜。
前往具恐襲風險國家4大旅遊保險Q&A
1.緊急醫療運送服務有咩咁緊要？
除咗睇價錢之外，選擇保險時亦需留意保單賠償範圍及限額。其中「緊急醫療運送服務」尤其重要，因為醫療運送專機包括深切治療、醫生同護士，單靠自己未必安排到，而且所費不菲，最好選擇賠償限額為「全部開支/無上限」嘅保險。除此之外，醫療保障、人身意外保障、遺失行李/財物、行程延誤嘅賠償額度都應列入考慮之列。
2.如何得知一份保險保唔保 恐襲 ？
雖然恐襲風險愈來愈高，但旅遊保險小冊子或網站上甚少於當眼處清楚列明是否就恐怖襲擊提供保障。要知道一份保險保唔保障恐襲，主要有兩個方法：
（1）查看保險小冊子/保單條款上所列出嘅「不承保事項」，如該保險並冇列明不承保恐襲，通常代表將恐襲納入保障範圍；
（2）親自致電保險公司或保險中介人查詢，職員可以解答你對該保險嘅疑慮。
3.前往有外遊警示嘅地方，會否獲得保障？
一般情況下，黃色外遊警示對保單並無任何影響，一切如常受保。如果係發出紅色或黑色旅遊警示，保險公司可能只會保障與旅遊警示發出原因無關嘅意外。但若果發出旅遊警示嘅原因，係旅遊保險嘅「不保事項」之一，如戰爭、政變和叛亂等等，則整份旅遊保險都會唔受保。每家保險公司嘅條款各有差異，實際情況應以詢問保險公司。
另一方面，如購買旅遊保險後才發出紅色或黑色旅遊警示，大部分保險都會涵蓋因外遊警示所導致行程取消之相關費用。一般而言，黑色警示會涵蓋全部取消費用，紅色則會涵蓋一半費用。
4.幾時買旅遊保險最好？
好多人以為旅遊保險於出發前一兩日買就得，但事實係，當你訂好機票住宿嗰刻，就應該買定旅遊保險喇！因為購買保險後，萬一出發前因恐襲或自然災害而要取消行程，都可以獲得旅遊保險嘅保障。相反，如果發生恐襲或自然災害後先購買保險，無論你如期出發或更改行程，保險公司都有權唔包。所以為防意外發生，旅遊保險都係愈早買愈好！
即上我們的比較平台選擇最適合你嘅旅遊保險！有CHUBB、STARR同MSIG等不同計劃俾你揀，經我哋買仲有優惠添！
延伸閱讀：【旅遊保險大比拼】邊間保障 手機 、平板及手提電腦？
——
想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！
The post 外遊遇 恐襲 ，旅遊保險保唔保？（2017年10月） appeared first on 理財資訊.