好多情侶雖然無時無刻都想見到對方，不過日日去拍拖，個荷包都幾傷！但成日留喺屋企又會好快冇晒新鮮感。其實拍拖唔一定要使好多錢，香港都有好多 拍拖好去處 架。即刻睇下MoneyHero.com.hk為大家推介嘅低消費拍拖方法啦！我哋仲會不時更新資料。（2017年10月更新）
1）期間限定活動
24蚊睇極光：太空館《夢幻極光》
去冰島睇極光，淨係機票都可能成萬蚊，想睇呢個珍貴又浪漫嘅天文現象，其實唔使吓吓飛去北歐，香港太空館最近放映天象節目《夢幻極光》，利用縮時攝影捕捉極光的千姿百態，再重現在球幕之上。觀眾最平只需比24蚊就可以買到前座位置，坐定定睇極光！
日期︰2017年5月1日至2018年1月31日
地點︰香港太空館何鴻燊天象廳
入場費︰
前座24元，後座32元(標准票)
前座12元，後座16元(優惠票)
– 優 惠 票 適 用 於 全 日 制 學 生 、 殘 疾 人 士（及 一 名 同 行 照 料 者） 及 60 歲 或 以 上 高 齡 人 士
資料來源︰太空館官方網站
盡覽270度維港景︰海港城觀景台
海港城花近5年時間建造的全新觀景台「海運觀點」最近落成，10月23日開始已經免費開放予公眾參觀，觀景台可以飽覽270度
開放時間︰早上7:00至晚上12:00
地點︰海港城海運大廈末端（鄰近郵輪碼頭）
費用︰免費入場
詳情︰海港城官方網站
免費鬼屋：樂富商場「潛航凶間」
臨近萬聖節，當然唔少得有鬼屋玩！今年樂富商場嘅免費萬聖節活動「潛航凶間」首次以環保為主題，玩家將化身成2050 年拯救地球和人類的搜索隊隊員，潛入海底廢棄船，體驗一幕幕恐懼的畫面。活動於逢星期五、六、日、公眾假期及萬聖節正日開放，費用全免，下午衝鋒隊時段適合任何年齡人士，傍晚的搜索隊時段則適合「膽生毛」人士。顧客於場內消費滿指定金額，即可透過泊食易手機程式換領電子「頭等倉快速通行証」，省卻排隊時間。
快速通行証換領方法：
消費金額滿300港元或以上（最多累積2張機印發票）可換領2張快速通行証；
消費金額滿500港元或以上（最多累積3張機印發票）可換領4張快速通行証
日期：2017年9月15日至10月31日 (逢星期五、六、日、公眾假期及萬聖節正日)
時間：
下午1時至4時（衝鋒隊時段）
下午4時30分至9時（搜索隊時段）
更多2017萬聖節鬼屋詳情：香港2017 Halloween必玩鬼屋一覽﹙不斷更新﹚
香港人的夜市：YMCA FARM「晚空市集」
夜晚嘅維園係一個適合拍拖散步嘅地方，而家星期日仲會有晚上市集！呢個由YMCA FARM舉辦嘅「晚空市集」會有一系列燈飾配合，除咗賣唔同嘅手作產品之外，仲會有輕鬆style 嘅busking ，亦有飲品同草地提供俾大家坐係度慢慢飲嘢，好啱同另一半去放鬆吓。
日期：2017年9月24日、10月8日及29日、11月26日
時間：下午3:00 – 9:00
西九文化區︰「自由約」玩足半年
文青情侶注意，集工作坊、市集、音樂、藝術表演於一身嘅自由約會係9月9日回歸！今次嘅主題係「你的Freespace 故事」，屆時唔同嘅創作人會響唔同月份出場，打頭陣嘅係將於2017年11月響冰島電波音樂節演出嘅雞蛋蒸肉餅、Interzone Collective、PHOON等。手作市集「海角地攤 2046」將首度增設Popup store。你同另一半仲可以參加每月一次嘅「WE Dance」演出同工作坊，節目豐富。
日期︰
2017年10月8日（2pm-7pm）
2017年11月11日及12日（2pm-10:30pm）
2017年12月10日（2pm-7pm）
2018年1月14日（2pm-7pm）
2018年2月11日（2pm-7pm）
2018年3月10日（2pm-10:30pm）及11日（2pm-8pm）
地點︰西九文化區苗圃公園
費用︰免費入場
2）享受戶外樂趣
拍拖輕鬆行山景點：無敵夜景嘉頓山
一講到行山，平時冇咩做運動嘅另一半實會耍手擰頭，但其實香港有座山，唔使行一個鐘就可以到達山頂，仲飽覽九龍夜景，呢座山叫嘉頓山！而且，交通十分方便，只需喺深水埗港鐵站行10分鐘就到山腳。
建議路線：首先搭港鐵到深水埗站D出口，再向石峽尾方向行10分鐘左右，你就會見到嘉頓麵包廠，之後你會望到美荷樓旁邊有座山。沿住樓梯一路向上行幾個字已經有得小休同睇景，想睇到更全面嘅九龍全景就要行多幾個字，好快就會去到山頂，適合比較少做運動嘅情侶。
世外桃源：英式山頂花園 拍拖野餐勝地
唔好再話去歐洲先有靚地方Chill喇！比較鮮為人知嘅前港督別墅「後花園」就好似世外桃源，令你樂而忘返。擁有濃烈英式風格、古老維多利亞式建築嘅山頂公園，景觀十分開揚，入面有大草坪、維多利亞式涼亭、小山丘、水池，寧靜宜人嘅環境好適合情侶拍拖。鋪張野餐布、拎住本書、曬下陽光，寫意嘅生活有時就係簡簡單單。
建議路線：由山頂凌霄閣出發，沿著柯士甸山道（山頂餐廳旁）往上行，中途見到柯士甸遊樂場，繼續一直走就會見到藍白色守衛室，再行前多幾步，就到呢個世外桃源！
秘密日落觀賞點：屯門石仔灣碼頭
唔講唔知，原來屯門可以睇到咁靚嘅日落，剩係睇相都覺得好浪漫！呢個地方叫「石仔灣」，位於馬灣旁邊，係香港僅存嘅舊式漁村，嗰度有一連串嘅漁排及木橋碼頭，可一覽屯門公路以及西面海岸，係完美嘅日落觀賞點！喺度睇日落仲有另一個好處，就係可以遠離煩囂，靜靜咁同另一半享受難得嘅二人世界。
建議路線：由中環或荃灣碼頭乘搭渡輪至珀麗灣碼頭，再步行前往。
3）觀塘工廈一日遊
好多情侶閒時都會一齊行下商場、買下嘢。但你最近係咪覺得商場來來去去都差唔多，行到厭晒？咁不如試下去工廠大廈尋寶吧！
各區工廠大廈都有好多特色小店，好多時都係東一間、西一間咁散落喺唔同地方，而觀塘嘅「怡生工業中心」E座和G座就打通咗一樓全層，盡攬各式店舖，包括露營用品、護膚品、精品雜貨、美甲、樂器、波鞋、韓國貨等，應有盡有，地下仲有特賣場添，加上嗰頭又有好多平靚正餐廳，消磨一日半日時間絕對唔成問題！
4）齊齊潮做文青
最近大熱嘅「文青」風氣直捲香港，想嘗試過一日文青生活，不妨試下帶埋男/女朋友一齊試下坊間手作仔！當中以Art Jamming、整皮工作坊、押花班、咖啡拉花班等等最為受歡迎。如果想搵啲比較價錢合宜嘅班，可以搵下係工廈開嘅班，當中好多都係年青人創業嘅生意仔。講到小編都好想今個周末即刻去Join！
（為另一半安排生日活動？必讀：壽星有著數！2017 生日優惠 大搜羅）
5）煮飯仔
如果你同另一半都鍾意食嘢，一齊煮飯仔就最啱啦！網上有好多簡易食譜，煮一餐見得人嘅飯冇難度！坊間都有啲網頁係幫你執齊晒一道菜需要嘅材料，送上你屋企，等你可以輕輕鬆鬆下廚，但價錢就會比較貴。一齊煮飯仔，製造自己嘅「心血結晶」，絕對增加情趣！不過最好就傾清楚邊個洗碗，唔係煮飯仔就變成嗌交啦！
（成日同另一半出外用餐，必備一張餐飲最佳信用卡，等我哋即刻幫你比較下，即進入餐飲優惠信用卡比較平台。）
6）博物館
一聽到去博物館可能好多人都會覺得好悶。但其實而家博物館都唔係咁死板。香港嘅博物館逢星期三免費入場。例如去科學館就可以喚起好多人嘅童年回憶，同你嘅另一半重拾童真，玩下番梘泡、鏡子迷宮，都可以過一個輕鬆嘅週末。又或者去太空館睇星象電影，當係去左睇星星，都係慳錢嘅好去處。
7）宅在家
其實拍拖最慳錢就係唔出街，而兩個人靜靜地留喺屋企都可以好浪漫。一齊窩喺Sofa睇一齣戲（無論係荷里活大片定係個個星期日都有嘅周星馳），又唔使俾錢買戲飛同爆谷，夠慳！甚至有啲情侶會一齊打機 ，真正係寓娛樂於拍拖。
其實講到尾，好多時去邊都冇謂，重點係同你邊個一齊。就算唔用好多錢，都可以一齊創造美好回憶。MoneyHero.com.hk為你比較咗咁多低消費拍拖熱點，快啲帶你另一半去啦！
（睇戲可以留意︰Netflix VS Amazon Prime Video 歐美煲劇神器大比併）
就算真係要消費，最好都係申請張現金回贈信用卡旁身！
1）渣打Simply Cash Visa 卡
渣打最新推出嘅Simpy Cash Visa 卡主打現金回贈，仲要係都幾全面，無論本地零售、餐飲同網購都有1.5%現金回贈，八達通自動增值都有1.5%回贈，搭車去拍拖都有得慳！此外，2個月迎新期內現金回贈更加係100%，全新客戶簽幾多回幾多，不設下限，上限係HK$1,000，唔使突登使舊大錢又計來計去，都算幾吸引。
2）Citi Cash Back Visa 信用卡
近期推出嘅Citi Cash Back Visa信用卡主打餐飲現金回贈，所有本地食肆及酒店簽賬可獲2%現金回贈、其他簽帳1%回贈。迎新期內簽賬滿HK$15,000，仲會直接回贈HK$1,500！查看信用卡詳情
而家經MoneyHero.com.hk申請Citi Cash Back Visa信用卡，獨家送HK$200超市現金券。
3）DBS Eminent Card
呢張卡每HK$250本地簽帳，可獲DBS$2.5 （即1%回贈）；每HK$250外幣簽賬（包括網上及外地簽帳），可獲DBS$5（即2%回贈），夠抵消外幣簽帳手續費！回贈不設任何最低簽帳要求，亦不設上限。
新客戶首2個月內所有合資格本地零售簽賬HK$7,500，可獲上限$600回贈，如果有關簽賬為外幣簽賬，則另加HK$150回贈，共HK$750回贈。查看信用卡詳情
10月1日至10月31日經MoneyHero.com.hk 申請DBS Eminent 信用卡，獨家送HK$100現金獎賞。
4 ）美國運通Blue Cash信用卡
Blue Cash信用卡所有本地及海外簽賬一律享無上限1.2%現金回贈，最啱鍾意方便同唔想計數嘅人。呢張卡嘅迎新禮物包括︰HK$700 百佳現金券及2張免費電影戲票 (價值HK$230) 。查看信用卡詳情
而家經MoneyHero.com.hk申請美國運通Blue Cash信用卡，獨家送HK$100超市現金券。
5） WeWa卡
主打吃喝玩樂嘅現金回贈卡，喺旅遊、主題公園、睇戲、唱K 4個類別每簽HK$250即賺HK$10，即等同4%現金回贈！呢張卡專做年青人市場，所以年薪HK$60,000就申請到，而且迎新禮物仲好多元化，例如有健身手環 / VR虛擬實境眼鏡等等。 11月30日前經MoneyHero.com.hk申請WeWa卡，額外享HK$200現金回贈+$100超市禮券。
——
相關文章︰壽星有著數！2017 生日優惠 大搜羅（2017年7月31日更新）
相關文章︰香港平靚正 親子活動 好去處 2017
相關文章：嚴選 八達通自動增值 最佳信用卡（2017年7月）
想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！
The post 香港平靚正 拍拖好去處 （2017年10月） appeared first on 理財資訊.