又到聖誕～又到聖誕…..數晒香港咁多個節慶，最有節日氣氛一定係聖誕節！而家12月未到，各大商場嘅 聖誕 裝飾已經準備就緒，等緊大家去影靚相了。等MoneyHero.com.hk同大家率先睇下今年各大商場有乜裝置，齊齊去影相打卡！（12月13日更新）
尖沙咀 1881 Heritage：Jolly Rockin’ Xmas 巨型木馬裝置
尖沙咀1881向來都係聖誕打卡熱點，今年的聖誕裝置以木馬為主題，不同地方都可找到木馬的身影，而且到處放滿紫色的聖誕樹，非常有節日氣氛！影完戶外的巨型木馬，記得入埋去位於中央的奇妙古典木馬玩具商店，裡面的佈置充滿了濃厚的歐式聖誕風，影相效果都唔錯架！
日期：2017年11月11日 ‑ 2018年1月7日
時間：上午10:00至晚上11:55
地點：尖沙咀廣東道 1881 Heritage
中環置地廣場：「Unlock Your Imagination」聖誕裝置
置地廣場今年邀請了著名法國插畫師 Claire Le Meil 和 Gwen Keraval ，創造一個充滿童真的聖誕展覽。展覽共有10個精緻場景，刻劃了小朋友天馬行空的理想世界，有魔術師表演魔術，紙飛機、升降裝置、小紙船翱翔半空，好有歐陸風情。每隔30分鐘就會有一場燈光音樂匯演，各個小朋友角色更會活動起來！
日期：2017年11月24日 ‑ 2018年1月1日
時間：上午10:00至晚上10:00
地點：中環置地廣場中庭
ELEMENTS圓方：《雪人與雪狗》聖誕展覽
今個聖誕，圓方將英國家喻戶曉的童話《雪人與雪狗》(The Snowman and The Snowdog) 帶到香港，重現故事內最經典場景，有小男孩Billy、雪人、雪狗、雪糕車、溜冰場等等，並加入互動元素，讓顧客在水晶球裝置內親歷下雪奇景，相信又會成為聖誕影相必去打卡靚位！
日期：2017年11月17日 ‑ 12月31日
時間：上午10:00至晚上10:00
地點：中環置地廣場中庭
中環皇后像廣場：18尺高華麗聖誕樹
2017「香港繽紛冬日節」將於12月1日正式展開！同往年一樣，今年皇后像廣場會有18公尺高的超巨型華麗聖誕樹，樹上滿佈閃爍的裝飾，非常燦爛。聖誕老人及他的好友將於12月1至3日、8至10日、15至25日不定時現身，仲會有詩歌班將於12月18至24日為你帶來精采的表演，與您一起歡慶聖誕！
日期：2017年12月1日至2018年1月1日
時間：下午5:00至晚上10:00 （12月15至21日延長至晚上11:00；12月22、23、25日延長至午夜12:00；12月24日延長至午夜12:30）
地點：香港島中環皇后像廣場北（鄰近香港文華東方酒店）
延伸閱讀︰再見2017！平安夜、除夕倒數好去處2018
沙田新城市廣場：Starlight Garden 紅粉夢樂園
每年聖誕，沙田新城市廣場都佈置了浪漫燈飾，今年都唔例外。今次商場以粉紅色調的星光花園為主題，有多個超夢幻嘅打卡位，包括綻放過百萬個願望球的「星光泡泡許願泉」，還有「氹氹轉自主音樂盒」、「嫩粉花牆迷宮」、「圓滿彩雲橋」、「彩虹旋轉摩天輪」、「夢幻迴旋熱氣球」及「光影搖搖板」等，樣樣都令人心心眼，啱晒同姊妹們去打卡影相！
日期：2017 年11月26日至2018年1月14日
時間：下午12:00至下午10:00
地點：沙田新城市廣場一期七樓星光花園
旺角朗豪坊： LINE FRIENDS CHRISTMAS PLANET
Line Friends 全體將會於今個聖誕嚟到朗豪坊，同大家開太空聖誕Party！5大太空場景包括有星空城堡、星光情人橋雲霄鞦韆、MOON造型的太空熱氣球、熊大星球，仲有一個巨型熊大飄喺半空，夜晚仲會發光，非常搶眼！大家除了可跟不同的 LINE 角色合照外，玩埋VR 摘星遊戲，於朗豪坊單一消費滿$100即可參加。
日期：11月21日至2018年1月1日
時間：上午11:00至晚上10:30 (12月16日、24日及31日延長至晚上12:30；互動數碼遊戲區延長至凌晨1:00)
地點：朗豪坊4樓通天廣場
尖沙咀海港城：聖誕「喜」飛 – Christmas in the Air
聖誕必定成為打卡熱點的海港城，今年化身成「空中之城」，有3艘「聖誕飛船」停泊在此。其中最大的飛船高達7米、長達20米，有二千個LED燈發光閃閃光芒，大家更可以登上船上盡情影相！另外兩艘飛船則載滿聖誕禮物及七彩奪目的氣球。
日期：2017年11月21日 – 2018年1月1日
時間：上午10:00至下午10:00
地點：海港城海運大廈露天廣場
奧海城：櫻桃小丸子 聖誕聯歡會
今個聖誕，小丸子同同學們又嚟同大家見面喇！奧海城變身成校園，等小丸子同大家開聖誕聯歡會。聯歡會上除了有一棵10米高、掛滿小丸子小黃帽及紅色書包的聖誕樹外，更有不同遊戲同互動節目，包括VR、AR、自製Music Video、手偶工作坊及STEM工作坊等，鍾意小丸子嘅朋友都不可錯過！
日期：2017 年 11 月 20 日至 2018 年 1 月 1 日 (12月31日暫停開放)
時間：中午12:00至晚上8:00 (星期一至五)，中午12:00至晚上9:00 (星期六、日及公眾假期)
地點：奧海城2期地下主題中庭、奧海城1期及3期
葵芳新都會廣場：4萬呎聖誕花海 +「星願聖誕」
圖片來源：ezone
葵廣隔離的新都會廣場翻新多時，終於可以趁住聖誕以全新形象示人！新都會的露天廣場佔地逾4萬平方呎，鋪設了草皮讓大家席地而坐，而家四周更放滿了聖誕花，樓梯兩側用鮮花拼成一道鮮花牆，係不容錯過的打卡位！花叢之間放置了許多星星燈，去到晚上就會亮燈，特別浪漫。
圖片來源：ezone
除咗戶外的聖誕花，室內仲有3個裝置，分別是流星許願樹、浪漫摩天輪和互動情人池，其中以許願樹最為特別。高18呎的流星許願樹每小時會上演音樂燈飾匯演，期間樹上的星星會隨著音樂產生色彩變化，每半小時仲會有夢幻流星雨表演！
日期：2017年11月8日至2018年1月1日（室內裝置將於11月18起開放）
地址：葵芳興芳路223號新都會廣場
將軍澳PopCorn：聖誕閃爍光之夢樂園
將軍澳PopCorn商場今年以「燈光」作為聖誕場景，除以亮麗奪目的燈光效果帶給大家視覺享受，仲加入咗好多互動元素。踏入一樓大舞台，你會先見到由1,246顆特製LED彩燈組成的6米高星光許願聖誕樹，更可藉樹上的屏幕向愛侶摯友傳遞聖誕願望。
聖誕樹旁邊嘅通道叫做「閃爍星光之路」，每行一步，LED地板都智幻化成一顆顆不同顏色的星星，配合周遭的燈光佈置，效果非常夢幻。
另外，露天演薈廣場將豎立多個球型七彩LED燈，猶如浩瀚宇宙中的星球，輕觸星球表面更會旋即轉變其他顏色，奇妙變化絕對吸睛！
日期： 2017年11月10日至2018年1月1日
時間：中午12時至晚上10時正
地點：港鐵商場PopCorn 一期一樓大舞台、演薈廣場及地下顧客服務部旁 (位於港鐵將軍澳站 C 出口)
將軍澳PopWalk：Grumpy Bun Bun 聖誕星光樂園
本地原創插畫角色 食鼓腮兔兔「Grumpy Bun Bun」可愛程度不遜於其他人氣卡通，全港首個Grumpy Bun Bun聖誕主題裝置將會出現於PopWalk天晉滙，3期商場共有4大打卡位，最具特色係長達5米的「Grumpy兔兔星光隧道」，兔兔以不同造型配合繽紛光影燈飾，仲有大型聖誕球和雪鹿點綴，一到夜晚燈飾亮起後，有如夜空星星閃爍，非常浪漫。
走上PopWalk 1期一樓的展覽場位置，Grumpy Bun Bun 化身於裝置的互動遊戲中，蠢蠢欲動等著您來與為食的她一同接收美食，完成遊戲後，更可與不同造型的Grumpy Bun Bun Selfie 影相check-in！
日期： 2017年11月27日至2018年1月14日
時間：上午10時至下午10時
地點：天晉滙各期
尖沙咀THE ONE / 銅鑼灣皇室堡：Rilakkuma 鬆弛熊 聖誕裝置
鬆弛熊今個聖誕會喺尖沙咀THE ONE 同 銅鑼灣皇室堡現身。除咗帶埋小白熊、小雞之外，仲有新朋友「茶小熊」今次第一次來港同大家見面！
The ONE x Rilakkuma 輕鬆小熊 甜蜜小鎮
尖沙咀裝置以「甜蜜小鎮」為主題，特設6大場景影相位，包括甜蜜「心」林、甜蜜回憶製作所、黃金糖果屋、紅色聖誕大屋、甜蜜蜜蛋糕噴池及聖誕樂郵郵。
日期： 11月12日至2018年1月1日
時間：上午10時至晚上10時
地點：The ONE UG2中庭、地下露天廣場及L2
皇室堡 x Rilakkuma輕鬆小熊 夢幻雪國
而銅鑼灣嘅主題係「夢幻雪國」，設6大遊玩設施，包括4.5米高旋轉聖誕機小木屋、3米高夢幻飄雪水晶球、室內冰雪旋轉滑梯、暖笠笠「鬆」餅塔等等。
日期：11月11日至2018年1月1日
時間： 上午10時至晚上10時
地點：皇室堡地下中庭及1樓
將軍澳東港城：Miffy 與你雪地迎聖誕
今年東港城有好多Miffy陪大家過聖誕！呢個Miffy大型聖誕裝置佔地5,000呎，設有5個影相場景，當中仲有全球首次現身的特別版造型Miffy，在聖誕蛋糕大擺設旁圍圈列陣，其他裝置包括立體巨型聖誕卡、miffy聖誕禮物小火車、聖誕High Tea樂園同埋巨型miffy茶壺！
除咗有多款裝置俾大家打卡影相之餘，每日下午仲有一場miffy pancake工作坊，於商場以電子貨幣單一消費滿HK$200即可參加，12月起仲有pop-up store登場，售賣多款miffy限量精品。
miffy聖誕擺設
日期：即日起至2017年12月27日
地址：坑口重華路8號東港城一樓展覽場
miffy pancake 工作坊
日期：2017年11月18日至12月23日（逢星期六）
時間：3pm-3:45pm
miffy 聖誕期間限定店
日期：2017年12月1日至12月27日
時間：星期一至日：12nn-8pm
馬鞍山新港城中心：比奇堡聖誕深海之旅
喺新港城中心，今個聖誕會有來自深海的海綿寶寶，帶俾大家一個水底聖誕！今次佢搵埋派大星 、蟹老闆 、章魚哥 、珊迪及小蝸一大班Friend在「海底」歡迎你，呢個海底除咗有菠蘿屋，仲章魚哥屋企同摩天輪，俾大家盡情影相！
記得唔好錯過全亞洲獨家「Q 版」海綿寶寶期間限定店，店內出售近 20 款全亞洲首次發售之主題限量精品，款款都有海綿寶寶眼仔碌碌個樣，可愛指數爆燈！
比奇堡聖誕深海之旅
日期：2017 年 11 月 5 日至 2018 年 1 月 2 日
時 間: 10:00am-10:00pm
地 點: 馬鞍山新港城中心 L2 天幕廣場
全亞洲獨家「Q 版」海綿寶寶期間限定店
日 期: 2017 年 11 月 5 日至 2018 年 1 月 2 日
時 間:12:00nn-10:00pm
地 點: 新港城中心 L3 活動區
上水廣場：抱抱維也納原創水晶球珍藏展
白雪飛舞、閃爍又繽紛的水晶球，相信係好多人童年最愛嘅聖誕擺設。今年聖誕，飄雪水晶球的發明人Erwin Perzy家族首次把近百年歷史的手造飄雪水晶球，由維也納水晶球博物館帶到上水廣場展出！
商場矗立7米高巨型水晶球聖誕樹，展出逾60件精選作品全部由E
《上水廣場Twinkle Christmas》抱抱維也納原創水晶球珍藏展
日期：2017年11月25日(六) 至12月29日(五)
時間：10am – 10pm
地點：上水廣場2樓中庭
尖沙咀Mira Place：Doo Something Good This Christmas
來自英國的破格 Pop Art藝術家 Mr. Doodle今個聖誕同Mira Place合作，於香港舉行亞洲區首個藝術項目「Doo Something Good This Christmas」，Mr. Doodle最出名係塗鴉作品，佢嘅塗鴉的顛覆傳統，以獨特筆跡填滿所有空間。今次Mira Place變身成倫敦聖誕街，並由Mr. Doodle的塗鴉藝術將倫敦名勝改頭換面。
場內最受矚目嘅係一架原裝倫敦的士，由Mr. Doodle親筆作畫，為車身換上黑白相間的型格圖案；另一亮點係高6.5米嘅大笨鐘，每隔30分鐘外牆將上演藝術動感表演，讓Mr. Doodle畫作變成動態。
日期：2017年11月8日至12月31日
地點：尖沙咀彌敦道118-130號 Mira Place
延伸閱讀：【聖誕市集+主題樂園】2017香港8大必玩聖誕活動
延伸閱讀：【聖誕禮物男朋友篇】10份他最想收到的禮物
延伸閱讀︰【女友篇】聖誕節送咩好？10份她最想收到的聖誕禮物
相關文章：酒店自助餐 優惠大集合
想知道信用卡嘅優惠資訊？立即使用我哋嘅比較工具，搵出最適合你嘅信用卡！或即按此，了解更多不同銀行的信用卡產品。
——
想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！
The post 【聖誕攻略2017】聖誕商場打卡影相好去處 appeared first on 理財資訊.