香港嘅聖誕節從來唔愁冇嘢玩，例如近年多咗地方舉行 聖誕市集 ，售賣各種窩心的聖誕精品，特別有節日氣氛。除咗聖誕市集之外，聖誕當然唔少得玩埋海洋公園、迪士尼、AIA嘅聖誕特別活動啦！等MoneyHero.com.hk為大家逐一介紹今年嘅聖誕 好去處！（2017年12月13日更新）
赤柱芬蘭聖誕市集
赤柱聖誕市集年年大受歡迎，相信今年都唔會例外！今年赤柱廣場聖誕市集以芬蘭為主題，自然令人聯想到雪地、極光、玻璃屋同埋芬蘭美食，而呢個市集正正包含咗以上元素，除咗有逾80個攤檔提供一系列芬蘭美食同聖誕手作精品，還有異國極光玻璃屋、雪地奇緣音樂舞台、「芬蘭Jacuzzi拍照區」等打卡位，仲可以VR體驗芬蘭極光，超有聖誕氣氛！
為鼓勵大家搭公共交通工具，大會在市集舉行的日子特別提供免費穿梭巴士，由海洋公園及筲箕灣愛東商場往返赤柱廣場，及免費穿梭船隻由香港仔往返赤柱卜公碼頭，另亦會提供赤柱廣場停車場預約泊車服務。
日期：2017年12月9-10日、16-17日 (星期六及日) 中午12:00至下午8:00
地點：領展赤柱廣場天幕廣場
延伸閱讀︰再見2017！平安夜、除夕倒數好去處2018
利東街聖誕飄雪匯演
灣仔利東街每逢節日一定有新搞作，巨型月亮展覽剛完，嚟緊聖誕又有飄雪睇！現場有攤檔派免費嘢飲同小食，好似有香料熱紅酒、抹茶味米蛋糕等等，仲有2層樓高嘅聖誕樹等緊你去打卡，聖誕樹入面更藏著鏡像萬花筒樹屋，影相好靚架！
聖誕飄雪匯演時間表
日期：12月16-17、23-25及31日
時間：3pm、6pm、8pm (每節10分鐘)
地點：利東街中庭
想知各大商場聖誕有乜打卡影相位，睇埋：【聖誕攻略2017】聖誕商場打卡影相好去處
海洋公園 x Pinkoi 聖誕市集
設計師手作平台Pinkoi 定期在香港各處舉辦市集，但想不到今年Pinkoi 聖誕市集會於海洋公園舉行。海洋公園將會變身成浪漫聖誕村莊，有最高達40呎的聖誕樹、「聖誕老人屋」、「冬日浪漫花園」及飄雪效果，喺呢種氛圍下嘅市集應該超有Feel吧！
日期及時間：
| 2017年12月16至22日 | 下午12時至晚上7時 |
| 2017年12月23日至2018年1月1日 | 下午2時至晚上11時 |
YMCA FARM 赤柱聖誕市集
赤柱今年除咗有芬蘭市集外，YMCA FARM亦會在美利樓廣場舉行聖誕市集！市集有24檔攤位售賣各式手作精品，仲會以輕鬆的busking陪伴大家開心過聖誕，而且係特別日子美利樓外仲會有大型活動配合。
日期：11月 18-19、25-26 日、12月 2、3 、23-25、30-31 日
時間：下午12:30-晚上8:30
地點：赤柱美利樓廣場地下
太古地產白色聖誕市集2017（已完結）
今年太古地產的「白色聖誕市集」會打頭陣，喺11月尾及12月頭的2個周末，分別在灣仔星街小區及太古坊糖廠街舉行，市集將會有聖誕販賣攤位、自製工作坊、節慶佳餚飲品及精彩的現場表演，為大家帶來節日新驚喜。
兩個市集都均會有一個20呎高的薑餅人汽球作為市集的標誌。糖廠街更設有全港首個真人比例的薑餅人足球機，遊人可以組隊參加比賽為慈善籌款，仲有糖霜飄雪機的仿製糖霜在頭頂飄下，體驗白色聖誕！
星街小區市集
2017年11月24日 (星期五) 中午12:00 ‑ 下午8:00
2017年11月25日 ‑ 26日 (星期六及日) 下午1:00 ‑ 7:00
香港灣仔星街小區 Starstreet Precinct
糖廠街市集
2017年11月30日 ‑ 12月1日 (星期四至五) 中午12:00 ‑ 下午8:00
2017年12月2日 (星期六) 下午1:00 ‑ 7:00
太古坊糖廠街及太古坊1樓辦公樓大堂
海利公館聖誕市集2017（已完結）
除咗擁有百年歷史的古蹟1881，香港邊度更能營造歐洲般嘅聖誕氣氛？今年聖誕，位於1881的海利公館繼續舉行聖誕市集，感受濃濃的節日氣氛之餘，更讓你大飽口腹！
市集將會售賣精緻的限定小食，如「小紅蘿蔔脆」、「咖喱小田薯」、「秘制迷你手撕豬漢堡」及「意式肉丸鮮茄汁伴火箭菜」等，更特別呈獻聖誕暖紅酒暖心。你可以坐在草地上一邊品嘗美食，一邊欣賞街頭音樂表演及魔術表演，仲有得同聖誕老人合照添！
日期：
2017年12月1日 (星期五) 下午5:00 ‑ 11:00
2017年12月2日 (星期六) 上午11:00 ‑ 下午11:00
2017年12月3日 (星期日) 上午11:00 ‑ 下午9:00
地點：香港九龍尖沙咀廣東道2A號海利公館 Hullett House
主題樂園
除咗逛市集之外，聖誕期間各主題樂園仲有以下活動，啱晒鍾意玩嘅你：
恐龍遊樂園 聖誕慈善嘉年華
聖誕要諗埋帶小朋友去邊到玩？一於去恐龍樂園！「WE嘩！充氣嘉年華」於今個聖誕節，將青衣體育會足球場變身為恐龍遊樂園及考古發掘基地，設置七大歷險專區及考古遊戲裝置，包括25呎高巨型速龍頭形的充氣三滑道滑梯及20呎高被困暴龍的充氣彈床滑梯，以及讓小朋友見證恐龍生蛋過程的機械三角龍等。現場仲有新一代的兒童考古天秤吊臂，讓小朋友體驗挖掘七色龍珠的樂趣，還特設户外兒童森林越野車，在小樹叢及草地上馳聘穿梭，有刺激又有學到嘢！
（嘉年華部份收益將撥捐「香港移植運動協會」，協助該會推廣曾經接受器官移植的人士參與體育活動。）
日期：2017年12月23日至2018年1月1日
時間：上午11:00至下午6:00
地點：青衣體育會足球場（青衣青綠街38號）
票價：按遊戲而定，每款$50或$10；另設$180優惠套票，包括4款$50遊戲及2款$10遊戲
海洋公園聖誕全城HO HO HO
海洋公園每年都有聖誕活動，今年嘅「聖誕全城Hohoho」特別新增全港首架VR過山車「越礦飛車」，帶你展開超立體視覺探險旅程！園內更有浪漫主題佈置、聖誕美食及聖誕樹亮燈儀式，還有小朋友最愛的聖誕老人屋和企鵝粉絲過聖誕等精彩節目，一次過滿足你的聖誕願望﹗
日期：2017年12月11日至2018年1月1日(全面聖誕活動將於2017年12月16日展開)
門票：成人門票$438 / 小童門票$219
按此瀏覽活動詳情。
友邦歐陸嘉年華2017/2018
AIA友邦歐陸嘉年華已確定於12月再次同大家見面，連續4年同大家歡渡佳節。今年活動除了保留了大眾喜愛的節目之外，仲有全新機動遊戲，世界著名製作團隊Gandey的歐陸式雜技團以及Billboard Radio呈獻的六場音樂會，無論大人定細路都啱玩！
日期：2017年12月19日至2018年2月25日
地點：中環海濱
門票詳情：
- 成人門票HK$130（包10個電子代幣價值$100）
- 小童門票HK$90（包7個電子代幣價值$70）
- 入場門票HK$40（不包括代幣）
按此瀏覽嘉年華詳情。
迪士尼雪亮聖誕
如果想過一個童話般嘅聖誕，就一定要去迪士尼喇！11月16日起，整個迪士尼樂園都會換上聖誕裝飾，而一眾卡通人物亦會換上華麗嘅聖誕服飾同你影靚相，仲會有飄雪降臨美國小鎮大街！除此之外，迪士尼亦會供應世界各地的傳統應節美食，而紀念品店亦會售賣各式聖誕禮品。城堡前院仲會變身成聖誕舞會場地，讓米奇、米妮及唐老鴨等角色上演一齣特備表演。
日期：2017年11月16日至2018年1月1日
門票：標準門票$589 / 小童門票$419
按此瀏覽活動詳情。
聖誕佳節無可避免會使多咗錢，最好都係申請張現金回贈信用卡旁身，以下部分卡嘅迎新回贈高達HK$1,500，可以慳返唔少架！
1）渣打Simply Cash Visa 卡
渣打最新推出嘅Simpy Cash Visa 卡無論本地零售、餐飲、網購、八達通自動增值通通有1.5%現金回贈，海外簽帳更有2%回贈。新客戶迎新期內享100%現金回贈，簽幾多回幾多，上限HK$1,000，非常吸引！
2）Citi Cash Back Visa 信用卡
近期推出嘅Citi Cash Back Visa信用卡主打餐飲現金回贈，所有本地食肆、酒店簽賬、海外消費可獲2%現金回贈、其他簽帳都有1%回贈。現時迎新期內新客戶有3種迎新優惠選擇，(1)頭2個月內累積認可簽賬滿HK$15,000或以上可獲HK$1,500現金回贈；(2)頭2個月內累積認可簽賬滿HK$5,000或以上獲HK$500現金回贈；(3)頭2個月內累積認可簽賬滿HK$1,800或以上可獲HK$1,800惠康現金券。另外，2017年12月31日前經MoneyHero.com.hk成功申請Citi Cash Back Visa信用卡，仲額外送$200現金劵！查看信用卡詳情
3）DBS Eminent Card
呢張卡本地簽帳可獲1%回贈；外幣簽賬（包括網上及外地簽帳）可獲2%回贈。回贈不設任何最低簽帳要求，亦不設上限。新客戶首2個月內所有合資格本地零售簽賬HK$7,500，可獲上限$600回贈，如果有關簽賬為外幣簽賬，則另加HK$150回贈，共HK$750回贈。查看信用卡詳情
12月1日至12月31日期間經MoneyHero.com.hk 申請DBS Eminent 信用卡，獨家送HK$100現金獎賞+HK$100超市現金劵。
4 ）美國運通Blue Cash信用卡
Blue Cash信用卡所有本地及海外簽賬一律享無上限1.2%現金回贈，最啱鍾意方便同唔想計數嘅人。呢張卡嘅迎新禮物包括︰HK$700 百佳現金券及2張免費電影戲票 (價值HK$230) 。查看信用卡詳情
現經MoneyHero.com.hk申請美國運通Blue Cash信用卡，獨家送HK$100超市現金券。
5） WeWa卡
學生都申請得嘅現金回贈卡，喺旅遊、主題公園、睇戲、唱K 4個類別每簽HK$250即賺HK$10，即等同4%現金回贈！2017年12月31日前食肆、海外簽帳滿HK$400仲可以參加抽獎，必中2%至6%現金回贈！迎新禮物仲好多元化，例如有健身手環 / VR虛擬實境眼鏡等等。 2017年12月31日前經MoneyHero.com.hk申請WeWa卡，額外享HK$200現金回贈+$100超市禮券。
想知道更多信用卡嘅優惠資訊？立即使用我哋嘅比較工具，搵出最適合你嘅信用卡！或即按此，了解更多不同銀行的信用卡產品。
延伸閱讀：【聖誕攻略2017】聖誕商場打卡影相好去處
延伸閱讀：【聖誕禮物男朋友篇】10份他最想收到的禮物
延伸閱讀：2017 聖誕自助餐 優惠大合輯
——
想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！
The post 【 聖誕市集 +主題樂園】2017香港10大必玩聖誕活動（不斷更新） appeared first on 理財資訊.