用信用卡俾錢而家愈來愈方便，幫大家省卻咗襟錢、俾錢、等找錢嘅時間，仲可以用嚟賺里數或現金回贈，真係一舉兩得！不過，相信好多人亦認同，用信用卡消費始終Skip咗拎錢出嚟既步驟，令人更難控制支出，一唔小心仲會用多咗，搞到自己揹住勁多卡數無力清還。

要知道，信用卡嘅利息普遍超過30厘，遠遠高於私人貸款。假如你每月剩係還Min. Pay，你總共要俾嘅利息係會多過條卡數，而且仲要好幾年先至還得晒。因此，市面上近年出現好多「卡數一筆清」嘅私人貸款，Target呢班揹住卡數嘅潛在客戶，幫佢哋減少利息支出。MoneyHero.com.hk今次同大家介紹一下「清卡數」貸款（結餘轉戶 ）嘅特點。

「清卡數」貸款慳到幾多息?

好多人一聽到「貸款」兩個字就避之則吉，但當面對呢筆愈滾愈大嘅卡數，結餘轉戶 貸款就係你嘅救星，幫你儘快回復自由身。結餘轉戶貸款的實際年利率約5–12％左右，比信用卡利息低數倍。先比較下兩者利息嘅差距：

例子 1：卡數HK$50,000，每月還HK$3,000

直接清還卡數：
利息支出－HK$19,000
清還時間－23個月

*利息按一般信用卡月息2.62％計算。

結餘轉戶：
利息支出－HK$2,380
清還時間－17個月

*利息按月平息0.28％（實際年利率6.44%）計算。

例子2：卡數HK$100,000，每月還HK$5,000

直接清還卡數：
利息支出－HK$45,000
清還時間－29個月

*利息按一般信用卡月息2.62％計算。

結餘轉戶：
利息支出－HK$5880
清還時間－21個月

*利息按月平息0.28％（實際年利率6.49％）計算。

由此可見，結餘轉戶可以比直接清還卡數節省高達8倍利息，對於有卡數人士而言真係慳咗好多。但要留意嘅係，並唔係間間金融機構嘅清卡數貸款都係咁低息，選擇前宜貨比三家，用MoneyHero嘅貸款比較平台，你可以一眼睇晒市面多個貸款嘅實際年利率，揀啱仲可以立即申請。

另外，即使係申請同一個貸款計劃，申請者可獲的借貸利率，要視乎借款個人收入與過往信用狀況而定，一般而言專業人士及公務員，可享有較低利息。

結餘轉戶跟普通私人貸款有何分別？

普通私人貸款，同結餘轉戶私人貸款有乜分別？重點之一，就係收款嘅方法。普通私人貨款可能係現金或銀行過戶，但結餘轉戶貨款一經批核，款項往往經以下途徑發放：

1）直接存入客戶指定信用卡／貸款戶口；

2）以本票形式寄往客戶通訊地址，客戶自行到有關銀行／財務公司清還欠款；

3）直接存入客戶指定還款戶口。

而無論怎樣發放款項，借款銀行一般都有權要求還款證明，確保借出款項是用作還款之用。換句話說，即係結餘轉戶所借金額一定要用嚟還錢，不可用所其他用途。

受到這些限制，結餘轉戶對比一般私人貸款嘅好處，主要就有以下兩點：

1）還款期較長

2）貸款額較高

結餘轉戶還款期可以長達72個月，比普通私人貸款更長；而當一般私人貸款嘅最高貸款額通常只能做到月薪12倍，結餘轉戶就通常可借到18-21倍月薪，可助你應付更大財務需要。

當然大家都要留意，申請結餘轉戶都有其限制。以花旗銀行為例，佢需要每年有固定收入達HKD$72,000。而逾期還款同提前償還貸款，都會有收費，大家如果要借，記住要準時還款，重建自己的財政健康！

網上申請，有額外現金回贈

目前市面多間銀行都對經上申請貸款人士贈予更多回贈。而家回贈最豐富嘅，當然要數Citibank 結餘轉戶計劃，只要你的結餘轉戶金額達HK$100,000或以上，而還款期為12個月或以上，即送HK$1,288現金劵，經MoneyHero.com.hk申請仲會加送HK$1,000現金劵（合共HK$2,288）！

除此之外，而家經網上申請中銀分期「易達錢」結餘轉戶，可享HK$500現金回贈；經網上申請 東亞銀行 及 交通銀行 結餘轉戶，亦可享$300回贈。

想經網上申請上述私人貸款，或瀏覽更多資訊，即上我們的比較平台！

——

想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！

The post 【認識 結餘轉戶】清卡數貸款到底慳幾多利息？ appeared first on 理財資訊.

現時香港最受歡迎的活動，已經不再是唱K睇戲，而是去旅行，每隔一排都要飛返轉先安落。感覺上，在外國生活一排，總好過留港漫無目的做做做，話晒都叫體驗過外國生活，青春過吖！30歲以下的年輕人，想在外國居住一年半載，好多都會選擇工作假期 (Working Holiday)，但其實除此之外，仲有不少玩法！

打工換宿 – 民宿農場開工包食宿

打工換宿在歐洲盛行已久，台北人也很喜歡到東部和南部的民宿工作，透過付出勞力換取免費食宿，是非常具人氣的旅遊體驗。大家最熟悉的平台如有機農場工作組織WWOOF、以及多元化打工換宿網HelpX和Workaway，都詳細羅列了世界各地多不勝數的工種，最常見有農場耕種、打理牧場、旅舍執房打掃等，只需申請成為會員並繳付會費，即可與有興趣的Host聯絡。打工換宿雖然不提供收入，但勝在可以節省住宿和膳食開支，同時取得相關工作的知識，並與當地人作深度交流，感受最地道的生活。

但要注意部分國家對打工換宿有嚴格規定，持旅遊簽證入境的遊客不得工作，即使不接受現金報酬也有機會違反逗留條件。例如紐西蘭要求WWOOF者必須持有工作假期簽證；而深受港人歡迎的日本和台灣只容許遊客「觀光」，「體驗」和「工作」的定義模糊，持旅遊簽證工作或容易觸犯法例；至於英國和澳洲，只要打工換宿不涉及賺取薪金，則基本上沒有問題。

體驗程度︰✦✦✦✦✧

賺錢程度︰✦✦✧✧✧

自由程度︰✦✦✦✧✧

申請難度︰✦✦✧✧✧

Au Pair – 入屋湊仔賺零用

近年新興的旅遊體驗Au Pair，說穿了其實是去別人家庭當保姆，工作內容通常包括照顧小朋友、教他們做功課，並處理簡單家務。

Au Pair源自法文，意思為平等和互惠，也有人譯作「互惠生」，原理與打工換宿有點相似，不同之處在於大部分Host都會將你當作家庭一份子，並會發放零用錢作薪金。不過，參加 Au Pair 多數需要停留較長時間，唔可以話走就走。所以，不少人還會利用Au Pair的空餘時間報讀當地語言課程，一舉兩得！

現時，Au Pair在英國、德國、澳洲和西班牙都很流行，同樣地，由於各國對Au Pair的簽證都有不同要求，有興趣的話可以先查詢清楚，著名平台Au Pair World清楚列出各國HostFamily的資料和簽證需求。如果自問喜歡與小朋友相處，又偏好規律的生活，又想賺少少錢，Au Pair絕對值得一試！

體驗程度︰✦✦✦✦✧

賺錢程度︰✦✦✦✧✧

自由程度︰✦✧✧✧✧

申請難度︰✦✦✦✧✧

短期語言課程 – 畢咗業都可以留學兼旅遊

雖說讀萬卷書不如行萬里路，但點解唔可以一次過享受兩種樂趣？想一邊旅遊一邊學外語，參加短期語言課程就啱晒。不少大學和語言學校都會舉辦為期3星期到3個月的短期課程，如怕麻煩，亦有升學中心和留學推廣機構為你一手包辦，甚至為你安排學校宿舍或寄宿家庭，是方便之選。

以近近地又深受港人歡迎的日本為例，大部分院校都會於4月和10月開學，知名學府如東京國際日本語學院和早稻田日本語研修中心都有開辦短期留日的日文課程，就算是持旅遊簽證的遊客都可以報讀。如果想去英國提升英語水平，則可以選擇去BritishCouncil英國文化協會，了解更多留學資訊。此外，EF和學聯亦提供美加、澳紐及歐洲各國的成人短期語言課程。

體驗程度︰✦✦✦✧✧

賺錢程度︰✧✧✧✧✧

自由程度︰✦✦✦✦✧

申請難度︰✦✦✧✧✧

實習計劃 – 外國企業實戰取經驗

如果在農場悠閒工作不是你杯茶，而你想要的是在正式公司當實習生，獲取工作經驗，了解外國工作文化，建議你申請實習計劃Internship Program。舉個例，美國沒有Working Holiday，但只要正在修讀大學學位或已經畢業，或擁有5年相關工作經驗，就可以參加ISI美國企業實習計劃或IPT美國企業訓練計劃，以J-1簽證在美國嘗試工作，好處當然是浸過鹹水，得到珍貴的外企工作經驗，寫落CV一定好睇好多。

體驗程度︰✦✦✦✦✧

賺錢程度︰✦✦✦✦✧

自由程度︰✦✦✧✧✧

申請難度︰✦✦✦✦✧

義遊 – 做慈善添旅遊意義

想在外國感受不一樣的旅遊體驗，其實唔一定要吓吓向錢看嘅，去旅行同時做義工，亦不失為有意義的選擇。義工旅遊的範圍很廣，你可以在環保、農業、文化、教育及藝術等方面提供服務。國際工作營是全球性的義工計劃，服務時期由兩星期至一年不等，在服務社區的時候，你也有機會認識來自世界各地的義工。

香港本地亦有非牟利國際工作營組織義遊VolTra，為港人提供各種工作營和義工旅遊服務計劃，參加者可以前往法國阿爾卑斯山修復小路、去泰國小漁村的稻田工作和體驗漁夫生活，或是到厄瓜多爾協助清理樹林和進行建設，別具意義。而想尋找比較小規模、本地化的義工計劃，你亦可瀏覽Grassroots Volunteering的網站。注意義工一般要自行安排機票及日常生活開支。

體驗程度︰✦✦✦✦✧

賺錢程度︰✧✧✧✧✧

自由程度︰✦✧✧✧✧

申請難度︰✦✦✧✧✧

同場加映：旅遊保險保唔保外地打工？

旅遊保險保障期通常最多90日，就算購買全年旅遊保險，亦不會為工作時遇上的意外提供保障。而外國的住院和醫療費用亦普遍比香港的高昂，醫療保險未必包一般門診外，保障額亦可能不夠賠。

現時市面上有特別為工作假期而設的保險，保障與普通旅遊保不同。目前富衛、豐隆、保誠、美亞和蘇黎世都提供工作假期保險。至於短期流學、交流，小編亦有朋友透過旅遊保障，不妨上MoneyHero.com.hk的旅遊保險平台比較下，有時平台仲會提供獨家優惠，節省高達港幣200蚊！

延伸閱讀︰【 工作假期 攻略】10大熱門國家大比併

相關文章︰【旅遊攻略】嚴選4大趁後生 必去 旅行地點

——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【 深度旅遊 】體驗外國生活5大途徑 appeared first on 理財資訊.

講起網上購物(Online Shopping)，好多人都會聯想到淘寶，但哈韓嘅朋友就應該會聽過Gmarket！說來慚愧，做偽韓妹做咗幾年，小編都係第一次喺 Gmarket 買野，今次順手Share埋呢篇 step-by-step 新手教學，最後仲喺MoneyHero.com.hk 精選咗幾張信用卡，俾大家比較吓網上購物優惠，千祈唔好錯過！

1）首先，你要輸入呢個網址︰http://global.gmarket.co.kr/Home/Main。暫時仲未提供繁體中文版本，唯有睇住英文或者簡體中文先。

2）一入去就登記番個會員帳號先，步驟都好簡單，之後就可以開始Shopping同用會員優惠喇！

3）登入咗之後，你就可以去 「會員優惠券專區」 同  「活動優惠券專區」 ，睇吓有咩優惠券可以免費Download！

4）入去「優惠專區」仲有抽獎玩，獎品有會員積分「Smile Point」、優惠券、韓國國內免費配送券!

5）使諗咁多，全部Download 哂落嚟先，等一陣揀到心水貨品嘅時候再睇吓用得邊張優惠券。

6）準備好我哋可以開始買野喇！如果已經知道自己想買咩，當然可以喺頁頂嘅Search bar搜尋啦。但如果冇咩頭緒嘅就可以去「熱賣商品」度搵靈感。通常女裝、化妝品同童裝都係最hit嘅！Gmarket亦都有將啲Hot items分開唔同類別，好似「服務」、「美妝」、「食品」、「家具」、「運動」等等，所以你可以直接睇你有興趣嘅類別，唔使大海撈針。

7.小編有用開嘅韓國化妝品同護膚品，所以就直接Search個牌子喇，全部相關嘅貨品都出哂嚟！

8.選擇咗你想買嘅貨品，就會見到「韓圜」同「港幣」兩個單位嘅售價。如果你見唔到「港幣」售價嘅話，可以喺右上角改番用HKD顯示。拉落去睇埋產品介紹，可以了解清楚再決定買唔買。

9.再拉落去可以睇到 「賣家資訊」，最重要當然係「顧客評論」，主要睇吓出貨快唔快，有冇寄錯或者寄過期貨品嘅前科。

10.睇完覺得啱心水嘅話，就係時候睇吓有咩優惠券可以用喇！一Click「優惠券使用」，你就會睇到哂可以用到嘅優惠券，每次可以用一張。Click埋「應用」，出番去個頁面就可以睇到最終折實嘅價錢喇。確認咗折實嘅價錢，就可以Click 「立即購買」俾錢喇！

12.因為已經係會員，地址同電話號碼都唔使特別再入。之後揀好「配送方式」 (通常都係用最平嘅順豐SF Express) ，再填好付款方式同資料，Click 埋 「提交訂單」就得喇！你可以隨時去 「我的購物訊息」「我的訂單」睇住送貨情況。

13.收貨喇！化妝品同護膚品都冇問題，去一啲大型商場開設嘅Gmarket網店買化妝品或護膚品，仲會送好多贈品俾你！ 仲要有排先過期！

每次Shopping完仲賺到Smile Cash，下次再買野就可以當錢使喇。總括嚟講，Gmarket 購物體驗都唔錯，幾多唔同種類嘅貨可以揀，當然特別係韓國化妝品，護膚品啦，平過喺韓國買，又多贈品! 如果你都用開韓國牌子，不妨試試。

網購信用卡之選

網上購物平台固然方便，但想更抵，最好就喺信用卡平台比較吓，只要揀啱信用卡，網購都可以賺盡網購現金回贈，大家都可以考慮吓申請以下幾張卡：

星展銀行Eminent Card

無論係實體定網上商戶簽賬，都有本地簽賬1%回贈 ＋ 外幣簽賬2%回贈優惠。

建行Eye卡

建行Eye卡用來網上購物非常好用，因為網上消費簽賬有5倍積分，即是2%回贈或$3=1里。其他建行信用卡用戶只要於網上登記，全年網上購物簽賬都會有3X積分。

信銀國際VISA白金卡

新卡批核後首12個月內， 只需每月作認可簽賬達HK$3,000或以上，網上簽賬亦可賺取高達5%現金回贈，每月之額外現金回贈上限為HK$100，全期最多可享HK$1,200額外現金回贈。

Citi Clear Card

網上簽帳有高達2%現金回贈，亦有免費美國、英國網上代購及指定國家轉運服務費低至8折優惠，十分適合喜歡到外國網站購物的朋友。

東亞銀行i-Titanium卡

持卡人於每月累積零售簽賬逹HK$1,800，該月之網上購物交易可享3% i-Dollar回贈，會以現金回贈形式存入卡主賬戶，而且不少網上商戶都有優惠。

想一次過更方便地比較所有信用卡，可以來我們的比較頁面！按此前往
——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【網上購物】Gmarket 新手全方位教學 2017（附截圖） appeared first on 理財資訊.

對於學生來說， 報稅交稅 是一件很遙遠的事。但當你投身社會後，就記得要履行公民責任，準時 報稅交稅 。到底 報稅交稅 要注意什麼呢? 一於等MoneyHero.com.hk為你講解！

香港稅制基本知識

薪俸稅是按你於課稅年度的實際收入所徵收的，而課稅年度是指每年4月1日至下一年3月31日的12個月。如果你在2016年6月1日開始工作，那你應該在2016-2017課稅年度申報你於2016年6月1日至2017年3月31日期間的收入。

薪俸稅額是（1）按你的「應課稅入息實額」以「累進稅率」計算；或（2）以「總入息淨額」以「標準稅率」計算，兩者取較低的稅款額徵收。

請注意，財政司司長建議由2017/18課稅年度起將應課稅入息實額由40,000元擴闊至45,000元，但須經立法程序才可實施。

報稅Q&A：

Q1：我如何知道自己需不需要報稅？

A：假如你在該課稅年度的薪俸收入不超過基本免稅額（年薪13.2萬元），便無須報稅或繳納薪俸稅。不過，如果你收到稅務局發出的個別人士報稅表（BIR60），就算你沒有任何收入須申報，你仍要依時填妥及提交報稅表。

Q2：稅務局會在什麼時候寄報稅表給我？

A：稅務局一般會在每年5月第一個工作天寄報稅表給納稅人。如果你是第一次繳稅，稅務局則要先為你設立新檔案才可寄報稅表，所以沒有固定的寄發日期。而你的僱主應在你上任後3個月內通知稅務局，故當局通常會於收到你僱主填報的IR56E表格後的5個月內發出報稅表。如果你須繳稅而又沒有收到報稅表，就應該在該課稅年度完結後4個月內（即7月31日前）通知稅務局。

Q3：我有多少時間填寫報稅表？

A：收到報稅表後，你應該於發信日期起計1個月內交回報稅表。不過，你亦可以在稅務局的網上平台「稅務易」開設個人帳戶，並會自動獲延期1個月。不過，你要先在網上申請啟動密碼才可自選你的「稅務易」通行密碼。稅務局會在2個工作天內將啟動密碼通知書郵寄給你，所以如選擇網上報稅，記得預留幾天時間。

Q4：如何計算薪俸稅？

A：你可以利用稅務局的稅款計數機計算你在課稅年度要繳交的稅款。記得細閱有關稅項扣除和免稅額的詳情，了解如何減少你的稅款。例如下表列出部份常見的免稅額︰

*第1至9名計算

^須經立法程序才可實施。

Q5：如果我想申請扣減「個人進修開支」等支出，是否須要提交文件供稅務局查核？

A：提交報稅表時，你無須附上證明文件，但你應該保留有關開支的收據和紀錄6年（由有關課稅年度完結起計），以便日後有需要時供稅務局查核。

Q6：逾期報稅會有何後果？

A：如果你沒有合理解釋而逾期提交報稅表，有可能會被罰款1萬元及少徵收稅款的3倍。不過，你亦可以書面形式申請延期呈交，只要你能提供合理解釋和證明，稅局或會酌情延長申報時間。

首次交稅Q&A：

Q1：我應該在什麼時候交稅？我可以如何繳稅？

A：每年10月開始，納稅人會陸續收到評稅通知書，列明你應繳付的稅款總額。除了親臨郵政局和便利店等地方繳稅外，你亦可以透過互聯網、銀行自動櫃員機或郵寄等方式交稅。此外，你亦可以申請稅務局的電子儲稅券計劃，購買儲稅券，並可享有「自動交稅」服務。

Q2：我收到評稅通知書，但發覺評稅不正確，應該怎樣做？

A：如果你不同意評稅結果，你應該在評稅通知書發出日期後的1個月內以書面提出反對評稅，並清楚說明反對理由。如果你發現填寫報稅表時有錯漏而導致稅評不正確，則應該以書面方式向評稅主任提出修訂。

Q3：我現在有財政困難，無力交稅，應該怎樣做？

A：你可以向追討欠稅組申請分期繳稅。不過，如果你在繳稅限期仍未清繳稅款，稅務局會徵收不多於5%的附加費；如果你在繳稅限期日6個月後仍未清繳全部稅款，更會加徵10%附加費。

除此之外，你亦可以考慮向銀行或借貸機構申請稅貸，因為稅貸的利率較低，而且申請較容易獲批。想知道選擇稅貸有什麼要注意? 可閱讀《精明稅貸及財務特輯：又到稅季，智選稅貸有辦法》。

（即上我們的稅貸比較平台，選擇最適合你的稅務貸款。）

Q4：不依時繳稅會有何後果？

A：根據《稅務條例》，如果納稅人在評稅通知書上訂明的日期後仍未繳交第一期稅款，第二期稅款將被視為立即到期論。而評稅通知書內尚未繳付的應繳稅總額將全數被視為欠稅，稅務局可採取法定追稅行動，包括徵收5%附加費、向第三者發出追收稅款通知書及進行法律行動等。

瀏覽香港稅務局的網站，了解更多申報稅項和交稅的詳情。

稅務局 – 首次申報薪俸稅指南

個別人士報稅表指南

——

延伸閱讀：INFOGRAPHIC：全球薪俸稅稅率大比拼

想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！

The post 職場新人指南： 10大報稅交稅 Q&A 2017 appeared first on 理財資訊.

在人生的不同階段，例如進修、結婚或置業裝修，你都有機會面對資金周轉的問題，借貸可能是其中一個解決問題的方法。在這個資金「水浸」及低息環境下，私人貸款的成本已變得愈來愈低，MoneyHero.com.hk 也搜羅了不少貸款產品，供大家慢慢比較。不過，利息低還低，想更精明地借得更抵，你必須知道甚麼是「實際年利率（APR）」。

月平息並不完全反映借貸成本

一提到私人貸款，有些人對銀行或財務公司仍停留於「九出十三歸」或「食水好深」的印象。但現今法例對放貸業務已有一定規管，加上各國近年不斷實行量化寬鬆政策，銀行及財務公司都會推出不少優惠，吸引客戶進行借貸。在私人貸款廣告中，你可能聽過「月平息低至...」，其實「月平息」只是借貸成本或「實際年利率」其中一部分。

實際年利率的基本概念

根據「銀行營運守則」的規定，銀行服務的廣告宣傳資料如提及利率，須在合適情況下列明年利率、其他有關費用及收費，並須應要求提供詳盡的章則及條款。簡單而言，當產品提及實際年利率，即是按年利率展示出銀行產品(例如信用卡、私人貸款等)所收取的利息(又稱月平息)加上相關費用(例如貸款手續費、服務費等)的一個參考利率。

借貸前首先要睇實際年利率

此外，實際年利率亦受貸款額、還款期及現金回贈金額所影響。假設兩間財務機構如果提供相同月平息的貸款產品A及B，但產品A的實際年利率比B高，原因可能是B 的手續費較低，甚至免手續費。仲係唔明？再俾多個例子你睇睇︰

 

 

上圖顯示，Citibank 結餘轉戶貸款產品的月平息與中銀相同，但由於 Citibank 不收取手續費，令其實際年利率比中銀低。不過，中銀貸款產品的最長還款期則較長。此外，手續費通常在提取貸款時扣除，如果最終收到的貸款額對你的貸款需求有重大影響，你就更加需要留意貸款產品有否收取手續費。市面上亦有不少產品免收手續費，例如滙豐(HSBC) 分期「萬應錢」結餘轉戶計劃，及建行「好現金」結餘轉戶計劃均推出免手續費優惠。

因此，如想比較借貸成本，你可以先比較實際年利率，以及留意手續費等因素。而MoneyHero.com.hk 是香港唯一一個以實際年利率作為比較結果的財務產品平台，令你可以在負擔能力以內，找到最合適的產品，以解決即時資金需要。

–

想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！

The post 低息一定抵？睇「實際年利率（APR）」最實際！ appeared first on 理財資訊.

母親節剛過完，好快就輪到父親節喇！同母親節相比，父親節好似總係冇咁受到重視。不過，爸爸平日咁辛苦工作養家，為人子女嘅，買份禮物慰勞下爸爸都好應該。對於送咩禮物毫無頭緒？唔緊要！MoneyHero.com.hk特意為大家精選咗父親節10大禮物同埋各大商戶嘅信用卡優惠，俾大家參考下，幫大家慳錢之餘，又揀到份啱爸爸心水嘅 父親節禮物 ！

1）航拍機

男人無論去咩年紀，都會鐘意啲新潮嘅電子玩意。如果你爸爸平時對影相拍片都有啲興趣，買部航拍機俾佢就無錯喇！而且放假仲可以一齊去拍嘢，又有多個藉口陪下老豆。航拍機價錢由港幣幾百至幾萬蚊不等，豐儉由人，如果係第一次玩，買部$1,000以下嘅入門機就夠。如果大家想去電器店睇實物，以下優惠可能啱你用：

1. 2017年6月30日前憑渣打/MANHATTAN信用卡於百老匯簽帳滿$3,000，可享高達15%現金回贈，新登記Apple Pay 客戶更可享額外15%回贈。優惠詳情
2. 2017年6月30日前憑中銀信用卡於豐澤香港門市或豐澤e-Shop簽賬滿$3,000，即可享高達5%簽賬獎賞。除此之外，中銀信用卡客戶更可享低至5折精選貨品優惠。優惠詳情
3. 2017年6月30日前憑美國運通卡於中原電器簽賬，每簽賬HK$1可賺取額外5美國運通積分獎賞，精選貨品更享特價優惠。優惠詳情
4. 6月30日前憑工銀亞洲信用卡於香港蘇寧分店或香港蘇寧網上商店com購物，可享高達8%現金回贈，精選產品可享低至5折優惠。優惠詳情

如果想慳多少少，亦可以於網上購買航拍機（如淘寶、HKTVmall及航拍機網上專門店），價錢會比出面更平。部分信用卡於網上購物更有額外回贈，立即查看信用卡網購優惠啦！

2）運動手錶 / 手環

而家手錶功能愈來愈先進，除咗基本時間同來電通知功能，亦可記錄用家嘅每日活動量同步行數據等健康資料，有型之餘又實用，好適合注重健康又講求實際嘅父親。想以優惠價買到心水款式嘅Android Wear，記得帶啱信用卡去電器舖選購。順帶一提，而家申請WeWa卡，發卡後首90天內簽滿HK$8,500，即可獲得Fitbit ALTA 健身手環（價值$998）作為迎新禮物（不過就未必趕得切喺父親節送喇）。

唔鍾意智能手錶，大家亦可以選擇番傳統經典錶款。小編就發現網購平台Zalora有多款知名品牌嘅男裝錶款，包括Diesel、Fossil、Daniel Wellington同Casio，好適合用嚟送禮！想慳多啲，記得喺7月31日前用銀聯卡於Zalora簽賬，只要於結賬時輸入推廣優惠碼就會有8折優惠。

3）運動用品

近年愈來愈多人重視健康，許多人閒時都會去跑步、打球和行山，希望鍛鍊下身體。如果大家都想鼓勵爸爸做下運動，就係梗係要買番對高質好著嘅跑鞋和運動用品啦！

買嗰陣用啱信用卡，其實可以慳返唔少，例如而家憑恒生信用卡於馬拉松、GigaSports及Catalog可享精選貨品低至5折優惠，另買滿HK$750仲送HK$50現金劵 (優惠期至6月11日，按此查看詳情)；而中國建行信用卡用戶喺指定Adidas專門店購物有全年正價9折優惠，如果去運動家、戶外城、馬拉松、Catalog、Adidas、Columbia、The North Face等指定商戶購物，更有10X積分獎賞！按此查看詳情。

4）銀包 / 皮革用品

手製銀包、名片夾、鈔票夾同八達通套等小皮具精品非常實用，好適合送俾爸爸用。英國網購平台ASOS就可以買到好多大牌子嘅銀包同Accessories，例如Hugo Boss、Tommy Hilfiger、Jack Wills, Calvin Klein, Ted Baker等等，價錢比喺香港平一截。

留意返，用外幣結算嘅簽帳大約要收取2% 外幣手續費，想慳返呢筆費用，小編推介大家用Citi Clear Card （網上簽帳2%回贈）及DBS Eminent Card（外幣簽帳2%回贈），回贈金額啱啱夠抵消手續費！

如果覺得買現成皮具唔夠心意，亦可選擇參加DIY皮革製作課程，可以自由選製銀包、散紙包同Passport套等皮具，又有齊材料工具同專人指導，初學者都可以好快上手，而且親手製作更顯心思，相信爸爸收到都一定好開心！

5）領呔 / 皮帶

呔同皮帶都係上班一族必備Item，為爸爸悉心挑選一條靚呔或皮帶，返工都零舍醒神！而家用建行信用卡於G2000簽賬可賺10X積分獎賞，而匯豐信用卡用戶於著名本地男裝品牌詩閣Ascot Chang買正價現成貨品同服飾配件都會有85折。

6）太陽眼鏡

夏天一到，除咗要加強皮膚防曬之外，仲要護埋眼，事關雙眼長期吸收紫外線嘅話，容易引致白內障同黃斑病等問題。不如趁 父親節 買番副型格嘅眼鏡俾爸爸護眼，用匯豐信用卡去亮視點買太陽眼鏡有88折優惠，而用DBS信用卡買茂昌眼鏡就有8折。

7）模型擺設及潮流玩意

如果嫌銀包、領呔呢類禮物太正路冇驚喜，不如送近年大熱嘅潮流玩意，例如遙控直升機或者模型車，又或者送Marvel漫畫系列產品，等爸爸閒時可以玩下放鬆下。小編就發現JC Shop最近推出咗唔少呢類產品，用埋渣打或DBS信用卡簽賬就會有9折優惠。

8）按摩產品

爸爸一直辛勞工作，難免搞到周身勞損，如果買部按摩器或按摩椅，肯定可以幫爸爸舒緩疲勞！而家起至2017年6月30日，中銀信用卡用戶去OTO買精選按摩產品有低至6折優惠，按此查看優惠詳情。

9）汽車美容

護膚美容對男士嚟講可能冇乜用，但如果爸爸係愛車之人，相信對汽車美容都唔會抗拒。其實唔少信用卡都有提供汽車護理優惠，例如用渣打信用卡購買挑戰者的「城市精英」12 個月汽車美容護理計劃 即有8 折 (原價 HK3,696)，惠顧威信專業汽車護理嘅全車內外光潔護理服務更有5折優惠。

10）保健食品

想爸爸身體健康，除咗多陪下佢做運動外，飲食配合亦相當重要，好似綜合維生素、魚油同靈芝呢類保健食品就好適合送俾爸爸，等佢工作繁重時補充下所需營養。現憑DBS COMPASS VISA卡於每月5、15、25號於屈臣氏簽帳滿$500以上，即可享有92折優惠，任何日子於屈臣氏簽帳，都有2.5X COMPASS VISA回贈。

相關文章︰2017 各大銀行最新信用卡優惠－迎新禮物篇

想了解更多不同信用卡的優惠？即刻上我哋嘅比較平台。

——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 嚴選10大 父親節禮物 x 信用卡優惠2017 appeared first on 理財資訊.

喺香港，唔記得帶部手機出門口，冇得上網，睇唔到Whatsapp，個心已經囉囉攣，更何況係出外旅行？影完靚相冇得即時放上Facebook同Instagram都算喇，唔識路果時連Google Map都用唔到，你都咪話唔頭痕。MoneyHero.com.hk 特地搜羅5大熱門租借Pocket Wifi 蛋的公司，幫大家搵出最抵選擇。（資料更新：2017年5月）

多人同行租蛋最抵

近年，香港多左好多外遊上網方案比大家選擇。如果幾個人一齊出遊，租一隻Wifi蛋 一齊用就最抵，仲可以無限上網。而家租隻Wifi蛋其實好方便，提取Wifi蛋嘅地點多左，價錢仲一啲都唔離地、平均一日幾十蚊（港幣‧下同）就有交易。

1. Wifi Egg（漫遊蛋）

Wifi Egg 提供早鳥優惠，提早30天前預訂，如果去港人最熱門旅遊地點—日、韓、泰、台，日租只需28蚊，其他指定國家亦有95折。除尖沙咀及銅鑼灣門市外，WiFi蛋可於全港過百間7-11便利店交收，亦可選用收費速遞服務。WiFi蛋租借嘅按金為1,000蚊，需要以銀行過數及信用卡交付。

2. Crazyegg

相比之下，Crazyegg 的原價租金雖然高，但佢地嘅早鳥優惠折扣率亦最高。以日、韓為例，原價日租60蚊；48個鐘前預訂可獲日租優惠價25蚊；31日前預訂更可獲憤怒鳥優惠，日租只係15蚊，非常超值。Crazyegg設旺角及機場門市交收。WiFi蛋租借嘅保證金為500蚊，以現金過數及信用卡授權方式交付。

3. WiFiBB

WiFiBB嘅日租由40至80蚊不等，提早30日預訂有早鳥優惠8折，租用超過3日更有回港日免租優惠。假設去日本4日，日租正價40蚊，早鳥價32蚊，回程日免租計，總租金只需96蚊，平均日租只係24蚊。WiFiBB設有機場門市交收。WiFi蛋租借需以信用卡授權1000蚊作保證金。

4. 爽WiFi

爽WiFi嘅原價日租由35至100蚊不等，只需提早3日預訂就有優惠，早鳥日租由28至80蚊不等。爽WiFi設有機場、尖沙咀及觀塘門市交收，另提供收費速遞服務。WiFi蛋租借需支付按金，於網上以信用卡支付則可免按金。

5. Visondata (維訊數據)

維訊數據的日租價錢由35至80蚊不等，提早20日預訂可獲每日日租減10蚊折扣，以日韓台泰日租原價35蚊為例，早鳥價為25蚊。維訊數據於機場T1及T2、旺角及銅鑼灣均設門市，另提供收費速遞服務。WiFi蛋租借需支付按金，於網上以信用卡支付則可免按金。

（如果你準備去日本，可以睇埋：旅遊上網必備：日本 Sim Card 實測比較 2017，比較下Wifi蛋同SIM卡邊個抵啲。）

綜合以上5間WiFi蛋供應商提供的租用方案及早鳥優惠，我地仲表列咗幾個熱門目的地嘅早鳥最低價比大家參考：

注意︰上述價格以該供應商最優惠早鳥方案作為參考

＊歐洲地區覆蓋的國家因各供應商及其不同方案而異，詳請以供應商提供的資料為準

更多Wifi蛋資訊：旅遊 Wifi蛋 上網全攻略（日本篇）

唔好錯過信用卡租蛋優惠

如果睇完以上嘅比較都覺得唔夠抵，我地仲有優惠介紹俾大家。市面上有唔少信用卡同WiFi蛋供應商合作，提供額外折扣。例如上面提到嘅WiFiBB，就向銀聯卡提供額外8折優惠、用匯豐HSBC同東亞信用卡有額外9折優惠、交通銀行銀聯雙幣鑽石卡/VISA白金卡亦可獲租金55蚊折扣。

此外，最近DBS同Klook 合作，申請DBS Compass Visa卡並以外幣簽賬滿HK$2,000，即可透過Klook，以首5日每日1蚊租金租借WiFi蛋，可用於日本、韓國、台灣及泰國，WiFi蛋可以喺機場提取及歸還。想一站式比較埋其他信用卡優惠，即上我地嘅信用卡平台睇睇啦！

（溫馨提示：外遊除了要準備Wifi蛋或Sim Card，記住要買一份適合你嘅旅遊保險呀！而家，即上我們的旅遊保險比較平台選擇最適合你嘅旅遊保險！有Starr、FWD同MSIG等不同計劃俾你揀，經我哋買仲有優惠添！）

謹記去海外旅行都不能掉以輕心，小心使用信用卡，就可以避免招致財務損失！（延伸閱讀：出門旅遊時的6大 信用卡 安全措施）

延伸閱讀：輕鬆儲飛行里數！ Asia Miles 基本攻略

延伸閱讀：【旅遊攻略】嚴選4大趁後生 必去 旅行地點

——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 旅遊上網必備：全港最平 Wifi 蛋租借攻略（2017年5月更新） appeared first on 理財資訊.

日本景點多，餐廳好味，交通又方便，所以成為香港人最喜愛外遊國家之一。不過，好多人都可能會好似小編咁唔識日文，問路時雞同鴨講，呢個時候Google Map 就係你嘅救星。之但係要用到Google Map ，首先你部手機要上到網，而最簡單的方法當然係換一張提供漫遊數據嘅Sim Card，MoneyHero.com.hk 派出小編實測兩張熱門日本上網Sim Card，仲整埋個簡單比較表俾大家睇睇。

漫遊數據卡即買即用夠方便

外遊上網主要有兩種方法，分別係租Wifi 蛋或者買上網Sim Card。或者你會覺得要提早預訂WiFi蛋，又要先比按金好麻煩；又或者你有幾個朋友同行，但中途會分開玩，驚用WiFi蛋唔方便聯絡，你都有另一個選擇，就係買張即插即用嘅漫遊數據Sim Card啦。坊間唔少網店、各大電訊商同埋深水埗鴨寮街一帶嘅電話卡舖頭都有出售呢類外地嘅上網Sim Card，即使出發前一兩日先買都未遲。

日本SIM Card 實測

(1) 3HK 7日無限上網 日本漫遊無限數據儲值卡

3HK嘅日本漫遊數據sim卡售價大約120蚊，係鴨寮街一帶有售，上圖呢張卡使用日本NTT docomo網絡，7天4G無限上網，去日本一星期的話除開都唔洗18蚊一日，而期內數據用量超過7GB先會減速。

實測結果︰小編早排去咗京都旅行，親自試用呢張卡，張卡真係一插即用，唔洗額外設定，速度令人非常滿意。

(2) U-mobile 日本漫遊數據 Sim Card

如果無時間出深水埗買Sim Card，你可以考慮吓U-mobile 聯同NTT docomo推出日本漫遊數據Sim Card，分開7日、8日無限上網，但要留意，7日版本只有每日首200MB先係4G速度，之後上網速度會明顯下降，所以建議買8日版本較好，期內首2GB用量都係4G速度，售價大約都係120蚊，而且係Klook有售，網上購買後更可於機場領取。

實測結果︰個人覺得上網速度唔太穩定。值得一提嘅係，呢款U-mobile卡唔支援部分內地品牌手機，當時小編一位同行朋友，用魅族（Meizu）手機試過插左卡都上唔到網，試過所有設定都無效，十分頭痕。

日本 SIM Card資料小總結

（溫馨提示：外遊除了要準備 Sim Card，記住要買一份適合你嘅旅遊保險呀！而家，即上我們的旅遊保險比較平台選擇最適合你嘅旅遊保險！有Starr、FWD同MSIG等不同計劃俾你揀，經我哋買仲有優惠添！）

謹記去海外旅行都不能掉以輕心，小心使用信用卡，就可以避免招致財務損失！（延伸閱讀：出門旅遊時的6大 信用卡 安全措施）

延伸閱讀︰旅遊上網必備：全港最平 Wifi 蛋租借攻略

延伸閱讀：輕鬆儲飛行里數！ Asia Miles 基本攻略

——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 旅遊上網必備：日本 Sim Card 實測比較 2017 appeared first on 理財資訊.

大家都知道去旅行一定要換定外幣同帶備信用卡簽賬，但有時唔小心使大咗，急需現金時唯有在海外 ATM 提款，兌換率雖然一般冇電匯價或找換店咁靚，但勝在方便快捷。不過，你知唔知用海外 ATM 提款有乜要注意？每次提款要收幾多手續費？今次MoneyHero.com.hk將會為大家一一解答，以後就算人在外地唔夠錢用都冇有怕啦！

海外 ATM 提款

想於海外提款，你可以使用Visa提供嘅PLUS網絡、MasterCard旗下嘅Cirrus或者銀聯呢類國際自動櫃員機網絡。只要你擁有印著PLUS、 Cirrus或者銀聯標誌嘅提款卡，就可以於海外有提供相關網絡嘅自動櫃員機撳錢。基於保安理由，如果你想喺海外使用自動櫃員機提款服務（包括現金透支），就必須於出發前先透過e-banking、電話理財熱線或親自到銀行啟動海外提款服務，以免需要時有提款卡都撳唔到錢。

不過，大家或者有留意到，近年香港大部分銀行更換嘅新晶片提款卡，已經將國際網絡由PLUS或Cirrus，轉為中國銀聯網絡。換言之，大多新嘅晶片提款卡都不能再於PLUS / Cirrus自動櫃員機網絡使用。之但係，銀聯ATM網絡雖然已延伸至東南亞及歐美地區，但在部分地區始終不及PLUS / Cirrus普及。好似2016年4月起，英國自動櫃員機網絡「LINK」就停止支援銀聯卡提款，變相大家喺英國隨時拎唔到錢。 （想知詳情，可即睇：HSBC卡 英國提款不能？4招解決方案）

想用PLUS或者Cirrus網絡提款（特別係歐洲），你可以向銀行申請有相關自動櫃員機卡。不過，現時只有少數銀行仍有提供PLUS網絡提款卡，例如匯豐銀行。

除咗提款卡外，你亦可以利用Visa或MasterCard信用卡提款，你只需將銀行戶口連結至港幣個人Visa或MasterCard信用卡，就可以憑卡於海外提款。提款時大家記得要選擇「從儲蓄戶口提款」。不過，海外不少ATM並無提供選擇賬戶服務，即係話熒幕無法顯示你嘅儲蓄戶口。如果你照用信用卡提款，就會被視作信用卡現金透支，利息高之餘仲要俾昂貴嘅手續費，例如中國銀行同DBS就收取現金透支金額嘅4%，再加HK$20手續費。

匯率

海外提款嘅匯率一般以當日匯率計算，大家可參考ttrate.com，又或者到Visa / MasterCard / 銀聯網站查詢當日匯率。

手續費

每次於海外提款都會收取一筆手續費，金額因銀行而異（詳見下表）。不過，用銀聯卡海外提款通常要支付HK$15~$20嘅手續費，如果用PLUS或Cirrus網絡，就要收取HK$20~$50不等嘅手續費，通常只有指定高級理財戶口嘅客戶至可獲豁免，另外仲會加收１% -1.95%外幣手續費。比較特別嘅係用Citibank提款卡於海外Citibank ATM機提款可免手續費。由於費用按次數計算，所以大家於海外提款時最好一次過撳盡，以免蝕手續費，亦要記得留意每日最高提款金額嘅上限。

點揾自動櫃員機？

去到海外始終人生路不熟，要揾部你撳到錢嘅自動櫃員機都唔容易。你可以瀏覽銀行網站查詢，又或者利用銀聯、Visa和MasterCard嘅自動櫃員機搜尋器，搜尋世界各地接受Visa / PLUS / MasterCard / Cirrcus嘅自動櫃員機位置。

（溫馨提示：搭飛機去玩之前，當然要未雨綢繆，買番份旅遊保險，咁就萬無一失啦！即上我們的比較平台選擇及購買，有STARR、FWD同MSIG等不同計劃俾你揀，經我哋買仲有優惠添！）

唔到當地撳錢，可以點？

去到當地至撳錢雖然方便，但匯率好多時都冇找換店或者e-banking電匯價咁吸引，所以出發前最好都係預先換定啲外幣，同埋準備定張海外簽賬回贈最優惠、手續費最平嘅信用卡留待Shopping時用。不過，究竟喺海外購物究竟係兌換外幣抵啲，還是海外簽賬更抵？如果以信用卡簽賬，用Visa、Master定係銀聯卡最好？想知答案？立即睇：外遊必讀！兌換 外幣 及海外簽賬攻略。

相關文章：旅遊上網必備：全港最平 Wifi 蛋租借攻略

相關文章：購買 旅遊保險 的8大常見問題

——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 外遊必讀！海外ATM 提款攻略 2017 appeared first on 理財資訊.

全球金融科技 （FinTech）一日千里，惟獨有國際金融中心之稱的香港卻被批評落後，甚至比不上新加坡及中國，咁現實又係點？金融產品比較平台MoneyHero.com.hk 一直致力推動金融科技，今次搜羅2016年5 大金融科技大事，等大家都關注下香港 FinTech 嘅發展情況。

東亞智能數碼分行獲獎

作為本地銀行，東亞在科技層面絕對跑贏同業，例如於2015年8月宣佈推出本港首項無卡自動櫃員機提款服務。客戶只要有網上理財帳戶，便可使用此服務，即使沒有ATM卡，也可發出指示，讓收款人提款。

此外，東亞早在2014年初開設智能數碼分行，更於2016年成為 Fintech 界大事。皆因此服務獲得由業界、學界及政府合作舉辦之「香港資訊及通訊科技獎」中的最佳金融科技大獎。東亞的數碼分行以無紙化及全面簡化營運模式作為理念，全港首創，5大服務包括︰

• i-Counter: 互動輕觸屏幕可轉換為視像櫃員（i-Teller）模式，客戶可透過視像電話直接與服務員對話。服務時間並延長至星期一至日上午9時至晚上8時
• i-Window: 一站式互動投資策劃工具
• i-Kit: 運用光學字元辨認及數碼簽署，使申請程序更快捷
• i-Zone: 以自助形式申請信用卡
• i-Panel:可瀏覽產品資料及下載小冊子及常用表

在2014年東亞推出數碼分行後，渣打亦緊隨宣佈會投資逾1,000萬元，發展數碼化分行模式，而東亞執行董事兼副行政總裁李民橋已透露今年將實行全線分行數碼化，可見香港銀行正加速推行金融服務科技化。

滙豐HSBC 踩入P2P 掀話題

2016年9月27日，滙豐（HSBC）及恒生正式推出全新個人對個人（P2P）支付服務「滙豐轉帳易HSBC EasyPay」及「恒生轉帳易Hang Seng EasyPay」，向流動理財邁向一大步。

轉賬客戶只須在流動理財應用程式內登記，確認手機號碼和電郵地址後，選定支付及收款的戶口、設置支付限額，即可使用有關服務。然後，轉賬客戶可選擇「轉帳易」，輸入收款人手機號碼同埋轉帳金額，以進行過數，毋須先問對方戶口號碼。而收數方亦即時收到手機訊息通知，獲悉戶口已收到錢。

保安方面，擁有滙豐、恒生網上理財戶口的客戶，必須持有保安編碼器才能使用有關服務，而連續兩日最多只可轉賬3,000港元。

事實上，同年已有最少3間機構包括銀通(JETCO)、中銀及東亞推出類似服務，MoneyHero.com.hk亦有比較4款服務的優劣。不過，始終滙豐的網上理財客戶達130萬、品牌知名度亦較高，自然較受到關注。加上，2017年初滙豐推出的Pay Me 甫推出即引來不少爭議，成功引起話題。

渣打搶閘推Touch Login

渣打銀行近年銳意搶佔年輕人市場，在科技創新上當然不遺餘力。指紋識別已在智能電話應用了一段時間，渣打將這個既安全又方便的功能成功擴展至流動理財。

在登入網上銀行服務時，很多人也都會停一停，諗一諗個密碼係咩，因為email、叫車、網購統統都需要登入密碼，隨時撈亂。渣打針對市場痛點，客戶只需要跟隨上圖指示，便可啟動Touch Login服務。

繼渣打於2016年10月推出指紋認證服務，花旗及中銀紛紛推出類似功能，致力以科技改善服務質素。

花旗首推憑聲認客服務

2016年6月21日，花旗銀行（Citibank）也完成了一項業界小「創舉」— 推出全港首創語音認證服務，以減省認證程序時間。

花旗銀行客戶只需致電熱線登記語音認證服務，然後錄下約1分鐘對話，系統便會分析錄音並製作獨特聲紋，12小時內服務將會開通。客戶往後致電熱線時，語音認證系統便能自動進行聲紋配對核實身份，不需要輸入密碼。

系統15秒內將自動辨識客戶身份，較現時認證程序平均需時約45秒，節省半分鐘。對比數碼分行或P2P服務這些重大革新，花旗小小一步亦推動了其他同業跟隨改善服務，例如滙豐（HSBC）2017年3月也推出了同類型服務。

星展DBS推中小企版「LinkedIn」

2016年7月，星展銀行（DBS）宣佈推出專為本港中小企而設的應用程式「DBS BusinessClass」，旨在為中小企尋找投資者及提供市場資訊。

這個一站式平台社交平台類似搵工必備的Linkedin，可以幫助中小企及初創公司尋找適合的投資者。此外，星展亦有派出專業顧問為創業新手解答疑難。同時，星展「DBS BusinessClass」又會在現實世界舉辦研討會、講座等活動以加強業界間交流。

雖然，「DBS BusinessClass」的科技含量不高，但市場上的確缺乏此類平台，而透過互聯網擴闊商業人際網絡是大勢所趨，長遠可解決融資配對問題。

MoneyHero.com.hk 除了關注香港金融科技（FinTech）發展，亦幫大家比較私人貸款、信用卡、按揭及旅遊保險等金融產品，致力令公眾找到最適合自己的產品。

相關文章︰香港監管法令嚴 成金融科技沙漠

相關文章︰借外國經驗 金融比較網港登陸

——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【關於FinTech】香港5大金融科技創新回顧 appeared first on 理財資訊.

呢期個個都講「無現金社會」，之前一連幾篇同各位分別介紹過《支票與本票》及較先進嘅《電子支票》，今次肥叔叔就同大家講下嶄新啲嘅電子支付方式——「電子錢包」，並同大家比較下目前香港6大電子錢包：TNG Wallet、Tap & Go「拍住賞」、O! ePay「好易畀」、PayMe、 WeChat Pay 及支付寶HK嘅功能及方便程度。

香港政府金融管理局響舊年開始批出咗一系列嘅 儲值支付工具牌照（SVF license），正式以行政方式規管香港嘅儲值支付工具，於是土炮TNG Wallet、香港電訊Tap & Go「拍住賞」、O! ePay「好易畀」同匯豐HSBC 今年推出具爭議性嘅PayMe，內地傳入香港嘅 微信錢包 WeChat Pay 同支付寶HK，同埋外國網站PayPal都要領牌。比較多人用嘅電子錢包，當中有啲係連埋預付卡類產品、有啲就玩電子支付；佢哋多數都有個人對個人嘅P2P功能、亦有啲主力係玩商戶支付或者網上支付服務。

舊年政府剛剛開始發牌嘅時候，電子錢包響MoneyHero Blog都已經有介紹過，不過距離發第一個牌嘅時間過左都大半年，加上連銀行都參興其中，相對舊年剛推出時，大眾對電子錢包嘅接受程度亦高咗。今次，我哋就以實用性來作比較！

增值提款功能大不同

除咗匯豐HSBC 嘅PayMe係獨沽一味只可以用VISA、MasterCard兩款信用卡做增值之外，其他嘅錢包都可以用除咗信用卡之外嘅方式增值入錢。便利店掃瞄QR碼就最常見，雖然咁俾現金增值同「無現金」個概念啱啱相反…… 而唔同嘅銀包亦支援唔同嘅網上銀行，甚至係自動櫃員機增值。八達通O! ePay「好易畀」就最得意，只係支援渣打銀行網上轉賬增值，無渣打銀行戶口嘅話，就要依賴NFC手機「嘟」張八達通卡先入到錢落個O! ePay「好易畀」度，貴少少嘅Android機係有NFC，但iPhone嘅話就要俾多百幾蚊去買八達通藍芽讀卡器先用到！

至於比增值更重要嘅，就係提款功能喇！匯豐同TNG Wallet都可以存入香港大部份嘅銀行戶口。而微信錢包、支付寶HK同埋八達通O! ePay「好易畀」就支援個別香港銀行。

睇清楚邊張信用卡有回贈

唔計匯豐HSBC、恆生系統轉賬易同銀通JETCO Pay P2P，主要個人對個人嘅轉賬都係SVF嘅應用範圍。P2P嘅轉賬，最常發生當然係食飯夾錢啦！而家肥叔叔同同事食晏，好多時都係俾用緊1%現金回贈自動增值八達通嘅同事先找數，然後大家再用PayMe個別俾返錢，咁就變相個個都連食個茶仔都可以「碌卡食飯」喇！

而其中，PayMe同港版微信錢包都可以用主要信用卡增值，不過以肥叔叔所知，匯豐嘅PayMe都相當揀飲擇食，部份發卡機構嘅信用卡係連結唔到嘅；Tap & Go拍住賞就只可以用大新發行嘅信用卡；而八達通旗下嘅O! ePay「好易畀」，就視乎你有無用到連結信用卡嘅自動增值八達通功能喇；至於另一個香港出品嘅TNG Wallet呢，就分會員等級，比較高級嘅會員先可以用到信用卡功能。

至於著數或現金回贈，恆生信用卡已經開始就無得經PayMe或者其他電子錢包增值時儲Cash dollar喇！至於匯豐卡本身就已經響4月開始停咗電子錢包增值時嘅積分回贈、而近年積極咁拍住多個電子錢包嘅渣打，就響舊年2016年就已經停咗電子錢包增值積分回贈。至於其他好似 DBS Eminent VISA 同 EarnMORE白金卡、大新ONE+呢一類現金回贈卡，就仲有得玩，不過玩到幾時就難講咯！當然，想睇埋埋信用卡有咩其他優惠，梗係上返MoneyHero 信用卡比較平台啦！

商戶支付功能 Tap & Go 領先

商戶支付功能主要都係Tap & Go 拍住賞領先，因為佢作為MasterCard流動預付產品，基本上手機有NFC加上舖頭有非接觸式讀卡器就有得玩。TNG雖然亦有同多方合作，好似先前有同報攤、自動販賣機合作咁，但似乎最近集中開拓跨境匯款市場多過本地零售支付業務。而另一方面，O! ePay「好易畀」本身係八達通產品，所以要俾錢，不如用返八達通。港版微信錢包同支付寶HK，響香港嘅支付功能都比較弱，所以幾乎可以略過不提。至於PayMe，就連商戶支付功能都未有添！

下面就為大家整理咗到2017年5月中，香港各主要電子錢包嘅功能比較(○可以；Δ可以但附條件；×不可)。

——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 香港6大 電子錢包 功能大比併 2017 appeared first on 理財資訊.

香港嘅信用卡競爭激烈，每間銀行都發行咗好多張信用卡，令市面上流行嘅信用卡有成幾十張，每張都以唔同嘅優惠吸引顧客，加上張張卡嘅功能都唔同，都唔知點揀好！MoneyHero.com.hk集合咗各大信用卡優惠資訊之餘，仲精選咗數篇信用卡使用攻略，教大家如何有技巧地儲積分、賺回贈！（2017年5月更新資料）

信用卡攻略

回贈及禮遇

【旅遊】邊張信用卡可入機場貴賓室 ？

【增值】嚴選 八達通自動增值 最佳信用卡

【繳費】交水電煤費 儲飛行里數攻略

【繳費】交學費 儲積分必備信用卡

【綜合】尊尚信用卡 特別優惠禮遇

信用卡推介

【學生／畢業生】5大最佳 Fresh Grad 信用卡

【低門檻】7大低門檻 獎賞多信用卡

【高門檻】7大高薪人仕必備 尊尚信用卡

【賺里數】5大 儲飛行里數 必備信用卡

【現金回贈】香港5大現金回贈信用卡

【海外簽帳】嚴選必備 銀聯信用卡

【綜合】2016 年度10大人氣信用卡

迎新優惠

2017 各大銀行最新信用卡優惠－迎新禮物篇

2017 各大銀行最新信用卡優惠－ 迎新里數篇

2017最新信用卡迎新優惠－ 戲飛 ／禮券／現金回贈篇

商戶優惠

【戲院】信用卡 戲院 購票優惠2017

【旅遊】信用卡 旅遊優惠 大搜羅2017

【旅遊】銀聯卡旅遊優惠全攻略—日本篇

【入油】信用卡 x 油站 入油優惠 全攻略

熱門信用卡 詳細介紹

針對好多人經常問：「究竟邊張卡網上繳費、網上購物、八達通自動增值同自動轉賬等等會計積分，邊張唔計積分？」，我哋每篇 信用卡 攻略都會詳細列明計算方法和回贈比率。

★ =重點推介

渣打銀行

★ 渣打亞洲萬里通萬事達卡 【飛行里數】前往銀行

渣打白金 信用卡攻略 【網上繳費、交學費】前往銀行

American Express美國運通

★ 美國運通國泰航空尊尚信用卡攻略 【飛行里數】前往銀行      

美國運通Blue Cash信用卡攻略 【現金回贈、飲食】前往銀行

美國運通國泰航空信用卡攻略 【飛行里數】前往銀行

美國運通白金信用卡攻略 【飲食、電影】

Citibank花旗銀行

Citibank Rewards信用卡攻略 【超市、百貨公司、電話費、飛行里數】前往銀行

Citibank PremierMiles信用卡攻略 【飛行里數】前往銀行

Citibank Prestige信用卡攻略 【飛行里數】前往銀行

Citi Clear Card 【網上購物】前往銀行

Citibank Cash Back American Express攻略 【飲食、全面】前往銀行

BEA東亞銀行

★ 東亞銀行Flyer World萬事達卡 【飛行里數、網上繳費】前往銀行

HSBC匯豐

 HSBC 信用卡攻略 【飲食、飛行里數】前往銀行

 HSBC Visa Signature 信用卡攻略 【現金回贈、飛行里數】前往銀行

建設銀行

建行Eye信用卡攻略 【飛行里數、網上繳費】

DBS星展銀行

★ DBS Eminent Card攻略 【現金回贈】

DBS Black Card黑卡攻略 【飛行里數】

CITIC信銀國際

信銀國際Motion信用卡攻略 【網上繳費】

——

想一次過更方便地比較所有信用卡，可以來我們的比較頁面！按此前往

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 2017信用卡攻略大全 appeared first on 理財資訊.

旅遊嘅必要開支，除咗有機票、車票，另外一個必要開支就係 買旅遊保險 喇！重要財物保障自然係要買嘅重要原因之一，不過更重要嘅係可以免卻你不幸出意外時高昂嘅醫療開支。雖然大家都知道自己需要 買旅遊保險 ，但好多時都會左諗右諗，周圍格價，最後拖到冇買到。到底大家可以用咩方法簡單地買到又抵又有保障嘅旅遊保呢？MoneyHero.com.hk 以方便、優惠及保障程度為準則，找出 買旅遊保險 嘅最佳途徑！

1.上比較網站直接購買

想比較唔同公司嘅旅遊保險產品，最理想都係上一啲獨立、公正嘅比較網站，一次過了解唔同公司產品嘅優劣，然後再購買。依啲網站一般都係完全免費，你又可以根據自己嘅需要，搜尋最適合你嘅產品，有時更有獨家優惠。無論是方便、優惠及保障程度，在比較網站購買旅遊保險都遠勝其他途徑！

方便程度︰✦✦✦✦✧

優惠程度︰✦✦✦✦✦

保障程度︰✦✦✦✦✧

2.預訂車票機票時購買

一般而言，當你訂購長途車票或機票時，好多時都附帶購買旅遊保險嘅選項。順手Click個同意就買咗旅遊保險當然方便，不過因為你買車票或機票時，一般已經處理咗好多資訊，有可能會唔夠精神閱讀旅遊保險嘅細節，建議大家就算當刻唔夠精神閱讀細節，都可以選擇下載細節，研究完保障再作決定。雖然，與交通公司合作的保險計劃可能有優惠，但通常只有一個計劃可以選擇，未必是最抵之選。

方便程度︰✦✦✦✦✧

優惠程度︰✦✦✦✧✧

保障程度︰✦✦✦✧✧

3.旅行團內含旅遊保

無錯，報旅行團嘅時候，都可以買埋旅遊保，因為好多旅行團其實都包一份旅遊保險嘅。不過，由於旅行團嘅旅遊保險好多時只係內含基本嘅保障，大家應該留意依份旅遊保險嘅保障金額同範圍，如果有特別需要例如進行一些危險運動的話，你就應該買多一份旅遊保險保障自己喇。

方便程度︰✦✦✦✦✧

優惠程度︰✦✦✦✧✧

保障程度︰✦✦✧✧✧

4.租Wifi蛋時順便訂埋

旅遊無得上網，對好多人黎講仲難受過留係香港。Wifi 蛋係旅行必須品，旅遊保險又係，所以好多租借Wifi 蛋嘅公司，都會順便提供埋購買旅遊保險嘅服務，不過，同以上另外兩種購買方式一樣，因為大家都係通過多一重中間人去購買，選擇不多，如果你想更了解有關產品，就可能要花多少少功夫喇！

方便程度︰✦✦✦✦✧

優惠程度︰✦✦✦✧✧

保障程度︰✦✦✦✧✧

延伸閱讀︰旅遊上網必備：全港最平 Wifi 蛋租借攻略（2017年5月更新）

5.去銀行換外幣時買埋

銀行一般都有出售旅遊保險產品，大家去銀行換外幣時，其實可以順手買埋。銀行職員一般都了解公司出售嘅產品，可以解答你嘅疑問嘅。不過，最好就趁無乜人排隊時去銀行搞手續，又或者搵啲少人啲嘅分行喇。

方便程度︰✦✦✦✧✧

優惠程度︰✦✦✦✧✧

保障程度︰✦✦✦✦✧

6.直接上旅遊保險公司網站

相信依個係好多人購買旅遊保險嘅方法，好處當然係直接，而產品嘅細節一般都講得比較清晰，大家可以仔細閱讀後先購買。不過唔好嘅地方就係只會提供單一公司嘅旅遊保險產品，買家難以了解到不同公司產品嘅優劣。

方便程度︰✦✦✦✧✧

優惠程度︰✦✦✧✧✧

保障程度︰✦✦✦✦✧

7.ATM Set海外提款設定時順便買埋

依家想係海外提款，你先要係ATM申請，好多人都係選擇係依個時候直接買埋旅遊保險。不過你都知道，ATM個屏幕又細，隨時後面又大把人排隊等緊，你都唔好意思睇保險嘅細節啦，如果你咁買，就要事前事後自己做下功課喇！

方便程度︰✦✦✦✧✧

優惠程度︰✦✦✧✧✧

保障程度︰✦✦✦✦✧

延伸閱讀︰外遊必讀！海外ATM 提款攻略 2017

MoneyHero.com.hk 的旅遊保險平台提供富衛FWD、MSIG、Starr 等多款熱門產品，上我哋嘅旅遊保險平台就可以一次過比較晒高達23款保險計劃嘅價錢同保障。
——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【外遊必讀】比較香港7大 買旅遊保險 途徑 appeared first on 理財資訊.

歌仔都有得唱：「半斤八兩，做到隻積咁嘅樣」。大家日日返工奔波勞碌，到月尾出糧嘅時候，份糧仲有5％要貢獻落 強積金 （MPF）供款。雖然強制性供款只係5％，但加埋老板供款嘅5％，總數都有人工嘅一成，小數怕長計， 強積金  嘅重要性絕對不容忽視。小編身邊唔少朋友因為唔熟投資市場，轉工時面對 強積金 計劃嘅基金選擇簡直頭都大埋，有啲朋友甚至會「斷估無痛苦」，好似去酒樓畫點心咁每樣揀啲，以為咁樣就叫分散風險。所以，MoneyHero.com.hk 特地比較「預設投資」（俗稱懶人基金） 同「半自由行」兩種投資方法，幫大家制定最適合自己嘅投資計劃。

冇時間？唔識揀？ 「懶人基金」幫到你

大家辛辛苦苦返工賺錢，管理自己嘅強積金MPF資產當然要審慎啲，做好風險管理工作，咁先可以有效保本，進而獲得合理回報。正如剛才提到，你可能對金融投資一竅不通，或者你貴人事忙，根本無時間、無精力去研究唔同嘅基金組合，咁強積金MPF「預設投資」（俗稱「懶人基金」）基制可能幫到你。

法例規定由2017年4月1 日起，全港現有嘅強積金MPF計劃必須各自提供一個「預設投資」方案。若果強積金MPF計劃成員沒有向受託人提供投資指示，受託人就會自動為該成員嘅強積金MPF供款進行「預設投資」；而目前已經有清晰投資指示嘅成員亦可以主動選擇按「預設投資」進行投資。據積金局所講，「預設投資」係一項回應MPF基金收費高、選擇難嘅重要改革。

聽落呢個強積金MPF「預設投資」好似免卻左大家比較唔同基金組合嘅麻煩，究竟佢背後嘅原理又係點嘅呢？簡單黎講，強積金 MPF 「預設投資」有三大特點，包括（一）隨成員年齡自動降低投資風險；（二）收費設上限；（三）分散投資環球市場。

「預設投資」三大特點

（1） 隨成員年齡自動降低投資風險

「預設投資」方案採用兩個混合資產基金，包括「核心累積基金」同埋「65歲後基金」。「核心累積基金」約60％投資於風險較高嘅資產（主要係環球股票），其餘為風險較低嘅資產（主要係環球債券）；而「65歲後基金」只有約20％投資於風險較高嘅資產（主要係環球股票），其餘為風險較低嘅資產（主要係環球債券）。如果你選擇咗「預設投資」，喺你50歲之前，你嘅所有強積金MPF都會投資落「核心累積基金」，當你50歲至到64歲期間，你戶口入面嘅「核心累積基金」會被逐步減持，而「65歲後基金」會被逐步增持，直至你64歲為止。當你64歲後，你戶口入面所有MPF都會投資喺「65歲後基金」。

（2） 收費設上限

「預設投資」嘅兩個成分基金嘅管理費用同埋經常性實付開支分別不可高於基金每年淨資產值的0.75%及0.2%。

（3） 分散投資環球市場

「預設投資」兩個成分基金都係採用環球市場分散策略，投資喺股票、定息債券、貨幣市場工具、存款等強積金MPF法例容許嘅資產類別。雖然「預設投資」會因應成員嘅年齡自動降低投資風險，亦都設有收費上限，聽落穩打穩陣，但大家要清楚呢個方案係無保證回報率嘅，即係唔包保一定保本或者一定有正回報，即使佢嘅特色係因應成員年齡而作漸趨保守嘅投資策略，喺市況波動嘅情況下都有可能錄得虧損。

點樣設定「預設投資」？

如果你本身已經向自己嘅強積金MPF受託人發出咗投資指示，又覺得「預設投資」幾適合自己，或者你即將會開一個新嘅強積金MPF戶口，你都可以聯絡你嘅強積金MPF受託人，了解多啲你所屬計劃入面嘅「預設投資」，啱心水就可以揀呢個「懶人基金」啦。

如果你從未向強積金MPF受託人發出投資指示，而喺2017年4月1 日當日未滿60歲，或當日剛滿60歲，受託人會喺「預設投資」推出嘅6個月內向你發出通知書。如果你同意將供款按「預設投資」進行投資，咁你就唔需要做任何回應，受託人將會自動幫你採用「預設投資」方案；如果你唔同意採用呢個方案，你必須填妥指定表格回覆受託人，以提供投資指示。

想自己話事可考慮「半自由行」

可能你會覺得「預設投資」太過保守，怕預期嘅回報率太低、怕回報追唔到通脹，你心目中可能已經有晒投資MPF嘅大計，認為今年要投資邊隻貨幣、下年要投資邊個行業嘅股票。如果係咁，你就可以採用MPF「僱員自選安排」（俗稱強積金MPF「半自由行」）。

呢個安排係2012年11月1 日實施，目的係令打工仔可以更加自主咁樣去選擇自己嘅強積金MPF投資。喺呢個安排下，大家每年都有一次機會將強積金MPF供款戶口入面嘅僱員強制性累積供款轉移落自選嘅強積金MPF計劃入面。

點樣設定「半自由行」？

如果大家想搞「半自由行」，只須直接聯絡你心怡嘅新計劃嘅受託人安排，完全唔洗驚動你老板幫手嘅。不過要注意番，依家老板幫你供緊嘅強制性累積供款係唔可以轉移嘅。另外，即使你已經做左「半自由行」，之後每個糧期嘅新供款（不論係老板定係自己果份），都需要存番入公司原有嘅計劃入面，而唔會直接存入你揀嘅新計劃內，即係話你仍然要每年搵番新計劃嘅受託人，將自己果部份累積供款存番入新計劃入面。

相信你諗得強積金MPF「半自由行」，都係唔滿意目前計劃嘅表現，或者係想再賺多啲。市面上嘅強積金MPF計劃五花八門，即使你想搞「半自由行」都千祈唔好心急，記得要留意目標計劃嘅投資內容、風險同埋基金收費，唔好搞到「貪字得個貧」啊。除咗了解投資策略，上 MoneyHero.com.hk 仲可以比較埋私人貸款、信用卡、按揭及旅遊保險等金融產品。

兩大強積金MPF投資選擇概覽

相關文章︰【出糧賺著數】各大銀行出糧戶口優惠比較

相關文章︰職場新人指南： 10大報稅交稅 Q&A 2017
——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 強積金 MPF供款點投資？「預設投資」與「半自由行」 appeared first on 理財資訊.

支付寶HK (Alipay HK) 終於喺尋日（5月24日）正式推出，加入香港嘅電子支付競爭行列！作為消費者，除咗要睇下邊個App功能好用、俾錢安唔安全之外，當然要睇下有冇吸引嘅優惠啦！香港版支付寶剛出，當然大推重磅優惠吸客，而佢嘅競爭對手Apple Pay都唔弱，喺前一日推出優惠留住客戶的心。MoneyHero.com.hk為大家搵埋Android Pay 同 Samsung Pay 等手機付款App嘅消費優惠，一篇文比較晒！

支付寶HK

於合作商戶消費滿3次，回贈$50

即日起至2017年7月31日，凡到支付寶的合作商戶單次付款達 HK$20 或以上，便獲一個電子印花。集齊3張電子印花即可獲得 HK$50 獎賞。名額 10,000 個，先到先得送完即止。現時支付寶合作商戶包括屈臣氏、百佳、豐澤、美心MX、美心西餅、Starbucks、周大福、I.T.、莎莎、卓悅、海洋公園、一風堂等等。

Apple Pay

Apple Pay而家除咗可以加入信用卡之外，仲可以加入中銀及渣打嘅銀聯ATM提款卡，因此近日亦推出咗以下優惠：

中銀銀聯提款卡：消費1次即回贈$30 / 於7-Eleven 買滿$30減$10

由即日起至2017年7月31日,首5萬名以中銀成功加入 Apple Pay，並於推廣期內以該卡透過 Apple Pay 作最少1次消費之客戶，可獲享30元現金回贈。

另外，由即日起至2017年6月30日，到 7-Eleven 單一消費滿$30，並以中銀提款卡透過 Apple Pay付款，即減$10。優惠不適用於購買香煙、奶粉、網上遊戲產品及服務項目。

渣打銀聯提款卡：Apple Pay付款享1%現金回贈

由即日起至2018年7月31日，渣打銀聯網絡ATM卡客戶以Apple Pay付款，均即享1%現金回贈，最高上限為每月$5,000，無需另外登記。

除此之外，近來亦有信用卡推出幾吸引嘅Apple Pay消費回贈：

DBS信用卡：消費滿$200，享$60回贈

2017年5月及6月期間，DBS信用卡客戶於每曆月內以Apple Pay在任何商戶付款滿$100，可享$30回贈。2個月合共可獲$60現金回贈！優惠詳情

(未用DBS信用卡?而家經MoneyHero成功申請DBS Eminent Card, 可獨家享高達$1,300迎新回贈！查看詳情）

信銀國際信用卡：用Apple Pay付款，享5%現金回贈

由即日起至2017年12月31日，客戶憑信銀國際信用卡於任何接受Apple Pay的商戶或app內以Apple Pay付款即可享5%現金回贈，無最低簽賬金額要求，每月最高回贈金額為HK$100，全期可賺高達HK$800現金回贈。優惠詳情

按此查看信銀國際信用卡詳情。

Visa卡：屈臣氏消費滿HK$500減HK$40

即日起至2017年6月30日期間內的星期五、六、日及公眾假期，於全港屈臣氏門市以Visa卡使用Apple Pay進行單一淨額交易滿HK$500 即減HK$40。

Android Pay

信銀國際信用卡：Andriod Pay付款享5%現金回贈

由即日起至2017年12月31日，客戶憑信銀國際信用卡於任何商戶或手機應用程式以Android Pay付款即可享5%現金回贈，無最低簽賬金額要求，每月最高回贈金額為HK$100，全期可賺高達HK$900現金回贈。優惠詳情

屈臣氏：消費滿HK$500減HK$40

即日起至2017年6月30日期間內的星期五、六、日及公眾假期，於全港屈臣氏門市以Visa卡使用Android Pay進行單一淨額交易滿HK$500 即減HK$40。

Samsung Pay

Citi Visa信用卡連環優惠

即日至2017年6月30日，客戶憑Citi Visa信用卡以Samsung Pay付款，可獲以下優惠：

1. Samsung Galaxy S8密密送

憑Citi Visa信用卡以Samsung Pay付款，每第888次合資格交易之客戶，即可免費獲贈Samsung Galaxy S8一部(建議零售價: HK$5,698)。於推廣期內，合共送出30部，送完即止．無需登記。

2. 日日HK$8現金回贈

憑Citi Visa信用卡以Samsung Pay或Visa payWave交易，不論金額，每日可獲HK$8現金回贈。於整個推廣期內，每位客戶最多可獲現金回贈3次。按此登記

3. 發動額外高達8%現金回贈

7月31日前憑Citi Visa信用卡以Samsung Pay 及Visa payWave累積簽賬滿HK$800，其中最高單一簽賬金額之交易可獲高達8%現金回贈。於整個推廣期內，每位客戶最高可獲HK$80現金回贈。按此登記

按此瀏覽Citi信用卡產品資訊。

渣打信用卡：25%現金回贈

2017年5月25日至6月25日，憑卡透過Samsung Pay付款完成零售交易，可享25%現金回贈，每位持卡人可享現金回贈之上限為HK$150。查看詳情

按此瀏覽渣打信用卡產品資訊。

DBS信用卡：消費滿HK$100，享HK$30現金回贈

由即日起至2017年8月31日,憑卡透過Samsung Pay完成合資格交易達HK$100或以上，其可在該階段獲贈HK$30現金回贈，優惠分為以下3個階段，共可獲得HK$90回贈：

按此查看優惠詳情。

屈臣氏：消費滿HK$500減HK$40

即日起至2017年6月30日期間內的星期五、六、日及公眾假期，於全港屈臣氏門市以Visa卡使用Samsung Pay進行單一淨額交易滿HK$500 即減HK$40。

Wechat Pay

中銀信用卡：新客戶送$10.88利是 + 雙倍積分

由即日起至2017年7月31日，客戶於WeChat錢包加入中銀VISA或萬事達卡信用卡，即可獲得港幣10.88元微信利是；於WeChat Pay以中銀VISA或萬事達卡信用卡作為扣賬戶進行交易，兼享額外一倍積分獎賞。優惠詳情

想了解更多不同信用卡的優惠？即刻上我哋嘅比較平台。

相關文章：香港6大電子錢包功能大比併

——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 支付寶HK殺到！香港電子支付App優惠大比併 appeared first on 理財資訊.

無論係慶祝生日、過時過節，又或者間唔中想食番餐好，好多時都會揀去酒店食 自助餐 。其實好多酒店自助餐都有折扣優惠，當中仲有部分更加係買一送一，折扣平均每人只係200蚊左右！唔講咁多，即刻睇睇今期有乜自助餐優惠！（2017年6月版）

新界區

沙田凱悅酒店：自助午餐及下午茶買一送一 （Visa Infinite & Visa Signature）

逢星期一至五，憑Visa Infinite及Visa Signature卡預訂沙田凱悅酒店咖啡廳午市自助餐，可免費享同等之午市自助餐一份，午市自助餐原價$348，折後平均每位只需$191！另逢星期六、日及公眾假期，憑Visa Infinite及Visa Signature卡預訂咖啡廳下午茶自助餐亦有買一送一優惠，平均每人只需$175，非常抵食！按此進入預訂網站

優惠期：即日起至2017年11月 30 日
（即上MoneyHero信用卡比較平台，揀返張最啱你嘅Visa Signature卡！）

港島區

港島海逸君綽酒店：自助早、午、晚餐64折優惠

為慶祝酒店8週年誌慶，今個月憑優惠券（按此）惠顧Harbour Grand Cafe咖啡廳自助早餐、午餐及晚餐，均可享「8折8扣」優惠（即係64折）！平日自助午餐折後每位只需 $216，仲有得任食生蠔同長腳蟹，而法國經典自助晚餐折後每位只需$357起，另收加一服務費。

優惠期：即日至2017年6月30日，不適用於父親節（6月18日）

（如果係想同朋友慶祝生日，可以睇埋：壽星有著數！2017 生日優惠 大搜羅）

九龍區

【新！】尖沙咀凱悅酒店：平日自助午餐買一送一（Visa信用卡）

憑Visa卡經指定網站預訂尖沙咀凱悅酒店咖啡廳自助午餐，逢星期一至五可享買一送一優惠！二人同行，連同加一服務費平均每人只需＄178.8。由於優惠數量有限，最好提前2個星期預訂！

優惠期：即日起至2017年 11月 30日

【新！】九龍海逸君綽酒店：韓式海鮮自助餐75折

九龍海逸君綽酒店THE PROMENADE自助晚餐供應大量來自世界各地嘅高質海鮮，包括鮮甜肥美嘅阿拉斯加蟹腳、即開生蠔、特大翡翠螺、青口、龍蝦仔等，逢星期一至五晚仲有樂隊演奏。6月份嘅主打菜式係正宗韓國料理，有泡菜、炸雞、韓式煎餅等等，鍾意韓食嘅朋友唔好錯過！而家透過酒店網站預訂（按此進入），可享75折優惠，折後每位成人$482.8起（已包括10%服務費），假日自助早午餐同樣可享75折優惠折後每位成人$ 321.3。

優惠期（自助晚餐）：即日起至2017年 6月 17日
優惠期（自助早午餐）：逢星期日，直至另行通知

【新！】香港朗廷酒店：自助午餐67折，晚餐72折

朗廷酒店Food Gallery自助餐呈獻紐西蘭羊肉盛宴，仲供應各種海鮮如生蠔、波士頓龍蝦、澳洲小龍蝦、太平洋虎蝦、加拿大雪蟹等等。現憑優惠券（按此）惠顧星期一至日之自助午餐可享67折優惠，折後每位$193起；憑優惠券（按此）惠顧自助晚餐可享72折優惠及獲贈迎賓飲品 1 杯，折後每位$430起。

優惠期：即日起至2017年7月5日

馬哥孛羅酒店：自助餐買一送一（中銀信用卡）

馬哥孛羅 （Marco Polo） 旗下3間酒店 —— 馬可孛羅酒店、太子酒店及港威酒店均推出自助餐買一送一優惠！只要持有中銀 Visa Infinite / Visa Signature 信用卡、中銀銀聯雙幣鑽石／白金卡、中銀 World 萬事達卡、中銀白金卡或中銀商務卡，並以上述信用卡付款，即可以享用以下優惠：

馬可孛羅酒店 – 馬哥孛羅咖啡廳 
自助晚餐買一送一，連加一每位只需$335
適用時段： 星期一至五 6:30pm – 10pm

港威酒店 – Three on Canton
下午茶自助餐買一送一，連加一每位只需$179
適用時段：星期六、日及公眾假期 3:15pm – 5pm

香港太子酒店 – add@Prince
提供自助午餐買一送一，連加一每位只需$179
適用時段：星期一至五 12:00pm – 10pm

優惠期：由即日起至2017年6月30日
客戶必須於最少一日前經指定網址預訂，電話訂座不能享有優惠。

按此查看中銀信用卡產品。

隆堡麗景酒店：$158享用抹茶下午茶自助餐

抹茶控注意！隆堡麗景酒店咖啡亭推出全新「遇見‧宇治‧抹茶物語」下午茶自助餐，而且價錢仲十分親民。自助餐星期一至五原價＄198，星期六、日原價$218，只要二人同行並使用優惠劵（按此瀏覽），即可享有7折優惠，折後連加一每位只需$158起！

優惠期：即日至 2017 年6月30日

尖沙咀美麗華酒店：自助午餐買一送一 （Visa Signature及Visa Infinite信用卡）

尖沙咀美麗華酒店與Visa Signature及Visa Infinite 信用卡推出自助午餐買一送一優惠，自助午餐原價 $308加一，優惠後平均只需每人$185！ 今次優惠只限網上訂位，並用Visa Infinite 或 Visa Signature信用卡付款，留意一枱只可獲得一份免費自助餐，兩個人去食就至抵！按此進入訂座網站

Visa Signature 信用卡普遍要求年薪較高才能夠申請（如匯豐Visa Signature信用卡要求年薪48萬），不過亦部分門檻較低，例如DBS Eminent Visa Signature Card只需年薪36萬。現經MoneyHero比較平台申請，更送額外現金劵！

優惠期：即日至 2017 年 11 月 30 日，逢星期一至四，不適用於假期及其前夕。

九龍諾富特酒店：環球美食自助午餐成人７折，長者小童半價

憑優惠券（按此）惠顧 The Square生蠔美食自助午餐，可享成人7折，長者小童半價優惠，並尊享無限量供應雪場蟹腳、麵包蟹及美國蟹件、無限添飲果汁、汽水、咖啡或茶及任食Häagen-Dazs 雪糕。平日自助午餐折後每位成人只需$230（原價每位$328），另收加一服務費。

優惠期：即日至2017年6月18日

隆堡麗景酒店：惠顧半自助午餐或早午餐買一送一（Visa信用卡）

憑Visa卡於隆堡麗景酒店AVA Restaurant Slash Bar惠顧半自助午餐或早午餐，尊享買一送一優惠。原價每位$298, 優惠後平均每位$149，另設加一服務費，按此進入預訂網站。

優惠期：即日起至2017年9月30日

（平時出街食飯，你係咪習慣信用卡簽帳呢？因為好多信用卡嘅餐飲回贈係特別豐富。想了解更多信用卡優惠，即刻上我哋嘅比較平台！）

九龍貝爾特酒店：日韓「龍」情海鮮自助晚餐 7折優惠

同一般酒店自助餐唔同，九龍貝爾特酒店的「潮食街」裝潢充滿懷舊香港風，喺度食自助餐應別有一番風味！現憑優惠券（按此）於星期一至日惠顧潮食街「日韓「龍」情海鮮自助晚餐」，可獲7折優惠！折後每位$286~$342，另設加一服務費，此優惠不包括星期二。

優惠期：即日至2017年7月13日

香港逸東酒店：自助午餐及晚餐可享低至6折優惠

Metro Buffet & Grill自助餐主打燒烤美食，有廚師即席炮製羊架、燒紐西蘭羊鞍、燒紐西蘭草飼牛肉眼、美式豬串骨、扇貝、青口、魷魚筒、串燒及烤香腸等燒烤。憑優惠券（按此）惠顧Metro Buffet & Grill自助餐午餐，星期一至星期日及公眾假期首40名訂座可享6折優惠，折後每人只需$131（另設加一）！ 自助晚餐星期一至星期四首40名訂座可享65折優惠 ; 星期五至星期日、公眾假期及其前夕，可享7折優惠，折後低至每人$335，另設加一服務費。

優惠期：即日起至2017年6月30日

海景嘉福酒店：自助餐午餐低至6折

憑優惠券（按此）於海景咖啡廊惠顧星期一至星期五自助午餐，可享優惠低至6折，折後每位$250起（另設加一）；星期六、星期日及公眾假期自助午餐，可享7折優惠。

優惠期：即日起至2017年 5 月 31 日

帝苑酒店：午餐／下午茶／宵夜自助餐低至6折優惠

憑優惠券（按此）惠顧帝苑酒店雅苑座自助午餐，於星期一至六可享6折，星期日及公眾假期享7折！6折後每位只需$209起（另設加一）。另外，於星期六、日及公眾假期惠顧下午茶自助餐及宵夜自助餐，可享75折。

優惠期：即日起至2017年6月 30 日

延伸閱讀：【米芝蓮2017】用信用卡優惠食盡 米芝蓮 食府

延伸閱讀：壽星有著數！2017 生日優惠 大搜羅

——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 酒店 自助餐 優惠大集合（2017年6月） appeared first on 理財資訊.

每逢一年一度生日 ，唔少人都會為點樣慶祝而煩惱不己。不過，好在而家有唔少商戶都為壽星仔女推出 生日優惠，有免費自助餐、免費入場同購物折扣優惠等。MoneyHero.com.hk為大家搜羅2017年唔同類型嘅 生日優惠 ，幫大家慳錢之餘，又可以開開心心過生日！（2017年6月更新資料）

餐飲美食

1. 城景國際酒店：免費食海鮮自助餐

現凡出示城景國際Facebook專頁之自助晚餐優惠，惠顧即可享優惠價成人$398起，逢星期一至四惠顧，更享額外享「4人同行1人免費」優惠，生日客人當月惠顧更尊享免費自助晚餐，美食包括龍蝦、海膽、生蠔、鱈場蟹腳等。另外於6月17至18日父親節期間惠顧，每位父親可獲贈精美彩繪咖啡杯一隻。按此了更詳情及訂位。

2. 信和集團旗下酒店：免費食自助餐

信和薈會員只要憑會員卡就可以喺生日月份於信和集團旗下酒店（包括皇家太平洋酒店、城市花園酒店、香港黃金海岸酒店及港島太平洋酒店）享用免費自助晚餐一次（須攜同最少一位成人親友惠顧），詳情請瀏覽官方網站。想入會嘅朋友可以按此申請。

推廣期：即日起至另行通知為止

3. 嘉湖海逸酒店：生日之星住宿計劃

嘉湖海逸酒店推出嘅生日之星住宿計劃包括豪華客房住宿一晚、生日禮物一份、生日蛋糕、免費餐酒、45分鐘面部護理療程（1位）同紐約國際美食自助早餐。住客仲可以免費享用游泳池、健身室、桑拿浴、蒸氣浴、小朋友俱樂部同戶外遊樂場。收費為1,180/2位成人同$1,280/2位成人及1位小童。有興趣就要記得提早2日訂，不過留意番優惠不適用於6月2日，想了解詳情可以瀏覽官網。

推廣期：2017年1月1日至6月30日

4. The Mira Hong Kong：送汽酒+生日蛋糕

The Mira亦有推出生日優惠，生日之星可以喺生日一周內同朋友一齊去WHISK食晚餐，酒店就會送汽酒1杯及生日蛋糕1個。不過要留意番個優惠只適用於星期一至六（包括公眾假期）。大家有興趣嘅話記得要最少一日提早上官網預訂。

推廣期：即日起至另行通知為止

5. 銀鑛灣渡假酒店：2人住宿優惠

5月生日嘅客人凡入住梅窩銀鑛灣渡假酒店，就可以$888優惠價入住一晚雙人客房，仲可以享用雙人自助早餐、雙人半自助晚餐同生日蛋糕，加多$300仲可以升級至海景客房，但呢個優惠只適用於星期日至星期五。按此查閱詳情。

推廣期：2017年6月1日起至6月30日（6月2日除外）

6. 港島海逸君綽酒店：免費蛋糕及自助餐

港島海逸君綽酒店推出多重蛋糕優惠同生日優惠，包括：

4位或以上付全費之賓客於午市或晚市惠顧Le 188° 餐廳及酒廊、君綽軒、Harbour Grand Café咖啡廳或「和」日本料理用膳，即送生日蛋糕（1磅）1個。

6位或以上付全費之賓客於Harbour Grand Café咖啡廳惠顧自助午餐/晚餐、Le 188° 餐廳或酒廊惠顧半自助午餐，可享以下生日禮遇：

• 免費生日蛋糕（1磅）1個
• 免費汽水套餐/精選紅酒1支
• 生日賓客可享免費自助餐。

人數超過50人更送3磅免費蛋糕、食物8折、壽星免費自助餐同一晚免費套房住宿優惠。優惠6月30日到期，按此了解更多。

推廣期：即日起至2017年6月30日（6 月18日除外）

7. 8度海逸酒店：4人同行，生日壽星半價

最近8度海逸酒店推出咗「瀛味爐端燒」自助晚餐，有大蝦、和牛粒串、皇帝蟹腳、法國生蠔、鱆紅魚、三文魚、北寄貝、墨魚等刺身海鮮。而家只要4人同行惠顧自助晚餐，當月生日嘅壽星即享半價優惠或免費生日蛋糕一磅。

另外，憑渣打、匯豐、恒生等指定信用卡或上酒店網站預購，亦有高達8折優惠。按此了解詳情。

推廣期：由2017年4月1日起至6月30日

8. 香港珀麗酒店：生日壽星享免費自助晚餐

只要於生日月份與兩位以正價惠顧自助晚餐的嘅成人到香港珀麗酒店協奏坊西餐廳品嘗自助晚餐，一位「生日之星」就可以免費用餐，更可免費獲汽酒一支！酒店喺4月至6月推出咗「法·越 海鮮自助晚餐」，精選菜式包括包括香煎鴨肝、法式燒春雞、越式牛肉湯河粉及越南春卷等。按此了解優惠詳情。

推廣期：即日起至另行通知為止

9. 富豪九龍酒店：生日享免費自助餐、蛋糕+同行賓客8折

而家只要於生日月份惠顧富豪九龍酒店雅廊咖啡室，壽星就可享有以下禮遇，包括：免費自助午餐或自助晚餐、免費生日蛋糕以及同行之顧客享8折優惠。呢個優惠適用於4-12位同時惠顧，每4位同行，當中只限1位壽星而每枱最多3位壽星。有興趣就記得於2日前提早預訂，按此了解詳情。

推廣期：即日起至2017年6月30日

10. 半島酒店：生日享免費晚餐+生日蛋糕

壽星仔壽星女只要於生日月份惠顧半島酒店大堂茶座晚市套餐（每位HK$455）四位或以上，就即送免費套餐一客同生日蛋糕一個。有興趣就要記得提早3日訂座，同埋帶備出生日期證明，但優惠不適用於6月18日。按此了解優惠詳情。

推廣期：即日起至2017年12月30日

11. 九龍海逸君綽酒店：免費生日蛋糕

凡2位或以上惠顧爐端燒日本餐廳, 水雲間及扒房晚膳，或4位或以上惠顧The Promenade餐廳晚膳，即送壽星仔女生日蛋糕一個，有興趣嘅朋友須於兩天前預訂，按此了解詳情。

推廣期：即日起至另行通知為止

消閒生活

1. 中華書局：生日送$90現金券

適逢中華書局90周年，佢哋特意推出生日優惠慶賀！只要你嘅生日符合指定日子（今個月嘅特選日子係6月6日及19日），然後於生日當日向中華書局門市出示身份證，就可以領取$90現金券，仲可以免費登記做中華書局PLUS會員添！按此了解詳情。

優惠期：2017年1月1日至12月31日

2. 中國移動：生日月買手機或配件送高達$100折扣優惠

中國移動指定服務計劃客戶只要於生日當月到CMHK門市買手機或配件滿指定金額，就可以享有高達$100嘅額外折扣，仲可以得到200cm Micro USB傳輸線或iPhone 6/ 6 Plus/ 7/ 7 Plus玻璃貼連手機保護殼或者First Champion旅行充電器。按此了解詳情。

中國移動生日獎賞：

• 購買$5,000或以上手機 額外$100折扣
• 購買$2,000-$4,999之手機 額外$50折扣
• 購買$500或以上配件 額外$100折扣
• 購買$300-$499之配件 額外$50折扣

優惠期：由即日起至另行通知

3. csl：生日trade-in 手機收$500利是

Csl客戶只要於生日月份Trade-In 指定手機，就可享有Trade-In最高價保證，即係話你得到嘅Trade-in價會比專門店或專櫃當日所列出之回收價Trade-in指定手機/平板電腦多額外$500。呢個優惠適用於Trade-in手機/平板電腦並同時購買建議零售價$2,000以上之手機上台或淨手機/平板電腦(不適用於任何小米手機或Apple產品)。按此了解優惠詳情。

優惠期：由即日起至另行通知

4. K-Studio：惠顧指定攝影套餐享高達$500折扣

K-Studio推出嘅6月生日優惠，為生日壽星提供$100-$500嘅攝影套餐折扣。優惠適用於小朋友造型攝影套餐、初生BB 攝影套餐、家庭攝影套餐、孕媽媽攝影套餐同個人/情侶/團體攝影套餐。按此了解優惠詳情。

優惠期：由即日起至另行通知

優閒娛樂

1. Bounce室內彈床樂園：免費玩一節

位於九龍灣國際展貿中心EMAX嘅Bounce，場內設有80多張互相連接嘅彈床，平時收費為每節一小時$150-$170，不過最近就推出咗個生日優惠，只要你喺生日當日或前後3日內去Bounce就可以免費入場跳一節。不過壽星要帶至少一位朋友同行買正價入場票至可以享受呢個優惠。按此了解詳情。

優惠期：由即日起至另行通知

2. 海洋公園：生日免費入場

海洋公園入場門票由3月1日起加價至$438。唔想捱貴飛，不如等生日至入場，只要喺海洋公園票務部出示香港身分證明文件或香港出生證明書，就可以喺生日當日日間免費遊覽海洋公園架喇！詳情請瀏覽官方網站。

優惠期：由即日起至另行通知

3. 香港杜莎夫人蠟像館：免費入場+同行親友門票半價

踏入2017年，香港杜莎夫人蠟像館將「生日之星」嘅優惠禮遇升級！由即日起至2017年12月31日，香港市民只要喺生日當日、前一星期或後一星期到蠟像館正門售票處購票時出示身分證，就可以免費入場一次！同行3位親友更可享正價門票半價優惠添！詳情請瀏覽官方網站。

優惠期：由即日起至2017年12月31日

4. Trick Eye特麗愛3D館：生日免費入場

香港居民可以喺生日正日免費入Trick Eye特麗愛3D館玩一次！你只要到時出示香港居民身份證，Trick Eye就會請你免費入場，你更可以參與活動額外得到免費門票！你只要於售票處手持Trick Eye嘅巨型生日卡影相，再上載至個人社交平台(Facebook或Instagram)並標註 #trickeyebday就可以得到額外門票。所贈之免費門票有效期為三個月，但唔可以即日使用。詳情請瀏覽官方網站。

優惠期：2017年3月1日起至另行通知

5. Neway（創興、灣仔英皇CEO、沙田富豪、元朗合益、安達CEO同港晶）

Neway旗下好幾間分店都有生日優惠，其中安達CEO同港晶Neway就規定生日之星要係會員至有優惠，可以喺生日月份賺取1.5倍K FUN積分同會員人頭費95折優惠等。另外，元朗合益仲會送全房贈送蟠桃壽包添！ 即上官網了解優惠詳情。

優惠期：由即日起至另行通知

6. 挪亞方舟：免費入場+同行親友半價

挪亞FUN分CLUB會員一入會就可以免費換領即日門票換票券乙張，而且全年買飛都有8折優惠。如果喺生日月份去挪亞方舟，唔單止可以免費入場，而且同行一位親友仲有半價門票優惠添！拍攝香港挪亞方舟紀念照片，第二至四張亦有半價優惠。仲有，喺豐盛閣餐廳食自助晚餐仲會免費送1磅生日蛋糕乙個（須預約）！瀏覽官方網站了解詳情。

優惠期：由即日起至另行通知

7. Magical World 奇幻館：生日購票買一送一!

Magical World奇幻館以迪士尼同漫威為主題，雲集家傳戶曉嘅迪士尼卡通人物，除咗夜光迪士尼畫區外，亦設有漫威漫畫、星球大戰、冰雪奇緣同反斗奇兵等專區。館內不同主題區域加入聲效、氣味同光效，營造4D體驗。而家凡於生日正日、前1天或後1天內到奇幻館，並出示有效證明文件，即送免費入場券一張。按此了解詳倩。

優惠期：由即日起至另行通知

旅遊交通

1. 金光飛航：價惠價購買標準艙來回套票

如果你想得閒過澳門玩下，就要留意呢個優惠喇！由2017年1月1日至2017年12月31日，旅客如果喺生日月份購買生日當月嘅金光飛航市區航線標準艙或頭等艙成人正價單程船票，即可享受標準艙來回套票（每套港幣/澳門幣248元），或者頭等艙來回套票（每套港幣/澳門幣448元）。每人每次最多可買2套來回優惠船票，每7天享受優惠一次。詳情請瀏覽官方網站。

優惠期：由2017年1月1日至2017年12月31日

2. 香港航空：生日登機免費入貴賓室

唔少人都會選擇生日去外地慶生，所以香港航空為生日登機嘅旅客預備貼心服務！只要在生日當天於Sweeten You Up Counter 辦理登機，即可獲贈生日登機證封套、生日襟章、朱古力禮盒，仲可以優先登機，並可帶同兩位同行旅客一同享用香港航空貴賓室「紫荊堂」，貴賓室會為生日旅客送上「即影即有」相片服務。更特別嘅係，你會收到由一張生日卡，機師及機組人員親自簽名及寫上生日祝福，別具心思！按此瀏覽詳情。

信用卡生日優惠

1. Mastercard 萬事達卡：香港萬麗海景酒店- 生日餐飲禮遇

滿福樓

Mastercard 持卡人（包括渣打亞洲萬里通萬事達卡同東亞Flyer World萬事達卡）可於香港萬麗海景酒店嘅滿福樓獲得以下生日禮遇，包括同4至5 位好友慶祝生日就獲送兩磅裝生日蛋糕一個，如果同 6 位以上好友同行仲會額外獲贈汽酒一瓶。

萬麗咖啡室

Mastercard 持卡人（包括渣打亞洲萬里通萬事達卡同東亞Flyer World萬事達卡）可以於香港萬麗海景酒店萬麗咖啡室享有以下生日優惠，包括：

• 共用自助午餐9折優惠及自助晚餐 85 折優惠。
• 與四至五位客人慶祝生日可獲贈精美生日蛋糕一客。
• 與六位以上好友共同慶祝還可獲贈一瓶汽酒。

推廣期：2017年1月1日至2017年12月31日

2. Citi Rewards信用卡：生日月份獲8X積分

Citi Rewards信用卡用戶只要喺生日月份於本地超級市場、百貨公司或電訊公司簽賬，就可以獲得8X積分，即係每使$1就有8分！參加商戶包括百佳、惠康、吉之島、一田、SOGO、有線同香港寬頻等等。

推廣期：2016年12月1日至另行通知

（小編按：其實呢張卡平時消費都有2%回贈，去超市、百貨公司同電訊公司簽賬都有5X積分，如果你成日去呢以上地方消費，咁呢張卡就好啱你！）

想了解更多Citi信用卡詳情，請即按此。

3. 匯豐信用卡：各大酒店享生日禮遇

匯豐白金卡或以上之信用卡（包括匯豐Visa Signature卡及匯豐白金Visa卡）用戶只需出示銀行發出嘅 生日優惠 券就可以喺港麗酒店、國金軒、凱悅酒店、JW萬豪酒店同九龍香格里拉大酒店等商戶享受生日優惠，例如免費生日蛋糕和食品折扣等優惠。按此了解詳情。

優惠期：由2017年1月1日至2017年12月31日（惟個別日子不適用）

4. 大新信用卡

大新銀行信用卡客戶可尊享特別生日禮遇，包括半價投保及定存特高年利率等！此外，客戶亦可以於生日月份免費享用護膚療程及免費護膚套裝，去帝京酒店花月庭食自助晚餐都有8折優惠！按此查閱詳情。

優惠期：由2017年1月1日至2017年12月31日

想了解更多大新信用卡詳情，請即按此。

想知道更多信用卡嘅優惠資訊？立即使用我哋嘅比較工具，搵出最適合你嘅信用卡！

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 壽星有著數！2017 生日優惠 大搜羅（2017年6月更新） appeared first on 理財資訊.

即使金管局近月推出多項樓市辣招，樓價仍然愈升愈高，小巿民要搵個安樂窩，好多都會寄望居屋。2017的新居屋計劃，分別座落彩虹彩興苑、梅窩銀蔚苑及銀河苑，攪珠結果將會在6月公布，並可在8月揀樓。入咗紙申請嘅你，到底有咩需要預先準備，最後可以順利上車？MoneyHero.com.hk為你準備了首次置業 居屋抽籤 揀樓5大Q&A，等大家可以早啲做好準備。

Q1︰揀樓機會有幾大？

根據房委會資料，今次單單在樂富房委會客務中心，累計已共收到約9萬份居屋申請表，再加上郵遞及屋邨辦事處接獲的申請表格，申請數量預計會過10萬，有力挑戰2014年13.5萬的歷史高位。而這次推出的居屋單位共有2,093伙，若申請量逾15萬，將會出現逾70個申請爭一個單位的情況。

不過，唔係每一宗申請都有同等機會購買單位。房委會將於6月攪珠決定揀樓次序，綠表白表比例為5比5，揀樓次序仍以長者家庭優先、其次為一般家庭，最後為1人申請者。雖然另預留了100個配額予單身申請者，但其實單身申請者中籤機會極低。

而已經遞交申請表格的人士，應該已經收到房委會的信件，內有你所屬的分組號碼，此號碼會決定你的揀樓次序。

Q2︰揀樓有什麼程序？

當攪珠完畢，中籤者會按優先次序，於約定日期的7天前收到房屋署書面通知，約定時間前往居屋銷售小組，按揀樓次序挑選單位。揀樓當日，申請人須帶備揀樓通知書及申請人之身份證正副本。揀樓後，居屋銷售小組職員就會通知你所揀單位的首期訂金，並會給予合理時間讓申請人前往銀行購買本票，並在票上註明支付予「香港房屋委員會」便可完成落訂程序。

Q3︰首期訂金為多少？

首期訂金並沒有固定要度，你可以因應個人能力而決定支付多少，但白表申請人最少支付相等於所選購單位售價10%（綠表申請人為5%）的首期訂金。今次居屋單位中，最便宜的梅窩銀蔚苑單位需139萬元，綠表客的入場費就是6.95萬元，白表則為13.9萬元。最貴的彩虹彩興苑單位則需385萬，白表申請者最低首期就大約38.5萬元，綠表客則約19.3萬元。

Q4︰何時要找銀行承造按揭？

完成揀樓及支付首期的程序後，房委會會發出入伙紙，業主就可找銀行承造按揭，付清餘下樓價。房委會會在入伙前一段時間，發信通知業主支付餘下樓價的確實日期，根據過往經驗，居屋買家不需像私樓買家一樣，遵守一個月的成交期。

因為新居屋業主可獲房委會提供按揭擔保，故銀行審批會比較寬鬆，白表申請者一般可在沒有按揭保險的情況下做到最高9成、最長25年按揭還款期。

相關文章︰按揭風險提提你──按揭知識講堂(三)

Q5︰什麼時候可以轉售居屋？

關於日後居屋轉售的問題，由單位首次售出日起計的兩年內，居屋業主如欲出售單位，必須首先按轉讓契據內的指明定價將單位售回房委會。購樓時如獲得特別折扣優惠，有關金額也須於回售時退還給房委會。

至於單位首次售出3至5年後，業主就可按市價售予房委會，若房委會拒絕回購，業主可免補地價方式在「第二市場」出售，或補地價方式在「自由市場」出售。至於5年過後，房委會便不會再回購，業主可選擇在「第二市場」或「自由市場」出售。

想了解哪些銀行會接受承按？可以到房委會網站了解一吓。再提提你各大銀行開始加息，最好前往MoneyHero.com.hk按揭比較平台，比較埋各大銀行的按揭貸款利息差別，或者直接睇睇匯豐HSBC、東亞BEA、中銀、渣打、建行、交行等銀行嘅按揭計劃，隨時慳到筆傢俬費！

如果你想緊貼居屋揀樓情報，或其他與樓宇按揭相關的最新消息，就請留意我們的最新文章喇！

延伸閱讀︰按揭知識講堂（四）：解構三大按揭種類

The post 【6月攪珠】 居屋抽籤 揀樓5大 Q&A 2017（不斷更新） appeared first on 理財資訊.

去旅行之前一定唔少得要換 外幣 ，但究竟邊間銀行或找換店嘅匯率最抵？如果改用信用卡於海外簽賬會唔會更划算？係嘅話又應該用Visa、Master定係銀聯卡好呢？MoneyHero.com.hk今次就幫大家比較各大找換店同發卡機構的匯率和手續費，再選出5張去旅行必備的信用卡，為大家解答以上問題，幫大家慳多啲！（2017年6月更新資料）

去邊度兌換外幣好？

1）找換店

香港各區都有找換店，其中以中環百年最出名，但就長期排晒長龍。其實找換店選擇多的是，例如上環牛記、尖沙咀永恒、重慶大廈堅成和深水埗發達鳥找換店等店嘅匯率都相當唔錯，亦有喺網上列明當日最新匯率，大家換錢前可以上網格咗價再預約，咁就可以隨時以最抵匯價換外幣啦！

2）去銀行兌換

唔想排隊排餐懵，可以去銀行兌換外幣。香港銀行大多以現鈔價及電匯價（TT Rate）兌換外幣。現鈔價係指你去銀行直接用現金兌換外幣嘅匯價，而電匯價就係持有該銀行外幣戶口嘅客戶透過ebanking喺戶口內兌換外幣用嘅匯價。電匯價一般比現鈔價抵，但你要有該行嘅外幣戶口，然後再預約時間去銀行攞錢。如果你有高級理財戶口，匯率會更優惠，但要留意銀行通常只提供主要貨幣，而且每日提取外幣設有上限。

3）Travelex網上預訂

連銀行都唔得閒去？咁你可以到通濟隆Travelex官網預訂外幣，好處係有42種貨幣揀（連巴布亞新畿內亞「基那」、卡塔爾「利雅」同毛里求斯「盧比」都有！）除咗市區分店外仲可以直接去機場提取外幣現金，每次上網預訂最高金額為5萬港元（或等價外幣）。

4）TNG

最近本地電子錢包TNG推出咗實時全球匯款同外幣兌換服務，至尊會員可以經TNG兌換16種外幣，3日內於指定兌換店27間分店領取現鈔，手續費全免。

5）去外地換錢

有時去韓國、台灣等地旅遊，到當地至換外幣可能反而匯率更抵，不過如果急需現金，最方便快捷嘅方法係喺海外ATM提款喇！只要你喺出發前開通海外提款服務，就可以喺海外嘅自動櫃員機撳錢。兌換率一般以當日匯價計，可能冇找換店咁靚，而且要收手續費。想知更多，即睇：外遊必讀！海外 ATM 提款攻略。

（溫馨提示：計劃旅遊假期，記得要買旅遊保險！即上我們的比較平台選擇最適合你嘅旅遊保險！有Allied World、FWD同MSIG等不同計劃俾你揀，經我哋買仲有優惠添！）

用剩嘅外幣點處置好？

去完旅行，除咗有一大袋手信返香港外，通常手上仲有一大堆用唔晒嘅散銀硬幣。如果係冷門貨幣，你想換番做港幣可能都冇人要。不過想番做港紙其實都有以下選擇：

1）通濟隆Travelex

通濟隆Travelex有推出優越回購兌換率，只要你喺離港出境前到任何一間分店支付HK$40的費用，就可以憑優惠回購兌換率將外幣換做港元。按此查閱詳情。

2）Travelers Box外幣收集機

專門喺機場提供外幣零錢兌換服務嘅Travelers Box準備將服務擴展到香港，預計會喺今年年底前將3部外幣收集機引入香港機場。到時大家可以選擇將用剩嘅外幣匯到自己嘅PayPal/ 百度錢包戶口，亦可兌換成Starbucks、iTunes、H&M等商戶嘅禮品卡，甚至可以捐款俾慈善機構！

信用卡海外簽賬：應該用港幣俾定外幣簽賬？

人在海外始終唔方便帶咁多現金喺身，但碌卡時應該用外幣定港幣簽賬呢？首先你要知道，用外幣簽賬，每間發卡機構及銀行都會收取手續費。（見圖1）

（圖1）

發卡機構中以美國運通所收嘅手續費最高（2%），而Visa與MasterCard就收取1%，再加上各家銀行自己收取嘅手續費，加加埋埋就係1.75%至1.95%不等。

由於銀聯不設手續費，所以用銀聯卡會比較抵；但大家要留意番，用匯豐銀聯卡若非以港幣同人民幣交易嘅話，會有1%手續費，而恒生銀聯卡亦有1.2%手續費。

銀行一般會於交易完成2個工作天後根據當日匯率結算，即係話你要收到月結單嗰陣至知匯率同最尾結算嘅港幣總金額。如果銀行結算嗰陣，當地貨幣剛好下跌，你就可以用較抵嘅匯率找數，當然反之亦然。

至於以港幣入賬就係外地商戶即時幫你將外國貨幣轉做港幣，好處係一碌卡就即時知道簽賬額，不受匯率波動影響，但同時你亦要支付動態貨幣轉換（Dynamic Currency Conversion，簡稱DCC）服務的手續費（約3%-5%）。部分銀行更會收取跨境港幣交易手續費（一般為0.8%），都再加上用港幣交易就冇咗外幣簽賬優惠，所以海外簽賬都係用當地貨幣結算會比較划算。

邊間銀行、找換店同發卡機構匯率最好?

從上圖（圖2）可見，如要兌換日圓，以永隆銀行Rate最靚，而美元和歐羅則以百年同堅成匯率最抵。當然外幣匯率時有變動，呢幾間機構都未必係日日最抵嘅。想知即日最新匯率，可以參考TTRate.com或者銀行 / 找換店官網比較下先。

信用卡海外簽賬：銀聯匯率最抵

至於信用卡海外簽賬方面，Visa和MasterCard本身匯率不比找換店和銀聯差，只係加埋手續費後匯率就貴咗唔少，所以海外簽賬都係以銀聯卡嘅匯率最抵。如果你想查番信用卡機構嘅外幣兌換匯率，亦可以上去Visa、MasterCard同銀聯官網查番。不過，其實而家好多銀行都會推出現金回贈或積分獎賞優惠，只要比率夠高，都足以抵銷手續費，都唔一定要銀聯卡至用得嘅。如果各位擁有以下提到的外遊神卡，就記要多加使用！

海外購物必備信用卡：享盡海外簽賬優惠

1）匯豐信用卡

匯豐信用卡有最紅自主獎賞計劃，只要將額外「獎賞錢」分配去「賞中華」或「賞世界」海外簽賬類別，就可以輕易賺到6倍獎賞錢，計落已經有2.4%回贈或$2.78=1里優惠。而家匯豐更推出最紅旅遊優惠，由即日起至2017年12月31日，已登記用戶用匯豐信用卡於海外簽賬即賺多額外5倍「獎賞錢」，加上Visa Signature卡持卡人於「最紅自主獎賞」任何「簽賬類別」消費均可尊享的額外3X「獎賞錢」，計埋即是14倍積分！即使扣除Visa / MasterCard嘅1.95%手續費，匯豐卡嘅回贈仍然非常著數，所以去旅行記得要準備定張匯豐卡！

想了解更多匯豐信用卡詳情，可即按此。

2）富邦白金卡 / Titanium卡

去台灣旅遊就以富邦白金卡 / Titanium卡最著數。去一般國家簽賬可以賺到4倍積分，日韓兩國就有8倍積分，去台灣簽賬更有20倍積分！如以4倍積分計，即2%回贈（$3.75=1里），台灣嘅話就即係每$0.75=1里，即10%回贈，回贈比率非常之高！計番富邦本身海外簽賬手續費為1.85%，無論只去一般國家定係去台灣都有賺！想享有呢個優惠，就要記得於簽賬月份內打電話登記！

想了解更多富邦信用卡詳情，可即按此。

3）星展Eminent Card

憑DBS Eminent Card作任何外幣簽賬，均可享有無上限2%現金回贈，啱啱夠抵消1.95%海外交易手續費。而本地簽帳則可享無上限1%現金回贈。而家經MoneyHero.com.hk成功申請DBS Eminent Card，仲送你額外$200現金劵及$100現金獎賞！

4）東亞Flyer World信用卡

東亞Flyer World信用卡於海外簽賬有$5=1里優惠，而且喺迎新期內除咗簽滿$9,000即賺6,000里數外，如果同時申請埋東亞嘅自動轉賬支薪，並經至尊理財戶口支薪，每個月頭$10,000簽賬都有$4=1里數優惠，其後簽賬都可以每$5賺1里數，而且仲豁免獎分兌換里數手續費添！

5）渣打亞洲萬里通萬事達卡

渣打亞洲萬里通萬事達卡迎新期簽滿$7,500就有15,000里數，再簽多$30,000就可有多15,000里數，數即合共最多30,000里（優惠期由2017年3月1日至2017年6月30日）。之後食肆、網上及海外簽賬全年$4=1里數，仲要每個月自動幫你兌換里數同存入你嘅「亞洲萬里通」賬戶內，又唔收手續費，好適合用嚟儲里數！

海外簽賬就以上幾張卡最抵，不過上網訂廉航酒店的信用卡優惠又有不同玩法，想知道各大平價機票酒店網有乜折扣優惠或信用卡獎賞，即睇：10大 平價機票 酒店網2016！

想知道更多信用卡嘅優惠資訊？立即使用我哋嘅比較工具，搵出最適合你嘅信用卡！

——

延伸閱讀：【英鎊跌，掃貨好時機】8大 英國網購 店推介

延伸閱讀：【Asia Miles 換免費機票 攻略】最抵換旅遊熱點大搜查

記得留意我哋 MoneyHero.com.hk Blog，同埋緊貼我哋嘅 Facebook Page！

The post 外遊必讀！兌換 外幣 及海外簽賬攻略（2017年6月更新） appeared first on 理財資訊.

DBS Eminent Card一向主打現金回贈，不過上一輪優惠去到3月中就結束，之後有乜新搞作？DBS啱啱就公布咗一系列全新優惠！ 等MoneyHero.com.hk同大家率先介紹：(2017年6月1日更新)

(1) 全年禮遇：本地簽賬1%回贈，外幣簽賬2%現金回贈！

由即日起，DBS Eminent Card所有本地零售簽賬都可享1%現金回贈， 外幣簽賬更有2%現金回贈，足夠抵消外幣簽帳手續費！回贈不設上限，亦不設最低簽賬要求，無論簽幾多都有回贈，啱晒啲唔鐘意計數嘅朋友。回贈將會以DBS$存至你的DBS Eminent Card賬戶，再按你的選擇轉換為現金回贈、現金券或禮品。

(2) 迎新優惠：高達$1,000簽賬獎賞，經MoneyHero申請額外送$300 獎賞！

新客戶於2017年８月31日前成功申請DBS Eminent Card，首2個月內所有合資格零售簽賬均可獲額外5%現金回贈，上限$600，簽滿HK$12,000就可賺取$600。連同基本2%外幣簽帳回贈，整個迎新期可獲HK$840回贈！

而家經MoneyHero.com.hk申請，你仲可以享額外$300 獎賞，包括$100現金獎賞及$200現金劵！

(3) 其他禮遇

• 於The Grand Cinema購買逢星期五、六上映之戲票正價戲票，可享買一送一優惠，購買其他場次嘅2D正價戲票亦可享8折優惠
• 全港食肆簽賬3X DBS$（總計可享1.2%回贈）
• Visa Signature 專屬餐饗禮遇，包括多間酒店餐廳的買一送一優惠 ( 只限DBS Eminent Visa Signature Card）
• 每季簽滿HK$100,000，可享免費機場橋車接送一次 ( 只限DBS Eminent Visa Signature Card）

想知更多有關DBS Eminent 卡優惠詳情，請瀏覽DBS網站。

DBS Eminent Card 詳細資料

信用卡種類：Visa Signature / Visa Platinum
年薪要求：36萬 (Visa Signature) / 15萬 (Visa Platinum)
本地簽賬：1%回贈
外幣簽賬：2%回贈
外幣交易手續費：1.95%
網上繳費賬單積分/里數：沒有
八達通自動增值：1% 回贈
電子錢包增值：1% 回贈
自動轉賬繳交賬單：1% 回贈
積分有效期：永久
兌換里數手續費：每換5,000里數收$50，上限為$300

按此瀏覽更多星展銀行產品。

想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！

The post DBS Eminent Card 全新優惠：經本網申請尊享$1,140獎賞！ appeared first on 理財資訊.