每逢一年一度生日 ，唔少人都會為點樣慶祝而煩惱不己。不過，好在而家有唔少商戶都為壽星仔女推出 生日優惠，有免費自助餐、免費入場同購物折扣優惠等。MoneyHero.com.hk為大家搜羅2017年唔同類型嘅 生日優惠 ，幫大家慳錢之餘，又可以開開心心過生日！（2017年6月更新資料）

餐飲美食

1. 城景國際酒店：免費食海鮮自助餐

現凡出示城景國際Facebook專頁之自助晚餐優惠，惠顧即可享優惠價成人$398起，逢星期一至四惠顧，更享額外享「4人同行1人免費」優惠，生日客人當月惠顧更尊享免費自助晚餐，美食包括龍蝦、海膽、生蠔、鱈場蟹腳等。另外於6月17至18日父親節期間惠顧，每位父親可獲贈精美彩繪咖啡杯一隻。按此了更詳情及訂位。

2. 信和集團旗下酒店：免費食自助餐

信和薈會員只要憑會員卡就可以喺生日月份於信和集團旗下酒店（包括皇家太平洋酒店、城市花園酒店、香港黃金海岸酒店及港島太平洋酒店）享用免費自助晚餐一次（須攜同最少一位成人親友惠顧），詳情請瀏覽官方網站。想入會嘅朋友可以按此申請。

推廣期：即日起至另行通知為止

3. 嘉湖海逸酒店：生日之星住宿計劃

嘉湖海逸酒店推出嘅生日之星住宿計劃包括豪華客房住宿一晚、生日禮物一份、生日蛋糕、免費餐酒、45分鐘面部護理療程（1位）同紐約國際美食自助早餐。住客仲可以免費享用游泳池、健身室、桑拿浴、蒸氣浴、小朋友俱樂部同戶外遊樂場。收費為1,180/2位成人同$1,280/2位成人及1位小童。有興趣就要記得提早2日訂，不過留意番優惠不適用於6月2日，想了解詳情可以瀏覽官網。

推廣期：2017年1月1日至6月30日

4. The Mira Hong Kong：送汽酒+生日蛋糕

The Mira亦有推出生日優惠，生日之星可以喺生日一周內同朋友一齊去WHISK食晚餐，酒店就會送汽酒1杯及生日蛋糕1個。不過要留意番個優惠只適用於星期一至六（包括公眾假期）。大家有興趣嘅話記得要最少一日提早上官網預訂。

推廣期：即日起至另行通知為止

5. 銀鑛灣渡假酒店：2人住宿優惠

5月生日嘅客人凡入住梅窩銀鑛灣渡假酒店，就可以$888優惠價入住一晚雙人客房，仲可以享用雙人自助早餐、雙人半自助晚餐同生日蛋糕，加多$300仲可以升級至海景客房，但呢個優惠只適用於星期日至星期五。按此查閱詳情。

推廣期：2017年6月1日起至6月30日（6月2日除外）

6. 港島海逸君綽酒店：免費蛋糕及自助餐

港島海逸君綽酒店推出多重蛋糕優惠同生日優惠，包括：

4位或以上付全費之賓客於午市或晚市惠顧Le 188° 餐廳及酒廊、君綽軒、Harbour Grand Café咖啡廳或「和」日本料理用膳，即送生日蛋糕（1磅）1個。

6位或以上付全費之賓客於Harbour Grand Café咖啡廳惠顧自助午餐/晚餐、Le 188° 餐廳或酒廊惠顧半自助午餐，可享以下生日禮遇：

• 免費生日蛋糕（1磅）1個
• 免費汽水套餐/精選紅酒1支
• 生日賓客可享免費自助餐。

人數超過50人更送3磅免費蛋糕、食物8折、壽星免費自助餐同一晚免費套房住宿優惠。優惠6月30日到期，按此了解更多。

推廣期：即日起至2017年6月30日（6 月18日除外）

7. 8度海逸酒店：4人同行，生日壽星半價

最近8度海逸酒店推出咗「瀛味爐端燒」自助晚餐，有大蝦、和牛粒串、皇帝蟹腳、法國生蠔、鱆紅魚、三文魚、北寄貝、墨魚等刺身海鮮。而家只要4人同行惠顧自助晚餐，當月生日嘅壽星即享半價優惠或免費生日蛋糕一磅。

另外，憑渣打、匯豐、恒生等指定信用卡或上酒店網站預購，亦有高達8折優惠。按此了解詳情。

推廣期：由2017年4月1日起至6月30日

8. 香港珀麗酒店：生日壽星享免費自助晚餐

只要於生日月份與兩位以正價惠顧自助晚餐的嘅成人到香港珀麗酒店協奏坊西餐廳品嘗自助晚餐，一位「生日之星」就可以免費用餐，更可免費獲汽酒一支！酒店喺4月至6月推出咗「法·越 海鮮自助晚餐」，精選菜式包括包括香煎鴨肝、法式燒春雞、越式牛肉湯河粉及越南春卷等。按此了解優惠詳情。

推廣期：即日起至另行通知為止

9. 富豪九龍酒店：生日享免費自助餐、蛋糕+同行賓客8折

而家只要於生日月份惠顧富豪九龍酒店雅廊咖啡室，壽星就可享有以下禮遇，包括：免費自助午餐或自助晚餐、免費生日蛋糕以及同行之顧客享8折優惠。呢個優惠適用於4-12位同時惠顧，每4位同行，當中只限1位壽星而每枱最多3位壽星。有興趣就記得於2日前提早預訂，按此了解詳情。

推廣期：即日起至2017年6月30日

10. 半島酒店：生日享免費晚餐+生日蛋糕

壽星仔壽星女只要於生日月份惠顧半島酒店大堂茶座晚市套餐（每位HK$455）四位或以上，就即送免費套餐一客同生日蛋糕一個。有興趣就要記得提早3日訂座，同埋帶備出生日期證明，但優惠不適用於6月18日。按此了解優惠詳情。

推廣期：即日起至2017年12月30日

11. 九龍海逸君綽酒店：免費生日蛋糕

凡2位或以上惠顧爐端燒日本餐廳, 水雲間及扒房晚膳，或4位或以上惠顧The Promenade餐廳晚膳，即送壽星仔女生日蛋糕一個，有興趣嘅朋友須於兩天前預訂，按此了解詳情。

推廣期：即日起至另行通知為止

消閒生活

1. 中華書局：生日送$90現金券

適逢中華書局90周年，佢哋特意推出生日優惠慶賀！只要你嘅生日符合指定日子（今個月嘅特選日子係6月6日及19日），然後於生日當日向中華書局門市出示身份證，就可以領取$90現金券，仲可以免費登記做中華書局PLUS會員添！按此了解詳情。

優惠期：2017年1月1日至12月31日

2. 中國移動：生日月買手機或配件送高達$100折扣優惠

中國移動指定服務計劃客戶只要於生日當月到CMHK門市買手機或配件滿指定金額，就可以享有高達$100嘅額外折扣，仲可以得到200cm Micro USB傳輸線或iPhone 6/ 6 Plus/ 7/ 7 Plus玻璃貼連手機保護殼或者First Champion旅行充電器。按此了解詳情。

中國移動生日獎賞：

• 購買$5,000或以上手機 額外$100折扣
• 購買$2,000-$4,999之手機 額外$50折扣
• 購買$500或以上配件 額外$100折扣
• 購買$300-$499之配件 額外$50折扣

優惠期：由即日起至另行通知

3. csl：生日trade-in 手機收$500利是

Csl客戶只要於生日月份Trade-In 指定手機，就可享有Trade-In最高價保證，即係話你得到嘅Trade-in價會比專門店或專櫃當日所列出之回收價Trade-in指定手機/平板電腦多額外$500。呢個優惠適用於Trade-in手機/平板電腦並同時購買建議零售價$2,000以上之手機上台或淨手機/平板電腦(不適用於任何小米手機或Apple產品)。按此了解優惠詳情。

優惠期：由即日起至另行通知

4. K-Studio：惠顧指定攝影套餐享高達$500折扣

K-Studio推出嘅6月生日優惠，為生日壽星提供$100-$500嘅攝影套餐折扣。優惠適用於小朋友造型攝影套餐、初生BB 攝影套餐、家庭攝影套餐、孕媽媽攝影套餐同個人/情侶/團體攝影套餐。按此了解優惠詳情。

優惠期：由即日起至另行通知

優閒娛樂

1. Bounce室內彈床樂園：免費玩一節

位於九龍灣國際展貿中心EMAX嘅Bounce，場內設有80多張互相連接嘅彈床，平時收費為每節一小時$150-$170，不過最近就推出咗個生日優惠，只要你喺生日當日或前後3日內去Bounce就可以免費入場跳一節。不過壽星要帶至少一位朋友同行買正價入場票至可以享受呢個優惠。按此了解詳情。

優惠期：由即日起至另行通知

2. 海洋公園：生日免費入場

海洋公園入場門票由3月1日起加價至$438。唔想捱貴飛，不如等生日至入場，只要喺海洋公園票務部出示香港身分證明文件或香港出生證明書，就可以喺生日當日日間免費遊覽海洋公園架喇！詳情請瀏覽官方網站。

優惠期：由即日起至另行通知

3. 香港杜莎夫人蠟像館：免費入場+同行親友門票半價

踏入2017年，香港杜莎夫人蠟像館將「生日之星」嘅優惠禮遇升級！由即日起至2017年12月31日，香港市民只要喺生日當日、前一星期或後一星期到蠟像館正門售票處購票時出示身分證，就可以免費入場一次！同行3位親友更可享正價門票半價優惠添！詳情請瀏覽官方網站。

優惠期：由即日起至2017年12月31日

4. Trick Eye特麗愛3D館：生日免費入場

香港居民可以喺生日正日免費入Trick Eye特麗愛3D館玩一次！你只要到時出示香港居民身份證，Trick Eye就會請你免費入場，你更可以參與活動額外得到免費門票！你只要於售票處手持Trick Eye嘅巨型生日卡影相，再上載至個人社交平台(Facebook或Instagram)並標註 #trickeyebday就可以得到額外門票。所贈之免費門票有效期為三個月，但唔可以即日使用。詳情請瀏覽官方網站。

優惠期：2017年3月1日起至另行通知

5. Neway（創興、灣仔英皇CEO、沙田富豪、元朗合益、安達CEO同港晶）

Neway旗下好幾間分店都有生日優惠，其中安達CEO同港晶Neway就規定生日之星要係會員至有優惠，可以喺生日月份賺取1.5倍K FUN積分同會員人頭費95折優惠等。另外，元朗合益仲會送全房贈送蟠桃壽包添！ 即上官網了解優惠詳情。

優惠期：由即日起至另行通知

6. 挪亞方舟：免費入場+同行親友半價

挪亞FUN分CLUB會員一入會就可以免費換領即日門票換票券乙張，而且全年買飛都有8折優惠。如果喺生日月份去挪亞方舟，唔單止可以免費入場，而且同行一位親友仲有半價門票優惠添！拍攝香港挪亞方舟紀念照片，第二至四張亦有半價優惠。仲有，喺豐盛閣餐廳食自助晚餐仲會免費送1磅生日蛋糕乙個（須預約）！瀏覽官方網站了解詳情。

優惠期：由即日起至另行通知

7. Magical World 奇幻館：生日購票買一送一!

Magical World奇幻館以迪士尼同漫威為主題，雲集家傳戶曉嘅迪士尼卡通人物，除咗夜光迪士尼畫區外，亦設有漫威漫畫、星球大戰、冰雪奇緣同反斗奇兵等專區。館內不同主題區域加入聲效、氣味同光效，營造4D體驗。而家凡於生日正日、前1天或後1天內到奇幻館，並出示有效證明文件，即送免費入場券一張。按此了解詳倩。

優惠期：由即日起至另行通知

旅遊交通

1. 金光飛航：價惠價購買標準艙來回套票

如果你想得閒過澳門玩下，就要留意呢個優惠喇！由2017年1月1日至2017年12月31日，旅客如果喺生日月份購買生日當月嘅金光飛航市區航線標準艙或頭等艙成人正價單程船票，即可享受標準艙來回套票（每套港幣/澳門幣248元），或者頭等艙來回套票（每套港幣/澳門幣448元）。每人每次最多可買2套來回優惠船票，每7天享受優惠一次。詳情請瀏覽官方網站。

優惠期：由2017年1月1日至2017年12月31日

2. 香港航空：生日登機免費入貴賓室

唔少人都會選擇生日去外地慶生，所以香港航空為生日登機嘅旅客預備貼心服務！只要在生日當天於Sweeten You Up Counter 辦理登機，即可獲贈生日登機證封套、生日襟章、朱古力禮盒，仲可以優先登機，並可帶同兩位同行旅客一同享用香港航空貴賓室「紫荊堂」，貴賓室會為生日旅客送上「即影即有」相片服務。更特別嘅係，你會收到由一張生日卡，機師及機組人員親自簽名及寫上生日祝福，別具心思！按此瀏覽詳情。

信用卡生日優惠

1. Mastercard 萬事達卡：香港萬麗海景酒店- 生日餐飲禮遇

滿福樓

Mastercard 持卡人（包括渣打亞洲萬里通萬事達卡同東亞Flyer World萬事達卡）可於香港萬麗海景酒店嘅滿福樓獲得以下生日禮遇，包括同4至5 位好友慶祝生日就獲送兩磅裝生日蛋糕一個，如果同 6 位以上好友同行仲會額外獲贈汽酒一瓶。

萬麗咖啡室

Mastercard 持卡人（包括渣打亞洲萬里通萬事達卡同東亞Flyer World萬事達卡）可以於香港萬麗海景酒店萬麗咖啡室享有以下生日優惠，包括：

• 共用自助午餐9折優惠及自助晚餐 85 折優惠。
• 與四至五位客人慶祝生日可獲贈精美生日蛋糕一客。
• 與六位以上好友共同慶祝還可獲贈一瓶汽酒。

推廣期：2017年1月1日至2017年12月31日

2. Citi Rewards信用卡：生日月份獲8X積分

Citi Rewards信用卡用戶只要喺生日月份於本地超級市場、百貨公司或電訊公司簽賬，就可以獲得8X積分，即係每使$1就有8分！參加商戶包括百佳、惠康、吉之島、一田、SOGO、有線同香港寬頻等等。

推廣期：2016年12月1日至另行通知

（小編按：其實呢張卡平時消費都有2%回贈，去超市、百貨公司同電訊公司簽賬都有5X積分，如果你成日去呢以上地方消費，咁呢張卡就好啱你！）

想了解更多Citi信用卡詳情，請即按此。

3. 匯豐信用卡：各大酒店享生日禮遇

匯豐白金卡或以上之信用卡（包括匯豐Visa Signature卡及匯豐白金Visa卡）用戶只需出示銀行發出嘅 生日優惠 券就可以喺港麗酒店、國金軒、凱悅酒店、JW萬豪酒店同九龍香格里拉大酒店等商戶享受生日優惠，例如免費生日蛋糕和食品折扣等優惠。按此了解詳情。

優惠期：由2017年1月1日至2017年12月31日（惟個別日子不適用）

4. 大新信用卡

大新銀行信用卡客戶可尊享特別生日禮遇，包括半價投保及定存特高年利率等！此外，客戶亦可以於生日月份免費享用護膚療程及免費護膚套裝，去帝京酒店花月庭食自助晚餐都有8折優惠！按此查閱詳情。

優惠期：由2017年1月1日至2017年12月31日

想了解更多大新信用卡詳情，請即按此。

想知道更多信用卡嘅優惠資訊？立即使用我哋嘅比較工具，搵出最適合你嘅信用卡！

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 壽星有著數！2017 生日優惠 大搜羅（2017年6月更新） appeared first on 理財資訊.

邊個話 大學生 就好難擁有一張「好使好用」嘅信用卡？用嚟用去都係大學生聯營卡，係時候俾自己多啲選擇！MoneyHero.com.hk嚴選咗5張 大學生 必備嘅信用卡，由優惠折扣、現金回贈到迎新禮品、甚至獨家優惠都一一為你詳細比較！等大家踏入社會大學之前，就學識精明使用信用卡！（2017年6月更新資料）

5大學生信用卡優惠比較

*簽賬要求請參考內文

1）安信WeWa 普通卡

現金回贈

大學生走堂、放學或者完咗個大Project，約埋成班同學去食飯、睇戲、唱K，甚至Plan 埋個sem break旅行，都咪話唔爽！ WeWa 卡比你於「旅遊」、「戲院」、「卡拉OK」、「主題公園」商戶類別每消費HK$250，回贈HK$10（即4%現金回贈）；其他商戶類別每消費HK$250回贈HK$1，值得留意。

低門檻抽獎

好多信用卡通常都需要你簽帳滿幾千幾萬先會有獎品，WeWa 卡只需要你單一簽賬滿HK$400或以上，就可以喺WeWa Card手機app玩一次「一Shake即中」大抽獎，100%必中獎，獎品價值由HK$20至HK$10,000(單一簽賬免找數優惠之上限)不等。

迎新禮品

即日起至2017年6月30日(包括首尾兩日)透過MoneyHero申請先享HK$100超市禮券+HK$200現金回贈，再於90日內簽賬滿HK$8,500，再送HK$500現金回贈或Fitbit ALTA 健身手環或蔡司VR One Plus虛擬實境頭戴式顯示眼鏡，三選一，約埋班樓友打機、做運動啱晒！

申請門檻

任何大學或大專全日制學生，只需提供學生證都可以申請。

2）花旗Citi Clear Student Card

網購／代購之選

聽過唔少大學生都鍾意成班人約埋一齊網購（Share運費呀嘛！），仲有部分鍾意搞下小生意做網上代購。呢張卡嘅好處就係所有網上外幣簽賬享2%現金回贈，仲有獨家網購及送貨優惠低至8折！

用開淘寶嘅話，集運對你嚟講應該唔陌生，憑呢張卡就可以係DimBuy享有運費優惠9折，一年入面用咁多次集運，慳慳埋埋都唔少。

鍾意係英美網站Online Shopping嘅話，憑呢張卡就可以係Borderlinx享有免費美國及英國網上商店代購服務、低至8折運費優惠，以及免費包裹整合及重新包裝服務。

延伸閱讀︰淘寶達人必睇：10大 集運 公司大比併

睇戲之選

大學生轉堂、放學嘅時候，最興就係去下睇戲，憑卡係Cinema City朗豪坊買戲飛都享有優惠，包括正價戲票9折、週五至日3D/2D戲票買1送1。做學生好自然想慳得就慳，睇戲有折扣又可以慳番筆！

迎新禮品

迎新禮品方面，發卡後首2個月內累積認可簽賬滿 HK$10,000或以上，即送8張Cinema City朗豪坊換票證（總值HK$800） 或簽賬滿HK$15,000或以上送American Tourister Bon Air 75厘米四輪行李箱。最低簽賬滿HK$2500 已經可以換到兩張戲飛（總值HK$200）。而家經MoneyHero.com.hk申請，獨家送額外HK$100惠康超市禮券。

申請門檻

任何大學或大專全日制學生，只需提供學生證都可以申請

3）恒生enJoy卡

ReU / 住Hall之選

大學生每年都有一大堆ReU等住去，過莊飯、Ocamp聚會飯、開Sem飯，完Sem飯、Project Mate飯⋯⋯呢張卡一定啱哂成日ReU嘅你！因為憑恒生enJoy卡喺超過2,300間商舖可以獨享全年折扣優惠，仲可以賺2X enJoy Dollars！食肆「特約商戶」包括有美心集團、Starbucks、Pizza Hut、元氣寿司、千両、丼丼屋、一風堂、COVA Caffè-Ristorante、魚尚及香港怡東酒店等等，啱哂一大班Friend去食！

住Hall嘅話，成日要買啲家居日用品，憑卡係惠康、7-Eleven、宜家家居及萬寧等消費，都有唔同折扣優惠。咁聽落，喺咁多唔同地方可以儲到enJoy Dollars，話咁快換到餐飯番嚟！

旅行 / 網購之選

2X enJoy Dollars都仲未夠？鍾意去旅行或者網購嘅話，呢張卡嘅全年3X Cash Dollars獎賞就一定唔可以錯過！只要由即日至2017年12月31日，成功登記後，憑卡作以下交易，就可以賺取 3X enJoy Dollars：

1）於海外以外幣簽賬或現金透支；
2）以港幣或外幣付款之網上交易；
3）於本地商戶以免息分期付款購物之每項淨值滿$5,000或以上之交易。

迎新禮品

講到迎新禮遇，呢張一啲都唔輸蝕，係2017年12月31日或之前申請，即送你$4,000「特約商戶」優惠券以及$300 enJoy Dollars + $200 enJoy Dollars網上申請額外獎賞，申請埋附屬卡仲可獲額外$50 enJoy Dollars。

申請門檻

本身係有年薪要求，只要出示到學生證就可以申請（任何大學或大專全日制學生）。

4）東亞i-Titanium卡

睇戲之選

除咗啱啱Citi張Clear卡之外，呢張東亞卡仲囊括埋UA院線優惠，憑卡享有每天正價戲票9折（包括2D、3D、IMAX、全景聲版及VIP影院戲票），而且可以係戲院售票處優先購票專櫃，同埋以優惠價$28購買32安士爆谷1客，啱晒鍾意霸靚位同食爆谷嘅你！唔止唔止，去MCL院線（The Grand Cinemas 除外）以及星影匯買飛，都可享正價戲票9折。

現金回贈之選

呢張卡係網上購物賺取現金回贈方面絕對不錯，鍾意網上購物嘅就要留意喇，用呢張卡每月累積零售簽賬逹HK$1,800，可享3% i-dollar回贈，鐘意上莊搞活動、上網買物資嘅學生絕對唔好錯過！而其他零售簽賬就有$250 = $1現金回贈。

迎新禮品

由即日至2017年12月31日，於發卡後首2個月簽賬滿$1,500，就可免費換領UA院線電影禮劵 2 張 （總值 : 高達 $210）。

申請門檻

任何大學或大專全日制學生，只需提供學生證都可以申請。

5）大新ONE+ 信用卡

現金回贈之選

有無諗過，做學生都可以有張信用卡比你自動增值八達通，再賺埋現金回贈！憑大新ONE+信用卡，喺任何本地或海外商戶之零售簽賬、現金透支及「八達通自動增值」服務，都可以有1%現金回贈，而且回贈金額不設上限。

嫌1%唔夠？其實呢張卡仲有個5% MasterCard®樂遊賞獎勵，有本地、海外及網上多達300個國際品牌及1,000間商戶俾你選擇，自動賺取5%獎勵，以兌換各種商戶禮券，而且獎勵不設上限。配合埋上面個1%，隨時賺5+1%！

迎新優惠

既然呢張卡賣點係現金回贈，迎新優惠都自然配合一下！成功申請並於發卡後首4個月內之每個月份簽賬滿HK$3,000或以上，可於該月獲取額外4%現金回贈。每月之回贈上限為HK$250，4個月之最高回贈上限即為HK$1,000。另外仲有分期付款優惠，持卡人可以0.15%特低每月手續費享有「開心消費分期」計劃，仲可獲「e+保•全方位網購保」3個月免費體驗，推廣期由即日起至2017年12月31日止。

申請門檻

本身係有年薪要求，不過你出示到學生証就可以申請（任何大學或大專全日制學生）。

想知道更多信用卡嘅優惠資訊？立即使用我哋嘅信用卡比較平台，搵出最適合你嘅信用卡！

——

延伸閱讀：大學生必用！5大最佳 Fresh Grad 信用卡

延伸閱讀：【聽歌必備】5大香港 音樂串流 Apps大比拼

想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！

The post 【入U即申請】嚴選 5張大學生 必備信用卡（2017年6月更新） appeared first on 理財資訊.

欠卡數當然不可取，但如果你已經欠落一大筆卡數，再搵到一個最合適嘅還款方式，其實咁都係一種亡羊補牢嘅妥善理財方法。面對一大筆卡數，好多人會諗到做 債務重組 ，但其實部份人唔識區分 債務重組 同結餘轉戶（俗稱清卡數）之間嘅差異，以致未能選擇最適合自己嘅債務處理方式。不如就等MoneyHero.com.hk幫大家理清到底什麼是債務重組啦！

好多人以為自己有債務係因為未能準時還卡數，令利率急升，無力歸還，然後就諗住去做債務重組，但債務重組其實唔係字面意思咁簡單，如果你只係唔夠錢還卡數，其實最應該做嘅係做結餘轉戶，唔單止每月還嘅錢都少咗，你嘅信貸評級受嘅影響都唔會咁大。

去到真係要做債務重組，你嘅財政狀況已經進入比較差嘅階段，無法或無法履行償還債務責任，而由會計、法律等專業人士為你製作的符合你同債權人利益嘅還款方案，就係債務重組。對比起破產，債務重組嘅好處就係唔會有破產記錄，你可以保留自己嘅銀行戶口，但壞處就係你嘅欠債需要全數還清，而破產只要等破產期一過，你嘅欠債就會一筆勾消。而就算債務重組，其實都分為幾種。

個人自願安排計劃（Individual Voluntary Arrangement, IVA）

個人自願安排計劃（簡稱 IVA）可以避免正式破產，所以欠款人唔會受破產條例所限制，亦唔會有破產身份或記錄，令部分欠款人就算任職敏感行業都可以繼續工作，而畀債權人嘅利息都會大幅減少，所有債務會定息定額還款。

而除咗卡數以外，你拖欠嘅銀行私人貸款、財務公司貸款、結餘轉戶貸款、儲蓄互助社貸款、學生資助貸款、稅項、商業貸款等，都係IVA嘅幅蓋範圍。通常償還卡數都會首先試吓結餘轉戶貸款，很多銀行或財務公司（花旗Citibank、東亞BEA、亞州聯合財務UA、WeLend）都有提供呢類貸款，到咗真係還唔到，先會考慮申請IVA。雖然IVA會影響信貸評級，但一定比繼續拖欠貸款或申請破產好，而你嘅其他欠款，亦可以同時經IVA處理。想更深入了解結餘轉戶？立即睇︰【認識 結餘轉戶】清卡數貸款到底慳幾多利息？

IVA需要尋找代名人向債權人提出償還債項建議，然後經過法庭聆訊及頒佈臨時命令，還款安排亦一定需要經過代名人。一般黎講，都係適合有較穩定收入，欠債又去到月薪十幾倍嘅人士，雖然話IVA可以令人唔使破產，不過如果你從事某些行業，例如金融業或紀律部隊，你嘅僱主都會「被通知」，知道你申請咗IVA，所以IVA都係無辦法中嘅辦法。

債務舒緩計劃（Debt Relief Planning, DRP）

債務舒緩計劃（簡稱DRP）算係IVA嘅簡化版，最重要嘅分別係唔需透過法律程序，申請費用同時間都唔需要咁多，如果你嘅債權人比較多，就可以向個別債權人獨立提交還款建議，商討出一個對雙方都有利嘅協議，然後就直接還款畀唔同嘅債權人，而唔使好似IVA咁由代名人安排。

而比DRP更直接方便嘅，就係IDRP（Interbank Debt Relief Planning），即牽頭式債務舒緩計劃，兩者最大分別就係IDRP係同最大債權人商談還款方法嘅綜合債務舒緩計劃。在整個過程中，你只需要同最大債權人傾好還款方案，而當其他債權人亦同意此方案，最大債權人便會統一欠債人之所有欠款，之後你只需要跟據議案上之還款方法，以定息定額之形式，每月攤還所有款項給這最大債權人就可以，唔使同其他債權人個別談判，手續更為簡單。

就算債務重組有幾方便，大家都要記住，最重要都係量入為出，盡量節制消費。即使真係有資金需要，都盡量去私人貸款比較平台，貨比三家，咁就唔需要去到債務重組依個階段喇！

延伸閱讀︰低息一定抵？睇「實際年利率（APR）」最實際！

——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【貸款學堂】還卡數應做「結餘轉戶」定「 債務重組 」？ appeared first on 理財資訊.

香港最多人儲嘅飛行里數計劃莫過於亞洲萬里通（Asia Miles），儲Asia Miles嘅信用卡近來賣到成行成市，幾乎人手一張。之不過，市面上其實仲有好多其他儲里數計劃，例如ANA里數、英航里數(Avios)等。MoneyHero.com.hk就同大家比較下3大里數計劃特點、儲里數途徑以及兌換機票所需里數。

亞洲萬里通Asia Miles：里數最易儲

在眾多飛行里數計劃之中，Asia Miles係最容易儲嘅一個，但兌換機票所需嘅里數亦比較多。Asia Miles獎勵機票嘅航點遍佈世界各地，佢嘅最大好處係一套機票可前往多個目的地而唔使額外里數（例如一套30,000里數的機票可以一併前往日本及韓國），因此非常適合長途旅行。

優點：

1) 香港極多信用卡可以儲到Asia Miles，而且兌換率高達$3 = 1里。（詳情：Asia Miles / Avios / ANA 信用卡儲里數攻略 ）

2) Asia Miles 同香港多間商戶合作，喺呢啲商戶消費便可賺取里數。

3) 可在同一區域內安排多個航段，唔使額外里數。

缺點

1) 整體而言，兌換機票所需里數較其他里數計劃高。

2) 由於儲Asia Miles嘅人愈來愈多，熱門航點嘅機票較難兌換。

3)不設家庭帳戶，里數轉贈費用昂貴。

Avios (英航Executive Club)：9,000里飛台灣

9,000里飛台灣，15,000里飛沖繩，39,000里就可以飛倫敦！英航航空嘅Avios里數計劃嘅吸引之處在於可以用較少里數兌換獎勵機票。但留意番，如果你主要用信用卡儲里數，Avios其實難儲過Asia Miles。仲有，Avios係逐個航段計里數，如果搭多過2程機就冇Asia Miles咁抵喇。

好多人覺得Asia Miles換機票最大問題，係好難同屋企人一齊去旅行（因為通常剩係夠分換自己張機票），同埋一個人儲要儲好耐，而英航里數計劃可以俾大家開設「家庭帳戶」，可以同住嘅家人一齊儲積分，令儲里數進度加倍！

優點：

1）兌換好多熱門航點機票的所需里數較少，好快換到機票。

2）可設立家庭帳戶，一家人用同一個Account 儲里數。

缺點

1) Avios嘅獎勵機票以每段航程單獨計算所需里數，較適合「點對點」的短途旅行。（詳見下文介紹）

2) 喺香港用信用卡儲Avios最多都係$6=1里數，唔及Asia Miles儲得多。（詳情：Asia Miles / Avios / ANA 信用卡儲里數攻略 ）

ANA里程俱樂部 (ANA Mileage Club)： 飛日本首選

ANA里程計劃係好多日本迷既首選，先唔講ANA係大部分人心目中既No.1日本航空公司地位，最重要嘅係 — 只需17,000里就可以換到一張淡季ANA來回日本機票！而平日同旺季分別要20,000里數同23,000里數。有趣之處係佢將4月櫻花季節列為淡季，17,000里就可以飛去日本睇櫻花，很想要吧？

ANA里程計劃同Avios一樣都設有家庭計劃，不過ANA既條款更為寬鬆，只需要1,000里數就可以將親人嘅里數合併埋一齊，連近親（如表兄弟姊妹）都可以合併，只要5個親人去一轉東京，就可以賺返一張日本來回機票啦！

優點：

1) 17000里數換到ANA淡季日本機票（包括北海道），係全部里數計劃之中至抵。

2) 提供家族會員服務，可合併全家人嘅里數。

3) ANA里數計劃屬於Star Alliance，Star Alliance嘅里數比較少人儲，出機票相對較容易。

缺點：

1) 獎勵機票嘅目的地選擇較少，大部分人主要都係換日本機票。

2) 香港好少信用卡儲到ANA里數。

如果想知以上3個計劃點樣儲里數最快，請參考呢篇文章。

睇完3個飛行里數嘅優劣之處，有個基本概念之後，小編知道你實想睇埋各個計劃可以搭咩航空公司、有冇得轉機及多點停留、里數有效期等等，所以整理咗個表俾大家參考︰

香港常見的飛行里數計劃比較

——

里數兌換表（經濟艙 – 基本來回）

上文提過，用Asia Miles、Avios、ANA里數兌換機票，所需里數各有不同，部分目的地嘅里數差距仲非常明顯，所以揀個啱嘅里數計劃好重要！我哋整理咗一個里數兌換表，方便大家Check下唔同計劃及唔同目的地嘅所需里數：

註：
* 用Asia Miles換歐洲機票雖然唔係最平，但Asia Miles換嘅機票可以有2次停站+1次Open Jaw，可以飛多幾個歐洲國家！
** 39,000里數飛倫敦係off-peak 日子先有，英航嘅off-peak 日子可以按此查詢。
^ Avios同ANA都可以用20,000里數飛北京，不過Avios可以換國泰但ANA剩係換到國航，相信大家都傾向揀前者吧！

兌換多站機票 里數計算方法

上表列出咗往返一個目的地嘅所需里數，不過好多人去旅行唔只想去一個地方，咁啲里數又點計？立即睇睇 Asia Miles 、Avios 、ANA換機票嘅各種限制：

Asia Miles 獎勵機票

一套獎勵機票容許目的地以外有2次停站 (Stopover) + 1次缺口行程 (Open Jaw) + 2次轉機（停留不多於24小時） ，大家可以藉此遊覽多個目的地，而Asia Miles剩係會 Charge 你一次里數。

例子：
香港HKG =>東京NRT (Stopover)
東京NRT=> 札幌CTS (Stopover)
札幌CTS =>台北TPE (Open Jaw)
高雄KHH =>香港HKG

以上例子中嘅行程最遠係去北海道 (30,000里數)，所以成套機票用Asia Miles換只需要30,000里數。相反，如果你剩係飛香港<=>北海道都係收你30,000里數。目的地可以自由配搭，大家可以上亞洲萬里通網站計算旅程的所需里數。

Avios 獎勵機票

獎勵機票Avios嘅獎勵機票唔包Stopover同轉機，剩係可以Open Jaw。換句話說，如果好似上面例子咁玩法，Avios會每一程計算里數。

例子：
香港HKG =>東京NRT – 10,000 Avios
東京NRT=> 札幌CTS – 7,500 Avios
札幌CTS =>福岡FUK – 10,000Avios
福岡FUK =>香港HKG – 10,000Avios
總計：37,500Avios

結論：Avios比較啱單個目的地來回。

ANA 獎勵機票

如果選搭ANA航班，一套機票就可以有2次停站或缺口行程＋2次轉機，比Asia Miles少一次，但都可以去到3個地方，對好多人而言都幾夠用。如果一次過去3個日本城市，總計都只需17,000里數。

（溫馨提示：換到機票係開心，買埋份又抵又適合你嘅旅遊保險就更安心啦！而家即上我們的旅遊保險比較平台選擇最適合你嘅旅遊保險！有Starr、FWD同MSIG等不同計劃俾你揀，經我哋買仲有優惠添！）

延伸閱讀：Asia Miles / Avios / ANA 儲里數途徑+信用卡攻略

相關文章︰【飛行里數攻略】 Fortune Wings Club Vs Asia Miles 邊個儲里數快啲？

相關文章︰【飛行里數攻略】 儲里數 /換機票10大常見問題
——

想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！

The post Asia Miles / Avios / ANA 3大里數計劃比較（附里數兌換表） appeared first on 理財資訊.

前篇文章我哋比較咗Asia Miles、Avios、ANA 3大飛行里數計劃的優劣之處，呢篇就係時候進入實戰階段，了解埋各個計劃點樣 儲里數 ！原來平時搭咩機、去邊度消費、住咩酒店，甚至用邊張信用卡，都可以好影響你嘅 儲里數 速度。為咗令大家更有效率咁 儲里數 ，MoneyHero.com.hk 為大家詳細介紹3大計劃嘅儲里數途徑，以及邊張信用卡儲得最快！

賺取 Asia Miles 亞洲萬里通里數方法

1）乘搭夥伴航空公司航班

亞洲萬里通的夥伴航空公司主要為寰宇一家（One World）成員，但現今與星空聯盟及其他聯盟的航空公司亦有合作關係，會員只要凡乘搭以下航空公司的航班，並於辦理登機手續時出示會員卡，即可賺取亞洲萬里通里數：

上表只列出咗香港人比較常搭嘅航空公司，完整列表可按此查看。你亦可以使用Asia Miles的飛行里數計算器，計算每段航程可賺取的里數。

2）日常信用卡消費

用指定信用卡作任何零售簽帳，亦可以賺取Asia Miles。小編推介以下亞洲萬里通里數信用卡：

渣打亞洲萬里通萬事達卡

迎新里數回贈全港No.1嘅信用卡，相信唔使多介紹喇！全新客戶首2個月內可享首HK$7,500簽賬HK$0.5 = 1里數優惠 (HK$7,500 = 15,000里數)，其後之HK$30,000簽賬享HK$2 = 1里數優惠 (HK$30,000 = 15,000里數)，合共30,000里數，足夠換到一套日本/韓國來回機票喇！平時食肆、網上及海外簽賬類別之合資格簽賬均可享$4=1里數，其他合資格簽帳HK$6 = 1里數。記得用呢張卡申請埋八達通自動增值，咁以後嘟八達通都賺到里數！而家經MoneyHero.com.hk成功申請，仲獨家送你額外$200萬寧／惠康現金劵！(優惠期至2017年6月30日)

按此了解其他渣打信用卡詳情。

美國運通國泰航空尊尚信用卡

外幣簽帳 $4=1里數，本地簽賬$6=1里數。不過最特別嘅係佢嘅「尊尚待遇」 ——基本卡及附屬卡卡主可以全年無限次享用環亞機場貴賓候機室，而基本卡卡主更會獲贈Priority Pass 會籍，每年可以享用全球逾850所機場貴賓室4次，仲送埋Marco Polo Club綠卡會籍，搭國泰可享優先check in同登機等會員專有權益，啱晒經常旅遊或出外公幹的人士，年薪夠$300,000就申請到喇！

迎新優惠方面，網上成功申請先送1,000 「亞洲萬里通」里數，首3個月本地同海外簽賬分別有$5＝1里和$3＝1里優惠，簽賬滿$5,000，額外送5,000里數，即係簽$5,000賺6,000里數！而家經MoneyHero.com.hk成功申請，仲獨家送你額外2,000里數及$100萬寧／惠康現金劵！(優惠期至2017年7月31日)

按此了解其他美國運通信用卡詳情。

東亞銀行Flyer World萬事達卡

呢張卡無論本地簽帳、海外簽賬通通都係$5=1里數！雖說網上簽賬同食肆簽賬都仲係 渣打亞洲萬里通萬事達卡 最抵，但普通行街shopping，賣下衫褲鞋襪呢類本地零售簽賬，呢張就至抵用！更難得係網上繳費都有得儲里數（$5=1里；7月1日起$8=1里），可以用嚟交水電煤費等（唔包括繳稅、保險及學費）。

迎新優惠方面，新客戶每簽$1.5 即賺1里，只要喺頭2個月簽滿$9,000，就賺到6,000「亞洲萬里通」里數。

按此了解其他東亞信用卡詳情。

除咗以上3張，香港仲有好多可以儲Asia Miles嘅信用卡，想知可以睇埋MoneyHero里數信用卡比較頁面。

延伸閱讀︰Asia Miles/Avios/ANA 3大里數計劃比較 2017（附里數兌換表）

3）指定商戶消費

亞洲萬里通同多間大型商戶合作，只要喺指定商戶消費並出示會員卡，即可獲得里數回贈！常見商戶包括：

留意番，商戶回贈同信用卡回贈係可以一齊賺，例如你喺Hotels.com 訂酒店用咗HK$2,000，並用渣打亞洲萬里通萬事達卡找數，你會從Hotels.com賺得400里數（HK$10 = 2里數），同時從渣打亞洲萬里通萬事達卡的網上簽帳類別（HK$4=1里數）賺得500里數，合共可獲900里數！

除咗上述商戶之外，喺指定餐廳食飯／預訂指定集團之酒店住宿都可以賺取飛行里數，餐廳名單可按此瀏覽，酒店名單可按此瀏覽。

延伸閱讀：【Asia Miles里數攻略】10個你未必知的儲里數方法

賺取Avios英航里數方法

1）乘搭夥伴航空公司航班

英航Executive Club的夥伴航空公司主要為寰宇一家（One World）成員，會員只要凡寰宇一家的航班，並於辦理登機手續時出示會員卡，即可賺取Avios里數，適用航空公司包括：

完整的夥伴航空公司名單可按此瀏覽。

乘搭航班所賺取的飛行里數視乎目的地距離及艙位等級而定，你可利用Avios積分計算機來計算可獲得的里數。

2）日常信用卡消費

平日買嘢用以下兩張信用卡簽帳，即可賺取Avios里數：

大新英國航空白金卡

儲Avios人士必備信用卡，本地簽帳每 $6= 1 Avios里數，海外簽帳每$6 = 1.5 Avios里數，生日當天簽賬每$6 = 2 Avios里數，里數回贈係全港最抵！憑卡於英航網站訂購機票，可享雙倍Avios飛行積分 (HK$6=2 Avios飛行積分)，仲可以獲得機票9折優惠。迎新方面 ，發卡後首2個月內簽帳滿HK$6,000或以上，獲贈4,000 Avios里數！

按此了解其他大新信用卡詳情。

Citi Prestige 信用卡

呢張卡嘅回贈率同同大新英國航空白金卡差唔多，本地簽帳HK$6＝1 Avios里數，海外簽帳HK$4＝1 Avios里數，不過講明先，呢張卡要年薪$600,000先至申請到，而且$2,500年費係冇得Waive，同埋積分換里數時需要收需$50~$300收續費（視乎轉換量）。當然，呢張尊尚信用卡亦提供好多貴賓式禮遇，包括無限次免費使用環球機場貴賓室、酒店第4晚免費等等，適合經常出差公幹人士。

按此了解其他Citibank信用卡詳情。

3）入住指定酒店

預訂夥伴酒店集團（按此瀏覽）之酒店住宿或透過Agoda.com預訂酒店，可賺取Avios里數。

4）直接購買里數

上官網可以直接購買Avios里數，不過賣得幾貴，除非做特價，如果唔係都唔使點考慮。

賺取ANA里數方法

1）乘搭夥伴航空公司航班

ANA全日空係屬於星空聯盟（Star Alliance），所以乘搭Star Alliance嘅航班都可以兌換ANA里數，可賺ANA里數嘅常見航空公司包括：

完整的夥伴航空公司名單可按此瀏覽。
乘搭航班所賺取的飛行里數視乎目的地距離及艙位等級而定，你可利用ANA里數計算機來計算可獲得的里數（只適用於ANA航班）。

 2）日常信用卡消費

平日買嘢用以下信用卡簽帳，即可賺取ANA里數：

大新ANA香港白金Visa卡

其實唔使點揀，喺香港儲ANA里數一定係用佢架啦！所有本地及海外簽賬 HK$8 = 1 ANA里數，八達通自動增值都有得儲。卡主乘搭ANA集團航班，除可累積基本里數外，更可享額外25%里數奬勵。喺香港機場出示ANA白金香港Visa卡，仲可以喺商務客艙櫃位優先辨理登機手續。迎新方面，首3個月內簽賬滿HK$5,000，即可享5,000 ANA里數。

按此了解大新信用卡詳情。

3）入住指定酒店

預訂ANA之夥伴酒店集團（按此瀏覽）之住宿，可賺取ANA里數。

延伸閱讀：Asia Miles/Avios/ANA 3大里數計劃比較 2017（附里數兌換表）

相關文章：Reward-U Vs Asia Miles：廉航都可儲積分？

相關文章：【 飛行里數 攻略】換機票之外，里數仲可以換乜？

——

想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！

The post Asia Miles/Avios/ANA 儲里數途徑+信用卡攻略 appeared first on 理財資訊.

夏天正正係雨季，有時想喺周末出外玩下都唔係次次咁好彩！其實香港愈嚟愈多室內玩樂 好去處，喺室內玩足半日又得啫！MoneyHero.com.hk為大家介紹最新的室內 好去處，靜態動態任你揀，唔使再驚落雨掃興冇嘢玩啦！（2017年6月更新）

1）室內彈床樂園

近年香港愈來愈多新興運動，其中一個就係跳彈床喇！來自澳洲的彈床樂園Bounce近年來到香港，喺九龍灣Emax場內設有80多個互相連接嘅彈床，另外仲有閃避球區、Free Jumping自由彈跳區、Slam Dunk灌籃區等等。無論係大人定細路，新手定專業，都可享受飛躍嘅快感！

Bounce仲推出咗生日優惠，只要你喺生日正日或前後3日內去Bounce就可以免費入場跳一節。

Bounce
地點： 香港九龍灣展貿徑1號九龍灣國際展貿中心EMAX地下
收費：$140/hr
網上預約：http://www.bounceinc.com.hk/zh/maps-prices

2）Archery Tag攻防箭

攻防箭Archery Tag係另一個刺激好玩嘅新興運動，參加者會分成2組，然後要用「泡沫箭」射中敵方，同時要回避敵方射過嚟嘅箭，簡單啲嚟講，即係射箭+閃避球嘅混合體。隻Game安全又刺激，而且毋須射箭經驗，好啱一大班人一齊玩！

攻防箭一般係 5 VS 5，每場5分鐘，唔好睇少呢5分鐘，要踎低執箭、射箭、跑，少啲體力都唔得！如果唔想咁Chur可以叫多啲人一齊去，咁每人就會有多少少休息時間。

Crossfire
地點：鰂魚涌船塢里8號華廈工業大廈13D
收費 : $2,688 / 90分鐘(12人)；$3,288 / 90分鐘(20人)
網上預約：http://crossfire.hk/archery-tag/

3）周末室內特色市集

香港除咗行街、睇戲、食飯之外，有冇啲新鮮又有趣嘅地方好去？近來香港有各色各類的特色市集讓大家逛逛，就好似D2 Place的「周末市集」定期舉辦不同特色市集，致力推動本土文化及鼓勵年青人發展創意產業。本著「小商店、大文化」的理念，積極創造全新周末好去處。大家想知每個禮拜最新的市集主題？可以留意D2 Place Weekend Markets Facebook 專頁的更新。

地點：The Space @ 2/F, D2 Place ONE（荔枝角地鐵站D2出口）
查詢電話：2371 1876

4）挑戰室內攀石場

攀石愈來愈受歡迎，讓你有全新的另類運動體驗。全港最大的室內攀石場Go Nature Climbing Gym，佔地6,500平方呎，有近百條攀石路線，而且有多角度和不同斜度的石牆，非常有挑戰性。另一賣點就是它提供不同程度的攀石及攀岩課程，即使你全無經驗，但參加12小時訓練課程就可獲得一級攀石證書。

收費（全日套票）：成人$168、學生$120、家庭$298（包括1位成人+1位兒童+ 攀石鞋借用）
地點：觀塘興業街14號永興工業大廈地下C2室
查詢電話：3563 7156

5）泡泡足球捲香港

泡泡足球（Bubble Soccer）的熱潮終於由外國踢到嚟香港！同傳統足球嘅玩法非常唔同，當大家穿上充氣的巨型塑膠泡泡，係呢一刻自己就變成為波一樣，目標係要撞開其他「人球」，最過癮的是大家可能會被撞得好似波咁360度旋轉。

Awsomer
收費：按此查詢
地點：九龍觀塘道398-402號嘉域大廈6樓
查詢電話：9666 0869

6）黑暗體驗館

你有冇想像過，失明人士嘅生活係點？「黑暗中對話」體驗館可以令你親歷其景。參加者會體驗長約75分鐘嘅「黑暗」旅程，期間導賞員將會帶領你去探索四周的環境質感、聲音、氣味甚至是味道，試著用眼睛以外嘅感官過生活。過程中所遇到嘅困難、趣事、不知所措，都會帶俾你與別不同嘅經歷。呢個體驗富有較

黑暗中對話
地點：九龍美孚景荔徑8號盈暉家居城2樓215室
網址：http://www.dialogue-experience.com.hk/web/
收費：平日 – 成人 $160；學生 / 長者 : $80
星期六日及公眾假期 – 成人 $180；學生 / 長者 : $90

7）室內War Game場

平時返工返學坐足8個鐘，一到假日梗係想玩餐飽！打War Game熱血一番都不失為個好選擇！新蒲崗一帶就有幾家室內Ｗar Ｇame場，當中IMPACT FORCE C.Q.B.的面積就好夠份量，場地佔地35,000平方呎，有3個不同主題的戰區任你揀。另一個賣點就係玩得耐，一節為4小時。

收費：每位$240（另有團體訂場優惠），租用基本裝備每套$120
地點：新蒲崗大有街25-27號中興工業大廈8 樓B、C、D座
查詢電話：6687 7422

8）室內激光槍戰

用紅外線代替子彈嘅室內激光槍戰你又聽過未？外國引入嘅Laser Tag，俾大家喺室內都玩得盡興！Lasermads位處銅鑼灣，交通十分方便，即刻約埋好友嚟開火！

玩法一啲都唔複雜，先穿上裝備，戰衣表面有4個感應器，隨便射中一個都會被扣分。一般會玩3槍死，當中也有機會1槍即死，然後3秒復活。房間內又黑又暗又有煙，不過戰衣識發光，所以唔使驚睇唔清敵人。每局有12分鐘，唔好以為好短！其實已經足以令你流晒汗！

收費：非會員每局$118，會員每局$98/2局$158
地點：銅鑼灣怡和街2-6號英光大廈11樓
查詢電話：2343 3033 / 5484 5185（whatsapp）

9）工廈室內飄移賽車

喺室內玩樂，而加就連飄移賽車都有得玩！一班有創意嘅年輕人引入左美國電動玩具車，俾你盡情玩飄移同花式！Crazy Cart場地喺觀塘工廈內，設有賽道俾你試車，面積約等於1個籃球場，以車胎砌出4個彎道。

呢個活動啱晒鍾意刺激活動嘅你，每當入彎時輕輕拉起飄移桿，連接飄移桿的後輪可以360度轉動，飄移時的離心力和速度感一啲都唔弱！

收費：平日每10分鐘$69，周末假日每10分鐘$79
地址：觀塘開源道75號業發工業大廈2期9樓
查詢電話：3428 5298

10）愉景灣室內遊樂場

有乜遊樂場大人小朋友都啱玩？愉景灣「歷奇王國」就係！面積達14,000呎，目測樓底都有至少4層樓高，感覺十分寬敞！場內有彈床、迷宮陣、迷你哥爾夫球等，想玩較刺激的有三十米長滑梯同埋攀石，真係玩足全日都唔夠喉！

收費：全日任玩
12歲以下小童及家長$148，13歲以上$168（一至五）
12歲以下小童及家長$188，13歲以上$200（周末及公眾假期）
地點：大嶼山北愉景灣海澄湖畔路96號地下G31號舖
查詢電話：2441 0098

延伸閱讀：夏日親子攻略：玩轉7大消暑 水上活動

——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【落雨冇有怕】嚴選今夏10大室內玩樂好去處2017 appeared first on 理財資訊.

關於 月供股票，之前我哋已經響《 月供股票 攻略：由$1,000開始投資！》中簡單咁介紹過，當中嘅概念，例如係 平均成本法 呀、定時定額投資 嘅好處同壞處，都唔駛再多講。今次肥叔叔想講下嘅，係點樣可以 **優化** 月供股票呢件事，或者再簡單啲，點樣月供慳到盡！

市面上都有好幾間本地證券行有offer月供股票服務。最少供幾多、每個月收幾多手續費，每間行都係大同小異。當中，手續費已經包括佣金、稅、徵費所有銀行代理人同存倉費用 (雜費可以參考返先前嘅《港股之入門》同《 證券行初階 》)。大部份月供計劃每隻最少港幣1,000蚊落錶，收0.2至0.25%嘅手續費，最低消費一般都要收HK$50，即係每個月用最低消費玩嘅話，真係用嚟買嘢嘅錢就只有HK$950。

中銀信用卡有得月供股票

既然驟眼睇間間都差唔多，咁點玩先抵呢？

第一個諗法，當然就係有無得用信用卡碌月供股票喇！相信睇過前文都知，中銀香港 同身為中銀成員嘅 南洋商業銀行 都可以容許客戶用中銀系嘅信用卡碌月供股票。其實，以前匯豐HSBC、恒生都可以俾客用自己信用卡去供，但就已經無得咁玩好耐喇。至於中銀嘅玩法，雖然積分嘅計算唔會計足，同埋會視乎投資期去放寬積分比率，但係都依然比其他銀行同大部份機構只係能夠用現金戶口嘅資金嚟做月供股票抵玩少少。

另外，幾年前被日資收購嘅證券行 寶盛證券(Boom)，除左劃一每隻指定港股$50嘅月供計劃外，亦有月供美股呢個玩法。每月最少150蚊美金，即係大約1,200蚊港紙，就可以供到佢提供嘅40隻美股，佣金收費係每隻股票每月美金10蚊。詳細可以睇返︰美股投資新手攻略：證劵行佣金大比拼

一通HK$5佣金全城至抵

以肥叔叔嘅研究，其實市面上真係有超級抵玩嘅月供股票玩法，呢間月供股票嘅提供者，就係開業時已經以網上折扣經紀作為定位嘅本地經紀行── 一通投資者 (I-Access)。雖然個一通網站望落去一啲都唔顯眼，但其實佢嘅網上操作功能一啲都唔弱，有啲位甚至不下於大銀行同其他有提供網上平台操作嘅證券行。

重點係，佢嘅收費係咁多間最平嘅！

一通嘅月供計劃佣金係每個月每隻股票劃一收$5，最低消費只係$500，未有寫明上限。佢同其他銀行、證券行唔同嘅係，果$5係除左佣之外，其他雜費稅項徵費一率唔包，即係每個月購物時都依然會扣一小筆按比例收嘅費用，最平應該係兩三蚊。同時，一通最多只係俾你一次過落月供一年嘅單，如果係月頭交易執行日之前，咁計埋今個月最多都係13個月， 而果每個月$5嘅佣金就係響你落指令果個時期嘅單時一次過預繳，你預每個月最多俾$500供12個月嘅股票A，就先俾左$5 × 12 = $60 嘅佣金，到交易執行日時就真係扣足你$500嚟買嘢，印花稅雜費徵費另外收，所以無論供得多少，相對上都係抵嘅。

至於月供買咗返嚟之後，佢就當係碎股一樣同一手手嘅正價股一齊存倉，除淨果時同收息果時亦都會收返結算費、代理人費用咁。亦因為無分開存倉，你亦可以將月供返嚟嘅貨當係碎股買賣，因為一通可以月供嘅股票正正就同佢碎股版一樣，所以放咗佢套現、或者見到價啱買多啲湊夠一手都無大難度。除咗價錢之外，碎股版呢一點，就係一通同其他大部份有月供計劃嘅銀行同證券行之分別。

但係要注意，一通只係容許客戶響電腦網頁版（必須要電腦、要行Flash同要網絡防火牆無擋到某啲port）上面修改月供期數、金額、目標數量或者取消成個月供計劃，手機版網頁未有呢一個功能(但係有碎股交易)。而之前俾咗錢嘅月供佣金，係唔會響提早取消計劃或者縮短投資月數去退返俾你──包括錯手「取消」！因為一通個介面設計會令人好大機會會撳錯！流程上亦唔會問你係咪真係取消，所以大家操作時就要非常小心喇～！■

月供股票比較表

○ 免收或已包含在費用內 / × 需額外徵收 / ∆ 不設
——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 股票投資新手攻略：邊間證券行有得玩5蚊佣金 月供股票 ？ appeared first on 理財資訊.

信用卡不單止係身分嘅象徵，識得揀卡簽賬仲可以賺取更多飛行里數同現金回贈，愈高門檻嘅信用卡，自然愈大機會有較吸引嘅回贈同埋獎賞！今次MoneyHero.com.hk為你介紹7張高薪人仕必備嘅尊尚卡，幫你比較番、揀到啱！（2017年6月更新資料）

1. DBS Eminent Visa Signature Card：回贈無上限

DBS Eminent卡主要有3個賣點。第一，呢張卡嘅現金回贈係無上限！第二，此卡適合喜愛旅行及網購人士，因為網上消費及海外簽賬都有2%回贈。最後，呢張卡有不少全年優惠，包括部分酒店買一送一禮遇、戲票折扣同租Wifi Router優惠等，俾你慳得更多。

• 年薪 / 資產要求：$360,000年薪
• 海外 / 網上簽賬：2%回贈
• 本地簽賬：1%回贈

迎新禮品：

• 新客戶於發卡後首2個月內簽賬可享5%迎新回贈，上限為HK$600。
• 最多高達7%簽賬回贈，包括5%迎新回贈及高達2%基本回贈，上限為HK$840
• 零售簽賬達$8,000享高達$500現金回贈
• 經MoneyHero.com.hk申請獨家送額外HK$100現金獎賞及HK$200現金券

全年優惠：

• 於網上購物及海外旅遊消費，均可享2%現金回贈（無上限）
• 免費轎車機場接送服務
• 8折租用Wi-Fi Router
• The Grand Cinema戲票低至8折
• Visa Signature「買一送一」美饌禮遇

按此了解更多DBS信用卡詳情。

2. Citibank PremierMiles信用卡：旅遊人士之選

Citibank PremierMiles信用卡最啱鍾意去旅行嘅人，皆因一卡在手，就有得免費入機場Lounge、送旅遊保險同有酒店優惠添！而且年薪要求由以往48萬調低到36萬，應會吸引到不少愛旅遊人仕申請。

• 年薪/資產要求：$360,000年薪
• 海外/網上簽賬：HK$3 = 1 Avios (12積分)（於當月的海外及網上簽賬達到$20,000或以上）
• 本地 / 餐飲簽賬：HK$8 = 1 Avios (12積分)

迎新禮品：
可獲以下其中一份迎新禮品：

• 216,000積分 (相等於18,000里數/Avios) 或
• American Tourister Bon Air 75厘米四輪行李箱黑色及Pacific Coffee HK$50電子咖啡現金券
• 經MoneyHero.com.hk申請獨家送額外HK$100惠康超市禮券

全年優惠：

• 免費專享機場貴賓室服務（每次享用環亞機場貴賓室服務後30天內簽賬滿$5,000）
• 全面飛行及酒店獎勵計劃（以積分兌換飛行里數及酒店住宿，兌換手續只需4-8工作天，無需任何手續費）
• 免費旅遊保障（需以Citi PremierMiles信用卡全數支付機票、酒店或旅行團團費）

按此想了解更多Citi信用卡詳情。

3. 美國運通國泰航空尊尚信用卡：出國公幹之選

美國運通國泰航空尊尚信用卡十分適合經常旅遊或出外公幹的人，除了海外簽賬享有$4=1里的全港最抵兌換率外，基本卡及附屬卡的持有者更可以全年無限次享用環亞機場貴賓候機室設施，另外基本卡會員可憑獲贈之Priority Pass 會籍，享用全球逾850所機場貴賓室設施。此外，此卡迎新優惠相當吸引，可獲高達76,000「亞洲萬里通」里數。

• 年薪 / 資產要求：$300,000年薪
• 海外及網上簽賬：$4 = 1里
• 本地 / 餐飲簽賬：$6 = 1里

迎新禮品：
可獲豁免首年年費及以下所有迎新禮品：

高達76,000「亞洲萬里通」里數

• 網上額外獎賞：1,000里（網上申請）+
• 迎新簽賬獎賞：5,000里（首3個月簽賬滿$5,000）+
• 本地簽賬獎賞：高達40,000里（首3個月本地簽賬每$5=1里數）+
• 外幣簽賬奬賞（包括網上及其他消費）：高達30,000里（首3個月外幣簽賬滿等值每$3=1里數）

另外，2017年7月31日或之前經MoneyHero申請，獨家送額外2,000「亞洲萬里通」里數及HK$100超市禮券。

全年優惠:

• 憑卡於國泰航空航機上購物及訂購國泰航空機票，均可獲額外「亞洲萬里通」里數
• 透過 www.asiamiles.com 購買「亞洲萬里通」里數、延續里數有效期及里數轉贈之費用，可享9折優惠
• 首12個月內基本卡會員可憑獲贈Priority Pass會籍並可享用全球逾850所機場貴賓室
• 會員及附屬卡會員，可免費無限次享用環亞機場貴賓候機室的尊貴設施
• 享有馬可孛羅會綠卡會籍申請費用豁免，盡享會員專有權益
• 專享早達3天前於網上優先兌換精選折扣獎勵機票
• 只需每年簽賬達$150,000，即可專享下年度$1,800年費豁免優惠；又或於新一年續繳年費時，已擁有馬可孛羅會銀卡或以上會籍級別者，年費亦可獲豁免

按此想了解更多美國運通AE信用卡詳情。

4. Citi Prestige信用卡：高門檻年薪突顯尊貴

Citi Prestige 信用卡年薪要求高達60萬，絕對係高收入人仕之選。此卡享有高里數兌換率，本地消費$6=1里，海外消費$4=1里，雖然每年要俾$2,500年費，但俾完年費即刻可以取得15,000里，遠比你用其他方法買里數便宜，而且積分是無限期和兌換是免費的。持卡人仲免費得到Priority Pass，可無限次免費享用全球超過1,000間機場貴賓室。另外，此卡的八達通自動增值享有$6=1里，比坊間大部分信用卡抵。此卡者還擁有年資獎賞，持有此卡愈長，額外獎賞愈高！

• 年薪 / 資產要求：$600,000年薪
• 海外簽賬：1.5%回贈；$4 = 1里
• 本地 / 網上 / 餐飲簽賬：1%回贈；$6 = 1里
• 年費：$2,500

迎新禮品：

• 15,000里數（180,000 積分）
• 經MoneyHero.com.hk網上申請獨家送額外HK$300惠康超市禮券

全年優惠：

• 高達額外30%年資獎賞
• 任何酒店第4晚免費住宿優惠（需預訂住宿連續4晚或以上；可無限次享受此優惠）
• 憑Priority Pass™無限次免費享用環球機場貴賓室服務
• 優惠里數兌換率
• 現金回贈（透過Citi ThankYou Rewards 「現金回贈」，可以200積分兌換$1現金回贈）
• Citi Prestige環球盛事
• 高爾夫球賞樂
• 20,000里數年度獻禮
• World Elite^TM MasterCard專屬禮遇

按此了解更多Citi信用卡詳情。

5. 匯豐Visa Signature卡：高達3.6%現金回贈

HSBC黑卡嘅代表非HSBC Visa Signature卡莫屬！擁有高年薪或資產要求，就自然帶俾你優厚嘅回贈。呢張卡最大賣點就係可以賺取合共9X「獎賞錢」，相等於3.6%現金回贈！因為用呢張卡除咗賺到基本的「獎賞錢」之外，6個指定簽賬類別都可享額外3X「獎賞錢」，即等同所有簽賬都享有1.6%現金回贈！你仲可以將最常用嘅簽賬類別登記「最紅自主奬賞」計劃，該類別就可以賺埋額外5X「獎賞錢」，9X就係咁嚟！

咦，咁6大簽賬類別究竟係乜？其實就包括咗賞滋味、賞玩樂、賞家居、賞品味、賞中華及賞世界，無論你係鍾意食、玩、買嘢、去旅行，都俾你賺得更多！

• 年薪 / 資產要求：$480,000年薪 或 $600,000資產
• 海外簽賬：7.6%回贈；$1.32 = 1里（「最紅自主奬賞」簽賬類別）
• 本地 / 網上 / 餐飲簽賬：3.6%回贈；$2.78 = 1里 （「最紅自主奬賞」簽賬類別）

迎新禮品：
可獲以下其中一份迎新禮品：

• 216,000積分 (相等於18,000里數/Avios) 或
• American Tourister Bon Air 75厘米四輪行李箱黑色及Pacific Coffee HK$50電子咖啡現金券
• 經MoneyHero.com.hk申請獨家送額外HK$100惠康超市禮券

全年優惠：

• 尊享國金軒the Mira HK 午市套餐買一送一禮遇
• 尊享Yamm the Mira HK自助午餐買一送一禮遇
• 尊享WHISK the Mira HK 午市套餐買一送一禮遇
• 尊享香港尖沙咀凱悅酒店自助午餐買一送一禮遇
• 尊享澳瑪葡國菜午市套餐買一送一禮遇
• Visa Signature卡持卡人尊享全日24小時禮賓及緊急服務

按此想了解更多匯豐HSBC信用卡詳情。

6.美國運通半島白金卡：專享半島優惠

呢一張卡既年費要成港幣7,800咁多，而且大家都知AE卡既年費係好難可以取消既。呢張卡年費咁貴，所以大家可以想像到佢既信用限額有幾高。另外，呢張卡有好多特別優惠，例如係全世界既半島酒店貴賓禮遇之類。而且仲可以隨意享受超過1,000個機場既尊貴候機室服務，十分巴閉。同好多尊尚卡一樣，都係採用邀請制，唔係個個都可以申請架！

• 年薪 / 資產要求：只限受邀請人士
• 年費︰HK$7,800
• 「加倍加賞」積分計劃簽賬：$7.5 = 1里

全年優惠:

• 獲享HK$3,000旅遊消費額購買任何捷成假期旅遊套票優惠
• 於5間指定半島酒店可享第2晚免費住宿
• 專享全球半島酒店的美饌、水療及住房優惠。
• 專享全日24小時旅遊服務及其他旅遊禮遇。
• 無論您與家人身處何地，均可專享妥善周全之全球旅遊保障。
• 預訂食府或鮮花送遞，提供全日24小時私人助理服務。

按此想了解更多美國運通AE信用卡詳情。

7. 渣打優先理財信用卡：結餘都可以賺積分

渣打「優先理財」信用卡獨家的「360°全面賞」不局限於信用卡簽賬，可聯同其他銀行產品結餘賺取積分，每月可高達50,000分。主卡客更可使用Priority Pass會籍，享用全球1,000間機場貴賓候機室。卡主更可享永久豁免年費優惠。根據持卡人透露，「優先理財」信用卡卡主年薪或資產總值需達至少HKD$500,000。

• 年薪 / 資產要求：官方未有透露
• 海外簽賬：1.5%回贈
• 本地 / 網上 / 餐飲簽賬：1%回贈

全年優惠:

• 可擁有Priority Pass™ 會籍
• 高達100萬美元免費旅遊意外保障
• 高達3X「360° 全面賞」積分
• 名貴轎車機場接送服務
• Visa Infinite餐飲優惠
• 星巴克免費升級優惠
• 水療及酒店設施禮遇

按此想了解更多渣打信用卡詳情。

想知道更多信用卡嘅優惠資訊？立即使用我哋嘅信用卡比較平台，搵出最適合你嘅信用卡！

——

延伸閱讀：Asia Miles / Avios / ANA 3大里數計劃比較（附里數兌換表）

延伸閱讀：外遊必讀！兌換 外幣 及海外簽賬攻略（2017年6月更新）

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【信用卡攻略】7大高薪人仕必備 尊尚信用卡（2017年6月更新） appeared first on 理財資訊.

啱啱踏入初夏，香港已經日日30幾度，熱到人都熔埋。喺炎炎夏日，有咩嘢比去個冰天雪地透心涼嘅旅行兼滑下雪更治癒呢？就算唔識 滑雪 都唔緊要，好多滑雪場都有 滑雪 教練，你想即時學都得。而且，就算唔 滑雪 ，淨係去睇下靚靚雪景都已經夠晒享受。好，事不宜遲，今次就等MoneyHero.com.hk 專欄作家湯馬士同大家介紹3個暑假必去隱世滑雪勝地啦！

1.意大利切爾維尼亞Cervinia

(雖然周圍都係雪，但係唔算好凍，所以暑假去滑雪都唔使帶太多額外嘅衫。)

提起夏天嘅意大利，好多人可能只會諗到熱辣辣嘅羅馬又或者好好味嘅意大利雪糕，但原來喺北部阿爾卑斯山脈一帶，周圍都係長年積雪，有好幾個地點仲有設備完善嘅滑雪場。而其中位於意大利同瑞士邊界嘅馬特洪峰（英文Matterhorn、意大利文Cervino）更係好多滑雪同攀山人士嘅最愛。

(馬特洪峰奇特嘅外形令佢成為歐洲最具標誌性嘅山峰之一。)

4478米高嘅馬特洪峰擁有奇特嘅外形，令佢成為歐洲最具標誌性嘅山峰之一。滑雪場位於峰頂東面嘅山坡上，由於係位處邊境，要到馬特洪峰可以從瑞士或者意大利到達。但湯馬士就建議大家由意大利切爾維尼亞出發，因為意大利呢邊無論係住宿定租用滑雪器材都比瑞士嗰邊平。而且兩邊其實係互通嘅，只要買張day pass，你就可以住意大利，然後搭ski lift過埋瑞士嗰邊滑都得。

要到切爾維尼亞，可以從都靈出發，揸車需時2個鐘頭。每逢星期日同公眾假期，亦有一班巴士朝早7點從都靈開出，下晝5點從切爾維尼亞返返去都靈。換句話講，中間大約有8個鐘，做day trip就啱晒。

(切爾維尼亞本身都係一個好靚嘅小鎮，就算唔滑雪都好值得去睇下。)

2.日本月山Gassan

(去日本滑雪食得好住得好，最適合香港人。)

日本嘅滑雪場大部份到3、4月已經進入雪季嘅尾聲，唯獨係山形縣嘅月山滑雪場因為冬天積雪太多嘅關係，要到四月份先會開放，一般開到7月底。月山唔算係一個好大嘅滑雪場，而且比較隔涉，如果要用公共交通的話要轉好幾程車。但如果你7月去開日本，同埋自己揸車的話，去月山可以係一個好好嘅消暑活動。

3.非洲萊索托Afriski

可能好多人都冇聽過萊索托呢個名，其實佢係非洲南部嘅一個小國，全國完全畀南非包圍住。由於地處高海拔，加上位於南半球，7、8月時候正值係呢度嘅冬天，造就咗呢個非洲僅有幾個之一嘅滑雪場，亦係當中雪量比較可靠嘅一個。

唔好以為佢喺山卡啦冇人去，其實呢度旺季時候係南非人同歐洲人嘅渡假勝地，住宿可以好搶手，所以去之前一定要book定。滑雪場有全非洲最高嘅餐廳，食物質素仲幾好𠻹！

(淨係話畀人聽8月去咗非洲滑雪都夠型啦！)

要去萊索托可以從南非約翰尼斯堡飛過去，或者由Bloemfontein搭巴士到首都馬塞盧，用特區護照可以免簽證。從馬塞盧揸車到Afriski大約3個鐘；每朝亦有一班巴士，不過車程就要成6個鐘。

滑雪始終有一定危險性，去旅行之前一定要買定保險保障自己，而家即上MoneyHero.com.hk的旅遊保險比較平台選擇一份包危險運動嘅旅遊保險！除咗 Starr、FWD同MSIG，仲有好多不同計劃俾你揀，經我哋買仲有優惠添！

——

作者簡介︰

湯馬士
現職中學教師，大學主修語言學，熱愛語言、歷史同文化。因為愛自由所以愛上旅遊，想喺世界嘅大課室中自主學習。著有《重新發現高加索》同《放逐自己到孟加拉》兩本書。最近亦將經典名著《小王子》翻譯成廣東話版，並且積極推廣廣東話寫作，因而接受多間傳媒訪問。

延伸閱讀：Asia Miles / Avios / ANA 3大里數計劃比較（附里數兌換表）

延伸閱讀：外遊必讀！兌換 外幣 及海外簽賬攻略（2017年6月更新）
——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【夏天為大地帶嚟雪水!? 】3大暑假 滑雪 隱世勝地 appeared first on 理財資訊.

最近，大家係咪成日響所有同財務、借貸有關嘅地方都見到「借錢梗要還，咪畀錢 中介 」嘅宣傳句子？肥叔叔就聽過一單真人真事︰朋友個朋友做公務員，貪利息平走咗去搵 中介 幫手借私人貸款，點知申請失敗之餘，仲係咁俾人不停追收服務費，對方甚至將律師信Send埋去佢office度追數添！究竟呢啲不良 中介 係點樣呃錢？MoneyHero.com.hk同你詳細拆解。

不良 中介 平息易批吸引債仔

近幾年，有鑑於多咗人經不明來歷嘅「中介」向自稱「不成功，不收費」嘅財務公司或者放債人借錢，然後申請不成之餘，仲俾人追收不明來歷嘅嘅利息同手續費，政府於是就向銀行、財務公司等機構手上嘅《持放債人牌照 》加入新條件，要求放債人響委任第三方中介公司時要規範化，有規有舉，同埋要持續監察中介公司有無向借貸人(債仔)違法收取費用。而響網站、廣告或者宣傳品度加入「借錢梗要還，咪畀錢中介」，亦都係新條件嘅一部份。

呢啲「不良中介」玩法其實都不外乎係old school街招，「先進」啲會扮銀行、財務公司嘅電話四圍cold call，睇吓有無大魚上勾，而「客戶」好大部份本身都有多少財務需要，但信貸評級又唔係咁好、比較難以正常途徑向銀行、財務公司等機構借錢。當個「客」繼續聽佢電話時，就當然又哄又氹，話「不成功，不收費」，又話啲息平啲，然後細細聲話成個服務點樣點樣收費，跟住扮晒介紹個「客」去借。

事實係「不成功，勁收費」

話明扮，就梗係無真係同你去申請啦，因為佢哋嘅收入本身係靠「不成功，勁收費」呢一招。只要個「客」大筆一揮，就中晒伏了。個「客」唔止一毫子都無同銀行、財務公司借到，「不良中介」仲會話個「客」欠佢哋天價「手續費」（說好的免手續費呢？）、「追收費」（我無掙你錢仲要收我錢去追我無掙你嗰筆錢!?）等等！

唔好睇少呢啲「不良中介」，所謂做戲做全套，有報導話，佢哋會租埋寫字樓，搵人扮埋律師，扮到件事真嘅一樣去氹人落疊！另外，亦有案例係銀行、財務公司或者其他管有客户個人資料嘅機構職員同「不良中介」打龍通，將「潛在客戶」漏出，cool call 變 warm call去氹人入局。

講到尾，合法同非法嘅財務中介最大同最主要嘅分別，係合法中介嘅經營方式唔係收「債仔」錢，而係收銀行、財務公司等機構嘅錢，即係市場推廣嘅支出。所以，如果有人打電話俾你講話佢哋係財務中介，「不成功：肯定不收費，除非收費」嘅話，大家就應該心中有數，知道對方想點啦。

財務中介：合法 vs 不良

如果想知道更多不良借錢中介手法同注意事項，可以參考香港警務處《防騙資訊 · 財務中介公司騙案》網頁了解多啲！

除咗提防不良中介，想借得精明，梗係要去MoneyHero.com.hk 個人貸款比較平台，一次過睇晒各大銀行包括匯豐HSBC、花旗Citibank、星展DBS 等同埋邦民、亞州聯合財務UA、AEON 等財務公司嘅貸款產品最新優惠啦！

The post 【真人真事】拆解不良借錢 中介 陷阱 appeared first on 理財資訊.

2017年6月13日晚上，MoneyHero.com.hk 成功在中環Eaton House舉辦全港首個 信用卡頒獎典禮  — 《MoneyHero.com.hk 2017 信用卡頒獎典禮 》。7個金融界舉足輕重的信用卡獎項於當晚頒發予各大銀行代表，傳媒好友亦順利與得獎者及MoneyHero.com.hk營運總監 Rachel Lam 進行訪問，整個頒獎禮最終以大合照作結。

2013年，MoneyHero.com.hk正式成立，兩大理念包括推動金融機構利用科技改善產品及服務，以及提高消費者比較金融產品的意識。《MoneyHero.com.hk 2017信用卡頒獎典禮》的意義重大，除了慶祝公司成立4周年，亦想藉此機會表揚一些致力改善信用卡產品的銀行。頒獎典禮開始前，MoneyHero.com.hk 兩位營運總監Alister musgrave(圖左) 及Rachel Lam(圖右) 先後致開幕辭。

MoneyHero.com.hk 多名資深銀行產品專家，憑藉逾10年經驗及專業知識，並參考多項數據，從140張信用卡中公平公正地選出不同種類的最佳信用卡以及「清卡數」計劃。

7銀行奪獎

7個獎項包括︰《2017最佳飛行里數信用卡》、《2017最佳現金回贈信用卡》、《2017最佳尊尚信用卡》、《2017最佳餐飲信用卡》、《2017最佳網上購物信用卡》、《2017最佳清卡數計劃》及《2017銀行卡創新大獎》均有客觀有力的理據支持，實至名歸。

《2017最佳飛行里數信用卡》 – 渣打亞洲萬里通萬事達卡

《MoneyHero.com.hk 2017信用卡頒獎典禮》的首個獎項為《2017最佳飛行里數信用卡》，由渣打銀行的亞洲萬里通萬事達卡奪得。渣打亞洲萬里通萬事達卡給予客戶全城最高的飛行里數回贈，當之無愧地獲選為《2017最佳飛行里數信用卡》。立即參閱詳細評分準則

《2017最佳現金回贈信用卡》 – DBS Eminent Card

香港大部分現金回贈信用卡都設有簽賬限制或回贈上限，DBS Eminent Card卻在今年3月推出無上限 1%本地簽帳回贈 及 2%外幣簽帳回贈，令其在眾卡中脫穎而出，獲評為《2017最佳現金回贈信用卡》。立即參閱詳細評分準則

《2017最佳尊尚信用卡》 – 美國運通國泰航空尊尚信用卡

美國運通國泰航空尊尚信用卡比其他尊尚卡提供禮遇更為全面。持卡人在批卡後3個月可賺取高達78,000迎新里數，迎新回贈上限為全港最高，評審甚至認為此卡是為高消費人士度身訂造。立即參閱詳細評分準則

《2017最佳餐飲優惠信用卡》 – 匯豐Visa Signature卡

評審認為，匯豐HSBC Visa Signature卡的餐飲回贈廣泛程度，是香港所有信用卡之冠，皆因持卡人在全港任何接受Visa的餐廳或食肆消費，均能享受最基本1.6%現金回贈。立即參閱詳細評分準則

《2017最佳網上購物信用卡》 – 建行(亞洲)eye信用卡

當其他信用卡的網購回贈設有消費門檻，建設銀行 EYE信用卡的網上簽賬則提供最高2.8%回贈，門檻限制稱得上是全城最少。立即參閱詳細評分準則

《2017最佳清卡數計劃》 – 花旗銀行

在200,000港元 至250,000港元的借貸金額範圍內，花旗銀行提供最低的實際年利率（APR）作為「清卡數」（結餘轉戶）貸款之借貸參考成本。而且，花旗銀行提供的客戶體驗也比其他銀行更佳。立即參閱詳細評分準則

《2017銀行卡創新大獎》 – 東亞銀行

這個獎項的主要目的是檢視香港銀行卡類別之創新成果。近年，東亞銀行 (BEA) 持續在銀行產品，特別是銀行卡類別產品的創新付出努力。立即參閱詳細評分準則

MoneyHero.com.hk 再次感謝香港各大銀行高層以及傳媒出席首屆《MoneyHero.com.hk 2017 信用卡頒獎典禮》，公司會繼續努力推動銀行利用科技，改善現有產品，並教育消費者多比較金融產品，令大眾更加受惠。
——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post MoneyHero.com.hk 2017 信用卡頒獎典禮 appeared first on 理財資訊.

2017 MoneyHero.com.hk信用卡頒獎典禮2017於6月13日完滿結束，匯豐 Visa Signature卡憑藉其餐飲回贈的比率及廣泛程度，獲得《最佳餐飲信用卡》獎項。

評審團根據信用卡的餐飲回贈率、回贈廣泛程度、迎新優惠、申請門檻、領取回贈方便度及申請人數，為香港14張餐飲信用卡進行評分。匯豐Visa Signature卡作為得獎信用卡，在餐飲回贈率及廣泛程度表現最佳。

餐飲回贈率

持卡人在全港任何接受Visa的餐廳或食肆消費，均能享受最基本1.6%現金回贈。此外，持卡人只要登記「最紅自主獎賞」，並將額外獎賞錢分配至「賞滋味」類別，可合共賺取

9X「獎賞錢」，相等於3.6%餐飲現金回贈，遠勝其他信用卡介乎1.2%至2%的回贈。

回贈廣泛程度

評審認為，匯豐 Visa Signature卡的餐飲回贈廣泛程度，是香港所有信用卡之冠。一來基本上所有餐廳簽帳均可享有上述回贈，二來香港大部分餐應均接受Visa卡簽帳，因此能在眾多餐廳使用。

迎新優惠

匯豐HSBC Visa Signature卡送贈價值約4,500港元的迎新禮品，比其他餐飲信用卡之迎新回贈價值更高。

領取回贈方便度

匯豐信用卡的所有回贈均為「獎賞錢」。卡戶可用「獎賞錢」來換取指定商戶禮劵、飛行里數，或在指定商戶消費等，但不可抵消簽帳，在自由度方面未及其他直接給予現金回贈的信用卡。

申請門檻及申請人數

匯豐Visa Signature卡年薪要求為HK$480,000，申請門檻較高，但此卡申請量比其他餐飲回贈信用卡高，顯示此卡受港人歡迎。

*是次信用卡頒獎典禮根據2017年5月31前的信用卡資料作出評審。
——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 《2017最佳餐飲信用卡》—匯豐Visa Signature卡 appeared first on 理財資訊.

《MoneyHero.com.hk 2017 信用卡頒獎典禮》2017於6月13日完滿結束，渣打亞洲萬里通萬事達卡憑藉其豐富的里數回贈，獲得《2017最佳飛行里數信用卡》獎項。

評審團在23張飛行里數信用卡中，根據各卡的里數回贈率、簽帳要求、迎新里數優惠、積分轉換里數之收費及方便度、申請門檻及申請人數進行評分。渣打亞洲萬里通萬事達卡在各方面均名列前矛，當之無愧地獲選為《2017最佳飛行里數信用卡》。

里數回贈率

持卡人在食肆、網上及海外簽帳均享HK$4=1里數，其餘零售簽帳及八達通自動增值均享HK$6=1里數。在食肆、網上簽帳及八達通自動增值3個簽帳類別，渣打亞洲萬里通萬事達卡的回贈率均優勝於其他信用卡。

簽帳要求

持卡人無需達到任何簽帳額要求，即可享有上述之里數回贈。近乎所有零售簽帳、分期簽帳及八達通自動增值均可享不少於HK$6=1里數，唯網上繳費不可賺取里數。

迎新優惠

新客戶首2個月的首HK$7,500簽賬，可享HK$0.5 = 1里數優惠 ，其後HK$30,000簽賬可享HK$2 = 1里數優惠，即簽帳HK$37,500可獲30,000里數，所送出的迎新里數多於大部分飛行里數信用卡，其中HK$0.5 = 1里數之贈送比訊為全城最高。

積分轉換里數

渣打亞洲萬里通萬事達卡會於每月自動將飛行里數存入客戶的「亞洲萬里通」戶口，無須額外的積分轉換里數手續或收費。

申請門檻及申請人數

此卡的申請要求只需年薪24萬，一般普羅大眾也可輕易獲批，所以此卡亦是MoneyHero.com.hk去年申請人數最多的飛行里數信用卡。

*是次信用卡頒獎典禮根據2017年5月31前的信用卡資料作出評審。

——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 《2017 最佳飛行里數信用卡 》—渣打亞洲萬里通萬事達卡 appeared first on 理財資訊.

《 MoneyHero.com.hk 2017信用卡頒獎典禮》於6月13日完滿結束，大會除了公佈了6大範疇的「最佳信用卡」外，還頒發了一項《2017最佳清卡數計劃》大獎，該獎由Citibank花旗銀行奪得。

評審團根據清卡數（結餘轉戶）計劃的最低實際年利率、手續費、迎新優惠、批核率和服務5大方面，為香港12間機構的清卡數計劃進行評分。花旗銀行作為得獎機構，其清卡數計劃在各方面評分甚高：

最低實際年利率

根據MoneyHero.com.hk過往記錄，在清卡數計劃中最多人申請的貸款額為HK$200,000 – HK$250,000，在這個貸款範圍內，花旗銀行的最低實際年利率（APR）為眾多計劃中最低。

銀行一般提供最低實際年利率（APR）作為「清卡數」貸款的借貸參考成本，但最終利率因人而異，因此評審同時把著眼點放在其他細節上。

手續費

花旗銀行清卡數計劃的手續費為$0，跑贏其他同業。

迎新優惠

花旗銀行送出高達HK$1,888現金券作為迎新優惠（另外HK$1,000現金券由MoneyHero.com.hk送出），價值為全部計劃中最高。

批核率

花旗銀行接受多種類型的收入證明，只要月薪達HK$6,000以上即有機會獲批，因此申請成功率較高。

服務

花旗銀行設立專門貸款顧問，根據客戶需要靈活制訂清卡數計劃，以照顧不同需要的客戶。

*是次頒獎典禮根據2017年5月31前的產品資料作出評審。
——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 《2017最佳清卡數計劃》—花旗銀行 appeared first on 理財資訊.

在6月13日舉行的MoneyHero.com.hk信用卡頒獎典禮中，美國運通國泰航空尊尚信用卡憑藉向客戶提供各種禮遇，獲得《最佳尊尚用卡》獎項。

評審團根據信用卡提供的專屬服務及優惠、客戶保障、消費回贈、年費、申請門檻及申請人數，為香港7張尊尚信用卡進行評分。作為得獎者的 美國運通國泰航空尊尚信用卡 在各個方面表現俱佳：

專屬服務及優惠

此卡向客戶提供多種尊貴禮遇，包括全年免費無限次享用環亞機場貴賓室、獲贈Priority PassTM會籍、轄免馬可孛羅會綠卡會費、優先兌換折扣獎勵機票、年費豁免等，比其他尊尚卡提供的禮遇更為全面。

客戶保障

美國運通的客戶保障一向周到。持卡人用此卡購買來回機票，即免費獲贈美國運通的旅遊保障；用此卡購物，更美國運通卡專屬的購物保障，包括30日內可退貨、自動延長保養期一年、45日內損壞賠償等等。

消費回贈

評審認為此卡的迎新回贈特別為高消費人士而設。持卡人在批卡後3個月內可賺取最多78,000迎新里數，即首HK$290,000簽帳均可享有回贈，迎新回贈上限為全港最高。

年費

此卡的年費為HK$1,800，為眾多尊尚信用卡中年費最低的一張。首年年費可獲豁免，其只需每年簽賬達HK$150,000，即可專享下年度年費豁免優惠；又或於新一年續繳年費時，您已擁有馬可孛羅會銀卡或以上會籍級別，年費亦可獲豁免。

申請門檻及申請人數

另外，此卡的申請要求為年薪HK$300,000，是其中一張較容易申請的尊尚信用卡，深受年青中產一族歡迎，因此此卡是ＭoneyHero.com.hk申請人數最高的尊尚信用卡。

*是次信用卡頒獎典禮根據2017年5月31前的信用卡資料作出評審。
——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 《2017最佳尊尚信用卡》—美國運通國泰航空尊尚信用卡 appeared first on 理財資訊.

香港許多主打現金回贈的信用卡都設有簽帳限制或回贈上限，DBS Eminent Card卻在今年3月推出無上限簽帳回贈，令其在眾卡中脫穎而出，在MoneyHero.com.hk2017信用卡頒獎典禮中獲得《2017最佳現金回贈信用卡》獎項。

評審團根據信用卡的現金回贈率、簽帳要求、回贈上限、迎新回贈、領取回贈方便度、申請門檻及申請人數，為香港38張現金回贈信用卡進行評分。綜合各方面的評分後，DBS Eminent Card 獲評審選為《2017最佳飛行里數信用卡》。

現金回贈率

憑DBS Eminent Card 作本地簽賬可享1%回贈；外幣簽賬（包括海外及網上）可享2%回贈。在眾多信用卡中，此卡的現金回贈不是最高，但優點是所有零售簽帳均有回贈，其他回贈率達2%的信用卡通常只有部分簽帳類別才享回贈。

簽帳要求

上述之現金回贈優惠不設任何簽帳額要求，所有本地及外幣零售簽帳，以及八達通自動增值均享有回贈，唯網上繳費、電子錢包增值不能賺取回贈。

回贈上限

上述之現金回贈優惠不設上限。

迎新回贈

此卡以直接現金回贈作為迎新優惠。新客戶首2個月內可享5%迎新回贈，簽滿HK$12,000可回贈HK$600。同類型信用卡多以禮物或禮劵作為迎新優惠，但在以直接現金回贈作為迎新優惠的信用卡中，此卡的回贈上限為最高。

領取回贈方便度

持卡人可選擇2種回贈方式：(1)回贈額直接於下期月結單扣減簽賬，或(2) 自動以DBS$形式存入戶口，日後用來換領其他獎賞或扣減簽帳。其靈活的回贈制度可滿足不同客戶需要。

申請門檻及申請人數

DBS Eminent Card分為Visa Platinum卡及Visa Signature卡兩種，收入要求較高的Visa Signature卡額外享有Visa Signature的專屬禮遇，高或低收入人士均適合申請，因此申請量亦跑贏其他同類型信用卡。

*是次信用卡頒獎典禮根據2017年5月31前的信用卡資料作出評審。

The post 《2017 最佳現金回贈信用卡》— DBS Eminent Card appeared first on 理財資訊.

近年金融科技發展迅速，使消費者可以更方便地使用金融服務。《MoneyHero.com.hk 2017 信用卡頒獎典禮》特別設立《2017銀行卡創新大獎》，以檢視香港銀行卡類別之創新成果，並鼓勵業界推出更多具創意的金融科技方案。

東亞銀行 (BEA) 近年持續在銀行產品，特別是銀行卡類別產品的創新付出努力，因此成為成為此獎的得主。

2015年，東亞銀行推出無卡自動櫃員機提款服務，讓卡主本人、子女、親友、家務助理等等在沒有銀行卡的情況下進行小額提款，顛覆了傳統銀行卡的概念。

同年，東亞銀行推出手機平台「ShopSmart」，結合即時購物、銀行服務、財富管理及「i-P2P」服務，令消費者在生活理財方面帶來全新體驗。

以上兩項服務均是東亞銀行率先引入香港，東亞銀行因此榮獲《2017銀行卡創新大獎》。
——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 《2017銀行卡創新大獎》—東亞銀行 appeared first on 理財資訊.

為了迎合網上購物的大趨勢，不少信用卡都有推出網購回贈。在6月13日舉行的2017 MoneyHero.com.hk信用卡頒獎典禮中，建行(亞洲)eye信用卡憑藉豐富的網購消費回贈，獲得《2017最佳網上購物信用卡》獎項。

評審團根據信用卡的網購回贈率、簽帳要求、回贈上限、迎新回贈、領取回贈方便度及申請門檻，為香港8張網上購物信用卡進行評分。評審認為建行(亞洲)eye信用卡的回贈限制最少，不設最低簽帳要求。

網購回贈率

憑eye信用卡作網上簽帳享有5倍積分，即等同2%現金回贈，網上外幣簽帳及旅遊簽帳享有7倍積分，即等同2.8%回贈，回贈率在所有網購信用卡中排名第3。另外，憑卡在香港零售商戶使用Visa payWave簽帳，同樣享5倍積分。

簽帳要求

上述之回贈優惠不設任何簽帳額要求，所有本地及外幣網上零售簽帳均有回贈，是限制最寬鬆的網購信用卡之一。

回贈上限

每張信用卡於每年（即每年由1月1日至12月31日）可獲之額外積分上限為300,000積分，即每年首HK$50,000至HK$75,000網上或Visa payWave簽帳可享5倍積分。由於此卡的回贈上限是以年計，客戶可以隨意分配每月的網上簽帳額。

迎新回贈

此卡的迎新禮品價值逾HK$2,000，是所有網購信用卡中最高。

領取回贈方便度

所獲得的積分會每月自動存入信用卡戶口，持卡人需自行用積分兌換現金回贈或現金劵。

申請門檻

網購信用卡的申請門檻普遍不高，此卡的年薪要求為HK$150,000，與其他信用卡相若。

*是次頒獎典禮根據2017年5月31前的信用卡資料作出評審。
——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 《2017最佳網上購物信用卡》—建行(亞洲)eye信用卡 appeared first on 理財資訊.

踏入夏季，日本各地紛紛舉辦夏祭同埋 花火大會 。煙花固然係重頭戲，而且仲有成街小食、遊戲攤位，同埋著晒浴衣嘅日本仔日本妹，氣氛超熱鬧！想迎接一閃即逝嘅浪漫花火，一定要做足準備，MoneyHero.com.hk為大家全面拆解日本花火大會必知事項，包括日期、時間、地點、交通等，帶你深入感受日本文化，炮製最青春熱血、最感動嘅夏日回憶！

(想去大阪、京都嘅朋友可以睇呢篇：關西5大必去 花火大會）

關東5大 花火大會

1）足立花火大會 (東京都)

日本全國人氣第一花火大會，擁有近100年歷史，為東京最早開催嘅花火大會。今年第一幕會上演全日本首次登場嘅「迎仕掛」(燈飾樹)煙花，而最精彩當然唔少得足立花火大會嘅招牌，第五幕嘅「威風堂」4,000連發！

人氣指數 　★★★★★
靚景指數 　★★★★
方便指數　 ★★★
擠迫指數　 ★★★★

日期：2017年7月22日(星期六)
時間：19:30-20:30
地點：東京都足立區 / 荒川河川敷 (東京地下鐵千代田線鐵橋至西新井橋)
煙花數量：約12,000發
去年參加人數：約63萬人

前往方法：

• 東京地下鐵、JR、東武線、Tsukuba Express北千住駅徒步約15分鐘
• 東武線小菅駅、五反野駅、梅島駅徒步約15分鐘

網址：http://adachikanko.net/content/39thhanabi/index.php

2）隅田川花火大會 (東京都)

東京都內規模最大、最歷史悠久嘅花火大會，繼承起源於1733年江戶時代的「両國川開花火大會」，最吸引係煙花有晴空塔做背景，浪漫到當選為「情侶最想去花火大會」第一名，近年甚至有潮爆比卡超同心形煙花！

人氣指數　 ★★★★★
靚景指數　 ★★★★
方便指數 　★★★★★
擠迫指數 　★★★★★

日期：2017年7月29日(星期六)
時間：19:05-20:30
地點：東京都台東區 / 櫻橋至言問橋(第一會場)、駒形橋至厩橋(第二會場)
煙花數量：約22,000發
去年參加人數：約95萬人

前往方法：

• 東武線、東京地下鐵、都營地下鐵淺草駅徒步約15分鐘(第一會場)
• 東武線、東京地下鐵、都營地下鐵淺草駅或蔵前駅徒步約5分鐘(第二會場)

網址：http://sumidagawa-hanabi.com/

3）江戶川區花火大會 (東京都)

東京江戶川區同千葉市川市同時開催嘅大型花火大會，以顏色形狀多樣嘅煙花而聞名，兩年前第40屆出現過富士山同動物主題煙花。今屆一開始就會上演經典5秒放1,000發煙花，閉幕就會見到壯麗嘅金冠，為夜空帶來絢麗色彩。

人氣指數 ★★★★
靚景指數 ★★★★★
方便指數 ★★★
擠迫指數 ★★★★

日期：2017年8月5日(星期六)
時間：19:15-20:30
地點：東京都江戶川區 / 江戶川河川敷 (都立篠崎公園)
煙花數量：約14,000發
去年參加人數：約90萬人

前往方法：

• JR小岩駅徒步約25分鐘
• 都營新宿線篠崎駅徒步約15分鐘
• 京成線京成江戶川駅徒步約25分鐘

網址：https://www.city.edogawa.tokyo.jp/hanabi/index.html

4）葛飾納涼花火大會 (東京都)

喺充滿下町人情味嘅葛飾區上演，鄰近老街柴又帝釋天參道，睇煙花前一定要行埋攤位，感受傳統慶典氣氛！今年嚟到第51屆，先以超震撼尼亞加拉大瀑布展開序幕，最後以壯觀嘅「彩虹橋」作結，迎接未來50年。

人氣指數 ★★★
靚景指數 ★★★★
方便指數 ★★★
擠迫指數 ★★

日期：2017年7月25日(星期二)
時間：19:20-20:20
地點：東京都葛飾區 / 柴又野球場(江戶川河川敷)
煙花數量：約13,000發
去年參加人數：約51萬人

前往方法：

• 京成線柴又駅徒步約10分鐘
• JR金町駅徒步約20分鐘
• 北總線新柴又駅徒步約15分鐘

網址：http://www.city.katsushika.lg.jp/tourism/1000065/1014488.html

5）土浦全國花火競技會 (茨城縣)

「日本三大花火大會」之一，被譽為全日本最具人氣花火大會，而且仲係超罕有嘅秋季花火大會。「花火競技會」即係花火比賽，每年日本各地都有好多花火職人參賽鬥法，比賽項目包括「速射連發」、「自創煙花」等。

人氣指數 ★★★★★
靚景指數 ★★★★★
方便指數 ★★
擠迫指數 ★★★

日期：2017年10月7日(暫定)
時間：18:00-20:30(暫定)
地點：茨城縣土浦市 / 櫻川畔(學園大橋附近)
煙花數量：約20,000發
去年參加人數：約75萬人

前往方法：

• JR土浦駅徒步約30分鐘，或東口坐接駁巴士約10分鐘

網址：http://www.tsuchiura-hanabi.jp/

行前準備要做足

相比起香港嘅煙花表演，日本花火大會規模大得多，而且可以話係「耐力持久戰」，大陣仗嘅可以連續放足兩個鐘。以下為大家列出最重要嘅事前準備，想安安落落睇煙花，呢啲功課唔慳得！

• 首要再三確認會場時間同地點 (http://hanabi.walkerplus.com)
• 至少提早兩個鐘到達，但想盡興就最好預足全日，慢慢逛埋攤位
• 霸位先到先得，記得帶定野餐墊，同時留意廁所位置
• 會場或提供收費席，個view正啲，但多數要提早申請
• 浴衣可買可租，買平價浴衣可去Uniqlo和驚安，租借要提早預約
• 準備充足食物飲品，垃圾自己帶返走
• 應使用公共交通工具，並提早買回程車票，預埋時間趕尾班車
• 一定、一定、一定要做足資料搜集！考慮清楚想參加邊種大會，比較返、揀到啱！

溫馨提示：出發前記得要買旅遊保險！MoneyHero保險平台幫你比較不同旅遊保險計劃，如STARR、MSIG、富衛等。經我哋買旅遊保險，更可享特別折扣優惠！

延伸閱讀︰旅遊上網必備：日本 Sim Card 實測比較 2017

延伸閱讀︰旅遊上網必備：全港最平 Wifi 蛋租借攻略（2017年5月更新）

——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【日本夏祭2017】關東必去5大 花火大會 (東京.茨城) appeared first on 理財資訊.

踏入夏季，日本各地紛紛舉辦夏祭同埋 花火大會 。想迎接一閃即逝嘅浪漫花火，一定要做足準備，MoneyHero.com.hk為大家搜羅咗2017年關西５大日本花火大會資料，全面拆解日本花火大會必知事項，帶你深入感受日本文化，炮製最青春熱血、最感動嘅夏日回憶！

(想去東京嘅朋友可以睇呢篇：關東5大必去 花火大會）

關西5大花火大會

1）天神祭奉納花火（大阪）

豈止於放煙花咁簡單！日本三大祭典之一大阪天滿宮「天神祭」的重頭節目，百幾架點起燈嘅小船出航，邊行邊放5,000發煙花，供奉比神明。當中最獨特係象徵天滿宮梅花盛開嘅「紅梅花火」同文字煙花「仕掛文字花火」！

人氣指數  ★★★★
靚景指數  ★★★
方便指數  ★★★★★
擠迫指數  ★★★★

日期：2017年7月25日(星期二)
時間：19:30-20:50
地點：大阪府大阪市北區、都島區 / 川崎公園．櫻之宮公園
煙花數量：約5,000發
去年參加人數：約130萬人

前往方法：

• JR櫻之宮駅西口、櫻之宮公園徒步約2分鐘
• 京阪鐵道、大阪市營地下鐵天滿橋駅徒步約5分鐘

網址：http://www.tenjinsan.com/

2）神戶港海上花火大會（神戶）

神戶夜景出晒名靚，而以神戶港口同神戶塔做背景嘅海上花火大會就更吸睛，係神戶最具人氣、最具代表性嘅花火大會。今年適逢神戶開港150年紀念，氣勢更大，港區可以欣賞到15,000發煙花綻放嘅絕景。

人氣指數  ★★★
靚景指數  ★★★★★
方便指數  ★★★★
擠迫指數  ★★★★

日期：2017年8月5日(星期六)
時間：19:30-20:30
地點：兵庫縣神戶市中央區/ 神戶港 (新港突堤至美利堅公園沖海上)
煙花數量：約15,000發
去年參加人數：約27萬人

前往方法：

• JR三之宮駅、阪急電鐵、阪神電鐵神戶三宮駅徒步約20分鐘

網址：https://kobehanabi.jp/

3）教祖祭PL花火藝術（大阪）

由「PL」(Perfect Liberty，中譯完美自由教團)舉辦嘅煙花活動，慶祝教祖祭，用意為祝願世界和平。煙花色彩斑斕，種類繁多，更選用關西地區罕見嘅尺玉煙花，堪稱「花火藝術」，千祈唔好錯過最後煙花連發一幕！

人氣指數 ★★★
靚景指數 ★★★★★
方便指數 ★★
擠迫指數 ★★★

日期：2017年8月1日(星期二)
時間：19:55-20:50(暫定)
地點：大阪府富田林市 / Church of Perfect Liberty教團敷地內
煙花數量：不公開
去年參加人數：約70,000人

前往方法：

• 近鐵富田林駅北口徒步約15分鐘
• 南海大阪狹山市駅徒步約40分鐘
• 南海金剛駅徒步約50分鐘

網址：http://www.kohkyu.co.jp/hanabi/hanabi.html

4）琵琶湖大花火大會 （滋賀縣）

琵琶湖未必係大熱旅遊景點，但佢嘅花火大會就係最能代表滋賀縣嘅夏季活動，舊年就吸引咗35萬人去到湖畔，比著名嘅神戶港海上花火大會仲要多！琵琶湖水面平靜，視野開揚，煙花點亮夜空，加上湖上噴水等表演，十級感動！

人氣指數 ★★★★
靚景指數 ★★★★
方便指數 ★★
擠迫指數 ★★★★

日期：2017年8月8日(星期二)
時間：19:30-20:30
地點：滋賀縣大津市 / 滋賀縣營大津港沖水面一帶
煙花數量：約10,000發
去年參加人數：約35萬人

前往方法：

• 京阪電鐵濱大津駅徒步約5分鐘
• JR大津駅徒步約15分鐘

網址：https://www.biwako-visitors.jp/hanabi/

5）宮津放水燈花火大會 （京都）

宮津因為日本三景之一的「天橋立」而出名，亦係日本三大放水燈地區。宮津放水燈花火大會當晚會施放約3,000發煙花，最特別係會喺宮津灣放超過10,000盞水燈，海上、天空都係燈火光芒，神聖夢幻又壯麗。

人氣指數 ★★★
靚景指數 ★★★★
方便指數 ★★
擠迫指數 ★★

日期：2017年8月16日(暫定)
時間：19:30-20:30(暫定)
地點： 京都府宮津市 / 宮津市島崎公園沖之宮津灣
煙花數量：約3,000發
去年參加人數：約73,000人

前往方法：

• 京都丹後鐵道宮津駅徒步約10分鐘

網址：http://www.kyo.or.jp/miyazu/hanabi/

行前準備要做足

相比起香港嘅煙花表演，日本花火大會規模大得多，而且可以話係「耐力持久戰」，大陣仗嘅可以連續放足兩個鐘。以下為大家列出最重要嘅事前準備，想安安落落睇煙花，呢啲功課唔慳得！

• 首要再三確認會場時間同地點 (http://hanabi.walkerplus.com)
• 至少提早兩個鐘到達，但想盡興就最好預足全日，慢慢逛埋攤位
• 霸位先到先得，記得帶定野餐墊，同時留意廁所位置
• 會場或提供收費席，個view正啲，但多數要提早申請
• 浴衣可買可租，買平價浴衣可去Uniqlo和驚安，租借要提早預約
• 準備充足食物飲品，垃圾自己帶返走
• 應使用公共交通工具，並提早買回程車票，預埋時間趕尾班車
• 一定、一定、一定要做足資料搜集！考慮清楚想參加邊種大會，比較返、揀到啱！

溫馨提示：出發前記得要買旅遊保險！MoneyHero保險平台幫你比較不同旅遊保險計劃，如STARR、MSIG、富衛等。經我哋買旅遊保險，更可享額外折扣優惠！

延伸閱讀︰【日本夏祭2017】關東5大必去 花火大會  (東京.茨城)

延伸閱讀︰【旅行必讀】2017 銀聯卡旅遊優惠全攻略—日本篇

——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【日本夏祭2017】關西必去5大花火大會 (大阪.京都.神戶.滋賀) appeared first on 理財資訊.