打工仔就嚟要交2015/2016嘅稅款，而各大銀行都陸續開始出招爭客。以9月底10月初爭先推出 稅貸 的幾間銀行比較，今年嘅低息稅貸相當吸引！大家都知道稅貸嘅息口隨時會低過按揭利率，所以借稅貸的人唔一定係借嚟交稅，可以用嚟還高息卡數或應付其他使費，咁到底喺現階段邊間銀行最抵？MoneyHero.com.hk幫大家比較番、揀到啱！（2016年10月13日更新資料）

銀行稅貸之最

最低年利率嚟計，現階段已推出新一季稅貸嘅銀行，以創興銀行「任享錢」創最低實際年利率，低至1.23%！不過就只限該行嘅全新貸款客戶，貸款額就要高達$1,000,000。由於佢哋嘅稅貸上限為$1,000,000或12倍月薪（以較低者為準），即你要月入$83,334，先可享1.23%實際年利率！

最長還款期就以Citibank嘅48個月跑出，如果借款$100,000分48個月還，實際年利率為2.59%。而最短還款期就係6個月，分別為南洋商業銀行、Citibank、華僑永亨同工銀亞洲。

而最高貸款額暫時就係工銀亞洲，高達$4,000,000或18倍月薪。

（相關閱讀：【 稅貸 大戰2016】借錢交稅要留意的6個重點）

最低實際年利率，真係俾到你？

實際年利率（APR）愈低當然愈好，但其實想借到各大銀行嘅最低實際年利率，係要滿足唔同條件，唔係個個都拎到嗰個利率的！想借稅貸嘅你，不如睇下各大銀行要拎稅貸最低實際年利率，到底有乜條件啦！

各取所需， 比較各銀行利率

打工仔對稅貸有唔同嘅需要，可能真係只用嚟交稅，或想借更多作其他用途。咁到底以實際借到金額嚟講，邊間銀行最抵？等我地比較下唔同借款額嘅一般稅貸開支啦。 （紅色者為最高，藍色者為最低。）

有心唔怕遲

提提大家，以上比較是基於部分銀行最近推出的第一批稅貸。有些銀行會等到11月至中才推出其稅貸計劃，部分銀行更會因應市場變化，於稍後甚至年底再推出更優惠的第二批稅貸。所以，如果你不是急於用錢，在考慮稅貸時不妨多等一會，多作比較，才選擇向哪間銀行申請。記得留意住我哋MoneyHero.com.hk嘅後續報道喇！

想了解、比較和申請稅務貸款，請密切留意MoneyHero.com.hk的相關資訊，以及上我們的比較平台。

——

延伸閱讀：職場新人指南： 報稅交稅 Q&A

延伸閱讀：【Asia Miles 換免費機票 攻略】最抵換旅遊熱點大搜查

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【 稅貸 大戰2016】借錢交稅早鳥攻略 appeared first on 理財資訊.

過去嘅星期一公眾假期，大家避開咗Blue Monday，有冇覺得時間過得快好多呢？相信一定有啦，因為眨下眼就到星期五，令人興奮嘅一天！周末有乜Plan？想去邊玩都好，首先一定要望望 MoneyHero.com.hk 為大家推介嘅優惠先呀！以下總共有5大精選優惠：海洋公園哈囉喂全日祭門票優惠、PayPal簽賬享回贈、YOOX.COM網購大優惠、一風堂 / 東海堂折扣等等。

1. 中銀信用卡 x 海洋公園：哈囉喂全日祭門票84折優惠

一年一度嘅萬聖節就快到！要Happy Halloween？海洋公園嘅全日祭絕對喺一個相當唔錯嘅選擇。由即日起，憑中銀信用卡購買香港海洋公園哈囉喂全日祭門票，即享低至84折優惠。請按此查閱優惠詳情。

優惠期：由即日起至2016年10月31日

想了解更多中銀信用卡，請即按此。

2. 東亞信用卡 x PayPal：簽賬享最高$600現金回贈

憑東亞銀行信用卡透過PayPal簽賬滿指定金額，即享現金回贈。只要於階段一2016年10月1日至31日，累積簽賬額滿$1,000-$3,000，即獲$20現金回贈。於階段二2016年11月1日至30日，簽賬額滿$3,000-$5,000，現金回贈即達$90。 階段三2016年12月1日至31日，累積簽賬額滿$5,000，即可獲$200現金回贈。整個推廣期內，最高現金回贈可達$600。 請按此查閱優惠詳情。

優惠期：由即日起至2016年12月31日

3. 星展信用卡 x 永安旅遊：YOOX.COM網購85折及免國際運費

想Shoppping，但又懶得出街？唔使諗，一於網購！YOOX.COM有多達10,000個品牌嘅時裝飾物、衫褲鞋襪，應有盡有，任君選擇。由即日起，憑DBS信用卡於YOOX.COM網站購物，享全店正價及減價貨品85折及免國際運費。請按此查閱優惠詳情。

優惠期：由即日起至2016年11月30日

4. 美國運通卡 x 東海堂 / 五行 / 一風堂 / 千両壽司：飲食優惠現金回贈

一邊消費，一邊獎勵！由即日起，憑美國運通卡於指定商戶（東海堂、五行、一風堂、千両壽司）以非接觸式付款，累積消費滿$150，即可獲$20簽賬回贈，推廣期內可獲最多$60回贈。請按此查閱優惠詳情。

優惠期：由即日起至2016年10月31日

5. 匯豐信用卡：精選食府簽賬低至7折

由即日起，憑匯豐信用卡於超過30間精選食府簽賬可專享低至7折優惠。30間食府包括各式各樣菜餚：中菜、西餐、意式菜、日本菜等等，應有盡有。邊食邊簽賬邊享優惠，今次真喺食指大動。請按此查閱優惠詳情。

優惠期：由即日起至2016年12月15日

想知道更多信用卡嘅優惠資訊？立即使用我哋嘅比較工具，搵出最適合你嘅信用卡！

——

延伸閱讀：【手機錢包】 WeChat Pay 攻略 x 優惠

延伸閱讀：【Asia Miles 換免費機票 攻略】最低換旅遊熱點大搜查

想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！

The post MoneyHero.com.hk本周至 著數 優惠情報（2016年10月14日） appeared first on 理財資訊.

上個月本地多間銀行紛紛調高 人民幣 定期存款利率吸納資金，不過隨住本港人民幣銀行同業拆息逐漸回穩，4厘高息已不復見。如果你正考慮做人仔定存賺息，就要諗清楚而家究竟係咪好時機？如果真係做人仔定期，又以邊間銀行嘅人仔定存最抵呢？MoneyHero.com.hk比較了10家銀行的人民幣定存利息同優惠，幫你作出更明智嘅選擇。（2016年10月更新）

短期定存富邦勝 息率高達3.9%

大部分銀行嘅3個月期定存息都徘徊在2厘水平，不過富邦銀行就提供3.9%息率，但客戶至少要存入10萬元人民幣至可享此優惠。而半年人仔定存利息就以永隆銀行嘅3.1厘最高，其次係交通銀行提供嘅3.05%息率，起存金額僅為2萬元人民幣，但就只限通達理財客戶。至於12個月長期定存，永隆、上商及渣打銀行都提供高達3.2%息率，要享有優惠利率，存款同樣至少要有10萬元人民幣。

如果你冇咁多資金在手，可以考慮中銀、交通或永隆銀行，起存金額只係2萬元 人民幣 。如果做半年或1年定存，利息有2.9%-3.05%。不過，要留意嘅係唔少銀行只係喺使用指定理財服務嘅客戶提供優惠息率，一般市民未必能受惠。

人民幣有匯率風險 隨時賺息蝕匯價

雖然近期銀行調高咗人民幣存款利息，但大多銀行嘅利息都徘徊喺2、3厘水平，同今年年初嘅4至5厘高息相比已回落不少，唔算太吸引，而且業內人士相信銀行加定存息唔會維持太耐。再加上人民幣受制於匯率風險，他日將人民幣兌換番做港幣或其他外幣時，可能會因為人民幣匯率變動而蠶食大部分利息回報，最終賺息蝕匯，大家投資前最好衡量好風險至沾手。

想了解更多銀行產品的資訊，例如信用卡、私人貸款及按揭，請即進入我們的比較平台。

——

延伸閱讀：【 稅貸 大戰2016】借錢交稅要留意的6個重點

延伸閱讀：【Asia Miles 換免費機票 攻略】最抵換旅遊熱點大搜查

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 人民幣 定期存款利息優惠大比併（2016年10月） appeared first on 理財資訊.

英國經濟受脫歐一事引發波動，相信大家都知道近期英鎊大跌！與此同時， 英國網購 店為搶生意亦各出奇謀，實行瘋狂大劈價……這一刻，上網掃英國貨是常識吧！MoneyHero.com.hk 以下為大家推介8大著名 英國網購 店。大家在淘寶之餘，趁機玩玩英國網購啦！

8大英國網購店

1. asos

asos喺全英國最大型嘅時裝購物網，網站提供超過850個品牌，衫、褲、鞋、襪、首飾等等，任君選擇。除咗規模夠大之外，全球包郵亦同樣吸引。只要買滿HK$100，即可免國際運費，不過就要等14日先送到香港；如果想快，只要買滿HK$300，就可以享用7日快速付運免運費！28日內退貨仲免運費！品牌選擇多得很，除asos自家品牌外，仲有大量大牌子，例如：Nike、A&F、Adidas、Dr. Martens、Converse等。

瀏覽asos官方網站，可按此。

2. Harrods

Harrods作為英國皇室御用嘅百貨公司，品質、信譽一直都非常優秀。除咗男女裝衣物、配飾、包包外，網購產品仲包括食物、酒、家品電器、廚具用品、廁所浴室用品、床上用品、美容產品、嬰兒用品等等，可謂應有盡有。雖然同其他網購店相比，Harrods貨品嘅優惠未算特別多，但喺Harrods運費全部劃一價 25英鎊（約HK$240），直接空運送達香港。換言之，今日買，最快聽日就可以收到！一次過大量買或者同朋友夾份買，都咪話唔爽呀！

瀏覽Harrods官方網站，可按此。

3. TOPSHOP

TOPSHOP喺英國有超過300間門市分店，品牌之大，配合獨特嘅設計，喺London Fashion Week都唔難搵到模特兒特兒著住TOPSHOP行Catwalk嘅蹤影。衫、褲、鞋、襪，所有配飾、首飾等等，林林總總，各樣都按顏色、尺碼分門別類。著衫要有Fashion Sense，可能TOPSHOP嘅衣物幫到你。重點喺，TOPSHOP而家做緊5折大優惠！運費方面，只要你買滿100英鎊（約HK $960），就可以豁免國際運費。

瀏覽TOPSHOP官方網站，可按此。

4. MATCHESFASHION.COM

MATCHESFASHION.COM喺英國著名嘅名牌網，喺呢度，你可以輕易買到大量奢華品牌嘅手袋、女性服裝：Givenchy、MiuMiu、Gucci、Valentino、Fendi、Saint Laurent、Max Mara、Chloe、Dolce &Gabbana等等。喺呢個網購店買名牌都好出名係平過香港，普通冇減價嘅貨品比香港平都30%-40%；如果有折扣的話，平起上嚟，直頭係香港正價貨品5折。另外，任何訂單都可以免國際運費、免稅，仲有28日內免費退貨！係時候要入名牌包包！

瀏覽MATCHESFASHION官方網站，可按此。

5. SELFRIDGES

SELFRIDGES呢間英國百貨公司有上百年歷史，賣嘅貨品同Harrods嘅貨品性質相約：衣物、家品、電器、珠寶手表等等；不過，SELFRIDGES就相對受華人歡迎。至於運費，你只需付HK$53運費，貨品就可於5個工作天內送達香港；如果想今日買，聽日就收到件貨，俾HK$85就可以了。如果買完件貨唔滿意，28日內可獲全數退款。另外，輸入香港地址後，就會自動退稅20%。

瀏覽SELFRIDGES官方網站，可按此。

6. NEXT

NEXT係英國本土品牌，產品同價錢都相當大眾化，深受英國人歡迎。雖然NEXT喺香港都有分店，但店面比較細，貨品點都唔及網購咁包羅萬有。呢度賣嘅衫，除咗成人男女裝，仲有好多童裝、小朋友用品，英國嘅媽媽好鍾意喺度買嘢俾仔女。值得一提，呢度仲有鮮花賣！而家NEXT就做緊清貨大減價，大部分產品低至半價。

瀏覽NEXT官方網站，可按此。

7. END.

END.嘅衣著，可謂潮人必備！幾十個潮Brand，任君選擇：Adidas、Nike、Reebok、Converse、Fred Perry、New Balance等等。最近，END.仲做緊2016 Summer Sale，貨品低至半貨！買滿150英鎊（約HK $1,440），即可獲免費送貨服務，只需2至3日，貨品即到手；如果想今日買、聽日就收到貨物，咁就要俾4.95英鎊運費（約HK$50）。

瀏覽END.官方網站，可按此。

8. COUNTRY ATTIRE

COUNTRY ATTIRE同以上介紹嘅時裝購店性質相約，都喺賣流行時裝，不過呢度嘅貨品就集中衣服，配飾、手袋之類就比較少。COUNTRY ATTIRE集中賣英國地道品牌，例如：Herschel、Clarks、Fred Perry、Birkenstock、Timberland等等，Fashion Style以英倫風為主。最近，佢哋就做緊Autumn Sale，貨品低至7折。運費方面，買滿超過40英鎊（約HK$390），即可免運費送達香港，大約5至14日就可送到。

瀏覽COUNTRY ATTIRE官方網站，可按此。

網購必備信用卡

網購簽賬好易就可以賺取現金回贈，到底邊張卡最啱網購用呢？不妨考慮以下呢幾張：

DBS Eminent Card：簽賬滿$10,000，可享高達$1,500現金回贈

東亞銀行i-Titanium Card：網上簽賬可享3％現金回贈

Citibank-Clear Card：網上簽賬可享2％現金回贈

美國運通-Blue Cash Card：海外消費可享1%消費回贈

——

延伸閱讀：淘寶達人必睇：10大 集運 公司大比併

延伸閱讀：【唔使搵代購】日本樂天 + Amazon JP 網購 全攻略

想知道最新嘅理財貼士，就要留意MoneyHero.com.hk Blog，同埋緊貼我哋嘅Facebook Page！

The post 【英鎊跌，掃貨好時機】8大 英國網購 店推介 appeared first on 理財資訊.

私人貸款 大家都聽得多，日日在報章電視以至網上都會見到 私人貸款 賣廣告，但大部分人都過目即忘、避之則吉，覺得私人貸款與我無關、借錢不是一件好事。之但係，今日又點知聽日事？可能有一日，你都會突然間需要用一大筆錢，又或者想將不同利息嘅債務整合，甚至係想減少現有債務嘅利息……呢種種情況，私人貸款都可以幫到你。MoneyHero.com.hk就同大家睇下，一啲最普遍嘅私人貸款用途，以及相關嘅小貼士。佢雖然唔係萬能，但就真係有好多可能！

1）找卡數 / 償還債務 / 結餘轉戶

好多人借 私人貸款，係用來找卡數（所謂「卡數一筆清」）。因為信用卡卡數（未償還欠款）的利息相當高，若借私人貸款來一筆過還清卡數，再定期定額還私人貸款，財政上會更有預算，亦會省下不少利息費用。

但請記住，如果你打算借私人貸款來償還卡數（或其他債務、欠款），你只係將債務由一個戶口轉到另一個戶口，絕對唔係還咗債！

市面上有一種稱為「結餘轉戶私人貸款」，目的係為咗減少現有債務嘅年息，適合有多於一項債務嘅人。綜合債務之後，實際年利率會比較低，咁就可以慳番啲息。加上同一時間要管理唔同嘅債務都幾麻煩，所以呢類貸款亦可以幫你容易啲打理債務。

此類貸款除了可以清還債務外，亦可以額外借出一筆現金做其他用途，因此其總貸款額較私人分期貸款高。例如中銀分期「易達錢」最高只可借月薪12倍，而中銀分期「易達錢」結餘轉戶最高可借21倍。

想了解更多中銀私人貸款，可按此。

2）裝修貸款 Vs 私人貸款

市面上有啲借貸機構會提供所謂「裝修貸款」，但呢類貸款多數利息同實際年利率都比一般私人貸款高。同時，喺批核貸款之前，亦都會要求你遞交較多證明文件，例如裝修圖則、收據等等。

但申請私人貸款，再用嚟支付家居裝修嘅開支的話，就可以唔使俾咁貴息。大多數私人貸款都唔使證明借貸原因和借款用途，所以申請手續都冇咁麻煩。

3）借錢創業

而家人人話要創業，但資金何來？如果你申請唔到企業貸款的話，私人貸款都係一個唔錯嘅選擇。無論你係第一次創業，或者想以「特許經營」 創業，私人貸款都可以做你嘅創業基金。由於私人貸款屬於無抵押貸款，你唔需要提供資產做抵押品，所以失去資產的風險比較低。

4）結婚 / 旅行，簽卡好定私貸好？

結婚同旅行都需要喺短時間內使一大筆錢。以結婚為例，根據結婚資訊網站ESDlife.com上年公佈2015年全港結婚消費調查結果，發現新人嘅結婚預算平均要花超過$310,000！咁大筆錢，唔係對對準新人都有咁嘅積蓄，所以申請私人貸款絕對可以幫你舒緩一下經濟壓力。

相關讀讀：【 結婚 要幾多錢？】籌備結婚的開支預算2016

有啲人會選擇以信用卡去支付結婚 / 旅行的費用，貪可以儲積分 / 賺里數。但如果你簽落嘅卡數有番咁上下，而你又唔會一筆過清付卡數（例如只還Min Pay），咁其實你每個月要付出的卡數利息係十分之高！相較之下，如果你一早借私人貸款支付結婚 / 旅行費用，利息會低好多之餘，財政上你亦會更有預算。

就以上面結婚預算$310,000為例，假設準新人手頭有$110,000現金，需要借款$200,000，申請Citibank「特快現金」的話，分24個月攤還的每月還款額只是$8,653，全期利息支出$7,680（實際年利率3.71%）。每個月固定還款，對新人來說會是一個較穩健的計劃。

但決定向邊間銀行 / 機構借私人貸款之前，記得要比較還款期、手續費、實際年利率（APR）等等，揀一款最適合你嘅貸款。

想了解更多Citibank私人貸款，可按此。

總括而言，要善用私人貸款，在於好好運用筆錢嘅同時，亦要將代價（利息同埋實際年利率）減到最低。所以秘訣就係要搵一款最啱你、最抵嘅私人貸款。即刻上MoneyHero.com.hk，比較香港不同借貸機構提供嘅私人貸款，睇啱仲可以即時網上申請！

——

延伸閱讀：【 稅貸 大戰2016】借錢交稅要留意的6個重點

延伸閱讀：【稅貸知識講堂】 稅貸 同普通貸款有乜分別？

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 私人貸款 的4大用途，一定幫到你！ appeared first on 理財資訊.

信用卡不單止係身分嘅象徵，識得揀卡簽賬仲可以賺取更多飛行里數同現金回贈，愈高門檻嘅信用卡，自然愈大機會有較吸引嘅回贈同埋獎賞！今次MoneyHero.com.hk為你介紹7張高薪人仕必備嘅尊尚卡，幫你比較番、揀到啱！

1. Citi Prestige信用卡：高門檻年薪突顯尊貴

呢張卡年薪要求高達60萬，絕對係高收入人仕之選。此卡享有高里數兌換率，本地消費$6=1里，海外消費$4=1里，雖然每年要俾$2,500年費，但俾完年費即刻可以取得15,000里，遠比你用其他方法買里數便宜，而且積分是無限期和兌換是免費的。持卡人仲免費得到Priority Pass，可無限次免費享用全球超過850間機場貴賓室。另外，此卡的八達通自動增值享有$6=1里，比坊間大部分信用卡抵。此卡者還擁有年資獎賞，持有此卡愈長，額外獎賞愈高！

• 年薪 / 資產要求：$600,000年薪
• 海外簽賬：1.5%回贈；$4 = 1里
• 本地 / 網上 / 餐飲簽賬：1%回贈；$6 = 1里
• 年費：$2,500

迎新禮品：

• 15,000里數（180,000 積分）

全年優惠：

• 高達額外30%年資獎賞
• 任何酒店第4晚免費住宿優惠（需預訂住宿連續4晚或以上；可無限次享受此優惠）
• 憑Priority Pass™無限次免費享用環球機場貴賓室服務
• 優惠里數兌換率
• 現金回贈（透過Citi ThankYou Rewards 「現金回贈」，可以200積分兌換$1現金回贈）
• Citi Prestige環球盛事
• 高爾夫球賞樂
• 20,000里數年度獻禮

想了解更多Citi信用卡詳情，可即按此。

2. 匯豐Visa Signature卡：高達3.6%現金回贈

HSBC黑卡嘅代表非HSBC Visa Signature卡莫屬！擁有高年薪或資產要求，就自然帶俾你優厚嘅回贈。呢張卡最大賣點就係可以賺取合共9X「獎賞錢」，相等於3.6%現金回贈！因為用呢張卡除咗賺到基本的「獎賞錢」之外，6個指定簽賬類別都可享額外3X「獎賞錢」，即等同所有簽賬都享有1.6%現金回贈！你仲可以將最常用嘅簽賬類別登記「最紅自主奬賞」計劃，該類別就可以賺埋額外5X「獎賞錢」，9X就係咁嚟！

咦，咁6大簽賬類別究竟係乜？其實就包括咗賞滋味、賞玩樂、賞家居、賞品味、賞中華及賞世界，無論你係鍾意食、玩、買嘢、去旅行，都俾你賺得更多！

• 年薪 / 資產要求：$480,000年薪 或 $600,000資產
• 海外簽賬：7.6%回贈；$1.32 = 1里（「最紅自主奬賞」簽賬類別）
• 本地 / 網上 / 餐飲簽賬：3.6%回贈；$2.78 = 1里 （「最紅自主奬賞」簽賬類別）
• 基本簽賬：1.2%回贈；$8.3 = 1里

全年優惠：

• 香港君悅酒店Steakhouse以$1,200尊享特選晚市二人套餐（星期日至四）
• 香港怡東酒店TOTT’s and Roof Terrace指定晚市套餐買一送一（星期一至四）
• Visa Signature卡持卡人尊享全日24小時禮賓及緊急服務

3. Citibank PremierMiles信用卡：旅遊人仕之選

Citibank PremierMiles信用卡最啱鍾意去旅行嘅人，皆因一卡在手，就有得免費入機場Lounge、送旅遊保險同有酒店優惠添！而且年薪要求由以往48萬調低到36萬，應會吸引到不少愛旅遊人仕申請。

• 年薪/資產要求：$360,000年薪
• 海外簽賬：2%回贈；$3 = 1里（於當月的本地及海外簽賬達到$20,000或以上）
• 本地 / 網上 / 餐飲簽賬：0.75%回贈；$8 = 1里 （此不包括網上簽賬）

迎新禮品：
可獲以下其中一份迎新禮品：

• $1.5 = 1里（額外高達20,000里數）
• American Tourister Coastline 67cm 4輪行李箱寶藍色
• 額外獲得4,000里數 （48,000積分）
• 免費10程Uber搭乘服務
• $400或$800 HKTVmall電子禮券

全年優惠：

• 免費專享機場貴賓室服務（每次享用環亞機場貴賓室服務後30天內簽賬滿$5,000）
• Mr and Mrs Smith $500酒店預訂優惠（需預訂入住2晚或以上；預訂日期：2016年9月1日至2016年11月30日）
• 全面飛行及酒店獎勵計劃（以積分兌換飛行里數及酒店住宿，兌換手續只需4-8工作天，無需任何手續費）
• 五星級Anantara渡假酒店獨家優惠（由即日起至2017年1月31日，可獲泰國Anantara渡假酒店買一晚送兩晚優惠）
• 免費旅遊保障（需以Citi PremierMiles信用卡全數支付機票、酒店或旅行團團費）

想了解更多Citi信用卡詳情，可即按此。

4. 美國運通國泰航空尊尚信用卡：出國公幹之選

美國運通國泰航空尊尚信用卡十分適合經常旅遊或出外公幹的人，除了海外簽賬享有$4=1里的全港最抵兌換率外，基本卡及附屬卡的持有者更可以全年無限次享用環亞機場貴賓候機室設施，另外基本卡會員可憑獲贈之Priority Pass 會籍，享用全球逾850所機場貴賓室設施。此外，此卡迎新優惠相當吸引，可獲高達76,000「亞洲萬里通」里數。

• 年薪 / 資產要求：$300,000年薪
• 海外簽賬：$4 = 1里
• 本地 / 餐飲簽賬：$6 = 1里

迎新禮品：
可獲豁免首年年費及以下所有迎新禮品：

高達76,000「亞洲萬里通」里數

• 網上額外獎賞：1,000里（網上申請）+
• 迎新簽賬獎賞：5,000里（首3個月簽賬滿$5,000）+
• 本地簽賬獎賞：高達40,000里（首3個月本地簽賬每$5=1里數）+
• 外幣簽賬奬賞（包括網上及其他消費）：高達30,000里（首3個月外幣簽賬滿等值每$3=1里數）

全年優惠:

• 憑卡於國泰航空航機上購物及訂購國泰航空機票，均可獲額外「亞洲萬里通」里數
• 透過 www.asiamiles.com 購買「亞洲萬里通」里數、延續里數有效期及里數轉贈之費用，可享9折優惠
• 首12個月內基本卡會員可憑獲贈Priority Pass會籍並可享用全球逾850所機場貴賓室
• 會員及附屬卡會員，可免費無限次享用環亞機場貴賓候機室的尊貴設施
• 享有馬可孛羅會綠卡會籍申請費用豁免，盡享會員專有權益
• 專享早達3天前於網上優先兌換精選折扣獎勵機票
• 只需每年簽賬達$150,000，即可專享下年度$1,800年費豁免優惠；又或於新一年續繳年費時，已擁有馬可孛羅會銀卡或以上會籍級別者，年費亦可獲豁免

5. 渣打亞洲萬里通萬事達卡：獨家尊享迎新20,000里

呢排成日聽到人地講「鄭秀文張卡」，代言人夠厲害之餘，本身張卡都一樣咁勁！渣打亞洲萬里通萬事達卡主打飲食、網上及海外簽賬回贈，呢3個類別全年都$4/=1里，而且佢係「亞洲萬里通」第一張同銀行聯營嘅信用卡，兌換里數唔使手續費。迎新優惠嚟講都係非常吸引，只需簽$7,500就可以得到15,000里數。呢張卡每個月月尾都會自動幫你將賺到嘅里數存入你嘅「亞洲萬里通」戶口，唔使任何兌換手續費！

• 年薪 / 資產要求：$240,000年薪
• 食肆 / 網上 / 海外簽賬：$4 = 1里
• 其他類別簽賬：$6 = 1里

迎新禮品：

• 【尊享優惠提提你】由而家至2016年11月30日，全新客戶只要於同親友組隊，並透過網上申請渣打亞洲萬里通萬事達卡，每位全新客戶都可以賺多4,000里數。如果你經MoneyHero.com.hk申請呢張卡，同我哋組隊，就可以尊享Team MoneyHero嘅5,000里數優惠，比其他人再賺多1,000里數！立即按此睇睇優惠詳情！
• 全新信用卡客戶，迎新期首2個月內可享每簽賬$0.5 = 1里數優惠（$7,500 = 15,000里數）

全年優惠:

• 理財獎賞（若成為「優先理財」客戶及存入港幣$1,000,000新資金並開立4個月「亞洲萬里通」定期存款尊享55,000 「亞洲萬里通」里數；若以新資金港幣$200,000成功開立「個人理財升級計劃」，新客戶可尊享高達24,000「亞洲萬里通」里數及首4季服務費豁免優惠；若開立綜合存款戶口，網上獨家迎新優惠2,000「亞洲萬里通」里數）
• 「亞洲萬里通」夥伴獎勵
• 「亞洲萬里通」里數兌換獎勵
• MasterCard餐饗禮遇
• MasterCard 旅遊及購物禮遇
• MasterCard contactless
• 盡享餐飲、購物及消閒全年優惠

6. DBS Eminent卡：網購 / 餐飲之選

DBS Eminent卡主要有3個賣點。第一，此卡適合喜愛外出用膳的人士，持卡人在本地食肆簽賬會有3X積分，相等於$5=1里的優惠。第二個賣點就是網上簽賬有6%現金回贈，如果你鍾意網購，得閒就上下淘寶、Amazon、Gmarket買野，呢張卡可以幫你慳唔少，不過要注意，呢個回贈每月上限為$300，即係等於每月總消費滿$5,000，該月先享有此優惠。最後，呢張卡有不少全年優惠，包括睇戲、機票酒店預訂及網購商戶，俾你慳得更多。

• 年薪 / 資產要求：$240,000年薪
• 餐飲簽賬：1.2%回贈；H$5 = 1里
• 海外 / 網上簽賬：6%回贈；$15 = 1里
• 本地簽賬：0.4%回贈；$15 = 1里

迎新禮品：

• 簽賬$10,000享高達$1,500網上及海外簽賬回贈 或
• 零售簽賬達$8,000享高達$500現金回贈
• MoneyHero.com.hk獨家額外$300優惠，包括$100現金回贈、Pacific Coffee $150電子禮蜜卡及MoneyHero.com.hk獨家額外$50現金券

全年優惠：

• 於網上購物及海外旅遊消費，均可享6%現金回贈（每月上限為$300）
• 免費轎車機場接送服務
• 6折租用Wi-Ho! Wi-Fi Router
• 全港所有食肆3倍DBS$獎賞
• Alila Hotels And Resorts預訂85折
• The Grand Cinema戲票低至8折
• Visa Signature「買一送一」美饌禮遇
• Pacific Coffee手調飲品7折

7. DBS Black World MasterCard：iGO Rewards尊享優惠

DBS Black World MasterCard適合喜愛旅遊的中高收入人士，持卡人享有海外簽賬$4=1里和本地簽賬$6=1里，而且積分是無限期和轉換里數不用錢。此外，由於此卡屬於World MasterCard的級別，所以享有眾多酒店和旅遊優惠。

• 年薪 / 資產要求：$240,000年薪
• 海外簽賬：1.2%回贈；$4 = 1里（全年海外簽賬3X DBS$）
• 本地 / 網上 / 餐飲簽賬：0.8%回贈；$6 = 1里

迎新禮品：

• 新客戶或現有客戶於本地及海外零售簽賬可享10X DBS$（即$1.2 = 1里數），新客戶首$3,000本地零售簽賬金額及首$3,000海外簽賬金額可享額外獎賞
• 成功申請及於7日內交齊申請文件，再享額外DBS$25 （即520里數）

全年優惠:

• iGO Rewards 55折換領優惠， 讓你隨時以DBS$兌換機票、酒店住宿或設計個人化的旅行套票
• 無限期DBS$
• MasterCard樂遊賞額外5%獎勵，無價香港精選禮遇
• 機場報章 / 雜誌免費換領
• 酒店訂房優惠低至85折（agoda.com、Hotels.com、Expedia.com.hk、Asiatravel.com）
• 6折租用旅遊Wi-Fi Router
• MSIG旅遊保障計劃保費低至5折
• 8折兌換現金回贈
• 全方位網購優惠低至7折

想知道更多信用卡嘅優惠資訊？立即使用我哋嘅比較工具，搵出最適合你嘅信用卡！

——

延伸閱讀：【入油要碌卡】信用卡 x 油站 入油優惠 全攻略

延伸閱讀：【 稅貸 大戰2016】借錢交稅要留意的6個重點

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【信用卡攻略】7大高薪人仕必備 尊尚信用卡 appeared first on 理財資訊.

去旅行之前一定唔少得要換 外幣 ，但究竟邊間銀行或找換店嘅匯率最抵？如果改用信用卡於海外簽賬會唔會更划算？係嘅話又應該用Visa、Master定係銀聯卡好呢？MoneyHero.com.hk今次就幫大家比較各大找換店同發卡機構的匯率和手續費，再選出5張去旅行必備的信用卡，為大家解答以上問題，幫大家慳多啲！（2016年10月更新資料）

去邊度兌換 外幣 好？

1）找換店

香港各區都有找換店，其中以中環百年最出名，但就長期排晒長龍。其實找換店選擇多的是，例如上環牛記、尖沙咀永恒、重慶大廈堅成和深水埗發達鳥找換店等店嘅匯率都相當唔錯，亦有喺網上列明當日最新匯率，大家換錢前可以上網格咗價再預約，咁就可以隨時以最抵匯價換外幣啦！

2）去銀行兌換

唔想排隊排餐懵，可以去銀行兌換外幣。香港銀行大多以現鈔價及電匯價（TT Rate）兌換外幣。現鈔價係指你去銀行直接用現金兌換外幣嘅匯價，而電匯價就係持有該銀行外幣戶口嘅客戶透過ebanking喺戶口內兌換外幣用嘅匯價。電匯價一般比現鈔價抵，但你要有該行嘅外幣戶口，然後再預約時間去銀行攞錢。如果你有高級理財戶口，匯率會更優惠，但要留意銀行通常只提供主要貨幣，而且每日提取外幣設有上限。

3）Travelex網上預訂

連銀行都唔得閒去？咁你可以到通濟隆Travelex官網預訂外幣，好處係有42種貨幣揀（連巴布亞新畿內亞「基那」、卡塔爾「利雅」同毛里求斯「盧比」都有！）除咗市區分店外仲可以直接去機場提取外幣現金，每次上網預訂最高金額為5萬港元（或等價外幣）。

4）TNG

最近本地電子錢包TNG推出咗實時全球匯款同外幣兌換服務，至尊會員可以經TNG兌換16種外幣，3日內於指定兌換店27間分店領取現鈔，手續費全免。

5）去外地換錢

有時去韓國、台灣等地旅遊，到當地至換外幣可能反而匯率更抵，不過如果急需現金，最方便快捷嘅方法係喺海外ATM提款喇！只要你喺出發前開通海外提款服務，就可以喺海外嘅自動櫃員機撳錢。兌換率一般以當日匯價計，可能冇找換店咁靚，而且要收手續費。想知更多，即睇：外遊必讀！海外 ATM 提款攻略。

（溫馨提示：計劃旅遊假期，記得要買旅遊保險！即上我們的比較平台選擇最適合你嘅旅遊保險！有Allied World、FWD同MSIG等不同計劃俾你揀，經我哋買仲有優惠添！）

用剩嘅外幣點處置好？

去完旅行，除咗有一大袋手信返香港外，通常手上仲有一大堆用唔晒嘅散銀硬幣。如果係冷門貨幣，你想換番做港幣可能都冇人要。不過幣其實有以下選擇：

1）通濟隆Travelex

通濟隆Travelex有推出優越回購兌換率，只要你喺離港出境前到任何一間分店支付HK$40的費用，就可以憑優惠回購兌換率將外幣換做港元。按此查閱詳情。

2）Travelers Box外幣收集機

專門喺機場提供外幣零錢兌換服務嘅Travelers Box準備將服務擴展到香港，預計會喺今年年底前將3部外幣收集機引入香港機場。到時大家可以選擇將用剩嘅外幣匯到自己嘅PayPa l/ 百度錢包戶口，亦可兌換成Starbucks、iTunes、H&M等商戶嘅禮品卡，甚至可以捐款俾慈善機構！

信用卡海外簽賬：應該用港幣俾定外幣簽賬？

人在海外始終唔方便帶咁多現金喺身，但碌卡時應該用外幣定港幣簽賬呢？首先你要知道，用外幣簽賬，每間發卡機構及銀行都會收取手續費。（見圖1）

（圖1）

發卡機構中以美國運通所收嘅手續費最高（2%），而Visa與MasterCard就收取1%，再加上各家銀行自己收取嘅手續費，加加埋埋就係1.75%至1.95%不等。

由於銀聯不設手續費，所以用銀聯卡會比較抵；但大家要留意番，用匯豐銀聯卡若非以港幣同人民幣交易嘅話，會有1%手續費，而恒生銀聯卡亦有1.2%手續費。

銀行一般會於交易完成2個工作天後根據當日匯率結算，即係話你要收到月結單嗰陣至知匯率同最尾結算嘅港幣總金額。如果銀行結算嗰陣，當地貨幣剛好下跌，你就可以用較抵嘅匯率找數，當然反之亦然。

至於以港幣入賬就係外地商戶即時幫你將外國貨幣轉做港幣，好處係一碌卡就即時知道簽賬額，不受匯率波動影響，但同時你亦要支付動態貨幣轉換（Dynamic Currency Conversion，簡稱DCC）服務的手續費（約3%-5%）。部分銀行更會收取跨境港幣交易手續費（一般為0.8%），都再加上用港幣交易就冇咗外幣簽賬優惠，所以海外簽賬都係用當地貨幣結算會比較划算。

邊間銀行、找換店同發卡機構匯率最好?

（圖2）

從上圖（圖2）可見，如要兌換日圓，以永隆銀行Rate最靚，而美元和歐羅則以百年同堅成匯率最抵。當然外幣匯率時有變動，呢幾間機構都未必係日日最抵嘅。想知即日最新匯率，可以參考TTRate.com或者銀行 / 找換店官網比較下先。

至於信用卡海外簽賬方面，Visa和MasterCard本身匯率不比找換店和銀聯差，只係加埋手續費後匯率就貴咗唔少，所以海外簽賬都係以銀聯卡嘅匯率最抵。如果你想查番信用卡機構嘅外幣兌換匯率，亦可以上去Visa、MasterCard同銀聯官網查番。不過，其實而家好多銀行都會推出現金回贈或積分獎賞優惠，只要比率夠高，都足以抵銷手續費，都唔一定要銀聯卡至用得嘅。如果各位擁有以下提到的外遊神卡，就記要多加使用！

海外購物必備信用卡

1）匯豐信用卡

匯豐信用卡有最紅自主獎賞計劃，只要將額外「獎賞錢」分配去「賞中華」或「賞世界」海外簽賬類別，就可以輕易賺到6倍獎賞錢，計落已經有2.4%回贈或$2.78=1里優惠。而家匯豐更推出最紅旅遊優惠，由即日起至2016年12月31日，已登記用戶用匯豐Visa Signature / 白金Visa卡於海外簽賬即賺多額外10倍「獎賞錢」，計埋即是16倍積分！其他匯豐卡用戶亦可以額外賺5倍「獎賞錢」，總計有11倍「獎賞錢」。即使扣除Visa / MasterCard嘅1.95%手續費，匯豐卡嘅回贈仍然非常著數，所以去旅行記得要準備定張匯豐卡！

2）富邦白金卡 / Titanium卡

去台灣旅遊就以富邦白金卡 / Titanium卡最著數。去一般國家簽賬可以賺到4倍積分，日韓兩國就有8倍積分，去台灣簽賬更有20倍積分！如以4倍積分計，即2%回贈（$3.75=1里），台灣嘅話就即係每$0.75=1里，即10%回贈，回贈比率非常之高！計番富邦本身海外簽賬手續費為1.85%，無論只去一般國家定係去台灣都有賺！想享有呢個優惠，就要記得於簽賬月份內打電話登記！

想了解更多富邦信用卡詳情，可即按此。

3）星展Eminent Card

DBS Eminent Card卡主只要每月零售簽賬滿HK$5,000，網上購物及海外簽賬都可以享有15%現金回贈（包括6%基本回贈同9%迎新回贈），就算計埋海外交易手續費都仲有賺。現有客戶最多可賺HK$900，而全新客戶只要於2016年10月31前申請DBS Eminent Card，同樣有15%回贈優惠，而且最高可以賺HK$1,500。不過想享有呢個優惠，就要預先登記至有。

4）東亞Flyer World信用卡

東亞Flyer World信用卡於海外簽賬有$5=1里優惠，而且喺迎新期內除咗簽滿$9,000即賺6,000里數外，如果同時申請埋東亞嘅自動轉賬支薪，並經至尊理財戶口支薪，每個月頭$10,000簽賬都有$4=1里數優惠，其後簽賬都可以每$5賺1里數，而且仲豁免獎分兌換里數手續費添！

5）渣打亞洲萬里通萬事達卡

渣打亞洲萬里通萬事達卡迎新期簽滿$7,500就有15,000里數，之後食肆、網上及海外簽賬全年$4=1里數，仲要每個月自動幫你兌換里數同存入你嘅「亞洲萬里通」賬戶內，又唔收手續費，好適合用嚟儲里數！

【尊享優惠提提你】由而家至2016年11月30日，全新客戶只要於同親友組隊，並透過網上申請渣打亞洲萬里通萬事達卡，每位全新客戶都可以賺多4,000里數。如果你經MoneyHero.com.hk申請呢張卡，同我哋組隊，就可以尊享Team MoneyHero嘅5,000里數優惠，比其他人再賺多1,000里數！立即按此睇睇優惠詳情！

海外簽賬就以上幾張卡最抵，不過上網訂廉航酒店的信用卡優惠又有不同玩法，想知道各大平價機票酒店網有乜折扣優惠或信用卡獎賞，即睇：10大 平價機票 酒店網2016！

想知道更多信用卡嘅優惠資訊？立即使用我哋嘅比較工具，搵出最適合你嘅信用卡！

——

延伸閱讀：【英鎊跌，掃貨好時機】8大 英國網購 店推介

延伸閱讀：【Asia Miles 換免費機票 攻略】最抵換旅遊熱點大搜查

記得留意我哋 MoneyHero.com.hk Blog，同埋緊貼我哋嘅 Facebook Page！

The post 外遊必讀！兌換 外幣 及海外簽賬攻略（2016年冬季版） appeared first on 理財資訊.

一般打工仔聽到有8號風球或黑色暴雨警告可能會開心，但如果你計劃好去旅行卻忽然遇到 颱風 暴雨就好麻煩，事關分分鐘搞到航班延誤甚至取消，大掃雅興之餘，你亦可能因此而要額外花錢訂機票酒店同交通使費！好彩，如果你有一早買定旅遊保險，就可以因為天氣惡劣令航班延誤而得到賠償！究竟市面上邊款旅遊保險嘅保障最全面，揀嘅時候又有乜要注意呢？MoneyHero.com.hk一次過為大家講解下！

（ 註：此表資料只供參考，實際數字請參閱各保險公司之保單條款。）

從上表可見，各大保險公司嘅旅遊保險計劃都有不同條款同細節，而一般針對旅程延誤及旅程取消保障的條款主要分為3個項目，包括旅程延誤現金賠償、旅遊延誤引致的費用，同旅程取消。

1）現金賠償

一般旅遊保險每延誤6-8小時都會有$250-$300現金賠償，上限為$1,500-$3,000不等，其中MSIG  i-Travel（計劃 A）嘅賠償金額更高達$3,500！不過，計落航班其實要延誤48-60小時至會得到最高賠贘，但航班好少會延誤咁耐（除非你去嘅國家一日甚少航班往返），所以呢個項目嘅賠償金額都唔一定係愈高愈好！

2）旅遊延誤引致的費用

至於旅遊延誤引致的費用，就主要保障你因為航班延誤而要額外支付嘅費用，當中以MSIG嘅賠償金額最高，可高達到$15,000。但值得留意嘅係，MSIG同富衛只保障額外交通費用。反而，蘇黎世同Allied World都會就額外酒店費用作出賠償，但每個細項都設有上限，如果係較便宜嘅計劃，賠償金額其實唔多。

要注意嘅係，有部分保險公司如Allied World同富衛就列明旅程延誤下，只能於「現金賠償」或「旅程延誤引致的費用」中二選其一。換言之，如果你選擇索償現金賠償，就唔可以再就旅遊延誤引致的費用索償。反觀MSIG同蘇黎世則不受此限，並會就以上2個項目作出獨立賠償。

3）旅程取消

如果你因為惡劣天氣而不得不取消行程嘅話，保險公司就會賠償俾咗錢又冇得退回嘅旅行費用。一般保險公司會提供$3,000至$30,000不等嘅賠償額，其中MSIG同AXA嘅旅遊保險計劃保障金額上限最高，最高可達$50,000。大家可以因應個人情況選擇合適嘅旅遊保險。譬如你準備去歐洲旅遊兩三個星期，咁MSIG同AXA呢類賠償額較高嘅計劃就比較適合你。相反，如果你只係去鄰近地區玩幾日，就唔需要選擇賠償額最高嘅旅遊保，畢竟呢類計劃嘅保費都會較貴。

點樣向保險公司索償？

如果因為惡劣天氣而遇到旅程延誤或取消嘅情況，你除咗要填寫索償表格外，仲要記得向航空公司索取證明信，信上要寫明航班因為惡劣天氣而延誤或取消。

此外，如果你要額外花錢訂酒店、乘搭交通，甚至另買機票，咁就要留起住宿費用嘅收據、整個旅程嘅所有登機證及其他交通費用嘅收據，以便遞交保險公司作索償證明。

提早買旅遊保險

最後提提大家，旅遊保險都係愈早買愈好，千祈咪留到上機前最後一刻至買。如果你喺惡劣天氣已發生或已宣布嘅情況下至投保，保險公司都有權唔保。好似蘇黎世就喺條款同細則上，寫明唔承保於申請保單時已發生或已宣布會引致受保旅程延誤嘅情況。所以大家一確定好行程，就最好盡快投保，咁就可以得到更全面嘅保障。

正準備去旅行？即上我們的比較平台選擇最適合你嘅旅遊保險！有Allied World、FWD同MSIG等不同計劃俾你揀，經我哋買仲有優惠添！

——

延伸閱讀：購買 旅遊保險 的8大常見問題

延伸閱讀：外遊必讀！兌換 外幣 及海外簽賬攻略（2016年冬季版）

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 颱風 暴雨 班機延誤 ，旅遊保險有得賠？ appeared first on 理財資訊.

嚟到周末，又喺優惠情報組出動嘅時候！本周有乜至筍著數呢？我哋為大家搜羅咗5大精選優惠，包括：美麗華14間食府半價優惠、海港城簽賬享$3,000現金劵、 Columbia正價貨品8折、 agnès b.簽賬享8折、交AIA保費享$200現金回贈等。優惠咁多，心動不如行動！立即睇睇MoneyHero.com.hk詳細為大家介紹番。

1. 易辦事 / 信用卡 x 美麗華商場：14間食肆半價

尖沙咀美麗華商場近期做緊美食推廣，商場內一共有14間人氣食肆獨家推出半價美食，只要你以信用卡或易辦事等電子消費結賬就可以享用優惠。呢14間餐廳仲包括新開業嘅中村藤吉、PizzaExpress、Burgeroom、Emack＆Bolio’s。想以優惠價食好嘢？現在絕對係時候了！查看優惠詳情，請按此。

優惠期： 由即日起至2016年11月6日

2. 渣打信用卡 x 海港城：簽賬享$3,000現金券

由即日起，憑渣打信用卡於海港城指定商戶簽賬，可享高達$3,000現金券。現金劵種類包括：Starbucks、FACESSS、CitySuper。查看優惠詳情，請按此。

優惠期： 由即日起至2016年11月30日

3. 銀聯信用卡 x Columbia：正價貨品8折

由即日起，憑銀聯信用卡於Columbia消費可享正價貨品8折。另外，此優惠亦適用於網上Columbia商店，網上訂單更可以享用配送服務，不過只限於香港以及澳門地區。查看優惠詳情，請按此。

優惠期： 由即日起至2016年11月10日

4. 匯豐信用卡 x agnès b.：簽賬享8折

憑匯豐信用卡於agnès b.或SPORT B.購物簽賬滿$5,000，可享8折。注意：優惠不適用於agnès b. outlet店、花店、餐廳、咖啡店、朱古力店、書店、唱片店及agnès b.畫廊。查看優惠詳情，請按此。

優惠期： 由即日起至2016年10月23日

5. 建行（亞洲）信用卡 x AIA：交保費享$200現金回贈

憑建行（亞洲）信用卡繳交AIA保費，每張保單可享現金回贈。保費金額達$8,000-$9,999，即可享$50現金回贈； 保費金額達$10,000-$19,999，即可享$100現金回贈；保費金額達$20,000或以上，即可享$200現金回贈。查看優惠詳情，請按此。

優惠期： 由即日起至2016年12月31日

想知道更多信用卡嘅優惠資訊？立即使用我哋嘅比較工具，搵出最適合你嘅信用卡！

——

延伸閱讀：【英鎊跌，掃貨好時機】8大英國網購店推介

延伸閱讀：外遊必讀！兌換 外幣 及海外簽賬攻略（2016年冬季版）

想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！

The post MoneyHero.com.hk本周至 著數 優惠情報（2016年10月21日） appeared first on 理財資訊.

今時今日上淘寶購物嘅人，十之八九都有用集運，節省唔少運費。不過還記得早在5、6年前，香港尚未有集運，在淘寶購物後，運返香港的運費都頗為昂貴，當時 DimBuy （前身為「淘點」）便是開創集運的始祖之一，帶頭牽起淘寶熱潮，至今一路見證著香港網購的發展。今次MoneyHero.com.hk便請到DimBuy創辦人兼董事總經理凌清雲先生（Jimmy），分享他的創業歷程和網購慳錢心得。

Jimmy在創業之初主要為香港人提供支付寶充值服務，之後轉型做淘寶集運，成為香港其中一個最具規模的集運公司，及後DimBuy將集運服務拓展至台灣、日本、韓國、美國、英國等國家，近期更開始發展全球代購服務及網上購物平台。

Q：得知你本來是從事建築業，再毅然投身網購業，當初為何有此創業概念？

我認為這是一個任性的舉動。當時我在建築業的工作有點沉悶，而且家庭負擔不大，也獲得太太的支持，故想做自己有興趣的事，而我對網購有較大興趣。

當時（約7、8年前）網購在香港並不普遍，大多數只是團購，剛好有一個國內大型網購網站在香港需要中介公司幫忙，而我亦有志於促進香港網購發展，就這樣開始了創業的過程。

Q：創業過程中遇到甚麼困難？

剛開始做集運時資金不多，內地的倉庫只租了1,000呎左右，怎料一個月後便「爆倉」。第一年我們搬了3次倉，地方愈搬愈大但仍不夠用，最後第5或第6次搬倉時，搬去了現在的倉庫，約有50,000呎地方才夠用。當時對於一個正在增長的行業，不知該預留多少地方，太大又怕風險高，太小又怕爆倉，這是我們所遇較特別的困難。

Q：你創業成功的秘訣是甚麼？

我很容易信任人，甚至很多人認為我太容易信人。但若我不信任和我一起工作的同事，便會出現有很大的溝通問題，而且我從來不會「我講乜就要乜」，一個人能想到的事也不會太全面，因此我希望有更多同事能發揮自己的強項，當大家都發揮自己的強項，才可以發揮到「一加一大於二」的效果。

除了管理模式之外，創業的時機亦十分重要。在我創業之時，淘寶在港剛剛冒起，網購的市場需求直線上升， DimBuy的出現剛好滿足了市場對集運的需求，為創業成功埋下契機。

Q：在眾多集運公司中， DimBuy 的價錢並不是最低，你們有甚麼優勢得以留住顧客呢？

我們的服務比較多元化，例如有提供便利店取貨、油站取貨、智能櫃服務，解決住宅附加費的問題。除了集運之外，公司業務近年已擴展至本地購物及海外代購，使服務範圍更為廣泛。此外，我們擁有龐大的客戶服務團隊，提供完善的售後服務，迅速回應客戶需要。

我們雖然標價不算便宜，但同時有做很多銀行優惠及月費計劃，例如信用卡9折優惠、Visa Checkout優惠、 優惠劵等等，折扣後價錢不比其他公司貴。我們不想打價格戰，雖然這短期內對客戶來說是好事，但長遠而言對市場不健康，會令很多公司倒閉之餘，也會拉低服務質素。我們更想保持好的服務水準，讓顧客不只有單一的選擇。

（相關閱讀：淘寶達人必睇：10大 集運 公司大比併）

Q：DimBuy未來的發展方向是怎樣？

我們的客戶開始在不同國家網購，所以我們正分散業務去不同的層面，由一開始只有中港業務，發展至現時有8條航線。在未來，我們更計劃在其他國家發展電子商貿，因為現在的業務是單一流向，即其他國家的貨物單向地運往香港，但物流是雙向的，DimBuy其實可以服務更多不同國家。

網上購物，由格價開始

Q：對網購新手而言，你會建議他們如何節省金錢？

網上很多購物平台都比實體店便宜。新手可先試一下在網上格價，看看網上商品便宜多少，是否更值得從網上入手。很多人都以為網購很麻煩，但其實試了第一次學懂了以後，便會很容易享受網購樂趣。

Q：除了港人最常用的淘寶之外，你還會推薦甚麼購物網站給大家？

我會推薦一些外國的網站，包括Amazon、樂天、日本和台灣的Yahoo等等，另外美國很多大型品牌都有自己的購物平台，不過當中有部分只限從美國本土購買，甚至Block了外國IP，如遇到這種況，DimBuy可以用代購形式幫客戶購買。

除此之外，大家也可支持一下香港本土的網站，例如HKTV Mall、MyDress、士多Ztore等。

（相關閱讀：日本樂天 + Amazon JP 網購 全攻略）

Q：香港人偏好在各個國家購買甚麼類型的產品?

很多人喜歡從台灣網站買一些伴手禮，如牛肉乾和鳳梨酥，以及一些手工製品；在日本方面，人們比較喜歡買日用品和BB用品，也許因為比較有信心；而美國方面，我覺得品牌產品比較多人買，通常會是一些衫褲鞋襪，我們也有提供船運服務，運過一些出名的床褥，香港買要大約5萬元，當地買連運費只需2萬元左右，平約一半。

Q：最後，有沒有一些網購慳錢貼士可以分享一下？

首先，要留意匯率，因為有些機會可一不可再，如早幾年日元低至6算，現在已快升近8算。而現時英鎊匯率較低，可多留意英國產品。

第二，可留意一下外國節日的大規模折扣活動，如英美的Black Friday和感恩節，國內的「雙11」和「雙12」等。但要留意不要被口號式降價欺騙，有些商品看似有降價，但其實和平時價格沒太大分別，所以格價非常重要。

最後，購買多件貨品時，可以善用集運公司提供的「重新包裝服務」，將每件貨品拆箱再合併，縮減貨件體積以降低運費開支。

——

延伸閱讀：【英鎊跌，掃貨好時機】8大 英國網購 店推介

延伸閱讀：香港 網購 優惠全攻略（2016夏）

想知道最新嘅理財貼士，就要留意MoneyHero.com.hk Blog，同埋緊貼我哋嘅Facebook Page！

The post DimBuy 創辦人凌清雲 親授網上購物貼士 appeared first on 理財資訊.

新加坡、馬來西亞、泰國等東南亞國家一向係香港人嘅熱門旅遊目的地。亦因為咁，近年多間 廉航 公司爭相推出東南亞航線吸客。不過唔好以為「廉航」一定「廉」，嚟緊聖誕同新年係傳統旅遊旺季，機票十分搶手，就算廉航機票都可以好貴的。要搶平機票的話，就要趁而家！因此，MoneyHero.com.hk為大家搜集咗星馬泰廉航資料，秋冬季機票入手價，以及比較各間廉航的行李寄艙費用俾大家參考！（2016年10月更新資料）

泰國及馬來西亞 廉航

亞洲航空 AirAsia

亞洲航空（AirAsia） 係亞洲規模最大嘅 廉航 公司，航線遍布25個國家，其中由香港直飛嘅東南亞熱門航點包括馬來西亞（吉隆坡、沙巴及蘭卡威）及泰國（曼谷、布吉及清邁）等。來回連稅票價介乎HK$1,000 – HK$2,000，有3種機票可以選擇：

特價：只包括手提行李*，不包括餐飲及不可選擇機位，更改機票日期/時間需另付費用，20kg行李托運每程需付HK$150。

Value Pack（超值套裝）：每程加HK$150~HK$300 (視乎航線)，可享有以下升級服務：

• 20kg寄艙行李
• 1份餐點
• 標準座位選擇

常飛客：每程加HK$260~HK$820（視乎票價級別）可享有以下升級服務：

• 20kg寄艙行李
• 1份餐點
• 熱選座位選擇
• 2次免費更改日期/時間
• 特快行李
• 特快登機

*手提行李不應超過56cm x 36cm x 23cm並且其重量不可超過7kg。

（溫馨提示：搭飛機去玩之前，當然要未雨綢繆，買番份旅遊保險，咁就萬無一失啦！即上我們的比較平台選擇及購買，有Allied World、FWD同MSIG等不同計劃俾你揀，經我哋買仲有優惠添！）

泰國廉航

香港快運 HK Express

眾多廉航之中，推出最多優惠嘅HK Express相信最為港人熟悉。HK Express嘅航點比較集中喺東北亞，而東南亞嘅熱門航點主要係泰國布吉同清邁。機票種類包括「自由飛」和「輕鬆飛」計劃。

自由飛：只包括手提行李*，不包括免費更改日期/時間、預先選位、寄存行李等，均需另付費用；20kg行李托運，每程需付$260。

自由飛+：每程加約HK$350 – HK$600可享有以下升級服務：

• 25kg托運行李
• 前排坐位

輕鬆飛：每程加約HK$400 – $700則享有以下升級服務：

• 30kg托運行李
• 舒適空間坐位
• 免費於香港機場優先辦理登機手續
• 免費更改旅遊日期和時間

*手提行李（56cm x 23cm x 36cm）：1件手提行李及1件隨身物品，共2件重量不能超過7kg，詳情按此查詢。

（有無諗過廉航都可以儲飛行里數？HK Express最新推出Reward-U，詳情可看：Reward-U Vs Asia Miles：廉航都可儲積分？）

新加坡廉航

虎航 Tigerair

新加坡航空旗下嘅虎航（Tigerair）設有一條香港直飛新加坡航線。機票種類分為3種，分別係「輕裝旅行」（Light）、「至抵之選」（Combo）及「靈活及舒適之選」（FlexiCombo）。

輕裝旅行：只包括10kg以下手提行李，15kg行李托運每程需付約HK$140。

至抵之選：每程加約HK$100，包括10kg以下手提行李、免費餐飲選擇、可選座位（不包括前排），15kg行李托運每程需付約HK$140。

靈活及舒適之選：每程加約HK$280，包括10kg以下手提行李、免費15kg寄艙行李、免費餐飲選擇、可選座位（包括前排）、免除一次性航班更改費用，另外每程可賺取100 Kris Flyer里數。

捷星航空 Jetstar

捷星航空每日有2班機直航來回香港及新加坡。乘客除咗可以購買「基本票」外，亦可加錢選購2種套票：「基本加值組合套票」或「基本頂級組合套票」。

基本票：只包7kg手提行李*，網上添加15kg寄存行李，每程費用為HK$135。

基本加值組合套票：每程加HK$230

• 20kg托運行李
• 變更日期/時間和姓名（須補齊機票差價）
• 可獲取澳航點數和狀態積分/阿聯酋航空/Skywards獎勵里程/JAL里程獎勵積分/或1張捷星機上獎勵禮券
• 免費選擇標準座位、免費享用膳食

基本頂級組合機票：每程加HK$860 （不可同時享有機票折扣）

• 包括30kg托運行李
• 更改名稱毋須手續費及允許變更出發地/目的地（須補齊機票差價）
• 免費變更旅客姓名、日期和時間，可收費性退款（約HK$295.81）
• 可以獲取澳航點數和狀態積分/阿聯酋航空/Skywards獎勵里程/JAL 里程獎勵積分/或1張捷星機上獎勵禮券
• 免費任選座位、免費享用膳食、休息室使用權

*手提行李（56cm x 23cm x 36cm）：大件和小件手提行李共2件，總重量不能超過7kg，詳情按此查詢。

酷航 Scoot

酷航係2012年新開嘅新加坡低成本航空公司，每日有多班航班往返香港，主打年輕同活力，形象同傳統航空公好唔同，而飛機型號更係全新嘅「波音787夢幻客機」！酷航機票主要分為4種，分別係「Fly」、「FlyBag」、「FlyBagEat」以及「酷航商務艙」。

Fly：

• 經濟艙座位
• 不包含托運行李
• 不包餐飲

FlyBag：每程加HK$150：

• 經濟艙座位
• 20公斤託運行李
• 不包餐飲

FlyBagEat：每程加HK$240：

• 經濟艙座位
• 20公斤託運行李
• 餐食、飲料及零食

酷航商務艙：每程加HK$630或以上：

• 舒適豪華座位以及雙倍的伸腳空間
• 30kg託運行李
• 15kg隨身行李
• 豪華套餐及飲料
• 優先報到及登機
• 串流機上娛樂（若有）
• 座位電源

（延伸閱讀：10大 平價機票 酒店網2016）

星馬泰機票入手價

東南亞地區一年四季氣候和暖，秋冬時分就最啱怕凍嘅人去。既然揀得搭廉航，相信各位都想盡量慳多啲，用最低嘅成本去個靚Trip！不過嚟緊12月至1 月又到聖誕旺季，應該好難搵到平機票喎！到底喺旺季期間，呢幾個國家嘅廉航機票咩價位先至算抵買？等小編用圖表Show俾大家睇睇：

留意番，「入手價」係指價格合宜、值得購買嘅價格，而唔係指最低價格。由上圖可以見到，聖誕新年期間所有地區嘅機票都會貴幾百蚊，新加坡同吉隆坡比其他地方更貴。另外，旺季嘅機票貴之餘仲特別搶手，打算聖誕去旅行嘅朋友要盡快Book機票喇！

星馬泰廉航的行李寄艙價格

買廉航機票除咗要留意淨機票價格之外，記住仲有留意埋行李托運的費用。在兩間廉航票價相若的情況下，當然係優先選擇行李寄艙費較平嘅航空公司：

相關閱讀：【廉航攻略】 廉航 旅遊免中伏指南！

想搵份最適合你嘅旅遊保險？即上我們的旅遊保險比較平台！

——

延伸閱讀：颱風 暴雨 班機延誤 ，旅遊保險有得賠？

延伸閱讀：外遊必讀！兌換 外幣 及海外簽賬攻略（2016年冬季版）

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【平機票攻略】2016年秋冬 廉航 ：星馬泰篇 appeared first on 理財資訊.

前排Apple就出咗IOS專屬嘅電子支付Apple Pay，一眾果粉當然拍手叫好啦。不過，Android用戶都唔需要再葡萄！因為強大嘅 Android Pay 已經成功喺香港推出咗，勁方便！由即日起，各位Android用家可以將自己嘅信用卡直接連落Android Pay；付款時，只需把有NFC功能嘅Android手機放置在商戶嘅感應式讀卡器上即可。等 MoneyHero.com.hk 為大家講解一下Android Pay嘅攻略同埋優惠啦！

1. Android Pay係乜？

Android Pay屬於全新嘅行動支付工具，用戶只需將Visa或MasterCard信用卡連接到Android Pay，即可用作消費支付。

2. 點安裝並啟動 Android Pay ？

• 用家透過 Google Play 下載 Android Pay 應用程式
• 將你用嘅信用卡加入Android Pay
• Android 裝置需要配備近距離無線通訊（NFC）功能，並運行 KitKat 4.4 或以上系統
• 即可啟動 Android Pay

3. 如何使用 Android Pay？

• 喚醒 Android 手機/流動裝置
• 將流動裝置（NFC）貼近非觸式終端機（即是商戶的感應式讀卡器上）
• 即可完成付款程序

4. Android Pay 5大特點

• 支援各種付款卡結賬

你可以將 Visa 或 MasterCard 信用卡（匯豐、恆生、渣打、東亞、星展、大新）、扣帳卡、會員卡，甚至禮品卡加到Android Pay，即可以在商店、應用程式以及網上商店購物。除付款功能外，Android Pay 仲具備儲值卡、會員卡等用途。

• 支援全球商店數量驚人

你可於全球數百萬間商店中使用Android Pay，只要商店的收銀處印有以下其中一個標誌，即表示該店支援「非接觸式付款」並可使用此App。

就香港商店而言，目前已有多達5,000間店鋪支援此功能，所有大型超級市場、便利店、咖啡店、食肆等等，已全面開通Android Pay，如：惠康、百佳、7-11、Circle K、屈臣氏、萬寧、Pacific Coffee、McDonald’s、美心等。

• 安全程度比實體卡更高

商戶不會知道用戶實際付款的信用卡卡號。每一次使用Android Pay付款，用戶都會獲發一個虛擬賬號。因此，消費者的姓名以及信用卡詳細資料並不會顯示於應用程式內。此外，萬一用家遺失手機，亦可隨時使用「Android裝置管理員」，將手機上鎖並清除所有個人資料，再更改新密碼，大大提升安全程度。

• 隨時查閱簽賬記錄

每次使用Android Pay付款後，用家可收取到關於每單交易的簽賬通知，內容詳盡列出商戶名稱以及消費金額。次次買完嘢都提一提你，咁就唔怕使錢會冇晒方寸或者使突咗；重點喺，萬一有其他人用咗你張信用卡簽賬，你都可以即時知道。

• 外遊消費更方便

Android Pay早已開展於美國、英國、新加坡、澳洲，對於喜歡旅行嘅香港人生嚟講，海外消費減少限制，絕對喺好事。

5. 信用卡及其他優惠

匯豐信用卡

由即日起至2016年11月30日，用Android Pay付款，最多可獲額外$250「獎賞錢」。查看優惠詳情，請按此。

渣打信用卡

由即日起至2016年11月30日，透過Android Pay完成3單零售購物簽賬或App內交易，即享$30現金回贈。查看優惠詳情，請按此。

東亞信用卡

只需加入Android Pay即賞5,000分；用Android Pay付款5次或以上，更可享25%現金回贈（最多$180）。查看優惠詳情，請按此。

星展信用卡

由即日起至2016年11月30日，於百佳、屈臣氏、屈臣氏酒窖及豐澤以Android Pay消費，可享高達50%回贈，於其他接受商戶，可享高達20%回贈。查看優惠詳情，請按此。

恒生信用卡

由即日起至2016年10月26日，加入Android Pay可獲贈$20 Cash Dollars；11月25日前於指定商戶以Android Pay付款淨額累積每滿$500，即可賺取額外$50 Cash Dollars。查看優惠詳情，請按此。

想了解更多恒生信用卡，請即按此。

大新信用卡

由即日起至2016年12月31日，首次使用Android Pay付款，即可獲$20登記回贈。查看優惠詳情，請按此。

想了解更多大新信用卡，請即按此。

相關閱讀：【手機錢包】 WeChat Pay 攻略 x 優惠

相關閱讀：【用手機夾番錢？】香港各大銀行 P2P 手機轉帳全攻略

——

延伸閱讀：【信用卡攻略】香港5大 現金回贈 Cash Back 信用卡

延伸閱讀：【英鎊跌，掃貨好時機】8大 英國網購 店推介

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【手機錢包】 Android Pay 攻略 x 優惠 appeared first on 理財資訊.

日本、韓國長期都係港人至愛旅遊熱點，秋天睇紅葉、冬天睇雪景、加上日韓特色美食，令人難以抗拒！所以不少港人都鍾意「Mon實」去日韓嘅 廉航 機票，聖誕佳節嘅 廉航 機票更係特別搶手，訂機票就要趁早！MoneyHero.com.hk為大家搜集了今個秋冬去日本和韓國的 廉航 資料，俾大家參考！（2016年10月更新資料）

日韓秋冬廉航機票入手價

營辦日本 廉航 的公司有香港快運航空（HK Express）、ANA旗下的香草航空（Vanilla Air）、樂桃航空（Peach Aviation）和捷星航空（Jetstar）；在香港辦韓國廉航的公司就有香港快運航空（HK Express）、濟州航空（Jeju Air）和真航空（Jin Air）。

下表係MoneyHero.com.hk為你比較，不同航空公司去日韓於淡旺季嘅入手價！

注意番，「入手價」係指價格合宜、值得購買嘅價格，而唔係指最低價格。上圖顯示，特別節日嘅機票都會貴咗千零蚊左右，聖誕、新年特別多家庭出外旅行，打算行在12月、1月出發嘅朋友，係時候趁早入手最抵機票，一錯過咗就要捱貴機票喇！

（溫馨提示：搭飛機去玩之前，當然要未雨綢繆，買番份旅遊保險，咁就萬無一失啦！即上我們的比較平台選擇及購買，有Allied World、FWD同MSIG等不同計劃俾你揀，經我哋買仲有優惠添！）

日韓廉航

香港快運 HK Express

講到時不時有搶平機票嘅機會，相信香港人都對HK Express唔陌生！HK Express分別有營運日本和韓國的航線。日本直航航線有東京（羽田/成田）、大阪（關西）、福岡、名古屋中部和廣島，還有最新加的石垣島、鹿兒島和高松。至於韓國直航航線就有首爾仁川、釜山和濟州。機票種類有「自由飛」和「輕鬆飛」計劃。

自由飛：只包括手提行李*，不包括免費更改日期/時間、預先選位、寄存行李等。

自由飛+：每程加約HK$350 – HK$600，可享有以下升級服務：

• 25kg托運行李
• 前排坐位

輕鬆飛：每程加HK$400 – HK$700，則享有以下升級服務：

• 30kg托運行李
• 免費預先選位
• 免費於香港機場優先辦理登機手續
• 免費更改旅遊日期和時間
• 每HK$1合資格的消費可賺取20 Reward-U積分

*手提行李（56cm x 23cm x 36cm）：1件手提行李及1件隨身物品，共2件重量不能超過7kg，詳情按此查詢。

有無諗過廉航都可以儲飛行里數？HK Express最新推出嘅Reward-U，於每次預訂HK Express的機票時，有效的交易中每消費HK$1，就能夠能賺取10 Reward-U積分。累積了超過40,000 Reward-U 積分便可以開始兌換機票。詳情可看：Reward-U Vs Asia Miles：廉航都可儲積分？

日本廉航

香草航空 Vanilla Air

香草航空營辦的日本直航航線，只往東京（成田機場）。機票種類分為「原味香草」、「繽紛香草」和「心動香草」。「心動香草」為不定期推出的限量促銷票價，所以一般情況下都是以下面2種票為主。

原味香草：

• 不包括托運20kg的行李服務（須另付4,000日圓，即約HK$285）
• 選擇指定坐位，須另付HK$40
• 一旦訂位確定後就無法辦理退票，無法使用時也只能退還機場稅
• 包括手提行李：長寬高係56cm x 36cm x 23cm之內，數量為手提行李1件和隨身物品1件，而且總重量不超過10kg，詳情按此查詢。

繽紛香草：呢種航班比起上面的每程加HK$270，但可以享有唔同嘅升級服務。如果唔想多多限制又一定要行李寄艙，不妨選購繽紛香草。

• 包括免費選擇標準座位
• 免費托運20kg行李
• 更改日期/時間：需要另收費HK$40
• 退票就根據地區而定，香港為5,000日圓（根據撰稿時匯率，約為港幣HK$372）

樂桃航空 Peach Aviation

樂桃航空開辦的日本直航航線有飛往大阪（關西國際機場）和沖繩（那霸機場）。機票的種類主要分為2種，分別是「Happy Peach」和「Happy Peach Plus」。視乎自己係注重邊一方面去揀啦，前者為價錢、後者為航班嘅彈性。

Happy Peach：

• 只包括免費手提行李，尺寸限制為55cm x 25cm x 40cm，可帶隨身物1件和1件手提行李，合計2件，總重量不得超過10kg，詳情按此查詢。
• 托運行李，每件20kg，HK$280至HK$388視乎預訂情況而定。

Happy Peach Plus：

手續費每程HK$410至HK$460，但就會包括以下的升級服務。

• 免費手提行李
• 20kg托運行李
• 優先選座
• 免費選定標準和樂享座位
• 免費更改行程、時間（需另付手續費）

捷星航空 Jetstar

捷星航空營辦直航日本的航線有東京（成田）、大阪（關西）、名古屋、松山、札幌/新千歲、福岡、熊本、高松、鹿兒島、大分和沖繩/那霸。係呢個季節旅遊，Jetstar嘅機票大約係$1,300至$2,000都有，另外機票主要分為2種加配套內容：「基本加值套票」和「基本頂級套票」。

基本加值組合套票：

• 每程加HK$320或以上，視乎情況而定
• 20kg托運行李
• 變更日期/時間和姓名（需補齊機票差價）
• 可獲取澳航點數和狀態積分/阿聯酋航空/Skywards獎勵里程/JAL里程獎勵積分/一張捷星機上獎勵禮券
• 免費選擇標準座位、免費享用膳食

基本頂級組合機票：

• 每程加HK$1,800或以上，視乎情況而定
• 包括30kg托運行李
• 更改名稱無需手續費及允許變更出發地/目的地（需補齊機票差價）
• 免費變更旅客姓名、日期和時間，可收費性退款（約HK$295.81）
• 可以獲取澳航點數和狀態積分/阿聯酋航空/Skywards獎勵里程/JAL 里程獎勵積分/或一張捷星機上獎勵禮券
• 免費任選座位、免費享用膳食、休息室使用權

*若果行李超重的話，視乎地區而定，每kg會被收取1,500日圓，約為HK$100。手提行李（56cm x 23cm x 36cm）：大件和小件手提行李共2件，總重量不能超過7kg，詳情按此查詢。

韓國廉航

濟州航空 Jeju Air

濟州航空直航韓國航線有首爾仁川和濟州，近來Jeju Air仲搵埋宋仲基做代言人，想支持偶像嘅一眾韓迷唔可以錯過。

• 機票已包括1件10kg以內的手提行李（55cm x 20cm x 40cm）
• 正常客票：一件20kg的寄艙行李；超值機票：一件15kg的寄艙行李；特惠機票：不包行李
• 更改預訂機票的手續費，由HK$50至HK$350不等
• 退票手續費則由HK$100至HK$400
• 預先選定坐位費用，視乎區域而定由HK$25至HK$200不等，詳情按此查詢

真航空 Jin Air

真航空營辦的直航航線是香港往來首爾仁川機場，間唔中就要去下首爾嘅你要留意喇！

• 機票已包括1件手提行李（長、寬、高度不超越115cm）和1件15kg的寄艙行李
• 更改預訂機票的手續費，由US$10（約HK$78）至US$30（大約HK$233）不等
• 退票手續費則由US$10（約HK$78）至US$70（大約HK$543）不等
• 超重行李費，每kg為HK$60，詳情按此查詢

相關閱讀：【平機票攻略】2016年秋冬 廉航 ：星馬泰篇

——

延伸閱讀：外遊必讀！兌換 外幣 及海外簽賬攻略（2016年冬季版）

延伸閱讀：【Asia Miles 換免費機票 攻略】最抵換旅遊熱點大搜查

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【平機票攻略】2016年秋冬 廉航 ：日韓篇 appeared first on 理財資訊.

好多香港人常去的旅遊熱點（尤其歐洲國家）偷竊情況嚴重，好多小偷更會專搵遊客落手。（而家，就連香港都出現「𠝹褲黨」！）唔想成為小偷嘅獵物，令行程添上不快經歷，就要防患於未然，做足安全措現施！MoneyHero.com.hk 推薦7個實用的旅遊防盜方法俾大家！

1）使用 防盜 腰包

相信好多人都聽過防盜腰包，呢款腰包主要係薄同貼身，穿戴於衫褲入面而唔易察覺，而且空間實用，可裝護照、現金同信用卡。除非賊人猖狂到扯開你件衫，否則絕對埋唔到手，夠晒安全！

不過呢種腰包亦有缺點，例如唔可以穿著太貼服嘅衣物，以免腰包現形，同埋裝咗入去嘅嘢比較難拎出嚟，只適合存放當日唔會用到嘅貴重財物。防盜腰包一般在運動用品店或戶外用品店有售。

2）選用有暗格的外套

秋冬去旅行，首選將財物放在大褸或外套的暗格內，暗格通常設於胸口以下位置，小偷較難入手。防止被偷之餘，亦都方便隨時拎錢，一舉兩得。

P.S. 女仔如果搵唔到有暗格的外套，可以背一個好細的斜背袋，然後外面再加大衣遮蓋個袋，同樣可以達到防盜效果。

3）將錢放入鞋墊底

如果當地治安好差，有機會遇到搶劫，鞋墊底嘅錢可以話係最後嘅防線。因為萬一你身上嘅財物被賊人洗劫一空，你仲有錢俾自己搭車去警署報警同返酒店。壞處係唔太衛生，啲錢拎返出嚟嗰陣可能會臭（！）。但要注意，如你前往的景點（如寺廟）需要脫鞋參觀，就唔適合用呢個方法了。

4）慎選手袋款式

背囊及單肩袋比較容易成為小偷嘅目標，所以歐洲大部分人出街時都會用斜背袋，並將個袋放置於身前，確保財物在自己嘅視線之內。如果用背囊，最好選用較厚嘅面料以防被人𠝹開，再加返個安全鎖（或用扣針將2個拉鍊頭扣埋一齊）就最為穩陣。

5）人多時袋放前面

小偷喜歡在人多嘅地方，如旅遊景點或交通工具內偷竊財物，所以在人多時，袋最好放喺自己面前，雙手抱住佢就更好。

6）提防陌生人接近

好多時候，小偷都會有同黨一齊行動，一個人負責引開目標注意，另一個人乘機偷嘢或搶嘢。所以當無端有陌生人同你講嘢，要格外小心自己財物，或索性扮聽唔明走人。

7）帶低階手機去旅行

愈貴嘅手機愈容易引起小偷嘅注意，唔見咗又心痛。所以，如果唔需要依賴手機嘅影相功能，可考慮帶部平平地又可以上到網嘅手機，入面有重要資料的話記住要Backup定先！

相關閱讀：【外遊必讀】6大 信用卡 安全措施

（溫馨提示：出外旅遊，要小心防盜之餘，同時亦要買番份旅遊保險，咁就萬無一失啦！即上我們的比較平台選擇及購買，有Allied World、FWD同MSIG等不同計劃俾你揀，經我哋買仲有優惠添！）

旅遊防盜的基本原則

• 衣著要低調

為免令人覺得你好有錢，衣著愈普通愈好，名牌袋、珠寶首飾、名表等可免則免。

• 避免遊客裝扮

由於好多小偷專偷遊客錢，所以應避免展露太多典型遊客特質，例如長期掛個相機喺心口、戴住個旅行先會用嘅休閒風草帽、揸住本旅遊書行街等等。

• 分散放置財物

分散風險，萬一被偷都未至於損失太大。

• 財不露眼

買完嘢俾完錢，即刻收好個銀包。平時無事唔好當眾拎錢或銀銀包出嚟，以免招人注意。

• 準備證件副本

如果護照丢失或被盗，護照副本係證明自己身銀分的必備文件。

萬一不幸被偷竊或丢失貴重物品，一定要即分刻去警署報案。雖然搵得番嘅機會唔大，但一定要取得報警紙，回港先有得Claim保險架！

想選擇一份最適合你這個旅程的旅遊保險，即上我們的免費比較平台！

——

延伸閱讀：外遊必讀！兌換 外幣 及海外簽賬攻略（2016年冬季版）

延伸閱讀：颱風 暴雨 班機延誤 ，旅遊保險有得賠？

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【旅遊攻略】出外旅遊7大 防盜 措施 appeared first on 理財資訊.

又嚟到星期五，一如以往，「本周至 著數 優惠情報」繼續為大家搜尋最筍、最爆、最佳優惠。MoneyHero.com.hk同大家睇睇以下4大著數：UberEATS外賣減$200、DBS卡半價訂酒店、申請八達通自動增值送現金劵、Visa卡訂機票送免費貴賓室通行證……請繼續留意我哋Facebook、Instagram，可獲得更多優惠資訊！

1. UberEATS：港島東區外賣即減 $200

相信大家都知道UberEATS最近已經投入服務，仲將外賣快遞範圍延伸至港島線嘅沿線地區。東區嘅朋友現透過UberEATS叫餐可獲首單$200優惠，合作餐廳包括Big Fernand、Sift、Sodam Chicken、保生堂涼茶、jrink等。了解優惠詳情，請按此。

優惠期：由即日起至2016年10月30日

2. DBS信用卡 x Expedia：上網訂酒店半價

由即日起，憑DBS信用卡於Expedia網站預訂指定精選酒店，可享高達5折；更可享額外高達88折優惠。Book酒店有咁正嘅優惠，仲唔把握時機去旅行？心動不如行動！了解優惠詳情，請按此。

優惠期：由即日起至2016年11月6日

3. 八達通：申請自動增值送$150超市現金劵

由即日起成功申請八達通自動增值，完成推廣登記，及於2017年1月31日或之前完成首次自動增值金額$500，即獲$150超市現金券或八達通流動讀寫器一部。而選擇$250或$150自動增值金額的合資格客戶，亦可獲價值$50超級市場現金券。了解優惠詳情，請按此。

優惠期：由即日起至2016年12月31日

4.  Visa卡 x 香港航空：免費貴賓室通行證

計劃出外旅遊又打算訂機票嘅朋友要注意呀！由即日起，於香港航空手機程式或官網訂票並以Visa Checkout支付之新登記用戶，即可免費獲贈香港航空貴賓室通行證一張。了解優惠詳情，請按此。

優惠期：由即日起至2016年12月31日

想知道更多信用卡嘅優惠資訊？立即使用我哋嘅比較工具，搵出最適合你嘅信用卡！

——

延伸閱讀：【英鎊跌，掃貨好時機】8大英國網購店推介

延伸閱讀：【平機票攻略】2016年秋冬 廉航 ：日韓篇

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post MoneyHero.com.hk本周至 著數 優惠情報（2016年10月28日） appeared first on 理財資訊.

繼蘋果公司推出Apple Pay之後，一眾Android用家終於等到 Android Pay 登陸香港！與此同時，今年年初殺入香港嘅WeChat Pay亦於10月獲發香港儲值支付牌照，手機支付大戰一觸即發！對於消費者嚟講梗係愈多選擇愈好，但都好易花多眼亂，所以MoneyHero.com.hk今日就為大家比較下三者嘅功能、安全性同優惠，幫大家揾出最適合自己嘅手機支付系統！

按此下載比較表

論功能：WeChat Pay、Apple Pay 稍勝

WeChat Pay除咗可以綁定信用卡或銀行賬戶提款外，亦可以線上購買產品同服務，連買保險同捐錢都得，而且仲可以轉賬或派利是俾其他用戶添（同朋友食飯夾錢最啱用）！不過WeChat Pay暫時未能支援銷售點流點支付，即係話想去到商店就咁「嘟一嘟」就買到嘢，就要用番Android Pay同Apple Pay嘞！

其實功能上Apple Pay亦不相伯仲，除咗Apple Watch外，仲支援埋用Mac電腦網上購物，唔使開Account或登入，只要輕輕一拍就俾到錢，暫時比Android Pay略勝一籌。

WeChat Pay 勝在人人用得

無論你用緊乜嘢型號嘅iOS定Android手機，只要下載最新版本WeChat，就可以用WeChat Pay。而Android Pay就要用Android 4.4 KitKat型號或以上，同埋要有近場通訊（NFC）功能，全港大部分手機都用到。至於Apple Pay就只限指定型號iPhone、iPad同Apple Watch，相對較多限制。

延伸閱讀：【手機錢包】 WeChat Pay 攻略 x 優惠

Android Pay 俾錢最快、優惠最多

Android Pay無需解鎖開App，只要亮起螢幕拍機就可以俾錢，可以話係三者中最方便快捷。

另外，由於Android Pay「新鮮滾熱辣」登陸香港，所以匯豐、恒生同渣打等6間銀行都有推出信用卡優惠吸客，其中匯豐同東亞提供高達$180-$250現金回贈，係咁多銀行銀行之中最為闊綽嘅。

反觀Apple Pay因為已推出一段時間，現時只有匯豐、中銀和東亞仍有優惠，其中東亞及中銀信用卡優惠於10月尾到期。

WeChat Pay暫時亦只有中信銀行（國際）有優惠，比起Android Pay就較為輸蝕。

延伸閱讀：【手機錢包】 Android Pay 攻略 x 優惠

Apple Pay 最安全穩陣，網購都用得

雖然Android Pay毋須解鎖就可以俾錢好方便，但萬一唔見咗手機或者被人偷咗，就有遭賊人盜用嘅風險。當然Android Pay都唔係冇防備嘅，如果交易金額超過$1,000，又或你用咗Android Pay進行過3次交易後，就要解鎖手機至能夠交易。

不過，用Apple Pay俾錢時要將手指放喺Touch ID上做指紋認證，大大減低咗被人盜用嘅風險，比Android Pay更安全。

延伸閱讀：了解 Apple Pay 6件事

——

延伸閱讀：【Asia Miles 換免費機票 攻略】最抵換旅遊熱點大搜查

延伸閱讀：【入油要碌卡】信用卡 x 油站 入油優惠 全攻略

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【手機支付大比併】Apple Pay、 Android Pay 、WeChat Pay：邊樣最啱你？ appeared first on 理財資訊.

有啲乜嘢比唔見錢同證件更令人擔心？答案就係——唔見信用卡！信用卡閒閒地幾萬蚊簽賬額，而且碌卡 唔需要密碼，任何人都可拎去用，唔見咗都真係咪話唔驚！今次MoneyHero.com.hk就教下大家 遺失信用卡 應該點做。

Q：我唔見咗／俾人偷咗信用卡，首先要點做？

如果你當時人身安全，並非處於緊急情況，應先盡快致電信用卡失卡熱線（詳見下表），以便銀行「Cut卡」，防止信用卡被他人盜用。然後，你應前往警署報案，並清楚說明事發經過。

Q：萬一信用卡被人盜用，我使唔使賠番啲錢？

一般來說，客戶在報失信用卡後產生的任何被盜用簽賬，損失均由銀行承擔 （所以一定要盡快報失）。不過，如信用卡在報失前已遭盜用，則視情況而定。如持卡人在遺失卡前有採取合理措施保障信用卡和個人密碼，並在失卡後有盡快報失，且銀行在調查後確認為盜用，客戶最多只須承擔「失卡責任上限」金額（一般不多於HK$500）。相反，如持卡人涉及欺詐或嚴重疏忽，則須負上全數責任。

Q：即使信用卡被尋回的機會十分渺茫，仍需要報警嗎？

如有信用卡在報失前已被盜用，銀行可能會對該筆賬項展開調查，而報案記錄是重要證據之一，用來證明該筆交易不是由你本人簽賬，銀行亦因此有更大機會轄免該筆款項。

此外，如在外地遺失信用卡或其他財物，必須有「報案紙」才可以向旅遊保險公司索償損失。

Q：如果在海外不幸遺失信用卡，並身無分文，點算好？

你可致電Visa或MasterCard的國際支援熱線（詳見下表），除了可幫你報失信用卡外，還可為你提供各類型的緊急支援服務。

相關閱讀：【外遊必讀】6大 信用卡 安全措施

Q：遺失信用卡後，分期付款及自動繳費的賬項要如何處理？

報失信用卡後，正常情況下銀行會向你發出一張新卡，而新卡的信用卡號碼很大機會跟以前不同。一般而言，舊有的分期付款帳項會自動轉移至新卡，無須額外手續；但自動繳費方面，持卡人或需自行通知所屬商戶有關信用卡號碼更改事宜，方可轉移至新卡。（實際情況以銀行通知為準。）

Q：我可否自行調低信用額，以減低被盜用的潛在風險？

卡戶可以按自己的能力和需要，向發卡銀行要求調整信用額，唯部分銀行會收取手續費。如要調低信用額，你可直接致電信用卡熱線，或填寫「更改信用額表格」，之後銀行會以書面通知審批結果。

另外，部分銀行可為客戶在外遊期間暫時調低信用額，減低信用卡被盜的潛在損失，待客戶回港後，信用額度便會回復調校前的水平。

各大銀行信用卡報失熱線 

國際緊急支援及報失熱線

如身處外地需要報失信用卡或其他援助，可致電以下全球免費電話：

想了解和比較更多信用卡，可即上我們的比較平台！

——

延伸閱讀：外遊必讀！兌換 外幣 及海外簽賬攻略（2016年冬季版）

延伸閱讀：【點樣 交卡數 ？】信用卡交費小貼士

想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！

The post 【唔見咗卡點算好？】 遺失信用卡 常見問題Q&A appeared first on 理財資訊.

淘寶「雙11」又嚟啦！眾所周知，淘寶每年11月11日所謂「光棍節」都會舉辦購物狂歡節，大部分店舖都會瘋狂勁減，今年除咗依舊有商店大減價之外，仲有非常吸引嘅「香港人專屬優惠」，隨時半價埋單！而家等MoneyHero.com.hk教你如何喺 「雙11」賺盡佢！

港幣付款優惠

1. Tap & Go（拍住賞）：新用戶買滿$200回贈$100

2016年11月1日至11月11日內首次成功啟動「拍住賞」之新客戶，於11月11日當天在天貓（tmall.com/tmall.hk）/ 淘寶網平台以「拍住賞」單一購物滿HK$200，可獲HK$100回贈。（限額10,000個）

另外，於2016年11月1日前已啟動「拍住賞」的舊客戶，於11月11日當天以「拍住賞」單一購物滿HK$200，可獲HK$30回贈。（限額5,000個）

2. Citi信用卡：買滿$300回贈$30

憑Citi信用卡於2016年11月11日當天在天貓 / 淘寶網平台 / 淘寶手機應用程式單一淨簽賬滿HK$300，可享HK$30簽賬回贈。

3. DBS信用卡：11%現金回贈大抽獎

憑DBS信用卡於2016年11月11日在天貓 / 淘寶網平台 / 淘寶手機應用程式購物，可享11%現金回贈抽獎機會一次（得獎名額1,000個），最高可獲HK$110現金回贈，卡戶需先登記方可參加抽獎（可即按此登記）。

4. 八達通：消費$200回贈$50 

首次用八達通消費，可獲HK$50回贈。於2016年11月11日當天，首次用八達通於淘寶網平台或天貓消費，而該單次交易金額達HK$200或以上，可獲HK$50回贈！（只限首500名新客戶）。了解詳情可按此。

運費優惠

1 .「香港限定商品」免運費

今年「雙11」特設「香港限定商品」會場（可按此進入），全場貨品可直接寄香港，運費全免！住宅或偏遠地區收貨，則需另付附加費。仲有樣好嘅係，如購買「香港限定商品」後需退貨，可直接退回香港地址。

2. 淘寶集運首公斤5折優惠

在淘寶或天貓購物後，你可使用淘寶官方集運，集齊貨品後一併寄至香港。而在11月11日當天使用淘寶集運，可享首公斤半價優惠，其中香港人最常用的順豐集運，首公斤只需 ¥11.5（原價¥23）！了解詳情可按此。

3. 免手續費優惠

11月11日當天以國際信用卡、PPS、八達通付款，一律免手續費！（平時要俾1.5%-3%手續費）了解詳情可按此。

相關閱讀：淘寶達人必睇：10大 集運 公司大比併

其他優惠

「雙11」期間仲有好多搶紅包、搶現金劵等活動，唔係人人有份，可能要花少少時間同心思先至可以得到呢啲優惠：

1. 「紅包火山」活動 （只限3日）

最典型嘅搶紅包活動，紅包面值由幾毫子至幾百蚊不等，全憑運氣。搶到嘅紅包可以在淘寶購物時當現金用。

• 開搶時間：
• 11月9日及10日：10:00 / 14:00 / 16:00
• 11月11日：14:00 / 16:00 / 18:00 / 20:00

2. 「雙11」¥10現金劵

天貓會在11月1日至10日每日9:00~22:00期間，每小時嘅00分00秒發放一批¥10現金劵俾大家搶，買滿¥100即可當¥10使用，同一用戶可以領取多張。了解詳情可按此。

3. 「香港限定商品」$100現金劵

由即日起至11月11日，「香港限定商品」會場每日早上10:00推出指定店舖的限量店舖劵，「雙11」當日買滿HK$200，即可當HK$100用。了解詳情可按此。

——

延伸閱讀：【英鎊跌，掃貨好時機】8大 英國網購 店推介

延伸閱讀：【唔使搵代購】日本樂天 + Amazon JP 網購 全攻略

想知道最新嘅理財貼士，就要留意MoneyHero.com.hk Blog，同埋緊貼我哋嘅Facebook Page！

The post 淘寶「 雙11 」大減價：購物優惠全攻略（2016） appeared first on 理財資訊.

周末有乜好玩？MoneyHero.com.hk有幾個推介啵！去英國著名網購店ASOS濕平、去香草航空睇睇平價日本機票、約Friend去Neway唱K，或者去萬寧Shopping！以上4個活動都有優惠啵，繼續睇埋下文嘅優惠詳情，齊齊了解更多吧！

1. 匯豐信用卡 x ASOS：8折兼免費退貨

假日一於俾個理由自己Shopping，買靚嘢獎勵下自己！懶洋洋趴喺梳化，睇住部電腦，網購就最爽！由即日起，憑匯豐萬事達卡信用卡於ASOS網購消費，即享正價貨品8折優惠以及免費退貨服務。想瀏覽優惠詳情，請按此查閱更多。

優惠期：由即日起至2016年12月9日

了解更多匯豐信用卡資料，可即按此。

2. 東亞銀行信用卡 x 香草航空：香港飛東京機票減$300

由即日起，憑東亞銀行信用卡預訂香草航空機票，由香港飛往東京，每航段可享$300折扣。折扣後，單程$338起，即是來回機票只需$656起！咁平就可以飛轉日本，就咁聽落都覺得好吸引！想瀏覽優惠詳情，可即按此。

優惠期：由即日起至2016年11月15日

3. Citi信用卡 x Neway：唱K 75折

放假齊齊約Friend唱K！Neway唱K有優惠：憑Citi信用卡於Neway預早一日或以上Book房唱K，可享全房人頭費75折。折扣時段包括：歡樂時光（下午）、黃金時段（晚上）、貓頭鷹時段（凌晨）。想瀏覽優惠詳情，可即按此。

優惠日期：由即日起至2016年12月16日

4. 匯豐信用卡 x 萬寧：簽$1,000賺額外10%「獎賞錢」

憑匯豐信用卡於萬寧累積合資格簽賬滿$1,000，可享高達額外10%「獎賞錢」回贈。以Android Pay或Apple Pay作合資格簽賬更可獲額外3%「獎賞錢」回贈。想瀏覽優惠詳情，請按此查閱更多。

優惠日期：由即日起至2016年12月31日

想知道更多信用卡嘅優惠資訊？立即使用我哋嘅比較工具，搵出最適合你嘅信用卡！

——

延伸閱讀：淘寶「 雙11 」大減價：購物優惠全攻略（2016）

延伸閱讀：【手機支付大比併】Apple Pay、 Android Pay 、WeChat Pay：邊樣最啱你？

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post MoneyHero.com.hk本周至 著數 優惠情報（2016年11月4日） appeared first on 理財資訊.

交稅季節又到，各大銀行相繼推出低息 稅貸 吸客，實際年利率（APR）更頻頻創新低，令今年嘅稅貸大戰更加白熱化。各位準備借稅貸嘅朋友，面對咁多選擇可能都心大心細，唔知選擇邊款稅貸好。等MoneyHero.com.hk為大家分析一下，揾出邊間銀行嘅稅貸至係最抵！（2016年11月3日更新資料）

實際年利率：華僑永亨最低

我哋成日話要用實際年利率（APR）去比較貸款，因為APR包括咗利息同相關費用（例如貸款手續費、服務費、現金回贈等），能夠反映真正嘅借貸成本。

如果單睇APR，目前已推出嘅稅貸計劃之中以華僑永亨最低。不過優惠利率就只限連續第三年申請稅貸的舊客戶，而且要成功提取稅額3倍或以上貸款額，而且只適用於稅款部分（其後貸款APR為1.49%），真正受惠嘅人唔多。

其次為中銀香港嘅「貸合適」稅務貸款，不過優惠利率就只限醫管局員工同政府公務員，而且要使用指定綜合理財服務，又有限額，真正受惠嘅人唔多。

中銀之外，就以渣打嘅稅季渣打「分期貸款」APR最低，全新「優先理財」客戶申請任何貸款額嘅稅務貸款，實際年利率都會劃一為1.03%。而建行亞洲、創興同南洋商業銀行就以1.18%-1.23%APR緊隨其後。

最低APR：一般打工仔借唔借到？

實際年利率固然愈低愈好，但唔係你想借就有。仔細睇下圖，唔少銀行都只會向特定客戶提供最低APR，好似渣打嘅稅季渣打「分期貸款」，就要成為全新「優先理財」客戶至有最低年利率，而且要存放港元$100萬入戶口，並維持資金水平至指定日期。而建行就除咗要借夠$20萬外，仲要開立特定戶口同使用指定服務。所以要過最低APR門檻並唔容易，普通打工仔未必攞到最低利率。

真正最抵稅貸係……？

睇睇上表，單睇總利息支出，似乎係渣打同DBS最抵；但因為兩間銀行都會收取1%-2.2%手續費，令借貸成本大增。

反觀Citibank推出現金券獎賞，客戶只要於11月30日前成功申請並提取Citibank稅季貸款，就可以享有$600-$2,500嘅現金券獎賞，計番成本反而係真正最抵借嘅稅貸。此外，Citibank仲冇任何附帶條件，唔需要開立任何銀行戶口或信用卡都可以享有呢個優惠，一般打工仔都可以受惠。

相關閱讀：【 稅貸 大戰2016】借錢交稅要留意的6個重點

想了解、比較和申請稅務貸款，請上我們的比較平台。

——

延伸閱讀：職場新人指南： 報稅交稅 Q&A

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【 稅貸 大戰2016】14大銀行稅務貸款比較 appeared first on 理財資訊.