近年愈來愈多人選擇去海外拍攝婚紗，除咗貪外地有更多靚景外，又可以順便去旅行。不過原來 海外婚紗攝影 Package無論係交通、住宿同禮服安排上都有好多魔鬼細節，一個唔覺意好易中伏，搞到荷包大出血。想知揀海外婚攝Package時有乜伏位要注意，等MoneyHero.com.hk同婚禮專家話你知！

結婚資訊媒體「新婚生活易」今年5月同旅遊網站hutchgo.com公布《海外婚紗攝影消費調查》結果，發現高達7成新人會選擇外地拍婚照，其中8成新人會請婚攝公司拍海外婚照，平均開支則為$23,971。台灣、韓國同日本都係最受歡迎嘅拍攝地點，其中以台灣嘅Package最平，平均使費連$10,000都唔使。至於去歐洲國家則至少要使$25,000以上。值得留意嘅係，有關數據係根據海外婚攝公司嘅報價計算出嚟嘅，通常海外婚攝Package係唔包準新人嘅機票同酒店住宿，所以計劃去海外影婚照記得要預留Budget。

*上表費用只供參考，費用並不包括準新人之機票及酒店住宿等費用。

籌備結婚除咗影婚紗相仲要攞酒、租借婚紗、度蜜月……加加埋埋至少要30萬？想知更多，即睇：【 結婚 要幾多錢？】籌備結婚的開支預算2016

海外婚攝3大中伏位

各位準新人見去韓國台灣拍婚照2萬已有找，係咪都有啲心郁郁想影番輯呢？不過唔小心選擇海外婚紗攝影Package嘅話好容易中伏，專業旅運婚禮品牌「Take My Hand」嘅專家就教大家留意以下3大中伏位：

1. 未經許可拍攝

原來去海外某些旅遊景點同私人影點（如日本同歐洲嘅教堂）拍攝需要事先申請，而且要付款。沖繩度假婚禮協會早幾月就公布，嚴禁外國攝影師喺未經許可下於當地熱門嘅觀光景點同公共設施拍攝婚照。不過由於手續繁複，成本又高，部分婚攝公司唔會事前申請，一旦被發現，就有機會要按當地匯率價錢支付款項，甚至要準新人承擔。早前就有攝影公司，因為喺未經許可下到希臘一處私人地方拍照時被充公器材，令拍攝過程大受影響。

2. Package唔係樣樣包

部分Package看似集攝影、化妝同婚紗於一身，但可能唔包相簿同油畫，部分包相簿嘅Package就只係包內頁，但不包封面、封底、底片，所以新人一定要Check清楚內容。「Take My Hand」專家又指，如果去韓國影樓（Studio）影婚紗相，一般韓國婚紗相簿嘅設計都係以Studio指定嘅封面同封底，如果客人一定要有特別嘅封面同封底，又會衍生出另一筆費用。如果Package唔包原檔相片檔，咁你就要按每張照片計俾番錢攝影師至可以拎番原檔。

3. 隱藏收費多多

每間婚禮婚禮公司都有唔同嘅Package，服務內容同條款花多眼亂，新人好易誤墮加錢陷阱。準新人到海外拍攝婚紗照，唔單止要支付自己嘅住宿同機票費用，仲要留意Package包唔包工作人員嘅食宿同交通費用。有時選用指定攝影師同化妝師、修圖、超時拍攝、周末周日拍攝都會有附加收費。你甚至可能要俾埋租車費、停車場費、景區門票、租用場地和攝影道員嘅費用添！

海外婚紗攝影慳錢6招

1. 嚴選有口碑嘅海外婚攝公司

多做Research，揀海外婚攝服務時不妨參考親友同網上其他用家嘅意見，選擇口碑同信譽良好嘅海外婚攝公司，服務質素較有保證。

2. 問清楚收費

有時海外婚攝Package會以優惠價推廣吸客，但可能唔包好多細項服務，例如照片原檔、拍攝團隊嘅住宿同交通費又或者超時額外收費。事先問清楚收費就冇咁易Over Budget啦！

3. 口頭承諾要白紙黑字寫低

有時婚攝公司會喺推銷Package時作出種種承諾，但最後卻冇兌現，所以簽約時一定要睇清楚合約，同時亦應要求推銷員將有關承諾寫番喺單據或合約上。如果對方不肯喺單據上列明，可自己列明詳情，再透過電郵將相關資料交俾公司確認，咁起碼有書面證明，有事時唔使口同鼻拗。

4. 同攝影師、造型師事前溝通好

去得海外拍婚照就係想留個美好回憶，但如果照片效果不盡人意，個Package幾平幾抵都冇用。新人應向攝影師講清楚拍攝要求，甚至不妨提供照片樣本俾攝影師參考，亦可以要求公司於拍攝時提供檢視照片嘅工具。

5. 留意取消行程或延期按排

落訂後準新人有可能因為私人理由、惡劣天氣或服務商嘅緣故而被逼改變或取消行程。如果新人因事故更改行桯，有些公司會收取行政費。如果因為天災或惡劣天氣而要退款或者轉去其他地區拍攝，記得要向商戶查詢，例如費用有冇得全數退回，或者最快幾時可以復拍。

6. 揀啱信用卡賺優惠獎賞

無論你最終決定留喺香港影婚紗相定去外地影，使費都唔少，不如準備定幾張信用卡用嚟賺現金回贈同飛行里數，可以兌換折扣優惠、精選禮品甚至免費機票，計落可以慳番唔少！立即睇埋：【結婚可賺好多里數？】 結婚 儲里數必備信用卡2016，揾出最啱你心水嘅信用卡啦！

温馨提示：出國影靚相之餘，記得買埋旅遊保險，保障自己！萬一遇正颱風暴雨被逼取消行程，就可以減少金錢損失！即上我哋嘅比較平台選擇最適合你嘅旅遊保險！有Allied World、FWD同MSIG等不同計劃俾你揀，經我哋買仲有優惠添！

——

延伸閱讀：【旅遊攻略】出外旅遊7大 防盜 措施

延伸閱讀：颱風 暴雨 班機延誤 ，旅遊保險有得賠？

想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！

The post 【準新人必讀】 海外婚紗攝影 防中伏+慳錢指南 appeared first on 理財資訊.

稅季又到，係時候準備交稅！隨住近年銀行不斷收窄信用卡簽賬優惠，而家可以用交稅嚟賺積分獎賞嘅信用卡真係買少見少。MoneyHero.com.hk為大家搜羅今年銀行嘅信用卡交稅優惠。如果你有以下銀行嘅信用卡，就要留意喇！（2016年11月8日更新資料）

1. Citibank：Visa卡用戶最高賺$200超市現金券

由即日起至2017年2月28日，憑Citi Visa信用卡（包括Citi PremierMiles信用卡、Citi Rewards信用卡、Citi Clear Card同Citi八達通信用卡）於網上繳交薪俸稅達HK$30,000或以上，並以同一信用卡進行至少1次HK$500或以上之合資格零售簽賬，即送$50超市現金券。如果於12月31日前交稅，而應繳交稅額超過$200,000，即有$200超市現金券。但大家留意番，呢個優惠只限頭10,000個登記用戶，啱就快手上官網登記喇！按此了解詳情。

2. HSBC信用卡：特選客戶有2%現金回贈

由2016年11月1日至2017年2月28日，收到推廣郵件嘅HSBC特選信用卡持有人只要致電登記熱線，或者上銀行網站上登記，就可以參加「專有簽賬獎賞」推廣。推廣期間用HSBC信用卡，並超出每月個人目標消費額嘅任何合資格簽賬（包括本地及網上簽賬交易、現金貸款及合資格個人稅款），除咗賺到基本「獎賞錢」外，仲可以賺埋額外2%「獎賞錢」回贈（「專有簽賬獎賞」）。每月額外簽賬額最
高計到$10,000。按此了解更多。

想了解更多HSBC信用卡詳情，可即按此。

3. 中銀香港信用卡：交稅最高可賺$200

由2016年11月1日至12月31日，憑中銀信用卡繳交稅款達指定金額，只需致電登記熱線、上中銀官網或者透過中銀香港流動應用程式登記一次即可享高達$200回贈。如果用中銀卡於本地及/或網上零售簽賬， 又或者做免息消費分期計劃，都一樣有現金回贈優惠，最高可賺$800簽賬獎賞！按此了解優惠詳情。

想了解更多中銀信用卡詳情，可即按此。

3. 東亞銀行：成功申請信用卡即有稅貸優惠

如果你要交過萬蚊稅，咁可能稅貸會比較適合你。而家成功申請東亞銀行信用卡（包括東亞Flyer World萬事達卡同東亞銀行i-Titanium卡），就可享有高達$100,000信用卡稅務貸款優惠，手續費劃一為0.5%，實際年利率（APR）相等於0.93%。雖然冇得用來賺積分或者現金回贈等優惠，但就勝在息率低，又冇任何簽賬要求。不過大家要留意番，銀行會以購物簽賬形式處理每期供款，但如果你遲咗還錢，就要俾$300逾期手續費，而相關財務費用嘅實際年利率可高達35.75%同38.07%，所以千祈唔好遲找數啊！按此了解詳情。

其他銀行遲啲可能都會推出信用卡交稅優惠，想知道最新消息就要記得留意我哋嘅Update喇！

今年稅貸實際年利率頻頻創新低，如果你正打算借稅貸交稅，不妨睇埋我哋嘅分析，揾出全港最抵借嘅稅務貸款啦！

相關閱讀：【稅貸大戰2016】15大銀行稅務貸款比較

想了解、比較和申請稅務貸款，請上我們的比較平台。

——

相關閱讀：【 稅貸 大戰2016】借錢交稅要留意的6個重點

相關閱讀：【點樣 交卡數 ？】信用卡交費小貼士

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【交稅都有獎賞？】 信用卡交稅 優惠2016 appeared first on 理財資訊.

政府於2016年11月4日宣布再推出樓巿 新辣招 ，仲要第二日立即生效，令好多想買樓人士叫苦連天。今次辣招放過首次置業人士，不過其他不同類型打算購入物業人士，大多都受到影響，影響仲唔細添！到底辣招對未來樓巿有乜影響？不同人士又可以怎樣應付辣招呢？等MoneyHero.com.hk幫大家分析去向！

印花稅細節逐個數

從2016年11月5日起，政府劃一提高買賣住宅的印花稅至交易額的15%，無論是個人或公司購買住宅物業，一樣要俾新稅率。

今次辣招有幾辣？2013年實施雙倍印花稅後，稅率為1.5%（200萬以下價值單位）至8.5%（2,200萬或以上價值單位）。新辣招之下，變相200萬以下細價樓受影響最大，稅率狂升10倍，涉及稅款金額由$30,000升到$300,000！

政府向來希望幫助沒有住宅物業嘅港人置業，所以今次辣招下，沒有擁有香港住宅物業嘅香港永久居民，就不需要交新稅率，而按現有適用稅率交稅，200萬物業只收$30,000，其後就按樓價比例計算。

「辣招」有乜野影響？

唔好以為自己只係稅客，或者只係打算樓換樓，辣招就影響唔到你。今次辣招力度甚強，就睇下佢會喺唔同範疇嘅影響係點啦：

1. 二手樓巿水靜鵝飛？

由於一手發展商會對買樓人士提供印花稅甚至按揭優惠，二手樓成交好有機會大幅減少，本身想買二手樓嘅人，未來很多都會轉買一手樓！

2. 租金未來升定跌？

新印花稅趕絕一般收租客，業主變相得一層自住樓，買第二層樓放租嘅門檻高咗，租盤減少，租金有機會上升。

3. 細單位減少？

之前印花稅比較針對貴價樓，而家就有殺錯無放過，影響就係發展商有機會唔再提出咁多劏房盤，細單位新盤嘅市佔率會下降，不過細價樓嘅價錢，因為供應相對少咗，就有機會被炒高！

4. 非住宅物業價格炒起

投資客唔投資住宅，資金就流向其他資產，例如細價車位、商廈、工廈同街舖，而又會多咗人嘗試投資海外物業。

5. 換樓客點算好？

如果你想換樓，其實都可以申請退回部分印花稅，只要你係買入第二個物業、簽立樓契後嘅6個月內，售出第一個物業，就可以避過辣招。不過你都要先俾左「加辣」印花稅，申請獲批先可以得到退款。

而如果你買入第二個物業時已經賣出首個物業，都可以避過辣招。不過大家要留意，有關退款只適用於購入一個住宅物業，以取代原有唯一嘅住宅物業。

6. 樓巿升定跌？

出辣招樓巿就實跌？其實未必，要睇樓巿都係睇番供求關係，如果樓宇供應無增加，而需求仍在，樓巿日後照樣會繼續升！雖然二手樓巿會水靜鵝飛，但一手發展商就可以待價而沽，所以大家會發現，今次辣招一出，叫苦嘅只係二手地產經紀，反而樓巿嘅另一持份者發展商就唔多出聲。

想比較樓宇按揭？即上我哋嘅比較平台啦！

——

延伸閱讀：【 稅貸 大戰2016】15大銀行稅務貸款比較

延伸閱讀：【信用卡攻略】7大高薪人仕必備 尊尚信用卡

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【樓市情報】政府 新辣招 6大影響 appeared first on 理財資訊.

11月11日係「光棍節」，唔知幾時開始，光棍節已經變成咗「減價」嘅代名詞，皆因呢日各大網上購物平台，甚至百貨公司都有大減價呢！大家Get Ready去掃貨未？等MoneyHero.com.hk推介幾個 著數 優惠俾大家！

１. Tap & Go x 淘寶：買滿$200即送$100

「光棍節」最受歡迎嘅應該係淘寶「雙11」大減價，大家買平貨之餘，記得用埋Tap & Go（拍住賞）優惠：

（1）凡於11月1日至11月11日內首次成功啟動Tap & Go之新客戶，今日在淘寶以Tap & Go單一購物滿HK$200，可獲HK$100回贈！（限額10,000個）

（2）舊客戶於今日以Tap & Go單一購物滿HK$200，都可獲HK$30回贈。（限額5,000個）

想瀏覽優惠詳情，可即按此。

（另外，八達通、Citibank 及DBS信用卡都有淘寶優惠，即睇：淘寶「 雙11 」大減價：購物優惠全攻略）

２. SOGO：感謝周年慶

SOGO祟光百貨每半年一度嘅Thankful Week於今日開始！由今日至11月27日，全場（包括超市）每日都有唔同嘅貨品減價。大家可以預先在官網（按此進入）瀏覽每日嘅減價貨品，再決定邊日去掃貨。

３. MyDress：精選商品，全部只售$111

香港服飾網購平台ＭyDress都順勢推出光棍節優惠：11月10日至15日期間，客戶可以$111購買多款精選貨品，折扣低至３折！按此瀏覽優惠詳情。

４. 美國運通卡 x Airbnb：首次預訂住宿即減$300

如果你去旅行喜歡上Airbnb 訂民宿，呢排記得唔好錯過佢地嘅American Experess優惠！現憑美國運通卡首次預訂Airbnb任意房源，滿$1,200立即減$300，優惠期至2017年3月31日。想知更多詳情，請按此。

５. 7-Eleven x Android Pay：即減$5

各位Android機用戶，你裝咗Android Pay拎優惠未？因為由即日起至2016年12月6日，你只要用Mastercard於7-Eleven以Android Pay單一消費滿HK$30，即減HK$5！此優惠不包括購買香煙、網上遊戲產品及服務項目。

（想知Android Pay仲有乜優惠，即睇：【手機錢包】 Android Pay 攻略 x 優惠）

想知道更多信用卡嘅優惠資訊？立即使用我哋嘅比較工具，搵出最適合你嘅信用卡！

——

延伸閱讀：淘寶「 雙11 」大減價：購物優惠全攻略（2016）

延伸閱讀：【交稅都有獎賞？】 信用卡交稅 優惠2016

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post MoneyHero.com.hk本周至 著數 優惠情報（2016年11月11日） appeared first on 理財資訊.

講起 香港紅葉 ，好多人都第一時間會諗起大棠。大棠楓葉極美，只係假日人頭湧湧，少了幾分意境。如果唔想人逼人，喺市區搵紅葉或許係更好嘅選擇！所以MoneyHero.com.hk為大家搜羅咗香港市區的賞楓勝地，交通便利之餘，景色都唔輸蝕。近日天氣轉寒，氣溫驟降，便是拜訪這些地方嘅最佳時機了！

1. 青衣公園

每年冬天，青衣公園呈現「湖畔紅葉」美景，美得令人忘卻自己身處在香港這片石屎森林中。青衣公園嘅樹種為落羽松及水松，有別於大棠的楓香樹，松樹的葉子呈針狀，微微下垂，落葉時如羽毛般飄落，感覺更柔和優雅。加上紅葉與人工湖配搭得天衣無縫，影相更係一絕！

交通：
1. 坐港鐵到青衣站，C出口步行約10分鐘。
2. 坐九巴 41P、44P或249M在青衣運動場下車。

2. 香港動植物公園

香港動植物公園係市區的紅葉熱點。園內有一條楓香徑，兩旁種有十多棵楓香樹，在秋冬時分會形成一條紅葉隧道，散發濃濃秋意。有別於其他地方，呢度嘅楓香樹已經有段歷史，睇落特別魁梧及古樸，亦帶著滄桑嘅味道。

交通：於金鐘太古廣場巴士站乘搭23/23B/40巴士，車程約20分鐘。

3. 中文大學：未圓湖

嚴格嚟講中大校園並唔算市區，只不過賞楓熱點「未圓湖」就喺大學港鐵站隔離，十分易去。未圓湖環境清幽，湖邊種植了一整排落羽松和楓香，襯上寧靜的湖面和古雅的獅子亭，散發著濃濃的「文青」氣息，讓人不禁駐足細味。

交通：港鐵大學站步行約5分鐘

4. 九龍寨城公園

九龍寨城公園的設計以清初的江南園林為藍本，充滿古代中國特色。園內有一條紅葉徑，兩旁種有山烏桕、大花紫薇及紅桑等在冬季變紅的紅葉植物。雖說比起其他地方，九龍寨城嘅紅葉唔算最出眾，但當紅葉襯上古色古香的亭台樓閣，別具詩情畫意，甚至想像到古人望著美景吟詩作畫嘅感覺呢！

交通：港鐵樂富站B出口步行約20分鐘，或乘坐39M專線小巴。

5. 九龍塘根德道花園

位於九龍塘站附近的根德道花園，因為面積細同唔出名，平時冇乜人去。但原來呢個小小的公園內種有幾十棵楓香樹，一整排列於旁邊。由於樹齡有老有嫩，一旦變紅，高矮層次分明，頗為特別。如果你喜歡在恬靜少人嘅地方賞楓，呢度係唔錯嘅選擇。

交通：港鐵九龍塘站B出口步行約5分鐘。

香港紅葉唔夠壯觀？不如近近地飛轉台灣啦！即睇：【 紅葉 攻略】台灣7大賞楓好去處 2016

同另一半賞紅葉未夠浪漫？即睇：香港平靚正 拍拖好去處

拍拖消費記得用最適合你嘅信用卡儲分賺里數，即上我哋嘅比較平台揀番張！

——

延伸閱讀：【平靚正嘆Resort】嚴選10大度假 酒店 2016

延伸閱讀：【準新人必讀】 海外婚紗攝影 防中伏+慳錢指南

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【 紅葉 攻略】 香港 市區5大賞楓好去處2016 appeared first on 理財資訊.

又到聖誕～又到聖誕…..數晒香港咁多個節慶，最有節日氣氛一定係 聖誕 節！而家12月未到，各大商場嘅 聖誕 裝飾已經準備就緒，等緊大家去影靚相了。等MoneyHero.com.hk同大家率先睇下今年各大商場有乜裝置，一家大細齊齊去影相打卡！

1）尖沙咀：小雪翁 聖誕 派對

今年聖誕，海港城為大家帶來好多超可愛嘅「小雪翁」！小雪翁雖然唔係出名嘅卡通人物，不過頭大身細，有少少似貓頭鷹既造型非常療癒，令人感受到聖誕嘅溫馨。這些小雪翁在海運大廈的露天廣場展出，場內仲有一棵由多隻小雪翁組成嘅12米巨型聖誕樹，幾壯觀！

日期：即日起至2017年1月2日

地點：海運大廈露天廣場

2）尖沙咀The ONE：IQ博士反斗狂歡派對

《IQ博士》呢套動畫陪伴一代人成長，係唔少人嘅童年回憶。今個聖誕，小雲、小吉及則卷千平博士，同埋唔少動畫經典場面，將會於尖沙咀The ONE重現大家眼前，裝飾擺設包括有由小吉毛公仔堆砌而成嘅聖誕樹、3.5米高嘅巨型小雲擺設連同粉紅色屎屎、天神村茶壺屋等等，粉絲們唔好錯過啦！

日期：即日起至2017年1月2日

地點：The ONE UG2中庭、地下露天廣場及L2

3） 九龍塘又一城：喬漢娜的聖誕秘密花園

女生們注意：全球熱銷嘅減壓畫冊——《秘密花園》（Secret Garden）嘅夢幻場景，將會全球首次於又一城呈現喺大家嘅眼前！插畫家喬漢娜今次親自挑選6大插畫，將其實體化，將商場打造成令人嚮往的童話世界！

為配合聖誕主題，今次展覽更會展出一個全港最高達21米的巨型室內聖誕樹，加入Secret Garden的元素，如畫作中的樹屋及鳥居、栩栩如生的可愛小兔及狐狸等裝飾，恍如置身森林之中！

日期：2016年11月25日至2017年1月2日
地點：又一城 LG2層

4）中環置地廣場：巨型馬戲團音樂盒

置地廣場今年會出現一個華麗嘅「聖誕馬戲團」，聖誕老人同熊仔將會帶領過百隻動物玩偶，同大家度過一個夢幻聖誕！唔好以為只係普通嘅擺設，因為入面嘅動物全部都會「表演」，例如大笨象會騎單車、河馬會盪鞦韆等等，每隔30分鐘仲會響起一次聖誕音樂添！

日期：即日起至2016年12月31日

地點：中環皇后大道中15號置地廣場

5）銅鑼灣皇室堡：梳乎蛋聖誕盛宴

Hea到爆嘅「蛋黃哥」近來成為咗大家嘅新歡，今個聖誕又點少得佢呀？銅鑼灣皇室堡、銅鑼灣地帶及東角舉辦咗一場「梳乎盛宴」，有金黃奶黃噴泉、迷你蛋糕、聖誕薑餅屋等美食裝置，而蛋黃哥會以一貫懶洋洋嘅姿態，出現於美食之間。而薑餅屋入面有賣各式得意蛋黃哥商品，部分商品仲係限定架！

日期：即日起2017年1月2日

地點：銅鑼灣皇室堡、東角及銅鑼灣地帶

相關閱讀：去商場消費，梗係要用信用卡來儲積分換里數啦！即睇：【信用卡攻略】7大高薪人仕必備 尊尚信用卡

6）奧海城：荒失失奇兵聖誕雜技團

嚟緊奧海城將會搵嚟《荒失失奇兵》眾動物，將商場變身成逾4,000呎的聖誕雜技團，俾大家又影相之餘又玩埋一份！其中最刺激嘅係「荒失失空中飛人體驗場」，參與者可感受飛上6米高的體驗！仲有其他雜技體驗項目，包括「攀山越嶺疊羅漢」、「勇猛跳火圈」及「驚險飛刀」等！而影相位包括幾個得意場景，如老虎偉大力表演刀鋸美人、斑馬馬蹄發放大炮等，係一家大細聖誕必到之選 ！

日期：2016年11月21日至2017年1月2日

地點：奧海城2期地下主題中庭

7）屯門V city：Moomin北歐聖誕之旅

如果你係姆明一族嘅粉絲，或者喜歡北歐Style嘅聖誕，就要嚟屯門V city搵姆明啦！除咗有姆明之外，仲有佢嘅父母、女友歌妮、好友亞美及史力奇。最特別之處係史力奇旁邊嘅小郵筒，係真係可以俾人寄聖誕卡架～不過只限本地平郵Only。只要喺12月21日指定時間前放入聖誕卡（記得貼郵票！），即可為你寄到親友手上！

日期：2016年11月15日至2017年1月1日

地點：屯門V city MTR層中庭

8）荃灣廣場「MINNA NO TĀBŌ點亮東京聖誕夜」

聖誕冇得去旅行唔緊要，你可以去荃灣廣場同大口仔一齊逛下東京！商場打造東京5大必遊的景點包括：東京鐵塔、六本木燈海、新宿商店街、雪地溜冰場及築地壽司吧，大口仔連同多位好友會於場內與訪客一同吃喝玩樂，於佳節發放歡樂！

日期：2016年11月18日至2017年1月8日

地點：荃灣廣場 1/F展覽長廊

9）將軍澳新都城中心：Hello Kitty x Line Friends聖誕舞會

Line Friends同Hello Kitty一齊搞聖誕舞會？你冇睇錯，佢哋嘅舞會將會喺新都城中心舉行，屆時商場會佈置成宮殿，有齊旋轉樓梯、紅地毯、水晶燈、鋼琴等華麗佈置，Hello Kitty、Dear Daniel、Brown、Cony 卡通人物們亦會成雙成對地盛裝出席舞會，令人眼前一亮！

日期：即日起至2017年1月2日

地點： 新都城中心二期商場

想知道更多信用卡嘅優惠資訊？立即使用我哋嘅比較工具，搵出最適合你嘅信用卡！

——

延伸閱讀：外遊必讀！兌換 外幣 及海外簽賬攻略（2016年冬季版）

延伸閱讀：【Asia Miles 換免費機票 攻略】最抵換旅遊熱點大搜查

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【聖誕攻略2016】 聖誕 商場打卡影相好去處 appeared first on 理財資訊.

香港嘅聖誕節從來唔愁冇嘢玩，例如近年多咗地方舉行 聖誕市集 ，售賣各種窩心的聖誕精品，散發滿滿嘅節日氣氛。除咗聖誕市集之外，聖誕當然唔少得玩埋海洋公園、迪士尼、AIA嘅聖誕特別活動啦！等MoneyHero.com.hk為大家逐一介紹今年嘅聖誕 好去處 啦！

聖誕市集

海利公館聖誕市集 2016

除咗擁有百年歷史的古蹟1881，香港邊度更能營造歐洲般嘅聖誕氣氛？所以今年聖誕，位於1881的海利公館繼續舉行聖誕市集，攤檔售賣各式各樣的聖誕精品，充斥著濃厚嘅節日氣氛，令您有種恍如置身於北歐聖誕市集的感覺。

日期：

• 2016年12月2日（星期五）17:00 ‑ 23:00
• 2016年12月3日（星期六）12:00 ‑ 23:00
• 2016年12月4日（星期日）12:00 ‑ 21:00

地點：香港九龍尖沙咀廣東道2A號 海利公館 鴿舍中庭

太古地產2016白色聖誕市集

今年，太古地產會在灣仔和太古街頭舉行嘅市集以「北歐聖誕」為主題，包括有一系列特色攤檔、應節食品、現場表演、攤位遊戲、面部彩繪，以及小朋友最愛的聖誕老人！所有收益將撥捐慈善機構「愛心聖誕大行動」，買到心頭到好嘅同時，又可以做下善事，一舉兩得！

日期：2016年11月24日至26日（星期四至星期六）
地點：灣仔星街小區

日期：2016年12月1日至3日（星期四至星期六）
地點：太古糖廠街

中環元創坊意大利聖誕市集

另一邊廂，中環元創坊則主打「意式聖誕」，各攤位會售賣精緻意大利美食、美酒及各種時尚飾品，透過營造好似屋企咁舒適及溫馨嘅環境，為大家帶來一個難忘嘅佳節。

日期：2016年12月10日至11日（星期六、日），12:00 – 19:00
地點：中環PMQ元創坊鴨巴甸街35號

愉景灣聖誕市集

愉景灣由即日起至12月27日期間舉辦大型聖誕活動，除咗有周日露天聖誕市集之外，仲有5D主題聖誕佈置俾你影靚相，以及「真．聖誕馬車」帶你暢遊愉景灣！

限時3日嘅聖誕版露天市集有多達140個攤位，集合多位本地藝術家和手作達人，大家可以搵到聖誕美酒、派對小食、手飾 / 服飾、陶瓷、環保文具、甚至嬰兒用品等，喺度揀聖誕禮物就最啱啦！

聖誕市集舉行日期：2016年11月13日、11月27日及12月11日（星期日），11:00 – 18:00

地點：愉景廣場

相關閱讀：節日消費，梗係要用信用卡來儲積分換里數啦！即睇：【信用卡攻略】嚴選必備 銀聯信用卡

主題樂園

除咗逛市集之外，聖誕期間各主題樂園仲有以下活動，啱晒鍾意玩嘅你：

AIA嘉年華2016/2017

每年年尾舉行嘅AIA嘉年華一向都係大家嘅聖誕新年好去處，今年當然亦唔例外！除咗有大家喜愛的機動遊戲、攤位遊戲外，更新增多個主題拍照區，如海盜、野生動物等，而今年仲有好多新款公仔等你嬴走添！

日期：2016年12月16日至2017年2月12日，11:00 – 23:00

地點：中環海濱活動空間

門票：成人$125（包10個代幣）、小童（3-11）或殘疾人士$90（包7個代幣）

海洋公園聖誕全城HO HO HO 2016

今年海洋公園聖誕全城HO HO HO請嚟多位國際知名的魔術大師，獻上世界級嘅「超時空魔幻匯演」！另外當然唔少得聖誕特別設施，包括真係有聖誕老人嘅「聖誕老人樹屋」同「聖誕奇異花園」，仲有全新舞蹈表演「企鵝粉絲過聖誕」。另外，園內餐廳亦會供應多款聖誕大餐，十分應節。

日期：2016年12月17日期至2017年1月2日，10:00 – 18:00
地點：海洋公園

迪士尼雪亮聖誕

如果想過一個童話般嘅聖誕，就一定要去迪士尼喇！每年的11月中至12月，整個迪士尼樂園都會換上聖誕裝飾，而一眾卡通人物亦會換上華麗嘅聖誕服飾同你影靚相！除此之外，迪士尼亦會供應世界各地的傳統應節美食，而紀念品店亦會售賣各式聖誕禮品。

相關閱讀：【聖誕攻略2016】 聖誕 商場打卡影相好去處

想知道更多信用卡嘅優惠資訊？立即使用我哋嘅比較工具，搵出最適合你嘅信用卡！

——

延伸閱讀：外遊必讀！兌換 外幣 及海外簽賬攻略（2016年冬季版）

延伸閱讀：【平靚正嘆Resort】嚴選10大度假 酒店 2016

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【 聖誕市集 + 主題樂園】2016香港7大必玩聖誕活動 appeared first on 理財資訊.

近排天氣開始轉涼，衫褲鞋襪又要重新添置，女士又要買番啲保濕護膚品，相信好多人最近都準備大手入貨！MoneyHero.com.hk就同大家講下今星期有乜購物優惠 著數 ，等大家可以慳多啲！

1）DBS信用卡 x GAP：買滿$300送$60現金券

DBS同GAP推出獨家優惠！即日起至2016年12月31日，憑DBS信用卡於GAP購物$300，可獲$60現金券！現金劵將於推廣期完結後送出，按此查看優惠詳情。

2）渣打信用卡 x 屈臣氏：簽賬滿$500減$75

由即日起至2017年2月28日， 憑渣打/Manhattan信用卡於屈臣氏單一簽賬滿$500，即享$25即時折扣，及$50現金回贈（當月須簽賬滿$3,000），相當於85折優惠！客戶須先登記，方可享$50現金回贈優惠（按此登記）。如欲查看更多優惠詳情，請按此。

3）MasterCard x 惠康：以Android Pay付款買滿$600即減$100

剛在香港推出冇耐嘅Android Pay今次有超市優惠！即日起至11月30日，於惠康及特色超市以MasterCard 使用Android Pay單一簽賬滿$600，任何星期六、日即減$100，而任何星期一至五即減$60。屋企有乜要買，一於喺星期六日一次過買晒佢啦！按此瀏覽優惠詳情。

4）沙田宜家傢俬：廚房用品正價8折

沙田Ikea做緊減價！由即日起至11月21日，全場煮食用具及其他廚房用品都有正價8折優惠。Shopping完仲可以去埋Ikea餐廳食野，因為大大碟燒全雞只售$59（原價$89），加汽水只需$1 （原價$7）！另外，賣食材嘅「瑞典美食廊」亦做緊全場正價85折優惠。想瀏覽優惠詳情，可即按此。

想知道更多信用卡嘅優惠資訊？立即使用我哋嘅比較工具，搵出最適合你嘅信用卡！

——

延伸閱讀：【聖誕攻略2016】 聖誕 商場打卡影相好去處

延伸閱讀：【交稅都有獎賞？】 信用卡交稅 優惠2016

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post MoneyHero.com.hk本周至 著數 優惠情報（2016年11月18日） appeared first on 理財資訊.

每個人都有一個家，但是否每個家都需要買一份 家居保險 呢？有人可能會話，我係有一個家，但個單位租嘅，即係唔需要買家居保險啦……但事實係租客都有買家居保險嘅必要！到底租客、出租單位業主同自住業主，喺購買家居保險上有甚麼不同？等MoneyHero.com.hk幫大家分析！

租客買家居保險：租金按金都有得包！

無論你係租客、出租單位嘅業主，或者住喺自置物業嘅朋友， 家居保險 其實都關你事！住喺自置物業要買一份保障當然正路，但好多人都會忽略，就算你出租單位，或只係租客，買家居保險都可以俾到你保障。

若你係租客，有時單位內會有業主提供嘅家居物品、固定裝置或設備若。當你交還單位時，應該係要完整歸還，如果有意外做成遺失或損毀，租客就可能會蒙受損失，呢個時候租客嘅家居保險就可以提供保障喇。

而如果租住單位出現事故而暫時不能居住，部分家居保險亦可以提供臨時居所租金保障。再極端嘅狀況，如果業主破產而未能歸還按金，家居保險都有機會保障在內。

業主買家居保險：租客唔交租都有得保？

作為業主，以為個單位租咗出去，就唔使買保險？換個角度睇，個單位唔係自己住，無得小心咁多，反而更應該買保險保障自己！市面上有啲專門保障住宅出租嘅家居保險，保障範圍廣泛，除咗基本嘅意外損毀家俱、固定裝置、設備、家電、裝修及改善工程嘅保障等，業主版家居保險特別之處係有租金損失嘅保障！

一般來說，如果單位因受保意外而不適合居住、鄰近物業有損毀而被禁止進出物業、租客自殺或被謀殺而無人交租，甚至租客拖欠租金，業主版家居保險都有機會提供租金損失保障。當然，更值得業主考慮嘅就係物業業主嘅法律責任保險啦。

如果有第三者在單位內受傷或財物受損，業主係有機會需要賠償，而部分業主版嘅家居保險就會提供保障，避免業主自己負擔隨時上百萬嘅賠償開支！

自置物業要留意法律責任

而最常購買家居保險嘅自置物業住戶，買家居保險主要留意幾點： 首先是家居財物「全險」保障範圍有幾大，例如有啲家居保險係唔包流動財物，例如手提電腦、電話等，呢啲細節你要睇清楚！

另外最需要留意嘅就係法律責任保險方面，金額嘅大小。辛辛苦苦夠錢自置物業，如果單位一個唔小心涉及意外，賠償金額有可能抵上樓價！所以買家居保險需要留意有無包含業主或家人因疏忽導致第三者受傷或財物損失的法律責任保障，以及保障嘅金額是否足夠。一般市面上嘅產品喺呢方面嘅保障都上百萬計，而每月保障可以只係幾百元，為咗可以安居樂業，呢啲錢唔慳得！

即上我哋嘅保險產品比較平台，比較旅遊保險（按此）、醫療保險（按此）等產品。

——

延伸閱讀：【樓市情報】政府 新辣招 6大影響

延伸閱讀：購買 旅遊保險 的8大常見問題

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 家居保險 ，邊個要買？業主租客都關事 appeared first on 理財資訊.

說時遲，那時快，已經11月了，今年的大節日都只剩下聖誕節，亦即是代表旅遊旺季快將開鑼啦！你又計劃了去邊度外遊？未計劃的話，而家開始都未遲，如果可以請多幾日假的話，不妨考慮去 芬蘭 探下聖誕老人！芬蘭到底有乜玩？就等MoneyHero.com.hk話你哋知「遊芬蘭必做4件事」啦！

遊 芬蘭 必做4件事

第1件事：拜訪聖誕老人村

聖誕老人所居住的地方在 芬蘭 羅瓦湼的聖誕老人村。聖誕老人村只是聖誕期間才開放嗎？事實是聖誕老人村一年365日年中無休，天天開放。主要劃分為4個區域，分別是「聖誕老人辦公室」、「郵局」、「聖誕展覽」和「聖誕公園」。

聖誕老人辦公室

「聖誕老人辦公室」就是聖誕老人工作的地方，每天早上10:30，聖誕老人就會坐在裏面恭候，除了會解答大家疑難之餘，仲會和大家玩下小遊戲添！聖誕老人語言天分好高，識得多種語言的問候語，包括英文、國語和日語等，唔怕溝通唔到！

聖誕老人郵局

郵局裏工作人員都會打扮成小精靈，將你的郵件寄到北極圈範圍。所有遊客都忙著挑選印刷精美的郵票和明信片寄給親友。從這裏寄出的信件會被蓋上聖誕老人郵局特有的聖誕郵戳，顯得格外珍貴。

同聖誕老人合照

如果要和聖誕老人合照的話是要收費的，費用大概是要€25起，視情況而定。可以只買照片，亦可以買一張儲有你和聖誕老人片段、照片的USB，需另外收費。注意，可以與聖誕老人合照的時間就只有1小時，想要合照就記住去資料中心問一問。（順便提提大家，在芬蘭消費多於€40就可以退稅，在那裏職員還會幫你辦手續呢。）

聖誕公園

聖誕公園 （Santa Park） 位於聖誕老人村以北不遠處，是以聖誕為主題的大型地底機動樂園，有著不同的聖誕擺設，走在這裏就像是置身於夢幻的童話世界！

門票：成人€33，小童€27。

開放時間：2016年11月19日至11月30日10:00~17:00／2016年12月1日至 2017年1月8日10:00~18:00

按此查詢聖誕以外的開放時間，及其他資料。

（溫馨提示：去搵聖誕老人之前，當然就要買番份旅遊保險先啦！即上我們的比較平台選擇及購買，有Allied World、FWD同MSIG等不同計劃俾你揀，經我哋買仲有優惠添！）

第2件事：約會北極光

去芬蘭又點少得睇極光呢？極光每年的最佳賞光期是9月到下年度的3月，聖誕節時間剛剛好！相信大家都知睇極光係要靠彩數，所以小編要推薦睇到極光機會較高嘅地方——帕茨河，聽講呢到成功看到極光的機會高達90%！

第3件事：「慢」遊赫爾辛基

赫爾辛基是芬蘭的首都，因當地建築與大自然配合得天衣無縫，而港口十分潔淨美麗，所以得到「波羅的海的女兒」這個稱號。那裏必遊的地方不少，好像議會廣場和大教堂、西貝斯公園等地方，還有世界文化遺產芬蘭堡，觀賞獨特建築的風采。想遊覽小區，你可以選擇乘搭傳統觀光巴士、有軌電車、騎自行車或者步行去感受下慢活。放鬆啲啦，香港人！

第4件事：踏上破冰之旅

乘破冰船出海，係每位到芬蘭的旅客都想體驗的活動！曾為芬蘭政府服役，現改為旅游觀光用途的破冰船Sampo，在冬季期間每日於凱米港出發，讓乘客一睹船頭破開堅硬冰層嘅壯觀場面。更刺激好玩嘅係，參加者可以穿上特製全身防水保暖橡皮衣，再掟自己落海，試試浮沉冰海嘅滋味！

今個冬季，破冰船的可出發日期為2016年12月28日至2017年4月15日。每趟旅程4小時，每位成人費用為€318，需要提早預訂。按此進入官方網站。

相關閱讀：【信用卡攻略】嚴選必備 銀聯信用卡

相關閱讀：10大 平價機票 酒店網2016

芬蘭有乜手信買？

對香港人來說買手信可以說是旅遊重要的一環，如果唔係點送俾啲親戚朋友同事呀！到底芬蘭有乜嘢好買？等小編話你知啦！

1）芬蘭Fazer朱古力

通常買手信都要買番份食物先交到差。講到食物手信，芬蘭最出名的可以話是品牌Fazer的朱古力，這個老字號品牌創立於1891年，是當地最大的食品公司之一，所以十分有名。小編就不推薦大家在專門店買，雖則款式夠多，但價錢都比超市貴！

2）姆明精品

如果話中國嘅國寶係熊貓，咁芬蘭嘅國寶一定係姆明！所以很多紀念品店都有姆明精品出售，但價錢通常就較貴、款式又不多；小編當然有價格均真、款式又多的賣點好介紹，分別是位於赫爾辛基Forum Shopping Mall 2樓的姆明精品店，以及姆明博物館內的紀念品店。不過姆明博物館現時正在搬遷中，要到2017年5月才於新地址重開。

係北歐消費就要使一大筆，溫馨提示大家，在芬蘭退稅只需要3個步驟，詳情可以按此查詢。

機票邊條航線最抵？

小編撰稿時上網查過，今年聖誕節去芬蘭以12月22日出發、1月2日回程為例，較平的機票價錢為$4,500～$6,000左右（轉一程機），來回各程大約花上14小時至30小時。

直飛不轉機的話，就只得芬蘭航空，來回大約$12,000左右，機程各大約10小時。雖則比起上述的轉機航線貴了約一倍，但正所謂（放假的）時間就是金錢，如果想慳番啲時間可以考慮下。

係咪睇到好心動，想立即出發呢？出發前，計劃行程之餘，記得安排埋旅遊保險呀！即上我們的比較平台選擇及購買，有Allied World、FWD同MSIG等不同計劃俾你揀，經我哋買仲有優惠添！

今個聖誕，就算留港玩樂消費，都一樣咁多嘢玩！即睇：

【聖誕攻略2016】 聖誕 商場打卡影相好去處

【 聖誕市集 + 主題樂園】2016香港7大必玩聖誕活動

精明消費，梗係要用信用卡儲賺里數啦！即上我哋嘅比較平台，選擇最適合你的信用卡！

——

延伸閱讀：外遊必讀！兌換 外幣 及海外簽賬攻略（2016年冬季版）

延伸閱讀：【Asia Miles 換免費機票 攻略】最抵換旅遊熱點大搜查

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【聖誕之旅2016】遊 芬蘭 必做4件事 appeared first on 理財資訊.

香港樓價高企，喺香港買樓就好似遙不可及，其實有無諗過海外買樓投資都可以係個出路？今次MoneyHero.com.hk請嚟iProperty集團同我哋介紹一下海外置業嘅策略同埋注意事項，嚴選咗英國、澳洲、加拿大及日本等熱門置業地區，幫大家「比較番，揀到啱」！

Q：香港人選擇海外置業的最大原因是甚麼？

首先，香港政府最新推出嘅新辣招，令到投資者喺香港買樓投資嘅成本增加，讓有意買樓投資嘅香港人轉為投資海外房地產；第二，香港人一向對移民及子女海外留學有一定嘅需求，促進他們有興趣投資海外房產；第三，香港人一向認為買磚頭是最佳投資，海外置業回報率亦不顯得比香港少。

英國篇

Q：如果在英國置業，iProperty推薦大家選擇哪一個城市？

考慮到倫敦（London）嘅樓價絕不低於香港樓價，所以喺英國買樓可考慮選擇二線城市，例如係曼徹斯特（Manchester）、索爾福德（Salford）、利物浦（Liverpool）、謝菲爾德（Sheffield）、利茲 （Leeds）等。

Q：在英國置業，應該如何選擇最值得投資的物業？

買樓前，可以比較一下物業的租值回報，是否靠近著名大學或Central Business District，也應該考慮到附近是否有基建發展及交通網絡。

Q：在英國置業還有甚麼注意事項？

• 一手物業多為999年地契租期的批租土地物業；改建物業既有批租土地物業，亦有永久業權物業。
• 一旦落實買賣，買家需要簽署預留表格，並支付留位費約數千英鎊，視乎物業價格而定。買賣雙方在21或28天內交換合約，期間買方要支付首期（扣除留位費後的餘額）。一般情況下，在物業落成前10天，買家會收到代表律師通知，要求支付餘下金額，當賣方收到付款，手續便告完成，詳情可向代表律師了解。
• 樓花首期一般為1至2成，視乎個別項目及其落成日期而定，金額通常交由律師管理。若交易未能達成，訂金將會被沒收。
• 新的業權將會登記在土地註冊處，業主須在30天內繳交印花稅予土地註冊處，詳情可向代表律師了解。
• 支出: 土地印花稅、資本增值稅、租金收入稅、律師費

澳洲篇

Q：如果在澳洲置業，iProperty推薦大家選擇哪一個城市？

講到澳洲最適合移居嘅城市，非墨爾本（Melbourne）莫屬！墨爾本係澳洲嘅一線城市，擁有大型基建發展，華人人口相對較多，而且有多間著名大學。若果想選擇樓價相對較低嘅城市，珀斯（Perth）也是個好選擇，當地屬於澳洲嘅新興市場，未來人口增長快，但樓價相對較低，回報可能較高。

Q：在澳洲置業，應該如何選擇最值得投資的物業？

喺買樓之前，可以考慮一下該物業是否鄰近大學，亦可以留意下該地區有否大型基建進行中，因為這些地區都擁有較強嘅升值潛力，更值得投資。

Q：在澳洲置業還有甚麼注意事項？

• 買澳洲物業前要向外國投資審查委員會（FIRB）提交申請。視乎個別項目，有些或已預先批准，需向買家收取費用（5,000澳元）；也有些作為買樓優惠的一種，代買家支付。
• 海外買家在澳洲買樓可獲永久業權（Freehold）。
• 要在澳洲做按揭融資，是有一定難度的，因澳洲銀行不容易向海外買家提供高的按揭成數，其他國家銀行或私人財務公司可提供按揭，但會收取高息。
• 樓花首期一般為一成，金額通常存入發展商委託律師的信託帳戶內。在此期間，發展商不可能動用買家的金錢，直到物業落成為止。在一手買賣中，買家需要在物業落成或獲得業權時付款。因此，申請按揭相當重要。

加拿大篇

Q：如果在加拿大置業，iProperty推薦大家選擇哪一個城市？

溫哥華（Vancouver）係華人移民熱門城市，因此樓市一向熾熱。而且該市嘅卑詩大學（UBC）校區一帶樓價上漲，租務需求強勁。去年更被英國經濟學人智庫（The Economist Intelligence Unit）評選為全球最宜居住城市第一位，所以，識揀一定咁揀！

Q：在加拿大置業還有甚麼注意事項？

加拿大稅制出名繁複，投資者宜留意，於多倫多買樓須付HST（合併銷售稅），稅率約為13%；而溫哥華則須繳付GST（貨勞稅），稅率約為7%。

日本篇

Q：如果在日本置業，iProperty推薦大家選擇哪一個城市？

東京（Tokyo）現時仍有大量外資湧入，加上對東京奧運的期待，這些因素可繼續支撐樓價，特別是山手線沿線，純收租的話回報有3%至4%，做民宿可達8至9%回報，現時山手線沿線一帶入場費約150萬港元。

Q：在日本置業，應該如何選擇最值得投資的物業？

日本樓近年成為港人熱捧對象，數十萬有交易，租金回報高，對投資者來說的確吸引。但買賣日本樓有多種稅項，入市前務必注意計算成本。

Q：在日本置業還有甚麼注意事項？

首期：不少買家購買日本樓，銀碼約在數十萬港元範圍，銀行承造按揭的機會不高，所以無所謂首期問題，反正就是一筆過付款。如果是銀碼較大的物業，銀行就會考慮做按揭。根據市場資訊，在日本的中國銀行，估值2000萬日圓的物業，可承造樓價50%按揭，利息為2.5至2.6厘，按揭年期15年或至業主65歲為止。另外，買家可透過日本ORIX承造按揭，ORIX是香港少數擁有「有限制持牌銀行」牌照，估值3,500萬日圓的物業，最高可造樓價80%。要留意的是，以上兩間機構，都會收1.5至2%手續費。

稅項費用：買家須付銷售稅，為樓價8%，一般已包含在樓價；登記費2%（政府按物業評估值），房產取得稅3%（政府按物業評估值），司法書士費80,000日圓日圓起，中介費3%加60,000日圓（另加8%銷售稅）。

日本政府亦會收取印花稅：

• 資產增值稅 5年內：（利潤－支出）ｘ30%
• 多於5年：（利潤－支出）ｘ15%

其他支出：交易時的交通費、酒店住宿費、中介費、司法書士費用、房產取得稅、每月管理費等。

留意港日兩地的租賃文化不同，日本法例較保障租客，加租需事先與租客協商並取得其同意。約滿後要求租客搬走亦需合理理由，如收回單位自用，否則租客有權繼續租住。

Q：可否介紹一下iProperty的公司背景及理念？

iProperty集團擁有亞太區首屈一指iProperty.com品牌旗下的多個房地產網站，集團的願景為「Think property, think iProperty」。現時在香港、澳門、新加坡、馬來西亞、吉隆坡、印尼、和菲律賓，均有營運針對消費者及商戶而設的房地產網站。iProperty集團旗下的SMART Expo亦為亞洲區內領先的房地產展覽籌辦商。2016年iProperty集團被跨國房地產數碼媒體REA集團收購，成為亞太區網上房地產媒體行業的市場領導者。

如果對海外投資置業有興趣，可去到Smart Expo得到更多海外置業嘅第一手資料，詳情如下：

• 日期：2016年11月26日至27日
• 時間：11:00am 至 7:00pm
• 地點：Hall 3G，香港會議展覽中心
• 其他：免費入場，可到SMART Expo官網先登記，按”Get FREE Pass”

如果想了解一下海外物業按揭計劃，可以於11月26日，12:00pm至12:45pm，聽下MoneyHero.com.hk營運總監Rachel Lam教路啦！

更多按揭產品資訊及比較，即上我們的比較平台！

——

延伸閱讀：【樓市情報】政府 新辣招 6大影響

延伸閱讀：家居保險 ，邊個要買？業主租客都關事

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【投資攻略】 海外置業 Q&A（英國/澳洲/加拿大/日本） appeared first on 理財資訊.

家居當然愈安全愈好，但再小心也會有出意外嘅可能。想避免家居相關意外嘅損失，其實大家都應該更了解 家居保險 ，並為自己嘅家居購買一份合適嘅家居保險。你還未清楚甚麼是家居保險？等MoneyHero.com.hk幫大家整理家居保險嘅7大須知吧！

1） 家居保險 常保事宜

家居保險 只係一個統稱，一般來說其實係一個綜合型的保險，可以保障多項不同範疇，常見嘅基本範疇有：家居財物保障、個人責任保障；有些保險亦可額外附加樓宇結構保險（火險）、家傭保險等障。當你需要購買家居保險時，應該比較不同公司嘅產品，搵一個最適合自己嘅計劃。

2）家居保險點計保費？

家居保險多數以單位面積計算保費，單位愈大就愈貴，一般都計算建積面積，但有部分都可以俾你選擇用建築面積定係實用面積計算。另外會影響保費嘅因素會有樓齡，以及該單位為矮房與否。確實嘅保費當然要視乎保險公司嘅核保結果啦。

根據消委會做嘅調查，同樣面積嘅家居保險，保費差異可以好大，以同一建築面積500平方呎計算，一年保費可以由$420到$1,480不等。另外，年繳保費，當然會比月繳平啦，一般來說年繳會比月繳平5%左右。

3）家居保險幾時有用？

當你投保嘅單位遇上火災、盜竊、颱風、暴雨等災害，令你單位內嘅家居財物有損失，例如係家俬、電器、衣物、電子產品、珠寶等，家居保險就有機會可作出賠償。

例如當你嘅單位被爆竊，你失去部分財物及證件，信用卡亦被盜用，家居保險可以賠償你財物損失、信用卡被盜嘅損失以及補領證件嘅費用，都可以被保障在內。

而更重要嘅係家居保險內嘅第三者責任保障，當你嘅單位或相關樓宇涉及意外賠償或法律責任，第三者責任保障就可以避免你承擔高昂嘅賠償費用。

若你的家居保險有附加樓宇結構保險（火險），如遇上樓宇因為火災、颱風等事件而要維修或重建，又或者因該等事件而造成意外受傷、損失，都可以提供保障。

一般來說，家居保險嘅財物保障總額，每年或每宗事故會由$300,000到$1,600,000不等。而第三者責任保障則由$4,000,000到$15,000,000不等。

4）甚麼人要買家居保險？

每個人都有屋企，而無論你是有物業自住嘅業主、租客，還是放租業主，其實都應該為單位購買家居保險，除咗可以保障你因家居意外而造成嘅財物損失，當單位涉及法律責任、樓宇結構因天災而需要維修或重建等狀況，家居保險都可以幫到你。

相關閱讀：家居保險 ，邊個要買？業主租客都關事

5）購買家居保險後，如何保障自己？

購買家居保險當然唔係一勞永逸，要有效保障自己，首先最好就係為家中財物保留單據，以便出意外後可以有效索償。另外，你都應該為家中財物拍照存檔，以證明自己在家中擁有該等財物。

6）最基本嘅家居保險？

為了充分了保障大家嘅家居，現時市面上絕大部分家居保險都係所謂嘅「全險」。好多人以為家居保險只係保障家居財物嘅損失，就可能覺得唔係太必要，但就其實當中包括嘅第三者責任保障有部分係好重要。再者，如果你嘅住宅物業仍有按揭未清，你就必須要購買火險。另外，如果你係有僱用家務助理，購買家傭保險都係必要嘅。

而如果你覺得「全險」太貴，其實都可以選擇一啲有自負額嘅家居保險計劃，等自己負責自負額內嘅損失，而更大嘅金額就等家居保險負責。

7）常見不包事項！

唔好以為幫單位買咗家居保險就一勞永逸，家居保險一般有常見嘅不包事項，最重要嘅就係，如果物業空置，往往就不再受保了。另外了，正常損耗往往都在不保範疇，而戰爭、暴亂、恐怖主義活動、惡意破壞等，一般都在不保範疇。

而一些經常會拎出拎入嘅財物，例如係手提電話等，就要睇個別保險計劃嘅條款喇，有部分家居保險嘅附加保障（全球財物保障）係會保障埋呢類財物嘅損失。

即上我哋嘅保險產品比較平台，比較旅遊保險（按此）、醫療保險（按此）等產品。

——

延伸閱讀：【樓市情報】政府 新辣招 6大影響

延伸閱讀：購買 旅遊保險 的8大常見問題

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【 家居保險 】投保前7大須知事項 appeared first on 理財資訊.

The post Protected: 【真・理財集智】又到年尾，積落卡數點算好？ appeared first on 理財資訊.

The post Protected: 【真・理財集智】稅務貸款鬥低息，真係最低就最抵？ appeared first on 理財資訊.

《米芝蓮指南香港澳門2017》新鮮出爐，今年香港一共有61間餐廳獲選為 米芝蓮 星級食府，其中有9間今年新上榜。想食好嘢，價錢一定有番咁上下，不過只要有啱嘅信用卡在手，就可以享受不同折扣優惠同禮遇。MoneyHero.com.hk為大家搜羅米芝蓮食府嘅信用卡優惠，可以慳錢之餘又同時儲埋飛行里數！

三星級餐廳

唐閣

今年繼續獲米芝蓮評選為三星食府嘅唐閣，係全球3間榮獲此最高榮譽嘅粵菜餐廳之一。佢嘅三蔥爆龍蝦、蜂巢煎封銀鱈魚、金錢鮮蝦球同唐閣寶盒飯等都係最受歡迎嘅菜式，人均消費約為$400-$800。

信用卡優惠：渣打特選信用卡* 客戶專享唐閣午膳及晚膳食品85折優惠，適用於2至12位享用。（*包括渣打Visa白金信用卡、渣打銀聯雙幣白金信用卡同渣打WorldMiles卡）

另外提提大家，唐閣亦係「亞洲萬里通」嘅合作餐廳，只要消費滿$300或以上，就可以每$2換取1飛行里數，埋單時只需出示會員卡。

餐廳網站：http://www.langhamhotels.com/en/the-langham/hong-kong/dining/tang-court/
訂座及查詢：2132 7898

二星級餐廳

香宮

九龍香格里拉大酒店嘅香宮中菜廳自2009年起一直獲米芝蓮二星評級，食物水準無容置疑。招牌菜式包括稻草骨、日式燕窩南瓜露、麥片乳龍蝦球同香烤鱈魚賽螃蟹，人均消費為$400起。

信用卡優惠：滙豐卓越理財信用卡同特選恒生信用卡* 客戶可於香宮中菜廳尊享以下優惠：（*特選恒生信用卡包括恒生Visa Infinite卡同優越理財World MasterCard）

• 午市食品8折（星期一至日，4-12位）
• 午市食品85折（星期一至日，2-3位）
• 晚市食品85折（星期一至日，2-12位）（*此為恒生客戶專享優惠）

餐廳網站：http://www.shangri-la.com/tc/hongkong/kowloonshangrila/dining/restaurants/shang-palace/
訂座及查詢︰2733 8754

夏宮

夏宮中菜廳係港島香格里拉大酒店一間米芝蓮二星級食府，菜譜包括各款正宗廣東名菜同時令佳餚。餐廳人均消費約為$200-$400。化皮乳豬件、無錫肉排煲同鎮江肴肉等都係佢招牌菜。

信用卡優惠：如果你擁有渣打特選信用卡或者匯豐白金卡或以上之信用卡，喺夏宮食午餐同晚餐就有85折優惠。（*渣打特選信用卡包括渣打Visa白金信用卡、渣打銀聯雙幣白金信用卡同渣打WorldMiles卡，而匯豐白金卡或以上之信用卡則包括匯豐Visa Signature卡、匯豐白金Visa卡、匯豐銀聯雙幣鑽石信用卡。）

餐廳網站：http://www.shangri-la.com/tc/hongkong/islandshangrila/dining/restaurants/summer-palace/
訂座及查詢︰2820 8552

欣圖軒

香港洲際酒店嘅欣圖軒以新鮮食材炮製多款中菜，餐廳除咗提供午市同晚市套餐外，仲有多款單點菜式同時令粵菜。餐廳人均消費約為$400-$800，最受歡迎嘅菜式有：香芋火鴨雪山包、香烤片皮鴨同陳皮香酥黑豚肉等。

信用卡優惠：渣打特選信用卡*卡主可以享有午、晚餐85折優惠，適用於2至4位客戶（*包括渣打Visa白金信用卡、渣打銀聯雙幣白金信用卡同渣打WorldMiles卡）。如果你持有匯豐白金卡或以上之*信用卡，亦有午膳及晚膳85折，最多4位用膳（*包括匯豐Visa Signature卡、匯豐白金Visa卡、匯豐銀聯雙幣鑽石信用卡）

餐廳網站：https://hongkong-ic.intercontinental.com/zh-hant/dining/yan_toh_heen.php
訂座及查詢︰2313 2323

Ta Vie旅

位於中環嘅Ta Vie旅，結合法日烹調技巧炮製創意料理為主。餐廳開業不久已獲米芝蓮一星，今年更升級為二星食府。Ta Vie旅只提供由主廚特別設計嘅8道菜式，不設單點菜式，訂價為每位$1,880，另加一服務費。餐廳只招待已預訂嘅客戶，所以要事先透過電話或網上訂座。

信用卡優惠：而家World Mastercard持卡人仲有同行貴賓都可尊享World Mastercard獨家菜單，菜式包鵝肝同鮑魚等名貴食材，按此了解菜單詳情。

餐廳網站：http://tavie.com.hk/
訂座及查詢︰2668-6488

一星級餐廳

阿一海景飯店

阿一海景飯店今年已連續5年獲得米芝蓮星級食肆殊榮，飯店本身由名廚楊貫一嘅門生陳志豪創辦，招牌菜當然係「阿一鮑魚」，不過砂窩炒飯同紅酒炆牛尾都好受客人歡迎，人均消費為$400-$800左右。

信用卡優惠：你有渣打信用卡，堂食自選菜式即有9折優惠。而匯豐卓越理財信用卡更可享自選餐牌88折優惠。另外，阿一海景飯店亦係「亞洲萬里通」嘅合作餐廳，只要消費滿$300或以上，就可以每$2換取1飛行里數。

餐廳網站：https://www.facebook.com/ahyathkcwb/
訂座及查詢︰9100 6111

嘉麟樓

踏入30周年紀念嘅嘉麟樓於1986年開業，今年首次獲一星榮譽。講起嘉麟樓嘅招牌菜，好多人都知道半島酒店嘉麟樓出品嘅迷你奶皇月餅，但餐廳嘅其他菜式其實都一樣咁出色。北京片皮鴨、蜜汁叉燒酥同乾清八寶鴨等都係拿手菜。

信用卡優惠：如果你有以下信用卡，嘉麟樓所有食品就有9折優惠：匯豐信用卡、DBS Eminent Card、Citi信用卡（包括Citi Ultima Card、Citi Prestige信用卡及Citi PremierMiles信用卡）。另外，只要你有Visa信用卡就可以喺嘉麟樓享食品9折優惠，於生日月份光顧晚市就會獲贈生日蛋糕一個。

餐廳網站：http://hongkong.peninsula.com/zh/fine-dining/spring-moon-chinese-restaurant
訂座及查詢︰2696 6760

逸東軒

位於香港逸東酒店嘅逸東軒，以炮製傳統粵式佳餚知名，好似明爐蜜汁叉燒同二弄明蝦球都係必食之選。此外，逸東軒早前仲獲旅發局頒發「2016年美食之最大賞」，大家於11月期間只要惠顧逸東軒，無論消費金額係幾多，都可以8折優惠品嚐餐廳嘅得獎菜式，例如梨釀鰒鱆烤肉、紫氣東來龍皇腸，同埋玉鱗魚躍逐金波。按此了解詳情。

信用卡優惠：如果你有匯豐、東亞、中銀、恒生或Citi信用卡，就可以85折優惠享用逸東軒晚膳（最多24位用膳），不過要留意番東亞信用卡優惠不適用於節日同公眾假期。渣打信用卡客戶都可以享9折優惠，不適用於特定節日。

餐廳網站：http://www.yat-tung-heen.com/
訂座及查詢：2878 1212

駿景軒

英皇駿景酒店駿景軒已連續7年獲評為米芝蓮星級食府。餐廳主打正宗粵菜同川菜，除咗有四川同重慶風味嘅麻辣菜式外，仲供應各式串粵點心，麻辣水煮鮮魚片同駿景砂鍋炒飯都唔少人嘅心水推介，人均消費約為$200-$400。

信用卡優惠：匯豐信用卡持卡人凡到駿景軒惠顧晚膳滿$1,000，即可獲贈餐酒乙支（星期一至六）。

餐廳網站：http://www.emperorhotel.com.hk/zaspx_2l/dining.aspx
訂座及查詢：2961 3330

米芝蓮車胎人美食

Bombay Dreams Indian Cuisine

位於中環嘅Bombay Dreams Indian Cuisine係一間印度菜咖喱西餐廳，裝飾擺設充滿印度風情，提供多款傳統印度美食，刁草三文魚、羊肉串同經典印度菜飯都係餐廳嘅招牌菜，人均消費為$150-$400。

信用卡優惠：渣打、恒生、DBS、同匯豐信用卡持卡人可享自選餐牌9折優惠，若為匯豐白金卡或以上嘅信用卡*，除了9折優惠外，亦可選擇惠顧滿港幣$1,000獲贈紅酒/白酒乙支。（*包括匯豐Visa Signature卡、匯豐白金Visa卡、匯豐銀聯雙幣鑽石信用卡）

另外，Bombay Dreams Indian Cuisine係「亞洲萬里通」嘅合作餐廳，只要消費滿$300或以上，就可以每$2換取1飛行里數，埋單時只需出示會員卡就得。

餐廳網站：https://www.facebook.com/BombayDreamsHK/
訂座及查詢：2971 0001

功德林（銅鑼灣）

功德林上海素食係四洲集團旗下嘅食肆之一，主打以營養價值高嘅進口有機蔬菜，配合創新烹調手法炮製，菜式不含味精同色素，好適合注重健康嘅朋友。餐廳人均消費為$100-$200。

信用卡優惠：如果你有匯豐或者大新銀行信用卡就要留意，而家只要惠顧功德林滿$100即有9折。

查詢及訂座：2890 3127 / 2881 9966

莆田（銅鑼灣）

莆田呢個名其實係源自中國福建省嘅沿海城市莆田市，主打當地清新純樸嘅農家菜，人均消費約為$100-$200。餐廳大部分食材都係由莆田市直接入口，以確保地道風味。

信用卡優惠：匯豐信用卡持卡人只要於星期一至四光顧莆田就可享9折優惠，優惠不適用於星期五、六、日及公眾假期）。

餐廳網站：http://www.putienhk.com/
查詢及訂座：2111 8080

其實唔少信用卡都有好多餐飲優惠，除咗可享折扣同禮遇外，仲可以賺更多飛行里數同現金回贈添！想知道更多信用卡嘅餐飲優惠？立即使用我哋嘅比較工具，搵出餐飲優惠最豐富嘅信用卡！

——

延伸閱讀：【信用卡攻略】香港5大 現金回贈 Cash Back 信用卡

延伸閱讀：【信用卡攻略】嚴選必備 銀聯信用卡

想知道更多賺里數嘅方法，就要留意MoneyHero.com.hk Blog，同埋緊貼我哋嘅Facebook Page！

The post 【米芝蓮2017】用信用卡優惠食盡 米芝蓮 食府 appeared first on 理財資訊.

最近日圓大跌，正好係遊日本、掃日貨嘅大好時機，咁啱Expedia就同日本樂天國際市場網站搞緊減價優惠，啱晒一眾日本愛好者「濕平」搶日貨！對日本冇乜興趣唔緊要，Sogo崇光百貨同Casablanca一樣做緊回贈同推廣優惠，想知乜優惠咁抵？即刻睇睇今周嘅至 著數 優惠情報！

1. 東亞信用卡 x Expedia：訂酒店低至5折

聖誕同新年臨近，係時候去旅行放鬆下！用東亞信用卡透過Expedia預訂精選酒店，可享低至5折優惠，如果你正準備去峇里、大阪、巴黎、羅馬、首爾同台北，就唔好錯過呢個優惠！另外，所有城市嘅精選酒店亦有9折優惠。按此瀏覽優惠詳情。

推廣期：即日起至2016年12月31日
入住期：即日起至2017年3月31日

想了解更多東亞信用卡產品，可即按此。

2. 匯豐信用卡 x Sogo：購物滿$1,500可獲$100禮券

今個禮拜正值Sogo感謝周年祭，大量家品電器都有大減價，如果帶埋匯豐信用卡去Shopping就抵上加抵喇！由即日起至2017年1月2日，用匯豐信用卡喺Sogo累積合資格簽賬每滿$1,500，即送你$100崇光購物禮券，最高可賺$800崇光購物禮券。按此了解詳情。

推廣期：即日起至2017年1月2日

想了解更多匯豐信用卡產品，可即按此。

3. 恒生信用卡 x 樂天：網上購物賺15%回贈

自從特朗普贏出美國總統大選後，日圓匯價一跌再跌，呢個時候買日貨就最抵嘞！由即日起至2016年12月31日，恒生萬事達卡客戶於優惠期內任何星期五、六或日經指定網站於Rakuten Global Market購物，可獲15X樂天超級點數，如買滿JPY15,000可獲1,500點數（=JPY1,500），即15%回贈。登記埋恒生卡網上簽賬優惠，仲可賺埋3x Cash Dollars添！按此瀏覽優惠詳情。

推廣期：即日起至2016年12月31日

想了解更多恒生信用卡產品，可即按此。

4. 中銀信用卡 x Casablanca：床品低至59折

中銀香港同床上用品專門店Casablance推廣緊新優惠！由即日至2016年12月31日，用中銀信用卡買Casablanca床品有低至59折優惠！特價床品包括記憶枕頭、純綿同全天絲系列床笠、枕袋同被袋。按此瀏覽優惠詳情。

推廣期：即日起至2016年12月31日

想了解更多中銀信用卡產品，可即按此。

聖誕仲有一個月先到，但各大商場已經擺好晒聖誕裝飾應節，立即睇下各區商場有咩裝飾佈置，同親朋好友一齊影相打卡！即睇：【聖誕攻略2016】聖誕商場打卡影相好去處

想知道更多信用卡嘅優惠資訊？立即使用我哋嘅比較工具，搵出最適合你嘅信用卡！

——

延伸閱讀：【 聖誕市集 + 主題樂園】2016香港7大必玩聖誕活動

延伸閱讀：【交稅都有獎賞？】 信用卡交稅 優惠2016

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post MoneyHero.com.hk本周至 著數 優惠情報（2016年11月25日） appeared first on 理財資訊.

聖誕假期臨近，好多人都計劃同親友去旅行，但聖誕新年始終係旅遊旺季，機票酒店價格必然水漲船高。不過只要你揀啱信用卡簽賬，就可以享盡折扣優惠，同豐富嘅現金回贈或飛行里數獎賞。MoneyHero.com.hk為大家搜羅咗今個聖誕各大銀行信用卡嘅精選 旅遊優惠 ，Plan緊去旅行嘅你馬上睇睇！

渣打信用卡

1. 康泰旅行社：高達$4,000折扣

成家人去旅行其實都幾乸脷，但如果每個人都有折扣就唔同講法！由即日起至2017年2月28日，憑渣打 / Manhattan信用卡於康泰旅行社報名參加長線旅行團，每位可享高達$4,000即減折扣，自遊行套票 / 機票亦有高達$1,000折扣。按此瀏覧優惠詳情。

2. 澳門JW萬豪酒店：預訂酒店9折、餐飲85折

唔去外國，近近地過澳門玩都好！而家憑渣打 / Manhattan信用卡於澳門JW萬豪酒店預訂「怡世寶水療」住宿套票有9折（預訂日期由即日起至2016年12月29日），於萬豪中菜廳、名廚都匯及大堂酒廊均有85折優惠（優惠期至2017年4月30日）。按此瀏覧詳情。

想了解更多渣打信用卡產品，可即按此。

Citi信用卡

1. 東瀛遊：高達$3,000折扣

由即日起至2016年12月31日，憑Citi信用卡於東瀛遊報名參加精選長線旅行團，每位可減$3,000，報名參加其他旅行團，或購買其他自由行套票都有$100-$300不等折扣。按此了解詳情。

想了解更多Citibank信用卡產品，可即按此。

東亞Flyer World萬事達卡

1. Expedia：訂酒店低至5折

由即日起至2016年12月31日，用東亞銀行World萬事達卡（如Flyer World萬事達卡）同東亞銀行Visa Signature卡透過Expedia指定網站（www.expedia.com.hk/bea）預訂峇里、大阪、巴黎、羅馬、首爾或台北精選酒店，有低至5折優惠，所有城市精選酒店亦有額外9折。按此了解優惠詳情。

2. 捷成假期：預訂酒店可享額外95折

憑東亞信用卡透過捷成假期網站（www.jebsenholidays.com/bea）預訂酒店住宿，可享額外95折同尊貴禮遇，包括：

• 房間升級（*視乎房間供應情況）
• 每日每房多達2位早餐
• 提早入住 / 延遲退房*
• US$100等值酒店消費額（例如：2人晚餐、機場專車接送、水療 / 按摩等）

呢個優惠會推廣至2017年12月31日，按此了解優惠詳情。

想了解更多東亞信用卡產品，可即按此。

（溫馨提示：計劃外遊，當然就要買番份旅遊保險啦！即上我們的比較平台選擇及購買，有Allied World、FWD同MSIG等不同計劃俾你揀，經我哋買仲有優惠添！）

美國運通國泰航空信用卡

1. Kaligo：訂酒店每HK$2=1里數

儲開里數嘅你要留意！由即日起至2017年5月13日，只要用美國運通國泰航空信用卡透過www.kaligo.com/amexcathay預訂酒店住宿，每消費HK$2可賺取1「亞洲萬里通」里數，部分酒店優惠更低至HK$0.67=1里數！即係住幾晚分分鐘已賺幾千里數入袋！瀏覧美國運通Facebook了解詳情。

想了解更多美國運通信用卡產品，可即按此。

匯豐信用卡

1.「最紅旅遊優惠」：賺高達19倍「獎賞錢」

匯豐推廣緊「最紅旅遊優惠」，由即日起至2016年12月31日，匯豐信用卡卡主（如匯豐金卡）除咗於海外簽賬賺取基本「獎賞錢」外，仲可賺多額外5倍「獎賞錢」 。如果你有Visa Signature卡或白金Visa卡，額外「獎賞錢」更高達10倍添！

如果你本身已登記咗「最紅自主獎賞」，並將額外5X「獎賞錢」分配於「賞中華」或「賞世界」類別中，咁你就可以憑海外簽賬總共賺取11倍（如匯豐金卡）、16倍（如白金Visa卡），甚至19倍「獎賞錢」（如Visa Signature 卡）！按此瀏覧優惠詳情。

2. Hotels.com：訂酒店享85折優惠

以匯豐萬事達卡於Hotels.com指定網站預訂指定酒店房間，並於付款頁輸入優惠碼「MCSAVE15」，即時享85折（推廣期至2017年1月31日）

温馨提示：由即日起至2016年12月15日，於Hotels.com訂滿$3,000-$5,999，就可以每$10賺4「亞洲萬里通」里數；簽滿$6,000更有3倍里數，即每$10=6里數。按此了解優惠詳情。

想了解更多匯豐信用卡產品，可即按此。

DBS Eminent Card

1. 網上及海外簽賬：6%回贈

由即日起至2016年12月31日，DBS Eminent Card用戶只需網上登記一次，只要每月零售簽賬滿$5,000，於網上購物同海外消費就有6%現金回贈，每月最多可賺$300現金回贈。按此瀏覧詳情。

想了解更多DBS信用卡產品，可即按此。

中國建行（亞洲）信用卡

1. 本地及海外消費：高達$900現金回贈

如果你係建行（亞洲）「冬日獎賞計劃」嘅特選客戶，咁你早前應該收到呢個優惠嘅宣傳單張。由即日起至2017年2月14日，只要你憑建行Visa / 萬事達卡信用卡作本地及海外零售交易達$8,000，即享$300現金回贈，簽滿$12,000更有$300回贈。推廣期間最多可賺$900回贈。按此瀏覧詳情。另外，建行銀聯雙幣信用卡客戶亦可簽滿$10,000賺$400現金回贈。按此了解詳情。

想了解更多建行（亞洲）信用卡產品，可即按此。

恒生信用卡

1. 海外簽賬：高達$600額外獎賞

恒生呢個優惠啱晒準備去海外瘋狂掃貨嘅朋友！由即日起至2016年12月31日，恒生信用卡客戶只要成功登記海外簽賬期間限定獎賞，而每月海外簽賬累積滿$6,000-$11,999，即可賺額外$300 Cash Dollars，簽賬滿$12,000更可賺$600！

想賺更多，就要登記埋恒生全年簽賬獎賞，咁就可以同時憑海外簽賬等交易賺取3X Cash Dollars。恒生優越理財World MasterCard同恒生Visa Infinite卡客戶更可分別賺多5倍及6倍 Cash Dollars添！按此瀏覧優惠詳情。

想了解更多恒生信用卡產品，可即按此。

慶祝聖誕唔一定要去外國玩至開心嘅，其實喺香港各大商場同親朋好友影下相打下卡都一樣咁開心！即睇：【聖誕攻略2016】聖誕商場打卡影相好去處

想知道更多信用卡嘅優惠資訊？立即使用我哋嘅比較工具，搵出最適合你嘅信用卡！

——

延伸閱讀：【米芝蓮2017】用信用卡優惠食盡 米芝蓮 食府

延伸閱讀：【唔見咗卡點算好？】 遺失信用卡 常見問題Q&A

想知道更多賺里數嘅方法，就要留意MoneyHero.com.hk Blog，同埋緊貼我哋嘅Facebook Page！

The post 【聖誕攻略2016】信用卡 x 旅遊優惠 大搜羅 appeared first on 理財資訊.

「好開心以為搵到張平機票，點知加埋 行李 費之後發現，其實都唔係平好多……」相信唔少人搵廉航機票嗰陣，都有過咁嘅經驗。買廉航機票，額外嘅行李費用往往佔咗機票總支出嘅一大部分。想旅行Shopping唔使就住就住，又想慳啲行李錢？咁就要搵間 行李 寄艙費較平嘅航空公司。等MoneyHero.com.hk同大家比較下各大廉價航空公司嘅行李寄艙 / 托運費用及行李規定！

廉航 行李 托運費

廉價航空同傳統航空公司嘅最大分別，就係將不同服務分拆收費。機票（尤其特價機票）好多時候並唔包括行李寄艙，需要額外付費。各間公司的行李寄艙價格有很大出入，在機票價格相若的情況下，不妨考慮選擇行李費較平的航空公司。

（注意：預訂機票時需一併購買行李限額，方可享有上述嘅價格。如果預訂機票之後再添加托運行李，費用可能會較高。）

日本航線

香港有好幾間廉航都飛東京（香港快運、捷星航空、香草航空）同大阪（香港快運、捷星航空、樂桃航空）。無論東京定大阪，捷星航空嘅行李費都比較平，托運20KG行李，每程只需$190。

韓國航線

飛首爾嘅廉價航空包括香港快運、濟州航空、真航空及易斯達航空。香港快運及濟州航空行李費相若，而 真航空同易斯達航空包咗15KG免費行李，不過出發時間唔係咁靚，班次選擇較少。

而飛釜山嘅廉航則有釜山航空同香港快運，如果價錢差唔多，當然係揀有20KG免費行李嘅釜山航空啦！

新加坡航線

虎航、酷航及捷星航空都有飛新加坡，而呢3間廉航嘅行李費差距不大，20KG行李每程約$150。

泰國航線

香港快運同亞洲航空都有營運布吉同清邁航線。相較之下，亞洲航空嘅行李費比香港快運平咗$110（以20KG計）。

免費手提行李規定

航空公司允許乘客攜帶一定重量嘅手提行李上機，毋須另外收費，重量上限為7KG至10KG不等。雖然航空公司未必會嚴格檢查乘客的手提行李重量，但行李尺寸同件數卻不能超過限制，否則會被要求將行李寄艙。

相關閱讀：【廉航攻略】 廉航 旅遊免中伏指南！

（溫馨提示：計劃外遊，當然就要買番份旅遊保險啦！即上我們的比較平台選擇及購買，有Allied World、FWD同MSIG等不同計劃俾你揀，經我哋買仲有優惠添！或可即按此，了解更多不同保險公司的旅遊保險產品。）

——

延伸閱讀：【旅遊攻略】出外旅遊7大 防盜 措施

延伸閱讀：颱風 暴雨 班機延誤 ，旅遊保險有得賠？

想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！

The post 【旅遊攻略】廉航 行李 寄艙費用大比併 appeared first on 理財資訊.

每年一到聖誕，就係同一大班親朋好友相聚慶祝嘅好機會，而豐富美味嘅聖誕大餐就一定唔少得啦！想玩得開心之餘又慳到錢，就要留意以下酒店食肆嘅提早預訂優惠同信用卡優惠喇！

1）富豪酒店：預訂聖誕及除夕自助餐低至5折

富豪酒店推出聖誕節及除夕自助午餐／晚餐，中銀信用卡客戶只要於12月15日或之前預訂並繳付全費，即可享折扣優惠，包括4-12位惠顧聖誕節及除夕自助午餐／晚餐即有7折（適用於2016年12月24日至26日及31日），平日6-12位惠顧海鮮自助午餐／晚餐更有半價優惠。

另外，如果用其他銀行信用卡包括DBS、美國運通、渣打及恒生信用卡，於富豪酒店餐廳全年都會有8-85折優惠。詳情按此查詢。

2）8度海逸酒店：預訂聖誕及新年自助餐85折

只要於12月9日或之前預訂8度餐廳嘅聖誕及新年自助午餐／晚餐並繳付全費，即可享高達85折優惠。享用聖誕及新年自助晚餐之客人當晚更每位可獲黑松露芝士焗釀蟹蓋一客，享用聖誕自助晚餐之客人更可參加幸運大抽獎，有機會贏得酒店住宿一晚、雙人周六自助早午餐等。詳情按此查詢。

3）恒豐酒店：預訂聖誕及除夕自助餐8折

恒豐酒店紅煙窗餐廳推出「閃亮聖誕夜- 龍蝦．燕窩．海鮮自助晚餐」，於12月11日或之前預購聖誕及除夕自助餐票金可享8折優惠（只適用於以全數付款）。按此查詢優惠詳情。

帝京酒店：預訂聖誕自助餐低至78折

帝京酒店嘅魅幻星河聖誕自助餐有提前預訂優惠，可享低至78折，不過就只限於首100位預訂客人。想享有優惠就要快手落訂！按此查詢優惠詳情。

4）九龍海逸君綽酒店：預訂聖誕及除夕自助餐9折

客人只要於於12月16日或之前預訂The Promenade餐廳平安夜及聖誕日之自助晚餐，又或者於12月23日或之前預訂除夕夜自助晚餐均可享額外9折優惠。按此查詢詳情。

5）元氣壽司：提早訂外賣聖誕盛9折

由即日起至12月20日期間訂購元気外賣聖誕盛即有9折優惠，如果你有匯豐信用卡更可享85折優惠添！不過匯豐卡優惠不適用於網上訂購，有興趣嘅朋友要下載訂購表格親自遞交或Fax去分店喇！

另外，每滿$250元氣仲會送你1張$30優惠券，同2017年元氣別注版月曆1個。數量有限，派完即止。詳情按此查詢。

6）Spaghetti House：提早預訂82-85折優惠

Spaghetti House會員／匯豐信用卡持卡人／網上訂購客戶於12月20日或之前訂購聖誕及新年派對美饌外賣自取即有82折優惠，而一般客戶亦有85折優惠。按此查詢詳情。

聖誕信用卡餐飲優惠

1）匯豐信用卡

由即日起至2017年1月22日，憑匯豐信用卡（包括匯豐Visa Signature卡、匯豐白金Visa卡同匯豐銀聯雙幣鑽石信用卡）於多間精選食肆簽賬可享節日美饌優惠低至7折，包括：

1.  香港洲際酒店港畔餐廳
   – 自助午餐8折、自助晚餐8-85折
   – 聖誕佳節期間自助晚餐85折

2. The Steak House Winebar + Grill
  – 以$998享用特選節日晚膳套餐
  – 周末半自助午餐及晚膳（星期一至日）85折

3. 香港港麗酒店：咖啡園、意寧谷及懷歐敍
  – 5位或以上惠顧自助晚餐/嚐味套餐，可享食品75折及每位獲贈節日飲品乙杯

4. Lawry’s The Prime Rib
  – 聖誕及新年半自助早午膳85折優惠，並可以$388享用無限添飲侍酒師推介葡萄
酒（只限成人）
  – 聖誕及新年晚膳套餐85折優惠，並可以每支$838享用Clos du Val Cabernet
Sauvignon及每支$420享用Louis Jadot Bourgogne Aligoté（只限成人）

按此了解匯豐最紅飲食優惠詳情。

想了解更多匯豐信用卡產品，可即按此。

2）東亞銀行World萬事達卡

用東亞銀行World萬事達卡於多間餐廳均有折扣優惠，包括La Saison by Jacques Barnachon單點菜單低至8折 、Issaya Siamese Club 食品9折（但須於3日前預訂）、Épure優先訂座及送免費香檳等優惠。按此了解詳情。

想了解更多東亞信用卡產品，可即按此。

3）DBS信用卡

DBS信用卡客戶可享多重餐飲優惠，包括：

1. PizzaExpress
  – DBS信用卡客戶凡於網上訂購PizzaExpress外賣自取派對美饌滿HK$600即享85
折。

2. Foodpanda
  – 購買Foodpand外賣美食滿$300或以上（以單一交易計算），可享外賣美食85
折；首次登記成為Foodpanda會員可享$60即時折扣。

3. Honestbee
  – 首次登記成為Honestbee會員並訂購滿$350或以上（以單一交易計算）可享
$150即時折扣

4. Tea WG Salon & Boutique
  – DBS信用卡客戶可以優惠價每位$398*（原價$468）尊享節日套餐。

5. 海景嘉福洲際酒店
  – 於海風餐廳、海景軒、海景咖啡廊及Tiffany’s紐約吧光顧自助午餐／晚餐及自選菜
式等均有8折優惠。

想知更多聖誕餐飲優惠按此查詢。大家要留意番部份優惠只適用於DBS Eminent Card、DBS白金信用卡、DBS Black Card及DBS COMPASS VISA持卡人。

想了解更多DBS信用卡產品，可即按此。

4）Citi信用卡

1. 海利公館

Citi信用卡於長廊餐廳、香檳廊、隆濤院、水警吧、聖喬治、馬堡扒房同馬堡閣購買食品及飲品均有8折優惠，於長廊餐廳享用獨家套餐更有買一送一優惠。

2. The Mira Hong Kong

Citi Ultima Card及Citi PremierMiles 信用卡於國金軒 / Coco / Room One / Whisk / Yamm均享有食品及飲品85折優惠。按此查詢詳情。

想了解更多Citi信用卡產品，可即按此。

聖誕節就到，好多人都計劃同親友去旅行，但聖誕新年始終係旅遊旺季，機票酒店價格必然水漲船高。不過只要你揀啱信用卡簽賬，就可以享盡折扣優惠，同豐富嘅現金回贈或飛行里數獎賞。即睇：【聖誕攻略2016】信用卡 x 旅遊優惠 大搜羅

想知道更多信用卡嘅餐飲優惠資訊？立即使用我哋嘅比較工具，搵出最適合你嘅信用卡！

——

延伸閱讀：【米芝蓮2017】用信用卡優惠食盡 米芝蓮 食府

延伸閱讀：【聖誕攻略2016】 聖誕 商場打卡影相好去處

想知道更多賺里數嘅方法，就要留意MoneyHero.com.hk Blog，同埋緊貼我哋嘅Facebook Page！

The post 【聖誕攻略2016】信用卡 x 聖誕大餐 優惠大搜羅 appeared first on 理財資訊.

踏入12月，意味住正式踏入 聖誕 季節！全城已經充滿聖誕氣氛，街道上、店鋪中都滿是聖誕裝飾，餐廳的背景音樂都換上了聖誕歌……大家準備好未？聖誕大餐、聖誕禮物、聖誕之旅等等，都要好好計劃安排，尤其係用適當的信用卡去消費，可以享用許多優惠，為你慳得更多之餘，仲可以賺得更多積分與里數！MoneyHero.com.hk已經為大家搜羅咗不少聖誕優惠資訊，快啲睇睇以下一系列嘅報道啦！（2016年12月2日更新）

聖誕之旅：

【聖誕攻略2016】信用卡 x 旅遊優惠 大搜羅

聖誕假期臨近，好多人都計劃同親友去旅行，但聖誕新年始終係旅遊旺季，機票酒店價格必然水漲船高。不過只要你揀啱信用卡簽賬，就可以享盡折扣優惠，同豐富嘅現金回贈或飛行里數獎賞……閱讀全文

【聖誕之旅2016】遊 芬蘭 必做4件事

聖誕節你計劃了去邊度外遊？未計劃的話，而家開始都未遲，如果可以請多幾日假的話，不妨考慮去 芬蘭 探下聖誕老人！芬蘭到底有乜玩？就等MoneyHero.com.hk話你哋知「遊芬蘭必做4件事」啦……閱讀全文

（溫馨提示：計劃外遊，當然就要買番份旅遊保險啦！即上我們的比較平台選擇及購買，有Allied World、FWD同MSIG等不同計劃俾你揀，經我哋買仲有優惠添！或可即按此，了解更多不同保險公司的旅遊保險產品。）

聖誕消費 / 玩樂：

【聖誕攻略2016】 聖誕 商場打卡影相好去處

數晒香港咁多個節慶，最有節日氣氛一定係 聖誕 節！各大商場嘅 聖誕 裝飾已經準備就緒，等緊大家去影靚相了。等MoneyHero.com.hk同大家率先睇下今年各大商場有乜裝置，一家大細齊齊去影相打卡！……閱讀全文

【 聖誕市集 + 主題樂園】2016香港7大必玩聖誕活動

香港嘅聖誕節從來唔愁冇嘢玩，例如近年多咗地方舉行 聖誕市集 ，售賣各種窩心的聖誕精品，散發滿滿嘅節日氣氛。除咗聖誕市集之外，聖誕當然唔少得玩埋海洋公園、迪士尼、AIA嘅聖誕特別活動啦！等MoneyHero.com.hk為大家逐一介紹今年嘅聖誕 好去處 啦……閱讀全文

【聖誕攻略2016】嚴選8大心水 聖誕禮物 x 信用卡優惠

喺普天同慶的日子，都未免要買禮物送俾情人、家人，又或者買嚟喺公司聖誕Party抽獎，相信好多人都為揀禮物而苦惱緊。因此MoneyHero.com.hk就精選咗8種適合不同對象的 聖誕禮物 ，以及相關優惠折扣，令收禮物嘅人開心之餘，又對自己嘅荷包好啲……閱讀全文

聖誕大餐：

【聖誕攻略2016】信用卡 x 聖誕大餐 優惠大搜羅

每年一到聖誕，就係同一大班親朋好友相聚慶祝嘅好機會，而豐富美味嘅聖誕大餐就一定唔少得啦！想玩得開心之餘又慳到錢，就要留意以下酒店食肆嘅提早預訂優惠同信用卡優惠喇！……閱讀全文

【米芝蓮2017】用信用卡優惠食盡 米芝蓮 食府

《米芝蓮指南香港澳門2017》新鮮出爐，今年香港一共有61間餐廳獲選為 米芝蓮 星級食府，其中有9間今年新上榜。想食好嘢，價錢一定有番咁上下，不過只要有啱嘅信用卡在手，就可以享受不同折扣優惠同禮遇。……閱讀全文

想知道更多信用卡嘅優惠資訊？立即使用我哋嘅比較工具，搵出最適合你嘅信用卡！或即按此，了解更多不同銀行的信用卡產品。

——

延伸閱讀：【旅遊攻略】出外旅遊7大 防盜 措施

延伸閱讀：【旅遊攻略】廉航 行李 寄艙費用大比併

想知道更多賺里數嘅方法，就要留意MoneyHero.com.hk Blog，同埋緊貼我哋嘅Facebook Page！

The post 【 聖誕 快樂2016】消費優惠攻略大全 appeared first on 理財資訊.