一到年尾，又係選出「年度之最」嘅時候。留意開信用卡嘅人可能有發現，今年有好幾張信用卡特別受歡迎。MoneyHero.com.hk與資訊內容供應商Wisers合作，根據全港信用卡的網上曝光量，挑選出2016年度10大人氣 信用卡 。你手頭上的信用卡又有冇上榜呢？我哋一齊睇睇：
第10位：Citi Clear Card （網上人氣：142）
Citi Clear Card最大特色係所有網上外幣簽賬都有2%回贈，聽落唔算好吸引，但勝在門檻特低，大學／大專學生或低收入人士都申請到，啱晒喜歡在網上Shopping嘅年輕人。另外，只有當月簽一筆不少於$500嘅本地零售簽賬，週五至日睇電影，更可享3D /2D戲票買1送1優惠！
- 年薪要求：HK$60,000（提供學生證可免年薪要求）
- 網上外幣簽賬：2.00%回贈
- 其他簽賬：0.40%回贈
迎新禮遇：
- 學生卡：發卡後首2個月內累積簽賬滿$2,500或以上，就可獲贈Cinema City朗豪坊換票證2 張（總值$190）。
- 普通卡：首2個月內累積認可簽賬滿$5,500或以上，可獲贈Cinema City朗豪坊換票證4 張(總值HK$380)；$10,000或以上，可獲贈Cinema City朗豪坊換票證8 張(總值HK$760)。
第9位：東亞銀行 JCB白金卡（網上人氣：150）
JCB卡在香港好少地方有得碌，點解咁都上榜？因為呢張卡係咁多張入到Lounge嘅信用卡入面，門檻最低嘅一張，年薪要求只係4萬！雖然佢就入唔到香港機場既候機室，但就大部份日本機場及部分大陸機場既候機室都入到，而且冇任何簽帳要求，經常去日本玩嘅人士點都要申請番張旁身！
- 年薪要求：$40,000
- 零售簽賬回贈：每$250 = $1（0.4%回贈）
迎新禮遇：
發卡後首3個月簽賬滿$4,000可獲贈HK$200百佳超級市場禮券。
按此了解更多東亞信用卡產品。
第8位：恒生enJoy卡（網上人氣：226）
相信大家都經常在商舖見到恒生enJoy卡嘅海報，因為恒生enJoy卡喺超過2,300間商舖可以獨享全年折扣優惠，仲可以賺2X enJoy Dollars！食肆「特約商戶」包括有美心集團、Pizza Hut、元氣寿司、千両、丼丼屋、丼丼屋食堂、一風堂、魚尚及香港怡東酒店等等，啱哂鐘意食野嘅人！如果成日要買啲家居日用品，憑卡係惠康、7-Eleven、宜家家居及萬寧等消費，都有唔同折扣優惠。
- 年薪要求：HK$ 150,000（提供學生證可免年薪要求）
- 特約商戶：每簽HKD200 = $2 enJoy Dollars（相等於1%回贈）
- 其他商戶：每簽HKD200 = $1 Cash Dollar（相等於0.5%回贈）
迎新禮遇：
- $3,800「特約商戶」優惠券 及
- $200 enJoy Dollars 及
- 網上申請額外賞 $100 enJoy Dollars
按此了解更多恆生信用卡產品。
第7位：中銀i-card（網上人氣：251）
另一張學生必備卡，網上零售交易、電器影音、超級市場、電影院、電訊服務、便利店及MasterCard感應式支付交易，通通可享10倍積分（即等同4%回贈 或 $1.5=1里數），以低門檻卡嚟講係超級抵！不過每月最高只可獲額外10,000簽賬積分，即簽夠$1111就要停手，所以比較啱消費低嘅學生用。
- 年薪要求： $150,000（學生要開i-Free自在理財戶口才可申請）
- 指定簽帳類別：$1=10分（4%回贈）
- 其他簽帳類別：$1=1分（0.4%回贈）
迎新禮遇：
- UA電影禮券4張 或
- 2.飛利浦多功能健康豆漿濃湯機 或
- 高達HK$80,000免息免手續費「現金分期」及
- 網上成功申請，可額外享25,000簽賬積分
按此了解更多中銀信用卡產品。
第6位：星展銀行 Black World MasterCard（網上人氣：387）
呢張卡一向被稱為「平民黑卡」，最近因為古天樂「今期流行DBS黑卡」嘅冧女廣告而紅咗。之所以冧到女，除咗係因為佢係「黑卡」之外，仲可以用DBS$ 以市價55折換機票，例如以台灣來回機票賣$1,200, 憑呢張卡喺 DBS iGO Rewards 平台用DBS$660左右就買到，間唔中仲有特價添。隨時買，隨時飛，另一半梗係開心啦！
如果鍾意儲里數，亦可以用專屬的優惠匯率（DBS$48 = 1,000里數）將DBS$換成「亞洲萬里通」里數，而且免收任何手續費。
- 年薪要求：24萬
- 本地簽帳：2X DBS$ ($250= DBS$2) / $6=1里數
- 海外簽帳：3X DBS$ ($250= DBS$3) / $4=1里數
迎新禮遇：
- 新卡發出後首2個月，新客戶或現有客戶於本地及海外零售簽賬可享10X DBS$ (即HK$1.2 = 1里數)。
- 經網上申請額外享DBS$25 (即520里數)
按此了解更多星展信用卡產品。
第5位：美國運通國泰航空信用卡（網上人氣：519）
今年美國運通2款國泰信用卡都備受注目，其中門檻較低的美國運通國泰航空信用卡，網上申請即送1,000 「亞洲萬里通」里數，頭3個月只要簽賬滿$3,000，更送多3,000里數！呢張卡頭3個月本地同海外簽賬都有$5＝1里和$3＝1里嘅優惠兌換率，即係頭3個月在本地簽帳$3,000就已經賺到4,600里數。
此外，呢張卡亦多種旅遊禮遇，包括每年可免費進入環亞機場貴賓候機室2次、優先兌換「亞洲萬里通」折扣機票、買國泰機票都有$8即有2里，還可豁免馬可孛羅會綠卡會籍申請費用。
此卡年薪要求為$150,000，如果年薪達$300,000, 可以申請回贈更優厚嘅美國運通國泰航空尊尚信用卡（詳見下文）。
- 年薪要求：$150,000
- 本地簽賬：$8= 1 里數
- 外幣簽賬：$8= 1.5 里數
- 年費： $980（豁免首年年費）
迎新禮遇：
- 網上申請送1,000里數 及
- 首3個月內簽賬滿HK$3,000，送3,000里數 及
- 首3個月內本地簽賬每HK$5 = 1里數 及
- 首3個月內外幣簽賬滿等值每HK$3 = 1里數
第4位：渣打亞洲萬里通萬事達卡（網上人氣：574）
第4位就係成日聽人講嘅「鄭秀文張卡」，代言人夠厲害之餘，本身張卡都一樣咁勁！渣打亞洲萬里通萬事達卡主打飲食、網上及海外簽賬回贈，呢3個類別全年都$4=1里數，而且佢係「亞洲萬里通」第一張同銀行聯營嘅信用卡，兌換里數唔使手續費。
迎新優惠嚟講都係非常吸引，簽首$7,500就可以得到15,000里數，其後簽$30,000最高可多得15,000里數，即係首2個月簽滿$37,500,就可以拎晒30,000里數(夠換一張日本來回機票！)仲有個好處係，呢張卡每個月月尾都會自動幫你將賺到嘅里數存入你嘅「亞洲萬里通」戶口，唔使任何兌換手續費！
- 年薪要求：$240,000
- 食肆 / 網上 / 海外簽賬：$4 = 1里
- 其他類別簽賬：$6 = 1里
迎新禮遇：
新客戶透過網上成功申請，頭2個月內的首$7,500消費會有簽$1送2里數優惠（最高可獲15,000里數），而其後之$30,000消費會有簽$2送1里數優惠（最高可獲15,000里數），合共最高可獲30,000里數。
按此了解更多渣打信用卡產品。
第3位：東亞銀行Flyer World萬事達卡（網上人氣：1114）
里數回贈信用卡今年大行其道，第3位嘅東亞Flyer World萬事達卡同樣主打里數獎賞，新客戶每簽$1.5 即賺1里，只要喺頭2個月簽滿$9,000，就可以賺到6,000「亞洲萬里通」里數！如果你轉用東亞做自動轉賬出糧，咁發卡後頭12個月每月簽賬頭$10,000都會有$4=1里優惠，幾乎係市面上最抵！
相比起第4位渣打亞洲萬里通萬事達卡，而且呢張卡仲多一樣好處，就係可以用嚟繳費（包括水電煤同八達通增值）儲里數！如果平時多數用網上繳費，用呢張卡就可以更快儲到飛行里數啦！
- 年薪要求：$300,000
- 本地及海外簽賬：$5 = 1里數
迎新禮遇：
- 須於發卡後首2個月簽賬滿HK$9,000，即可獲48,000 獎分，相等於6,000里數
- 適用於發卡後首12個曆月內之簽賬首$10,000，享HK$4 = 1里數優惠（需將出糧戶口轉為東亞）
第2位：DBS Eminent 卡（網上人氣：1152）
經常去旅行或上網買嘢嘅人，都將DBS Eminent Card作為首選！因為只要當月零售簽帳滿$5,000，其中網上購物及海外簽賬都可以享有6%現金回贈，抵銷外幣交易手續費後仲賺好多！不過每個月嘅回贈上限為HK$300，需要預先登記先可以享有回贈。
此外，成功申請DBS Eminent Card嘅新客戶，首4個月網上及海外簽賬可獲額外4%現金回贈，連同本身的6%現金回贈，即共可獲得10%回贈 （每月上限為$500）！
- 年薪要求：$240,000
- 海外簽帳：6.00%回贈（須先登記）
- 網上購物：6.00%回贈（須先登記）
- 本地簽帳：0.40%回贈
迎新禮遇：
- 首4個月網上及海外簽賬額外4%現金回贈 （每月簽帳$5,000以上）或
- HK$600現金回贈（首2個月簽帳$10,000以上）
第1位：美國運通國泰航空尊尚信用卡（網上人氣：1247）
只需年薪30萬，便可享有真正「尊尚」嘅待遇──美國運通國泰航空尊尚信用卡榮登2016網上人氣之冠，皆因佢嘅「Package」確實非常吸引。
首先，基本卡及附屬卡卡主可以全年無限次享用環亞機場貴賓候機室，而基本卡卡主更會獲贈Priority Pass 會籍，享用全球逾850所機場貴賓室。
迎新優惠方面，網上成功申請先送1,000 「亞洲萬里通」里數，頭3個月只要簽賬滿$5,000，額外送5,000里數！首3個月本地同海外簽賬分別有$5＝1里和$3＝1里優惠，即係簽$5,000就已經賺到7,000里數。
迎新期過後，外幣簽帳 $4=1里數，本地簽賬$6=1里數，回贈率在市面信用卡當中算是數一數二。另外，憑卡訂購國泰航空機票，每$6即可額外獲2里數，仲有優先兌換「亞洲萬里通」折扣機票、豁免馬可孛羅會綠卡會籍申請費用等優惠，十分適合經常旅遊或出外公幹的人士。
- 年薪要求：$300,000
- 外幣簽賬：$4 = 1里
- 本地簽賬：$6 = 1里
- 年費：$1,800
迎新禮遇：
- 豁免首年年費 及
- 網上申請送1,000「亞洲萬里通」里數 及
- 首3個月內簽賬滿$5,000，送5,000里數 及
- 首3個月本地簽賬每$5=1里數 及
- 首3個月外幣簽賬滿等值每$3=1里數
數據資料由 Wisers Information Limited 及 港你知 提供
想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！
——
延伸閱讀：【2016大事回顧】香港10大 樓市新聞
延伸閱讀：【2016大事回顧】香港10大 信用卡新聞
The post 2016年度10大人氣 信用卡 appeared first on 理財資訊.
農年新年將至，好多人都會全家聚首一堂食 團年飯 ，共度新年。嫌自己煮太麻煩，又唔想同人逼餐懵，咁外賣盆菜就係你嘅至佳選擇嘞！除此之外，唔少信用卡都推出食肆簽賬優惠，等大家可以賺取豐富嘅現金回贈！想慳多啲？立即睇下你張信用卡有冇優惠！
農曆 新年 就到，已經成家立室嘅你，有無諗住今年 過年 要洗幾多錢？好多人以為封 利是 要洗好多錢，但參考多個調查，香港人封利是嘅金額，從 2009 年開始，普遍都保持過半數係二十蚊一封，幾乎無跟通脹升過喎！所以一般來說，派畀親朋戚友利是開支佔新年開支數額差唔多，都係幾千蚊上落啦。
唔經唔覺又到星期五，Weekend放假梗係要放鬆下！今個禮拜除咗有Häagen-Dazs經典下午茶套餐買一送一優惠外，原來UberEATS嗌外賣只要用啱信用卡仲有半價添
