點樣先算人生贏家？無奈地，係香港，你有無樓揸手似乎重中之重。可以上私樓當然係好，但樓價高企，依個時勢，只要你有個公屋單位，其實都贏咗一半。公屋平租、租約穩定等優點大家都應該知道，更厲害嘅係：綠表，可以用極少首期買居屋，極低價置業！依家房委會準備收緊公屋富戶政策，居屋巿場可能因此有所波動，各位公屋住戶或準住戶，不如先了解公屋轉居屋、以綠表購入居屋嘅需知啦！

綠表白表要分清

居屋一般被視為巿民上車嘅較便宜選擇，而係依個私樓樓價高企嘅時代，居屋就更加搶手。購買居屋，有綠表與白表兩種資格。白表買家即一般非公屋住戶嘅巿場人士，當政府推出新居屋時，中籤嘅白表人士就有機會以免地價價格購買一手居屋，但當白表人士購買二手居屋時，則需要補地價。

綠表人士不單有符合申請資格嘅公屋住戶，只要你經核實資格入住公屋，並預計在一年內可獲編配的公屋申請人，亦可以綠表購買居屋。綠表人士無論購買一手或二手居屋，都無需補地價。而在購買一手居屋時，綠表人士都有優先揀樓權。

綠表人士，5%首期！

係依個樓價動輒幾百萬嘅世代，首期係好多想置業人士頭痛之處，即使供得起樓，現在銀行一般最多只造到七成按揭，三成嘅首期好有可能要近百萬現金，唔係咁易拎到出黎。而綠表最大嘅好處，就係有房委會做擔保，可承造95%按揭！換言之，一層400萬嘅居屋，綠表人士只要拎20萬做首期就可以上車。不過，如果購買房協單位，綠表人士就與白表一樣，只做到九成按揭。

要留意嘅係，房委會對居屋按揭貸款嘅擔保期係以首次開售日期計起，係2010年前，擔保期係25年，2010年10月後就延至30年。例如1994年年開售嘅居屋，房委會嘅按揭貸款擔保期就只到2024年，諗住諗買二手居屋嘅綠表買家要留意喇。

綠表 購買二手居屋流程

Step 1 : 綠表人士先申請，購買資格證明書

綠表人士想購買二手居屋，首先要擁有房屋署的「購買資格證明書」（申請詳情）。綠表人士需往所屬屋邨辦事處簽署核實已填妥的申請書及申請費，等房屋署批准申請就可以得到證明書。

Step 2: 六個月內，簽訂臨時買賣合約

證明書簽發日期起計六個月內，你就可以購買居屋第二市場單位，購買日期以簽訂臨時買賣合約當日為準。而買賣雙方於達成買賣協議前，賣方都要持有「可供出售證明書」，雙方才可簽訂臨時買賣合約。

Step 3 : 向房委會申請提名信

而喺辦理正式買賣合約前，代表買方嘅律師需連同上述兩份文件正本，附加一份買方對其申請提名信有關的聲明書、臨時買賣合約副本及由律師樓發出嘅支票或銀行本票，抬頭人為「香港房屋委員會」，以繳交申請費（現時為780元）一齊交回置業資助貸款小組，向房屋署申請提名信。

Step 4 : 交回公屋單位

購買資格證明書期限只有半年，如果申請人未能係半年內購入二手居屋單位，就要重新申請。

而綠表人士購買居屋後，收樓後第二個月便需要交回所住嘅公屋單位。

綠表人士按揭類型

得到房委會「加持」，綠表人士可以豁免壓力測試，好容易就造到按揭，不過銀行為未補地價居屋造按揭時，多數只批出較穩定嘅P按，而非波動較大嘅H按。係低息環境下，P按係需要畀更高嘅利息。

如果你係公屋住戶，想了解更多按揭嘅資訊，不如click入黎MoneyHero.com.hk比較各大按揭產品，把握最佳時機上樓啦！

延伸閱讀：未補地價 加按犯法？公屋 居屋 業主加按攻略（限制篇）
——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【 綠表 買居屋】置業不是夢 綠表人士購買居屋需知 appeared first on 理財資訊.

情人節 咁浪漫，唔少有意做人夫嘅都想襯呢啲大好機會 求婚 。不過，講就容易，要實行都真係唔簡單！ 對好多男士黎講，從 求婚 到 結婚 依段時間，心情應該好複雜。首先要重拾力追女友時的無限熱情與忍耐，另外又要為開支頭痛……各位準新郎，不如睇下以下開支，你有無計算在內？

1 戒指……數量你要知 ？

好多準新郎其實唔清楚， 戒指 其實要買三隻！你可能會問，結婚唔係兩個人嘅事咩，做乜要買多一隻？原來除了結婚後大家會帶比較平實嘅 結婚戒指 ，仲有一隻係求婚用嘅戒指，平時話要有鑽石嘅就係依隻喇，但當然，求婚戒指有幾多卡有幾搶眼，就要睇你哋嘅意願及經濟能力啦……

2 婚禮統籌你要有

聽好多人講 籌備婚禮 其實係十級煩，尤其大家都有要求嘅時候。所以，為免老婆成世哦你，最好都係搵個 婚禮統籌 幫幫手，而比較全面嘅服務都需要五位數字嫁喇。除此之外，依家好多連求婚都會搵婚禮統籌幫手，預備驚喜俾未來老婆之餘，仲可以記錄低驚喜一刻。呢啲求婚策劃一般收費都要幾千蚊以上。如果你想豪啲去 外國旅行求婚 ，咁個價錢就會仲貴啲添！

3 禮金佢話隨便就好 ？

如果你同女友商量時，佢話願意嫁，仲話 禮金 隨便就好，你最好只係聽住先。因為禮金反而係最難節省嘅一環！根據調查，禮金嘅平均金額，由2014年起就企硬係$50,000以上*，本身以為禮金「隨便就好」嘅準新郎，都係快啲同外父外母傾傾啦。

除咗上述三項消費，結婚常見開支仲有 擺酒 、 婚紗相 、 蜜月旅行 等等，保守估計加起黎要超過30萬！你可能仲想儲多一陣錢，但你嘅愛人可能唔等得，咁到底心急人可以點算好？其實而家唔少銀行都有提供 私人貸款 計劃，可以俾客人應付短期所需。以 匯豐交稅「萬應錢」私人貸款 爲例，佢哋豁免全期手續費，無隱藏條件，算係市面上比較吸引嘅私人貸款產品。查詢詳情可 按此 。

更多 私人貸款產品資訊 ，請按此。

優惠須受有關條款及細則約束

*資料來源：ESD 生活易《2016年結婚消費調查》

The post 情人節 求婚 ！？結婚大作戰－男士要知的３件事 appeared first on 理財資訊.

MoneyHero.com.hk祝大家雞年行大運，萬事如意，賺錢賺到盤滿缽滿！不過想一路財運亨通，賺錢同時慳錢都一樣咁重要！今個禮拜我哋繼續為大家搜羅全城優惠，立即睇下有咩至抵 著數 ！

中銀信用卡：派WeChat利是，即送8,888簽帳積分

由即日起至2月11日，只要用WeChat以中銀信用卡派WeChat利是（不限任何金額及次數），即可獲享$8,888簽賬積分大利是，毋須登記！按此瀏覧中銀官網。

推廣期：由即日起至2017年2月11日

按此了解中銀香港的產品詳情。

噴射飛航： 4人同行，長者/小童1人免費

噴射飛航TurboJET推出4人同行1人免費優惠！由即日起至2月28日，只要你於網上訂購屯門<>澳門航線普通位正價來回船票四套，其中一套長者/小童船票即獲免費優惠！日航來回船票（週末及假日）正價為$343，而長者同小童每程都有$15折扣優惠，計番條數，其實都慳咗近$300，最適合一家大細過澳門玩！按此了解優惠詳情。

推惠期：由即日起至2017年2月28日

香港W酒店：小朋友享免費自助午餐

香港W酒店推出特別優惠，由即日起至2月28日，每位於週一至週六到KITCHEN餐廳惠顧午餐嘅成人，都可以攜帶1位小朋友免費用餐，每組訂位至多6位成人。留意番，每1位成人可免費帶1名 11 歲或以下嘅兒童用餐 (兒童年齡：4歲至11歲)。按此了解優惠。

推惠期：由即日起至2017年2月28日

東亞信用卡：百佳超市簽滿$600送高達$100現金券

而家只要以東亞信用卡於百佳場、FUSION、TASTE、INTERNATIONAL等超市作單一簽賬滿HK$600，就可以享HK$60百佳現金券。如果係透過流動付款如Android Pay同Apple Pay付款，更可以得到HK$100百佳現金券！俾錢前記得要先出示電子錢包內嘅東亞信用卡至可以享用優惠。瀏覧東亞銀行官網了解詳情。

推廣期：由即日起至2017年2月28日

按此了解東亞銀行的產品詳情。

想知道更多信用卡嘅餐飲同購物優惠資訊？立即使用我哋嘅比較工具，搵出最適合你嘅信用卡！

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post MoneyHero.com.hk本周至 著數 優惠情報（2017年2月3日） appeared first on 理財資訊.

眨下眼已經就快二月，就快又到一年一度最令情侶們期待嘅 情人節 喇！各位又準備好點樣趁佳節哄另一半／同女神男神表白未呢？講到情人節，除左出街拍拖食燭光晚餐之外，男士們都少不免會買束靚 花 同另一半表示愛意。傳統嘅 鮮花花束 、 保鮮花 、 皮革花 抑或係其他創意花束最啱你女朋友心意？MoneyHero.com.hk 即刻為各位男士分析下點樣用至抵價錢訂到最啱你女朋友嘅靚花！

鮮花 花 束

情人節買花比平常貴是常識吧！唔少人都會選擇當日至去 花墟 買花俾女朋友，因為花墟選擇多之餘又平啲。不過，今年嘅二月十四係番工日，相信唔少男士都要番工，無得特登出去旺角買花。所以，唔少男士都會穩陣一啲，早一個星期左右向相熟花鋪／有信譽嘅 網上花店 訂定花先，然後指定情人節當日 送貨 去女朋友 公司 ／屋企。不過小編都提提大家，唔好貪平 網購 一啲唔出名嘅 花鋪 ，因為質素比較難保證。以下係幾間比較出名嘅網上花店，有啲仲有 早鳥優惠 添！

紅玫瑰。小百合
$1,180
The Mandarin Florist
提供情人節即日送貨服務，質素保證。

滿滿的愛
$800
花藝軒花店

諗住網上訂花？用 網購 優惠多嘅 信用卡 簽賬，可以幫你賺到更多 現金回贈 ！即睇咩信用卡網上付款有著數！

保鮮花

雖然鮮花夠曬 浪漫 ，但遺憾嘅係好快凋謝。如果男士們想送花俾女朋友，但又唔想女朋友只係Keep 到你份心意幾日時間， 保鮮花 就可以滿足曬你兩個願望喇！宜家市面上有幾種比較受歡迎嘅保鮮花產品，包括好似鮮花一樣嘅保鮮花束、保鮮花盒，以及 玻璃樽花 等等，大家都可以視乎女友喜好，挑選佢最喜歡嘅款式。

玻璃樽永生花

玻璃樽 永生花 喺近年大受歡迎，通常都係用一朵玫瑰花做主角，再配以少量陪襯花喺旁邊。如果你女朋友鐘意玫瑰花，送呢款花就啱曬佢，而且玻璃樽花比較精緻，可以俾女友輕鬆放喺屋企／辦公室裝飾。

The Little Prince Box Set
$1,580
LE』 SEAN SEASONS FLORIST
作為保鮮花嘅元祖， LE SEAN 嘅玻璃樽花靚得嚟又有質素保證。佢地嘅保鮮花可以保持長達12個月以上，十分浪漫。

保鮮花束

 保鮮花束 望落同真花一樣，可以靚靚咁成束花送俾女朋友之餘，又可以俾佢keep 到長時間，滿足到女朋友兩個願望。不過唯一要考慮嘅係女朋友屋企有無地方長時間放一大束花……

紅色保鮮花
$2,380
Kafook Florist(嘉馥）高級保鮮花專門店

鮮花盒

鮮花盒即係將鮮花好似禮物咁樣用靚盒裝住，讓你可以送一個驚喜俾女朋友，而女朋友之後存放都方便。

Rose and Camation
$980
b.Fleuriste (Agnes.b)
有 Agnes b 名牌加持， 花盒 精緻之餘，女朋友收到都會零舍開心！用匯豐白金卡以上訂購，更可享9 折優惠。即睇 匯豐信用卡詳情。

更多有關匯豐銀行嘅資訊

情人節買花都要番咁上下價錢，當然要揀啱信用卡簽賬賺回贈啦！用 美國運通 blue cash 信用卡 簽賬，所有消費都有1%現金回贈！即睇美國運通blue cash信用卡詳情

更多有關美國運通銀行嘅資訊

皮革花

如果你想為女朋友準備一份獨一無二嘅浪漫心意，你都可以選擇自己 DIY 皮革玫瑰 ，就住女朋友嘅喜好為佢度身訂造，女朋友收到一定會甜到入心！坊間有好多唔同嘅 皮革花 材料包 ，可以俾大家自己喺屋企慢慢DIY。不過，如果大家無信心自己可以搞得掂嘅，都可以參加一啲 皮革 DIY 課程 ，有導師手把手教你點樣做，咁樣就保證可以萬無一失，情人節有份似樣嘅禮物送俾女朋友啦！不過大家都要留意，臨近情人節呢啲課堂都會比較full，大家記得要預早book 定呀！

LCM皮革工作室
售賣各款現貨皮革花及皮革花課程，適合暖男們慢慢揀女朋友心水款式。

睇左咁多款情人節花 ，大家諗好左送咩花俾女朋友未呀？希望大家當日都可以成功俾 驚喜 女朋友 ，同佢過一個 甜甜蜜蜜 嘅情人節！

延伸閱讀：【 情人節 食乜好？】平靚正情人節晚餐推介2017

延伸閱讀：情人節求婚 ！？結婚大作戰－男士要知的３件事
——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 鮮花 ？ 保鮮花 ？ 情人節 送 花 全攻略！ appeared first on 理財資訊.

時間過得好快，話咁快就要交第二期嘅稅啦，所以大家都係時候要儲下錢預備下期稅項喇。不過，啱啱先過左農曆新年，相信大家嘅荷包都已經大出血，無咩閒錢剩。面對交稅大日子又應該點算好呢？呢個時候，一份稅季先有嘅稅務貸款就可以幫到你喇。稅務貸款一般利息比一般私人貸款更低更抵，只需要有報稅單做證明，以及提供住址證明及身份證就可以申請到。

稅貸利息比私人貸款更抵

稅務貸款只限稅季申請，一般喺每年嘅11月至第二年嘅2月開放申請。稅貸最高貸款額約為月薪10-12倍 。比較貸款時，要用實際年利率 （APR） ，因為APR包括咗利息同相關費用（例如貸款手續費 、 服務費 、 現金回贈等），能夠反映真正嘅借貸成本 。某啲銀行嘅實際年利率低至 1% ，比起私人貸款一般利息低得多。所以不少人都會趁住稅貸推出時申請，以低息貸款 進修升學 ／ 裝修 ，甚至 投資 等等。

以 Citibank 的稅季貸款為例，如果申請人同時申請成為 Citigold 客戶，可以尊享低至1% 實際年利率，利息回贈高達 $5,680！Citigold 現有客戶都可享高達 $3,000 禮券回贈，貸款期仲可以長達48個月！其他客戶亦毋需開立新銀行戶口或信用卡，即可享稅季貸款實際年利率低至1.59%，更豁免任何手續費用*。

想知更多Citibank稅貸詳情，請按此。

把握申請低息貸款嘅最後機會

隨著第二期稅款差不多到期繳交，市面上大部分嘅銀行稅務貸款都將會於 2 月尾截止申請，而 Citibank 亦跟隨巿場步伐延長稅季貸款優惠至2月尾。市場預測美國步入加息週期，今年息口將會上升，所以如果大家想申請低息貸款，就要把握依家呢個最後機會喇。

由即日起至 2017 年 4 月 30 日，客戶經由 MoneyHero.com.hk 申請 Citibank 私人貸款，並成功提取貸款 HK$100,000 或以上，以及選擇 12 個月或以上還款期，更可享額外 $1,000 惠康現金券。立即把握機會，盡享貸款優惠！

更多私人貸款產品資訊，請按此。

*優惠須受有關條款約束

The post 【最後一個月】經本網申請 Citibank稅貸 ，額外再賺$1,000現金券！ appeared first on 理財資訊.

有人話，去得旅行就預咗要使錢，唔好就住就住。計 MoneyHero.com.hk 話，使錢都要使得精明，先至玩得盡興！善用信用卡嘅 旅遊優惠 ，你可以用更低嘅價格Book到同樣質素嘅酒店同機票。因此我哋為大家搜羅咗香港各大信用卡嘅 旅遊優惠 ，訂機票酒店前，不妨Check下你張信用卡有乜折扣：

MasterCard

Hotels.com – 於Hotels.com/mastercard 預訂亞太區酒店即享8%折扣，須在付款頁面中輸入推廣代碼 「mastercard」，優惠期至2017年12月31日，須於2018年3月31日前入住。查看更多

Expedia – 預訂酒店可享88折優惠，按此取得優惠代碼。條款及細則

ZUJI – 預訂指定酒店，可照價再92折，優惠期至2017年7月31日。按此獲取優惠代碼

Visa信用卡

香港航空 －於香港航空APP和官網訂機票並以Visa Checkout支付之新登記用戶，即可獲得香港航空貴賓室通行證一張，優惠期至 2017 年 03 月 31 日。了解更多

Klook 客路 – 新會員訂購台灣行程，買滿NT$400即減NT$100，優惠期至 2017 年 03 月 31 日。優惠詳情

匯豐信用卡

Hotels.com – 以匯豐萬事達卡於Hotels.com香港網站預訂指定酒店房間，於付款頁輸入優惠碼「MCSAVE15」可即時享85折優惠，優惠期至2017年3月31日。 優惠詳情

Expedia – 預訂酒店可享9折優惠，按此取得優惠代碼。條款及細則

ZUJI – 預訂指定酒店，於付款頁輸入優惠券代碼「HK17HSBC5YR」， 即可照價再95折，優惠期至2017年12月31日。優惠詳情

hutchgo.com – 網上即時確認東京、柔佛新山及拉斯維加斯酒店預訂可享95折（使用時請輸入優惠碼「HSBC5」），優惠期至2017年12月31日。查看詳情

國泰航空 – 於國泰航空手機App透過Apple Pay付款訂購由香港出發之航班，簽滿$2,000可享2%簽賬回贈，滿$5,000可享4%簽賬回贈，優惠期至2017年2月28日。查看更多

安達旅運 – (1) 惠顧指定短線旅遊套票，二人同行可享$200折扣；(2) 惠顧指定長線旅遊套票二人同行可享$300折扣；(3)指定郵輪假期淨船費95折。條款及細則

心程旅遊  – 惠顧心程旅遊產品滿$2,000可享$100折扣。條款及細則

星晨旅遊  – 惠顧指定旅行團可享$100~$200折扣優惠。優惠詳情

環亞機場貴賓室 – 網上預訂貴賓室服務9折，網上預訂時輸入優惠代碼PPLHSBC2017方可享優惠。（只限匯豐卓越理財信用卡、匯豐運籌理財白金 VISA 卡、匯豐 Visa Signature 卡、匯豐白金 Visa 卡及匯豐 Green 信用卡）

恆生信用卡

Expedia – (1) 所有城市酒店全年9折優惠，須先在指定網站取得優惠代碼，須於2017年12月31日預訂及於2018年3月31日前入住；(2) 透過指定預訂網站預訂東京、京都、台北、首爾、倫敦特選酒店即享低至5折優惠（可與9折優惠同時使用） 了解更多

AirAsiaGo.com – 預訂酒店可享9折優惠，按此取得優惠代碼， 優惠期至2017年12月31日，須於2018年3月31日前入住。查看更多

阿聯酋航空 – 於指定網站預訂機票可享93折（優惠碼：HKHSB93），優惠預訂期至2017年2月28日及須於2017年8月31日或之前從香港出發。查看詳情

安達旅運 – (1) 惠顧指定短線旅遊套票，二人同行可享$200折扣；(2) 惠顧指定長線旅遊套票二人同行可享$300折扣；(3)指定郵輪假期淨船費95折。優惠詳情

一心旅遊有限公司 – (1) 惠顧指定目的地的自助遊套票可享$380折扣 (必須2人同行)； (2)凡訂購酒店住宿最少至9晚即可免費獲贈2晚酒店住宿；(3) 於onlineticket.hk訂購機票及酒店，可獲贈$100超市券乙張 (上限為5張)。優惠詳情

康泰旅行社 – 所有足球賽事主題旅遊套票，每位可享$200折扣優惠，優惠期至2017年12月31日。優惠詳情

環亞機場貴賓室 – 憑特選信用卡於網上預訂貴賓室服務可享9折，輸入優惠代碼 HSBCPPL2017 方可享此優惠。優惠詳情

（另外，憑恆生信用卡登記網上及海外簽賬優惠，由登記月份起至2017年12月31日可獲3x Cash Dollars獎賞！)

Citi 信用卡

Agoda – Citi白金卡或以上預訂酒店可享93 折優惠，Citi金卡及普通卡則可享95 折優惠，須於2017年12月31日預訂及於2018年2月18日前入住。了解詳情

Booking.com – 預訂酒店享7%現金回贈，持卡人須經特定Booking.com網頁預訂方可享回贈。了解詳情

Expedia – 憑Citi Prestige信用卡或Citi Rewards 萬事達卡預訂酒店88折，其他Citi信用卡9折，優惠期至2017年3月31日，須於2017年6月30日前入住。優惠詳情

ZUJI –  預訂指定酒店，於付款頁輸入優惠券代碼 「HK17CITI5YR」， 即可照價再95折，優惠期至2017年12月31日。優惠詳情

AirAsiaGo.com  – 預訂酒店可享9折優惠（按此獲取優惠代碼），優惠期至2017年12月31日，須於2018年6月30日前入住。查看更多

東瀛遊 – 預訂旅行團可享高達$3,000折扣，優惠期至2017年6月30日。了解更多

DBS信用卡

Hotels.com – 預訂酒店住宿享額外92折優惠，需須經指定網頁預訂，優惠期至2017年12月31日。優惠詳情

Agoda – DBS Black Card/DBS Eminent Card/ DBS白金信用卡/ COMPASS VISA可享93折優惠，DBS信用卡/其聯營卡可享95折優惠，須經指定網頁預訂，優惠期至2017年12月31日，須於2018年3月31日前入住。查看更多

Expedia – (1) 憑DBS MasterCard於Expedia指定網頁預訂酒店可享88折，優惠期至2017年3月31日，須於2017年6月30日前入住；(2) 其他DBS信用卡於Expedia指定網頁預訂酒店可享9折，優惠期至2017年12月31日，須於2018年3月31日前入住。了解詳情

ZUJI – 預訂指定酒店，於付款頁輸入優惠券代碼「HK17DBS5YR」， 即可照價再95折，優惠期至2017年12月31日。優惠詳情

Asiatravel.com – 經指定網站預訂酒店，可享額外85折及$300旅遊套票折扣（機票連酒店 / 機票連酒店及旅行團），須於2017年12月31日前預訂。瀏覽詳情

（除咗有訂酒店機票等 旅遊優惠 之外，部分信用卡更可以讓你免費入機場貴賓室，令您嘅旅程更為舒適！即睇：邊張信用卡可入機場貴賓室 ？）

東亞信用卡

Expedia – (1) 預訂指定酒店9折，須先在指定網站取得優惠代碼並於於結賬時輸入，優惠期至2017年12月31日，有效旅遊期至2018年3月31日；(2) 曼谷/高雄/沖繩/大阪/新加坡精選酒店低至4折，須經指定網址預訂。了解詳情

ZUJI – (1) 預訂機票單一簽賬滿$5,000可享$500折扣（優惠券代碼：BEA500LHFEB）或滿$2,000可享$200折扣（優惠券代碼：BEA200SHFEB），優惠期至2017年3月31日。優惠詳情 ；(2) 預訂指定酒店，只需於付款頁輸入優惠券代碼「HK17BEA5YR」， 即可照價再95折，優惠期至2017年12月31日。優惠詳情

hutchgo.com – 選購網上即時確認之澳門、新加坡及溫哥華酒店預訂可享95折，持卡人須於結賬時輸入電子禮券碼「BEA5」方可享優惠，優惠期至2017年12月31日，旅遊期至2018年1月10日。查看更多

AirAsiaGo.com – 預訂酒店可享9折優惠，按此取得優惠代碼， 優惠期至2017年12月31日，須於2018年3月31日前入住。查看更多

Kkday – 預訂世界各地精選Local Tour享低至8折優惠，按此瀏覽有關產品。

捷旅(Jetour) – 精選旅遊產品高達$1,000折扣，優惠期至2017年2月28日。瀏覽詳情

渣打信用卡

Hotels.com – 酒店預訂淨額滿 $2,000 可享額外9折，預訂時請輸入折扣代碼」AFSCBHK」。了解更多

ZUJI – 預訂指定酒店，只需於付款頁輸入優惠券代碼 「HK17SCB5YR」， 即可照價再95折，優惠期至2017年12月31日。優惠詳情

星晨旅遊  – 惠顧指定旅行團或自由行套票可享$50~200折扣優惠。更多資訊

美國運通卡

Airbnb – 首次用美國運通卡預訂Airbnb任意房源，滿$1,200立即減$300，請在結算時輸入優惠券代碼“AMEXHK”以及美國運通卡卡號的前四位數字，優惠期至2017年3月31日。按此預訂

Expedia – 美國運通白金信用卡會員預訂指定酒店9折優惠 (預訂時請輸入美國運通白金信用卡專屬的優惠代碼)，單獨酒店預訂每次單一消費滿淨值$2,000或以上，可享$100現金回贈，優惠期至2017年12月31日。條款及細則

ZUJI – 預訂指定酒店，只需於付款頁輸入優惠券代碼 「HK17AE6YR」， 即可照價再94折，優惠期至2017年12月31日。優惠詳情

康泰旅行社 – 所有足球賽事主題旅遊套票，每位可享$200折扣優惠，優惠期至2017年12月31日。優惠詳情

中銀信用卡

ZUJI – 預訂指定酒店，於付款頁輸入優惠券代碼「HK17BOC5YR」， 即可照價再95折，優惠期至2017年12月31日。優惠詳情

hutchgo.com – 選購網上即時確認之新加坡酒店，可享$200折扣優惠，結賬時輸入電子禮券碼：「BOC2016」方可享優惠。瀏覽詳情

永安旅遊 – 參加指定旅行團享額外折扣（折扣金額介乎$100~$5,000）。瀏覽詳情

康泰旅行社 – 惠顧英國航空/中華航空/達美航空/大韓航空長線來回機票，可享$100折扣優惠。瀏覽詳情

心程旅遊 – 惠顧任何自由行套票滿$3,000可享$300折扣，滿$2,000可享$100折扣。瀏覽詳情

星晨旅遊  – 惠顧指定旅行團可享$100~$200折扣優惠。瀏覽詳情

大新信用卡

ZUJI – 預訂指定酒店，只需於付款頁輸入優惠券代碼 「HK17DS5YR」， 即可照價再95折，優惠期至2017年12月31日。優惠詳情

Expedia – 預訂酒店可享9折優惠，按此取得優惠代碼，優惠期至2017年12月31日，須於2018年3月31日前入住。了解更多

hutchgo.com – 惠顧網上即時確認之上海及關島酒店預訂可享95折（電子禮劵碼：DahSing5），優惠期至2017年12月31日。瀏覽詳情

星晨旅遊  – 惠顧指定旅行團或自由行套票可享$50~200折扣優惠。更多資訊

建行信用卡

hutchgo.com – 選購網上即時確認之香港、吉隆坡 (馬來西亞) 及蘇梅島 (泰國) 酒店預訂，可享95折 (電子禮券碼：CCBA5)，優惠期至2017年12月31日，旅遊期至2018年1月10日。查看更多

星晨旅遊  – 惠顧指定旅行團或自由行套票可享$50~200折扣優惠。更多資訊

（Book好機票酒店，就要研究下點樣換外幣，同埋喺海外如何碌卡賺回贈！即睇：外遊必讀！兌換外幣及海外簽賬攻略）

延伸閱讀：2017 最新信用卡迎新優惠－ 迎新里數篇

延伸閱讀：【信用卡攻略】信用卡 戲院 購票優惠2017

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 2017信用卡 旅遊優惠 大搜羅（2017年2月） appeared first on 理財資訊.

如果你正準備去韓國旅行，手上又有 銀聯卡 ，就要記得帶番張卡傍身！因為銀聯卡唔單唔駛海外簽賬手續費，喺韓國仲有唔同嘅商戶優惠，準備去韓國旅行嘅你切勿錯過！

海外簽賬冇手續費

首先講銀聯卡有咩優勢先！一般用信用卡作外幣簽賬，美國運通會收取2%手續費，而Visa與MasterCard就收取1%，加上各家銀行自己又另再收取手續費，加加埋埋就係1.75%至1.95%不等。相比之下，大部份銀行嘅銀聯卡都唔收手續費（匯豐及恒生除外），計番埋嗰匯率就更抵嘞！

想知更多海外簽賬資訊？相關閱讀：外遊必讀！兌換 外幣 及海外簽賬攻略（2016年冬季版）

海外提款手續費較低

有時人在海外急需現金，用提款卡撳錢就最方便快捷。韓國首爾、崟山、仁州、京畿同濟州等城市有近16,000部銀聯卡ATM，大家可上銀聯官網查詢ATM詳細地址。另外，用銀聯卡海外提款嘅手續費一般為每次HK$15-20（視乎發卡行而定），相對其他自動櫃員機網絡（如PLUS同CIRCUS）較平，每次撳錢時就冇咁蝕嘞！

想知更多海外提款資訊，立即睇：外遊必讀！海外 ATM 提款攻略（2016年夏季版）

銀聯卡x韓國商戶優惠

銀聯不時都同海外商戶合作為遊客推出優惠，而銀聯卡客戶喺韓國就享有以下優惠：

1. 免費搭循環巴士

銀聯特設嘅「在首爾」循環巴士主要來往東大門3大酒店同明洞，而家上車時只要出示銀聯卡（不限發卡銀行，只要有銀聯標誌就得）就可以免費搭循環巴士。巴士每逢周二至周日提供服務，特定日子休息，想知路線同時間表，可以上銀聯官網了解詳情。

推廣期：即日起至2017年6月7日

2. 樂天免稅店：購物享低至85折

樂天免稅店係韓國最大型嘅免稅店，各大品牌嘅商品、觀光紀念品同特產一應俱全，可以話係韓國買手信必去嘅地方，而且喺明洞、仁川機場同釜山等地都有分店！而家憑銀聯卡簽賬即有95折優惠，如果你有鑽石卡/白金卡，可獲贈VIP金卡同享低至85折優惠添！按此了解銀聯卡x樂天免稅店優惠。

推廣期：即日起至2017年3月14日

3. 新羅免稅店：免費送高達韓圜30,000現金券

隸屬三星旗下嘅新羅免稅店係韓國另一家大型免稅店，主打國際高檔品牌，好似韓國知名品牌雪花秀就比起喺香港買平唔少！而家銀聯卡持卡人可以市內分店免費獲贈10,000韓圜同30,000韓圜代金券1張，而喺機場店就可免費獲贈5,000韓圜及20,000韓圜代金券1張（金卡會員平時買嘢會有8.5-9.5 折架！）。按此了解優惠詳情

推廣期：即日起至2017年3月31日

4. 韓華格樂麗雅免稅店：消費即送VIP卡

韓華格樂麗雅免稅店最大嘅特色就係位於首爾黃金地標「63大廈」，購物之餘仲可以參觀63海洋世界與空中美術館，上埋景觀台欣賞首爾景色。而家只要憑銀聯卡就可以享有以下優惠：

• 喺店內消費即享韓華Galleria VIP銀卡（可享高達9折）；如果出示白金卡/鑽石卡就免費送VIP金卡(可享高達85折)。
• 消費滿300美元即送1萬韓圜購物券
• 於指定日子消費滿500美元，即可獲贈2萬韓圜購物。按此了解詳情

推廣期：即日起至2017年7月14日

5. 都塔免稅店：購物享9-95折

由當紅男星宋仲基代言嘅都塔免稅店，可以話係韓流購物中心，亦係韓國首間推出營業至凌晨12點嘅免稅店。而家銀聯卡客戶只要出示白金卡/鑽石卡就即送你VIP金卡1張；如果你喺正常營業時間購物（21:00之前）就有95折；於深夜營業時間消費就有9折（21:00-00:00）。按此了解優惠詳情。

推廣期：即日起至2017年8月31日

6. CITY PLUS免稅店：購物95折，簽滿指定金額送禮券

CITY PLUS免稅店位於仁川國際機場，主要售賣紅参、電子產品、皮革同時尚貨品等。而家憑銀聯卡消費即有5%折扣，如果於指定日子內簽賬滿US$400，即送20,000韓圜禮券，滿US$ 800，就送50,000韓圜禮券。按此了解優惠詳情

推廣期：即日起至2017年4月14日

7. HUGO BOSS：購物8折優惠

而家憑銀聯卡於德國時尚品牌HUGO BOSS清潭洞旗艦店分店購物可享有8折優惠。按此了解優惠詳情。

推廣期：即日起至2017年9月30日

8. 仁川機場：餐飲商戶9折

有時因為時間趕急難免要喺機場醫肚，有銀聯卡在手食嘢又有得平啲！用銀聯卡喺仁川機場嘅食肆消費即有9折優惠，適用商戶包括VIPS express、 MuSoeHwaBan、 金先生紫菜包飯、 孬夫部隊火鍋同Deli Café等。按此了解優惠詳情。

推廣期：即日起至2017年4月14日

9. 仁川機場大巴：送T-money交通卡

T-money係全韓國通用嘅交通卡，無論係搭地鐵搭乘地鐵、的士定去便利店買嘢都用得。如果你需要購買Air Network機場大巴車票，就要記得準備埋銀聯卡，即送你T-money交通卡。雖然張卡本身都只係2,500韓圜，不過有得免費拎就唔好晒係咪？按此了解優惠詳情。

推廣期：即日起至2017年4月14日

10. ALO眼鏡：9折優惠

ALO眼鏡係韓國大受歡迎嘅眼鏡品牌，除咗款式夠型有設計感外，鏡框又輕品質又好，所以唔少潮人同韓星都有買佢哋嘅產品架。而家用銀聯卡喺店內簽賬仲有10%折扣添！

推廣期：即日起至2017年2月28日

邊張銀聯卡最好？

講咗咁耐，到底邊張銀聯卡最好? 其實銀聯卡有好多選擇，好似Citibank Rewards 銀聯信用卡喺本地超市、百貨公司同電訊公司簽帳全年都有5X積分，而匯豐銀行銀聯雙幣鑽石卡就可以透過「最紅自主獎賞計劃」賺取6倍獎賞錢。

至於用渣打銀聯雙幣白金信用卡作海外消費就有2倍積分，而家經MoneyHero.com.hk申請，除咗上述迎新禮物之外，我哋仲會獨家送你額外HK$200現金券（可自選UA電影/惠康/萬寧/Starbucks禮券），加埋即係高達HK$1,000！只要大家喺申請之後，將你嘅申請參考編號、成功批核SMS，連同郵寄地址Email俾我哋（coupon@moneyhero.com.hk），就可以得到呢個額外優惠喇！

想知更多銀聯卡比較，立即睇：【信用卡攻略】嚴選必備銀聯信用卡

銀聯卡唔啱你？唔緊要！好多銀行嘅Visa同MasterCard信用卡都一樣可以賺取豐富飛行里數同現金回贈，立即上MoneyHero.com.hk嘅信用卡比較平台，揾出最佳飛行里數同現金回贈信用卡啦！

想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！

The post 【旅行必讀】2017 銀聯卡 旅遊優惠全攻略—韓國篇 appeared first on 理財資訊.

又嚟到星期五，一如以往，「本周至 著數 優惠情報」繼續為大家搜尋最筍優惠！MoneyHero.com.hk同大家睇睇本星期有乜精選 著數 ：

Citi信用卡: 積分換「亞洲萬里通」里數，額外多送5%里數

現憑認可Citi信用卡積分於Citi ThankYouSM Rewards網上兌換「亞洲萬里通」里數，保證可享5%額外「亞洲萬里通」里數。以兌換15,000里數為例，可多賺750里數，按此查看詳情。

推廣期：即日至2017年4月30日

兌換步驟：
1. 致電(852) 8226 1886登記5%額外「亞洲萬里通」里數獎賞計劃
2. 透過桌上電腦/手提電腦以認可信用卡登入 Citi ThankYouSM Rewards
3.點擊「旅遊」 → 「積分轉移」
4.選取「亞洲萬里通」並每次兌換至少15,000里數（需180,000積分）

東亞信用卡：於Zuji預訂機票，即減$500

現憑東亞信用卡於ZUJI預訂機票，單一簽賬滿$5,000可享$500折扣（優惠券代碼：BEA500LHFEB）或滿$2,000可享$200折扣（優惠券代碼：BEA200SHFEB），機票折扣名額只適用於首1,750個成功預訂，要買就快啦！按此瀏覽優惠詳情。

推廣期：2017年2月6日至3月31日

按此了解東亞銀行的產品詳情。

Android Pay：搭 Uber 可享半價優惠

Uber 同 Android Pay 推出咗特別優惠！而家你只需要用Android Pay支付Uber車資，搭車就可以即時享受半價優惠（每程優惠上限高達$40）！優惠有限，送完即止。查看詳情

推廣期：即日起至2017年2月19日

點樣喺Uber app設定Android Pay為預設付款方式：
1. 從Google Play store下載Android Pay
2. 喺Android Pay內新增你嘅付款信用卡
3. 確保你嘅Uber app係最新版本
4. 打開Uber app，選擇設定>個人>Android Pay

中環摩天輪：情人節期間包廂6折

嚟緊情人節做乜好？其中一個選擇就係去坐摩天輪浪漫下！中環摩天輪於2月11日至2月14日推出包廂門票升級優惠，二至三人包廂門票6折，由原價$500減至$300，四至八人包廂門票由原價$800減至$500，優惠門票只於購票當日適用。查看詳情

推廣期：2017年2月11日至2月14日

情人節就到，你準備好同另一半點慶祝未？

相關閱讀：【情人節食乜好？】平靚正情人節晚餐推介2017

相關閱讀：鮮花？保鮮花？情人節送花全攻略！

想知道更多信用卡嘅餐飲同購物優惠資訊？立即使用我哋嘅比較工具，搵出最適合你嘅信用卡！

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post MoneyHero.com.hk本周至 著數 優惠情報（2017年2月10日） appeared first on 理財資訊.

眾所周知，退休人士為咗解決退休後生活嘅使費，單靠強積金(MPF)係唔夠㗎，所以按揭證券公司就喺2012年推出「安老按揭計劃」，即係坊間所講嘅「逆按揭」，專俾55歲或以上有樓揸手嘅長者，將佢哋自住嘅物業按俾銀行，然後每個月攞一筆錢作為生活費；所以，呢個計劃其實係適合有樓但手頭上cash唔夠嘅「老友記」。

一般嚟講，我哋買樓就同銀行借錢，跟手每個月供樓，呢啲就係「樓按」；而「逆按揭」就即係成件事反轉嚟玩，即係將手頭上已經供滿按揭嘅樓，反向按俾銀行，而銀行就會每個月向長者業主俾番一定數量嘅金額，所以就有「逆按揭」呢個名啦。

暫時嚟講，私樓、未補地價嘅居屋(即係綠表居屋)、夾屋及公屋都可以向銀行申請「逆按揭」。

另外，根據按揭證券公司要求，申請人必須持有香港身份證，而按俾銀行層樓嘅樓齡須為50年以下，申請人亦都可以揀10年／15年／20年嘅固定年期，又或者係終身每月收取年金，直到「逆按揭」到期為止，到時銀行就會收番層樓進行拍賣；而按比銀行層樓嘅估值就用市值再減地價之後計算。

以一個60歲單身退休人士為例，層樓每值100萬，呢位「老友記」每個月就可以攞到$2,000至3,700。

再舉多一個例子，同樣都係60歲單身退休人士，不過今次選擇10年年金年期，而佢層樓嘅估值係600萬，咁每月可以得到嘅年金就係$22,200元($3,700×6=$22,200)。(見下表一)

表一：

當然唔係個個退休人士都係單身貴族啦，如果層樓係以聯名方式(可能係兩公婆當初聯名買入)而拎去做「逆按揭」嘅話，咁每個月嘅年金計算方法就會用後生啲個位退休人士為準。

另一個遊戲規則最重要嘅部份就當然係層樓嘅估值啦， 係咪即刻諗到：如果趁樓價高嘅時候同銀行申請「逆按揭」，咁個估價高啲，每個月拎嘅錢又會多啲囉？有邊間公司真係會做「蝕本生意」先得架；根據按揭證券公司嘅資料，如果層樓嘅估值係超過800萬，又或者屬於轉按現時安老按揭貸款物業嘅話，其實按揭證券公司係可以全權酌情決定去點做嘅。有關物業估值嘅玩法，又可以睇睇下面：

表二：

表三：

仲有，唔好以為將層樓按比銀行就大晒，唔駛比息，其實唔係，係需要比息，仲唔平添；由於「逆按揭」貸款利息係用總結欠嘅年利率P-2.5厘，同埋按月用複息計算，不過，因為借款人，即係長者在生時係唔駛還錢，所以利息計算就會變成「利疊利」咁加上去，咁就即係增加咗你嘅債務，又暗示長者可以留比下一代嘅資產變少咗，甚至當層樓不足以抵銷債務嘅時候，到時可能需要由子女承擔。

當然，如果「老友記」膝下無子嘅話，咁呢個問題就變咗唔係問題啦。

仲有最後一樣嘢就係，其實借錢都要俾「成本」，有無聽過人哋話借10萬，但到手時可能只得8萬？呢啲所謂嘅「成本」，包括評估費、顧問費、律師費同其他雜費等；若然借款少但年期長，咁呢啲「成本」就可以攤分嚟俾，變相減低「成本」開支；但如果借款多但年期短嘅話，分分鐘「借10萬，實收5萬」，被人cut 咁一半添。

所以各位「老友記」如果想申請「逆按揭」嘅話，其實事前應該計計數；再諗深一層嘅係：你到底係咪想用「逆按揭」嚟換Cash先？

延伸閱讀：【 綠表 買居屋】置業不是夢 綠表人士購買居屋需知

延伸閱讀：【按揭知多啲】點解要「 轉按 」？

想揾全港最抵的按揭產品？立即上MoneyHero.com.hk嘅按揭比較平台，比較不同銀行按揭產品嘅年利率、每月還款額同總按揭支出啦！

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【按揭知多啲】「 逆按揭 」的遊戲規則 appeared first on 理財資訊.

無論係慶祝生日、過時過節，又或者間唔中想食番餐好，好多時都會揀去酒店食 自助餐 。其實好多酒店自助餐都有折扣優惠，當中仲有部分更加係買一送一，折扣平均每人只係200蚊左右！唔講咁多，即刻睇睇今期有乜自助餐優惠：

港島區

港島香格里拉大酒店：Café TOO 自助餐 買一送一（中銀信用卡）

憑中銀信用卡惠顧港島香格里拉大酒店Café TOO 下午茶自助餐，星期六及日可享買一送一優惠；自助午餐星期一至五亦可享買一送一優惠！折後自助午餐每位只需 $194，下午茶自助餐每位只需 $154 ，另收加一服務費。享用優惠需要至少前一日經網上預訂，並選擇推廣編號「BOCB1G1」。每日設有名額限制，額滿即止。

優惠只適用於指定中銀信用卡，請按此瀏覽優惠詳情。

優惠期：即日至2017年3月31日

港島海逸君綽酒店：自助餐高達65折優惠

憑優惠券（按此）預訂Harbour Grand Cafe咖啡廳自助早餐、午餐及晚餐，1-6位可享75折；7位或以上可享7折；15位或以上可享65折。65折後自助午餐每位只需 $207 ，仲得任食生蠔同長腳蟹，自助午餐65折後每位只需$349，另加一服務費。

優惠期：即日至2017年2月28日

（如果係想同朋友慶祝生日，可以睇埋：壽星有著數！2017 生日優惠 大搜羅）

九龍區

尖沙咀美麗華酒店：自助午餐買一送一 （Visa Signature及Visa Infinite信用卡）

尖沙咀美麗華酒店與Visa Signature及Visa Infinite 信用卡推出自助午餐買一送一優惠，自助午餐原價 $308加一，優惠後平均只需每人$185！ 今次優惠只限網上訂位，並用Visa Infinite 或 Visa Signature信用卡付款，留意一枱只可獲得一份免費自助餐，兩個人去食就至抵！按此進入訂座網站

Visa Signature 信用卡普遍要求年薪較高才能夠申請（如匯豐Visa Signature信用卡要求年薪48萬），不過亦部分門檻較低，例如DBS Eminent Card只需年薪24萬。

優惠期：即日至 2017 年 11 月 30 日，逢星期一至四，不適用於假期及其前夕。

九龍諾富特酒店 – 任食生「蠔」環球美食自助午餐買一送一

憑優惠券（按此）惠顧 The Square生蠔美食自助午餐，可享買一送一優惠，並尊享無限量供應生蠔、無限添飲果汁、汽水、咖啡或茶及任食Häagen-Dazs 雪糕。平日自助午餐折後平均每位只需$164（原價每位$328），另收加一服務費。

優惠期：即日至2017年2月28日

九龍香格里拉大酒店：Café Kool自助餐7折

九龍香格里拉大酒店Café Kool推出7折優惠代碼，只要於推廣期間在官網訂座，輸入優惠碼「FBCK23」，即可7折享用自助餐，每位收費由$283起（已加一），每日每個時段設100個網上訂位名額。按此進入訂座網站

訂座日期：即日起至2017年2月28日

用餐日期：2月6日至3月31日（2月14日除外）

隆堡麗景酒店：惠顧半自助午餐或早午餐買一送一（Visa信用卡）

憑Visa卡於隆堡麗景酒店AVA Restaurant Slash Bar惠顧半自助午餐或早午餐，尊享買一送一優惠。原價每位$298, 優惠後平均每位$149，另設加一服務費，按此進入預訂網站。

優惠期：即日起至2017年9月30日

（平時出街食飯，你係咪習慣信用卡簽帳呢？因為好多信用卡嘅餐飲回贈係特別豐富。想了解更多信用卡優惠，即刻上我哋嘅比較平台！）

香港W酒店：小朋友享免費自助午餐

香港W酒店推出特別優惠，每位於週一至週六到KITCHEN餐廳惠顧午餐嘅成人，都可以攜帶1位4歲至11歲小童免費用餐，每組訂位至多6位成人，按此查看預訂詳情。

自助午餐價格（另設加一服務費）：

• 週一至週五：成人每位港幣$318、小童港幣$159
• 週六：成人每位港幣$458、小童港幣$229元

（備註: 第一位孩童享用免費午餐、每名額外兒童費用為以上）

優惠期：即日起至2017年 2 月 28 日

九龍貝爾特酒店：「和牛‧海鮮自助晚餐」7折優惠

好多自助餐都有生蠔龍蝦等等，但和牛就唔係間間有喇。憑優惠券（按此）於星期一至日惠顧貝爾特酒店潮食街「和牛‧海鮮自助晚餐」，可獲7折優惠！折後每位$286~$342，另設加一服務費，此優惠不包括星期二。

優惠期：即日至2017年4月13日

馬哥孛羅香港酒店：自助餐65折優惠

逢星期一至日於馬哥孛羅咖啡廳惠顧自助午餐或自助晚餐，均可享65折優惠；星期六、日及公眾假期惠顧下午茶自助餐，亦可享65折優惠。於自助晚餐時段，賓客可無限添飲汽水、指定啤酒及清酒，而午餐或下午茶自助餐時段則可無限添飲果汁。按此查看自助餐價目，優惠詳情請按此。

香港百樂酒店：「品味 ‧ 鵝肝龍蝦」海鮮自助晚餐68折

每日首50位預訂Park café「品味 ‧ 鵝肝龍蝦」海鮮自助晚餐，尊享68折優惠，其他則可享72折優惠，折後每位$305起，另設加一；而憑券惠顧自助午餐、下午茶自助餐或宵夜自助餐，亦可享75折優惠。優惠需受有關條款及細則約束，按此查看有關詳情及下載優惠劵。

優惠期：即日起至2017年 2 月 28 日

香港逸東酒店：自助午餐及晚餐可享低至6折優惠

憑優惠券（按此）惠顧Metro Buffet & Grill自助午餐，星期一至星期日首40名訂座可享7折優惠；惠顧自助餐晚餐，星期一至星期四首40名訂座可享6折優惠 ; 星期五至星期日、公眾假期及其前夕，可享65折優惠。自助午餐折後只需$153起，自助晚餐折後只需$269起，另設加一服務費。

優惠期：即日起至2017年 2 月 28 日

海景嘉福酒店：自助餐午餐低至65折

憑優惠券（按此）於海景咖啡廊惠顧星期一至星期五自助午餐，可享優惠低至65折，折後每位$232起（另設加一）；星期六、星期日及公眾假期自助午餐，可享8折優惠。

優惠期：即日起至2017年 2 月 28 日

帝苑酒店：午餐／下午茶／宵夜自助餐低至6折優惠

憑優惠券（按此）惠顧帝苑酒店雅苑座自助午餐，於星期一至六可享6折，星期日及公眾假期享75折，6折後每位只需$209起（另設加一）。另外，於星期六、日及公眾假期惠顧下午茶自助餐及宵夜自助餐，可享75折。

優惠期：即日起至2017年 3 月 31 日

延伸閱讀：【米芝蓮2017】用信用卡優惠食盡 米芝蓮 食府

延伸閱讀：壽星有著數！2017 生日優惠 大搜羅

——

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 酒店 自助餐 優惠大集合（2017年2月） appeared first on 理財資訊.

打工仔日做夜日，無非都係為咗份糧，應付日常開支兼且儲錢結婚、買樓、子女基金，甚至退休。政府搞份強制性公積金，即係 MPF ，就係幫大家每個月係你份糧度率先扣走5%，然後顧主再揼多5%比你，儲埋一舊錢就係比你退休之用。不過，間中睇新聞你會發現「平均每個打工仔份MPF蝕咗……」其實，MPF多定少，除咗同你份糧有關之外，亦都係同你點揀、有無轉plan、你間MPF公司收你幾多手續費等等有關，管理好你嘅MPF，就等於管理好你嘅退休生活。

1. 上網檢查MPF戶口

MPF公司基本上會一年兩次寄一份表現總結表俾你，等你知道番你嘅MPF戶口情況；但係大家可以主動一啲，事關大多數MPF公司都會有埋個網上戶口俾你，等你可以隨時隨地上網睇吓你嘅MPF狀況；而轉plan轉比例其實都已經可以上網做埋架啦，唔係一開始揀完就無得再揀嘅。

2. 根據年齡設定MPF組合

有人會問：咁多隻基金可以砌自己個 MPF 組合，而我又唔識財經、投資嘢嘅，咁點搞呀？最簡單嘅方法，其實你可以從你嘅年齡入手。

每一隻基金除咗有佢基本組合成份同過去數年表現俾你參考之外，仲有一part叫做「風險程度」，因為有啲基金就係買國債，咁相對風險就會低啲；而有啲就係投資喺歐美、香港、大中華地區或者係新興股票市場嘅股市，咁呢種基金嘅風險又會相當高啲啦。

一般嚟講，若然你係後生仔、啱啱畢業出嚟做緊嘢大把時間先退休，又或者你覺得自己承受風險嘅能力比較高嘅話，你可以考慮喺你MPF嘅組合入面，揀中至高風險嘅基金比例多少少，而低風險或保守型嘅基金組合就少啲啲；若然係年紀大、夠錢等退休嘅話，咁就倒反轉揀低風險或保守型嘅基金比例佔比多啲，而中至高風險嘅基金組合就盡量少揀啦。

積金局提出過一條公式可以俾大家計一計股票基金、債券基金同埋保證或強積金保守基金佔你嘅MPF比例大約係幾多，就係用100減去自己嘅年齡，得出答案就係建議股票基金可佔整體比例。舉個例：假如你依家30歲，就用100減30，得出70呢個答案，即係話股票基金可以佔你嘅整體投資組合70%；但積金局都強調，呢個只可以作為一個粗略嘅參考指標，有唔明嘅話就最好問返你哋嘅受託人啦。

3. 收費會影響整體表現

所謂嘅受託人，其實就即係你嘅MPF公司，根據積金局資料，目前市場上有18間提供 MPF 服務嘅公司，而佢哋嘅收費各有不同，大家可以望望：

你返緊個份工所屬嘅MPF公司你無得揀，不過政府都推出咗「強積金半自由行」啦，以前份工份MPF隨時轉，依家份MPF又可以一年轉一次，為咗你退休著想，得閒搞搞份MPF，咪咁懶啦！

除咗MPF外，每年搞到打工一族最頭痛嘅相信一定係交稅！啱啱過咗農歷新年，話咁快又要交第二期稅，你準備好未？而家MoneyHero.com.hk同Citibank有獨家稅貸優惠，送你高達$1,000現金券。

相關閱讀：【 綠表 買居屋】置業不是夢 綠表人士購買居屋需知

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【打工仔必讀】請管理好你嘅 MPF appeared first on 理財資訊.

The post 受保護的文章：追尋夢想，有咩要注意？ appeared first on 理財資訊.

終於又到Happy Friday！今個禮拜MoneyHero.com.hk繼續為大家搜羅咗最新最 著數 優惠，譬如自助午餐買一送一、報旅行團高達$5,000折扣同訂酒店半價優惠！想知邊間商戶咁著數？立即睇MoneyHero.com.hk「本周至著數優惠情報」！

九龍諾富特酒店：任食生「蠔」環球美食自助午餐買一送一

而家只要憑優惠券惠顧The Square 生蠔美食自助午餐，即可享買一送一優惠！除咗席間無限量供應生蠔外，仲可以無限添飲果汁、汽水、咖啡或茶，同埋任食 Häagen-Dazs 雪糕添！按此了解優惠詳情。

自助午餐原價：

• 星期一至五：每位$328（另收加一服務費）
• 星期六、日及公眾假期：每位$368（另收加一服務費）

優惠期：即日起至2017年3月31日

其實唔止九龍諾富特酒店，好多酒店都有自助餐優惠架！相關閱讀：酒店自助餐優惠大集合（2017年2月）

DBS信用卡：UberEATS首3次訂餐可享高達半價優惠

由即日起至2017年2月28日，成功註冊成為UberEATS新用戶，並將DBS信用卡（包括Black World MasterCard、DBS Eminent 卡同COMPASS VISA 白金卡）設定為指定嘅付款信用卡，並喺訂餐前輸入推廣優惠碼【DBSHKEATS】，首3次訂餐就會有5折優惠，每餐上限為HK$100！即上DBS Facebook了解優惠詳情。

優惠期：即日起至2017年2月28日

按此了解更多有關DBS的資訊

恒生信用卡：Expedia預訂酒店低至5折

憑卡透過Expedia 指定網站預訂東京、京都、台北、首爾、倫敦特選酒店即享低至5折優惠，同時獲享額外9折全年優惠！今個月24號前預訂先有優惠，即上Expedia睇睇有冇心水酒店啦！ 按此了解優惠詳情

預訂日期：即日至2017年2月24日
入住日期：即日至2017年6月30日

按此了解更多有關恒生銀行的資訊

中銀信用卡：報永安旅遊團享高達$5,000額外折扣

由即日起至2017月3月31日，用中銀信用卡透過永安旅遊分店、網站或手機App 參加指定旅遊團，每位可享高$5,000額外折扣！報名基本長線/郵輪線亦有高達2,000折扣！用中銀信用卡同時仲可以憑每250簽賬積分兌換HK$1現金折扣！按此了解中銀x永安旅遊優惠詳情。

優惠期：即日起至2017年3月31日

相關閱讀：2017信用卡旅遊優惠大搜羅（2017年2月）

想知道更多信用卡嘅餐飲同購物優惠資訊？立即使用我哋嘅比較工具，搵出最適合你嘅信用卡！

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post MoneyHero.com.hk本周至 著數 優惠情報（2017年2月17日） appeared first on 理財資訊.

無論係為咗移民、投資定被派駐海外工作，喺海外置業都係好多香港人近年嘅選擇之一。大部分地方嘅樓價無香港咁貴，不過好多人都會因為唔知點樣做海外按揭等細節而卻步。到底香港人要做海外按揭有乜野要留意呢？等MoneyHero.com.hk幫大家整理出海外置業攻略吧！

投資 海外物業 3大要點

了解項目性質

因為本港嘅監管機構原則上可能無權力規管海外交易活動，海外嘅物業一般都不受香港嘅《地產代理條例》規管，所以喺選擇海外物業時，你要清楚投資嘅項目性質，例如有時海外物業投資係屬於集體投資計劃，咁你就有機會沒有物業嘅日常控制權，例如釐定租金、決定租客等。

而項目係現樓定係樓花，亦都影響你購買物業嘅風險同價錢，準業主要主動理解項目風險，必要時應該搵當地嘅律師及專業人士協助。

稅務及遺產安排

部份國家會就買賣甚至擁有物業抽取稅項，例如會有物業增值稅，甚至非本地人嘅特別物業稅項，而如果海外物業將成為你遺產一部份，當地嘅遺產稅制都可能同香港唔同。大家習慣咗香港嘅低稅率，依點可能會唔太習慣。

以日本為例，物業資產增值稅於5年內係物業純利嘅30%，而多於5年就係純利嘅15%。而喺英國，資本增值稅為18％至28%，若以公司名義持有，最高為20%。而英國亦有土地印花稅，約12.5萬英鎊嘅物業，印花稅為2%，最高為12%，另外如果屬第二個住宅物業或出租物業，喺英國都要支付等於樓價3%嘅額外印花稅。

管理問題

要做業主，當然唔係畀左錢就有回報咁簡單。如果你嘅單位打算放租，咁由尋找租客，到擬定合約，收租，繳交管理費、水電煤等費用，裝修及維修等，通通都要打理。如果你自己無時間處理，就要尋找經紀代為處理，如果你視海外置業為投資嘅一部份，就要計清楚依部份嘅開支喇。

另外，部份國家對租客嘅保障與香港不同。例如喺日本，你要加租嘅話，一般係要得到租客嘅同意，而喺美國，部份舊單位係受租務管制，業主係唔可以加租嫁！而喺某啲地方，租客就算欠租，都有可能有權係單位居住一段時間，你要了解自己作為業主到底有什麼權益，最好就係向海外物業嘅代理公司查詢相關嘅資訊啦。

成為業主後，如你沒有時間前往當地將物業放租，便要物色可信賴的經紀，幫你尋找合適的租客、收租、繳交物業管理費和水、電、煤氣等費用，及照顧裝修、維修等大小事務。故此投資者要準確計算租金回報，扣除經紀佣金後，還須計算清楚聘用服務公司代為放租收租的服務費。

你亦要注意，有些國家對某類租客提供較大保障。你應向海外物業代理公司查詢清楚你作為業主的權益，仲有一旦租客欠租，對方可以繼續在物業住幾耐等詳情。

海外按揭注意事項

如果你要喺香港為海外物業做按揭，你需要喺香港尋找提供相關服務嘅銀行，要留意嘅係依啲銀行提供嘅按揭服務，好多都有地段限制。以英國為例，HSBC、東亞銀行、上海商業銀行等都有提供英國置業按揭服務，但上海商業銀行會承造嘅物業地段就僅限倫敦，東亞銀行就有倫敦、伯明翰、曼徹斯特等，而HSBC限制就較少。一般而言，英國物業可以喺香港辦理按揭手續，按揭息率低至H（同業拆息）+3.1厘，按揭成數最高達75%，可以分2年、5年、7年或25年還款。

除了尋找承按銀行外，大家都要留意匯率會影響你嘅成本同投資回報，大家可以適當地通過投資以對沖貨幣對成本嘅影響。

按此了解更多有關HSBC、東亞銀行和上海商業銀行的資訊。

想了解更多關於海外按揭嘅資訊，不如嚟MoneyHero.com.hk，比較更多不同嘅按揭產品吧！

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 稅務、管理、按揭點處理？香港人海外置業攻略 appeared first on 理財資訊.

好多人都知道銀聯卡唔收海外簽賬手續費，不過你又知唔知原來銀聯卡喺日本相當普遍，無論係撳錢定碌卡都好方便，而且唔少地方都有推廣優惠添！等MoneyHero.com.hk立即幫大家睇睇下銀聯卡喺日本有咩優惠啦！

用銀聯卡喺日本提款

銀聯卡喺日本已經相當普遍，一共有近50萬商戶以及8萬部ATM可以用銀聯卡，而且大部份都有中、英文界面方便遊客操作。如果需要撳錢，除咗可以去當地銀行嘅ATM機外（如三菱東京UFJ銀行、日本郵儲銀行、AEON銀行、三井住友銀行、瑞穗銀行同SEVEN銀行），你仲可以去7-11、LAWSON、部分FamilyMart分店，撳錢相當方便。大家可上銀聯官網查詢日本ATM詳細地址，但留意番當地銀行或會收取0-110日圓不等嘅取款服務費。

想知更多海外提款資訊，立即睇：外遊必讀！海外 ATM 提款攻略（2016年夏季版）

銀聯卡喺日本有咩優惠？

好多去旅行用銀聯卡都係貪佢唔收外幣交易手續費，但銀聯其實同唔少日本商戶都有合作推出優惠，雖然好多優惠都係減5%唔算太多，但加埋8%免稅其實都平唔少架喇！以下就係部份精選優惠：

1. 「暢游九州，銀聯隨行」優惠

準備去九州旅行嘅朋友要留意！銀聯最近同九州觀光推進機構等當地組織合作搞咗個「暢游九州，銀聯隨行」嘅活動，優惠包括：

• 送500日圓優惠券
  銀聯卡客戶只要於於參與活動嘅商戶內消費滿5,000日圓，就可以使用銀聯特別優惠券（500日圓），計返即係有9折！呢張可以喺福岡機場、長崎機場、北九州機場、佐賀機場、鹿兒島機場、新幹線或車前嘅指定商戶（如豐田租車同NIPPON租車）派發，適用商戶包括九州著名藥妝店Drug Eleven、食肆、服飾店同等。大家到九州旅遊時記得順便拎番張優惠券！
• 指定商戶享5-10%折扣優惠
  除咗優惠券外，原來唔少九州商戶都推出銀聯專屬優惠，譬如喺福岡機場免稅店買滿2萬日圓就有92折，消費唔夠2萬日圓都有97折。喺福岡著名嘅購物景點天神地下街用銀聯卡簽賬，唔少商戶都會提供5-10%折扣，又或者送出精美禮品。按此了解銀聯九州優惠詳情

推廣期：即日起至2017年4月30日

2. 百貨公司折扣優惠

講到喺日本shopping，必去熱點梗係唔少得各大百貨公司啦！而家銀聯卡客戶去近鐵百貨店、東急百貨店同丸井（OIOI）嘅指定分店購物都有95折優惠，而京王百貨店亦同樣有5%折扣同8%免稅優惠，不過除咗銀聯卡外仲要出示埋有關優惠券至可以享有優惠架！按此了解詳情

推廣期（東急百貨店）：即日起至2017年2月28日
推廣期（近鐵百貨店）：即日起至2017年6月28日
推廣期（京王百貨店）：即日起至2017年6月30日
推廣期（丸井（OIOI）：即日起至2017年12月31日

想知更多海外簽賬資訊？相關閱讀：外遊必讀！兌換 外幣 及海外簽賬攻略（2016年冬季版）

3. 藥妝店松本清高達15%折扣

女士們喺日本其中一樣必做嘅就係去藥妝店掃大量化妝品同護膚品！松本清未必係最平嘅藥妝店，不過如果你下載銀聯國際app就有折扣優惠！只要購物滿10,000日圓就可以減5%，同時再享8%免稅優惠；買滿30,000日圓就更享7%+8%免稅優惠。按此了解優惠詳情 （*提提你，其實下載松本清app或者加入松本清LINE都可以得到10%優惠券，雖然限期較短，而且部份商店都唔俾同8%免稅優惠同時用，但手上冇銀聯卡時都至少有9折優惠吖！)

推廣期：即日起至2017年5月30日

4. 日本機場免稅店優惠

好多人多會喺臨飛番香港前喺機場買手信作最後衝刺，而家日本全國多個機場（包括羽田機場、成田機場、新千歲機場同關西國際機場）嘅免稅店都有銀聯卡95折優惠。參與優惠嘅商戶包括售賣日本各地名產嘅BLUE SKY、專賣化妝品同酒類等商品嘅JAPAN DUTY FREE免税店、專賣家電同生活雜貨嘅Laox同玩具專賣店TOY PARK等。

推廣期：即日起至2017年2月28日

邊張銀聯卡最好？

講咗咁耐，到底邊張銀聯卡最好? 其實銀聯卡有好多選擇，好似Citibank Rewards 銀聯信用卡喺本地超市、百貨公司同電訊公司簽帳全年都有5X積分，而匯豐銀行銀聯雙幣鑽石卡就有「最紅自主獎賞計劃」，只要分配額外獎賞錢去海外消費類別，就可以賺取6倍獎賞錢。

至於用渣打銀聯雙幣白金信用卡作海外消費就可以賺取2倍積分，而家經MoneyHero.com.hk申請，除咗有渣打送嘅迎新禮物之外，我哋仲會獨家送你額外HK$200現金券（可自選UA電影/惠康/萬寧/Starbucks禮券），加埋即係高達HK$1,000！只要大家喺申請之後，將你嘅申請參考編號、成功批核SMS，連同郵寄地址Email俾我哋（coupon@moneyhero.com.hk），就可以得到呢個額外優惠喇！

想知以上銀聯卡嘅特點同迎新優惠，立即睇：【信用卡攻略】嚴選必備銀聯信用卡

按此了解渣打銀行、Citibank及匯豐銀行產品詳情。

銀聯卡唔啱你？唔緊要！好多銀行嘅Visa同MasterCard信用卡都一樣可以賺取豐富飛行里數同現金回贈，立即上MoneyHero.com.hk信用卡比較平台，揾出最佳飛行里數同現金回贈信用卡啦！

想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！

The post 【旅行必讀】2017 銀聯卡旅遊優惠全攻略—日本篇 appeared first on 理財資訊.

新上任嘅財政司司長陳茂波，剛發表最新一份財政預算案 ，普羅大眾最關心嘅當然就係有冇「糖」派。今年派糖開支共涉351億元，比上年少10%，主要措施同上年大同小異，重點都係退稅同埋綜緩「出雙糧」，而前幾年都有發行嘅Ibond今年就冇再推出了。值得一提嘅係，薪俸稅邊際稅階由4萬提升至4.5萬元，即係打工仔以後可以交少啲稅喇！以下MoneyHero.com.hk為大家選出財政預算案一啲重點：

 1）一般市民

• 寬減75%薪俸稅及利得稅（上限2萬元）
• 擴闊薪俸稅邊際稅階至4.5萬元，政府每年的稅收減少15億元，全港130萬名納稅人受惠
• 增加傷殘受養人免稅額至7.5萬元、增加供養兄弟姊妹免稅額至3.75萬元
• 個人進修開支最高扣除額增至10萬元
• 綜緩、高齡津貼、長者生活津貼或傷殘津貼、低津及鼓勵就業交通津貼出雙糧
• 繼續寬減4季差餉（每戶每季1000元）估計涉及320萬個物業

2）社會福利

• 增撥2.53億提供資助安老宿位和長者日間護理服務
• 增撥5.82億支援有特殊需要的兒童及其家長
• 增撥1.76億支援殘疾人，提供住宿照顧、日間訓練及職業康復服務和學前康復服務
• 放寬「長者生活津貼」的資產上限，並增加一層高額援助，即係話符合資格的長者可得到更多嘅津貼

3）醫療衛生

• 將長者醫療券的受惠年齡由70歲降至65歲
• 增加病床和普通科門診診症名額、提升專科門診和急症室的服務量
• 讓較年老和較有經濟需要的長者生活津貼受惠人免費使用公立醫院及診所服務

4）房屋及土地

• 由2016-17至2020-21年度，預計供應9.45萬個公營房屋單位
• 2017-18年賣地計劃共有28幅住宅用地，可供興建約1.9萬個單位，其中20幅是新增用地
• 撥款3億支援樓宇復修

5）教育

• 2017/18學年起落實免費優質幼稚園教育政策，學前教育開支增至67億元
• 2018/19學年起，將指定專業／界別資助計劃恆常化，資助學額會增加至每屆約3000個，估計每學年有13,000名學生受惠。

6）創新科技

• 推出20億元的「創科創投基金」，透過大約1：2的資金配對比例，與風險投資基金共同投資在香港創立的初創企業。
• 預留100億元支援香港的創科發展

7）旅遊業

• 豁免逾1.3億元旅遊業牌照費，包括旅行社、酒店和旅館、食肆、小販及受限制食物售賣許可證
• 撥款2.4億元，增加香港作為旅遊目的地的吸引力，吸引高消費旅客

8）基礎建設

• 來年度基本工程開支增40%至868億元
• 計劃在啟德發展區興建大型新急症全科醫院，設立全港首個神經科學中心，重建或擴建超過10間醫院，涉及金額2000億元
• 建造啟德體育園，包括容納5萬人的主題館、公眾運動場和大型室內體育館，支出約319億元
• 大力推展多個跨境及境內項目，包括蓮塘／香園圍口岸、將軍澳-藍田隧道、中九龍幹線等

9）政府開支

• 政府增加3,378個職位，其中五大紀律部隊職位佔64%，入境處新開職位以711人稱冠；其次是增聘608人的警隊；相反，醫院管理局則減聘156人

——

想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！

The post 【派糖措施逐個睇】2017財政預算案9大重點 appeared first on 理財資訊.

終於又到星期五喇！今星期MoneyHero.com.hk為大家搜羅咗多個旅遊優惠，包括阿提哈德航空機票8折、訂酒店賺雙倍里數、亞洲萬里通8折兌換機票等，心思思想去旅行嘅你切密錯過：

東亞信用卡：阿提哈德航空機票8折

嚟緊打算去長途旅行嘅朋友留意：憑東亞信用卡預訂阿提哈德航空機票，可享所有航線8折優惠（Economy Deals級別則享票價9折）！只須於搜尋航班頁面輸入推廣優惠碼「BEA17」即可享有優惠，詳情請按此瀏覽。

預訂日期：即日至2017年3月31日
出發日期：2017年3月15日至12月10日

按此了解東亞銀行的產品詳情。

Hotels.com：訂酒店每$10賺4里

除咗機票之外，而家訂酒店都有優惠！而家喺Hotels.com訂酒店滿$3,500，可賺雙倍「亞洲萬里通」里數，消費每$10就可賺4里數喇！付款時記得輸入其「亞洲萬里通」會員號碼，方可賺取額外里數。優惠詳情

預訂日期：2017年3月31日
住宿日期：即日起至2017年5月15日

亞洲萬里通：兌換機票8折優惠

如果你已經儲夠里數換機票，就唔好錯過新一輪嘅「亞洲萬里通」8折兌換機票優惠！今次優惠涵蓋多個亞洲地區，包括台灣（台北/台中/高雄）、首爾、沖繩、越南（胡志明市/河內/峴港）、中國大陸等等都有優惠，即上「亞洲萬里通」網站兌換！優惠詳情

兌換日期：
2017年2月24日至3月17日

旅遊日期：
沖繩 － 2017年3月1日至31日
德里、雅加達、泗水 － 2017年3月1日至5月31日
首爾 － 2017年3月1日至6月15日
中國大陸、台灣、馬尼拉、克拉克、越南、柬埔寨、仰光、亞庇 － 2017年3月1日至6月30日
孟買 － 2017年4月1日至30日

時代廣場：於食通天食飯滿$500，送戲飛2張

周末梗係要行街食飯睇戲，而家喺Times Square 食飯，送埋UA戲飛！於時代廣場食通天餐廳消費滿$500或以上（以單一電子消費發票計算），即送「來自火星的你」換票證2張。數量有限，換完即止。按此查看詳情

換領日期：2017年2月23日至3月5 日

想知道更多信用卡嘅餐飲同購物優惠資訊？立即使用我哋嘅比較工具，搵出最適合你嘅信用卡！

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post MoneyHero.com.hk本周至著數優惠情報（2017年2月24日） appeared first on 理財資訊.

「一名酒後駕駛者奪去強仔爸爸」、「酒精害人，開車前咪飲」 、「飲少少無事嘅」……呢啲說話相信大家喺電視都聽過唔止一次，身為司機嘅你，駕車小心確然係應該嘅態度，不過意外嘅嘢又真係好難預計。呢個時候一份好嘅汽車保險就好重要嘞！不過，汽車保險又包括第三者保險同汽車綜合保險，究竟兩者有咩唔同？邊種保險計劃嘅保障又更加全面呢？等MoneyHero.com.hk逐一為你講解！

根據運輸署統計嘅資料，喺2015年道路交通意外高達16,170宗，比2014年嘅15,790宗多出380宗或2.4%（見表一），而全年交通意外總傷亡人數再次超過20,000人（見表二），死亡率由2014年的2.19%增加至2015年嘅2.61%。

表一：近年交通意外宗數

 表二：交通意外總傷亡人數

雖則話：「揸車小心，大家安心」，無論你手車有幾安全都好，交通意外防不勝防，所以喺香港買第三者保險係法例上最低要求；不過呢個世界仲有一樣嘢叫做「綜合汽車保險」嘅。

咩係第三者保險?

先講講大家都聽慣聽熟個份第三者保險。第三者保險又叫做第三保，顧名思義係就除咗你同我之外嘅「第三個」人至有得保（即係任何保險單持有人同埋司機以外嘅一方或者人士），即係話呢份嘢只會保障第三者人身傷亡或者財物損毀嘅賠償。如果你買咗第三保，係意外中你部車受到損壞，甚至要報銷的話，你就要自己揞荷包支付所有嘅維修費用，因為你並唔係「第三個」人，所以呢份單你係唔會有任何受保。

唔好話份單無用住先，Touch wood講句，若果你揸住架車唔小心剷咗上行人路兼撞傷咗個人嘅話，咁呢份單就可以幫你去賠比俾個傷者啦。仲有，其實第三者火險同盜竊險係可以為你嘅車提供額外嘅保障嘅，皆因喺保單嘅世界，保單會將車呢樣嘢視為你嘅「個人財產」，咁即係話你可以因火災或者失竊所引致嘅損失嚟向保險公司就你嘅「個人財產」作出索償。

不過，平時睇新聞，十單交通意外有八單都係揸車撞親人嗰位司機受傷，甚至不幸離世，若然呢位司機只係買咗最基本要求嘅第三保的話，根據保單條款，佢唔會受到任何保障，亦即係話佢得唔到任何賠償。

綜合汽車保險又即係點?

至於綜合汽車保險，聽個名就知道好似乜都包乜都保，其實綜合汽車保險保障範圍不單止cover到第三者保險同埋司機嘅意外傷亡賠償，仲包埋受保汽車同配件或者零件係交通意外中嘅損毀；甚至包埋因火警、閃電、颱風、盜竊、「車炒車」、高空墮物等造成嘅損失，確實係一種汽車保險嘅「全包宴」。（當然啦，每間保險公司所包嘅範圍同起因各有不同嘅，詳情可以望望份保單嘅。）

仲有，有啲保險公司推出嘅綜合汽車保險會提供額外嘅保障，例如受保汽車喺首次登記後嘅12個月內（即受保汽車車齡不足1年），而因為交通意外引致total loss（完全損毀）嘅話，咁投保人就可以得到 「同款新車賠償」嘅保障；又有啲保險公司設有24小時交通意外善後熱線，包括路邊緊急維修、拖車等轉介服務，同埋一般索償諮詢服務等。

買第三者保險同綜合汽車保險要幾錢?

講到呢度，相信大家都想知道到底要買一份第三者保險或綜合汽車保險要幾多錢。老老實實，呢類保險計劃係要根據返申請人嘅個人資料先至可以做一個估算，例如：申請人部車嘅製造商、車嘅型號、生產年份、申請人嘅職業、年齡、揸咗幾多年車、過去三年有無涉及過交通意外、保險索償或者嚴重違例駕駛事項，同埋過去36個月有否累積超過8分違例駕駛記分等等，呢啲情況case by case，最好都係問問你相熟嘅保險經紀。

不過，係車保嘅世界有一樣嘢叫做「墊底費」，「墊底費」正式嘅名稱係「自負額」，即係話一旦意外發生車主進行索償時必須承擔嘅開支金額。綜合汽車保險，即係「全保」嘅墊底費可以分為「一般墊底費」、「盜竊墊底費」、「不記名駕駛者墊底費」、「第三者財物損壞墊底費」同「年輕及經驗不足駕駛者墊底費」等。而保險公司通常都會根據投保人嘅年齡、牌齡、車款、投保額、意外紀錄等資料作為計算嘅基礎，但唔同公司就梗係有唔同嘅計算方法，所以當你嘗試為車保保費格價時，你可能會發現唔同保險公司嘅墊底費會有極大嘅分別！

其實，無論買第三者保險又好，綜合汽車保險都好，揸車嘅守法駕駛仍然係重中之重；而市民大眾作為道路使用者，亦要負起道路安全責任。講到尾，買保險始終係一份保障，但相信你都唔會想走去claim保險掛。

除咗汽車保險外，你可能亦需要一份保障全面嘅本地醫療保險、環球醫療保險或者旅遊保險，立即上我哋嘅比較平台，找出最適合你嘅保險產品啦！

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【駕車人士須知】汽車綜合保與第三保的大不同 appeared first on 理財資訊.

呢排係搵工旺季，一方面好多打工仔拎咗Bonus想轉工，另一方面今屆大專畢業生就要投身職場。咁多人同時搵工，如何脫穎而出？所謂「人靠衣裝」，除咗要表現自己嘅能力之外，俾面試官嘅第一印象都好緊要！所以MoneyHero.com.hk為各位求職者準備咗面試衣著指南，介紹各行各業嘅 見工 衣著準則！

面試衣著普遍可分為Business Formal、Business Casual以及Smart Causal，求職者應先了解公司背景以及自己所應徵的工種，再選擇衣著類型：

Business Formal

適用工種：傳統文職／專業人士／公務員／金融企業／酒店管理等等

Business Formal是最正式和傳統的面試衣著，簡單而言就是全套西裝，適用於應徵傳統公司或專業工種，色調方面最好選擇黑、白、深藍或深灰，剪裁要合身，以表專業。

Business Formal – 男士

• 有領恤衫、西褲、西裝外套、領呔、皮帶、深色短襪及皮鞋
• 領呔不宜過闊或過窄，款式及顏色不宜太花巧
• 襪子要夠長，坐下時不可露肉

Business Formal – 女士

• 襯衫、半截西裙、西裝外套，亦可穿商務連身裙，可考慮穿絲襪
• 穿款式簡約的高跟鞋

Business Casual

適用工種：新興公司／科技產業的辦公室職位、市場推廣、PR等

新興公司或科創企業員工的衣著普遍比較自由，穿整套西裝去可能會被認為Overdressed，所以比較建議採用Business Casual的打扮。Business Casual可以被理解成「半套西裝」，即只穿恤衫西褲不打呔，或是將西裝的一至兩個元素改成Casual，例如將西褲改成牛仔褲（非洗水）。

Business Casual – 男士

男士常見配搭包括：

• 恤衫、領呔、深色牛仔褲（可加西裝外套）
• 恤衫、領呔、西褲／深色牛仔褲、深色Jacket
• 恤衫、西褲

Business Casual – 女士

• 半截西裙可轉成其他材質的H字裙
• 西裝外套、襯衫款式可較多變化
• 簡單款式的高跟或平底鞋

Smart Casual

適用工種：藝術行業 （廣告／設計／創作）、社工、工程、IT等等

Smart Casual即是「正式休閑裝」，泛指一種「體面」的休閒穿著，自由度比Business Casual更大，而且沒有統一標準。如果你是應徵藝術工作，裝束除了講求大方得體外，還要在衣著上表現出時尚品味；如果是應徵工程、社工等職位則講求簡約舒適，令人覺得穩重。

Smart Casual – 男士

Smart Casual – 女士

儘管Smart Casual的衣著自由度較大，但亦有幾項事情需要注意：

1. 避免穿著過於鮮艷的顏色；
2. 身上飾品不宜過多
3. 不論男女都不宜穿著短褲，女士則要避免穿著迷你裙
4. 不要穿涼鞋

邊度買見工衫？

知道見工應該點著之後，最令人煩惱嘅應該係邊到買衫，以下我哋介紹一啲低至中價位嘅店舖：

G2000 – 最大路嘅選擇，主要售賣現成西裝及套裝，剪裁適合亞洲人，身材矮細嘅人都有碼。

At Twenty – G2000旗下嘅男裝品牌，設計較年輕時尚，由Formal到Smart Casual 都一應俱全。

Zara – 買返工/見工衫嘅熱點，由Formal到Smart Casual 都一應俱全。

H&M旗艦店 – H&M普通分店嘅衫偏向悠閒，而旺角同銅鑼灣旗艦店則比較多適合見工嘅衣著。

Marks and Spencer – 由Formal到Smart Casual 嘅衣著都有，價錢較貴不過質底好，但剪裁適合西方人，身型矮細嘅人未必有Size。

PlayLord – 售賣成熟風的上班裝束及鞋款，有網上商店同實體店。

Zalora – 同多個知名品牌合作嘅網上服飾平台，啲衫褲、鞋、手袋配飾都好啱返工用，價錢由$100至$1,000不等。

ASOS – 英國大型網購平台，集合多個品牌，部分衫都好適合返工同見工。由於最近英鎊跌咗唔少，加上不時出Discount Code，所以都幾抵買。

（市面有信用卡專為網上購物而設，上網買嘢可賺豐富現金或里數回贈，即上MoneyHero.com.hk比較平台睇下邊張信用卡最抵！)

延伸閱讀：香港網購優惠全攻略

延伸閱讀：大學生必用！5大最佳 Fresh Grad 信用卡

想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！

The post 【求職必讀】見工面試衣著全攻略 appeared first on 理財資訊.

普通打工仔，唔係高薪厚職的話，一年有多嘅工作經驗，都有少少現金積蓄。無富爸爸嘅話，想買樓？首期無得找人代付；果區區一萬幾千蚊，放銀行做定期，就算個別外幣高息到極點，其實一年埋數可能都唔夠去茶餐廳食餐個下午茶（唔叫凍飲都未必得！）。為咗同儲蓄增值，唔少人都會選擇投資股票，甚至係月供股票，但係點玩先抵，大家就可能無特別留意喇。

好多人第一次買股票──包括細細個嘅肥叔叔在內──都係通過銀行。讀中學個時，肥叔叔媽媽同我去大銀行開咗簿仔儲蓄戶口嚟交學費。到啱啱出嚟做嘢時，肥叔叔老爸當時興玩填白表抽新股IPO，全家動員，幾千數一注，中籤抽左一人一份。肥叔叔覺得得張紙好麻煩，於是去大銀行開個股票，放左落去，諗住有MPF又係呢度，出糧又係呢度，集中晒一次過睇得到，好方便──果時係咁諗啦。

當然啦，方便係有代價嘅。

年紀細，無睇清楚，過咗幾個月先見到，點解戶口每個月都有$30俾人扣咗去嘅？

於是去分行問啲姨姨，就係姨姨先話，原來當你個戶口有貨（股票）係要收存倉費（俗稱「倉租」）嘅！

知道咗呢個晴天霹靂（其實係自己唔睇清楚）嘅現實時，其實肥叔叔已經轉咗另一份工，用另一間銀行嘅綜合戶口出糧，兼開始咗用月供方式做股票投資。花咗一啲時間睇返早就要睇嘅收費細則同仔細計過之後，把心一橫，貼埋佢果$30提取費就將果一手咁大把嘅股票轉走咗。

存倉費、或者係「戶口服務費」，並唔係每一間銀行都收，計同收嘅方法亦都唔一樣，所以，新手股民入門前必讀嘅，其實未必係財演們嘅分析、大媽們嘅貼士，而係銀行同證券行嘅收費細則──除左交易時嘅佣金（同埋回贈）之外，存倉費、代收股息同紅股、或者係取存、轉倉嘅費用都影響到你嘅投資係幫自己定係幫人賺錢，大家新手入門開戶，或者轉倉時就要留意同好好咁計清楚喇！

相關閱讀：月供股票 攻略：由$1,000開始投資！（2017年3月更新）

延伸閱讀：零成本 投資 心法1.0

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 股票投資新手攻略：港股之入門 appeared first on 理財資訊.