普通打工仔，唔係高薪厚職的話，一年有多嘅工作經驗，都有少少現金積蓄。無富爸爸嘅話，想買樓？首期無得找人代付；果區區一萬幾千蚊，放銀行做定期，就算個別外幣高息到極點，其實一年埋數可能都唔夠去茶餐廳食餐個下午茶（唔叫凍飲都未必得！）。為咗同儲蓄增值，唔少人都會選擇投資股票，甚至係月供股票，但係點玩先抵，大家就可能無特別留意喇。

好多人第一次買股票──包括細細個嘅肥叔叔在內──都係通過銀行。讀中學個時，肥叔叔媽媽同我去大銀行開咗簿仔儲蓄戶口嚟交學費。到啱啱出嚟做嘢時，肥叔叔老爸當時興玩填白表抽新股IPO，全家動員，幾千數一注，中籤抽左一人一份。肥叔叔覺得得張紙好麻煩，於是去大銀行開個股票，放左落去，諗住有MPF又係呢度，出糧又係呢度，集中晒一次過睇得到，好方便──果時係咁諗啦。

當然啦，方便係有代價嘅。

年紀細，無睇清楚，過咗幾個月先見到，點解戶口每個月都有$30俾人扣咗去嘅？

於是去分行問啲姨姨，然後姨姨話，原來當你個戶口有貨（股票）係要收存倉費（俗稱「倉租」）嘅！

知道咗呢個晴天霹靂（其實係自己唔睇清楚）嘅現實時，其實肥叔叔已經轉咗另一份工，用另一間銀行嘅綜合戶口出糧，兼開始咗用月供方式做股票投資。花咗一啲時間睇返早就要睇嘅收費細則同仔細計過之後，把心一橫，貼埋佢果$30提取費就將果一手咁大把嘅股票轉走咗。

存倉費、或者係「戶口服務費」，並唔係每一間銀行都收，計同收嘅方法亦都唔一樣，所以，新手股民入門前必讀嘅，其實未必係財演們嘅分析、大媽們嘅貼士，而係銀行同證券行嘅收費細則──除左交易時嘅佣金（同埋回贈）之外，存倉費、代收股息同紅股、或者係取存、轉倉嘅費用都影響到你嘅投資係幫自己定係幫人賺錢，大家新手入門開戶，或者轉倉時就要留意同好好咁計清楚喇！

相關閱讀：月供股票 攻略：由$1,000開始投資！（2017年3月更新）

 按此了解匯豐銀行、恒生銀行、中銀亞洲、東亞銀行、渣打銀行、花旗銀行及上海商業銀行的詳細資訊。

延伸閱讀：零成本 投資 心法1.0

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 股票投資新手攻略：港股之入門 appeared first on 理財資訊.

依家好多人都會盡量使用信用卡應付所有使費，除咗可以延遲付費，亦可以幫大家儲多啲積分同飛行里數，換取更多獎賞！不過，好多人似乎唔知道八達通自動增值 都可以儲積分賺里數！到底自動增值八達通，用邊張信用卡最抵？等MoneyHero.com.hk幫大家比較下啦！

1） 係唔係所有八達通都可以自動增值？

其實除咗個人八達通後，租用版八達通也可以申請自動增值服務。每人最多可以有3張有自動增值嘅八達通卡，但其扣連嘅信用卡不可以來自同一發卡銀行。換言之，大家可以同時使用3張不同銀行的信用卡作自動增值。

若大家想轉換跟八達通扣連嘅信用卡，而該八達通卡又已申請過自動增值，就要收取＄20手續費。

2） 邊張信用卡可提供自動增值服務？

八達通網站已詳細列出提供自動增值服務嘅金融機構，想知道自己嘅信用卡用唔用到，Click呢度就睇到！

3）自動增值安唔安全？

大家可能會驚已申請自動增值嘅八達通，唔見咗嘅話會畀人瘋狂消費，但其實卡主只需承擔報失咭後3小時內嘅消費，加上自動增值規定一日只得一次自動增值機會，所以卡主損失有限，只要記住盡快報失就可以喇！

4）儲飛行里數邊張信用卡最抵？

東亞銀行 Flyer World萬事達卡

提到八達通或繳費首選信用卡，一定會唸起東亞依張Flyer World萬事達卡。無論係八達通自動增值或自動轉賬繳費，佢都做到＄5＝1里，每次自動增值＄500，就可以幫你拎Asia Miles 100里數，轉換里數不用手續費，非常抵用，不過就無現金回贈。

渣打亞洲萬里通萬事達卡

要儲飛行里數，渣打依張信用卡都係不可不提，但大家可能唔知道，佢用嚟做八達通自動增值都唔錯！＄6＝1里，轉換里數同樣不需手續費，此卡同樣都係無現金回贈。

Citi Prestige信用卡

同樣係＄6=1里，此卡另一好處就係可以選擇現金回贈，八達通每增值＄125就有＄1回贈，你想換現金或里數都滿足到你，不過年薪要求要60萬，門檻相對較高。

5）現金回贈邊張信用卡最抵？

如果你唔想換飛行里數，換儲分以得到現金回贈係另一較方便嘅途徑，咁到底有邊幾張信用卡適合用黎換回贈呢？

Citi Prestige信用卡

無錯，又係Citi依張信用卡，雖然申請門檻高，平均只要增值＄125就換到＄1現金回贈，非常抵用，高收入人士唔好錯過！如果收入唔夠，都可以申請Citi嘅八達通信用卡，申請門檻較低，白金卡只要年薪15萬，金卡更只需要年薪6萬，唔可以用簽賬儲里數，不過＄200嘅增值就可以換到＄1。

渣打Executive Platinum信用卡

如果你係渣打戶口出糧，依張信用卡用黎儲八達通自動增值回贈都可以考慮，海外簽賬有2%回贈，而八達通自動增值同其他本地簽賬都係1%回贈，增值＄100就有＄1回贈！

大新one+信用卡

此卡好處係有無上限嘅1%現金回贈，不單唔需要額外申請，而八達通自動增值都包含在內，即係每增值＄100就有1%現金回贈！

延伸閱讀：信用卡獎賞：飛行里數 Vs 現金回贈，邊樣抵啲？

延伸閱讀：2016年度10大人氣 信用卡

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 嚴選 八達通自動增值 最佳信用卡 appeared first on 理財資訊.

喺呢個學歷通脹嘅年代，幾乎每三個年輕人就有一個有大學學位，因此好多人抱怨大學生起薪十年冇加過，畢業後每月都只係搵萬零蚊。隨著大學學額增加，搵工不及以前吃香係不爭嘅事實，但都唔代表出到嚟一定要做低薪一族嘅！市面上亦有部分工種起薪點月薪超過2萬，MoneyHero.com.hk為大家Update下2017年10大起薪點最高 Fresh Grad 職位！

1）各大公司及銀行Management Trainee（月薪$20,000～$27,000）

MT係唔少讀BBA嘅Fresh Grad夢寐以求嘅工作，多間國際企業、大型機構及銀行每年都會招聘Management Trainee，起薪通常都比大學生平均起薪點高，所以每年都有唔少畢業生爭崩頭。一般企業公司都著重應徵者嘅溝通同分析能力，同埋領導才能。大部分MT 培訓為期2年，工作上都會不停有調動，被分派到唔同部門，了解唔同崗位嘅工作性質。完成培訓後，MT大多可晉升為管理層。

2）註冊護士（月薪$ $28,040）

近幾年香港對護士需求大增，所以護士嘅人工都跟住水漲船高。而家做公立護士已經有近3萬幾起薪，而私家醫院既人工仲會高啲添！而入學要求較低的登記護士起薪點亦有$20,060，人工都已經比好多工作要高。護士嘅日常工作包括幫病人驗血糖、派藥、打針、執床同洗傷口等等，通常要輪班當值，亦不時要超時工作。

3）學位教師（月薪$28,040）

一般中學學位教師（GM）嘅起薪點為$28, 040（15點），如果有合適師訓（如PGDE）就可獲加2個額外的增薪點，即$30,945（17點）。至於文憑教師（CM）嘅教職同行政工作相差唔多，但起薪點為$26,700（14點）。晉升方面，CM最高只可升至首席助理教席（PAM，頂薪點為$70,585），而GM最高可升至一級校長（頂薪點為$121,985）。各位畢業生如果有志做教師，就要先讀教育文憑（PGDE），期間要去學校進行實習。唔少人最初都先由教學助理做起，人工大約$10,000～$13,000不等，視乎學校而定。

4）政府二級行政主任 / EO（月薪$28,040）

大學生想成為公務員，多數視AO或EO為首選。投考EO需要經過多重筆試同面試，如同過5關斬6將，2016年就有 1.9萬人申請EO，平均158人爭一個位！雖然做EO成日要調去唔同部門，不過人工高福利好，係唔少畢業生心目中嘅筍工，不過EO同AO嘅晉升之路係唔同嘅，EOII最高可晉升至高級行政主任，而AO就有機會出任決策局或政府部門嘅主要職位。

5）駐院藥劑師（月薪$39,350）

要做駐院藥劑師，除咗要修讀藥劑學課程之外，仲要實習1年，同埋通過3科筆試（包括香港藥劑法例、藥劑執業同藥理學）至可以成為註冊藥劑師！呢個試係由藥劑業及毒藥管理局舉辦嘅註冊考試，每年都會喺6月同12月舉辦2次。駐院藥劑師月薪可達$39,350，仲未包括每月固定津貼添！

（剛投身社會，如果有張信用卡旁身始終方便好多！想知有咩下啱Fresh Grad申請?即睇：大學生必用！5大最佳 Fresh Grad 信用卡）

6）警察督察（月薪$40,880～$42,110）

其實所有大學生一畢業都可以考督察架！如果持有學位或副學士學位等學歷，起薪點就以$40,880計算。如果喺綜合招聘考試CRE中，「中文運用」同「英文運用」試卷合格，起薪點就以$42,110起計算。不過督察並唔易考，不但要考體能同上學堂，而且競爭都幾激烈，好似上年7月就有860人投考見習督察，爭190個督察職位。有興趣嘅同學仔可以喺大學時參加定警隊學長計劃，提早裝備自己！

7）廉政公署調查主任（月薪$39,990）

廉署雖然人人都識，但就未必個個都知調查主任嘅具體工作係乜。其實調查主任平日要處理貪污舉報同進行調查工作，接觸唔少敏感資料，所以應徵者必須要有誠信。想做調查主任，就要通過多重招聘考核包括筆試、面試同身體檢查。如果想申請加入執行處，更要參加心理同體能測試！不過由於調查主任招聘人數較少，大家亦可以考慮應徵助理調查主任，起薪點為$20,345。

8）投資銀行iBanker（月薪$45,000～$70,000）

iBanker絕對係令唔少學生趨之若騖嘅工作。喺香港，如果你可以成為iBank嘅Front Office一份子，人工已經超越一般人好多，聽聞最高更有成$70,000！想喺投行工作 ，唔一定要大學本科讀過金融，因為投行有好多不同部門，要求不一。譬如有啲部門著重人際同客戶關係，有啲就可能要法律、會計等方面嘅知識，當然你亦應對金融行業有一定認識同興趣。

9）政府政務主任 / AO（月薪$ 49,445）

政務主任（AO）不但起薪點高，而且仲有機會晉升至秘書長或其他首長級職位！投考AO除咗要中英文流利之外，仲要先通過CRE同JRE，之後又要接受幾輪面試、小組討論政策同個人面試。如此荀工競爭當然十分激烈，政府於上年9月招聘40名AO ，吸引近3萬人報名，即平均475人爭一個位！想突圍而出，大家平日要多留意時事政策，訓練自已多角度思考。如果想體驗一下相關工作，不妨報名參加政府舉辦嘅政務職系實習計劃。

10）駐院醫生（月薪$54,220）

公立醫院的駐院醫生收入相當可觀，起薪點高達54,220元，人工比好多打工仔都高，仲要未計每月固定津貼喎！不過呢份工亦唔易做，除咗要讀6年醫科課程外，亦要進行為期1年嘅實習訓練。近年公立醫院人手短缺問題嚴重，醫生的工作都十分繁重。各位學生朋友如果立志做醫生，就要努力讀書，最重要嘅都係保持愛心同耐性！

延伸閱讀：【求職必讀】見工面試衣著全攻略
延伸閱讀：畢業後第一份保單，應該買乜保險？

想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！

The post 2017年10大起薪點最高 Fresh Grad 職位 appeared first on 理財資訊.

終於又到星期五！ MoneyHero.com.hk 繼續為大家搜羅各大銀行嘅最新信用卡優惠，本星期嘅優惠包括網上購物、餐飲及酒店等，即刻睇睇有乜著數：

1）東亞信用卡：於Ztore士多購物即減$50，兼享10%回贈

網上雜貨平台士多（Ztore）與東亞銀行推出優惠，只要憑東亞信用卡惠顧滿$51，並於結賬時輸入優惠代碼「ZBEA50」，即可享$50折扣！另外，於士多購物滿任何金額，均可享10%「士多拿」購物回贈，於下次惠顧時作現金使用。按此查看優惠詳情。

優惠期：即日至2017年4月30日

按此了解東亞銀行的產品詳情。

2）Citi信用卡：於Amazon簽賬滿US$80，即享10%折扣

現憑Citi信用卡於Amazon單一簽賬滿80美元（不包括運費及折扣）並輸入優惠代碼「CITIHK」 ，可享高達10%即時折扣！此優惠只適用於推廣期內首5,000次之交易，先到先得。另外，購買服飾及鞋類產品滿$150美元，更享免費運送服務至香港，按此瀏覽詳情。

優惠期：即日至2017年3月31日

按此了解更多有關花旗銀行的資訊。

3）Visa Signature/Infinite卡: 沙田凱悅酒店午市套餐買一送一

Visa Signature及Visa Infinite卡不時推出星級餐飲優惠。而家逢星期一至五憑Visa Signature/Infinite卡於沙田凱悅酒店的「沙田18」惠顧午市套餐，即免費尊享同等之午市套餐一份。午市套餐原價$278加一，優惠後平均每人只需$153，有興趣可按此預訂。

（想知最近有乜酒店自助餐優惠，可以睇埋：酒店自助餐優惠大集合）

 4）美國運通卡：入住澳門JW萬豪酒店／澳門麗思卡爾頓酒店，送$500酒店消費額

嚟緊想去澳門玩嘅朋友留意，而家只要憑美國運通卡以「標準房價」預訂澳門JW萬豪酒店 或 澳門麗思卡爾頓酒店之指定客房類別一晚或以上，即送你HK$500酒店住宿消費額，用於支付/扣減客房 住宿及任何相關稅項。查看詳情

優惠期：即日起至2017年7月29日
入住日期：即日起至2017年7月31日
想知道更多信用卡嘅餐飲同購物優惠資訊？立即使用我哋嘅比較工具，搵出最適合你嘅信用卡！

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post MoneyHero.com.hk本周至著數優惠情報（2017年3月10日） appeared first on 理財資訊.

大家都應該聽過 bitcoin （比特幣）依一種網路貨幣，但對佢背後嘅原理可能唔太清楚。到底 bitcoin 屬唔屬於真正嘅貨幣？除咗可以用黎交易外， bitcoin 價格由2013年2月至今，升咗接近40倍，如果你想投資 bitcoin 時，又需要注意啲乜野呢？等MoneyHero.com.hk幫大家了解bitcoin依種新世代網路貨幣吧！

1） bitcoin 到底係唔係貨幣？

大家都應該聽過bitcoin依一種網路貨幣，但對佢背後嘅原理可能唔太清楚，所以不如就由乜野係貨幣開始講起啦。我地依家用緊嘅貨幣，一般都係由國家發行，早期嘅貨幣可能仲會係商品本位或金銀本位制度，即係你可以用實體貨幣，換取金、銀等實體而有價值嘅資源，但近代嘅貨幣，一般已經係符號貨幣，完全建立於人民對貨幣發行國嘅信任。

而bitcoin就係一種加密網際網路貨幣，一般黎講，小寫嘅bitcoin係指貨幣本身，而大寫嘅Bitcoin就係指其背後嘅技術。Bitcoin最主要就係應用咗區塊鏈技術，令到無一個機構可以任意發行貨幣，而係由參與者通過「挖礦」去開發出更多嘅bitcoin。bitcoin總數上限係2100萬，由2009年開始開採，根據推算，到2140年，幾乎所有嘅bitcoin都會完全被開採出黎嫁喇。

而bitcoin與傳統貨幣最大嘅不同有二，第一就係bitcoin有總量嘅上限，長遠黎講，係唔可能滿足社會上會愈黎愈大嘅貨幣需要，其流通性同投資性上嘅衝突係有待處理嘅。而第二點就係，所有bitcoin其實係聯結成一個網路，彼此之間係互通嘅，理論上大家係可以檢查到每一次交易嘅記錄，或者抽象啲講，記錄本身就係交易。

依家唔係咁多國家承認bitcoin為法定貨幣，部分國家如美國，就當bitcoin係一種「財產」，而唔係一種「貨幣」。不過正因為bitcoin可以令到底政府對貨幣嘅控制較少，吸引咗好多需要較隱秘交易、追求自由或投機者使用、買賣及開採bitcoin。

2）了解區塊鏈

區塊鏈（blockchain）係由Bitcoin衍生出黎嘅連結技術，最初係由Bitcoin嘅創辦人中本聰提出。bitcoin之間會組成一個網路，網路係由內含交易資料嘅區塊（block）組成，所以，所有bitcoin嘅交易資料就會儲存入blockchain裡，blockchain其實就係所有參與者組成嘅分散式資料庫。由於交易需要經過資料運算而確認，所以bitcoin會通過挖礦機制（mining），以一定數量嘅bitcoin同手續費，吸引用家提供電影運算資源去運作Bitcoin系統，於是就衍生咗bitcoin礦工這「工作」了。

想了解更多有關投資嘅資訊？相關閱讀：月供股票 攻略：由$1,000開始投資！（2017年3月更新）

3）你都想做 bitcoin 礦工嗎？

只要開放屋企部電腦作為運算資源，就可以賺到bitcoin，你都想加入bitcoin礦工巿場？早期嘅bitcoin礦工，都係用CPU產品黎挖礦，個人電腦其實都可以用黎開礦，不過，隨著挖礦人數同裝置效能不斷提升，依家大部分挖礦者都係使用專業版嘅集群式ASIC挖礦裝置，個人電腦挖礦已經無利可圖嫁喇。

4） bitcoin 作為投資工具？

上面都提到，因為數量受限制又可以用黎進行較隱閉嘅交易，bitcoin成為咗炒賣嘅貨品之一，不過因為安全性等因素，bitcoin嘅巿場價格浮得得好犀利。根據CoinDesk嘅Bitcoin Price Index，係2010年1月，每bitcoin巿價為US＄0.06，喺2013年2月升穿US＄30關口，同年8月就穿破US＄100。

以為半年升三倍多好誇張？同係2013年嘅10月至11月期間，bitcoin價格瘋狂上升至US＄900水平，如果你喺2013年年頭入手bitcoin，一年間你會賺到接近30倍！

不過bitcoin升到當時歷史高位後，開始出現問題，2014年全球最大嘅bitcoin交易平台Mt.Gox，被駭客透過系統漏洞竊取850,000個bitcoin，Bitcoin安全受質疑，在2014年年尾，又下跌回US＄300水平。

但在低位上下一段時間後，受惠於中國巿場熱錢湧至等巿場因素，bitcoin在2015年9月開始拾級而上，去到2017年3月9日，巿價係接近歷史高位嘅US＄1,157。

就算唔當bitcoin係貨幣，作為投資工具，佢可能出現嘅高回報，都吸引咗好多投資者入場。不過，正如香港消委會所講，bitcoin等虛擬貨幣因為其交易平台由私人創立同管理，暫時在大部分國家都不受任何政府機構監管，風險比較高，大家如果想加入投資bitcoin嘅行列，就要小心評估風險喇！

相關閱讀：股票投資新手攻略：港股之入門

想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！

The post 投資 bitcoin，你要知道的4件事 appeared first on 理財資訊.

想無限任睇大熱歐美劇集，喺香港大部分人都揀用Netflix。Netflix作為全球最大嘅串流影片服務商之一，擁有唔少高質自家製素劇集，例如《House of Cards》、《The Crown》、 《Stranger Things》等等。不過另一邊廂，佢嘅主要對手Amazon Prime Video最近亦登陸香港，讓各位歐美劇迷有多個選擇！MoneyHero.com.hk今次就同大家比較下Netflix同Amazon Prime Video嘅「Package」， 睇下邊個抵啲！

1）月費及功能

Netflix 及Amazon Prime Video 分別提供1個月及7日試用期，試用期間可以免費任睇，之後就要開始俾月費。

Netflix 的月費計劃分為基本（HK$63）、標準（HK $78）及高級（HK $93），3種計劃均可無限任睇，唯一分別係影片品質及可共用裝置數量。基本計劃只限普通畫質，只可同時用一個裝置觀賞；標準計劃會員可播放高清畫質，最多可2個裝置同時觀賞；高級計劃則開放超高清畫質（即4k解像度），最多可4個裝置同時觀賞，即可以4個人Share用一個Plan。

Amazon Prime Video則推出更平嘅月費硬撼Netflix，首 6 個月月費只需HK$23.2(US$2.99)，其後每月亦只需HK$ 46.5 (US$5.99)，比Netflix平一大截。而且呢個月費已包括超高清4K畫質，並且可3個裝置同時觀看。

因此，以月費同功能嚟講，Amazon Prime Video嘅性價比更勝一籌。

（Netflix 及Amazon Prime Video嘅月費需要用信用卡繳付，MoneyHero.com.hk嘅比較平台可幫你比較全港邊張信用卡至好用，經本網申請信用卡仲有額外現金劵送！）

2）影片種類

對好多人嚟講，價錢未必係最主要嘅因素，最重要係裡面究竟有冇你想睇嘅片。

Amazon Prime Video共有約2,000套劇集及18,000套電影可供點播，總數足足係Netflix嘅一倍，當中出名嘅電影數之不盡，例如《職業特工隊》、《鐵甲奇俠》、《盜墓迷城》、《狂野時速》、《雨果的巴黎奇幻歷險》、《教父》等等。

Amazon Prime Video嘅電影選擇明顯比Netflix多，不過Netflix嘅電視劇集卻更具吸引力。Netflix每年都推出多部人氣爆燈嘅原創劇集，而且質素有口皆碑。近期大熱劇集，包括《勁爆女子監獄》、《怪奇物語》、《紙牌屋》等，皆屬Netflix原創作品，Amazon Prime Video 雖然都有原創劇集，但產量同人氣都唔及Netflix。

總括而言，Amazon Prime Video以電影取勝，Netflix則以原創劇集取勝，以兩者可以話係各有市場。

3）介面及字幕

Netflix之所以成功打入香港市場，好大程度係因為佢設有中文版介面，而且大部分影片都有中文字幕，讓聽唔明英文嘅人士都享受到煲劇嘅樂趣。而剛剛登陸香港嘅Amazon Prime Video，網頁目前只提供英文版，亦只有少數影片有中文字幕，相信現階段會令唔少人望而卻步。希望未來Amazon Prime Video會推出更多有中文字幕嘅電影及劇集吧！

延伸閱讀：【聽歌必備】5大香港 音樂串流 Apps大比拼

想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！

The post Netflix VS Amazon Prime Video 歐美煲劇神器大比併 appeared first on 理財資訊.

用信用卡有策略地咁去儲分、儲里數，好多人都知同識玩，玩得好叻嘅亦不在少數。但係同一時間，對於好多不問世事嘅現金族嚟講，其實信用卡好大程度上只係因為某啲生活環節度佢「要」一張信用卡去俾某啲嘢時先用嘅支付工具，即使佢哋銀包有信用卡，但最後無論係去餐廳食飯埋單，定係每日搭車用果一張八達通增值，都係用之前去ATM撳定嘅大牛同埋紅衫魚出嚟找數。

積分同里數響現金族嘅生活中，既虛無，又飄渺。平時唔多用卡，積分里數儲嚟結果無換到啲乜嘢，積分里數到頭來都只係過期蝕走咗。

不過優惠虛無飄渺絕對唔等於無著數等住現金族嘅！

市面上其實都有好幾張標榜「現金回贈」嘅信用卡，「現金回贈」響呢個層面，就係找下個月結單卡數時找少啲。對於平時少用信用卡嘅現金族嚟講，可以咁樣解釋：駛一百蚊只係找九十幾蚊卡數，又唔駛怕積分里數過期，唔駛諗唔駛記唔駛上網換禮物轉里數打電話出機票。雖然現金族結果都係要現金找卡數，但係卡數即時（或者幾十日之後響月結單上面）真係慳咗，都不失為一個好好嘅選擇。

現金回贈信用卡好多時個回贈金額都唔會輸俾儲積分、里數嘅信用卡，最低嘅現金回贈卡，每$250消費就找$1卡數，即係有0.4%回贈額，其實都已經同市面上絕大部份信用卡嘅基本優惠相同。DBS Eminent Card、大新One+信用卡同安信EarnMore白金卡就做到每$100就回贈$1，回贈率就有足足1%；而DBS Eminent Card就響網上外幣簽賬同海外銷費時有多1%回贈；大新One+卡就響連結咗AndroidPay之後，用手機俾錢時回贈多1%。令到個回贈率推到去2%！另外，安信最近推出嘅WeWa信用卡，除左0.4%嘅基本回贈外，響指定消閒娛樂類別商戶消費嘅話，更可以做到每$250回贈$10添！

不過，現金回贈信用卡亦唔係無弱點──例如，大部份嘅回贈金額係有比儲積分同里數嘅卡嚴格嘅條件，除左現金透支、貸款分期一類無回贈之外，部份卡連免息消費分期都無得計落現金回贈。同時，高回贈率嘅現金回贈信用卡，佢哋嘅不定期特別消費優惠一般嚟講都會比普通信用卡少，甚至無添！雖然就咁睇落去條件好似苛刻左啲，但係如果你係本身都唔會用到免息分期購物嘅現金族、或係唔想計住就住用卡、又或者唔想俾各種優惠登記、兌換手續煩嘅朋友嚟講，差別唔係咁大，因為去到每個月找卡數時其實都係俾少咗錢嘅～

延伸閱讀：信用卡獎賞：飛行里數 Vs 現金回贈，邊樣抵啲？

(*根據2017年3月14日的市場資訊)

按此查看更多花旗銀行、美國運通及DBS等銀行的信用卡產品資訊。

延伸閱讀：嚴選八達通自動增值最佳信用卡

立即再睇睇我哋嘅信用卡攻略大全，睇晒每張卡嘅回贈比率同飛行里數兌換率等等資訊，又或者去我哋嘅比較平台，所有信用卡資料一目了然！

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 真·著數？現金回贈信用卡大剖析 appeared first on 理財資訊.

新上任嘅財政司司長陳茂波，剛發表最新一份財政預算案 ，普羅大眾最關心嘅當然就係有冇「糖」派。今年派糖開支共涉351億元，比上年少10%，主要措施同上年大同小異，重點都係退稅同埋綜緩「出雙糧」，而前幾年都有發行嘅Ibond今年就冇再推出了。值得一提嘅係，薪俸稅邊際稅階由4萬提升至4.5萬元，即係打工仔以後可以交少啲稅喇！以下MoneyHero.com.hk為大家選出財政預算案一啲重點：

 1）一般市民

• 寬減75%薪俸稅及利得稅（上限2萬元）
• 擴闊薪俸稅邊際稅階至4.5萬元，政府每年的稅收減少15億元，全港130萬名納稅人受惠
• 增加傷殘受養人免稅額至7.5萬元、增加供養兄弟姊妹免稅額至3.75萬元
• 個人進修開支最高扣除額增至10萬元
• 綜緩、高齡津貼、長者生活津貼或傷殘津貼、低津及鼓勵就業交通津貼出雙糧
• 繼續寬減4季差餉（每戶每季1000元）估計涉及320萬個物業

2）社會福利

• 增撥2.53億提供資助安老宿位和長者日間護理服務
• 增撥5.82億支援有特殊需要的兒童及其家長
• 增撥1.76億支援殘疾人，提供住宿照顧、日間訓練及職業康復服務和學前康復服務
• 放寬「長者生活津貼」的資產上限，並增加一層高額援助，即係話符合資格的長者可得到更多嘅津貼

3）醫療衛生

• 將長者醫療券的受惠年齡由70歲降至65歲
• 增加病床和普通科門診診症名額、提升專科門診和急症室的服務量
• 讓較年老和較有經濟需要的長者生活津貼受惠人免費使用公立醫院及診所服務

4）房屋及土地

• 由2016-17至2020-21年度，預計供應9.45萬個公營房屋單位
• 2017-18年賣地計劃共有28幅住宅用地，可供興建約1.9萬個單位，其中20幅是新增用地
• 撥款3億支援樓宇復修

5）教育

• 2017/18學年起落實免費優質幼稚園教育政策，學前教育開支增至67億元
• 2018/19學年起，將指定專業／界別資助計劃恆常化，資助學額會增加至每屆約3000個，估計每學年有13,000名學生受惠。

6）創新科技

• 推出20億元的「創科創投基金」，透過大約1：2的資金配對比例，與風險投資基金共同投資在香港創立的初創企業。
• 預留100億元支援香港的創科發展

7）旅遊業

• 豁免逾1.3億元旅遊業牌照費，包括旅行社、酒店和旅館、食肆、小販及受限制食物售賣許可證
• 撥款2.4億元，增加香港作為旅遊目的地的吸引力，吸引高消費旅客

8）基礎建設

• 來年度基本工程開支增40%至868億元
• 計劃在啟德發展區興建大型新急症全科醫院，設立全港首個神經科學中心，重建或擴建超過10間醫院，涉及金額2000億元
• 建造啟德體育園，包括容納5萬人的主題館、公眾運動場和大型室內體育館，支出約319億元
• 大力推展多個跨境及境內項目，包括蓮塘／香園圍口岸、將軍澳-藍田隧道、中九龍幹線等

9）政府開支

• 政府增加3,378個職位，其中五大紀律部隊職位佔64%，入境處新開職位以711人稱冠；其次是增聘608人的警隊；相反，醫院管理局則減聘156人

——

想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！

The post 【派糖措施逐個睇】2017財政預算案9大重點 appeared first on 理財資訊.

DBS Eminent Card一向主打現金回贈，不過上一輪優惠去到今個月就結束，之後有乜新搞作？DBS啱啱就公布咗一系列全新優惠！ 等MoneyHero.com.hk同大家率先介紹：

(1) 全年禮遇：本地簽賬1%回贈，外幣簽帳2%現金回贈！

由即日起，DBS Eminent Card所有本地零售簽賬都可享1%現金回贈， 外幣簽帳更有2%現金回贈，足夠抵消外幣簽帳手續費！回贈不設上限，亦不設最低簽賬要求，無論簽幾多都有回贈，啱晒啲唔鐘意計數嘅朋友。回贈將會以DBS$存至你的DBS Eminent Card賬戶，再按你的選擇轉換為現金回贈、現金券或禮品。

(2) 迎新優惠：高達$1,000簽帳回贈，經MoneyHero申請額外送$400 回贈！

新客戶於2017年5月31日前成功申請DBS Eminent Card，簽帳期內所有合資格零售簽帳均可獲8%現金回贈，回贈上限為$1,000。換句話說，即係簽夠$12,500就可以拎晒$1,000現金回贈（現有客戶回贈上限為$500）。

現經MoneyHero.com.hk申請，你仲可以享額外$400 回贈，包括$300直接現金回贈及$100現金劵！（推廣期至2017年3月31日)

(3) 其他禮遇

• 於The Grand Cinema購買逢星期五、六上映之戲票正價戲票，可享買一送一優惠，購買其他場次嘅2D正價戲票亦可享8折優惠
• 全港食肆簽賬3X DBS$（總計可享1.2%回贈）
• Visa Signature 專屬餐饗禮遇，包括多間酒店餐廳的買一送一優惠 ( 只限DBS Eminent Visa Signature Card）
• 每季簽滿HK$100,000，可享免費機場橋車接送一次 ( 只限DBS Eminent Visa Signature Card）

想知更多有關DBS Eminent 卡優惠詳情，請瀏覽DBS網站。

DBS Eminent Card 詳細資料

信用卡種類：Visa Signature / Visa Platinum
年薪要求：36萬 (Visa Signature) / 15萬 (Visa Platinum)
本地簽賬：1%回贈
外幣簽賬：2%回贈
外幣交易手續費：1.95%
網上繳費賬單積分/里數：沒有
八達通自動增值：1% 回贈
電子錢包增值：1% 回贈
自動轉賬繳交賬單：1% 回贈
積分有效期：永久
兌換里數手續費：每換5,000里數收$50，上限為$300

按此瀏覽更多星展銀行產品。

想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！

The post DBS Eminent Card 全新優惠：經本網申請尊享$1,400回贈！ appeared first on 理財資訊.

用信用卡有策略地咁去儲分、儲里數，好多人都知同識玩，玩得好叻嘅亦不在少數。但係同一時間，對於好多不問世事嘅現金族嚟講，其實信用卡好大程度上只係因為某啲生活環節度佢「要」一張信用卡去俾某啲嘢時先用嘅支付工具，即使佢哋銀包有信用卡，但最後無論係去餐廳食飯埋單，定係每日搭車用果一張八達通增值，都係用之前去ATM撳定嘅大牛同埋紅衫魚出嚟找數。

積分同里數響現金族嘅生活中，既虛無，又飄渺。平時唔多用卡，積分里數儲嚟結果無換到啲乜嘢，積分里數到頭來都只係過期蝕走咗。

不過優惠虛無飄渺絕對唔等於無著數等住現金族嘅！

市面上其實都有好幾張標榜「現金回贈」嘅信用卡，「現金回贈」響呢個層面，就係找下個月結單卡數時找少啲。對於平時少用信用卡嘅現金族嚟講，可以咁樣解釋：駛一百蚊只係找九十幾蚊卡數，又唔駛怕積分里數過期，唔駛諗唔駛記唔駛上網換禮物轉里數打電話出機票。雖然現金族結果都係要現金找卡數，但係卡數即時（或者幾十日之後響月結單上面）真係慳咗，都不失為一個好好嘅選擇。

現金回贈信用卡好多時個回贈金額都唔會輸俾儲積分、里數嘅信用卡，最低嘅現金回贈卡，每$250消費就找$1卡數，即係有0.4%回贈額，其實都已經同市面上絕大部份信用卡嘅基本優惠相同。DBS Eminent Card、大新One+信用卡同安信EarnMore白金卡就做到每$100就回贈$1，回贈率就有足足1%；而DBS Eminent Card就響網上外幣簽賬同海外銷費時有多1%回贈；大新One+卡就響連結咗AndroidPay之後，用手機俾錢時回贈多1%。令到個回贈率推到去2%！另外，安信最近推出嘅WeWa信用卡，除左0.4%嘅基本回贈外，響指定消閒娛樂類別商戶消費嘅話，更可以做到每$250回贈$10添！

不過，現金回贈信用卡亦唔係無弱點──例如，大部份嘅回贈金額係有比儲積分同里數嘅卡嚴格嘅條件，除左現金透支、貸款分期一類無回贈之外，部份卡連免息消費分期都無得計落現金回贈。同時，高回贈率嘅現金回贈信用卡，佢哋嘅不定期特別消費優惠一般嚟講都會比普通信用卡少，甚至無添！雖然就咁睇落去條件好似苛刻左啲，但係如果你係本身都唔會用到免息分期購物嘅現金族、或係唔想計住就住用卡、又或者唔想俾各種優惠登記、兌換手續煩嘅朋友嚟講，差別唔係咁大，因為去到每個月找卡數時其實都係俾少咗錢嘅～

延伸閱讀：信用卡獎賞：飛行里數 Vs 現金回贈，邊樣抵啲？

(*根據2017年3月14日的市場資訊)

按此查看更多花旗銀行、美國運通及DBS等銀行的信用卡產品資訊。

延伸閱讀：嚴選八達通自動增值最佳信用卡

立即再睇睇我哋嘅信用卡攻略大全，睇晒每張卡嘅回贈比率同飛行里數兌換率等等資訊，又或者去我哋嘅比較平台，所有信用卡資料一目了然！

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 真·著數？現金回贈信用卡大剖析 appeared first on 理財資訊.

今日又係開開心心星期五！大家嚟緊Weekend想做啲咩呢？無論想食吓好嘢，想Shopping，定係會上網搵下平機票，Plan定下一次旅行，都要睇下MoneyHero.com.hk為大家搜羅嘅一系列優惠！即刻同大家匯報下今星期有乜新著數：

美國運通卡：訂購 HK Express「自由飛」機票，可獲8折優惠

聽講因為中國最近實施「限韓令」嘅關係，飛韓國嘅機票平咗好多！想趁低吸納嘅朋友，記得用埋AE卡找數！因為而家憑美國運通卡於HK Express網頁訂購「自由飛」機票，輸入優惠代碼 “HKAMEX20”，即可獲8折票價優惠！立即進入HK Express網頁訂機票啦 ~

優惠期：即日至2017年3月20日

按此了解更多有關美國運通的資訊。

銀聯信用卡：於Ctrip預訂澳門酒店滿HKD1,200，即減HKD120

冇得請假但又想走出香港？近近地去澳門都係個唔錯嘅選擇。現憑銀聯信用卡於Ctrip網站預訂酒店滿HKD1,200，並輸入優惠代碼 「UPIMACAU」，即減HKD120！此優惠需要以Ctrip會員身份預訂方可享用。按此查看優惠詳情

優惠期：即日至2017年5月31日

Häagen-Dazs外賣雙球雪糕買一送一

Häagen-Dazs最近推出春季限定新口味，又「順便」出埋買一送一優惠！嚟緊3月23至29號期間，於Häagen-Dazs™專門店用八達通付款購買全新季節限定外賣雙球雪糕，2人同行只需畀1人價錢，即係HKD$63，就可以得到2客雙球雪糕！（4球中必須至少1球為接骨木花黑加侖子雪糕/玫瑰紅桑子荔枝雪糕味）優惠詳情

優惠期：2017年3月23日至29日

八達通：申請八達通自動增值，送你高達HK$150增值額

你申請咗八達通申請自動增值未？而家只要於5月31日前完成登記，並於6月30日前完成首次自動增值，即送你高達$150八達通增值額！成功申請$500自動增值金額的客戶，可獲贈$150八達通增值額，而選擇$250或$150自動增值金額的合資格客戶，可獲贈$50八達通增值額！按此進入登記網頁

八達通申請自動增值除咗可以免卻排隊增值之不便外，仲可以用信用卡賺埋里數同現金回贈！即刻睇埋：嚴選 八達通自動增值 最佳信用卡

優惠期：即日起至2016年5月31日
想知道更多信用卡優惠資訊？立即使用我哋嘅比較工具，搵出最適合你嘅信用卡！

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post MoneyHero.com.hk本周至著數優惠情報（2017年3月17日） appeared first on 理財資訊.

「一名酒後駕駛者奪去強仔爸爸」、「酒精害人，開車前咪飲」 、「飲少少無事嘅」……呢啲說話相信大家喺電視都聽過唔止一次，身為司機嘅你，駕車小心確然係應該嘅態度，不過意外嘅嘢又真係好難預計。呢個時候一份好嘅汽車保險就好重要嘞！不過，汽車保險又包括第三者保險同汽車綜合保險，究竟兩者有咩唔同？邊種保險計劃嘅保障又更加全面呢？等MoneyHero.com.hk逐一為你講解！

根據運輸署統計嘅資料，喺2015年道路交通意外高達16,170宗，比2014年嘅15,790宗多出380宗或2.4%（見表一），而全年交通意外總傷亡人數再次超過20,000人（見表二），死亡率由2014年的2.19%增加至2015年嘅2.61%。

表一：近年交通意外宗數

 表二：交通意外總傷亡人數

雖則話：「揸車小心，大家安心」，無論你手車有幾安全都好，交通意外防不勝防，所以喺香港買第三者保險係法例上最低要求；不過呢個世界仲有一樣嘢叫做「綜合汽車保險」嘅。

咩係第三者保險?

先講講大家都聽慣聽熟個份第三者保險。第三者保險又叫做第三保，顧名思義係就除咗你同我之外嘅「第三個」人至有得保（即係任何保險單持有人同埋司機以外嘅一方或者人士），即係話呢份嘢只會保障第三者人身傷亡或者財物損毀嘅賠償。如果你買咗第三保，係意外中你部車受到損壞，甚至要報銷的話，你就要自己揞荷包支付所有嘅維修費用，因為你並唔係「第三個」人，所以呢份單你係唔會有任何受保。

唔好話份單無用住先，Touch wood講句，若果你揸住架車唔小心剷咗上行人路兼撞傷咗個人嘅話，咁呢份單就可以幫你去賠比俾個傷者啦。仲有，其實第三者火險同盜竊險係可以為你嘅車提供額外嘅保障嘅，皆因喺保單嘅世界，保單會將車呢樣嘢視為你嘅「個人財產」，咁即係話你可以因火災或者失竊所引致嘅損失嚟向保險公司就你嘅「個人財產」作出索償。

不過，平時睇新聞，十單交通意外有八單都係揸車撞親人嗰位司機肇事司機受傷，甚至不幸離世，若然肇事司機只係買咗最基本要求嘅第三保的話，根據保單條款，佢係得唔到任何賠償。

綜合汽車保險又即係點?

至於綜合汽車保險，聽個名就知道好似乜都包乜都保，其實綜合汽車保險保障範圍不單止cover到第三者保險同埋司機嘅意外傷亡賠償，仲包埋受保汽車同配件或者零件係交通意外中嘅損毀；甚至包埋因火警、閃電、颱風、盜竊、「車炒車」、高空墮物等造成嘅損失，確實係一種汽車保險嘅「全包宴」。（當然啦，每間保險公司所包嘅範圍同起因各有不同嘅，詳情可以望望份保單嘅。）

仲有，有啲保險公司推出嘅綜合汽車保險會提供額外嘅保障，例如受保汽車喺首次登記後嘅12個月內（即受保汽車車齡不足1年），而因為交通意外引致total loss（完全損毀）嘅話，咁投保人就可以得到 「同款新車賠償」嘅保障；又有啲保險公司設有24小時交通意外善後熱線，包括路邊緊急維修、拖車等轉介服務，同埋一般索償諮詢服務等。

買第三者保險同綜合汽車保險要幾錢?

講到呢度，相信大家都想知道到底要買一份第三者保險或綜合汽車保險要幾多錢。老老實實，呢類保險計劃係要根據返申請人嘅個人資料先至可以做一個估算，例如：申請人部車嘅製造商、車嘅型號、生產年份、申請人嘅職業、年齡、揸咗幾多年車、過去三年有無涉及過交通意外、保險索償或者嚴重違例駕駛事項，同埋過去36個月有否累積超過8分違例駕駛記分等等，呢啲情況case by case，最好都係問問你相熟嘅保險經紀。

不過，係車保嘅世界有一樣嘢叫做「墊底費」，「墊底費」正式嘅名稱係「自負額」，即係話一旦意外發生車主進行索償時必須承擔嘅開支金額。綜合汽車保險，即係「全保」嘅墊底費可以分為「一般墊底費」、「盜竊墊底費」、「不記名駕駛者墊底費」、「第三者財物損壞墊底費」同「年輕及經驗不足駕駛者墊底費」等。而保險公司通常都會根據投保人嘅年齡、牌齡、車款、投保額、意外紀錄等資料作為計算嘅基礎，但唔同公司就梗係有唔同嘅計算方法，所以當你嘗試為車保保費格價時，你可能會發現唔同保險公司嘅墊底費會有極大嘅分別！

其實，無論買第三者保險又好，綜合汽車保險都好，揸車嘅守法駕駛仍然係重中之重；而市民大眾作為道路使用者，亦要負起道路安全責任。講到尾，買保險始終係一份保障，但相信你都唔會想走去claim保險掛。

除咗汽車保險外，你可能亦需要一份保障全面嘅本地醫療保險、環球醫療保險或者旅遊保險，立即上我哋嘅比較平台，找出最適合你嘅保險產品啦！

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【駕車人士須知】汽車綜合保與第三保的大不同 appeared first on 理財資訊.

用信用卡有策略地咁去儲分、儲里數，好多人都知同識玩，玩得好叻嘅亦不在少數。但係同一時間，對於好多不問世事嘅現金族嚟講，其實信用卡好大程度上只係因為某啲生活環節度佢「要」一張信用卡去俾某啲嘢時先用嘅支付工具，即使佢哋銀包有信用卡，但最後無論係去餐廳食飯埋單，定係每日搭車用果一張八達通增值，都係用之前去ATM撳定嘅大牛同埋紅衫魚出嚟找數。

積分同里數響現金族嘅生活中，既虛無，又飄渺。平時唔多用卡，積分里數儲嚟結果無換到啲乜嘢，積分里數到頭來都只係過期蝕走咗。

不過優惠虛無飄渺絕對唔等於無著數等住現金族嘅！

市面上其實都有好幾張標榜「現金回贈」嘅信用卡，「現金回贈」響呢個層面，就係找下個月結單卡數時找少啲。對於平時少用信用卡嘅現金族嚟講，可以咁樣解釋：駛一百蚊只係找九十幾蚊卡數，又唔駛怕積分里數過期，唔駛諗唔駛記唔駛上網換禮物轉里數打電話出機票。雖然現金族結果都係要現金找卡數，但係卡數即時（或者幾十日之後響月結單上面）真係慳咗，都不失為一個好好嘅選擇。

現金回贈信用卡好多時個回贈金額都唔會輸俾儲積分、里數嘅信用卡，最低嘅現金回贈卡，每$250消費就找$1卡數，即係有0.4%回贈額，其實都已經同市面上絕大部份信用卡嘅基本優惠相同。DBS Eminent Card、大新One+信用卡同安信EarnMore白金卡就做到每$100就回贈$1，回贈率就有足足1%；而DBS Eminent Card就響網上外幣簽賬同海外銷費時有多1%回贈；大新One+卡就響連結咗AndroidPay之後，用手機俾錢時回贈多1%。令到個回贈率推到去2%！另外，安信最近推出嘅WeWa信用卡，除左0.4%嘅基本回贈外，響指定消閒娛樂類別商戶消費嘅話，更可以做到每$250回贈$10添！

不過，現金回贈信用卡亦唔係無弱點──例如，大部份嘅回贈金額係有比儲積分同里數嘅卡嚴格嘅條件，除左現金透支、貸款分期一類無回贈之外，部份卡連免息消費分期都無得計落現金回贈。同時，高回贈率嘅現金回贈信用卡，佢哋嘅不定期特別消費優惠一般嚟講都會比普通信用卡少，甚至無添！雖然就咁睇落去條件好似苛刻左啲，但係如果你係本身都唔會用到免息分期購物嘅現金族、或係唔想計住就住用卡、又或者唔想俾各種優惠登記、兌換手續煩嘅朋友嚟講，差別唔係咁大，因為去到每個月找卡數時其實都係俾少咗錢嘅～

延伸閱讀：信用卡獎賞：飛行里數 Vs 現金回贈，邊樣抵啲？

(*根據2017年3月14日的市場資訊)

按此查看更多花旗銀行、美國運通及DBS等銀行的信用卡產品資訊。

延伸閱讀：嚴選八達通自動增值最佳信用卡

立即再睇睇我哋嘅信用卡攻略大全，睇晒每張卡嘅回贈比率同飛行里數兌換率等等資訊，又或者去我哋嘅比較平台，所有信用卡資料一目了然！

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 真·著數？現金回贈信用卡大剖析 appeared first on 理財資訊.

申請信用卡時，我哋通常比較著重張卡有幾多回贈、有咩迎新禮物等等。但除咗呢啲著數之外，發卡機構所提供嘅各種服務都不可小覷！以VISA為例，只要你擁有年薪十多萬就申請到嘅白金卡、或者更尊貴嘅Visa Signature/Infinite卡，就可以享有貼心嘅「秘書服務」！另外仲有遇到意外時超有用嘅緊急服務，以及尊尚卡嘅專屬優惠等，讓MoneyHero.com.hk同大家逐一介紹！

1） 幫忙預訂行程：VISA秘書服務

去外地旅行，少不免要花時間安排當地嘅交通食宿，若遇到語言不通嘅問題，就可以使用 VISA秘書服務！VISA客戶服務團隊有多國語言支援，可以幫你致電全球不同國家地區，代你預訂一切當地所需，無論係訂住宿、餐廳、租車、訂演唱會門票等等，都可以搵佢哋幫手，而且費用全免！

有乜情況下需要搵VISA秘書幫手呢？例如話日本好多出名餐廳都需要幾星期前打電話去預約，不過好多時候店家都唔識英文，難以溝通，咁VISA呢個服務就解決到「雞同鴨講」嘅問題了。要使用呢個服務非常簡單，只要去Visa官網填寫簡單申請表格即可，客戶服務團隊通常會於1-3日內回覆。卡戶可透過以下連結進入表格：

Visa白金卡：按此進入
Visa Signature卡：按此進入
Visa Infinite卡：按此進入

如果希望更快獲得回覆，亦可直接致電客戶服務熱線，VISA客戶服務中心支援七種常用亞洲語言，包括廣東話、國語、英文等等，亦提供三十多個國家/地區的免付費電話，24小時全天候提供服務。所以即使身在外地，也可以隨時致電。你可從以下連結查詢熱線電話：

Visa白金卡：按此查詢
Visa Signature卡：按此查詢
Visa Infinite卡：按此查詢

2）全球支援：24小時緊急服務

可以話係旅途中最常見嘅意外就係失竊。大家去旅行當然都希望一路順風，不過萬一真係遺失身上財物，除咗報警同Cut卡之外，亦可透過撥打上述的VISA客戶服務熱線，使用VISA「緊急預借現金服務」及「緊急卡片補發服務」。VISA全球擁有龐大嘅網絡，無論你身處世界上邊個角落，都總會搵到專人打救你，令人不至於因為遺失財物而手足無措。

3）Visa Signature 及Visa Infinite專享：獨家商戶優惠

與其他發卡機構一樣，VISA與全球多個商戶合作推出信用卡優惠。然而，有啲優惠唔係所有 VISA卡 都適用，而是只限較尊尚的Visa Signature 及Visa Infinite卡戶享用。呢啲專屬優惠當中，大部分係本地及海外嘅高級餐飲優惠，如酒店商務套餐買一送一等。近期部分優惠如下：

1. 香港怡東酒店 : 於ToTT’s and Roof Terrace享用指定晚餐，即可免費獲贈相同套餐一份（優惠期至2017 年 06 月 30 日）
2. 澳門文華東方酒店：惠顧御苑餐廳指定之3道菜式商務午餐乙份，可額外免費獲贈3道菜式商務午餐乙份（優惠期至2017 年 09 月 30 日）
3. 香港沙田凱悅酒店：於咖啡廳惠顧午市／下午茶自助餐，免費尊享同等之自助餐一份（優惠期至2017 年 10 月 31 日）
4. 尖沙咀美麗華酒店：自助午餐逢星期一至四買一送一（優惠期至 2017 年 11 月 30 日）

如欲查看最新優惠，可按此瀏覽。

Visa 信用卡推介

講咗咁耐，到底有邊張VISA信用卡好用？MoneyHero.com.hk有以下推介：

 DBS Eminent Visa Signature Card

DBS Eminent Visa Signature Card申請門檻為年薪36萬。憑此卡消費，所有合資格本地零售簽帳都有1%回贈，外幣簽帳更享2%回贈，而且不設回贈上限！呢張卡幾乎買乜都有回贈，而且回贈率唔低，啱晒啲鍾意方便、唔想計數嘅朋友！

迎新禮遇：新客戶於2017年5月31日前成功申請DBS Eminent Card，簽帳期內所有合資格零售簽帳均可獲8%現金回贈，回贈上限為$1,000。換句話說，即係簽夠$12,500就可以拎晒$1,000現金回贈（現有客戶回贈上限為$500）。 經MoneyHero.com.hk申請Eminent Card，你仲可以享額外$400 回贈，包括$300直接現金回贈及$100現金劵。

• 年薪要求：HK$360,000
• 外幣簽帳：2.00%回贈
• 本地簽帳：1.00%回贈

（如果年薪唔夠36萬，亦可申請DBS Eminent Visa Platinum Card，回贈率同迎新禮遇都係一樣，年薪要求只係15萬。）

匯豐Visa Signature卡

匯豐Visa Signature卡帶俾你優厚嘅「獎賞錢」回贈，因為賺到基本的「獎賞錢」之外，6個指定簽賬類別都可享額外3X「獎賞錢」，即等同所有簽賬都享有1.6%現金回贈！此外，將最常用嘅簽賬類別登記「最紅自主奬賞」計劃，該類別仲可以賺埋額外5X「獎賞錢」，即合共9X「獎賞錢」，相等於3.6%現金回贈！

近日匯豐更額外推出2個優惠：(1) 2017年5月21日前成功申請，全新客戶於發卡後6個月內的合資格網上、飲食及海外簽帳，均可獲得額外10X「獎賞錢」（上限為$400「獎賞錢」）；(2) 「最紅網上及海外簽帳獎賞」類別可賺額外5X「獎賞錢」（最多可賺$600「獎賞錢」）。

• 年薪/資產要求：HK$480,000年薪 或 HK$600,000資產
• 本地及海外簽賬：1.60%回贈
• 最紅自主奬賞：3.60%回贈

WeWa 白金卡

WeWa白金卡係近期新推出嘅信用卡，主打娛樂消費嘅現金回贈，凡屬於旅遊、主題公園、睇戲、唱K嘅商戶類別，每簽$250即賺$10現金回贈（即等同4%回贈），以低門檻卡嚟講算係唔錯！

迎新禮遇：發卡後首90天內憑新卡零售購物金額滿HK$8,500 可享$500 回贈，經MoneyHero.com.hk申請額外再送$200 現金回贈及3張UA戲飛！

• 年薪要求：HK$150,000
• 旅遊、主題公園、戲院、唱K：4.00%回贈
• 其他簽帳：0.40%回贈

想知道更多信用卡優惠資訊？立即使用我哋嘅比較工具，搵出最適合你嘅信用卡！

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【旅遊好幫手】你不可不知的 VISA卡 尊貴服務 appeared first on 理財資訊.

貸款聽落好似好簡單，有借有還中間加啲息。不過當中點樣計息、銀行批核標準係點、銀行之間會唔會溝通等等嘅問題可能好多人心入面都有疑問。同樣信用卡、按揭、保險等等亦有好多細節要留意返。根據多年銀行及金融業工作嘅經驗，我會盡量喺呢個專輯總結一啲有用嘅資訊俾大家參考，希望可以深入淺出解釋各種理財產品，等大家一齊做個理財達人。

第一炮我會同大家介紹一種比較特別嘅貸款產品 — 循環貸款。循環貸款同分期貸款最大的分別係無還款期或者每月固定還款額。佢有一個信貸額，只要你每個月至少還最低還款額，貸款隨時可以還，又隨時可以再借過。佢嘅運作原理就好似信用卡咁，不過唔係碌卡而係禁錢啫，亦唔會好似信用卡咁有高達59日免息還款期，而利息係每日單息、每月複息咁計算嘅。

例如，你嘅信貸額係$100,000，批核年利率係5% p.a. （實際年利率喺循環貸款嚟講相對無太大意義），假設你一開始提取全數$100,000，一個月之後月結單顯示嘅總結欠應該係

原結欠$100,000 + 利息$100,000 x 5% x 30 / 365 = $100,411*

此時你必須償還最低還款額3.5% ($100,411 x 3.5% = $3,514) 或以上金額，否則就當拖欠戶口（Delinquent）。

假設你還$50,000，而10日後你再提取$20,000，到第二個月尾你月結單顯示嘅總結欠應該係

原結欠$100,411 – 還款$50,000 + 提款$20,000 = $70,411*

加

利息 ($100,411-$50,000) x 5% x 10 / 365 + ($100,411-$50,000+$20,000) x 5% x 20 / 365 = $262*

= $70,673*

如此類推。

另外，循環貸款又可大致細分為兩類：具有支票服務嘅透支戶口(overdraft account)同以提款卡形式推出嘅備用現金卡(standby cash card)。

可能你會問，如果唔提取信貸額，係咪唔使收息? 恭喜你突破盲腸了！ 無錯，的確係唔使收息㗎。 如果你唔等錢使，純粹想有個備用戶口，申請循環貸款以備不時之需係一個幾精明嘅理財安排。不過，有兩點大家需要留意返嘅，就係年費 （annual fee） / 提款手續費（withdrawal fee） 同埋有無 強制提款機制（forced drawdown policy）嘞。

循環貸款適合邊種人？

寫咗咁耐，咁究竟咩人需要呢種貸款呢? 主要係一d有週期性短期資金需要嘅人，例如係中小企老闆作資金週轉 （特別適合透支戶口）或者長期買賣嘅活躍投資者（特別適合備用現金卡）。畢竟循環貸款係比較複雜嘅產品，需要掌握時機同有自律性，如果初次貸款都建議先試下定額定期嘅分期貸款先。

好喇，今次分享住咁多先，希望幫到你地。下次我會同大家一齊比較下各大銀行/金融機構，例如匯豐及星展嘅循環貸款，等你地可以比較返、揀到啱！

如果對呢篇文章內容有任何疑問，請留言俾我地，另外如果大家對於任何理財產品嘅題目有興趣，想我寫下嘅話，都可以留言比我。

*各銀行的電腦結算系統略有不同，計算結果亦因約數方法有異而有所不同，建議有興趣的朋友向銀行直接查詢。

Rachel Lam
林慧中
MoneyHero.com.hk 營運總監

立即上MoneyHero免費比較平台，比較全港各大銀行的循環貸款產品！

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【理財絮語】借貸小知識：乜嘢係循環貸款？ appeared first on 理財資訊.

迎新30,000里數、海外簽賬高達3.6%回贈、免費用機場貴賓室……近年信用卡優惠愈出愈豐富，但如果你年薪冇番咁上下，呢類尊尚卡往往都好難申請得到。不過，好用嘅信用卡並唔係高薪一族嘅專利，市面上仍有唔少信用卡年薪要求唔高之餘，仲有豐富嘅迎新禮遇同優惠獎賞架！MoneyHero.com.hk為大家精選咗以下7張低門檻而獎賞高嘅信用卡，無論你係低薪打工仔、Fresh Grad 定係學生哥都可以考慮申請番張！

1）Wewa 普通卡

最低年薪要求：$60,000

迎新優惠：

• 戲飛8張；或
• $500現金回贈；或
• 高達HK$90,000免息免手續費現金分期套現計劃
  （推廣期：2016年10月8日至2017年3月31日）

產品特點：

• 旅遊/ 戲院/ 卡拉OK/ 主題公園商戶類別：現金回贈4% （每消費$250回贈$10）
• 其他商戶類別消費：現金回贈0.40% / （每消費$250回贈$1）
• 單一簽賬滿$400或以上，就可以喺WeWa Card手機app 玩一次「一Shake 即中」大抽獎，人人100%必中獎，獎品價值由$20起，包括商戶現金券、電影換票證同單一簽賬免找數優惠。（推廣期：2017年1月1日至2017年3月31日）

Wewa 普通卡年薪6萬蚊就申請到，而且喺推廣期內，旅行、睇戲、唱K同去主題樂園玩都有高達4%回贈，即係使$1,000就賺$40，平時拍拖或者同朋友出街玩用佢就最啱喇！

而家經網上申請仲有額外迎新禮品添：由即日起至2017年4月30日，透過MoneyHero.com.hk申請WeWa Card即送你3張$50 UA電影禮券，仲可以額外享$200現金回贈添 （冇任何簽賬要求，$200現金回贈開卡首月即入落新卡戶口 ）！

相關閱讀：真·著數？現金回贈信用卡大剖析

2）AEON JAL 萬事達卡

最低年薪要求：$48,000

迎新優惠：

• AEON Stores 2% 簽賬回贈
• 5,000日航里數（首60天簽賬滿$12,000）
  （推廣期：2017年3月16日至6月30日）

產品特點：

• 於本地食肆及日本海外簽賬$6=1日航里數，其他類別$8=1日航里數
• 附有日航飛行儲蓄計劃會籍同AEON MEMBER CARD會籍，尊享指定機票、旅遊套票、海外購物折扣同AEON Stores精選優惠。
• 發卡後每年累積簽賬滿$150,000，可免費享用日航香港國際機場貴賓室服務1次(但一定要揀乘搭香港出發嘅日航營運航班)。

AEON JAL 萬事達卡年薪要求只係$48,000，仲返緊兼職嘅大學生都可以申請，睇返啲優惠都唔比大行信用卡輸蝕，譬如日本海外簽賬每洗$6就賺1日航里數，而日航里數本身嗰玩法只要儲夠20,000里數就可以兌換香港至日本來回經濟日航機票，如果你係長期搭日航機過日本shopping，咁用呢張卡賺里數就快人好多。

3） Citi Rewards 信用卡

最低年薪要求：$60,000

迎新優惠：

• 高達$1,200惠康現金券；或
• $990換領Dyson V6 Baby + Child手提式無線吸塵機（參考售價: $2,680）；或
• American Tourister Bon Air 75厘米四輪行李箱黑色（參考售價: $1,659）

產品特點：

Citi Rewards卡最啱嘅就係成日去超市同百貨公司shopping 嘅人，全年喺本地超市、百貨公司同電訊公司簽賬（用自動轉賬交電話費都有架！），即有5X積分唔駛登記，生日更有高達9倍積分添！最方便係唔駛特登登記，日日都適用，而且積分永久生效，所以你可以隨時兌換獎賞，而且仲可以低至7折積分兌換多間商戶嘅禮券，例如鴻福堂、惠康、Häagen-Dazs同Starbucks。

由即日起至2017年6月30日，透過MoneyHero.com.hk申請Citi Rewards 卡仲送你額外$100超市現金券！

4）DBS COMPASS VISA大專生信用卡

最低年薪要求：無

迎新優惠：

• Apple Pay高達$300 COMPASS Dollar回贈；或
• 德國寶桑拿蒸氣料理鍋 [型號: JET-118]（參考售價: HK$1,680）；或
• 高達$600 COMPASS Dollar回贈；或
• 高達6張MCL電影禮券；或
• 高達20%「八達通自動增值」服務回贈
  （推廣期：由即日起至2017年5月31日）

產品特點：

• 於本地指定商戶簽賬可賺2.5倍COMPASS Dollar（相等於1%回贈），即簽即賺，永久有效
• 成功登記後於淘寶網®平台同天貓購物，可賺3% COMPASS Dollar回贈！（推廣期：2017年1月1日至 12月31日）
• 每月5,15同25日到屈臣氏單一簽賬滿$500即享92折優惠（推廣期：2017年5月31日至12月25日 ）
• 每月2,12同22日到百佳單一簽賬滿$100即享92折優惠（推廣期：2017年1月2日至2017年12月22日）

DBS COMPASS VISA信用卡冇最低年薪要求，所以一般大專生都申請到。呢張卡嘅迎新禮品同其他卡比算係款式相當多，不過最大賣點係喺本地指定商戶或者網購平台簽賬有1%-3%COMPASS Dollar回贈。如果你成日喺百佳及旗下超市、豐澤、百老匯院線、AMC同屈臣氏等商戶消費，又或者鍾意上淘寶同天貓網購嘅話，咁呢張卡就好適合你喇！

5） Citi Clear Card

最低年薪要求：$60,000

迎新優惠：

• 高達8張戲票(總值$800)；或
• American Tourister Bon Air 75厘米四輪行李箱黑色（參考售價: $1,659）；或
• 以$990換領Dyson V6 Baby + Child手提式無線吸塵機（參考售價: $2,680）

產品特點：

• 網上簽賬享高達2%現金回贈
• 無需登記，現金回贈自動抵銷簽賬
• 免費美國、英國網上代購及指定國家轉運服務低至8折
• 電影戲票買1送1及娛樂盛事優先訂票

用Citi Clear Card作網上簽賬可享高達2%現金回贈，仲可以享指定網購服務商嘅免費代購同集運服務，運費亦有低至7折優惠，啱晒鍾意網購嘅人。呢張卡嘅優惠仲有：Cinema City朗豪坊/Citi Studio 4DX電影戲票9折、周五至日3D及2D電影戲票買1送1同埋3D及2D電影戲票9折，用佢來買戲飛都可以慳唔少。

由即日起至2017年6月30日，透過MoneyHero.com.hk申請Citi Clear 卡 仲送你額外$100超市現金券！

6） 渣打銀聯雙幣白金信用卡

最低年薪要求：$96,000

迎新優惠：

• 德國寶可摺疊式高速電蒸鍋 （參考售價: $1,480） + $100惠康禮券；或
• 6張The Grand電影禮券 + $100惠康禮券；或
• $800購物禮券
  （推廣期：2017年3月1日至5月31日）

產品特點：

• 海外消費2倍積分(相等於HK$7.5/里)，免外幣手續交易費用
• 八達通自動增值2倍積分

渣打銀聯雙幣白金信用卡雖然最低年薪要求比以上嘅卡高少少，但喺海外簽賬有2倍「360°全面賞」積分，而且銀聯卡喺海外簽賬唔收手續費，喺海外指定商戶都有優惠，變相可以慳番唔少手續費同匯率支出。另外比較特別嘅係呢張卡用嚟做八達通增值會有2倍積分，即係約$7.8一里，或者0.8%現金回贈，算係相當划算。

延伸閱讀：嚴選八達通自動增值最佳信用卡

7） 匯豐匯財金卡

最低年薪要求：$60,000

迎新優惠：

• 成功於網上申請指定匯豐信用卡，頭6個月憑卡所作合資格網上、海外同飲食簽賬就可享額外10X「獎賞錢」作迎新禮遇，最高為$400「獎賞錢」；或
• 高達$400百佳超市現金券
  （推廣期：即日起至2017年5月21日）

產品特點：

• 透過登記「最紅自主獎賞」計劃，可自由分配額外「獎賞錢」於喜愛的簽賬類別以賺取高達6X「獎賞錢」
• 「最紅網上及海外簽賬獎賞」：憑卡所作之合資格網上及海外簽賬可享額外5X「獎賞錢」，最多於兩個階段享高達$600「獎賞錢」，而每階段最高可獲享之額外「獎賞錢」總共為$300（推廣期：即日起至2017年12月31日）

匯豐呢個「獎賞錢」計劃不嬲著數，只要登記咗「最紅自主獎賞」計劃，就可以自由分配額外「獎賞錢」到你想揀嘅簽賬類別（如賺取高達6倍「獎賞錢」。

而家匯豐再加推「最紅網上及海外簽賬」獎賞，只要於網上成功登記，你憑匯豐卡所作嘅合資格網上同海外簽賬就可以賺多額外5X「獎賞錢」。如果你本身已經登記咗「最紅自主獎賞」，又將額外5倍「獎賞錢」分配到「賞中華」或「賞世界」類別，咁你就可以喺海外簽賬賺到高達11倍「獎賞錢」㗎喇！如果連同迎新$400「獎賞錢」計算，你可以賺成$1,000「獎賞錢」！

按此了解更多有關匯豐銀行的產品詳情及最新資訊。

我哋搜羅全港21間銀行信用卡的最新優惠及資訊，比較不同信用卡嘅迎新禮品、現金回贈和飛行里數等優惠奬賞。想了解更多信用卡產品資訊？立即上我哋嘅信用卡比較平台了解更多！

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【不怕低薪】7大低門檻 獎賞多信用卡 appeared first on 理財資訊.

先前一篇嘅股票投資新手攻略討論過，好多人股票投資（同手續費、存倉費、乜費物費）嘅第一次就俾咗某幾間細細個用到大嘅銀行。

揀「大銀行」，除左年紀輕唔知掟之外，好大嘅一個原因就係「貪穩陣」、「怕麻煩」。

要轉倉要開戶，轉去邊度好呢。精明醒目搵得到嚟MoneyHero.com.hk睇到呢篇文嘅你，都唔係豬得去邊，相信都好明白，銀行、 證券行 嘅大部份「免佣免乜免物」優惠，好大部份時間都唔係俾你同我呢啲得果雞碎咁多嘅小薯，而係Target俾多過我同你身家加埋多多聲嘅VIP睇嘅。

又要研究又上網睇又要問人咁，睇章程細則，上網搵啲搵唔到嘅表格、打去熱線問、落分行排隊、影印身份證、填表寄表，睇到都煩，何況去真係做？問著長輩？都唔排除有伏喎！長輩分分鐘係VIP大戶，乜都有得免，細姪你要就要俾雙倍喇！

於是「貪穩陣」啦，「大銀行」喎，點都唔會死嘅。

出名懶嘅肥叔叔當年都係咁，但係，當你發現「貪穩陣」、「怕麻煩」嘅代價越嚟越大、佣金同雜費越俾越多嘅時候，就要好好咁諗下，「麻煩」地去蝕少少時間好，定係個個月真金白銀去「為銀行管理層份花紅服務」好呢？

其實，好多時證券行除左佣金收費都會比銀行低之外，手續費同收費都同銀行好唔同，當然，好睇係邊一間銀行、你嘅資產市值、同投資策略（齋擺都當係策略㗎！）啦。新手唔去證券行開戶，當然離唔開「貪穩陣」、「怕麻煩」啦。

「穩唔穩陣」之謎

香港股票市場係設有(投資者賠償基金)嘅，賠償上限係15萬，不論係銀行定係證券行，只要佢本身有證監會或者交易所嘅有效牌照，萬一真係有衫長褲短，都有投資者賠償基金頂住，所以本金唔多嘅新手，唔駛超級擔心。

開戶前，除左證券行佣金收費必定留意之外，都不妨睇睇佢個係乜嘢牌。過往出過事嘅證券行，好多時都只係俗稱「艇仔」或者「駁腳經紀」嘅中介人，要靠用其他有牌（正確名稱係「香港交易所參與者」）嘅證券行代為交易。要查詢牌照資料嘅話，就可以去返 證監會嘅相關網頁度喇。

好多時，其實大家亦可以考慮善用轉倉方式，定期將「覺得好似無咁穩陣」戶口嘅貨，轉去「覺得好似穩陣啲」嘅戶口（例如大行、銀行）度求個安心。證券行或者銀行手續大致一樣，但係都有唔同做法、收費同所需時間，轉入多數都唔收費，轉出就唔同喇，由幾十至幾百不等，所以呢樣都要注意。計算清楚加上配搭得宜嘅話，年中其實可以通過呢種方式，慳到錢得嚟又「自覺穩陣」！

所有嘢最麻煩嘅，就係去搵資料，咁大個internet，你嚟到呢一篇文章度，即係你內心深處已經開始「脫麻煩」嘅第一步喇。

*賬戶持有非香港市場證券者必須支付戶口年費。

^盈透證券開戶時最低資產值為港幣$78,000或10,000美元等值。最低交易佣金為港幣$78或10美元。

銀行嘅收費可以參考上一篇新手入門

*大部份銀行同證券行都唔將轉倉表格放響網上俾人自由下載，你可能要打電話或者email去叫銀行同證券行嘅客服Email甚至Fax俾你，填完簽好名交返去、Fax返去或者貼郵票寄返去。部份大銀行甚至先進到一定要你個人親身行落去分行排隊同填表。

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 股票投資新手攻略：證券行初階 appeared first on 理財資訊.

一百個人，可以有一百種旅行方式。有人會選擇跟旅行團乜都唔駛煩，有人會冒險式完全無Plan自由行。有人想識朋友，有人想睇景點，有人想扮Local……對自己難得嘅旅行有要求嘅你，有無試過想自訂行程，卻發現要訂門票搵交通，花嘅時間仲多到你想過到去先再算？其實花咗咁多錢去旅行，不如搵個好啲嘅Local Tour網站，等你嘅旅行可以更豐富有趣啦！

本地薑衝出國際！自助遊網站：Klook

如果你鍾意嘅係自助遊，港產網站Klook就幫到你。啱啱拎到Sequoia Capital 3,000萬美元嘅B輪融資，Klook有足夠實力同唔同國家嘅景點、特色活動爭取一個更好嘅價錢。暫時Klook提供全球80多個熱門旅遊點嘅門票及特色活動預訂，適合鍾意自由活動或自訂行程嘅高階旅行人士，係網站搵到平價門票同一日嘅亮點，然後自己規劃行程。值得一讚嘅係活動內嘅用家留言真實豐富，對自助遊旅客黎講係一大賣點，唔買都可以上佢地個網睇下留言！

網址：www.klook.com

＿＿＿＿＿＿＿＿＿＿＿＿＿＿＿＿

介面最易用！kkday

定位與Klook類近，kkday可以算係介面最好用嘅Local Tour網站，價錢、旅程重點清晰，現場圖片算多，係全球53個國家，174個城巿，共有約6,000個行程。網站嘅用戶真實留言都算多，一般反映網站嘅客戶服務做得唔錯，並唔係賣完飛畀你就無跟進。

網址：www.kkday.com

＿＿＿＿＿＿＿＿＿＿＿＿＿＿＿＿

最貼地：Tours By LOCALS

由當地人帶你周圍玩嘅Local Tour網站，你可以選擇唔同日數嘅Local Tour，或者索性直接與當地伴遊製訂行程。在全球158個國家，有近2,000個伴遊可供選擇。伴遊全部都經過網站兩輪電話考核，做過一定嘅Background Check，比較可以信任。

網站嘅版面清晰，重要資訊都齊備，Tour嘅類型一般就比較合家歡，以睇景點為主。美中不足係雖然有伴遊評分系統，不過有評分者幾乎全部都係滿分，無乜參考作用。Tour部分介面比伴遊介面好用得多（要搵特定地方嘅伴遊，竟然要係個世界地圖入面自己搵spot，天啊！），所以網站設計都鼓勵你先選擇行程。

網址：https://www.toursbylocals.com/

＿＿＿＿＿＿＿＿＿＿＿＿＿＿＿＿

歐洲行必備：Viator

揀Local Tour網站，當然要搵返與目的地關係緊密嘅網站，行程先至會最貼地。如果你嘅目的地係歐洲，Viator會係你較好嘅選擇。Local Tour嘅選擇主力集中係歐洲，成立逾十七年嘅Viator係歐洲多地都有良好嘅脈絡。唔單止有最低價保證，全天候真人熱線支援，更特別嘅係佢地提供VIP服務，保證你去到歐洲唔同景點都唔使排隊，有更多時間享受你寶貴嘅旅遊時刻。

用戶評分都算多，不過大部份都係讚好，參考價值就一般。

網址：www.viator.com

以上4個網站均可接受Visa/MasterCard線上付款，各位可以揀張網上購物信用卡俾錢，尊享額外網購回贈！（立即比較網上網物信用卡）

延伸閱讀：【旅遊好幫手】你不可不知的 VISA卡 尊貴服務

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 去旅遊，更自由！比較4大Local Tour預訂網站 appeared first on 理財資訊.

「賺到錢就買返兩手大銀行收下息啦！」，買股、長放、收 股息 ，係多年以嚟好多香港人嘅理財部署。呢類型嘅投資者，會叫做收益類投資者(income investor)。收益類投資方式比較被動，買多過賣，股票都係靜靜咁放響股票戶口度，所以如果選擇收益類投資方式嘅話，證券行或者銀行嘅託管費、戶口手續費嘅收費條件就要留意喇，肥叔叔之前嘅兩篇係MoneyHero.com.hk呢度分別講 銀行戶口收費同 證券行戶口收費 嘅文章，都有介紹過相關嘅資料。

所謂 股息 (dividends)，就係股票嘅果間公司，將每年／季賺到嘅真金白銀派返俾股東，只要你持有一股，無論係一紙證書，定係經中央結算所、經紀或者銀行電子結算系統入面顯示嘅一個數字；無論你係有一股咁大把，或者係老闆級大股東，有息派嘅企業都要向你發放指定嘅股息。下面介紹下幾個派股息相關嘅細節。

除淨日、截止過戶日、派送日

首先係除淨日(Ex-dividend dates)，即係上市公司正式按將股東名單上面嘅名同持股量去計究竟要派幾多錢俾邊個嘅日子。如果除淨日係寫4月1號，咁買賣就要響3月31號前完成，否則就無份收息㗎喇！而到咗除淨日，你賺買嘅股票都會減去股息嘅價值。

而一般截止過戶日，都係出現係除淨日兩天之後，因為香港股巿係行「T+2」嘅交收制度，不過一般小股東，其實留意返除淨日就OK。

至於派送日，即係股息正式過戶畀你嘅日子，要留意嘅係，股息唔一定係現金，亦有可能以其他方式派發，依點我哋接下來會再講。

派息比率 Dividend payout ratio

每股派息金額／每股盈利 × 100%

唔同企業，有唔同嘅派息政策，每次派息多少未必直接同公司當前嘅經營、或者業務前景有直接關係。另一方面，有啲股票，例如係房地產信托類(REIT / Real Estate Investment Trust)嘅股票，就要將每股除稅後盈利嘅最少九成派俾股東。

股息率 Dividend yield

過去12個月每股派息金額／股價 × 100%

股息率會俾當前嘅股價影響，所以參考時要睇埋其他因素，好似公司業務前景、甚至整個行業，唔好單單咁睇個百分比高就覺得買得過！

派息金額 Cash dividend

派息金額，就即係派幾多真錢喇！香港市場上絕大部份都係本地公司，以港幣做結算，派息會用港幣(好多時會係每股幾多仙)做單位。但係如果係內地企業用人民幣結算，派息時就會用人民幣，可能入咗你個嘅人民幣戶口度。如果係HDR。做法會視乎證券行或者係銀行處理嘅方式。

以股代息 Stock dividend

有時，有啲公司會用以股代息嘅方式，派貨唔派錢，響公佈派息時，有呢種選項嘅企業會同時訂一個以股代息股價，咁當派息時，股東可以係唔駛俾經紀費、印花稅同其他交易成本嘅情況下，用派出嚟嘅錢即時換做股票，餘數就拎返現金。

股息稅 Dividend tax

香港本地上市公司派息，股東收息時係無股息稅嘅。不過，各處鄉村各處例，下面就有簡單講解香港上市非本地公司派息稅率。

手續費

對新手、小股東嚟講，派息嘅手續費先係魔鬼！

費用多少視乎係銀行或者係證券行喇。如果係普通買賣正股、碎股嘅話，收股息嘅手續費可以由唔駛錢、定額、到最常見嘅百分比加最低消費都有。手續費資料可以參考先前 銀行戶口收費同 證券行戶口收費 嘅文章，通常如果派息派出嚟嘅錢少過證券行或者銀行嘅最低消費時，筆錢咁會就一次過俾佢哋扣晒，唯一好彩嘅，係唔駛補埋個手續費差額俾埋佢哋。

另外，有啲證券行同銀行係會響除淨日額外收返結算費，盛惠港幣$1.5，不過呢個半就唔係間間都會收。

派息次數 Dividend frequency

香港除咗極少數大銀行股可以做到一年四季每季有息派之外，大部份有派息嘅上市公司都會一年兩次或者一年一次。對小股民嚟講，派息次數多寡最會影響到嘅就係手續費喇！因為派息派多次，手續費就俾人收多次。想收息為主嘅小投資者就要計清楚喇！

小結

簡單嚟講，雖然被動嘅收益類投資唔駛下下長時間望住個市，儲下儲下就有息收，好似唔駛點理咁。但係投資永遠都涉及風險，股票價格、派息金額會升會跌。而股票存放嘅戶口收費、稅率等等亦都會對收到嘅股息有多少影響。所以投資前點都要做少少功課。如果你有作收益類投資嘅打算嘅話，以上嘅基本資料就要好好注意喇。

延伸閱讀：股票投資新手攻略：證券行初階

延伸閱讀：股票投資新手攻略：港股之入門

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 股票投資新手攻略：賺盡 股息 ，你識唔識？ appeared first on 理財資訊.

IQ題：要養大一個BB，先決條件係乜？

係喇，答案就係，首先要生個B出嚟（迷之聲：冷笑…….）。但認真咁講，你會唔會因為以為喺私家醫院生產好貴，所以選擇係公共醫院分娩？唔係話公共醫院唔好，但如果負擔得到，其實可以諗下私家醫院，畢竟生兒育女都係大件事，大家都係想要多啲保障嘛。

MoneyHero.com.hk就幫大家格足價，睇下各大私家醫院嘅收費同服務，等大家可以有個預算！

提提大家，以下嘅收費，係香港本地居民嘅價錢，僅供參考，收費全部都唔包醫生費，亦會因為你嘅緊急程度、選用嘅醫生及麻醉師、分娩方法或媽媽嘅狀況而有所浮動。

明星效應：養和醫院

平均水準高，加上明星效應，令到養和成為香港一間比較難Book嘅產科醫院，事實上養和嘅服務又係OK嘅，如果係自然分娩，套式收費就係$19,200（普通房）、$28,200（半私家房）、$38,200（私家房）。

而如果你選擇剖腹，5日4夜嘅套式收費係$24,800（普通房）、$36,200（半私家房）、$55,200（私家房），如果選擇公眾假期、周日或擇時辰引產，則要加收＄3,600至＄7,200不等。如果你係緊急剖腹分娩，就要視乎你入住嘅病房，加$6,000至$12,000。另外，如果你懷有多胞胎就要留意，由第二名嬰兒起每位要加收35%的套式收費。

一般來說，你入住普通房，選擇剖腹，大概需要10萬元開支。

收費詳情

＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿

酒店格局：明德醫院

明德醫院嘅風評好好，大家主要Focus喺佢哋嘅貴族級會所，環境食物都一流，而因為明德好支持餵人奶，對餵人奶嘅媽媽都有多啲支援。不過舒服還舒服，要留意嘅係，明德醫院交通上只有一條路上，交通比較麻煩，喺緊急情況下，就算你被送去瑪麗醫院先，要轉去明德都要一段時間。

收費方面，5日4夜剖腹分娩套式收費為＄30,500（標準房）、＄41,500（雙人房）、＄60,500（私家房），而擇時辰或公眾假期嘅收費則為＄53,000、＄75,000及＄94,000。3晚自然分娩套式收費為$26,000（標準房）、$34,000（雙人房）、$52,000（私家房）。一般來說，係明德剖腹生B，開支都要10萬元以上。

收費詳情

＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿

最方便：聖保祿醫院

位於銅鑼灣嘅聖保祿醫院，因為位於鬧市，所以係好多港島人嘅選擇。聖保祿4日3夜自然分娩套式收費係$16,000（普通房）、$24,000（半私家房）、$36,000（私家房）。5日4夜剖腹套式收費$18,000（普通房）、$26,000（半私家房）、$36,000（私家房），而擇時辰附加費則由＄6,800至＄51,700不等，所有價錢都係未包所有醫生費用。另外要俾住院按金$10,000，無痛分娩就要加$4,500至$6,500不等。

一般來說，係聖保祿醫院普通房剖腹產子開支約7萬元。

收費詳情

＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿

最多選擇：聖德肋撒醫院（法國醫院）

法國醫院喺私家醫院嚟講，都算豐儉由人，佢嘅床位選擇比較多，由8人房到優質私家房都有，4日3夜嚟講，住院日數由生產日開始計算，自然分娩套式費用由$14,800到$35,800，剖腹就由$16,800到$39,800，都係唔包醫生費。如果你選擇住5人房剖腹產子，全費大約為5萬元。

收費詳情

＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿

Sell膳食：仁安醫院

自然分娩4日3夜住院，套式收費為$20,000（標準房）、$22,000（雙人房）、$35,000（私家房，不包括房租）；剖腹分娩5日4夜住院，套式收費為$24,500（標準房）、$28,300（雙人房）、$43,000（私家房，不包括房租）。但膳食套餐就要額外收費，由$850至$2,100不等。點解要特別提及膳食呢？原來仁安醫院嘅膳食，係由美麗華酒店主理！媽媽如果對食物特別有要求，可以考慮下仁安醫院喇！如果選擇標準房剖腹產子，全費約7萬元。

收費詳情

＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿

半山方便之選：嘉諾撒醫院

如果你想喺半山生B，但又驚唔方便，嘉諾撒係一個比較好嘅選擇。雖然位處半山，但交通相對方便，遇到緊急情況都冇咁易出差錯，安全系數比較高！喺嘉諾撒，你可以選擇住院天數，房間亦有6人到私家套房，4日3夜自然分娩套式收費由$20,900到$76,890，而5日4夜預約剖腹套式收費就由$26,620到$98,010。如果你係住3人房，預約剖腹嘅總開支大約9萬元左右啦。

收費詳情

＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿

喺私家醫院生B原來要咁多錢？有無諗住買一份有產科保障嘅醫療保險，減輕開支呢？更多醫療保險資訊，可即上我們的比較平台。

住院大拿拿都要使10萬，梗係要用信用卡簽帳啦！即刻上我哋比較平台，揀一張最適合你的儲積分信用卡。

——

延伸閱讀：【阿信與阿諾的Cafe Chat】3：從15日到18歲的承諾

延伸閱讀：居安思危：5項隨時讓你措手不及的 緊急開支

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 比較香港6大私家 產科 醫院！（2017年4月6日更新） appeared first on 理財資訊.